The Glory of Shri Daityasudana

Verse 1 (skanda.7.81.1)

ईश्वर उवाच। ततो गच्छेन्महादेवि देवेशं दैत्यसूदनम्। पापघ्नं सर्वजंतूनां प्रभासक्षेत्रवासिनाम्

īśvara uvāca| tato gacchenmahādevi deveśaṁ daityasūdanam| pāpaghnaṁ sarvajaṁtūnāṁ prabhāsakṣetravāsinām

Ishvara said: Thereafter, O great Goddess, one should go to the Lord of gods, Daityasudana, who destroys the sins of all creatures dwelling in the Prabhasa field.

Verse 2 (skanda.7.81.2)

अनादियुगसंस्थानं सर्व कामप्रदं शुभम्। संसारसागरे घोरे स्थितं नौरिव तारणे

anādiyugasaṁsthānaṁ sarva kāmapradaṁ śubham| saṁsārasāgare ghore sthitaṁ naurivа tāraṇe

Existing across the ages since beginningless time, auspicious and granting every desire, it stands in the terrible ocean of worldly existence like a boat that ferries one across.

Verse 3 (skanda.7.81.3)

अन्ये सर्वेऽपि नश्यंति कल्पांते ब्रह्मणो दिने। एतानि मुक्त्वा देवेशि न्यग्रोधं सप्त कल्पगम

anye sarve'pi naśyaṁti kalpāṁte brahmaṇo dine| etāni muktvā deveśi nyagrodhaṁ sapta kalpagam

O Queen of gods, at the end of Brahma's day, when the aeon dissolves, all other things perish; but excepting these — the banyan tree that endures for seven aeons —

Verse 4 (skanda.7.81.4)

कल्पवृक्षं तथाऽगारं वैडूर्यं पर्वतोत्तमम्। श्रीदैत्यसूदनं देवं मार्कंडेयं महामुनिम्

kalpavṛkṣaṁ tathā'gāraṁ vaiḍūryaṁ parvatottamam| śrīdaityasūdanaṁ devaṁ mārkaṁḍeyaṁ mahāmunim

the wish-fulfilling tree, the cat's-eye gem shrine, the finest mountain, the god Shri Daityasudana, and the great sage Markandeya —

Verse 5 (skanda.7.81.5)

अक्षयाश्चाव्ययाश्चैते सप्तकल्पानि सुन्दरि। देवि किं बहुनोक्तेन वर्णितेन पुनःपुनः

akṣayāścāvyayāścaite saptakalpāni sundari| devi kiṁ bahunoktena varṇitena punaḥpunaḥ

O beautiful one, these remain imperishable and undiminished for seven aeons. O Devi, what use is there in describing this further, again and again?

Verse 6 (skanda.7.81.6)

श्रीदैत्यसूदनाद्देवि नान्यास्ति भुवि देवता। यवाकारं तु तस्यैव क्षेत्रपातकनाशनम्

śrīdaityasūdanāddevi nānyāsti bhuvi devatā| yavākāraṁ tu tasyaiva kṣetrapātakanāśanam

O Devi, there is no other deity on earth greater than Shri Daityasudana; his own sacred field, shaped like a barley-grain, destroys sin.

Verse 7 (skanda.7.81.7)

सेवितं चर्षिभिः सिद्धैर्यक्षविद्याधरोरगैः। तस्य सीमां प्रवक्ष्यामि विष्णुक्षेत्रस्य भामिनि

sevitaṁ carṣibhiḥ siddhairyakṣavidyādharoragaiḥ| tasya sīmāṁ pravakṣyāmi viṣṇukṣetrasya bhāmini

It is frequented by sages, Siddhas, Yakshas, Vidyadharas and serpents. O gracious lady, I shall now describe the boundary of that field of Vishnu.

