The Glory of the Dvadashi Vow and Related Observances

Verse 1 (skanda.7.486.1)

श्रीप्रह्लाद उवाच । जया च विजया चैव जयंती पापनाशिनी । उन्मीलिनी वंजुली च त्रिस्पृशा पक्षवर्द्धिनी ॥ १ ॥

śrīprahlāda uvāca | jayā ca vijayā caiva jayaṁtī pāpanāśinī | unmīlinī vaṁjulī ca trispṛśā pakṣavarddhinī || 1 ||

Shri Prahlada said: Jaya, and Vijaya, and the sin-destroying Jayanti, Unmilini, Vanjuli, the triple-touching one, and the fortnight-extending one —

Verse 2 (skanda.7.486.2)

पुण्यं सर्वपुराणानां ते लभंते दिनेदिने । पक्वान्नं ये प्रकुर्वंति हविर्द्धान्यसमुद्भवम् ॥ २ ॥

puṇyaṁ sarvapurāṇānāṁ te labhaṁte dinedine | pakvānnaṁ ye prakurvaṁti havirddhānyasamudbhavam || 2 ||

Those who, on these tithis, prepare cooked food born of oblation-grains obtain daily the merit of all the Puranas.

Verse 3 (skanda.7.486.3)

जागरे पद्मनाभस्य घृतेनैव सुपाचितम् । वर्तिद्वयसमायुक्तं दीपं घृतसमन्वितम् ॥ ३ ॥

jāgare padmanābhasya ghṛtenaiva supācitam | vartidvayasamāyuktaṁ dīpaṁ ghṛtasamanvitam || 3 ||

In the vigil of Padmanabha, food well-cooked in ghee alone, and a ghee-filled lamp fitted with two wicks should be offered.

Verse 4 (skanda.7.486.4)

यः कुर्य्याज्जागरे विष्णोः शालिग्रामशिलाग्रतः । शालग्रामशिलाग्रे तु ये प्रकुर्वंति जागरम् ॥ ४ ॥

yaḥ kuryājjāgare viṣṇoḥ śāligrāmaśilāgrataḥ | śālagrāmaśilāgre tu ye prakurvaṁti jāgaram || 4 ||

He who performs Vishnu's vigil before the Shaligrama stone — those who keep vigil before the Shaligrama stone,

Verse 5 (skanda.7.486.5)

कुर्वंति नृत्यवाद्ये च लोकानां रंजनाय च । संछादयंति कुसुमैः शालिग्रामशिलां च ये ॥ ५ ॥

kurvaṁti nṛtyavādye ca lokānāṁ raṁjanāya ca | saṁchādayaṁti kusumaiḥ śāligrāmaśilāṁ ca ye || 5 ||

Who perform dance and music for the delight of the people, and who cover the Shaligrama stone with flowers,

Verse 6 (skanda.7.486.6)

चक्रांकितां विशेषेण प्रतिमां वैष्णवीं द्विजाः । चंदनं च सकर्पूरं कृष्णागुरुसमन्वितम् ॥ ६ ॥

cakrāṁkitāṁ viśeṣeṇa pratimāṁ vaiṣṇavīṁ dvijāḥ | caṁdanaṁ ca sakarpūraṁ kṛṣṇāgurusamanvitam || 6 ||

O brahmins, especially the discus-marked Vaishnavi image — with sandal-paste mixed with camphor and black aloewood,

Verse 7 (skanda.7.486.7)

युक्तं मृगमदेनापि यः करोति विलेपनम् । द्वादश्यां देवदेवस्य रात्रौ जागरणे सदा ॥ ७ ॥

yuktaṁ mṛgamadenāpi yaḥ karoti vilepanam | dvādaśyāṁ devadevasya rātrau jāgaraṇe sadā || 7 ||

And with musk added, whoever always applies this unguent during the night-vigil of the God of gods on the Dvadashi,

Verse 8 (skanda.7.486.8)

