The Glory of Kalakaleshvara

Verse 1 (skanda.7.75.1)

ईश्वर उवाच। ततो गच्छेन्महादेवि लिंगं शाकलकलेश्वरम्। शाकल्येश्वरनैर्ऋत्ये धनुषां षष्टिभिः स्थितम्

īśvara uvāca| tato gacchenmahādevi liṅgaṁ śākalakaleśvaram| śākalyeśvaranairṛtye dhanuṣāṁ ṣaṣṭibhiḥ sthitam

Ishvara said: Thereafter, O great Goddess, one should go to the Linga called Shakalakaleshvara, situated sixty bow-lengths to the south-west of Shakalyeshvara.

Verse 2 (skanda.7.75.2)

तच्चतुर्युगनामाढ्यं स्मृतं पातकनाशनम्। पूर्वं कामेश्वरंनाम त्रेतायां पुलहेश्वरम्

taccaturyuganāmāḍhyaṁ smṛtaṁ pātakanāśanam| pūrvaṁ kāmeśvaraṁ nāma tretāyāṁ pulaheśvaram

It is remembered as endowed with names across the four ages, and as a destroyer of sin; formerly (in the Krita age) it was called Kameshvara, and in the Treta age, Pulaheshvara.

Verse 3 (skanda.7.75.3)

द्वापरे सिद्धिनाथं तु नारदेशं कलौ स्मृतम्। तथा कलकलेशं च नाम तस्यैव कीर्त्तितम्

dvāpare siddhināthaṁ tu nāradeśaṁ kalau smṛtam| tathā kalakaleśaṁ ca nāma tasyaiva kīrttitam

In the Dvapara age it was known as Siddhinatha, and in the Kali age as Naradesha; likewise its name is also proclaimed as Kalakalesha.

Verse 4 (skanda.7.75.4)

समुद्रे च महापुण्ये यस्मिन्काले सरस्वती। आगता सा महाभागा हृष्टा तुष्टा सरिद्वरा। तस्य तोयस्य शब्देन सागरस्य महात्मनः

samudre ca mahāpuṇye yasminkāle sarasvatī| āgatā sā mahābhāgā hṛṣṭā tuṣṭā saridvarā| tasya toyasya śabdena sāgarasya mahātmanaḥ

At the time when that most fortunate and excellent of rivers, Sarasvati, arrived joyfully and contentedly at the most sacred ocean, then, from the sound of the waters of that great ocean —

Verse 5 (skanda.7.75.5)

ततो देवाः सगन्धर्वा ऋषयः सिद्धचारणाः। नेदुः कलकलं तत्र तुमुलं लोमहर्षणम्

tato devāḥ sagandharvā ṛṣayaḥ siddhacāraṇāḥ| neduḥ kalakalaṁ tatra tumulaṁ lomaharṣaṇam

then the gods together with the Gandharvas, the sages, the Siddhas and the Charanas raised there a tumultuous, hair-raising clamour (kalakala).

Verse 6 (skanda.7.75.6)

तेन शब्देन महता मम मूर्त्तिः समुत्थिता। कल्कलेश्वरनामेति ततो लिंगं प्रकीर्तितम्

tena śabdena mahatā mama mūrttiḥ samutthitā| kalkaleśvaranāmeti tato liṅgaṁ prakīrtitam

By that great sound, my own form arose there; from then this Linga has been proclaimed by the name Kalkaleshvara.

Verse 7 (skanda.7.75.7)

इति ते पूर्ववृत्तांतं कथितं नामकारणम्। सांप्रतं तु यथा जातं पुनः कलकलेश्वरम्। तत्तेऽहं संप्रवक्ष्यामि शृणुष्वैकमनाः प्रिये

iti te pūrvavṛttāṁtaṁ kathitaṁ nāmakāraṇam| sāṁprataṁ tu yathā jātaṁ punaḥ kalakaleśvaram| tatte'haṁ saṁpravakṣyāmi śṛṇuṣvaikamanāḥ priye

Thus I have related to you the earlier account of how the name arose. Now I shall tell you how it once again came to be called Kalakaleshvara — listen, O beloved, with a focused mind.

