Kandu and Pramlocha, the Birth of Daksha, and the Gods' Lineages

Verse 1 (vishnu.1.15.1)

श्रीपराशर उवाच । तपश् चरत्सु पृथिवीं प्रचेतःसु महीरुहाः । अरक्ष्यमाणाम् आवव्रुर् बभूवाथ प्रजाक्षयः

śrīparāśara uvāca tapaś caratsu pṛthivīṁ pracetaḥsu mahīruhāḥ arakṣyamāṇām āvavrur babhūvātha prajākṣayaḥ

Parashara said: While the Pracetas were performing austerity, trees overran the unguarded earth, and the destruction of created beings began.

Verse 2 (vishnu.1.15.2)

नाशकन् मारुतो वातुं वृतं खम् अभवद् द्रुमैः । दशवर्षसहस्राणि न शेकुश् चेष्टितुं प्रजाः

nāśakan māruto vātuṁ vṛtaṁ kham abhavad drumaiḥ daśavarṣasahasrāṇi na śekuś ceṣṭituṁ prajāḥ

The wind could not blow, and the sky became covered by trees; for ten thousand years, living beings could not so much as move.

Verse 3 (vishnu.1.15.3)

तान् दृष्ट्वा जलनिष्क्रान्ताः सर्वे क्रुद्धाः प्रचेतसः । मुखेभ्यो वायुम् अग्निं च तेऽसृजञ् जातमन्यवः

tān dṛṣṭvā jalaniṣkrāntāḥ sarve kruddhāḥ pracetasaḥ mukhebhyo vāyum agniṁ ca te 'sṛjañ jātamanyavaḥ

Seeing this, the Pracetas, emerging from the water, all grew enraged, and in their wrath created from their mouths wind and fire.

Verse 4 (vishnu.1.15.4)

उन्मूलान् अथ तान् वृक्षान् कृत्वा वायुर् अशोषयत् । तान् अग्निर् अदहद् घोरस् तत्राभूद् द्रुमसंक्षयः

unmūlān atha tān vṛkṣān kṛtvā vāyur aśoṣayat tān agnir adahad ghoras tatrābhūd drumasaṁkṣayaḥ

The wind uprooted those trees and dried them out, and the fierce fire burned them — thus the trees were destroyed.

Verse 5 (vishnu.1.15.5)

द्रुमक्षयम् अथो दृष्ट्वा किंचिच् छिष्टेषु शाखिषु । उपगम्याब्रवीद् एतान् राजा सोमः प्रजापतीन्

drumakṣayam atho dṛṣṭvā kiṁcic chiṣṭeṣu śākhiṣu upagamyābravīd etān rājā somaḥ prajāpatīn

Then, seeing that destruction of the trees, when only a few plants remained, King Soma approached those lords of creatures and spoke.

Verse 6 (vishnu.1.15.6)

कोपं यच्छत राजानः शृणुध्वं च वचो मम । संधानं वः करिष्यामि सह क्षितिरुहैर् अहम्

kopaṁ yacchata rājānaḥ śṛṇudhvaṁ ca vaco mama saṁdhānaṁ vaḥ kariṣyāmi saha kṣitiruhair aham

'Restrain your wrath, O kings, and hear my words; I shall bring about a reconciliation between you and the trees.'

Verse 7 (vishnu.1.15.7)

रत्नभूता च कन्येयं वार्क्षेयी वरवर्णिनी । भविष्यं जानता पूर्वं मया गोभिर् विवर्धिता

ratnabhūtā ca kanyeyaṁ vārkṣeyī varavarṇinī bhaviṣyaṁ jānatā pūrvaṁ mayā gobhir vivardhitā

'This jewel-like maiden, daughter of the trees, of lovely hue — foreseeing the future, I have nurtured her with my rays.'

