The Curse of Durvasas and the Churning of the Ocean

Verse 1 (vishnu.1.9.1)

श्रीपराशर उवाच । इदं च शृणु मैत्रेय यत् पृष्टोऽहम् इह त्वया । श्रीसंबद्धं मयाप्य् एतच् श्रुतम् आसीन् मरीचितः

śrīparāśara uvāca idaṁ ca śṛṇu maitreya yat pṛṣṭo 'ham iha tvayā śrīsaṁbaddhaṁ mayāpy etac śrutam āsīn marīcitaḥ

Shri Parashara said: Hear this too, Maitreya, of what you have asked me here; this account, connected with Shri, I heard long ago from Marichi.

Verse 2 (vishnu.1.9.2)

दुर्वासाः शंकरस्यांशश् चचार पृथिवीम् इमाम् । स ददर्श स्रजं दिव्याम् ऋषिर् विद्याधरीकरे

durvāsāḥ śaṁkarasyāṁśaś cacāra pṛthivīm imām sa dadarśa srajaṁ divyām ṛṣir vidyādharīkare

Durvasas, a portion of Shankara, was wandering over this earth; that sage saw in the hand of a Vidyadhari a divine garland.

Verse 3 (vishnu.1.9.3)

संतानकानाम् अखिलं यस्या गन्धेन वासितम् । अतिसेव्यम् अभूद् ब्रह्मन् तद् वनं वनचारिणाम्

saṁtānakānām akhilaṁ yasyā gandhena vāsitam atisevyam abhūd brahman tad vanaṁ vanacāriṇām

That forest, wholly scented with the fragrance of celestial Santanaka flowers of which the garland was woven, had become a favored haunt of forest-dwellers, O brahmin.

Verse 4 (vishnu.1.9.4)

उन्मत्तव्रतधृग् विप्रः स दृष्ट्वा शोभनां स्रजम् । तां ययाचे वरारोहां विद्याधरवधूं ततः

unmattavratadhṛg vipraḥ sa dṛṣṭvā śobhanāṁ srajam tāṁ yayāce varārohāṁ vidyādharavadhūṁ tataḥ

That brahmin, observing the vow of a madman, on seeing that lovely garland, begged it of the graceful Vidyadhara maiden.

Verse 5 (vishnu.1.9.5)

याचिता तेन तन्वङ्गी मालां विद्याधराङ्गना । ददौ तस्मै विशालाक्षी सादरं प्रणिपत्य तम्

yācitā tena tanvaṅgī mālāṁ vidyādharāṅganā dadau tasmai viśālākṣī sādaraṁ praṇipatya tam

Thus entreated, that slender, wide-eyed Vidyadhara maiden bowed respectfully and gave it to him.

Verse 6 (vishnu.1.9.6)

ताम् आदायात्मनो मूर्ध्नि स्रजम् उन्मत्तरूपधृक् । कृत्वा स विप्रो मैत्रेय परिबभ्राम मेदिनीम्

tām ādāyātmano mūrdhni srajam unmattarūpadhṛk kṛtvā sa vipro maitreya paribabhrāma medinīm

Taking that garland and, still in his madman's form, placing it on his own head, that brahmin, O Maitreya, wandered over the earth.

Verse 7 (vishnu.1.9.7)

स ददर्श समायान्तम् उन्मत्तैरावतस्थितम् । त्रैलोक्याधिपतिं देवं सह देवैः शचीपतिम्

sa dadarśa samāyāntam unmattairāvatasthitam trailokyādhipatiṁ devaṁ saha devaiḥ śacīpatim

He saw the lord of the three worlds approaching, mounted upon the maddened Airavata, that god together with the other gods — Shachi's husband, Indra.

Verse 8 (vishnu.1.9.8)

ताम् आत्मनः स शिरसः स्रजम् उन्मत्तषट्पदाम् । आदायामरराजाय चिक्षेपोन्मत्तवन् मुनिः

tām ātmanaḥ sa śirasaḥ srajam unmattaṣaṭpadām ādāyāmararājāya cikṣeponmattavan muniḥ

Taking from his own head that garland, swarming with intoxicated bees, the sage, still behaving like a madman, flung it toward the king of the immortals.

Verse 9 (vishnu.1.9.9)

गृहीत्वामरराजेन स्रग् ऐरावतमूर्धनि । न्यस्ता रराज कैलासशिखरे जाह्नवी यथा

gṛhītvāmararājena srag airāvatamūrdhani nyastā rarāja kailāsaśikhare jāhnavī yathā

Taken up by the king of the immortals and placed upon Airavata's head, it shone there as the Ganga shines upon the peak of Kailasa.

Verse 10 (vishnu.1.9.10)

मदान्धकारिताक्षोऽसौ गन्धाकृष्टेन वारणः । करेणाघ्राय चिक्षेप तां स्रजं धरणीतले

madāndhakāritākṣo 'sau gandhākṛṣṭena vāraṇaḥ kareṇāghrāya cikṣepa tāṁ srajaṁ dharaṇītale

That elephant, its eyes blinded by rut and drawn by the fragrance, seized the garland with its trunk and cast it down upon the ground.

Verse 11 (vishnu.1.9.11)

ततश् चुक्रोध भगवान् दुर्वासा मुनिसत्तमः । मैत्रेय देवराजानं क्रुद्धश् चैतद् उवाच ह

tataś cukrodha bhagavān durvāsā munisattamaḥ maitreya devarājānaṁ kruddhaś caitad uvāca ha

Then the illustrious Durvasas, foremost among sages, grew furious, O Maitreya, and in his anger spoke thus to the king of the gods.

Verse 12 (vishnu.1.9.12)

श्रीदुर्वासा उवाच । ऐश्वर्यमददुष्टात्मन्न् अतिस्तब्धोऽसि वासव । श्रियो धाम स्रजं यस् त्वं मद्दत्तां नाभिनन्दसि

śrīdurvāsā uvāca aiśvaryamadaduṣṭātmann atistabdho 'si vāsava śriyo dhāma srajaṁ yas tvaṁ maddattāṁ nābhinandasi

Durvasas said: Maddened by your power, O Vasava, you have grown utterly arrogant, that you do not honor this garland — the very abode of Shri — which I gave you.

Verse 13 (vishnu.1.9.13)

प्रसाद इति नोक्तं ते प्रणिपातपुरःसरम् । हर्षोत्फुल्लकपोलेन न चापि शिरसा धृता

prasāda iti noktaṁ te praṇipātapuraḥsaram harṣotphullakapolena na cāpi śirasā dhṛtā

You did not bow before me and say 'be gracious,' nor did you hold it upon your head with cheeks flushed in joy.

Verse 14 (vishnu.1.9.14)

मया दत्ताम् इमां मालां यस्मान् न बहु मन्यसे । त्रैलोक्यश्रीर् अतो मूढ विनाशम् उपयास्यति

mayā dattām imāṁ mālāṁ yasmān na bahu manyase trailokyaśrīr ato mūḍha vināśam upayāsyati

Because you have shown no great regard for this garland I gave you, therefore, O fool, the fortune of the three worlds shall meet its ruin.

Verse 15 (vishnu.1.9.15)

मां मन्यतेऽन्यैः सदृशं नूनं शक्र भवान् द्विजैः । अतोऽवमानम् अस्मासु मानिना भवता कृतम्

māṁ manyate 'nyaiḥ sadṛśaṁ nūnaṁ śakra bhavān dvijaiḥ ato 'vamānam asmāsu māninā bhavatā kṛtam

You think me, O Shakra, no different from other brahmins — surely this insult to me has been done by you out of pride.

Verse 16 (vishnu.1.9.16)

मद्दत्ता भवता यस्मात् क्षिप्ता माला महीतले । तस्मात् प्रणष्टलक्ष्मीकं त्रैलोक्यं ते भविष्यति

maddattā bhavatā yasmāt kṣiptā mālā mahītale tasmāt praṇaṣṭalakṣmīkaṁ trailokyaṁ te bhaviṣyati

Because the garland I gave has been thrown down by you upon the earth, therefore the three worlds shall become destitute of their fortune.

Verse 17 (vishnu.1.9.17)

यस्य संजातकोपस्य भयम् एति चराचरम् । तं त्वं माम् अतिगर्वेण देवराजावमन्यसे

yasya saṁjātakopasya bhayam eti carācaram taṁ tvaṁ mām atigarveṇa devarājāvamanyase

He whose wrath, once kindled, is feared by all moving and unmoving beings — that very me, O king of the gods, you disregard in your excessive pride.

Verse 18 (vishnu.1.9.18)

श्रीपराशर उवाच । महेन्द्रो वारणस्कन्धाद् अवतीर्य त्वरान्वितः । प्रसादयाम् आस मुनिं दुर्वाससम् अकल्मषम्

śrīparāśara uvāca mahendro vāraṇaskandhād avatīrya tvarānvitaḥ prasādayām āsa muniṁ durvāsasam akalmaṣam

Parashara said: Mahendra, quickly descending from the shoulder of his elephant, sought to appease the sage Durvasas, sinless though he was.

Verse 19 (vishnu.1.9.19)

प्रसाद्यमानः स तदा प्रणिपातपुरःसरम् । प्रत्युवाच सहस्राक्षं दुर्वासा मुनिसत्तमः

prasādyamānaḥ sa tadā praṇipātapuraḥsaram pratyuvāca sahasrākṣaṁ durvāsā munisattamaḥ

Thus entreated with bows before him, the great sage Durvasas answered the thousand-eyed one, Indra.