तस्य पुण्यं प्रवक्ष्यामि संक्षेपेण च वोऽग्रतः । तत्फलं कोटितीर्थे तु उज्जयिन्यां महालये ॥ ८ ॥

tasya puṇyaṁ pravakṣyāmi saṁkṣepeṇa ca vo'grataḥ | tatphalaṁ koṭitīrthe tu ujjayinyāṁ mahālaye || 8 ||

I shall tell you his merit briefly — that fruit is like the fruit obtained at Koti-tirtha, at the great temple of Ujjayini,

Verse 9 (skanda.7.486.9)

वाराणस्यां कुरुक्षेत्रे मथुरायां त्रिपुष्करे । अयोध्यायां प्रयागे च तीर्थे सागरसंगमे ॥ ९ ॥

vārāṇasyāṁ kurukṣetre mathurāyāṁ tripuṣkare | ayodhyāyāṁ prayāge ca tīrthe sāgarasaṁgame || 9 ||

At Varanasi, Kurukshetra, Mathura, Tripushkara, Ayodhya, Prayaga, and the ford at the ocean's confluence,

Verse 10 (skanda.7.486.10)

सर्वपुण्येषु तीर्थेषु देवतायतनेषु च । कृतैर्यज्ञायुतैस्तत्र व्रतदानैश्च पुष्कलैः ॥ १० ॥

sarvapuṇyeṣu tīrtheṣu devatāyataneṣu ca | kṛtairyajñāyutaistatra vratadānaiśca puṣkalaiḥ || 10 ||

In all the sacred fords and in the abodes of the deities, through ten thousand sacrifices performed there and abundant vows and gifts,

Verse 11 (skanda.7.486.11)

वेदैरधीतैर्यत्पुण्यं पुराणैश्चावगाहितैः । तपोभिश्चरितैः पुण्यं सम्यगाश्रम पालनैः ॥ ११ ॥

vedairadhītairyatpuṇyaṁ purāṇaiścāvagāhitaiḥ | tapobhiścaritaiḥ puṇyaṁ samyagāśramapālanaiḥ || 11 ||

Whatever merit comes from studying the Vedas, from immersing oneself in the Puranas, from practicing austerities, and from properly observing the duties of one's stage of life,

Verse 12 (skanda.7.486.12)

यत्फलं मुनिभिः प्रोक्तं वेदव्यासेन पुत्रक । तत्फलं जागरे विष्णोः पक्षयोः शुक्लकृष्णयोः ॥ १२ ॥

yatphalaṁ munibhiḥ proktaṁ vedavyāsena putraka | tatphalaṁ jāgare viṣṇoḥ pakṣayoḥ śuklakṛṣṇayoḥ || 12 ||

O son, whatever fruit has been declared by the sages and by Vedavyasa — that same fruit is obtained from Vishnu's vigil in both the bright and dark fortnights.

Verse 13 (skanda.7.486.13)

हैमवत्यै पुरा प्रोक्तं कैलासे शूलपाणिना । नारदाय पुरा प्रोक्तं ब्रह्मणा मत्समीपतः ॥ १३ ॥

haimavatyai purā proktaṁ kailāse śūlapāṇinā | nāradāya purā proktaṁ brahmaṇā matsamīpataḥ || 13 ||

This was declared of old by the trident-bearer on Kailasa to Haimavati (Parvati), and declared of old by Brahma, near me, to Narada.

Verse 14 (skanda.7.486.14)

अरुणेन वज्रहस्ताय कथितं पृच्छते पुरा । द्वादशीजागरस्योक्तं फलं विप्रा मया च वः । तत्कुरुध्वं द्विजा यूयं जागरं विष्णुवासरे ॥ १४ ॥

aruṇena vajrahastāya kathitaṁ pṛcchate purā | dvādaśījāgarasyoktaṁ phalaṁ viprā mayā ca vaḥ | tatkurudhvaṁ dvijā yūyaṁ jāgaraṁ viṣṇuvāsare || 14 ||

Of old, this was told by Aruna to Vajrahasta (Indra) when he questioned him. O brahmins, I too have told you all the fruit of the Dvadashi vigil. Therefore, O brahmins, all of you keep vigil on Vishnu's day.