Verse 8 (vishnu.1.15.8)

मारिषा नाम नाम्नैषा वृक्षाणाम् इति निर्मिता । भार्या वोऽस्तु महाभागा ध्रुवं वंशविवर्धिनी

māriṣā nāma nāmnaiṣā vṛkṣāṇām iti nirmitā bhāryā vo 'stu mahābhāgā dhruvaṁ vaṁśavivardhinī

'By name she is called Marisha, fashioned thus by the trees; let her become your wife, O greatly fortunate ones — she shall surely increase your lineage.'

Verse 9 (vishnu.1.15.9)

युष्माकं तेजसोऽर्धेन मम चार्धेन तेजसः । अस्याम् उत्पत्स्यते विद्वान् दक्षो नाम प्रजापतिः

yuṣmākaṁ tejaso 'rdhena mama cārdhena tejasaḥ asyām utpatsyate vidvān dakṣo nāma prajāpatiḥ

'By half of your own vigor and half of mine, there shall be born through her a wise Prajapati named Daksha.'

Verse 10 (vishnu.1.15.10)

मम चांशेन संयुक्तो युष्मत्तेजोमयेन वै । अग्निनाग्निसमो भूयः प्रजाः संवर्धयिष्यति

mama cāṁśena saṁyukto yuṣmattejomayena vai agnināgnisamo bhūyaḥ prajāḥ saṁvardhayiṣyati

'United with a portion of mine, made of your own splendor, he, equal to fire in his splendor, shall increase your subjects once more.'

Verse 11 (vishnu.1.15.11)

कण्डुर् नाम मुनिः पूर्वम् आसीद् वेदविदां वरः । सुरम्ये गोमतीतीरे स तेपे परमं तपः

kaṇḍur nāma muniḥ pūrvam āsīd vedavidāṁ varaḥ suramye gomatītīre sa tepe paramaṁ tapaḥ

There once was a sage named Kandu, foremost among knowers of the Veda, who performed the highest austerity on the delightful bank of the river Gomati.

Verse 12 (vishnu.1.15.12)

तत्क्षोभाय सुरेन्द्रेण प्रम्लोचाख्या वराप्सराः । प्रयुक्ता क्षोभयाम् आस तम् ऋषिं सा शुचिस्मिता

tatkṣobhāya surendreṇa pramlocākhyā varāpsarāḥ prayuktā kṣobhayām āsa tam ṛṣiṁ sā śucismitā

To disturb him, the lord of the gods employed a lovely, sweet-smiling Apsara named Pramlocha, who set about disturbing that sage.

Verse 13 (vishnu.1.15.13)

क्षोभितः स तया सार्धं वर्षाणाम् अधिकं शतम् । अतिष्ठन् मन्दरद्रोण्यां विषयासक्तमानसः

kṣobhitaḥ sa tayā sārdhaṁ varṣāṇām adhikaṁ śatam atiṣṭhan mandaradroṇyāṁ viṣayāsaktamānasaḥ

Disturbed by her, he remained together with her for more than a hundred years in the valley of Mount Mandara, his mind attached to the objects of sense.

Verse 14 (vishnu.1.15.14)

सा तं प्राह महाभाग गन्तुम् इच्छाम्य् अहं दिवम् । प्रसादसुमुखो ब्रह्मन्न् अनुज्ञां दातुम् अर्हसि

sā taṁ prāha mahābhāga gantum icchāmy ahaṁ divam prasādasumukho brahmann anujñāṁ dātum arhasi

Then she said to him, 'O greatly blessed one, I wish to go to heaven; O brahmin, be gracious of countenance and grant me leave.'

Verse 15 (vishnu.1.15.15)

तयैवम् उक्तः स मुनिस् तस्याम् आसक्तमानसः । दिनानि कतिचिद् भद्रे स्थीयताम् इत्य् अभाषत

tayaivam uktaḥ sa munis tasyām āsaktamānasaḥ dināni katicid bhadre sthīyatām ity abhāṣata

Thus addressed by her, that sage, his mind attached to her, said, 'Stay a few more days, gracious one.'

