The Hymn and Consecration of Nandishvara

Verse 1 (skanda.8.24.1)

सनत्कुमार उवाच। ते गणेशा महासत्वाः सर्वदेवेश्वरेश्वरम् । प्रणम्य देवदेवञ्च इदं वचनमब्रुवन्

sanatkumāra uvāca| te gaṇeśā mahāsatvāḥ sarvadeveśvareśvaram | praṇamya devadevañca idaṁ vacanamabruvan

Sanatkumara said: Those lords of the ganas, of great might, having bowed to the lord of the lords of all gods, the God of gods, spoke these words —

Verse 2 (skanda.8.24.2)

भगवन् देवतारिघ्न देवदेवाम्बिकापते । किमर्थं वयमाहूता आज्ञापय कृतं हि तत्

bhagavan devatārighna devadevāmbikāpate | kimarthaṁ vayamāhūtā ājñāpaya kṛtaṁ hi tat

'O Blessed One, slayer of the enemies of the gods, O God of gods, lord of Ambika, why have we been summoned? Command us; it shall be done.'

Verse 3 (skanda.8.24.3)

किं सागरान् शोषयाम यमं वा राहु किङ्करैः । हन्म मृत्युं च कालं च न भवत्यस्य कोप्यज

kiṁ sāgarān śoṣayāma yamaṁ vā rāhu kiṅkaraiḥ | hanma mṛtyuṁ ca kālaṁ ca na bhavatyasya kopyaja

'Shall we dry up the oceans, or seize Yama, or Rahu, with your servants? Shall we slay Death and Time? For you, O unborn one, nothing is impossible.'

Verse 4 (skanda.8.24.4)

बद्ध्वेन्द्रं सह देवैश्च सविष्णुं सह वायुना । आनयाम सुसंक्रुद्धा दैत्यान् वा सह दानवैः

baddhvendraṁ saha devaiśca saviṣṇuṁ saha vāyunā | ānayāma susaṁkruddhā daityān vā saha dānavaiḥ

'Shall we bind Indra together with the gods, and Vishnu together with Vayu, and bring them here in fury? Or the daityas together with the danavas?'

Verse 5 (skanda.8.24.5)

कस्याद्य व्यसनं घोरं करिष्यामस्तवाज्ञया । कस्य वाद्योत्सवं देव सर्वकामसमृद्धिमत्

kasyādya vyasanaṁ ghoraṁ kariṣyāmastavājñayā | kasya vādyotsavaṁ deva sarvakāmasamṛddhimat

'For whom today shall we, by your command, bring terrible calamity? Or, O god, for whom today shall we bring a festival abounding in every delight?'

Verse 6 (skanda.8.24.6)

तांस्तथावादिनः सर्वान्नमतो भक्तवत्सलः । उवाच देवः संपूज्य गणान् गणपतिर्भवः

tāṁstathāvādinaḥ sarvānnamato bhaktavatsalaḥ | uvāca devaḥ saṁpūjya gaṇān gaṇapatirbhavaḥ

To all of them who spoke thus and bowed, Bhava, that god who loves his devotees, the lord of the ganas, having honoured them, said —

Verse 7 (skanda.8.24.7)

देवदेव उवाच। शृणुध्वं यत्कृते यूयमिहाहूता जगद्धिताः । श्रुत्वा च प्रयतात्मानः कुरुध्वं तदशङ्किताः

devadeva uvāca| śṛṇudhvaṁ yatkṛte yūyamihāhūtā jagaddhitāḥ | śrutvā ca prayatātmānaḥ kurudhvaṁ tadaśaṅkitāḥ

The God of gods said: 'Hear for what purpose you, benefactors of the world, have been summoned here; and having heard, with controlled minds, do it without hesitation.'

Verse 8 (skanda.8.24.8)

नन्दीश्वरोऽयं पुत्रो नः सर्वेषामीश्वरेश्वरः । प्रियोऽग्रनायकश्चैव सेनानीर्वः समाहितः

nandīśvaro'yaṁ putro naḥ sarveṣāmīśvareśvaraḥ | priyo'granāyakaścaiva senānīrvaḥ samāhitaḥ

'This Nandishvara is our son, the lord of lords over you all; dear, your foremost leader, and your composed commander.'