Verse 15 (skanda.7.486.15)

सूत उवाच । इत्युक्त्वा ब्राह्मणान्प्राह बलिं पौत्रं स्वकं ततः । त्वमपि श्रद्धया पौत्र कुरु जागरणं हरेः ॥ १५ ॥

sūta uvāca | ityuktvā brāhmaṇānprāha baliṁ pautraṁ svakaṁ tataḥ | tvamapi śraddhayā pautra kuru jāgaraṇaṁ hareḥ || 15 ||

Suta said: Having said this to the brahmins, he then said to his own grandson Bali: O grandson, you too, with faith, keep the vigil of Hari.

Verse 16 (skanda.7.486.16)

द्वारका मनसा ध्याता पापं वर्षशतान्वितम् । कीर्तनाच्छतजन्मोत्थं दहते नात्र संशयः ॥ १६ ॥

dvārakā manasā dhyātā pāpaṁ varṣaśatānvitam | kīrtanācchatajanmotthaṁ dahate nātra saṁśayaḥ || 16 ||

By meditating on Dvaraka in the mind, sin of a hundred years is destroyed; by chanting of it, sin arising from a hundred births is burnt away, without doubt.

Verse 17 (skanda.7.486.17)

पापं जन्मसहस्रोत्थं पदमात्रेण गच्छताम् । द्वारका हरते नूनं मुक्तिः कृष्णस्य दर्शनात् ॥ १७ ॥

pāpaṁ janmasahasrotthaṁ padamātreṇa gacchatām | dvārakā harate nūnaṁ muktiḥ kṛṣṇasya darśanāt || 17 ||

For those who set out on the way, Dvaraka certainly removes sin arising from a thousand births by a mere step, and liberation comes from the sight of Krishna.

Verse 18 (skanda.7.486.18)

न शक्नोति यदा गंतुं द्वारकां चैव मानवः । माहात्म्यं पठनीयं तु द्वारकासंभवं गृहे ॥ १८ ॥

na śaknoti yadā gaṁtuṁ dvārakāṁ caiva mānavaḥ | māhātmyaṁ paṭhanīyaṁ tu dvārakāsaṁbhavaṁ gṛhe || 18 ||

When a man is unable to go to Dvaraka, he should recite at home the glory born of Dvaraka.

Verse 19 (skanda.7.486.19)

दातव्यं वैष्णवानां तु श्रोतव्यं भक्तिभावतः । द्वादश्यां च विशेषेण पठनीयं तु जागरे ॥ १९ ॥

dātavyaṁ vaiṣṇavānāṁ tu śrotavyaṁ bhaktibhāvataḥ | dvādaśyāṁ ca viśeṣeṇa paṭhanīyaṁ tu jāgare || 19 ||

It should be given to Vaishnavas, heard with devotion, and especially recited during the vigil on the Dvadashi.

Verse 20 (skanda.7.486.20)

द्वारका संभवं पुण्यं स संप्राप्नोति मानवः । प्रसादाद्वासुदेवस्य सत्यंसत्यं च भाषितम् ॥ २० ॥

dvārakāsaṁbhavaṁ puṇyaṁ sa saṁprāpnoti mānavaḥ | prasādādvāsudevasya satyaṁsatyaṁ ca bhāṣitam || 20 ||

That man obtains, by the grace of Vasudeva, the merit born of Dvaraka — truly, truly, this is spoken.