Verse 16 (vishnu.1.15.16)

एवम् उक्ता ततस् तेन साग्रं वर्षशतं पुनः । बुभुजे विषयांस् तन्वी तेन सार्धं महात्मना

evam uktā tatas tena sāgraṁ varṣaśataṁ punaḥ bubhuje viṣayāṁs tanvī tena sārdhaṁ mahātmanā

Thus told by him, that slender woman again enjoyed the pleasures of the senses together with him for more than a hundred years.

Verse 17 (vishnu.1.15.17)

अनुज्ञां देहि भगवन् व्रजामि त्रिदशालयम् । उक्तस् तयेति स मुनिः स्थीयताम् इत्य् अभाषत

anujñāṁ dehi bhagavan vrajāmi tridaśālayam uktas tayeti sa muniḥ sthīyatām ity abhāṣata

'Grant me leave, blessed one; I go to the abode of the gods' — thus told by her, the sage again said, 'Stay.'

Verse 18 (vishnu.1.15.18)

पुनर् गते वर्षशते साधिके सा शुभानना । यामीत्य् आह दिवं ब्रह्मन् प्रणयस्मितशोभनम्

punar gate varṣaśate sādhike sā śubhānanā yāmīty āha divaṁ brahman praṇayasmitaśobhanam

Again, when a little more than a hundred years had passed, that lovely-faced woman said, with a smile beautified by affection, 'O brahmin, I am going.'

Verse 19 (vishnu.1.15.19)

उक्तस् तयैवं स मुनिर् उपगुह्यायतेक्षणाम् । प्राहास्यतां क्षणं सुभ्रु चिरकालं गमिष्यसि

uktas tayaivaṁ sa munir upaguhyāyatekṣaṇām prāhāsyatāṁ kṣaṇaṁ subhru cirakālaṁ gamiṣyasi

Thus addressed, the sage, embracing her of the wide eyes, said, 'Stay but a moment, fair-browed one; you shall go after a long time yet.'

Verse 20 (vishnu.1.15.20)

तच्छापभीता सुश्रोणी सह तेनर्षिणा पुनः । शतद्वयं किंचिद् ऊनं वर्षाणाम् अन्वतिष्ठत

tacchāpabhītā suśroṇī saha tenarṣiṇā punaḥ śatadvayaṁ kiṁcid ūnaṁ varṣāṇām anvatiṣṭhata

Fearing his curse, that fair one remained together with that sage for nearly two hundred years more.

Verse 21 (vishnu.1.15.21)

गमनाय महाभागो देवराजनिवेशनम् । प्रोक्तः प्रोक्तस् तया तन्व्या स्थीयताम् इत्य् अभाषत

gamanāya mahābhāgo devarājaniveśanam proktaḥ proktas tayā tanvyā sthīyatām ity abhāṣata

When she once again spoke of going to the abode of the king of the gods, that greatly blessed sage said to that slender woman, 'Stay.'

Verse 22 (vishnu.1.15.22)

तं सा शापभयाद् भीता दाक्षिण्येन च दक्षिणा । प्रोक्ता प्रणयभङ्गार्तिवेदिनी न जहौ मुनिम्

taṁ sā śāpabhayād bhītā dākṣiṇyena ca dakṣiṇā proktā praṇayabhaṅgārtivedinī na jahau munim

Fearing his curse, and out of her own graciousness, told to stay, she, perceiving the pain of a broken affection, could not leave the sage.

Verse 23 (vishnu.1.15.23)

तया च रमतस् तस्य परमर्षेर् अहर्निशम् । नवं नवम् अभूत् प्रेम मन्मथाविष्टचेतसः

tayā ca ramatas tasya paramarṣer aharniśam navaṁ navam abhūt prema manmathāviṣṭacetasaḥ

And as that great sage sported with her day and night, his mind overcome by desire, his love grew ever-new with each passing day.

Verse 24 (vishnu.1.15.24)

एकदा तु त्वरायुक्तो निश्चक्रामोटजान् मुनिः । निष्क्रामन्तं च कुत्रेति गम्यते प्राह सा शुभा

ekadā tu tvarāyukto niścakrāmoṭajān muniḥ niṣkrāmantaṁ ca kutreti gamyate prāha sā śubhā

One day the sage went forth from his hut in haste; and as he was going, that lovely woman asked, 'Where are you going?'