Verse 9 (skanda.8.24.9)

तमिमं मम सन्देशाद्यूयं सर्वेभिसंमताः । सेनान्यमभिसिञ्चध्वं महायोगपतिं पतिम्

tamimaṁ mama sandeśādyūyaṁ sarvebhisaṁmatāḥ | senānyamabhisiñcadhvaṁ mahāyogapatiṁ patim

'By my command, all of you together, consecrate him as commander, as your lord, the lord of great yoga.'

Verse 10 (skanda.8.24.10)

अद्यप्रभृति युष्माकमयं नन्दीश्वरः शुभः । प्रियो गौरवयुक्तश्च सेनानीरमरः प्रभुः

adyaprabhṛti yuṣmākamayaṁ nandīśvaraḥ śubhaḥ | priyo gauravayuktaśca senānīramaraḥ prabhuḥ

'From this day forward, this auspicious Nandishvara is your dear, honoured commander, an immortal lord.'

Verse 11 (skanda.8.24.11)

सनत्कुमार उवाच। एवमुक्ते भगवता गणपाः सर्व एव ते । एवमस्त्विति संमन्त्र्य संभारानाहरँस्ततः

sanatkumāra uvāca| evamukte bhagavatā gaṇapāḥ sarva eva te | evamastviti saṁmantrya saṁbhārānāhara~stataḥ

Sanatkumara said: When the Blessed One had spoken thus, all those lords of ganas, having deliberated and agreed, 'So be it,' then brought together the necessary materials.

Verse 12 (skanda.8.24.12)

तस्य रूपाश्रयं दिव्यं जाम्बूनदमयं शुभम् । आसनं मेरुसंकाशं मनोरममथाहरन्

tasya rūpāśrayaṁ divyaṁ jāmbūnadamayaṁ śubham | āsanaṁ merusaṁkāśaṁ manoramamathāharan

They brought a divine, auspicious throne befitting his form, made of jambunada gold, resembling Meru, delightful to behold.

Verse 13 (skanda.8.24.13)

शातकुम्भमयञ्चापि चारुचामीकरप्रभम् । मुक्तादामावलम्बं च मणिरत्नावभासितम्

śātakumbhamayañcāpi cārucāmīkaraprabham | muktādāmāvalambaṁ ca maṇiratnāvabhāsitam

The throne was made of pure gold, radiant with lovely gold, hung with strings of pearls, and adorned with gems and jewels.

Verse 14 (skanda.8.24.14)

स्तम्भैश्च वैडूर्यमयैः किंकिणीजालसंवृतम् । चातूरक्तकसंयुक्तं मण्डपं विश्वतो मुखम्

stambhaiśca vaiḍūryamayaiḥ kiṁkiṇījālasaṁvṛtam | cātūraktakasaṁyuktaṁ maṇḍapaṁ viśvato mukham

With pillars made of beryl, covered with a network of little bells, they built a pavilion open on every side, adorned with red cloth.

Verse 15 (skanda.8.24.15)

कृत्वा चक्रुश्च तन्मध्ये तदासनवरं शुभम् । तस्याग्रतः पादपीठं नीलं वज्रावभासितम्

kṛtvā cakruśca tanmadhye tadāsanavaraṁ śubham | tasyāgrataḥ pādapīṭhaṁ nīlaṁ vajrāvabhāsitam

Having built the pavilion, they placed within it that excellent, auspicious throne; before it, a footstool of dark hue, gleaming with diamonds.

Verse 16 (skanda.8.24.16)

चक्रुः पादप्रतिष्ठार्थं कलशौ चास्य पार्श्वगौ । संपूणौ परमाम्भोभिररविन्दावृताननौ

cakruḥ pādapratiṣṭhārthaṁ kalaśau cāsya pārśvagau | saṁpūṇau paramāmbhobhiraravindāvṛtānanau

For the placement of his feet, they set two pitchers at his sides, filled to the brim with the finest water, their mouths covered with lotuses.