Verse 21 (skanda.7.486.21)

गृहे संतिष्ठते नित्यं मथुरा द्वारका तथा । अवंती च तथा माया प्रयागं कुरुजांगलम् ॥ २१ ॥

gṛhe saṁtiṣṭhate nityaṁ mathurā dvārakā tathā | avaṁtī ca tathā māyā prayāgaṁ kurujāṁgalam || 21 ||

In his house dwell perpetually both Mathura and Dvaraka, and likewise Avanti, Maya, Prayaga and Kurujangala,

Verse 22 (skanda.7.486.22)

त्रिपुष्करं नैमिषं च गंगाद्वारं च सौकरम् । चंद्रेशं चैव केदारं तथा रुद्रमहालयम् ॥ २२ ॥

tripuṣkaraṁ naimiṣaṁ ca gaṁgādvāraṁ ca saukaram | caṁdreśaṁ caiva kedāraṁ tathā rudramahālayam || 22 ||

Tripushkara, Naimisha, Gangadvara, Saukara, Chandresha, Kedara, and Rudramahalaya as well,

Verse 23 (skanda.7.486.23)

वस्त्रापथं महादेवं महाकालं तथैव च । भूतेश्वरं भस्मगात्रं सोमनाथमुमापतिम् ॥ २३ ॥

vastrāpathaṁ mahādevaṁ mahākālaṁ tathaiva ca | bhūteśvaraṁ bhasmagātraṁ somanāthamumāpatim || 23 ||

Vastrapatha, Mahadeva, Mahakala, Bhuteshvara, Bhasmagatra, Somanatha, and Umapati as well,

Verse 24 (skanda.7.486.24)

कोटिलिंगं त्रिनेत्रं च देवं भृगुवनेचरम् । दीपेश्वरं महानादं देवं चैवाचलेश्वरम् ॥ २४ ॥

koṭiliṁgaṁ trinetraṁ ca devaṁ bhṛguvanecaram | dīpeśvaraṁ mahānādaṁ devaṁ caivācaleśvaram || 24 ||

Kotilinga, Trinetra, the god who dwells in Bhrigu's forest, Dipeshvara, Mahanada, and the god Achaleshvara as well — all these dwell forever in his house.

Verse 25 (skanda.7.486.25)

ब्रह्मादयः सुरगणा गृहे तिष्ठंति सर्वदा । पितरो नागगंधर्वा मुनयः सिद्धचारणाः ॥ २५ ॥

brahmādayaḥ suragaṇā gṛhe tiṣṭhaṁti sarvadā | pitaro nāgagaṁdharvā munayaḥ siddhacāraṇāḥ || 25 ||

Brahma and the other hosts of gods, the ancestors, the nagas, the gandharvas, the sages, and the siddhas and charanas dwell forever in his house.

Verse 26 (skanda.7.486.26)

तीर्थानि यानि कानि स्युरश्वमेधादयो मखाः । कृष्णजन्माष्टमीं पौत्र यः करोति विशेषतः ॥ २६ ॥

tīrthāni yāni kāni syurasvamedhādayo makhāḥ | kṛṣṇajanmāṣṭamīṁ pautra yaḥ karoti viśeṣataḥ || 26 ||

Whatever sacred fords there are, whatever sacrifices such as the Ashvamedha — O grandson, he who especially observes Krishna's Janmashtami obtains the fruit of them all.

Verse 27 (skanda.7.486.27)

यथा भागवतं शास्त्रं तथा भागवतो नरः । उभयोरंतरं नास्ति हरहर्योस्तथैव च ॥ २७ ॥

yathā bhāgavataṁ śāstraṁ tathā bhāgavato naraḥ | ubhayoraṁtaraṁ nāsti harahar yostathaiva ca || 27 ||

As the Bhagavata scripture is, so is the devotee. There is no difference between the two, just as there is none between Hara and Hari.

Verse 28 (skanda.7.486.28)

नीलीक्षेत्रं तु यो याति मूलकं भक्षयेत्तु यः । नैवास्ति नरकोद्धारं कल्पकोटिशतैरपि ॥ २८ ॥

nīlīkṣetraṁ tu yo yāti mūlakaṁ bhakṣayettu yaḥ | naivāsti narakoddhāraṁ kalpakoṭiśatairapi || 28 ||

Whoever goes into a field of indigo, or eats radish — for him there is no deliverance from hell even in a hundred crore ages.