Verse 25 (vishnu.1.15.25)

इत्य् उक्तः स तया प्राह परिवृत्तम् अहः शुभे । संध्योपास्तिं करिष्यामि क्रियालोपोऽन्यथा भवेत्

ity uktaḥ sa tayā prāha parivṛttam ahaḥ śubhe saṁdhyopāstiṁ kariṣyāmi kriyālopo 'nyathā bhavet

Thus asked, he said, 'The day has turned, gracious one; I must perform my twilight worship, or else there will be a lapse in the rite.'

Verse 26 (vishnu.1.15.26)

ततः प्रहस्य मुदिता तं सा प्राह महामुनिम् । किम् अद्य सर्वधर्मज्ञ परिवृत्तम् अहस् तव

tataḥ prahasya muditā taṁ sā prāha mahāmunim kim adya sarvadharmajña parivṛttam ahas tava

Then, laughing with delight, she said to that great sage, 'What, O knower of all dharma — has your day turned today?'

Verse 27 (vishnu.1.15.27)

बहूनां विप्र वर्षाणां परिणामम् अहस् तव । गतम् एतन् न कुरुते विस्मयं कस्य कथ्यताम्

bahūnāṁ vipra varṣāṇāṁ pariṇāmam ahas tava gatam etan na kurute vismayaṁ kasya kathyatām

'The turning of your day, O brahmin, is but the result of many years having passed — this is a cause of wonder to no one; to whom, then, should it be told?'

Verse 28 (vishnu.1.15.28)

मुनिर् उवाच । प्रातस् त्वम् आगता भद्रे नदीतीरम् इदं शुभम् । मया दृष्टा च तन्वङ्गि प्रविष्टा च ममाश्रमम्

munir uvāca prātas tvam āgatā bhadre nadītīram idaṁ śubham mayā dṛṣṭā ca tanvaṅgi praviṣṭā ca mamāśramam

The sage said: 'This very morning, gracious one, you came to this lovely riverbank; I saw you, slender one, and you entered my hermitage.'

Verse 29 (vishnu.1.15.29)

इयं च वर्तते संध्या परिणामम् अहर् गतम् । अवहासः किमर्थोऽयं सद्भावः कथ्यतां मम

iyaṁ ca vartate saṁdhyā pariṇāmam ahar gatam avahāsaḥ kimartho 'yaṁ sadbhāvaḥ kathyatāṁ mama

'And now this is evening, the day having passed — why this jest? Tell me the truth of the matter.'

Verse 30 (vishnu.1.15.30)

श्रीप्रम्लोचोवाच । प्रत्यूषस्य् आगता ब्रह्मन् सत्यम् एतन् न तन् मृषा । किन्त्व् अद्य तस्य कालस्य गतान्य् अब्दशतानि ते

śrīpramlocovāca pratyūṣasy āgatā brahman satyam etan na tan mṛṣā kintv adya tasya kālasya gatāny abdaśatāni te

Shri Pramlocha said: 'I came at dawn, O brahmin — this is true, not false; but since that time, hundreds of years have now passed.'

Verse 31 (vishnu.1.15.31)

श्रीसोम उवाच । ततः ससाध्वसो विप्रस् तां पप्रच्छायतेक्षणाम् । कथ्यतां भीरु कः कालस् त्वया मे रमतः सह

śrīsoma uvāca tataḥ sasādhvaso vipras tāṁ papracchāyatekṣaṇām kathyatāṁ bhīru kaḥ kālas tvayā me ramataḥ saha

Shri Soma said: Then the brahmin, filled with dread, asked her of the wide eyes, 'Tell me, timid one, how much time has passed with you sporting here with me?'

Verse 32 (vishnu.1.15.32)

श्रीप्रम्लोचोवाच । सप्तोत्तराण्य् अतीतानि नव वर्षशतानि ते । मासाश् च षट् तथैवान्यत् समतीतं दिनत्रयम्

śrīpramlocovāca saptottarāṇy atītāni nava varṣaśatāni te māsāś ca ṣaṭ tathaivānyat samatītaṁ dinatrayam

Shri Pramlocha said: 'Nine hundred and seven years have passed, and six months besides, and three days more.'