Verse 8 (skanda.7.75.8)

पुरा द्वापरसंधौ च प्रविष्टे तु कलौ युगे। नारदस्तु समागत्य क्षेत्रं प्राभासिकं शुभम्। संचकार तपश्चोग्रं तत्र लिंगसमीपतः

purā dvāparasaṁdhau ca praviṣṭe tu kalau yuge| nāradastu samāgatya kṣetraṁ prābhāsikaṁ śubham| saṁcakāra tapaścograṁ tatra liṅgasamīpataḥ

Formerly, at the junction of the Dvapara age, as the Kali age was entering, Narada came to the auspicious Prabhasa field and performed a fierce austerity near that Linga.

Verse 9 (skanda.7.75.9)

ततो वर्षशते पूर्णे समाराध्य वृषध्वजम्। गांधर्वं प्राप्य देवेशि भूषितं सप्तभिः स्वरैः

tato varṣaśate pūrṇe samārādhya vṛṣadhvajam| gāṁdharvaṁ prāpya deveśi bhūṣitaṁ saptabhiḥ svaraiḥ

Then, when a hundred years had passed, having worshipped the Bull-bannered Lord, O Queen of gods, he obtained the art of Gandharva music, adorned with the seven musical notes.

Verse 10 (skanda.7.75.10)

ततो हृष्टमना भूत्वा तल्लिंगस्य समीपतः। स चकार महायज्ञं पौंडरीकमिति श्रुतम्

tato hṛṣṭamanā bhūtvā talliṅgasya samīpataḥ| sa cakāra mahāyajñaṁ pauṁḍarīkamiti śrutam

Then, becoming glad at heart, he performed near that Linga a great sacrifice known as the Paundarika (yajna).

Verse 11 (skanda.7.75.11)

देवदेवस्य तुष्ट्यर्थं स सदा भावितात्मवान्। समाहूय ऋषींस्तत्र ब्रह्मलोकात्सहस्रशः

devadevasya tuṣṭyarthaṁ sa sadā bhāvitātmavān| samāhūya ṛṣīṁstatra brahmalokātsahasraśaḥ

For the satisfaction of the god of gods, he, ever of purified mind, summoned thousands of sages there from the world of Brahma.

Verse 12 (skanda.7.75.12)

ततः संभृतसंभारो यज्ञोपकरणान्वितः। कृत्वा कुण्डादिकं सर्वं समारेभे ततः क्रतुम्

tataḥ saṁbhṛtasaṁbhāro yajñopakaraṇānvitaḥ| kṛtvā kuṇḍādikaṁ sarvaṁ samārebhe tataḥ kratum

Then, having gathered all the requisites and being furnished with the implements of sacrifice, having prepared the fire-pits and everything else, he then commenced the rite.

Verse 13 (skanda.7.75.13)

ततः संपूर्णतां प्राप्ते तस्मिन्क्रतौ वरानने

tataḥ saṁpūrṇatāṁ prāpte tasminkratau varānane

O fair-faced one, then, when that sacrifice had reached its completion —

Verse 14 (skanda.7.75.14)

अथागमंस्ततो विप्रास्तत्र क्षेत्रनिवासिनः। दक्षिणार्थं महदेवि शतशोऽथ सहस्रशः

athāgamaṁstato viprāstatra kṣetranivāsinaḥ| dakṣiṇārthaṁ mahadevi śataśo'tha sahasraśaḥ

then the Brahmins dwelling in that sacred field came there for the sake of the sacrificial fee, O great Goddess, in their hundreds and thousands.

Verse 15 (skanda.7.75.15)

ततः स कौतुकाविष्टस्तेषां युद्धार्थमेव हि। प्राक्षिपत्तत्र रत्नानि सुवर्णं च महीतले

tataḥ sa kautukāviṣṭasteṣāṁ yuddhārthameva hi| prākṣipattatra ratnāni suvarṇaṁ ca mahītale

Then, filled with mischievous curiosity, purely to make them fight among themselves, he scattered jewels and gold there upon the ground.

Verse 16 (skanda.7.75.16)

ततस्ते ब्राह्मणाः सर्वे युध्यमानाः परस्परम्। कोलाहलं परं चक्रुर्बहुद्रव्यपरीप्सया

tataste brāhmaṇāḥ sarve yudhyamānāḥ parasparam| kolāhalaṁ paraṁ cakrurbahudravyaparīpsayā

Then all those Brahmins, fighting with one another, out of a desire to seize as much wealth as possible, raised an enormous uproar.