Verse 17 (skanda.8.24.17)

अग्रतोग्निं समाधाय वृषभञ्चापि पार्श्वतः । सवत्सां सुरभिञ्चापि तस्य पार्श्वेथ दक्षिणाम्

agratogniṁ samādhāya vṛṣabhañcāpi pārśvataḥ | savatsāṁ surabhiñcāpi tasya pārśvetha dakṣiṇām

Having kindled a fire in front, and placing a bull also at his side, and the cow Surabhi with her calf on his right side —

Verse 18 (skanda.8.24.18)

छत्रं शतशलाकं च जाम्बूनदमयं शुभम् । शंखहाराम्बुगौरेण पृष्ठेनाभिविराजितम्

chatraṁ śataśalākaṁ ca jāmbūnadamayaṁ śubham | śaṁkhahārāmbugaureṇa pṛṣṭhenābhivirājitam

— an auspicious umbrella of a hundred ribs, made of jambunada gold, its canopy resplendent, white as conch, pearl, and water —

Verse 19 (skanda.8.24.19)

व्यजनं चन्द्रशुभ्रञ्च हेमदण्डं सुचारुमत् । मालां कुशेशयानां च भ्रमरावलिसेविताम्

vyajanaṁ candraśubhrañca hemadaṇḍaṁ sucārumat | mālāṁ kuśeśayānāṁ ca bhramarāvalisevitām

— a fan white as the moon, with a golden handle, most lovely; and a garland of lotuses, attended by rows of bees —

Verse 20 (skanda.8.24.20)

आनिन्युस्तत्र गणपा नन्द्यावर्त्ताँश्च काञ्चनान् । पुनर्वसुञ्च पुष्यञ्च द्वौ मत्स्यौ वरुणालयौ

āninyustatra gaṇapā nandyāvarttā~śca kāñcanān | punarvasuñca puṣyañca dvau matsyau varuṇālayau

The lords of ganas brought there golden nandyavarta symbols, images of Punarvasu and Pushya, and two golden fish, dwellers of Varuna's realm —

Verse 21 (skanda.8.24.21)

स्वस्तिकं वर्धमानं च श्रीवत्सं चैव काञ्चनम् । कीचका वेणवश्चैव कन्याश्चैवाभिपूजिताः

svastikaṁ vardhamānaṁ ca śrīvatsaṁ caiva kāñcanam | kīcakā veṇavaścaiva kanyāścaivābhipūjitāḥ

— a swastika, a vardhamana symbol, and a golden Shrivatsa; hollow bamboos and reed-flutes, and honoured maidens —

Verse 22 (skanda.8.24.22)

ऐरावतं सुप्रतीकं गजावेतौ च पूजितौ । ध्वजञ्च पूजितं दिव्यं शंखं चैवेन्दुवर्चसम्

airāvataṁ supratīkaṁ gajāvetau ca pūjitau | dhvajañca pūjitaṁ divyaṁ śaṁkhaṁ caivenduvarcasam

— the two honoured elephants Airavata and Supratika, a divine, honoured banner, and a conch radiant as the moon —

Verse 23 (skanda.8.24.23)

कलशानां सहस्रञ्च काञ्चनानां सुवर्चसाम् । राजतानां सहस्रञ्च पार्थिवानां तथैव च

kalaśānāṁ sahasrañca kāñcanānāṁ suvarcasām | rājatānāṁ sahasrañca pārthivānāṁ tathaiva ca

— a thousand splendid golden pitchers, a thousand silver ones, and likewise earthen ones —

Verse 24 (skanda.8.24.24)

ताम्राणामथ दिव्यानां सहस्रमनलत्विषाम् । वासोयुगं वृक्षजं च विरजः सूक्ष्ममेव च

tāmrāṇāmatha divyānāṁ sahasramanalatviṣām | vāsoyugaṁ vṛkṣajaṁ ca virajaḥ sūkṣmameva ca

— a thousand divine copper ones, radiant as fire; and a pair of garments made from tree-bark, spotless and fine —

Verse 25 (skanda.8.24.25)

मुकुटं काञ्चनं चैव सुकृतं विश्वकर्मणा । कुण्डले चामले दिव्ये वज्रञ्चैव वरायुधम्

mukuṭaṁ kāñcanaṁ caiva sukṛtaṁ viśvakarmaṇā | kuṇḍale cāmale divye vajrañcaiva varāyudham

— a golden crown, finely crafted by Vishvakarma; two divine, spotless earrings; and the thunderbolt, that excellent weapon —

Verse 26 (skanda.8.24.26)

पट्टिशञ्च महद्दिव्यं शूलं चाशनिमेव च । जाम्बूनदमयं सूत्रं केयूरद्वयमेव च

paṭṭiśañca mahaddivyaṁ śūlaṁ cāśanimeva ca | jāmbūnadamayaṁ sūtraṁ keyūradvayameva ca

