The Glory of Lalitoma-Vishalakshi

Verse 1 (skanda.7.61.1)

ईश्वर उवाच। ततो गच्छेन्महादेवीं क्षेत्रदूतीं तु वैष्णवीम्। श्रीदैत्यसूदनाद्देवि पूर्वभागे व्यवस्थिताम्

īśvara uvāca| tato gacchenmahādevīṁ kṣetradūtīṁ tu vaiṣṇavīm| śrīdaityasūdanāddevi pūrvabhāge vyavasthitām

Ishvara said: Then one should approach the great Goddess, the Vaishnavi messenger of the field, situated, O Goddess, to the east of Shri-Daityasudana.

Verse 2 (skanda.7.61.2)

योगेश्वर्यास्तथैशान्यां धनुषां सप्तके स्थिताम्। महादौर्भाग्यदग्धानां स्थितां भेषजरूपिणीम्

yogeśvaryāstathaiśānyāṁ dhanuṣāṁ saptake sthitām| mahādaurbhāgyadagdhānāṁ sthitāṁ bheṣajarūpiṇīm

She stands to the northeast of Yogeshvari, seven bow-lengths away; she abides in the form of medicine for those scorched by great misfortune.

Verse 3 (skanda.7.61.3)

चाक्षुषस्यांतरे देवि यदा दैत्या बलोत्कटाः। हन्यमाना विष्णुनाऽथ दक्षिणां दिशमाविशन्

cākṣuṣasyāṁtare devi yadā daityā balotkaṭāḥ| hanyamānā viṣṇunā'tha dakṣiṇāṁ diśamāviśan

O Goddess, in the Chakshusha interval, when daityas of excessive strength, being slain by Vishnu, entered the southern direction,

Verse 4 (skanda.7.61.4)

तत्र वर्षशतं साग्रं दैत्याश्चक्रुर्महाहवम्। विष्णुना सह देवेशि दिव्यास्त्रैश्च पृथग्विधैः

tatra varṣaśataṁ sāgraṁ daityāścakrurmahāhavam| viṣṇunā saha deveśi divyāstraiśca pṛthagvidhaiḥ

there, O Goddess of gods, the daityas waged a great war against Vishnu for more than a hundred years, with various divine weapons.

Verse 5 (skanda.7.61.5)

दुःखवध्यांस्ततो ज्ञात्वा विष्णुः कमललोचनः। सस्मार भैरवीं शक्तिं महामायां महाप्रभाम्

duḥkhavadhyāṁstato jñātvā viṣṇuḥ kamalalocanaḥ| sasmāra bhairavīṁ śaktiṁ mahāmāyāṁ mahāprabhām

Then the lotus-eyed Vishnu, recognizing them as difficult to slay, invoked the Shakti Bhairavi, the great Maya, of great splendor.

Verse 6 (skanda.7.61.6)

सा स्मृता क्षणमात्रेण विष्णुना प्रभविष्णुना। तत्रागता महादेवी आनंदस्फुरितेक्षणा

sā smṛtā kṣaṇamātreṇa viṣṇunā prabhaviṣṇunā| tatrāgatā mahādevī ānaṁdasphuritekṣaṇā

Remembered in an instant by the mighty Vishnu, that great Goddess, her eyes sparkling with joy, came there.

Verse 7 (skanda.7.61.7)

विशाले तु कृते देव्या लोचने विष्णुदर्शनात्। विशालाक्षी ततो जाता तत्रस्था दैत्यनाशिनी

viśāle tu kṛte devyā locane viṣṇudarśanāt| viśālākṣī tato jātā tatrasthā daityanāśinī

When the Goddess's eyes widened upon beholding Vishnu, she then became known as Vishalakshi, the destroyer of daityas, abiding there.

Verse 8 (skanda.7.61.8)

अस्मिन्कल्पे समाख्याता ललितोमा वरानने। उमाद्वयं समाख्यातं सोमेशे दैत्यसूदने

asminkalpe samākhyātā lalitomā varānane| umādvayaṁ samākhyātaṁ someśe daityasūdane

O fair-faced one, in this kalpa she is renowned as Lalitoma. Two forms of Uma are proclaimed — at Someśa and at Daityasudana.

Verse 9 (skanda.7.61.9)

पूर्वं सोमेश्वरे पश्येत्पश्चाच्छ्रीदैत्यसूदने। उमा द्वयं पूजयित्वा तीर्थयात्राफलं लभेत्

pūrvaṁ someśvare paśyetpaścācchrīdaityasūdane| umā dvayaṁ pūjayitvā tīrthayātrāphalaṁ labhet

One should first behold her at Someshvara, then at Shri-Daityasudana; having worshipped both forms of Uma, one obtains the fruit of the tirtha-pilgrimage.

Verse 10 (skanda.7.61.10)

माघे मासि तृतीयायां विधिना योऽर्चयेत्तु ताम्। न संततिविहीनः स्यात्तस्यकोट्यन्वये नरः

māghe māsi tṛtīyāyāṁ vidhinā yo'rcayettu tām| na saṁtativihīnaḥ syāttasyakoṭyanvaye naraḥ

Whoever worships her according to rite on the tritiya of the month of Magha — in his lineage, for a crore of generations, no man shall be without offspring.

Verse 11 (skanda.7.61.11)

यो नित्यमीक्षते तत्र भक्त्या परमया युतः। आरोग्यसुखसौभाग्यसंयुक्तोऽसौ भवेच्चिरम्

yo nityamīkṣate tatra bhaktyā paramayā yutaḥ| ārogyasukhasaubhāgyasaṁyukto'sau bhavecciram

Whoever regularly beholds her there with supreme devotion shall long remain endowed with health, happiness, and good fortune.

Verse 12 (skanda.7.61.12)

इति संक्षेपतः प्रोक्तं माहात्म्यं ललितोद्भवम्। श्रुतं यत्पापनाशाय जायते धर्मवृद्धये

iti saṁkṣepataḥ proktaṁ māhātmyaṁ lalitodbhavam| śrutaṁ yatpāpanāśāya jāyate dharmavṛddhaye

Thus has this glory arising from Lalita been briefly told, which, when heard, destroys sin and increases dharma.