Verse 33 (vishnu.1.15.33)

ऋषिर् उवाच । सत्यं भीरु वदस्य् एतत् परिहासोऽथ वा शुभे । दिनम् एकम् अहं मन्ये त्वया सार्धम् इहासितम्

ṛṣir uvāca satyaṁ bhīru vadasy etat parihāso 'tha vā śubhe dinam ekam ahaṁ manye tvayā sārdham ihāsitam

The sage said: 'You speak the truth, timid one — or is this some jest, gracious one? I think only a single day has been spent here with you.'

Verse 34 (vishnu.1.15.34)

श्रीप्रम्लोचोवाच । वदिष्याम्य् अनृतं ब्रह्मन् कथम् अत्र तवान्तिके । विशेषेणाद्य भवता पृष्टा मार्गानुवर्तिना

śrīpramlocovāca vadiṣyāmy anṛtaṁ brahman katham atra tavāntike viśeṣeṇādya bhavatā pṛṣṭā mārgānuvartinā

Shri Pramlocha said: 'How could I speak falsehood before you, O brahmin, especially now, when asked by you, who follow the very path of truth?'

Verse 35 (vishnu.1.15.35)

श्रीसोम उवाच । निशम्य तद् वचः तस्याः स मुनिर् नृपनन्दनाः । धिङ् मां धिङ् माम् अतीवेत्थं निनिन्दात्मानम् आत्मना

śrīsoma uvāca niśamya tad vacaḥ tasyāḥ sa munir nṛpanandanāḥ dhiṅ māṁ dhiṅ mām atīvetthaṁ ninindātmānam ātmanā

Shri Soma said: O sons of the king, hearing her words, that sage began to revile himself again and again — 'Shame on me, shame on me!'

Verse 36 (vishnu.1.15.36)

मुनिर् उवाच । तपांसि मम नष्टानि हतं ब्रह्मविदां धनम् । हृतो विवेकः केनापि योषिन् मोहाय निर्मिता

munir uvāca tapāṁsi mama naṣṭāni hataṁ brahmavidāṁ dhanam hṛto vivekaḥ kenāpi yoṣin mohāya nirmitā

The sage said: 'My austerities are destroyed, the wealth of the knowers of Brahman has been plundered; this woman, fashioned for delusion, has somehow stolen my discernment.'

Verse 37 (vishnu.1.15.37)

ऊर्मिषट्कातिगं ब्रह्म ज्ञेयम् आत्मजयेन मे । मतिर् एषा हृता येन धिक् तं कामं महाग्रहम्

ūrmiṣaṭkātigaṁ brahma jñeyam ātmajayena me matir eṣā hṛtā yena dhik taṁ kāmaṁ mahāgraham

'That Brahman which is to be known, beyond the six waves, through self-mastery — that very resolve of mine has been stolen by her; shame upon that desire, that great seizer of the mind!'

Verse 38 (vishnu.1.15.38)

व्रतानि वेदवेद्याप्तिकारणान्य् अखिलानि च । नरकग्राममार्गेण सङ्गेनापहृतानि मे

vratāni vedavedyāptikāraṇāny akhilāni ca narakagrāmamārgeṇa saṅgenāpahṛtāni me

'All the vows whose purpose was the attainment of what is known through the Veda have, through this attachment of mine, been carried off down the road to the village of hell.'

Verse 39 (vishnu.1.15.39)

विनिन्द्येत्थं स धर्मज्ञः स्वयम् आत्मानम् आत्मना । ताम् अप्सरसम् आसीनाम् इदं वचनम् अब्रवीत्

vinindyetthaṁ sa dharmajñaḥ svayam ātmānam ātmanā tām apsarasam āsīnām idaṁ vacanam abravīt

Thus reviling himself, that knower of dharma spoke this to that seated Apsara.