Verse 8 (skanda.7.81.8)

पूर्वे यमेश्वरं यावच्छ्रीसोमेशं तु पश्चिमे। उत्तरे तु विशालाक्षी दक्षिणे सरितां पतिः

pūrve yameśvaraṁ yāvacchrīsomeśaṁ tu paścime| uttare tu viśālākṣī dakṣiṇe saritāṁ patiḥ

To the east as far as Yameshvara, to the west as far as Shri Someshvara, to the north as far as Vishalakshi, and to the south as far as the lord of the rivers (the ocean) —

Verse 9 (skanda.7.81.9)

एतत्क्षेत्रं यवाकारं वैष्णवं पापनाशनम्

etatkṣetraṁ yavākāraṁ vaiṣṇavaṁ pāpanāśanam

this field, shaped like a barley-grain, sacred to Vishnu, destroys sin.

Verse 10 (skanda.7.81.10)

अत्र क्षेत्रे मृता ये तु पापिनोऽपि नरा ध्रुवम्। स्वर्गं गच्छंति ते सर्वे संतः सुकृतिनो यथा

atra kṣetre mṛtā ye tu pāpino'pi narā dhruvam| svargaṁ gacchaṁti te sarve saṁtaḥ sukṛtino yathā

Men who die in this sacred field, even if they are sinners, all certainly go to heaven, just as the righteous and virtuous do.

Verse 11 (skanda.7.81.11)

अत्र दत्तं हुतं जप्तं तपस्तप्तं कृतं हि यत्। तत्सर्वं चाक्षयं प्रोक्तं सप्तकल्पावधि प्रिये

atra dattaṁ hutaṁ japtaṁ tapastaptaṁ kṛtaṁ hi yat| tatsarvaṁ cākṣayaṁ proktaṁ saptakalpāvadhi priye

Whatever is given, offered in fire, muttered in prayer, or performed as austerity here, all of that, O beloved, is declared to be imperishable for the span of seven aeons.

Verse 12 (skanda.7.81.12)

तत्रैकमपि यो देवि ब्राह्मणं भोजयिष्यति। विधिना विष्णुमुद्दिश्य कोटिर्भवति भोजिता

tatraikamapi yo devi brāhmaṇaṁ bhojayiṣyati| vidhinā viṣṇumuddiśya koṭirbhavati bhojitā

O Devi, whoever feeds even a single Brahmin there duly, with Vishnu as the intended recipient, it becomes as though he has fed a crore of Brahmins.

Verse 13 (skanda.7.81.13)

तत्रोपवासं यः कुर्यान्नरो भक्तिसमन्वितः। एकेनैवोपवासेन उपवासायुतं फलम्। चक्रतीर्थे नरः स्नात्वा सोपवासो जितेंद्रियः

tatropavāsaṁ yaḥ kuryānnaro bhaktisamanvitaḥ| ekenaivopavāsena upavāsāyutaṁ phalam| cakratīrthe naraḥ snātvā sopavāso jiteṁdriyaḥ

The man who, filled with devotion, observes a fast there obtains, from a single fast, the fruit of ten thousand fasts; the self-controlled man bathes in Chakratirtha and observes the fast.

Verse 14 (skanda.7.81.14)

द्वादश्यां कार्त्तिके मासि दद्याद्विप्रेषु कांचनम्। विष्णुं संपूज्य विधिवन्मुच्यते सर्वपातकैः

dvādaśyāṁ kārttike māsi dadyādviprebhyaḥ kāṁcanam| viṣṇuṁ saṁpūjya vidhivanmucyate sarvapātakaiḥ

On the twelfth day of the month of Karttika, giving gold to Brahmins and duly worshipping Vishnu, one becomes freed from all sins.

Verse 15 (skanda.7.81.15)

देव्युवाच। दैत्यसूदननामेति कथं तस्य प्रकीर्तितम्। कस्मिन्काले तु देवेश तन्मे विस्तरतो वद

devyuvāca| daityasūdananāmeti kathaṁ tasya prakīrtitam| kasminkāle tu deveśa tanme vistarato vada

The Devi said: O Lord of gods, how, and at what time, did his name Daityasudana become renowned? Tell me this in detail.

