The Lineages of the Sages

Verse 1 (vishnu.1.10.1)

श्रीमैत्रेय उवाच । कथितं मे त्वया सर्वं यत् पृष्टोऽसि महामुने । भृगुसर्गात् प्रभृत्य् एष सर्गो मे कथ्यतां पुनः

śrīmaitreya uvāca kathitaṁ me tvayā sarvaṁ yat pṛṣṭo 'si mahāmune bhṛgusargāt prabhṛty eṣa sargo me kathyatāṁ punaḥ

Maitreya said: You have told me, O great sage, all that I had asked of you; now tell me again this creation, continuing on from the creation of Bhrigu's line.

Verse 2 (vishnu.1.10.2)

श्रीपराशर उवाच । भृगोः ख्यात्यां समुत्पन्ना लक्ष्मीर् विष्णुपरिग्रहः । तथा धातृविधातारौ ख्यात्यां जातौ सुतौ भृगोः

śrīparāśara uvāca bhṛgoḥ khyātyāṁ samutpannā lakṣmīr viṣṇuparigrahaḥ tathā dhātṛvidhātārau khyātyāṁ jātau sutau bhṛgoḥ

Parashara said: Lakshmi, the consort of Vishnu, was born in Khyati, wife of Bhrigu; and in that same Khyati were born two sons, Dhatri and Vidhatri.

Verse 3 (vishnu.1.10.3)

आयतिर् नियतिश् चैव मेरोः कन्ये महात्मनः । धातृविधात्रोस् ते भार्ये तयोर् जातौ सुताव् उभौ

āyatir niyatiś caiva meroḥ kanye mahātmanaḥ dhātṛvidhātros te bhārye tayor jātau sutāv ubhau

Ayati and Niyati, the two daughters of the great-souled Meru, became the wives of Dhatri and Vidhatri; from the two of them were born two sons.

Verse 4 (vishnu.1.10.4)

प्राणश् चैव मृकण्डुश् च मार्कण्डेयो मृकण्डुतः । ततो वेदशिरा जज्ञे प्राणस्यापि सुतं शृणु

prāṇaś caiva mṛkaṇḍuś ca mārkaṇḍeyo mṛkaṇḍutaḥ tato vedaśirā jajñe prāṇasyāpi sutaṁ śṛṇu

Prana and Mrikandu; from Mrikandu was born Markandeya. Hear now too of Prana's son, from whom Vedashiras was born.

Verse 5 (vishnu.1.10.5)

प्राणस्य द्युतिमान् पुत्रो राजवांश् च ततोऽभवत् । ततो वंशो महाभाग विस्तारं भार्गवो गतः

prāṇasya dyutimān putro rājavāṁś ca tato 'bhavat tato vaṁśo mahābhāga vistāraṁ bhārgavo gataḥ

Prana's son was Dyutiman, and from him was born Rajavan; thus, O greatly fortunate one, the lineage of Bhrigu spread far and wide.

Verse 6 (vishnu.1.10.6)

पत्नी मरीचेः संभूतिः पौर्णमासम् असूयत । विरजाः पर्वतश् चैव तस्य पुत्रौ महात्मनः

patnī marīceḥ saṁbhūtiḥ paurṇamāsam asūyata virajāḥ parvataś caiva tasya putrau mahātmanaḥ

Marichi's wife, Sambhuti, gave birth to Paurnamasa; and Virajas and Parvata were his two great-souled sons.

Verse 7 (vishnu.1.10.7)

वंशसंकीर्तने पुत्रान् वदिष्येऽहं ततो द्विज । स्मृतिश् चाङ्गिरसः पत्नी प्रसूता कन्यकास् तथा । सिनीवाली कुहूश् चैव राका चानुमती तथा

vaṁśasaṁkīrtane putrān vadiṣye 'haṁ tato dvija smṛtiś cāṅgirasaḥ patnī prasūtā kanyakās tathā sinīvālī kuhūś caiva rākā cānumatī tathā

In the course of this genealogy I shall now tell of the sons, O twice-born; Smriti, wife of Angiras, likewise bore daughters — Sinivali, Kuhu, Raka, and Anumati.

Verse 8 (vishnu.1.10.8)

अनसूया तथैवात्रेर् जज्ञे पुत्रान् अकल्मषान् । सोमं दुर्वाससं चैव दत्तात्रेयं च योगिनम्

anasūyā tathaivātrer jajñe putrān akalmaṣān somaṁ durvāsasaṁ caiva dattātreyaṁ ca yoginam

Likewise Anasuya, wife of Atri, gave birth to sinless sons — Soma, Durvasas, and the yogi Dattatreya.

Verse 9 (vishnu.1.10.9)

प्रीत्यां पुलस्त्यभार्यायां दत्तोलिस् तत्सुतोऽभवत् । पूर्वजन्मनि सोऽगस्त्यः स्मृतः स्वायंभुवेऽन्तरे

prītyāṁ pulastyabhāryāyāṁ dattolis tatsuto 'bhavat pūrvajanmani so 'gastyaḥ smṛtaḥ svāyaṁbhuve 'ntare

To Priti, wife of Pulastya, was born a son, Dattoli; in a former birth, in the Svayambhuva epoch, he was known as Agastya.