Verse 29 (skanda.7.486.29)

नीलीकर्म तु यः कुर्य्याद्ब्राह्मणो लोभमोहितः । नाप्नोति सुकृतं किंचित्कुर्य्याद्वा रसविक्रयम् ॥ २९ ॥

nīlīkarma tu yaḥ kuryādbrāhmaṇo lobhamohitaḥ | nāpnoti sukṛtaṁ kiṁcitkuryādvā rasavikrayam || 29 ||

A brahmin who, deluded by greed, cultivates indigo, or engages in the trade of liquids, obtains no merit whatsoever.

Verse 30 (skanda.7.486.30)

प्रसीदति न विश्वात्मा वैष्णवे चापमानिते । अश्वत्थं छेदयेद्यो वै एकैकस्मिंश्च पर्वणि ॥ ३० ॥

prasīdati na viśvātmā vaiṣṇave cāpamānite | aśvatthaṁ chedayedyo vai ekaikasmiṁśca parvaṇi || 30 ||

The Soul of the Universe is not pleased if a Vaishnava is insulted. Whoever cuts down a peepal tree on each and every sacred occasion,

Verse 31 (skanda.7.486.31)

मन्वंतराणि तावंति रौरवे वसतिर्भवेत् । अरिष्टकाष्ठैर्दैत्येंद्र कार्य्यं यः कुरुते क्वचित् । न पूजामर्घदानं च तस्य गृह्णाति भास्करः ॥ ३१ ॥

manvaṁtarāṇi tāvaṁti raurave vasatirbhavet | ariṣṭakāṣṭhairdaityendra kāryaṁ yaḥ kurute kvacit | na pūjāmarghadānaṁ ca tasya gṛhṇāti bhāskaraḥ || 31 ||

For as many Manvantaras must he dwell in the hell of Raurava. O lord of demons, whoever anywhere performs any rite using the wood of the arishta tree — the sun does not accept his worship or water-offering.

Verse 32 (skanda.7.486.32)

छेदापकस्य चार्के तु च्छेदकस्य च दैत्यज । शतं जन्मानि दारिद्यं जायते च सरोगता ॥ ३२ ॥

chedāpakasya cārke tu cchedakasya ca daityaja | śataṁ janmāni dāridyaṁ jāyate ca sarogatā || 32 ||

O son of the demons, for one who causes it to be cut and for the one who cuts it, poverty and disease connected with the sun arise for a hundred births.

Verse 33 (skanda.7.486.33)

रोपयेत्पालयेद्यो वै सूर्य्यवृक्षं नरोत्तमः । सप्तकल्पं वसेत्सोऽत्र समीपे भास्करस्य हि ॥ ३३ ॥

ropayetpālayedyo vai sūryavṛkṣaṁ narottamaḥ | saptakalpaṁ vasetso'tra samīpe bhāskarasya hi || 33 ||

The excellent man who plants and tends the tree of the sun, the peepal, dwells for seven kalpas in the very presence of the sun.

Verse 34 (skanda.7.486.34)

रोपितैर्देववृक्षैस्तु यत्फलं लक्षकोटिभिः । न्यग्रोधवृक्षेणैकेन रोपितेन फलं हि तत् ॥ ३४ ॥

ropitairdevavṛkṣaistu yatphalaṁ lakṣakoṭibhiḥ | nyagrodhavṛkṣeṇaikena ropitena phalaṁ hi tat || 34 ||

The fruit obtained from planting millions and crores of divine trees is obtained from planting even a single banyan tree.