Verse 20 (vishnu.1.9.20)

श्रीदुर्वासा उवाच । नाहं कृपालुहृदयो न च मां भजते क्षमा । अन्ये ते मुनयः शक्र दुर्वाससम् अवेहि माम्

śrīdurvāsā uvāca nāhaṁ kṛpāluhṛdayo na ca māṁ bhajate kṣamā anye te munayaḥ śakra durvāsasam avehi mām

Durvasas said: My heart is not tender, nor does forgiveness abide in me; know me, O Shakra, to be unlike other sages — know me as Durvasas indeed.

Verse 21 (vishnu.1.9.21)

गौतमादिभिर् अन्यैस् त्वं गर्वम् आपादितो मुधा । अक्षान्तिसारसर्वस्वं दुर्वाससम् अवेहि माम्

gautamādibhir anyais tvaṁ garvam āpādito mudhā akṣāntisārasarvasvaṁ durvāsasam avehi mām

By Gautama and other sages you have been made vainly proud; know me as Durvasas, whose whole substance is unforgiving wrath itself.

Verse 22 (vishnu.1.9.22)

वसिष्ठाद्यैर् दयासारैः स्तोत्रं कुर्वद्भिर् उच्चकैः । गर्वं गतोऽसि येनैवं माम् अप्य् अद्यावमन्यसे

vasiṣṭhādyair dayāsāraiḥ stotraṁ kurvadbhir uccakaiḥ garvaṁ gato 'si yenaivaṁ mām apy adyāvamanyase

Praised aloud by the merciful hymns of Vasishtha and others, you have grown so proud that you now disregard even me in this manner.

Verse 23 (vishnu.1.9.23)

ज्वलज्जटाकलापस्य भृकुटीकुटिलं मुखम् । निरीक्ष्य कस् त्रिभुवने मम यो न गतो भयम्

jvalajjaṭākalāpasya bhṛkuṭīkuṭilaṁ mukham nirīkṣya kas tribhuvane mama yo na gato bhayam

Beholding my face, fierce with knitted brows amid blazing matted hair, who in the three worlds has not been struck with fear?

Verse 24 (vishnu.1.9.24)

नाहं क्षमिष्ये बहुना किम् उक्तेन शतक्रतो । विडम्बनाम् इमां भूयः करोष्य् अनुनयात्मिकाम्

nāhaṁ kṣamiṣye bahunā kim uktena śatakrato viḍambanām imāṁ bhūyaḥ karoṣy anunayātmikām

I shall not forgive — what more is there to say, O Shatakratu? You shall again go through this same humbling, full of entreaty.

Verse 25 (vishnu.1.9.25)

श्रीपराशर उवाच । इत्य् उक्त्वा प्रययौ विप्रो देवराजोऽपि तं पुनः । आरुह्यैरावतं ब्रह्मन् प्रययाव् अमरावतीम्

śrīparāśara uvāca ity uktvā prayayau vipro devarājo 'pi taṁ punaḥ āruhyairāvataṁ brahman prayayāv amarāvatīm

Parashara said: Having spoken thus, the sage departed; and the king of the gods too, mounting Airavata, O brahmin, set out again for Amaravati.

Verse 26 (vishnu.1.9.26)

ततःप्रभृति निःश्रीकं सशक्रं भुवनत्रयम् । मैत्रेयासीद् अपध्वस्तं संक्षीणौषधिवीरुधम्

tataḥprabhṛti niḥśrīkaṁ saśakraṁ bhuvanatrayam maitreyāsīd apadhvastaṁ saṁkṣīṇauṣadhivīrudham

From that time on, the three worlds together with Shakra, O Maitreya, became bereft of Shri, fell into ruin, and their herbs and plants withered away.

Verse 27 (vishnu.1.9.27)

न यज्ञाः संप्रवर्तन्ते न तपस्यन्ति तापसाः । न च दानादिधर्मेषु मनश् चक्रे तदा जनः

na yajñāḥ saṁpravartante na tapasyanti tāpasāḥ na ca dānādidharmeṣu manaś cakre tadā janaḥ

Sacrifices ceased to be performed, ascetics no longer practiced austerity, and people set their minds no longer on charity and the other virtues.

Verse 28 (vishnu.1.9.28)

निःसत्त्वाः सकला लोका लोभाद्युपहतेन्द्रियाः । स्वल्पेऽपि हि बभूवुस् ते साभिलाषा द्विजोत्तम

niḥsattvāḥ sakalā lokā lobhādyupahatendriyāḥ svalpe 'pi hi babhūvus te sābhilāṣā dvijottama

All the worlds, drained of their vitality, their senses overpowered by greed, grew covetous even of trifling things, O best of brahmins.

Verse 29 (vishnu.1.9.29)

यतः सत्त्वं ततो लक्ष्मीः सत्त्वं भूत्यनुसारि च । निःश्रीकाणां कुतः सत्त्वं विना तेन गुणाः कुतः

yataḥ sattvaṁ tato lakṣmīḥ sattvaṁ bhūtyanusāri ca niḥśrīkāṇāṁ kutaḥ sattvaṁ vinā tena guṇāḥ kutaḥ

Where there is vigor, there is Lakshmi; vigor follows prosperity — for those without fortune, where is vigor to be found? And without it, where are virtues?

Verse 30 (vishnu.1.9.30)

बलशौर्याद्यभावश् च पुरुषाणां गुणैर् विना । लङ्घनीयः समस्तस्य बलशौर्यविवर्जितः । भवत्य् अपध्वस्तमतिर् लङ्घितः प्रथितः पुमान्

balaśauryādyabhāvaś ca puruṣāṇāṁ guṇair vinā laṅghanīyaḥ samastasya balaśauryavivarjitaḥ bhavaty apadhvastamatir laṅghitaḥ prathitaḥ pumān

And without virtue, strength and valor and the like fail in men; one devoid of strength and valor becomes fit to be scorned by all. His understanding grows shattered, and, held in contempt, he becomes notorious.

Verse 31 (vishnu.1.9.31)

एवम् अत्यन्तनिःश्रीके त्रैलोक्ये सत्त्ववर्जिते । देवान् प्रति बलोद्योगं चक्रुर् दैतेयदानवाः

evam atyantaniḥśrīke trailokye sattvavarjite devān prati balodyogaṁ cakrur daiteyadānavāḥ

Thus, when the three worlds, utterly stripped of Shri, were left without vigor, the Daityas and Danavas launched a mighty assault of force against the gods.

Verse 32 (vishnu.1.9.32)

लोभाभिभूता निःश्रीका दैत्याः सत्त्वविवर्जिताः । श्रिया विहीनैर् निःसत्त्वैर् देवैश् चक्रुस् ततो रणम्

lobhābhibhūtā niḥśrīkā daityāḥ sattvavivarjitāḥ śriyā vihīnair niḥsattvair devaiś cakrus tato raṇam

Overpowered by greed, stripped of fortune, devoid of vigor, the Daityas made war then upon the gods, who, themselves deprived of Shri, lacked strength.

Verse 33 (vishnu.1.9.33)

विजितास् त्रिदशा दैत्यैर् इन्द्राद्याः शरणं ययुः । पितामहं महाभागं हुताशनपुरोगमाः

vijitās tridaśā daityair indrādyāḥ śaraṇaṁ yayuḥ pitāmahaṁ mahābhāgaṁ hutāśanapurogamāḥ

Vanquished by the Daityas, the gods, led by Indra, with Agni foremost, went for refuge to the great and blessed Grandsire, Brahma.

Verse 34 (vishnu.1.9.34)

यथावत् कथितो देवैर् ब्रह्मा प्राह ततः सुरान् । परावरेशं शरणं व्रजध्वम् असुरार्दनम्

yathāvat kathito devair brahmā prāha tataḥ surān parāvareśaṁ śaraṇaṁ vrajadhvam asurārdanam

When the gods had duly related everything, Brahma then said to them: Go for refuge to the lord of the higher and the lower, the tormentor of Asuras—

Verse 35 (vishnu.1.9.35)

उत्पत्तिस्थितिनाशानाम् अहेतुं हेतुम् ईश्वरम् । प्रजापतिपतिं विष्णुम् अनन्तम् अपराजितम्

utpattisthitināśānām ahetuṁ hetum īśvaram prajāpatipatiṁ viṣṇum anantam aparājitam

to the causeless cause of origination, preservation, and destruction, the sovereign over the lords of creatures, Vishnu, infinite and unconquered,

Verse 36 (vishnu.1.9.36)

प्रधानपुंसोर् अजयोः कारणं कार्यभूतयोः । प्रणतार्तिहरं विष्णुं स वः श्रेयो विधास्यति

pradhānapuṁsor ajayoḥ kāraṇaṁ kāryabhūtayoḥ praṇatārtiharaṁ viṣṇuṁ sa vaḥ śreyo vidhāsyati

the cause of Pradhana and Purusha, both effect and cause together, Vishnu, who removes the affliction of those who bow before him — he alone shall grant you your good.

Verse 37 (vishnu.1.9.37)

श्रीपराशर उवाच । एवम् उक्त्वा सुरान् सर्वान् ब्रह्मा लोकपितामहः । क्षीरोदस्योत्तरं तीरं तैर् एव सहितो ययौ

śrīparāśara uvāca evam uktvā surān sarvān brahmā lokapitāmahaḥ kṣīrodasyottaraṁ tīraṁ tair eva sahito yayau

Parashara said: Having spoken thus to all the gods, Brahma, grandsire of the worlds, went together with them to the northern shore of the Ocean of Milk.