— a great divine pattisha, a trident, and a thunderbolt; a sacred thread of jambunada gold, and a pair of armlets —

Verse 27 (skanda.8.24.27)

हारञ्च मणिचित्राङ्गं रोचना रुचकं तथा । नलभा पारियात्रं च वर्णं कङ्कणमेव च

hārañca maṇicitrāṅgaṁ rocanā rucakaṁ tathā | nalabhā pāriyātraṁ ca varṇaṁ kaṅkaṇameva ca

— a necklace of colourful gems, gorochana pigment and a rucaka ornament, and various bracelets (this verse is somewhat uncertain in the source) —

Verse 28 (skanda.8.24.28)

दर्भाँश्च दिव्यान् समिध आज्यं धूपमथापि च । समन्तान् निन्युरव्यग्रा गणपा देवसम्मताः

darbhā~śca divyān samidha ājyaṁ dhūpamathāpi ca | samantān ninyuravyagrā gaṇapā devasammatāḥ

— and divine kusha grass, sacrificial fuel, clarified butter, and incense — all these the lords of the ganas, honoured by the god, brought from every side, undistracted.

Verse 29 (skanda.8.24.29)

ततो दिशः समुद्राश्च वरुणः । नभोग्निर्वसवश्चैव चन्द्रादित्यौ ग्रहैस्सह

tato diśaḥ samudrāśca varuṇaḥ | nabhognirvasavaścaiva candrādityau grahaissaha

Then the quarters, the oceans, and Varuna (a portion of this verse is lost) — the sky, fire, the Vasus, and the sun and moon together with the planets —

Verse 30 (skanda.8.24.30)

तारारूपाणि सर्वाणि नक्षत्राणि ध्रुवस्तथा । रुद्रा रक्षांसि यक्षाश्च अश्विनौ दैत्यदानवाः

tārārūpāṇi sarvāṇi nakṣatrāṇi dhruvastathā | rudrā rakṣāṁsi yakṣāśca aśvinau daityadānavāḥ

— all the forms of the stars, the lunar mansions, and the Pole Star; the Rudras, the rakshasas, the yakshas; the two Ashvins, the daityas and danavas —

Verse 31 (skanda.8.24.31)

गन्धर्वाप्सरसश्चैव नारदः पर्वतस्तथा । पृथिवी च समुद्राश्च वर्षाणि गिरयस्तथा

gandharvāpsarasaścaiva nāradaḥ parvatastathā | pṛthivī ca samudrāśca varṣāṇi girayastathā

— the gandharvas and apsarases, Narada and Parvata; the Earth, the oceans, the regions, and the mountains —

Verse 32 (skanda.8.24.32)

वृक्षाश्च बीरुधश्चैव ओषध्यश्च महाबलाः । नद्यः सर्वाः समाजग्मुर्वसवश्चैव सर्वशः

vṛkṣāśca bīrudhaścaiva oṣadhyaśca mahābalāḥ | nadyaḥ sarvāḥ samājagmurvasavaścaiva sarvaśaḥ

— trees and creepers, and the mighty herbs; all the rivers came together, and the Vasus in every form.

Verse 33 (skanda.8.24.33)

लोकस्य मातरश्चैव पृथिवी स्वर्ग एव च । भूतानि प्रकृतिश्चैव इन्द्रियाणि च सर्वशः

lokasya mātaraścaiva pṛthivī svarga eva ca | bhūtāni prakṛtiścaiva indriyāṇi ca sarvaśaḥ

— the Mothers of the world, the Earth and Heaven; the elements, primordial nature, and the senses in every form —

Verse 34 (skanda.8.24.34)

तीर्थानि चैव सर्वाणि दानानि विविधानि च । ऋचो यजूंषि सामानि अथर्वाङ्गिरसा अपि

tīrthāni caiva sarvāṇi dānāni vividhāni ca | ṛco yajūṁṣi sāmāni atharvāṅgirasā api

— all the sacred fords, and the various forms of giving; the Rig, Yajur, and Sama verses, and the Atharvangirasa too —

Verse 35 (skanda.8.24.35)

यज्ञाश्च क्रतवश्चैव इष्टयो नियमास्तथा । छन्दांसि चैव सर्वाणि पिशाचा देवयोनयः

yajñāśca kratavaścaiva iṣṭayo niyamāstathā | chandāṁsi caiva sarvāṇi piśācā devayonayaḥ