Verse 10 (vishnu.1.10.10)

कर्दमश् चार्वरीवांश् च सहिष्णुश् च सुतत्रयम् । क्षमा तु सुषुवे भार्या पुलहस्य प्रजापतेः

kardamaś cārvarīvāṁś ca sahiṣṇuś ca sutatrayam kṣamā tu suṣuve bhāryā pulahasya prajāpateḥ

Kardama, Charvarivan, and Sahishnu — these three sons were borne by Kshama, wife of Pulaha, lord of creatures.

Verse 11 (vishnu.1.10.11)

क्रतोश् च सन्नतिर् भार्या वालखिल्यान् असूयत । षष्टिस् तानि सहस्राणि ऋषीणाम् ऊर्ध्वरेतसाम् । अङ्गुष्ठपर्वमात्राणां ज्वलद्भास्करतेजसाम्

kratoś ca sannatir bhāryā vālakhilyān asūyata ṣaṣṭis tāni sahasrāṇi ṛṣīṇām ūrdhvaretasām aṅguṣṭhaparvamātrāṇāṁ jvaladbhāskaratejasām

To Kratu, his wife Sannati bore the Valakhilyas — sixty thousand sages of upward-tending seed, each the size of a thumb-joint, blazing with radiance like the sun.

Verse 12 (vishnu.1.10.12)

ऊर्जायां च वसिष्ठस्य सप्ताजायन्त वै सुताः

ūrjāyāṁ ca vasiṣṭhasya saptājāyanta vai sutāḥ

To Vasishtha, from his wife Urja, seven sons were born.

Verse 13 (vishnu.1.10.13)

रजो गोत्रोर्ध्वबाहुश् च सवनश् चानघस् तथा । सुतपाः शुक्र इत्य् एते सर्वे सप्तर्षयोऽमलाः

rajo gotrordhvabāhuś ca savanaś cānaghas tathā sutapāḥ śukra ity ete sarve saptarṣayo 'malāḥ

Rajas, Gotra, Urdhvabahu, Savana, Anagha, Sutapas, and Shukra — these are all the seven pure sages, the Saptarshis.

Verse 14 (vishnu.1.10.14)

योऽसाव् अग्निर् अभिमानी ब्रह्मणस् तनयोऽग्रजः । तस्मात् स्वाहा सुतांल् लेभे त्रीन् उदारौजसो द्विज

yo 'sāv agnir abhimānī brahmaṇas tanayo 'grajaḥ tasmāt svāhā sutāṁl lebhe trīn udāraujaso dvija

That fire called Abhimani, the eldest son of Brahma — from him his wife Svaha obtained three sons of great splendor, O twice-born:

Verse 15 (vishnu.1.10.15)

पावकं पवमानं च शुचिं चापि जलाशिनम्

pāvakaṁ pavamānaṁ ca śuciṁ cāpi jalāśinam

Pavaka, Pavamana, and Shuchi, who drinks up the waters.

Verse 16 (vishnu.1.10.16)

तेषां तु संतताव् अन्ये चत्वारिंशच् च पञ्च च । कथ्यन्ते वह्नयश् चैते पिता पुत्रत्रयं च यत्

teṣāṁ tu saṁtatāv anye catvāriṁśac ca pañca ca kathyante vahnayaś caite pitā putratrayaṁ ca yat

In their line came forty-five other fires besides; these, together with the father and his three sons, are all reckoned as the fires.

Verse 17 (vishnu.1.10.17)

एवम् एकोनपञ्चाशद् वह्नयः परिकीर्तिताः

evam ekonapañcāśad vahnayaḥ parikīrtitāḥ

Thus forty-nine fires in all are celebrated.

Verse 18 (vishnu.1.10.18)

पितरो ब्रह्मणा सृष्टा व्याख्याता ये मया तव । अग्निष्वात्ता बर्हिषदोऽनग्नयः साग्नयश् च ये

pitaro brahmaṇā sṛṣṭā vyākhyātā ye mayā tava agniṣvāttā barhiṣado 'nagnayaḥ sāgnayaś ca ye

The Pitris, created by Brahma, whom I have explained to you — the Agnishvattas, the Barhishads, those without fire and those with fire.

Verse 19 (vishnu.1.10.19)

तेभ्यः स्वधा सुते जज्ञे मेनां वै धारिणीं तथा । ते उभे ब्रह्मवादिन्यौ योगिन्यौ चाप्य् उभे द्विज

tebhyaḥ svadhā sute jajñe menāṁ vai dhāriṇīṁ tathā te ubhe brahmavādinyau yoginyau cāpy ubhe dvija

From them, to Svadha, was born a daughter, Mena, also called Dharini; both of these, O twice-born, are speakers of Brahman and also yoginis,

Verse 20 (vishnu.1.10.20)

उत्तमज्ञानसंपन्ने सर्वैः समुदितैर् गुणैः

uttamajñānasaṁpanne sarvaiḥ samuditair guṇaiḥ

endowed with the highest knowledge, and united with the fullness of every virtue.

Verse 21 (vishnu.1.10.21)

इत्य् एषा दक्षकन्यानां कथितापत्यसंततिः । श्रद्धावान् संस्मरन्न् एताम् अनपत्यो न जायते

ity eṣā dakṣakanyānāṁ kathitāpatyasaṁtatiḥ śraddhāvān saṁsmarann etām anapatyo na jāyate

Thus has this lineage of the progeny of Daksha's daughters been told; whoever, full of faith, calls it to mind is not born without offspring.