Verse 38 (vishnu.1.9.38)

स गत्वा त्रिदशैः सर्वैः समवेतः पितामहः । तुष्टाव वाग्भिर् इष्टाभिः परावरपतिं हरिम्

sa gatvā tridaśaiḥ sarvaiḥ samavetaḥ pitāmahaḥ tuṣṭāva vāgbhir iṣṭābhiḥ parāvarapatiṁ harim

Having gone there, the Grandsire, together with all the assembled gods, praised Hari, lord of the higher and lower, with cherished words of praise.

Verse 39 (vishnu.1.9.39)

श्रीब्रह्मोवाच । नमामि सर्वं सर्वेशम् अनन्तम् अजम् अव्ययम् । लोकधामधराधारम् अप्रकाशम् अभेदिनम्

śrībrahmovāca namāmi sarvaṁ sarveśam anantam ajam avyayam lokadhāmadharādhāram aprakāśam abhedinam

Shri Brahma said: I bow to him who is the all, lord of all, endless, unborn, undying — the dwelling-place and support of the worlds, unmanifest and indivisible;

Verse 40 (vishnu.1.9.40)

नारायणम् अणीयांसम् अशेषाणाम् अणीयसाम् । समस्तानां गरिष्ठं च भूरादीनां गरीयसाम्

nārāyaṇam aṇīyāṁsam aśeṣāṇām aṇīyasām samastānāṁ gariṣṭhaṁ ca bhūrādīnāṁ garīyasām

to Narayana, subtler than the subtlest of the subtle, and greater than the greatest of all things, of earth and the rest.

Verse 41 (vishnu.1.9.41)

यत्र सर्वं यतः सर्वम् उत्पन्नं मत्पुरःसरम् । सर्वभूतश् च यो देवः पराणाम् अपि यः परः

yatra sarvaṁ yataḥ sarvam utpannaṁ matpuraḥsaram sarvabhūtaś ca yo devaḥ parāṇām api yaḥ paraḥ

In whom all things abide, from whom all has sprung with even me at its head — who is the very self of all beings, and who stands beyond even the highest.

Verse 42 (vishnu.1.9.42)

परः परस्मात् पुरुषात् परमात्मस्वरूपधृक् । योगिभिश् चिन्त्यते योऽसौ मुक्तिहेतोर् मुमुक्षुभिः

paraḥ parasmāt puruṣāt paramātmasvarūpadhṛk yogibhiś cintyate yo 'sau muktihetor mumukṣubhiḥ

Beyond the highest Purusha, bearing the very form of the Supreme Self, whom yogis seeking liberation contemplate as the cause of release.

Verse 43 (vishnu.1.9.43)

सत्त्वादयो न सन्तीशे यत्र च प्राकृता गुणाः । स शुद्धः सर्वशुद्धेभ्यः पुमान् आद्यः प्रसीदतु

sattvādayo na santīśe yatra ca prākṛtā guṇāḥ sa śuddhaḥ sarvaśuddhebhyaḥ pumān ādyaḥ prasīdatu

In whom, the Lord, sattva and the other gunas born of Prakriti have no place — may that being, pure beyond all the pure, the primal one, be gracious to us.

Verse 44 (vishnu.1.9.44)

कलाकाष्ठानिमेषादि कालसूत्रस्य गोचरे । यस्य शक्तिर् न शुद्धस्य प्रसीदतु स नो हरिः

kalākāṣṭhānimeṣādi kālasūtrasya gocare yasya śaktir na śuddhasya prasīdatu sa no hariḥ

Whose power, itself pure, does not fall within the grasp of Time's thread — kala, kashtha, nimesha and the rest — may that Hari be gracious to us.

Verse 45 (vishnu.1.9.45)

प्रोच्यते परमेशो हि यः शुद्धोऽप्य् उपचारतः । प्रसीदतु स नो विष्णुर् आत्मा यः सर्वदेहिनाम्

procyate parameśo hi yaḥ śuddho 'py upacārataḥ prasīdatu sa no viṣṇur ātmā yaḥ sarvadehinām

He who, though pure, is called the Supreme Lord only in a figurative sense — may that Vishnu, the self of all embodied beings, be gracious to us.

Verse 46 (vishnu.1.9.46)

यः कारणं च कार्यं च कारणस्यापि कारणम् । कार्यस्यापि च यः कार्यं प्रसीदतु स नो हरिः

yaḥ kāraṇaṁ ca kāryaṁ ca kāraṇasyāpi kāraṇam kāryasyāpi ca yaḥ kāryaṁ prasīdatu sa no hariḥ

He who is cause and effect both, the cause of the cause itself, and the effect of the effect itself — may that Hari be gracious to us.

Verse 47 (vishnu.1.9.47)

कार्यकार्यस्य यत् कार्यं तत्कार्यस्यापि यः स्वयम् । तत्कार्यकार्यभूतो यस् ततश् च प्रणतोऽस्मि तम्

kāryakāryasya yat kāryaṁ tatkāryasyāpi yaḥ svayam tatkāryakāryabhūto yas tataś ca praṇato 'smi tam

Who is the effect of the effect's effect, and who himself becomes that further effect of that effect — to him, in that form which is the effect of the effect of the effect, I bow.

Verse 48 (vishnu.1.9.48)

कारणं कारणस्यापि तस्य कारणकारणम् । तत्कारणानां हेतुं तं प्रणतोऽस्मि सुरेश्वरम्

kāraṇaṁ kāraṇasyāpi tasya kāraṇakāraṇam tatkāraṇānāṁ hetuṁ taṁ praṇato 'smi sureśvaram

To the cause of the cause, the cause of that cause's cause, the source of all such causes — to that lord of the gods I bow.

Verse 49 (vishnu.1.9.49)

भोक्तारं भोज्यभूतं च स्रष्टारं सृज्यम् एव च । कार्यकर्तृस्वरूपं तं प्रणतोऽस्मि परं पदम्

bhoktāraṁ bhojyabhūtaṁ ca sraṣṭāraṁ sṛjyam eva ca kāryakartṛsvarūpaṁ taṁ praṇato 'smi paraṁ padam

To him who is both enjoyer and the very thing enjoyed, both creator and created, whose form is action and agent alike — to that supreme state I bow.

Verse 50 (vishnu.1.9.50)

विशुद्धबोधवन् नित्यम् अजम् अक्षयम् अव्ययम् । अव्यक्तम् अविकारं यत् तद् विष्णोः परमं पदम्

viśuddhabodhavan nityam ajam akṣayam avyayam avyaktam avikāraṁ yat tad viṣṇoḥ paramaṁ padam

That which is ever of the nature of pure consciousness — unborn, imperishable, undying, unmanifest, unchanging — that is Vishnu's supreme state.

Verse 51 (vishnu.1.9.51)

न स्थूलं न च सूक्ष्मं यन् न विशेषणगोचरम् । तत् पदं परमं विष्णोः प्रणमामि सदामलम्

na sthūlaṁ na ca sūkṣmaṁ yan na viśeṣaṇagocaram tat padaṁ paramaṁ viṣṇoḥ praṇamāmi sadāmalam

That which is neither gross nor subtle, which lies beyond the reach of any defining attribute — to that supreme, ever-stainless state of Vishnu I bow.

Verse 52 (vishnu.1.9.52)

यस्यायुतायुतांशांशे विश्वशक्तिर् इयं स्थिता । परब्रह्मस्वरूपस्य प्रणमामि तम् अव्ययम्

yasyāyutāyutāṁśāṁśe viśvaśaktir iyaṁ sthitā parabrahmasvarūpasya praṇamāmi tam avyayam

In the merest fraction of whose infinitesimal fraction this whole power of the universe resides — to that undying one, of the very nature of the Supreme Brahman, I bow.

Verse 53 (vishnu.1.9.53)

यन् न देवा न मुनयो न चाहं न च शंकरः । जानन्ति परमेशस्य तद् विष्णोः परमं पदम्

yan na devā na munayo na cāhaṁ na ca śaṁkaraḥ jānanti parameśasya tad viṣṇoḥ paramaṁ padam

That which neither the gods know, nor the sages, nor I myself, nor even Shankara — that is the supreme state of the Supreme Lord, Vishnu.

Verse 54 (vishnu.1.9.54)

यद् योगिनः सदोद्युक्ताः पुण्यपापक्षयेऽक्षयम् । पश्यन्ति प्रणवे चिन्त्यं तद् विष्णोः परमं पदम्

yad yoginaḥ sadodyuktāḥ puṇyapāpakṣaye 'kṣayam paśyanti praṇave cintyaṁ tad viṣṇoḥ paramaṁ padam

That which yogis, ever diligent, behold as imperishable once merit and sin are exhausted, to be contemplated in the syllable Om — that is Vishnu's supreme state.

Verse 55 (vishnu.1.9.55)

शक्तयो यस्य देवस्य ब्रह्मविष्णुशिवात्मिकाः । भवन्त्य् अभूतपूर्वस्य तद् विष्णोः परमं पदम्

śaktayo yasya devasya brahmaviṣṇuśivātmikāḥ bhavanty abhūtapūrvasya tad viṣṇoḥ paramaṁ padam

Of that god whose powers, unprecedented as they are, take on the forms of Brahma, Vishnu, and Shiva — that is Vishnu's supreme state.

Verse 56 (vishnu.1.9.56)

सर्वेश सर्वभूतात्मन् सर्व सर्वाश्रयाच्युत । प्रसीद विष्णो भक्तानां व्रज नो दृष्टिगोचरम्

sarveśa sarvabhūtātman sarva sarvāśrayācyuta prasīda viṣṇo bhaktānāṁ vraja no dṛṣṭigocaram

O lord of all, self of all beings, refuge of all, O undying one — be gracious, O Vishnu; come within the sight of your devotees.