— the sacrifices and the rites, the offerings and the observances; all the metres; the pishachas and the divine births —

Verse 36 (skanda.8.24.36)

ब्रह्मा च ऋषयश्चैव विष्णुः सानुचरस्तथा । प्राचीं प्रतीचीं ये रुद्रा दक्षिणामुत्तरं तथा

brahmā ca ṛṣayaścaiva viṣṇuḥ sānucarastathā | prācīṁ pratīcīṁ ye rudrā dakṣiṇāmuttaraṁ tathā

— Brahma, and the sages, and Vishnu together with his attendants; the Rudras of the east, the west, the south, and likewise the north —

Verse 37 (skanda.8.24.37)

अधश्चोर्ध्वं च ये रुद्राः साध्याः पितर एव च । तेष्वागतेषु सर्वेषु भगवान् गोवृषध्वजः

adhaścordhvaṁ ca ye rudrāḥ sādhyāḥ pitara eva ca | teṣvāgateṣu sarveṣu bhagavān govṛṣadhvajaḥ

— and the Rudras of below and above, the Sadhyas, and the forefathers — when all of these had arrived, the Blessed One, the Bull-bannered —

Verse 38 (skanda.8.24.38)

सर्वं कार्यविधिं कर्तुमादिदेश पितामहम् । एकैकं कलशं तत्र सर्वौषधिसमन्वितम्

sarvaṁ kāryavidhiṁ kartumādideśa pitāmaham | ekaikaṁ kalaśaṁ tatra sarvauṣadhisamanvitam

— commanded the Grandsire to perform the whole rite. There, each single pitcher, filled with all the medicinal herbs,

Verse 39 (skanda.8.24.39)

कृत्वाद्भिः पूरयित्वा च कुशेशययुगावृतम् । जयाञ्च विजयाञ्चैव सिंहीं व्याघ्रीं तथैव च

kṛtvādbhiḥ pūrayitvā ca kuśeśayayugāvṛtam | jayāñca vijayāñcaiva siṁhīṁ vyāghrīṁ tathaiva ca

— was made and filled with water, and covered by a pair of lotus leaves, and filled with the herbs Jaya and Vijaya, Simhi and Vyaghri —

Verse 40 (skanda.8.24.40)

सुवर्चलां शंखपुष्पीं विष्णुक्रान्तां पुनर्नवाम् । कुमारीं चन्द्रकान्ताञ्च मृतसञ्जीवनीमपि

suvarcalāṁ śaṁkhapuṣpīṁ viṣṇukrāntāṁ punarnavām | kumārīṁ candrakāntāñca mṛtasañjīvanīmapi

— Suvarchala, Shankhapushpi, Vishnukranta, Punarnava, Kumari, Chandrakanta, and even the life-restoring herb, Mritasanjivani —

Verse 41 (skanda.8.24.41)

आदित्यवर्चसं चैव अमृतां श्रीनिकेतनाम् । तथा कुमुद्वतीं चैव प्राक्षिपँस्ते तथौषधीम्

ādityavarcasaṁ caiva amṛtāṁ śrīniketanām | tathā kumudvatīṁ caiva prākṣipa~ste tathauṣadhīm

— Adityavarchasa, Amrita, Shrinikentana, and likewise Kumudvati — these herbs they threw in.

Verse 42 (skanda.8.24.42)

पार्थिवेषु तदा व्यास सर्वेष्वेव गणेश्वराः । सौवर्णेषु तु सर्वेषु तीर्थानि विविधानि च

pārthiveṣu tadā vyāsa sarveṣveva gaṇeśvarāḥ | sauvarṇeṣu tu sarveṣu tīrthāni vividhāni ca

Then, O Vyasa, into all the earthen pitchers, the lords of ganas placed offerings, and into all the golden ones, waters of the various sacred fords —

Verse 43 (skanda.8.24.43)

दानानि चैव सर्वाणि भगवान् संन्यवेशयत् । राजतेषु च कुम्भेषु मन्त्राँश्छन्दांसि चैव ह

dānāni caiva sarvāṇi bhagavān saṁnyaveśayat | rājateṣu ca kumbheṣu mantrā~śchandāṁsi caiva ha

— and the Blessed One placed all manner of gifts; and into the silver pitchers, the sacred formulas and metres —

Verse 44 (skanda.8.24.44)