Verse 35 (skanda.7.486.35)

धात्रीद्रुमेऽप्येवमेव फलं भवति रोपिते । तुलसीरोपणे चैव अधिकं चापि सुव्रत । अमरत्वं च ते यांति नात्र कार्य्या विचारणा ॥ ३५ ॥

dhātrīdrume'pyevameva phalaṁ bhavati ropite | tulasīropaṇe caiva adhikaṁ cāpi suvrata | amaratvaṁ ca te yāṁti nātra kāryā vicāraṇā || 35 ||

The same fruit accrues from planting the amla tree. O virtuous one, planting Tulasi yields even greater fruit, and such persons attain immortality — there should be no doubt about this.

Verse 36 (skanda.7.486.36)

द्वारकां कलिकाले तु प्रातरुत्थाय कीर्तयेत् । स सर्वपापनिर्मुक्तः स्वर्गं याति न संशयः ॥ ३६ ॥

dvārakāṁ kalikāle tu prātarutthāya kīrtayet | sa sarvapāpanirmuktaḥ svargaṁ yāti na saṁśayaḥ || 36 ||

In the Kali age, whoever rises in the morning and chants of Dvaraka is freed from all sins and goes to heaven, without doubt.

Verse 37 (skanda.7.486.37)

रोहिणीसहिता ये न द्वादशी समुपोषिता । महापातकसंयुक्तः कल्पांते नाकमाप्नुयात् ॥ ३७ ॥

rohiṇīsahitā ye na dvādaśī samupoṣitā | mahāpātakasaṁyuktaḥ kalpāṁte nākamāpnuyāt || 37 ||

Those who do not fast on the Dvadashi coinciding with Rohini, burdened with great sin, do not attain heaven even at the end of the age.

Verse 38 (skanda.7.486.38)

वासरः को विना सूर्य्यं विना सोमेन का निशा । विना वृक्षेण को ग्रामो द्वादशी किं व्रतं विना ॥ ३८ ॥

vāsaraḥ ko vinā sūryaṁ vinā somena kā niśā | vinā vṛkṣeṇa ko grāmo dvādaśī kiṁ vrataṁ vinā || 38 ||

What is a day without the sun? What is a night without the moon? What is a village without a tree? What is a vow without the Dvadashi vow?

Verse 39 (skanda.7.486.39)

गृहं च नरकं तस्य यमदण्डं द्वितीयकम् । न यत्र पठते नित्यं विष्णोर्नामसहस्रकम् ॥ ३९ ॥

gṛhaṁ ca narakaṁ tasya yamadaṇḍaṁ dvitīyakam | na yatra paṭhate nityaṁ viṣṇornāmasahasrakam || 39 ||

The house in which the thousand names of Vishnu are not recited daily is itself a hell — it is as if a second scepter of Yama.

Verse 40 (skanda.7.486.40)

नरकं च भवेत्तस्य द्वितीयं यमशासनम् । नैव भागवतं यत्र पुराणं गीयते कलौ । अन्धकूपेषु क्षिप्यंते ज्वलितेषु हुताशने ॥ ४० ॥

narakaṁ ca bhavettasya dvitīyaṁ yamaśāsanam | naiva bhāgavataṁ yatra purāṇaṁ gīyate kalau | andhakūpeṣu kṣipyaṁte jvaliteṣu hutāśane || 40 ||

The house in which the Bhagavata Purana is not sung in the Kali age is likewise a hell, a second decree of Yama. Such people are cast into blind wells and into blazing fire.

Verse 41 (skanda.7.486.41)

द्विषंति ये भागवतं न कुर्वंति दिनं हरेः । यमदूतैश्च नीयन्ते तथा भूमौ भवंति ते ॥ ४१ ॥

dviṣaṁti ye bhāgavataṁ na kurvaṁti dinaṁ hareḥ | yamadūtaiśca nīyaṁte tathā bhūmau bhavaṁti te || 41 ||

Those who hate the devotees, and who do not observe Hari's day, are led away by Yama's messengers, and they suffer likewise upon this earth.