Verse 40 (vishnu.1.15.40)

गच्छ पापे यथा कामं यत् कार्यं तत् कृतं त्वया । देवराजस्य मत्क्षोभं कुर्वन्त्या भावचेष्टितैः

gaccha pāpe yathā kāmaṁ yat kāryaṁ tat kṛtaṁ tvayā devarājasya matkṣobhaṁ kurvantyā bhāvaceṣṭitaiḥ

'Go, O wicked one, as you please; what was to be done has been done by you — disturbing me through your feigned behavior for the sake of the king of the gods.'

Verse 41 (vishnu.1.15.41)

न त्वां करोम्य् अहं भस्म क्रोधतीव्रेण वह्निना । सतां सप्तपदं मैत्रम् उषितोऽहं त्वया सह

na tvāṁ karomy ahaṁ bhasma krodhatīvreṇa vahninā satāṁ saptapadaṁ maitram uṣito 'haṁ tvayā saha

'I do not burn you to ashes with the fierce fire of my wrath; for I have dwelt with you as with a friend, through the seven steps of the virtuous.'

Verse 42 (vishnu.1.15.42)

अथ वा तव को दोषः किं वा कुप्याम्य् अहं तव । ममैव दोषो नितरां येनाहम् अजितेन्द्रियः

atha vā tava ko doṣaḥ kiṁ vā kupyāmy ahaṁ tava mamaiva doṣo nitarāṁ yenāham ajitendriyaḥ

'Or rather, what fault is yours at all? Why should I be angry with you? The fault is entirely my own, in that I could not conquer my own senses.'

Verse 43 (vishnu.1.15.43)

यया शक्रप्रियार्थिन्या कृतो मे तपसो व्ययः । त्वया धिक् त्वां महामोहमञ्जूषां सुजुगुप्सिताम्

yayā śakrapriyārthinyā kṛto me tapaso vyayaḥ tvayā dhik tvāṁ mahāmohamañjūṣāṁ sujugupsitām

'Seeking only to please Shakra, you have brought about the ruin of my austerity — shame upon you, a very casket of great delusion, utterly contemptible!'

Verse 44 (vishnu.1.15.44)

श्रीसोम उवाच । यावद् इत्थं स विप्रर्षिस् तां ब्रवीति सुमध्यमाम् । तावद् गलत्स्वेदजला सा बभूवातिवेपथुः

śrīsoma uvāca yāvad itthaṁ sa viprarṣis tāṁ bravīti sumadhyamām tāvad galatsvedajalā sā babhūvātivepathuḥ

Shri Soma said: As that brahmin sage was speaking thus to that slender woman, she began to tremble exceedingly, sweat pouring from her body.

Verse 45 (vishnu.1.15.45)

प्रवेपमानां सततं खिन्नगात्रलतां सतीम् । गच्छ गच्छेति सक्रोधम् उवाच मुनिसत्तमः

pravepamānāṁ satataṁ khinnagātralatāṁ satīm gaccha gaccheti sakrodham uvāca munisattamaḥ

Trembling continually, her limbs like a wilted creeper, that virtuous woman was told, in anger, by that best of sages, 'Go, go!'

Verse 46 (vishnu.1.15.46)

सा तु निर्भर्त्सिता तेन विनिष्क्रम्य तदाश्रमात् । आकाशगामिनी स्वेदं ममार्ज तरुपल्लवैः

sā tu nirbhartsitā tena viniṣkramya tadāśramāt ākāśagāminī svedaṁ mamārja tarupallavaiḥ

Rebuked by him, she departed at once from that hermitage, and, moving through the sky, wiped away her sweat with the leaves of the trees.

Verse 47 (vishnu.1.15.47)

वृक्षाद् वृक्षं ययौ बाला तदग्रारुणपल्लवैः । निर्मार्जमाना गात्राणि गलत्स्वेदजलानि वै

vṛkṣād vṛkṣaṁ yayau bālā tadagrāruṇapallavaiḥ nirmārjamānā gātrāṇi galatsvedajalāni vai

That young woman went from tree to tree, wiping her limbs, dripping with sweat, upon the reddish young leaves at the tips of the branches.

