The Glory of Mangala

Verse 1 (skanda.7.60.1)

ईश्वर उवाच। प्रभासक्षेत्रदूतीनां त्रितयं वरवर्णिनि। अथ ते संप्रवक्ष्यामि शृणु ह्येकमनाः प्रिये

īśvara uvāca| prabhāsakṣetradūtīnāṁ tritayaṁ varavarṇini| atha te saṁpravakṣyāmi śṛṇu hyekamanāḥ priye

Ishvara said: O fair-complexioned one, now I shall tell you of the triad of messenger-goddesses of the Prabhasa field; listen, O beloved, with focused mind.

Verse 2 (skanda.7.60.2)

प्रथमा मंगला देवी विशालाक्षी द्वितीयिका। तथा चत्वरदेवी तु तृतीया परिकीर्तिता

prathamā maṁgalā devī viśālākṣī dvitīyikā| tathā catvaradevī tu tṛtīyā parikīrtitā

The first is the Goddess Mangala, the second is Vishalakshi, and the third is proclaimed as the Goddess Chatvara.

Verse 3 (skanda.7.60.3)

यथानुक्रमतः पूज्याः शक्तयस्ता वरानने। प्रभासक्षेत्रयात्रायाः फलप्रेप्सुर्नरो यदि

yathānukramataḥ pūjyāḥ śaktayastā varānane| prabhāsakṣetrayātrāyāḥ phalaprepsurnaro yadi

O fair-faced one, these Shaktis should be worshipped in proper order, if a man desires the fruit of the pilgrimage to the Prabhasa field.

Verse 4 (skanda.7.60.4)

देव्युवाच। कस्मिन्स्थाने स्थिता देव दूत्यस्ताः क्षेत्ररक्षिकाः। कस्य ताः कथमाराध्याः कथं पूज्या जगत्पते

devyuvāca| kasminsthāne sthitā deva dūtyastāḥ kṣetrarakṣikāḥ| kasya tāḥ kathamārādhyāḥ kathaṁ pūjyā jagatpate

The Goddess said: "O Lord, in what place do these messenger-goddesses, guardians of the field, reside? Whose powers are they? How, O Lord of the world, are they to be worshipped and honored?"

Verse 5 (skanda.7.60.5)

ईश्वर उवाच। ब्राह्मी तु मंगला प्रोक्ता विशालाक्षी तु वैष्णवी। रौद्रीशक्तिः समाख्याता देवी सा चत्वरप्रिया

īśvara uvāca| brāhmī tu maṁgalā proktā viśālākṣī tu vaiṣṇavī| raudrīśaktiḥ samākhyātā devī sā catvarapriyā

Ishvara said: "Mangala is said to be Brahmi; Vishalakshi is Vaishnavi; and the Goddess dear to Chatvara is called Raudri Shakti."

Verse 6 (skanda.7.60.6)

मंगला प्रथमं पूज्या अजादेव्युत्तरे स्थिता। राह्वीशाद्दक्षिणेभागे नातिदूरे वरानने

maṁgalā prathamaṁ pūjyā ajādevyuttare sthitā| rāhvīśāddakṣiṇebhāge nātidūre varānane

"Mangala should be worshipped first; she is situated to the north of Ajadevi, in the southern part from Rahvisha, not far away, O fair-faced one."

Verse 7 (skanda.7.60.7)

सोमेश्वरप्रतिष्ठाप्य प्रारब्धे यज्ञकर्मणि। सोमेन तत्र देवानामागता सा दिदृक्षया

someśvarapratiṣṭhāpya prārabdhe yajñakarmaṇi| somena tatra devānāmāgatā sā didṛkṣayā

"When Someshvara had been installed and the sacrificial rite begun by Soma, she came there among the gods, desiring to witness it."

Verse 8 (skanda.7.60.8)

ब्रह्मादीनां च सा यस्मान्मांगल्यं कृतवत्युमे। तस्मात्सा मंगला प्रोक्ता सर्वमांगल्यदायिनी

brahmādīnāṁ ca sā yasmānmāṁgalyaṁ kṛtavatyume| tasmātsā maṁgalā proktā sarvamāṁgalyadāyinī

"O Uma, since she performed auspicious rites for Brahma and the other gods, she is therefore called Mangala, the bestower of all auspiciousness."

Verse 9 (skanda.7.60.9)

तृतीयायां तु या नारी नरो वा पूजयिष्यति। तस्याऽमंगल्यदुःखानि नाशं यास्यंति कृत्स्नशः

tṛtīyāyāṁ tu yā nārī naro vā pūjayiṣyati| tasyā'maṁgalyaduḥkhāni nāśaṁ yāsyaṁti kṛtsnaśaḥ

"Whatever woman or man shall worship her on the tritiya — all their inauspicious troubles and sorrows shall be entirely destroyed."

Verse 10 (skanda.7.60.10)

दम्पतीभोजनं तत्र फलदानं सकञ्चुकम्। प्रशस्तं पृषदाज्यस्य प्राशनं पापनाशनम्

dampatībhojanaṁ tatra phaladānaṁ sakañcukam| praśastaṁ pṛṣadājyasya prāśanaṁ pāpanāśanam

"Feeding married couples there, offering fruits together with a garment, is praised; partaking of pṛṣadājya (curd mixed with ghee) destroys sin."

Verse 11 (skanda.7.60.11)

इति संक्षेपतः प्रोक्तं महाभाग्यं महोदयम्। मंगलायाश्च माहात्म्यं सर्वपातकनाशनम्

iti saṁkṣepataḥ proktaṁ mahābhāgyaṁ mahodayam| maṁgalāyāśca māhātmyaṁ sarvapātakanāśanam

Thus has this great fortune and great glory of Mangala been briefly told, which destroys all sins.