Verse 57 (vishnu.1.9.57)

श्रीपराशर उवाच । इत्य् उदीरितम् आकर्ण्य ब्रह्मणस् त्रिदशास् ततः । प्रणम्योचुः प्रसीदेति व्रज नो दृष्टिगोचरम्

śrīparāśara uvāca ity udīritam ākarṇya brahmaṇas tridaśās tataḥ praṇamyocuḥ prasīdeti vraja no dṛṣṭigocaram

Parashara said: Hearing this spoken by Brahma, the gods then bowed and said, 'Be gracious! Come within the sight of us.'

Verse 58 (vishnu.1.9.58)

यन् नायं भगवान् ब्रह्मा जानाति परमं पदम् । तं नताः स्मो जगद्धाम तव सर्वगताच्युत

yan nāyaṁ bhagavān brahmā jānāti paramaṁ padam taṁ natāḥ smo jagaddhāma tava sarvagatācyuta

To him whose supreme state even this lord Brahma does not know, we bow — O dwelling of the universe, all-pervading, undying one.

Verse 59 (vishnu.1.9.59)

इत्य् अन्ते वचसस् तेषां देवानां ब्रह्मणस् तथा । ऊचुर् देवर्षयः सर्वे बृहस्पतिपुरोगमाः

ity ante vacasas teṣāṁ devānāṁ brahmaṇas tathā ūcur devarṣayaḥ sarve bṛhaspatipurogamāḥ

At the close of this speech of the gods and of Brahma, all the celestial sages, led by Brihaspati, then spoke.

Verse 60 (vishnu.1.9.60)

आद्यो यज्ञः पुमान् ईड्यो यः पूर्वेषां च पूर्वजः । तं नताः स्मो जगत्स्रष्टुः स्रष्टारम् अविशेषणम्

ādyo yajñaḥ pumān īḍyo yaḥ pūrveṣāṁ ca pūrvajaḥ taṁ natāḥ smo jagatsraṣṭuḥ sraṣṭāram aviśeṣaṇam

To him, the primal sacrifice, the worshipful one, who is before even the first of the ancients, the maker of the maker of the world, undivided in nature, we bow.

Verse 61 (vishnu.1.9.61)

भगवन् भूतभव्येश यज्ञमूर्तिधराव्यय । प्रसीद प्रणतानां त्वं सर्वेषां देहि दर्शनम्

bhagavan bhūtabhavyeśa yajñamūrtidharāvyaya prasīda praṇatānāṁ tvaṁ sarveṣāṁ dehi darśanam

O blessed lord, ruler of past and future, bearer of the form of sacrifice, undying one — be gracious to those who bow, and grant your sight to all.

Verse 62 (vishnu.1.9.62)

एष ब्रह्मा तथैवायं सह रुद्रैस् त्रिलोचनः । सर्वादित्यैः समं पूषा पावकोऽयं सहाग्निभिः

eṣa brahmā tathaivāyaṁ saha rudrais trilocanaḥ sarvādityaiḥ samaṁ pūṣā pāvako 'yaṁ sahāgnibhiḥ

Here is Brahma, and here too, with the Rudras, is the three-eyed one (Shiva); here is Pushan with all the Adityas, here Agni together with all the fires;

Verse 63 (vishnu.1.9.63)

अश्विनौ वसवश् चेमे सर्वे चैते मरुद्गणाः । साध्या विश्वे तथा देवा देवेन्द्रश् चायम् ईश्वरः

aśvinau vasavaś ceme sarve caite marudgaṇāḥ sādhyā viśve tathā devā devendraś cāyam īśvaraḥ

the two Ashvins, these Vasus, and all these hosts of the Maruts; the Sadhyas, the Vishvedevas, and this lord Devendra too.

Verse 64 (vishnu.1.9.64)

प्रणामप्रवणा नाथ दैत्यसैन्यपराजिताः । शरणं त्वाम् अनुप्राप्ताः समस्ता देवतागणाः

praṇāmapravaṇā nātha daityasainyaparājitāḥ śaraṇaṁ tvām anuprāptāḥ samastā devatāgaṇāḥ

Bowed low before you in reverence, O lord, all these hosts of gods, defeated by the Daitya armies, have come to you for refuge.

Verse 65 (vishnu.1.9.65)

श्रीपराशर उवाच । एवं संस्तूयमानस् तु भगवाञ् छङ्खचक्रधृक् । जगाम दर्शनं तेषां मैत्रेय परमेश्वरः

śrīparāśara uvāca evaṁ saṁstūyamānas tu bhagavāñ chaṅkhacakradhṛk jagāma darśanaṁ teṣāṁ maitreya parameśvaraḥ

Parashara said: Thus praised, the blessed one, bearing conch, discus, and mace, O Maitreya, the Supreme Lord, appeared before them to grant his sight.

Verse 66 (vishnu.1.9.66)

तं दृष्ट्वा ते तदा देवाः शङ्खचक्रगदाधरम् । अपूर्वरूपसंस्थानं तेजसां राशिम् ऊर्जितम्

taṁ dṛṣṭvā te tadā devāḥ śaṅkhacakragadādharam apūrvarūpasaṁsthānaṁ tejasāṁ rāśim ūrjitam

Beholding him then, bearing conch, discus, and mace, of unprecedented form, a mighty mass of radiance, the gods,

Verse 67 (vishnu.1.9.67)

प्रणम्य प्रणताः पूर्वं संक्षोभस्तिमितेक्षणाः । तुष्टुवुः पुण्डरीकाक्षं पितामहपुरोगमाः

praṇamya praṇatāḥ pūrvaṁ saṁkṣobhastimitekṣaṇāḥ tuṣṭuvuḥ puṇḍarīkākṣaṁ pitāmahapurogamāḥ

bowing first in homage, their eyes stilled in wonder, praised the lotus-eyed one, with the Grandsire foremost among them.

Verse 68 (vishnu.1.9.68)

देवा ऊचुः । नमो नमस् ते विश्वेश त्वं ब्रह्मा त्वं पिनाकधृक् । इन्द्रस् त्वम् अग्निः पवनो वरुणः सविता यमः । वसवो मरुतः साध्या विश्वेदेवगणा भवान्

devā ūcuḥ namo namas te viśveśa tvaṁ brahmā tvaṁ pinākadhṛk indras tvam agniḥ pavano varuṇaḥ savitā yamaḥ vasavo marutaḥ sādhyā viśvedevagaṇā bhavān

The gods said: Salutation upon salutation to you, O lord of the universe! You are Brahma, you the wielder of the Pinaka; you are Indra, Agni, the wind-god, Varuna, Savitri, Yama; you are the Vasus, the Maruts, the Sadhyas — you are all the host of Vishvedevas.

Verse 69 (vishnu.1.9.69)

योऽयं तवागतो देव समीपं देवतागणः । स त्वम् एव जगत्स्रष्टा यतः सर्वगतो भवान्

yo 'yaṁ tavāgato deva samīpaṁ devatāgaṇaḥ sa tvam eva jagatsraṣṭā yataḥ sarvagato bhavān

This host of gods now come into your presence, O god — you yourself are the creator of the world, since you, O lord, pervade all things.

Verse 70 (vishnu.1.9.70)

त्वं यज्ञस् त्वं वषट्कारस् त्वम् ओङ्कारः प्रजापतिः । वेत्ता वेद्यं च सर्वात्मंस् त्वन्मयं चाखिलं जगत्

tvaṁ yajñas tvaṁ vaṣaṭkāras tvam oṅkāraḥ prajāpatiḥ vettā vedyaṁ ca sarvātmaṁs tvanmayaṁ cākhilaṁ jagat

You are the sacrifice, you the exclamation Vashat, you the syllable Om, the lord of creatures; knower and known both, O self of all — this whole world is made of you.

Verse 71 (vishnu.1.9.71)

त्वाम् आर्ताः शरणं विष्णो प्रयाता दैत्यनिर्जिताः । वयं प्रसीद सर्वात्मंस् तेजसाप्याययस्व नः

tvām ārtāḥ śaraṇaṁ viṣṇo prayātā daityanirjitāḥ vayaṁ prasīda sarvātmaṁs tejasāpyāyayasva naḥ

In distress, defeated by the Daityas, we have come to you, O Vishnu, for refuge; be gracious, O self of all; fill us again with your radiance.

Verse 72 (vishnu.1.9.72)

तावद् आर्तिस् तथा वाञ्छा तावन् मोहस् तथासुखम् । यावन् नायाति शरणं त्वाम् अशेषाघनाशनम्

tāvad ārtis tathā vāñchā tāvan mohas tathāsukham yāvan nāyāti śaraṇaṁ tvām aśeṣāghanāśanam

So long does distress last, so long desire, so long delusion and its false happiness, as one does not take refuge in you, the destroyer of every sin.

Verse 73 (vishnu.1.9.73)

त्वं प्रसादं प्रसन्नात्मन् प्रपन्नानां कुरुष्व नः । तेजसां नाथ सर्वेषां स्वशक्त्याप्यायनं कुरु

tvaṁ prasādaṁ prasannātman prapannānāṁ kuruṣva naḥ tejasāṁ nātha sarveṣāṁ svaśaktyāpyāyanaṁ kuru

O gracious-souled one, grant your grace to us who have taken refuge; O lord, replenish all our radiance again with your own power.