Verse 16 (skanda.7.81.16)

ईश्वर उवाच। शृणु देवि प्रवक्ष्यामि माहात्म्यं पापनाशनम्। दैत्यसूदनदेवस्य पुरा वृत्तं महोदयम्

īśvara uvāca| śṛṇu devi pravakṣyāmi māhātmyaṁ pāpanāśanam| daityasūdanadevasya purā vṛttaṁ mahodayam

Ishvara said: Listen, O Devi, I shall relate the sin-destroying glory of the god Daityasudana — this great event that occurred long ago.

Verse 17 (skanda.7.81.17)

देवि तस्यैव नामानि कल्पेकल्पे भवंति वै। अनादिनिधनान्येव संभवन्ति पुनःपुनः

devi tasyaiva nāmāni kalpekalpe bhavaṁti vai| anādinidhanānyeva saṁbhavaṁti punaḥpunaḥ

O Devi, his names differ from aeon to aeon; these beginningless and endless names arise again and again.

Verse 18 (skanda.7.81.18)

पूर्वकल्पे श्रिया वृत्तो वामनस्तु द्वितीयके। वज्रांगस्तु तृतीये वै तुरीये कमलाप्रियः

pūrvakalpe śriyā vṛtto vāmanastu dvitīyake| vajrāṁgastu tṛtīye vai turīye kamalāpriyaḥ

In the previous aeon he was known as endowed with Shri (glory); in the second aeon, as Vamana; in the third, as Vajranga; and in the fourth, as Kamalapriya (beloved of Lakshmi).

Verse 19 (skanda.7.81.19)

पंचमे दुःखहर्त्ता च षष्ठे तु पुरुषोत्तमः। श्रीदैत्यसूदनो देवः कल्पे वै सप्तमे स्मृतः

paṁcame duḥkhaharttā ca ṣaṣṭhe tu puruṣottamaḥ| śrīdaityasūdano devaḥ kalpe vai saptame smṛtaḥ

In the fifth aeon he was Dukhaharta (remover of sorrow); in the sixth, Purushottama; and in the seventh aeon he is remembered as the god Shri Daityasudana.

Verse 20 (skanda.7.81.20)

तस्यैव नाम चोत्पत्तिं कथयामि यथार्थतः

tasyaiva nāma cotpattiṁ kathayāmi yathārthataḥ

Now I shall relate truly the origin of that very name.

Verse 21 (skanda.7.81.21)

पुरा देवासुरे युद्धे दानवैर्देवकंटकैः। निर्जिता देवताः सर्वे जग्मुस्ते शरणं हरिम्। क्षीरोदवासिनं देवमस्तुवन्प्रणताः स्थिताः

purā devāsure yuddhe dānavairdevakaṁṭakaiḥ| nirjitā devatāḥ sarve jagmuste śaraṇaṁ harim| kṣīrodavāsinaṁ devamastuvanpraṇatāḥ sthitāḥ

Formerly, in the war between gods and demons, all the gods, defeated by the demons who were thorns to the gods, went for refuge to Hari, the god who dwells in the ocean of milk, and stood bowing, praising him.

Verse 22 (skanda.7.81.22)

देवा ऊचुः। जय देव जगन्नाथ दैत्यासुरविमर्द्दन। वाराहरूपमास्थाय उद्धृता वसुधा त्वया

devā ūcuḥ| jaya deva jagannātha daityāsuravimarddana| vārāharūpamāsthāya uddhṛtā vasudhā tvayā

The gods said: Victory to you, O Lord of the universe, destroyer of demons and Asuras! Assuming the form of a boar, you raised up the earth.