Verse 48 (vishnu.1.15.48)

ऋषिणा यस् तदा गर्भस् तस्या देहे समाहितः । निर्जगाम सरोमाञ्चस्वेदरूपी तदङ्गतः

ṛṣiṇā yas tadā garbhas tasyā dehe samāhitaḥ nirjagāma saromāñcasvedarūpī tadaṅgataḥ

At that time, the embryo which the sage had planted within her body came forth from her limbs, in the form of the down of her hair mixed with her sweat.

Verse 49 (vishnu.1.15.49)

तं वृक्षा जगृहुर् गर्भम् एकं चक्रे च मारुतः । मया चाप्यायितो गोभिः स तदा ववृधे शनैः

taṁ vṛkṣā jagṛhur garbham ekaṁ cakre ca mārutaḥ mayā cāpyāyito gobhiḥ sa tadā vavṛdhe śanaiḥ

The trees took hold of that embryo, and the wind united it into one; and I too nourished it with my rays, and thus, little by little, it grew.

Verse 50 (vishnu.1.15.50)

वृक्षाग्रगर्भसंभूता मारिषाख्या वरानना । तां प्रदास्यन्ति वो वृक्षाः कोप एष प्रशाम्यताम्

vṛkṣāgragarbhasaṁbhūtā māriṣākhyā varānanā tāṁ pradāsyanti vo vṛkṣāḥ kopa eṣa praśāmyatām

'That fair-faced maiden, born from the embryo at the tips of the trees, named Marisha — her the trees shall give to you; let this wrath be calmed.'

Verse 51 (vishnu.1.15.51)

कण्डोर् अपत्यम् एवं सा वृक्षेभ्यश् च समुद्गता । ममापत्यं तथा वायोः प्रम्लोचातनया च सा

kaṇḍor apatyam evaṁ sā vṛkṣebhyaś ca samudgatā mamāpatyaṁ tathā vāyoḥ pramlocātanayā ca sā

Thus she is the offspring of Kandu, and likewise arisen from the trees; and, as the daughter of Pramlocha, she is also my own offspring, and the wind's.

Verse 52 (vishnu.1.15.52)

स चापि भगवान् कण्डुः क्षीणे तपसि सत्तमाः । पुरुषोत्तमाख्यम् अद्रीशं विष्णोर् आयतनं ययौ

sa cāpi bhagavān kaṇḍuḥ kṣīṇe tapasi sattamāḥ puruṣottamākhyam adrīśaṁ viṣṇor āyatanaṁ yayau

And the blessed Kandu too, O most excellent ones, his austerity now spent, went to Vishnu's abode named Purushottama, on the lord of mountains.

Verse 53 (vishnu.1.15.53)

तत्रैकाग्रमतिर् भूत्वा चकाराराधनं हरेः । ब्रह्मपारमयं कुर्वञ् जपम् एकाग्रमानसः । ऊर्ध्वबाहुर् महायोगी स्थित्वासौ भूपनन्दनाः

tatraikāgramatir bhūtvā cakārārādhanaṁ hareḥ brahmapāramayaṁ kurvañ japam ekāgramānasaḥ ūrdhvabāhur mahāyogī sthitvāsau bhūpanandanāḥ

There, with one-pointed mind, he worshipped Hari, reciting the japa called Brahmapara, his mind fixed, his arms raised, that great yogi, O sons of the king, remaining thus.

Verse 54 (vishnu.1.15.54)

प्रचेतस ऊचुः । ब्रह्मपारं मुनेः श्रोतुम् इच्छामः परमं स्तवम् । जपता कण्डुना देवो येनाराध्यत केशवः

pracetasa ūcuḥ brahmapāraṁ muneḥ śrotum icchāmaḥ paramaṁ stavam japatā kaṇḍunā devo yenārādhyata keśavaḥ

The Pracetas said: We wish to hear that supreme hymn of the sage, by reciting which Kandu worshipped the god Keshava.