Verse 74 (vishnu.1.9.74)

श्रीपराशर उवाच । एवं संस्तूयमानस् तु प्रणतैर् अमरैर् हरिः । प्रसन्नदृष्टिर् भगवान् इदम् आह स विश्वकृत्

śrīparāśara uvāca evaṁ saṁstūyamānas tu praṇatair amarair hariḥ prasannadṛṣṭir bhagavān idam āha sa viśvakṛt

Parashara said: Thus praised by the bowing immortals, Hari, maker of the universe, his gaze full of grace, the blessed lord spoke as follows.

Verse 75 (vishnu.1.9.75)

श्रीभगवान् उवाच । तेजसो भवतां देवाः करिष्याम्य् उपबृंहणम् । वदाम्य् अहं यत् क्रियतां भवद्भिस् तद् इदं सुराः

śrībhagavān uvāca tejaso bhavatāṁ devāḥ kariṣyāmy upabṛṁhaṇam vadāmy ahaṁ yat kriyatāṁ bhavadbhis tad idaṁ surāḥ

Shri Bhagavan said: O gods, I shall bring about the augmentation of your radiance; hear what I say, and let this very thing be done by you, O gods:

Verse 76 (vishnu.1.9.76)

आनीय सहिता दैत्यैः क्षीराब्धौ सकलौषधीः । मन्थानं मन्दरं कृत्वा नेत्रं कृत्वा तु वासुकिम् । मथ्यताम् अमृतं देवाः सहाये मय्य् अवस्थिते

ānīya sahitā daityaiḥ kṣīrābdhau sakalauṣadhīḥ manthānaṁ mandaraṁ kṛtvā netraṁ kṛtvā tu vāsukim mathyatām amṛtaṁ devāḥ sahāye mayy avasthite

Bring together with the Daityas all the herbs into the Ocean of Milk; making Mount Mandara the churning-stick and Vasuki the cord, churn out the nectar, O gods, while I stand there as your helper.

Verse 77 (vishnu.1.9.77)

सामपूर्वं च दैतेयास् तत्र साहाय्यकर्मणि । सामान्यफलभोक्तारो यूयं वाच्या भविष्यथ

sāmapūrvaṁ ca daiteyās tatra sāhāyyakarmaṇi sāmānyaphalabhoktāro yūyaṁ vācyā bhaviṣyatha

In that task of assistance, speaking first to the sons of Diti with conciliating words, you must tell them that they too shall share equally in the fruit.

Verse 78 (vishnu.1.9.78)

मथ्यमाने च तत्राब्धौ यत् समुत्पद्यतेऽमृतम् । तत्पानाद् बलिनो यूयम् अमराश् च भविष्यथ

mathyamāne ca tatrābdhau yat samutpadyate 'mṛtam tatpānād balino yūyam amarāś ca bhaviṣyatha

And when the nectar arises there from the churning of that ocean, by drinking it you shall become strong and immortal.

Verse 79 (vishnu.1.9.79)

तथा चाहं करिष्यामि ते यथा त्रिदशद्विषः । न प्राप्स्यन्त्य् अमृतं देवाः केवलं क्लेशभागिनः

tathā cāhaṁ kariṣyāmi te yathā tridaśadviṣaḥ na prāpsyanty amṛtaṁ devāḥ kevalaṁ kleśabhāginaḥ

And I shall so arrange it that your enemies, the foes of the gods, shall not obtain the nectar, but shall gain only weariness as their share.

Verse 80 (vishnu.1.9.80)

श्रीपराशर उवाच । इत्य् उक्ता देवदेवेन सर्व एव ततः सुराः । संधानम् असुरैः कृत्वा यत्नवन्तोऽमृतेऽभवन्

śrīparāśara uvāca ity uktā devadevena sarva eva tataḥ surāḥ saṁdhānam asuraiḥ kṛtvā yatnavanto 'mṛte 'bhavan

Parashara said: Thus told by the god of gods, all the gods then made peace with the Asuras and applied themselves diligently to the work of the nectar.

Verse 81 (vishnu.1.9.81)

नानौषधीः समानीय देवदैतेयदानवाः । क्षिप्त्वा क्षीराब्धिपयसि शरदभ्रामलत्विषि

nānauṣadhīḥ samānīya devadaiteyadānavāḥ kṣiptvā kṣīrābdhipayasi śaradabhrāmalatviṣi

Gods, Daityas, and Danavas together gathered every kind of herb and cast them into the waters of the Ocean of Milk, bright as the clouds of autumn.

Verse 82 (vishnu.1.9.82)

मन्थानं मन्दरं कृत्वा नेत्रं कृत्वा च वासुकिम् । ततो मथितुम् आरब्धा मैत्रेय तरसामृतम्

manthānaṁ mandaraṁ kṛtvā netraṁ kṛtvā ca vāsukim tato mathitum ārabdhā maitreya tarasāmṛtam

Making Mount Mandara the churning-rod and Vasuki the cord, they then began, O Maitreya, swiftly to churn out the nectar.

Verse 83 (vishnu.1.9.83)

विबुधाः सहिताः सर्वे यतः पुच्छं ततः कृताः । कृष्णेन वासुकेर् दैत्याः पूर्वकाये निवेशिताः

vibudhāḥ sahitāḥ sarve yataḥ pucchaṁ tataḥ kṛtāḥ kṛṣṇena vāsuker daityāḥ pūrvakāye niveśitāḥ

All the gods together took hold at the tail; the Daityas, by Krishna's arrangement, were placed at the forepart of Vasuki's body.

Verse 84 (vishnu.1.9.84)

ते तस्य फणनिःश्वासवह्निनापहतत्विषः । निस्तेजसोऽसुराः सर्वे बभूवुर् अमितद्युते

te tasya phaṇaniḥśvāsavahnināpahatatviṣaḥ nistejaso 'surāḥ sarve babhūvur amitadyute

Scorched by the fiery breath from the hoods of the serpent, their luster stripped away, all the Asuras, though of boundless splendor, became devoid of vigor.

Verse 85 (vishnu.1.9.85)

तेनैव मुखनिःश्वासवायुनास्तबलाहकैः । पुच्छप्रदेशे वर्षद्भिस् तदा चाप्यायिताः सुराः

tenaiva mukhaniḥśvāsavāyunāstabalāhakaiḥ pucchapradeśe varṣadbhis tadā cāpyāyitāḥ surāḥ

But by that very breath from his mouth, like rain-bearing clouds, the gods stationed at the tail-end were refreshed and revived.

Verse 86 (vishnu.1.9.86)

क्षीरोदमध्ये भगवान् कूर्मरूपी स्वयं हरिः । मन्दराद्रेर् अधिष्ठानं भ्रमतोऽभून् महामुने

kṣīrodamadhye bhagavān kūrmarūpī svayaṁ hariḥ mandarādrer adhiṣṭhānaṁ bhramato 'bhūn mahāmune

In the midst of the Ocean of Milk, the blessed Hari himself, taking the form of a tortoise, became the support beneath Mount Mandara as it revolved, O great sage.

Verse 87 (vishnu.1.9.87)

रूपेणान्येन देवानां मध्ये चक्रगदाधरः । चकर्ष नागराजानं दैत्यमध्येऽपरेण च

rūpeṇānyena devānāṁ madhye cakragadādharaḥ cakarṣa nāgarājānaṁ daityamadhye 'pareṇa ca

In another form, amid the gods, bearing discus and mace, he pulled the king of serpents; and in yet another form, amid the Daityas, he did likewise.

Verse 88 (vishnu.1.9.88)

उपर्य् आक्रान्तवाञ् छैलं बृहद्रूपेण केशवः । तथापरेण मैत्रेय यन् न दृष्टं सुरासुरैः

upary ākrāntavāñ chailaṁ bṛhadrūpeṇa keśavaḥ tathāpareṇa maitreya yan na dṛṣṭaṁ surāsuraiḥ

Keshava, in an immense form, climbed atop the mountain and bore down upon it; and yet in another form too, O Maitreya, one seen neither by gods nor by Asuras.

Verse 89 (vishnu.1.9.89)

तेजसा नागराजानं तथाप्यायितवान् हरिः । अन्येन तेजसा देवान् उपबृंहितवान् विभुः

tejasā nāgarājānaṁ tathāpyāyitavān hariḥ anyena tejasā devān upabṛṁhitavān vibhuḥ

By his own radiance he refreshed the king of serpents, and by another radiance the Lord invigorated the gods.

Verse 90 (vishnu.1.9.90)

मथ्यमाने ततस् तस्मिन् क्षीराब्धौ देवदानवैः । हविर्धामाभवत् पूर्वं सुरभिः सुरपूजिता

mathyamāne tatas tasmin kṣīrābdhau devadānavaiḥ havirdhāmābhavat pūrvaṁ surabhiḥ surapūjitā

Then, as that Ocean of Milk was churned by gods and Danavas, there first arose the vessel of sacrificial offering, Surabhi, worshipped by the gods.

Verse 91 (vishnu.1.9.91)

जग्मुर् मुदं ततो देवा दानवाश् च महामुने । व्याक्षिप्तचेतसश् चैव बभूवुः स्तिमितेक्षणाः

jagmur mudaṁ tato devā dānavāś ca mahāmune vyākṣiptacetasaś caiva babhūvuḥ stimitekṣaṇāḥ

The gods and Danavas, O great sage, were filled then with joy; but their minds grew distracted, and their gaze became fixed and still.