Verse 42 (skanda.7.486.42)

वाच्यमानं न शृण्वंति हरेश्चरितमुत्तमम् । करपत्रैश्च पीड्यंते सुतीव्रैर्यम शासनात् ॥ ४२ ॥

vācyamānaṁ na śṛṇvaṁti hareścaritamuttamam | karapatraiśca pīḍyaṁte sutīvrairyamaśāsanāt || 42 ||

Those who do not listen when the sublime deeds of Hari are being recited are tormented, by Yama's decree, with most sharp saws.

Verse 43 (skanda.7.486.43)

निन्दां कुर्वंति ये पापा वैष्णवानां महात्मनाम् । तेषां निरयपातस्तु यावदाभूतसंप्लवम् ॥ ४३ ॥

niṁdāṁ kurvaṁti ye pāpā vaiṣṇavānāṁ mahātmanām | teṣāṁ nirayapātastu yāvadābhūtasaṁplavam || 43 ||

Those sinners who slander the great-souled Vaishnavas fall into hell and remain there until the dissolution of creation.

Verse 44 (skanda.7.486.44)

गोकोटितीर्थादधिकं स्नानं तत्राधिकं भवेत् । ये पश्यंति महापुण्या गोपीचंदनमृत्तिकाम् । गंगास्नानफलं तेषां जायते नात्र संशयः ॥ ४४ ॥

gokoṭitīrthādadhikaṁ snānaṁ tatrādhikaṁ bhavet | ye paśyaṁti mahāpuṇyā gopīcaṁdanamṛttikām | gaṁgāsnānaphalaṁ teṣāṁ jāyate nātra saṁśayaḥ || 44 ||

Bathing there is more meritorious even than the gift of a crore cows. Those who behold the greatly sacred Gopichandana clay obtain the fruit of bathing in the Ganga, without doubt.

Verse 45 (skanda.7.486.45)

वैष्णवानां प्रयच्छंति गोपीचंदनमृत्तिकाम् । येषां ललाटे तिलकः गोपीचंदनसंभवम् ॥ ४५ ॥

vaiṣṇavānāṁ prayacchaṁti gopīcaṁdanamṛttikām | yeṣāṁ lalāṭe tilakaḥ gopīcaṁdanasaṁbhavam || 45 ||

Those who offer Gopichandana clay to the Vaishnavas, whose foreheads bear the mark made of Gopichandana,

Verse 46 (skanda.7.486.46)

गोपीचंदनपुंड्रेण द्वादश्यां जागरे कृते । विष्णोर्नामसहस्रस्य पाठेन मुक्तिमाप्नुयात् ॥ ४६ ॥

gopīcaṁdanapuṁḍreṇa dvādaśyāṁ jāgare kṛte | viṣṇornāmasahasrasya pāṭhena muktimāpnuyāt || 46 ||

With the Gopichandana mark, keeping the Dvadashi vigil, through recitation of Vishnu's thousand names, one attains liberation.

Verse 47 (skanda.7.486.47)

ये नित्यं प्रातरुत्थाय वैष्णवानां तु कीर्तनम् । गोमतीस्मरणं कुर्युः कृष्णतुल्या न संशयः ॥ ४७ ॥

ye nityaṁ prātarutthāya vaiṣṇavānāṁ tu kīrtanam | gomatīsmaraṇaṁ kuryuḥ kṛṣṇatulyā na saṁśayaḥ || 47 ||

Those who, rising daily at dawn, chant of the Vaishnavas and remember the Gomati are equal to Krishna, without doubt.

Verse 48 (skanda.7.486.48)

ये नित्यं प्रातरुत्थाय द्वारकेति वदंति च । तीर्थकोटिभवं पुण्यं लभंते च दिनेदिने ॥ ४८ ॥

ye nityaṁ prātarutthāya dvāraketi vadaṁti ca | tīrthakoṭibhavaṁ puṇyaṁ labhaṁte ca dinedine || 48 ||

Those who, rising daily at dawn, utter the word "Dvaraka," obtain every single day the merit born of a crore sacred fords.