क्रतुमत्यश्च विविधा इष्टीः काम्यान् तथेतरान् । औदुम्बरेषु सर्वेषु सरितः सागरांस्तथा

kratumatyaśca vividhā iṣṭīḥ kāmyān tathetarān | audumbareṣu sarveṣu saritaḥ sāgarāṁstathā

— various rites bearing the sacrifice, both those performed for desired ends and others; and into all the fig-wood pitchers, the rivers and the oceans —

Verse 45 (skanda.8.24.45)

तपांसि नियमाँश्चैव भगवानभिविन्यसन् । एकैकं कलशं तत्र अभिपूर्याभिमन्त्र्य च

tapāṁsi niyamā~ścaiva bhagavānabhivinyasan | ekaikaṁ kalaśaṁ tatra abhipūryābhimantrya ca

— and austerities and observances the Blessed One placed within. Having thus filled and consecrated with mantras each single pitcher there —

Verse 46 (skanda.8.24.46)

वेष्टयित्वा च सूत्रेण देवेभ्यः प्रददौ विभुः । स जग्राह तदा ब्रह्मा एकं कलशमात्मना

veṣṭayitvā ca sūtreṇa devebhyaḥ pradadau vibhuḥ | sa jagrāha tadā brahmā ekaṁ kalaśamātmanā

— and having bound it round with sacred thread, the mighty one gave them to the gods. Then Brahma himself took one pitcher,

Verse 47 (skanda.8.24.47)

विष्णवे च ददावेकमेकमिन्द्राय धीमते । गणपेभ्यस्तथा चान्यानृषिभ्यश्च पितामहः

viṣṇave ca dadāvekamekamindrāya dhīmate | gaṇapebhyastathā cānyānṛṣibhyaśca pitāmahaḥ

— and gave one to Vishnu, one to the wise Indra; and the Grandsire gave others to the lords of ganas and to the sages.

Verse 48 (skanda.8.24.48)

ततः श्रेष्ठासने तस्मिन्नुपवेश्य महामनाः । अर्चयित्वा तु तं ब्रह्मा स्वयमेवाभ्यषिञ्चत

tataḥ śreṣṭhāsane tasminnupaveśya mahāmanāḥ | arcayitvā tu taṁ brahmā svayamevābhyaṣiñcata

Then, having seated him on that excellent throne, the great-minded Brahma, having worshipped him, himself performed the first consecration.

Verse 49 (skanda.8.24.49)

ततो विष्णुस्ततः शक्र ऋषयश्च सहामरैः । गणाधिपाश्च ते सर्वेऽभ्यषिञ्चन्त नन्दिनम्

tato viṣṇustataḥ śakra ṛṣayaśca sahāmaraiḥ | gaṇādhipāśca te sarve'bhyaṣiñcanta nandinam

Then Vishnu, then Shakra, and the sages together with the immortals, and all those lords of ganas, consecrated Nandi.

Verse 50 (skanda.8.24.50)

वासोयुगं च तद्दिव्यं गन्धान्दिव्याँस्तथैव च । केयूरे कुण्डले चैव मुकुटं हारमेव च

vāsoyugaṁ ca taddivyaṁ gandhāndivyā~stathaiva ca | keyūre kuṇḍale caiva mukuṭaṁ hārameva ca

Then they gave that divine pair of garments, and likewise divine perfumes; armlets, earrings, a crown, and a necklace —

Verse 51 (skanda.8.24.51)

पट्टिशं शूलवज्रं च अशनी च ददौ स्वयम् । छत्रं जग्राह देवेन्द्रो वायुर्व्यजनमेव च

paṭṭiśaṁ śūlavajraṁ ca aśanī ca dadau svayam | chatraṁ jagrāha devendro vāyurvyajanameva ca

— the pattisha, the trident, the vajra, and the thunderbolt-weapon he himself gave. Indra took up the umbrella, and Vayu the fan,

Verse 52 (skanda.8.24.52)

ऋषयस्तुष्टुवुश्चैनं पितामहपुरोगमाः

ṛṣayastuṣṭuvuścainaṁ pitāmahapurogamāḥ

and the sages, led by the Grandsire, praised him.