Verse 23 (skanda.7.81.23)

उद्धृता मत्स्यरूपेण वेदा उदधिमध्यतः। कूर्मरूपी तथा भूत्वा क्षीरोदार्णवमंथनम्

uddhṛtā matsyarūpeṇa vedā udadhimadhyataḥ| kūrmarūpī tathā bhūtvā kṣīrodārṇavamaṁthanam

In the form of a fish, you rescued the Vedas from the midst of the ocean; and becoming a tortoise, you churned the ocean of milk.

Verse 24 (skanda.7.81.24)

कृत्वा त्वया जगन्नाथ उद्धृता श्रीर्नमो ऽस्तु ते। श्रीपतिः श्रीधरो देव आर्त्तानामर्तिनाशनः

kṛtvā tvayā jagannātha uddhṛtā śrīrnamo'stu te| śrīpatiḥ śrīdharo deva ārttānāmartināśanaḥ

Having done this, O Lord of the universe, you raised up Shri (Lakshmi) — salutations to you. O Lord of Shri, Shridhara, you are the destroyer of the affliction of the afflicted.

Verse 25 (skanda.7.81.25)

बलिर्वामनरूपेण त्वया बद्धोऽसुरारिणा। हिरण्याक्षो महादैत्यो हिरण्यकशिपुर्हतः

balirvāmanarūpeṇa tvayā baddho'surāriṇā| hiraṇyākṣo mahādaityo hiraṇyakaśipurhataḥ

O enemy of the demons, in the form of Vamana you bound Bali; you slew the great demon Hiranyaksha and Hiranyakashipu.

Verse 26 (skanda.7.81.26)

नारसिंहेन रूपेण अन्तरिक्षे धृतस्त्वया। देवमूल महादेव उद्धृतं भुवनं त्वया

nārasiṁhena rūpeṇa antarikṣe dhṛtastvayā| devamūla mahādeva uddhṛtaṁ bhuvanaṁ tvayā

In the man-lion form, you held him in mid-air; O great god, the root of the gods, you have redeemed this whole world.

Verse 27 (skanda.7.81.27)

त्वया विना जगन्नाथ भुवनं निष्प्रभी कृतम्। सूर्येणेव तु विक्रान्तं तमोभिरिव दानवैः

tvayā vinā jagannātha bhuvanaṁ niṣprabhī kṛtam| sūryeṇeva tu vikrāntaṁ tamobhiriva dānavaiḥ

Without you, O Lord of the universe, the world has become bereft of splendor, as though overrun by darkness-like demons in the absence of the sun.

Verse 28 (skanda.7.81.28)

श्रुत्वा स्तोत्रमिदं देवि विष्णुः कमललोचनः। उवाच देवान्ब्रह्माद्यान्क्षीरोदार्णव बोधितः

śrutvā stotramidaṁ devi viṣṇuḥ kamalalocanaḥ| uvāca devānbrahmādyānkṣīrodārṇava bodhitaḥ

O Devi, having heard this hymn, the lotus-eyed Vishnu, awakened in the ocean of milk, spoke to Brahma and the other gods —

Verse 29 (skanda.7.81.29)

भयं त्यजध्वं वै देवा दानवान्प्रति सर्वथा। अचिरेणैव कालेन घातयिष्यामि दानवान्

bhayaṁ tyajadhvaṁ vai devā dānavānprati sarvathā| acireṇaiva kālena ghātayiṣyāmi dānavān

'O gods, abandon all fear of the demons; in a very short time I shall destroy the demons.'

Verse 30 (skanda.7.81.30)

एवमुक्त्वाथ तैः सार्द्धमा जगाम जनार्द्दनः। दानवान्घातयामास स चक्रेण पृथक्पृथक्

evamuktvātha taiḥ sārddhamā jagāma janārddanaḥ| dānavānghātayāmāsa sa cakreṇa pṛthakpṛthak

Having said this, Janardana came there together with them, and slew the demons one by one with his discus.