Verse 92 (vishnu.1.9.92)

किम् एतद् इति सिद्धानां दिवि चिन्तयतां ततः । बभूव वारुणी देवी मदाघूर्णितलोचना

kim etad iti siddhānāṁ divi cintayatāṁ tataḥ babhūva vāruṇī devī madāghūrṇitalocanā

As those perfected beings wondered, 'What is this?', there then arose in heaven the goddess Varuni, her eyes rolling in intoxication.

Verse 93 (vishnu.1.9.93)

कृतावर्तात् ततस् तस्मात् क्षीरोदाद् वासयञ् जगत् । गन्धेन पारिजातोऽभूद् देवस्त्रीनन्दनस् तरुः

kṛtāvartāt tatas tasmāt kṣīrodād vāsayañ jagat gandhena pārijāto 'bhūd devastrīnandanas taruḥ

Then, from that churned Ocean of Milk, scenting the world, there arose from that whirlpool the Parijata tree, delight of the celestial women.

Verse 94 (vishnu.1.9.94)

रूपौदार्यगुणोपेतस् ततश् चाप्सरसां गणः । क्षीरोदधेः समुत्पन्नो मैत्रेय परमाद्भुतः

rūpaudāryaguṇopetas tataś cāpsarasāṁ gaṇaḥ kṣīrodadheḥ samutpanno maitreya paramādbhutaḥ

Then too, endowed with beauty and nobility of every quality, the host of Apsarases, O Maitreya, arose from the Ocean of Milk — a most wondrous thing.

Verse 95 (vishnu.1.9.95)

ततः शीतांशुर् अभवज् जगृहे तं महेश्वरः । जगृहुश् च विषं नागाः क्षीरोदाब्धिसमुत्थितम्

tataḥ śītāṁśur abhavaj jagṛhe taṁ maheśvaraḥ jagṛhuś ca viṣaṁ nāgāḥ kṣīrodābdhisamutthitam

Then arose the cool-rayed moon, whom Maheshvara took up; and the serpents took up the poison that rose from the Ocean of Milk.

Verse 96 (vishnu.1.9.96)

ततो धन्वन्तरिर् देवः श्वेताम्बरधरः स्वयम् । बिभ्रत्कमण्डलुं पूर्णम् अमृतस्य समुत्थितः

tato dhanvantarir devaḥ śvetāmbaradharaḥ svayam bibhratkamaṇḍaluṁ pūrṇam amṛtasya samutthitaḥ

Then the god Dhanvantari himself arose, clad in white garments, bearing a vessel filled with nectar in his hands.

Verse 97 (vishnu.1.9.97)

ततः स्वस्थमनस्कास् ते सर्वे दैतेयदानवाः । बभूवुर् मुदिताः सद्यो मैत्रेय मुनिभिः सह

tataḥ svasthamanaskās te sarve daiteyadānavāḥ babhūvur muditāḥ sadyo maitreya munibhiḥ saha

Then, their minds set at ease, all those Daityas and Danavas, O Maitreya, became joyful at once, together with the sages.

Verse 98 (vishnu.1.9.98)

ततः स्फुरत्कान्तिमती विकासिकमले स्थिता । श्रीर् देवी पयसस् तस्माद् उत्थिता धृतपङ्कजा

tataḥ sphuratkāntimatī vikāsikamale sthitā śrīr devī payasas tasmād utthitā dhṛtapaṅkajā

Then, radiant with beauty, standing upon a blooming lotus, herself holding a lotus, the goddess Shri arose from those waters.

Verse 99 (vishnu.1.9.99)

तां तुष्टुवुर् मुदा युक्ताः श्रीसूक्तेन महर्षयः

tāṁ tuṣṭuvur mudā yuktāḥ śrīsūktena maharṣayaḥ

The great sages, filled with joy, praised her with the Shri Sukta hymn.

Verse 100 (vishnu.1.9.100)

विश्वावसुमुखास् तस्या गन्धर्वाः पुरतो जगुः । घृताचीप्रमुखा ब्रह्मन् ननृतुश् चाप्सरोगणाः

viśvāvasumukhās tasyā gandharvāḥ purato jaguḥ ghṛtācīpramukhā brahman nanṛtuś cāpsarogaṇāḥ

The Gandharvas, led by Vishvavasu, sang before her; and the Apsaras, led by Ghritachi, danced, O brahmin.

Verse 101 (vishnu.1.9.101)

गङ्गाद्याः सरितस् तोयैः स्नानार्थम् उपतस्थिरे । दिग्गजा हेमपात्रस्थम् आदाय विमलं जलम् । स्नापयां चक्रिरे देवीं सर्वलोकमहेश्वरीम्

gaṅgādyāḥ saritas toyaiḥ snānārtham upatasthire diggajā hemapātrastham ādāya vimalaṁ jalam snāpayāṁ cakrire devīṁ sarvalokamaheśvarīm

The Ganga and the other sacred rivers came near with their waters for her bathing; the elephants of the quarters, taking pure water in vessels of gold, bathed the goddess, sovereign mistress of all the worlds.

Verse 102 (vishnu.1.9.102)

क्षीरोदो रूपधृक् तस्यै मालाम् अम्लानपङ्कजाम् । ददौ विभूषणान्य् अङ्गे विश्वकर्मा चकार ह

kṣīrodo rūpadhṛk tasyai mālām amlānapaṅkajām dadau vibhūṣaṇāny aṅge viśvakarmā cakāra ha

The Ocean of Milk, assuming bodily form, gave her a garland of unfading lotuses; and Vishvakarma fashioned ornaments for her limbs.

Verse 103 (vishnu.1.9.103)

दिव्यमाल्याम्बरधरा स्नाता भूषणभूषिता । पश्यतां सर्वदेवानां ययौ वक्षःस्थलं हरेः

divyamālyāmbaradharā snātā bhūṣaṇabhūṣitā paśyatāṁ sarvadevānāṁ yayau vakṣaḥsthalaṁ hareḥ

Wearing divine garlands and garments, bathed and adorned with ornaments, she went, before the eyes of all the gods, to the breast of Hari.

Verse 104 (vishnu.1.9.104)

ततोऽवलोकिता देवा हरिवक्षःस्थलस्थया । लक्ष्म्या मैत्रेय सहसा परां निर्वृतिम् आगताः

tato 'valokitā devā harivakṣaḥsthalasthayā lakṣmyā maitreya sahasā parāṁ nirvṛtim āgatāḥ

Then the gods, seeing her seated upon Hari's breast, O Maitreya, attained at once to a supreme joy.

Verse 105 (vishnu.1.9.105)

उद्वेगं परमं जग्मुर् दैत्या विष्णुपराङ्मुखाः । त्यक्ता लक्ष्म्या महाभाग विप्रचित्तिपुरोगमाः

udvegaṁ paramaṁ jagmur daityā viṣṇuparāṅmukhāḥ tyaktā lakṣmyā mahābhāga vipracittipurogamāḥ

But the Daityas, turned away from Vishnu, fell into deep distress, forsaken by Lakshmi, O greatly fortunate one, with Vipracitti at their head.

Verse 106 (vishnu.1.9.106)

ततस् ते जगृहुर् दैत्या धन्वन्तरिकरे स्थितम् । कमण्डलुं महावीर्या यत्रास्ते तद् द्विजामृतम्

tatas te jagṛhur daityā dhanvantarikare sthitam kamaṇḍaluṁ mahāvīryā yatrāste tad dvijāmṛtam

Then those mighty Daityas seized that vessel of nectar for the twice-born which stood in Dhanvantari's hand.

Verse 107 (vishnu.1.9.107)

मायया मोहयित्वा तान् विष्णुः स्त्रीरूपम् आस्थितः । दानवेभ्यस् तद् आदाय देवेभ्यः प्रददौ विभुः

māyayā mohayitvā tān viṣṇuḥ strīrūpam āsthitaḥ dānavebhyas tad ādāya devebhyaḥ pradadau vibhuḥ

Deluding them with his magic, assuming the form of a woman, Vishnu, the mighty one, took that nectar from the Danavas and gave it to the gods.

Verse 108 (vishnu.1.9.108)

ततः पपुः सुरगणाः शक्राद्यास् तत् तदामृतम् । उद्यतायुधनिस्त्रिंशा दैत्यास् तांश् च समभ्ययुः

tataḥ papuḥ suragaṇāḥ śakrādyās tat tadāmṛtam udyatāyudhanistriṁśā daityās tāṁś ca samabhyayuḥ

Then the hosts of gods, led by Shakra, drank that nectar; the Daityas, raising their swords and weapons, fell upon them.

Verse 109 (vishnu.1.9.109)

पीतेऽमृते च बलिभिर् देवैर् दैत्यचमूस् तदा । वध्यमाना दिशो भेजे पातालं च विवेश वै

pīte 'mṛte ca balibhir devair daityacamūs tadā vadhyamānā diśo bheje pātālaṁ ca viveśa vai

But once the nectar was drunk, the now-powerful gods routed the Daitya army, which scattered to every quarter and entered Patala, the underworld.

Verse 110 (vishnu.1.9.110)

ततो देवा मुदा युक्ताः शङ्खचक्रगदाधरम् । प्रणिपत्य यथापूर्वम् अशासंस् तत् त्रिविष्टपम्

tato devā mudā yuktāḥ śaṅkhacakragadādharam praṇipatya yathāpūrvam aśāsaṁs tat triviṣṭapam

Then the joyful gods, bowing as before to the bearer of conch, discus, and mace, took possession of that heaven once more.