Verse 53 (skanda.8.24.53)

विष्णुरुवाच। नमः कुष्माण्डराजाय वज्रोद्यतकराय च । शालंकायनपौत्राय हलमार्गोत्थिताय च

viṣṇuruvāca| namaḥ kuṣmāṇḍarājāya vajrodyatakarāya ca | śālaṁkāyanapautrāya halamārgotthitāya ca

Vishnu said: 'Salutation to the king of the Kushmandas, whose hand is raised with the thunderbolt; to the grandson of Alankayana, and to him who arose along the plough's furrow (this line is uncertain in the source).'

Verse 54 (skanda.8.24.54)

शिलादस्य च पुत्राय रुद्रजप्यपराय च । रुद्रभक्ताय देवाय नमोन्तर्जलशायिने

śilādasya ca putrāya rudrajapyaparāya ca | rudrabhaktāya devāya namontarjalaśāyine

'To the son of Shilada, devoted to the recitation of Rudra's names; to the god devoted to Rudra, salutation to him who lies within the waters.'

Verse 55 (skanda.8.24.55)

गणानां पतये चैव भूतानां पतये नमः । उमापुत्राय देवाय शिवलब्धवराय च

gaṇānāṁ pataye caiva bhūtānāṁ pataye namaḥ | umāputrāya devāya śivalabdhavarāya ca

'Salutation to the lord of the ganas, and to the lord of beings; to the god who is Uma's son, and who has obtained a boon from Shiva.'

Verse 56 (skanda.8.24.56)

रुद्रस्य प्रियपुत्राय पट्टिशायुधधारिणे । नमो दंष्ट्राकरालाय ललाटनयनाय च

rudrasya priyaputrāya paṭṭiśāyudhadhāriṇe | namo daṁṣṭrākarālāya lalāṭanayanāya ca

'To Rudra's beloved son, who bears the pattisha weapon; salutation to him terrible with tusks, and bearing an eye on his forehead.'

Verse 57 (skanda.8.24.57)

प्रमथाय वरेण्याय ईशानायार्पिताय च । द्वाराध्यक्षाय शूराय रुद्राय वरदाय च

pramathāya vareṇyāya īśānāyārpitāya ca | dvārādhyakṣāya śūrāya rudrāya varadāya ca

'To Pramatha, the most excellent, devoted to Ishana; to the guardian of the gate, the hero, a Rudra, the giver of boons.'

Verse 58 (skanda.8.24.58)

नमः सर्वार्थसिद्धाय सुयशां पतये नमः । नमः प्रवरमालाय क्षीरोदनिलयाय च

namaḥ sarvārthasiddhāya suyaśāṁ pataye namaḥ | namaḥ pravaramālāya kṣīrodanilayāya ca

'Salutation to him by whom all aims are accomplished, salutation to the lord of great fame; salutation to him of excellent garland, and dwelling in the ocean of milk.'

Verse 59 (skanda.8.24.59)

महागणाधिपतये महायोगेश्वराय च । दिण्डिमुण्डाय चण्डाय एकाक्षररताय च

mahāgaṇādhipataye mahāyogeśvarāya ca | diṇḍimuṇḍāya caṇḍāya ekākṣararatāya ca

'To the great lord of the ganas, and to the great lord of yoga; to the fierce Dindimunda, devoted to the single syllable.'

Verse 60 (skanda.8.24.60)

अक्षयायाव्ययायैव अजरायामराय च । पशूनां पतये चैव जेत्रे मृत्योस्तथैव च

akṣayāyāvyayāyaiva ajarāyāmarāya ca | paśūnāṁ pataye caiva jetre mṛtyostathaiva ca

'To the imperishable, the unchanging, the ageless, and the immortal; to the lord of creatures, and to the conqueror of death.'

Verse 61 (skanda.8.24.61)

नमः पवनवेगाय सर्वज्ञायाजिताय च । अनेकशिरसे चैव अनेकचरणाय च

namaḥ pavanavegāya sarvajñāyājitāya ca | anekaśirase caiva anekacaraṇāya ca

'Salutation to him swift as the wind, all-knowing and unconquered; to him of many heads, and of many feet.'

Verse 62 (skanda.8.24.62)

किरीटिने कुण्डलिने महापरिघबाहवे । सर्वान् देवगणाँश्चैव पाहि देव नमोस्तु ते

kirīṭine kuṇḍaline mahāparighabāhave | sarvān devagaṇā~ścaiva pāhi deva namostu te

'To the crowned one, the earringed one, with arms like great iron clubs — protect all the hosts of gods, O god; salutation be to you.'