Verse 31 (skanda.7.81.31)

भयार्त्ता दानवाः सर्वे पलायनपरायणाः। प्रभासं क्षेत्रमासाद्य समुद्राभिमुखा भवन्

bhayārttā dānavāḥ sarve palāyanaparāyaṇāḥ| prabhāsaṁ kṣetramāsādya samudrābhimukhā bhavan

All the demons, tormented with fear, took to flight, and reaching the Prabhasa field, stood facing the ocean.

Verse 32 (skanda.7.81.32)

नश्यमानास्ततो दृष्ट्वा दैत्यान्दैत्यविनाशनम्। संजघ्ने तान्स चक्रेण निःशेषान्सर्वदानवान्

naśyamānāstato dṛṣṭvā daityāndaityavināśanam| saṁjaghne tānsa cakreṇa niḥśeṣānsarvadānavān

Seeing those demons fleeing, the destroyer of demons slew with his discus all those demons, without exception.

Verse 33 (skanda.7.81.33)

हतेषु सर्वदैत्येषु देवब्राह्मणतापसैः। कल्याणमभवत्तत्र जगत्स्वस्थमनाकुलम्

hateṣu sarvadaityeṣu devabrāhmaṇatāpasaiḥ| kalyāṇamabhavattatra jagatsvasthamanākulam

With all the demons slain, welfare came to the gods, Brahmins, and ascetics there, and the world became tranquil and undisturbed.

Verse 34 (skanda.7.81.34)

तत्प्रभृत्येव देवस्य दैत्यसूदननाम तत्। एतन्माहात्म्यमतुलं कथितं तव सुन्दरि। दैत्यसूदनदेवस्य महाभाग्यं महोदयम्

tatprabhṛtyeva devasya daityasūdananāma tat| etanmāhātmyamatulaṁ kathitaṁ tava sundari| daityasūdanadevasya mahābhāgyaṁ mahodayam

From that time onward, that god's name became Daityasudana. O beautiful one, I have thus related to you this incomparable, great, and most fortunate glory of the god Daityasudana.

Verse 35 (skanda.7.81.35)

तं दृष्ट्वा न जडो नांधो न दरिद्रो न दुःखितः। जायते सप्त जन्मानि सत्यंसत्यं वरानने

taṁ dṛṣṭvā na jaḍo nāṁdho na daridro na duḥkhitaḥ| jāyate sapta janmāni satyaṁsatyaṁ varānane

O fair-faced one, having beheld him, one is not born dull-witted, blind, poor, or miserable for seven births — this is true, truly true.

Verse 36 (skanda.7.81.36)

श्रवणद्वादशीं पुण्यां रोहिण्यां चाष्टमीं शुभाम्। शयनोत्थापनीं चैव नरः कृत्वा प्रयत्नतः

śravaṇadvādaśīṁ puṇyāṁ rohiṇyāṁ cāṣṭamīṁ śubhām| śayanotthāpanīṁ caiva naraḥ kṛtvā prayatnataḥ

The man who diligently observes the meritorious Dvadashi under Shravana, the auspicious Ashtami under Rohini, and the Shayani and Utthapani (Ekadashi) observances,

Verse 37 (skanda.7.81.37)

एकैकेनोपवासेन उपवासायुतं फलम्। लभते नात्र सन्देहो दैत्यसूदनसन्निधौ

ekaikenopavāsena upavāsāyutaṁ phalam| labhate nātra saṁdeho daityasūdanasannidhau

obtains, from each single fast, the fruit of ten thousand fasts, in the presence of Daityasudana — there is no doubt of this.

Verse 38 (skanda.7.81.38)

चण्डालः श्वपचो वापि तिर्यग्योनिगतोऽपि वा। प्राणत्यागे कृते तस्मिन्नाच्युतं लोकमाप्नुयात्

caṇḍālaḥ śvapaco vāpi tiryagyonigato'pi vā| prāṇatyāge kṛte tasminnācyutaṁ lokamāpnuyāt

Whether he be an outcaste, a dog-cooking Shvapaca, or even one born in an animal womb, if he gives up his life there, he attains the imperishable world (of Achyuta/Vishnu).