Verse 111 (vishnu.1.9.111)

ततः प्रसन्नभाः सूर्यः प्रययौ स्वेन वर्त्मना । ज्योतींषि च यथामार्गं प्रययुर् मुनिसत्तम

tataḥ prasannabhāḥ sūryaḥ prayayau svena vartmanā jyotīṁṣi ca yathāmārgaṁ prayayur munisattama

Then the sun, its brightness grown clear again, resumed its own course; and the heavenly bodies too, O foremost of sages, proceeded each along its proper path.

Verse 112 (vishnu.1.9.112)

जज्वाल भगवांश् चोच्चैश् चारुदीप्तिर् विभावसुः । धर्मे च सर्वभूतानां तदा मतिर् अजायत

jajvāla bhagavāṁś coccaiś cārudīptir vibhāvasuḥ dharme ca sarvabhūtānāṁ tadā matir ajāyata

The blessed fire blazed up loudly, its radiance most beautiful; and among all beings there arose once more a mind inclined toward dharma.

Verse 113 (vishnu.1.9.113)

श्रिया जुष्टं च त्रैलोक्यं बभूव द्विजसत्तम । शक्रश् च त्रिदशश्रेष्ठः पुनः श्रीमान् अजायत

śriyā juṣṭaṁ ca trailokyaṁ babhūva dvijasattama śakraś ca tridaśaśreṣṭhaḥ punaḥ śrīmān ajāyata

The three worlds, O best of the twice-born, became filled again with prosperity; and Shakra, foremost among the gods, was reborn glorious with fortune.

Verse 114 (vishnu.1.9.114)

सिंहासनगतः शक्रः संप्राप्य त्रिदिवं पुनः । देवराज्ये स्थितो देवीं तुष्टावाब्जकरां ततः

siṁhāsanagataḥ śakraḥ saṁprāpya tridivaṁ punaḥ devarājye sthito devīṁ tuṣṭāvābjakarāṁ tataḥ

Seated upon his throne, having regained heaven once more and established in the sovereignty of the gods, Shakra then praised the lotus-handed goddess.

Verse 115 (vishnu.1.9.115)

इन्द्र उवाच । नमस्ये सर्वलोकानां जननीम् अब्जसंभवाम् । श्रियम् उन्निद्रपद्माक्षीं विष्णुवक्षःस्थलस्थिताम्

indra uvāca namasye sarvalokānāṁ jananīm abjasaṁbhavām śriyam unnidrapadmākṣīṁ viṣṇuvakṣaḥsthalasthitām

Indra said: I bow to her, born of the lotus, the mother of all the worlds — Shri, whose eyes are like an opening lotus, seated upon the breast of Vishnu.

Verse 116 (vishnu.1.9.116)

त्वं सिद्धिस् त्वं स्वधा स्वाहा सुधा त्वं लोकपावनी । संध्या रात्रिः प्रभा भूतिर् मेधा श्रद्धा सरस्वती

tvaṁ siddhis tvaṁ svadhā svāhā sudhā tvaṁ lokapāvanī saṁdhyā rātriḥ prabhā bhūtir medhā śraddhā sarasvatī

You are Siddhi, you are Svadha, Svaha, the nectar that purifies the worlds; you are Sandhya, Ratri, Prabha, Bhuti, Medha, Shraddha, Sarasvati.

Verse 117 (vishnu.1.9.117)

यज्ञविद्या महाविद्या गुह्यविद्या च शोभने । आत्मविद्या च देवि त्वं विमुक्तिफलदायिनी

yajñavidyā mahāvidyā guhyavidyā ca śobhane ātmavidyā ca devi tvaṁ vimuktiphaladāyinī

You are the knowledge of sacrifice, the great knowledge, the secret knowledge, O gracious one; you are the knowledge of the self, O goddess, giver of the fruit of liberation.

Verse 118 (vishnu.1.9.118)

आन्वीक्षिकी त्रयी वार्ता दण्डनीतिस् त्वम् एव च । सौम्यासौम्यैर् जगद् रूपैस् त्वयैतद् देवि पूरितम्

ānvīkṣikī trayī vārtā daṇḍanītis tvam eva ca saumyāsaumyair jagad rūpais tvayaitad devi pūritam

You are logic, the triple Veda, the science of livelihood, the science of statecraft; by you, O goddess, in forms both mild and fierce, this whole world is filled.

Verse 119 (vishnu.1.9.119)

का त्व् अन्या त्वाम् ऋते देवि सर्वयज्ञमयं वपुः । अध्यास्ते देवदेवस्य योगिचिन्त्यं गदाभृतः

kā tv anyā tvām ṛte devi sarvayajñamayaṁ vapuḥ adhyāste devadevasya yogicintyaṁ gadābhṛtaḥ

Who else but you, O goddess, is that form wholly made of sacrifice, dwelling upon the mace-bearer, the god of gods, whom yogis hold in their contemplation?

Verse 120 (vishnu.1.9.120)

त्वया देवि परित्यक्तं सकलं भुवनत्रयम् । विनष्टप्रायम् अभवत् त्वयेदानीं समेधितम्

tvayā devi parityaktaṁ sakalaṁ bhuvanatrayam vinaṣṭaprāyam abhavat tvayedānīṁ samedhitam

Forsaken by you, O goddess, the entire triple world had come nearly to ruin; now, made prosperous once more by you, it flourishes again.

Verse 121 (vishnu.1.9.121)

दाराः पुत्रास् तथागारं सुहृद्धान्यधनादिकम् । भवत्य् एतन् महाभागे नित्यं त्वद्वीक्षणान् नृणाम्

dārāḥ putrās tathāgāraṁ suhṛddhānyadhanādikam bhavaty etan mahābhāge nityaṁ tvadvīkṣaṇān nṛṇām

Wives, sons, home, kinsmen, grain and wealth and all such things — these come to men forever, O greatly blessed one, only through your gaze.

Verse 122 (vishnu.1.9.122)

शरीरारोग्यम् ऐश्वर्यम् अरिपक्षक्षयः सुखम् । देवि त्वद्दृष्टिदृष्टानां पुरुषाणां न दुर्लभम्

śarīrārogyam aiśvaryam aripakṣakṣayaḥ sukham devi tvaddṛṣṭidṛṣṭānāṁ puruṣāṇāṁ na durlabham

Bodily health, sovereignty, the destruction of the ranks of enemies, happiness — these, O goddess, are nothing difficult for men upon whom your glance has fallen.

Verse 123 (vishnu.1.9.123)

त्वं माता सर्वभूतानां देवदेवो हरिः पिता । त्वयैतद् विष्णुना चाम्ब जगद् व्याप्तं चराचरम्

tvaṁ mātā sarvabhūtānāṁ devadevo hariḥ pitā tvayaitad viṣṇunā cāmba jagad vyāptaṁ carācaram

You are the mother of all beings, and Hari, the god of gods, is their father; by you, O mother, together with Vishnu, this whole moving and unmoving world is pervaded.

Verse 124 (vishnu.1.9.124)

मा नः कोशं तथा गोष्ठं मा गृहं मा परिच्छदम् । मा शरीरं कलत्रं च त्यजेथाः सर्वपावनि

mā naḥ kośaṁ tathā goṣṭhaṁ mā gṛhaṁ mā paricchadam mā śarīraṁ kalatraṁ ca tyajethāḥ sarvapāvani

Do not forsake, O purifier of all, our treasury, nor our cattle-pens, nor our home, nor our household; do not forsake our bodies, nor our wives.

Verse 125 (vishnu.1.9.125)

मा पुत्रान् मा सुहृद्वर्गान् मा पशून् मा विभूषणम् । त्यजेथा मम देवस्य विष्णोर् वक्षःस्थलालये

mā putrān mā suhṛdvargān mā paśūn mā vibhūṣaṇam tyajethā mama devasya viṣṇor vakṣaḥsthalālaye

Do not forsake our sons, nor our circle of kinsmen, nor our herds, nor our ornaments — nor forsake me, who dwell in the shelter of my lord Vishnu's breast.

Verse 126 (vishnu.1.9.126)

सत्त्वेन सत्यशौचाभ्यां तथा शीलादिभिर् गुणैः । त्यज्यन्ते ते नराः सद्यः संत्यक्ता ये त्वयामले

sattvena satyaśaucābhyāṁ tathā śīlādibhir guṇaiḥ tyajyante te narāḥ sadyaḥ saṁtyaktā ye tvayāmale

Those men from whom you, O stainless one, have wholly withdrawn — from them sattva, truth and purity, good conduct and its kindred virtues depart at once as well.

Verse 127 (vishnu.1.9.127)

त्वयावलोकिताः सद्यः शीलाद्यैर् अखिलैर् गुणैः । कुलैश्वर्यैश् च युज्यन्ते पुरुषा निर्गुणा अपि

tvayāvalokitāḥ sadyaḥ śīlādyair akhilair guṇaiḥ kulaiśvaryaiś ca yujyante puruṣā nirguṇā api

Those upon whom you cast your glance, even men wholly devoid of virtue, are at once endowed with good conduct and every other quality, together with the fortune of noble lineage.

Verse 128 (vishnu.1.9.128)

स श्लाघ्यः स गुणी धन्यः स कुलीनः स बुद्धिमान् । स शूरः स च विक्रान्तो यस् त्वया देवि वीक्षितः

sa ślāghyaḥ sa guṇī dhanyaḥ sa kulīnaḥ sa buddhimān sa śūraḥ sa ca vikrānto yas tvayā devi vīkṣitaḥ

Praiseworthy is he, virtuous, blessed, well-born, wise; heroic and valiant is he, O goddess — whoever is beheld by you.