Verse 63 (skanda.8.24.63)

सनत्कुमार उवाच। एवं स्तुत्वा ततो देवस्तस्मै व्यास महात्मने । प्राञ्जलिः प्रयतो भूत्वा जयशब्दं चकार ह

sanatkumāra uvāca| evaṁ stutvā tato devastasmai vyāsa mahātmane | prāñjaliḥ prayato bhūtvā jayaśabdaṁ cakāra ha

Sanatkumara said: Having thus praised him, then, O Vyasa, the god Vishnu, with joined palms, having become composed, raised the shout of victory to that great-souled one.

Verse 64 (skanda.8.24.64)

ततो गणा जयेत्यूचुस्ततो देवास्ततो सुराः । ततः सर्वाणि भूतानि ब्रह्मा शक्रस्तथैव च

tato gaṇā jayetyūcustato devāstato surāḥ | tataḥ sarvāṇi bhūtāni brahmā śakrastathaiva ca

Then the ganas cried 'Victory!', then the gods, then the celestials; then all beings, Brahma, and likewise Shakra —

Verse 65 (skanda.8.24.65)

ततः शंखाँश्च भेरींश्च पटहाडम्बराँस्तथा । वंशाँश्च पणवाँश्चैव कृकवान् गोविषाणकान्

tataḥ śaṁkhā~śca bherīṁśca paṭahāḍambarā~stathā | vaṁśā~śca paṇavā~ścaiva kṛkavān goviṣāṇakān

— then they sounded conches, kettledrums, drums and adambaras; flutes, panavas, krikavas, and horns —

Verse 66 (skanda.8.24.66)

डिण्डिमान् वेणुकाँश्चैव मर्दलाँश्चैव सर्वशः । अवादयन्त गणपा हर्षयन्तो मुदा युताः

ḍiṇḍimān veṇukā~ścaiva mardalā~ścaiva sarvaśaḥ | avādayanta gaṇapā harṣayanto mudā yutāḥ

— dindimas, flutes, and mardala drums of every kind — the lords of ganas played them, delighting all, filled with joy.

Verse 67 (skanda.8.24.67)

सनत्कुमार उवाच। नन्दीश्वरस्य य इमं स्तवं देवाभिनिर्मितम् । पठेत सततं मर्त्यः स गच्छेत् तत्सलोकताम्

sanatkumāra uvāca| nandīśvarasya ya imaṁ stavaṁ devābhinirmitam | paṭheta satataṁ martyaḥ sa gacchet tatsalokatām

Sanatkumara said: Whatever mortal constantly recites this hymn of Nandishvara, composed by the gods, attains to his world.

Verse 68 (skanda.8.24.68)

नमो नन्दीश्वरायेति कृत्वा यः स्वप्नमाचरेत् । तस्य कुष्माण्डराजेभ्यो न भयं विद्यते क्वचित्

namo nandīśvarāyeti kṛtvā yaḥ svapnamācaret | tasya kuṣmāṇḍarājebhyo na bhayaṁ vidyate kvacit

Whoever, having said 'Salutation to Nandishvara,' goes to sleep, for him there is no fear whatsoever from the kings of the Kushmandas.

Verse 69 (skanda.8.24.69)

यत्रायं स्थाप्यते नित्यं स्तवः परमपूजितः । न भयं तत्र भवति ग्रहेभ्यो व्यास सर्वदा

yatrāyaṁ sthāpyate nityaṁ stavaḥ paramapūjitaḥ | na bhayaṁ tatra bhavati grahebhyo vyāsa sarvadā

Wherever this most highly honoured hymn is constantly kept, O Vyasa, there is never any fear from planetary influences.

Verse 70 (skanda.8.24.70)

नन्दीश्वरं ये प्रणमन्ति मर्त्या नित्यं प्रसन्नेन्द्रियशुद्धसत्वाः । ते देवदेवस्य सहाद्रिपुत्र्या इष्टा वरिष्ठाश्च गणा भवन्ति

nandīśvaraṁ ye praṇamanti martyā nityaṁ prasannendriyaśuddhasatvāḥ | te devadevasya sahādriputryā iṣṭā variṣṭhāśca gaṇā bhavanti

Those mortals who constantly bow to Nandishvara, with contented senses and pure being, become the beloved and most excellent ganas of the God of gods, together with the daughter of the mountain.