Verse 17 (skanda.7.75.17)

एके दिगंबरा देवि त्यक्तयज्ञोपवीतिनः। विकचाः केऽपि दृश्यंते त्वन्ये रुधिरविप्लवाः

eke digaṁbarā devi tyaktayajñopavītinaḥ| vikacāḥ ke'pi dṛśyaṁte tvanye rudhiraviplavāḥ

O Devi, some became naked, their sacred threads torn away; some were seen with their hair in disarray; while others were drenched in blood.

Verse 18 (skanda.7.75.18)

अन्ये परस्परं जघ्नुर्मुष्टिभिश्चरणैस्तथा। एवं तत्र तदा क्षिप्तं यद्द्रव्यं नारदेन तु

anye parasparaṁ jaghnurmuṣṭibhiścaraṇaistathā| evaṁ tatra tadā kṣiptaṁ yaddravyaṁ nāradena tu

Others struck one another with fists and feet. Thus, the wealth which Narada had scattered there —

Verse 19 (skanda.7.75.19)

अथाभावे तु वित्तस्य ये च विप्रा ह्यकिंचनाः। विद्याविनयसंपन्ना ब्राह्मणैर्जर्जरीकृताः

athābhāve tu vittasya ye ca viprā hyakiṁcanāḥ| vidyāvinayasaṁpannā brāhmaṇairjarjarīkṛtāḥ

And those Brahmins who, though endowed with learning and humility, had no share of that wealth, were roughly battered by the other Brahmins.

Verse 20 (skanda.7.75.20)

ते तमूचुर्भृशं शांताः स्मयमानं मुहुर्मुहुः। कलहार्थं यतो दानं त्वया दत्तमिदं मुने

te tamūcurbhṛśaṁ śāṁtāḥ smayamānaṁ muhurmuhuḥ| kalahārthaṁ yato dānaṁ tvayā dattamidaṁ mune

Those tranquil (learned) Brahmins repeatedly said, smiling, to Narada, who was himself smiling again and again: 'O sage, this gift you have given was meant only to cause strife,

Verse 21 (skanda.7.75.21)

विद्यायुक्तान्परित्यज्य विधिं त्यक्त्वा तु याज्ञिकम्। तस्मादस्य मुने नाम ख्यातं कलकलेश्वरम्

vidyāyuktānparityajya vidhiṁ tyaktvā tu yājñikam| tasmādasya mune nāma khyātaṁ kalakaleśvaram

for you passed over the learned ones and abandoned the proper sacrificial procedure.' Therefore, O sage, its name became renowned as Kalakaleshvara.

Verse 22 (skanda.7.75.22)

तेन नाम्ना द्विजश्रेष्ठ लिंगमेतद्भविष्यति। एतस्मात्कारणाद्देवि जातं कलकलेश्वरम्

tena nāmnā dvijaśreṣṭha liṅgametadbhaviṣyati| etasmātkāraṇāddevi jātaṁ kalakaleśvaram

O foremost of the twice-born, by this name this Linga shall be known henceforth; O Devi, for this very reason the name Kalakaleshvara arose.

Verse 23 (skanda.7.75.23)

यस्तं स्नाप्य नरो भक्त्या कुरुते त्रिः प्रदक्षिणम्। स गच्छेद्रुद्रलोकं तु त्वत्प्रसादादसंशयम्

yastaṁ snāpya naro bhaktyā kurute triḥ pradakṣiṇam| sa gacchedrudralokaṁ tu tvatprasādādasaṁśayam

The man who, with devotion, bathes it and circumambulates it three times, goes without doubt to the world of Rudra, by your grace.

Verse 24 (skanda.7.75.24)

यस्तं पूजयते भक्त्या गंधपुष्पानुलेपनैः। हेमं दत्त्वा द्विजातिभ्यः स गच्छेत्परमं पदम्

yastaṁ pūjayate bhaktyā gaṁdhapuṣpānulepanaiḥ| hemaṁ dattvā dvijātibhyaḥ sa gacchetparamaṁ padam

He who worships it with devotion using fragrance, flowers, and unguents, and gives gold to the twice-born, attains the supreme state.