Verse 129 (vishnu.1.9.129)

सद्यो वैगुण्यम् आयान्ति शीलाद्याः सकला गुणाः । पराङ्मुखी जगद्धात्री यस्य त्वं विष्णुवल्लभे

sadyo vaiguṇyam āyānti śīlādyāḥ sakalā guṇāḥ parāṅmukhī jagaddhātrī yasya tvaṁ viṣṇuvallabhe

At once all his good conduct and every virtue turns to fault, O sustainer of the world, O beloved of Vishnu, that man from whom you turn your face away.

Verse 130 (vishnu.1.9.130)

न ते वर्णयितुं शक्ता गुणाञ् जिह्वापि वेधसः । प्रसीद देवि पद्माक्षि मास्मांस् त्याक्षीः कदाचन

na te varṇayituṁ śaktā guṇāñ jihvāpi vedhasaḥ prasīda devi padmākṣi māsmāṁs tyākṣīḥ kadācana

Not even the tongue of Brahma himself is able to recount your virtues; be gracious, O lotus-eyed goddess — never forsake us.

Verse 131 (vishnu.1.9.131)

श्रीपराशर उवाच । एवं श्रीः संस्तुता सम्यक् प्राह हृष्टा शतक्रतुम् । शृण्वतां सर्वदेवानां सर्वभूतस्थिता द्विज

śrīparāśara uvāca evaṁ śrīḥ saṁstutā samyak prāha hṛṣṭā śatakratum śṛṇvatāṁ sarvadevānāṁ sarvabhūtasthitā dvija

Parashara said: Thus duly praised, Shri, delighted, spoke to Shatakratu, in the hearing of all the gods, she who dwells within all beings, O brahmin.

Verse 132 (vishnu.1.9.132)

श्रीर् उवाच । परितुष्टास्मि देवेश स्तोत्रेणानेन ते हरे । वरं वृणीष्व यस् त्व् इष्टो वरदाहं तवागता

śrīr uvāca parituṣṭāsmi deveśa stotreṇānena te hare varaṁ vṛṇīṣva yas tv iṣṭo varadāhaṁ tavāgatā

Shri said: I am well pleased, O lord of the gods, O Hari, by this hymn of yours; ask whatever boon you wish — I have come to grant it to you.

Verse 133 (vishnu.1.9.133)

इन्द्र उवाच । वरदा यदि मे देवि वरार्हो यदि चाप्य् अहम् । त्रैलोक्यं न त्वया त्याज्यम् एष मेऽस्तु वरः परः

indra uvāca varadā yadi me devi varārho yadi cāpy aham trailokyaṁ na tvayā tyājyam eṣa me 'stu varaḥ paraḥ

Indra said: If you are the giver of boons, O goddess, and if I too am worthy of one, then let the three worlds never be forsaken by you — let this be my highest boon.

Verse 134 (vishnu.1.9.134)

स्तोत्रेण यस् तथैतेन त्वां स्तोष्यत्य् अब्धिसंभवे । स त्वया न परित्याज्यो द्वितीयोऽस्तु वरो मम

stotreṇa yas tathaitena tvāṁ stoṣyaty abdhisaṁbhave sa tvayā na parityājyo dvitīyo 'stu varo mama

And whoever shall likewise praise you, ocean-born goddess, with this very hymn — let that one too never be forsaken by you: let this be my second boon.

Verse 135 (vishnu.1.9.135)

श्रीर् उवाच । त्रैलोक्यं त्रिदशश्रेष्ठ न संत्यक्ष्यामि वासव । दत्तो वरो मयायं ते स्तोत्राराधनतुष्टया

śrīr uvāca trailokyaṁ tridaśaśreṣṭha na saṁtyakṣyāmi vāsava datto varo mayāyaṁ te stotrārādhanatuṣṭayā

Shri said: O foremost of the gods, O Vasava, I shall never forsake the three worlds; pleased by your hymn and your worship, I have granted you this boon.

Verse 136 (vishnu.1.9.136)

यश् च सायं तथा प्रातः स्तोत्रेणानेन मानवः । मां स्तोष्यति न तस्याहं भविष्यामि पराङ्मुखी

yaś ca sāyaṁ tathā prātaḥ stotreṇānena mānavaḥ māṁ stoṣyati na tasyāhaṁ bhaviṣyāmi parāṅmukhī

And whatever man shall praise me morning and evening with this very hymn, from him I shall never turn my face away.

Verse 137 (vishnu.1.9.137)

श्रीपराशर उवाच । एवं ददौ वरौ देवी देवराजाय वै पुरा । मैत्रेय श्रीर् महाभागा स्तोत्राराधनतोषिता

śrīparāśara uvāca evaṁ dadau varau devī devarājāya vai purā maitreya śrīr mahābhāgā stotrārādhanatoṣitā

Parashara said: Thus of old the goddess granted these boons to the king of the gods — Shri, greatly blessed, O Maitreya, pleased by hymn and worship.

Verse 138 (vishnu.1.9.138)

भृगोः ख्यात्यां समुत्पन्ना श्रीः पूर्वम् उदधेः पुनः । देवदानवयत्नेन प्रसूतामृतमन्थने

bhṛgoḥ khyātyāṁ samutpannā śrīḥ pūrvam udadheḥ punaḥ devadānavayatnena prasūtāmṛtamanthane

Born as the daughter of Bhrigu's fame, Shri had earlier arisen from the ocean, brought forth by the effort of gods and Danavas in the churning for the nectar.

Verse 139 (vishnu.1.9.139)

एवं यदा जगत्स्वामी देवदेवो जनार्दनः । अवतारं करोत्य् एषा तदा श्रीस् तत्सहायिनी

evaṁ yadā jagatsvāmī devadevo janārdanaḥ avatāraṁ karoty eṣā tadā śrīs tatsahāyinī

Thus, whenever the lord of the world, Janardana, god of gods, assumes an incarnation, Shri becomes his companion in that very deed.

Verse 140 (vishnu.1.9.140)

पुनश् च पद्मा संभूता आदित्योऽभूद् यदा हरिः । यदा तु भार्गवो रामस् तदाभूद् धरणी त्व् इयम्

punaś ca padmā saṁbhūtā ādityo 'bhūd yadā hariḥ yadā tu bhārgavo rāmas tadābhūd dharaṇī tv iyam

Again, when Hari became Aditya, she was born as Padma; and when Hari was the Bhargava, Rama (Parashurama), it was this earth that became her form.

Verse 141 (vishnu.1.9.141)

राघवत्वेऽभवत् सीता रुक्मिणी कृष्णजन्मनि । अन्येषु चावतारेषु विष्णोर् एषा सहायिनी

rāghavatve 'bhavat sītā rukmiṇī kṛṣṇajanmani anyeṣu cāvatāreṣu viṣṇor eṣā sahāyinī

In the Raghava incarnation she became Sita; at Krishna's birth, Rukmini; and in the other incarnations too, she is Vishnu's companion.

Verse 142 (vishnu.1.9.142)

देवत्वे देवदेहेयं मनुष्यत्वे च मानुषी । विष्णोर् देहानुरूपां वै करोत्य् एषात्मनस् तनुम्

devatve devadeheyaṁ manuṣyatve ca mānuṣī viṣṇor dehānurūpāṁ vai karoty eṣātmanas tanum

In his divinity she takes a divine body, in his humanity a human one; she fashions her own form to match the very body of Vishnu.

Verse 143 (vishnu.1.9.143)

यश् चैतच् छृणुयाज् जन्म लक्ष्म्या यश् च पठेन् नरः । श्रियो न विच्युतिस् तस्य गृहे यावत् कुलत्रयम्

yaś caitac chṛṇuyāj janma lakṣmyā yaś ca paṭhen naraḥ śriyo na vicyutis tasya gṛhe yāvat kulatrayam

Whoever hears of this birth of Lakshmi, and whoever recites it, from his house prosperity does not depart for three generations.

Verse 144 (vishnu.1.9.144)

पठ्यते येषु चैवेयं गृहेषु श्रीस्तुतिर् मुने । अलक्ष्मीः कलहाधारा न तेष्व् आस्ते कदाचन

paṭhyate yeṣu caiveyaṁ gṛheṣu śrīstutir mune alakṣmīḥ kalahādhārā na teṣv āste kadācana

In those houses, O sage, where this hymn of Shri is recited, misfortune — the very root of strife — never dwells at all.

Verse 145 (vishnu.1.9.145)

एतत् ते कथितं ब्रह्मन् यन् मां त्वं परिपृच्छसि । क्षीराब्धौ श्रीर् यथा जाता पूर्वं भृगुसुता सती

etat te kathitaṁ brahman yan māṁ tvaṁ paripṛcchasi kṣīrābdhau śrīr yathā jātā pūrvaṁ bhṛgusutā satī

This is all I have told you, O brahmin, of what you asked me — how Shri, of old, the faithful daughter of Bhrigu, was born in the Ocean of Milk.

Verse 146 (vishnu.1.9.146)

इति सकलविभूत्यवाप्तिहेतुः स्तुतिर् इयम् इन्द्रमुखोद्गता हि लक्ष्म्याः । अनुदिनम् इह पठ्यते नृभिर् यैर् वसति न तेषु कदाचिद् अप्य् अलक्ष्मीः

iti sakalavibhūtyavāptihetuḥ stutir iyam indramukhodgatā hi lakṣmyāḥ anudinam iha paṭhyate nṛbhir yair vasati na teṣu kadācid apy alakṣmīḥ

Thus this hymn, the cause of attaining every kind of fortune, sprung from the mouth of Indra in praise of Lakshmi, is recited here day by day; among those by whom it is recited, misfortune never dwells at all.