The Glory of Dhanadeshvara

Verse 1 (skanda.7.56.1)

ईश्वर उवाच। अथ ते पञ्चमं वच्मि सिद्धलिंगं महाप्रभम्। ब्रह्मणो नैर्ऋते भागे धनुषां षोडशे स्थितम्

īśvara uvāca| atha te paṁcamaṁ vacmi siddhaliṁgaṁ mahāprabham| brahmaṇo nairṛte bhāge dhanuṣāṁ ṣoḍaśe sthitam

Ishvara said: Now I tell you of the fifth Siddha-linga, of great splendor, situated sixteen bow-lengths (dhanus) away in the southwest direction from Brahma's shrine.

Verse 2 (skanda.7.56.2)

राहुलिंगस्य चाभ्याशे लिंगं धनदनिर्मितम्। धनदत्वं च संप्राप्तो यत्र तप्त्वा महत्तपः

rāhuliṁgasya cābhyāśe liṁgaṁ dhanadanirmitam| dhanadatvaṁ ca saṁprāpto yatra taptvā mahattapaḥ

Near the linga of Rahu is the linga made by Dhanada (Kubera); there, by performing great austerity, he attained the state of Dhanada, lord of wealth.

Verse 3 (skanda.7.56.3)

संस्थाप्य विधिवत्पूज्य लिंगं वर्षसहस्रकम्। अलकाधिपतिर्जातस्तत्र शंभोः प्रसादतः

saṁsthāpya vidhivatpūjya liṁgaṁ varṣasahasrakam| alakādhipatirjātastatra śaṁbhoḥ prasādataḥ

Having established the linga and worshipped it duly for a thousand years, he became, by the grace of Shambhu, the lord of Alaka.

Verse 4 (skanda.7.56.4)

जातिं स्मृत्वा पूर्विकां तु ज्ञात्वा दीपदशाफलम्। शिवरात्रे प्रभावं तु प्रभासं पुनरागतः

jātiṁ smṛtvā pūrvikāṁ tu jñātvā dīpadaśāphalam| śivarātre prabhāvaṁ tu prabhāsaṁ punarāgataḥ

Recalling his former birth, and having learned the merit of the lamp-offering and the power of Shivaratri, he returned once more to Prabhasa.

Verse 5 (skanda.7.56.5)

प्रभावातिशयं ज्ञात्वा स्थापयामास शंकरम्। तत्र प्रत्यक्षतां नीतस्तपसा येन शंकरः

prabhāvātiśayaṁ jñātvā sthāpayāmāsa śaṁkaram| tatra pratyakṣatāṁ nītastapasā yena śaṁkaraḥ

Having recognized the surpassing power of that place, he installed Shankara there; through his austerity Shankara was brought there into visible, manifest presence.

Verse 6 (skanda.7.56.6)

महाभक्त्या महादेवि तस्मिँल्लिंगेऽवतारितः। तं दृष्ट्वा मानवो भक्त्या पूजयित्वा यथाविधि

mahābhaktyā mahādevi tasmiṁlliṁge'vatāritaḥ| taṁ dṛṣṭvā mānavo bhaktyā pūjayitvā yathāvidhi

O great Goddess, through great devotion, Shankara was made to descend into that linga. Whoever beholds it and worships it with devotion, according to proper rite,

Verse 7 (skanda.7.56.7)

पञ्चोपचारैः सद्भक्त्या गन्धधूपानुलेपनैः। तस्यान्वये दरिद्रश्च कदापि न भविष्यति

paṁcopacāraiḥ sadbhaktyā gaṁdhadhūpānulepanaiḥ| tasyānvaye daridraśca kadāpi na bhaviṣyati

with the five offerings, with true devotion, with fragrance, incense, and anointing — in his lineage poverty shall never arise.

Verse 8 (skanda.7.56.8)

ये चैतत्पूजयिष्यंति लिंगं भक्तियुता नराः। अजेयास्ते भविष्यंति शत्रूणां दर्पनाशनाः

ye caitatpūjayiṣyaṁti liṁgaṁ bhaktiyutā narāḥ| ajeyāste bhaviṣyaṁti śatrūṇāṁ darpanāśanāḥ

And those devoted men who shall worship this linga will become unconquerable, destroyers of the pride of their enemies.

Verse 9 (skanda.7.56.9)

इति ते कथितं सर्वं धनदेशमहोदयम्। श्रुत्वानुमोद्य यत्नेन दरिद्रो नैव जायते

iti te kathitaṁ sarvaṁ dhanadeśamahodayam| śrutvānumodya yatnena daridro naiva jāyate

Thus has this entire great glory of Dhanada been told to you. Having heard it and diligently rejoiced in it, one is never born into poverty.