Verse 39 (skanda.7.81.39)

कार्तिक्यां चैव वैशाख्यां मासमेकमुपोषयेत्। दैत्यसूदनमध्यस्थः सम्यक्छ्रद्धासमन्वितः

kārtikyāṁ caiva vaiśākhyāṁ māsamekamupoṣayet| daityasūdanamadhyasthaḥ samyakśraddhāsamanvitaḥ

In the month of Karttika or Vaishakha, one should fast for one whole month, dwelling near Daityasudana, endowed with complete faith.

Verse 40 (skanda.7.81.40)

एकैकेनोपवासेन कोटिकोटि पृथक्पृथक्। लभते तत्फलं सर्वं विष्णुक्षेत्रप्रभावतः

ekaikenopavāsena koṭikoṭi pṛthakpṛthak| labhate tatphalaṁ sarvaṁ viṣṇukṣetraprabhāvataḥ

From each single fast one obtains, separately, a fruit multiplied a crore-fold — all this by the power of the field of Vishnu.

Verse 41 (skanda.7.81.41)

दीपं ददाति यस्तत्र मासं वा पक्षमेव वा। एकैक दीपदानेन कोटिदीपफलं लभेत्

dīpaṁ dadāti yastatra māsaṁ vā pakṣameva vā| ekaika dīpadānena koṭidīpaphalaṁ labhet

Whoever offers a lamp there for a month or for a fortnight obtains, from each single lamp-offering, the fruit of a crore of lamps.

Verse 42 (skanda.7.81.42)

पंचामृतेन संस्नाप्य देवदेवं चतुर्भुजम्। एकादश्यां निराहारः पूजयित्वाऽच्युतो भवेत्

paṁcāmṛtena saṁsnāpya devadevaṁ caturbhujam| ekādaśyāṁ nirāhāraḥ pūjayitvā'cyuto bhavet

Bathing the four-armed god of gods with the five nectars, and worshipping him while fasting completely on Ekadashi, one becomes like Achyuta (Vishnu himself).

Verse 43 (skanda.7.81.43)

चातुर्मास्यं विधानेन दैत्यसूदनसन्निधौ। नियमेन क्षिपेद्यस्तु तस्य तुष्यति केशवः

cāturmāsyaṁ vidhānena daityasūdanasannidhau| niyamena kṣipedyastu tasya tuṣyati keśavaḥ

Whoever spends the four months of the rainy season (Chaturmasya) duly and with proper discipline in the presence of Daityasudana, with him Keshava becomes pleased.

Verse 44 (skanda.7.81.44)

अन्यक्षेत्रेषु यत्कृत्वा चातुर्मास्यानि कोटिशः। तत्फलं लभते सर्वं दैत्यसूदनदर्शनात्

anyakṣetreṣu yatkṛtvā cāturmāsyāni koṭiśaḥ| tatphalaṁ labhate sarvaṁ daityasūdanadarśanāt

Whatever fruit is obtained by performing crores of Chaturmasya observances in other sacred fields, all of that fruit is obtained merely by the sight of Daityasudana.

Verse 45 (skanda.7.81.45)

ब्रह्माण्डं सकलं दत्त्वा यत्पुण्यफलमाप्नुयात्। तत्पुण्यं लभते सर्वं दैत्यसूदनदर्शनात्

brahmāṇḍaṁ sakalaṁ dattvā yatpuṇyaphalamāpnuyāt| tatpuṇyaṁ labhate sarvaṁ daityasūdanadarśanāt

Whatever meritorious fruit is obtained by giving away the entire universe as a gift, all of that merit is obtained merely by the sight of Daityasudana.

Verse 46 (skanda.7.81.46)

एकादश्यां तु यस्तत्र कुरुते जागरं नरः। गीतनृत्यैस्तथा वाद्यैः प्रेक्षणीयैस्तथाविधैः। स याति वैष्णवं लोकं यं गत्वा न निवर्त्तते

ekādaśyāṁ tu yastatra kurute jāgaraṁ naraḥ| gītanṛtyaistathā vādyaiḥ prekṣaṇīyaistathāvidhaiḥ| sa yāti vaiṣṇavaṁ lokaṁ yaṁ gatvā na nivarttate

The man who keeps a night-vigil there on Ekadashi with song, dance, music, and such pleasing entertainments, goes to the world of Vishnu, from which, having gone, one does not return.

Verse 47 (skanda.7.81.47)

हत्याऽयुतानीह सुसंचितानि स्तेयानि रुक्मस्य न सन्ति संख्या। निहंति केनापि पुरा कृतानि सर्वाणि भद्रा निशि जागरेण

hatyā'yutānīha susaṁcitāni steyāni rukmasya na saṁti saṁkhyā| nihaṁti kenāpi purā kṛtāni sarvāṇi bhadrā niśi jāgareṇa

Thousands of accumulated killings here, and thefts of gold beyond count — all such deeds committed at any earlier time by anyone are destroyed through the night-vigil on the auspicious (Ekadashi) night.

Verse 48 (skanda.7.81.48)

मार्गा न ते प्रेतपुरी न दूता वनं च तत्खेचरखड्गपत्रम्। स्वप्ने न पश्यंति च ते मनुष्या येषां गता जागरणेन भद्रा

mārgā na te pretapurī na dūtā vanaṁ ca tatkhecarakhaḍgapatram| svapne na paśyaṁti ca te manuṣyā yeṣāṁ gatā jāgaraṇena bhadrā

Those men for whom the auspicious (Ekadashi) night has passed in vigil do not even in dream behold the roads to the city of the dead, the messengers of Yama, or that forest with sword-edged leaves (a hell-realm).

Verse 49 (skanda.7.81.49)

कन्यासहस्रं विधिवद्ददाति रत्नैरलंकृत्य स्वधर्मबुद्ध्या। गवां सहस्रं कुरुजांगले तु तेषां परं जागरणेन विष्णोः

kanyāsahasraṁ vidhivaddadāti ratnairalaṁkṛtya svadharmabuddhyā| gavāṁ sahasraṁ kurujāṁgale tu teṣāṁ paraṁ jāgaraṇena viṣṇoḥ

Whatever merit is obtained by duly giving a thousand maidens adorned with jewels, out of a sense of one's own righteous duty, or by the gift of a thousand cows in the Kurujangala land — greater than all that is the merit gained by keeping a night-vigil for Vishnu.

Verse 50 (skanda.7.81.50)

कृत्वा चैवोपवासं च योऽश्नाति द्वादशीदिने। नैवेद्यं तुलसीमिश्रं हत्याकोटिविनाशनम्

kṛtvā caivopavāsaṁ ca yo'śnāti dvādaśīdine| naivedyaṁ tulasīmiśraṁ hatyākoṭivināśanam

He who, having fasted, partakes on the twelfth day of the sacred food mixed with Tulasi leaves — this destroys the sin of a crore of killings.

Verse 51 (skanda.7.81.51)

इति ते कथितं देवि माहात्म्यं पापनाशनम्। दैत्यसूदनदेवस्य किमन्यत्परिपृच्छसि

iti te kathitaṁ devi māhātmyaṁ pāpanāśanam| daityasūdanadevasya kimanyatparipṛcchasi

Thus, O Devi, I have related to you this sin-destroying glory of the god Daityasudana; what more do you wish to ask?

Verse 52 (skanda.7.81.52)

पीतवस्त्राणि देवस्य गां हिरण्यं च दापयेत्। स्नात्वा चक्रवरे तीर्थे मुच्यते सर्वपातकात्

pītavastrāṇi devasya gāṁ hiraṇyaṁ ca dāpayet| snātvā cakravare tīrthe mucyate sarvapātakāt

One should offer the god yellow garments, a cow, and gold; bathing in the sacred ford of Chakravara, one is freed from all sins.