Verse 55 (vishnu.1.15.55)

श्रीसोम उवाच । पारं परं विष्णुर् अपारपारः परः परेभ्यः परमार्थरूपी । स ब्रह्मपारः परपारभूतः परः पराणाम् अपि पारपारः

śrīsoma uvāca pāraṁ paraṁ viṣṇur apārapāraḥ paraḥ parebhyaḥ paramārtharūpī sa brahmapāraḥ parapārabhūtaḥ paraḥ parāṇām api pārapāraḥ

Shri Soma said: 'He, the shore beyond the shore, Vishnu, whose farther shore is without limit, supreme beyond the supreme, of the very form of highest truth — he is the crossing to Brahman itself, become the farther shore of the farther shore, supreme even beyond the supreme.'

Verse 56 (vishnu.1.15.56)

स कारणं कारणतस् ततोऽपि तस्यापि हेतुः परहेतुहेतुः । कार्येषु चैवं सह कर्मकर्तृ रूपैर् अशेषैर् अवतीह सर्वम्

sa kāraṇaṁ kāraṇatas tato 'pi tasyāpi hetuḥ parahetuhetuḥ kāryeṣu caivaṁ saha karmakartṛ rūpair aśeṣair avatīha sarvam

'He is the cause of causes, and beyond that too, the cause of that cause; and in his effects, together with all the forms of action, agent, and instrument, he alone enters into and pervades all this.'

Verse 57 (vishnu.1.15.57)

ब्रह्म प्रभुर् ब्रह्म स सर्वभूतो ब्रह्म प्रजानां पतिर् अच्युतोऽसौ । ब्रह्माव्ययं नित्यम् अजं स विष्णुर् अपक्षयाद्यैर् अखिलैर् असङ्गि

brahma prabhur brahma sa sarvabhūto brahma prajānāṁ patir acyuto 'sau brahmāvyayaṁ nityam ajaṁ sa viṣṇur apakṣayādyair akhilair asaṅgi

'He is Brahman, the lord, Brahman, the self of all beings, Brahman, the lord of creatures, that Undying One; that Vishnu is the imperishable Brahman, eternal, unborn, untouched by decay and all such things.'

Verse 58 (vishnu.1.15.58)

ब्रह्माक्षरम् अजं नित्यं यथासौ पुरुषोत्तमः । तथा रागादयो दोषाः प्रयान्तु प्रशमं मम

brahmākṣaram ajaṁ nityaṁ yathāsau puruṣottamaḥ tathā rāgādayo doṣāḥ prayāntu praśamaṁ mama

'As that Supreme Person, Brahman, is imperishable, unborn, eternal — so may my own passion and the other faults come to their utter calming.'

Verse 59 (vishnu.1.15.59)

श्रीसोम उवाच । एतद् ब्रह्मपराख्यं वै संस्तवं परमं जपन् । अवाप परमां सिद्धिं स समाराध्य केशवम्

śrīsoma uvāca etad brahmaparākhyaṁ vai saṁstavaṁ paramaṁ japan avāpa paramāṁ siddhiṁ sa samārādhya keśavam

Shri Soma said: Reciting this supreme hymn called the Brahmapara, and thus worshipping Keshava, he attained the highest perfection.

Verse 60 (vishnu.1.15.60)

इयं च मारिषा पूर्वम् आसीद् या तां ब्रवीमि वः । कार्यगौरवम् एतस्याः कथने फलदायि वः

iyaṁ ca māriṣā pūrvam āsīd yā tāṁ bravīmi vaḥ kāryagauravam etasyāḥ kathane phaladāyi vaḥ

And this Marisha, of whom I have spoken to you before — the telling of her weighty history shall bear you fruit.

Verse 61 (vishnu.1.15.61)

अपुत्रा प्राग् इयं विष्णुं मृते भर्तरि सत्तमाः । भूपपत्नी महाभागा तोषयाम् आस भक्तितः

aputrā prāg iyaṁ viṣṇuṁ mṛte bhartari sattamāḥ bhūpapatnī mahābhāgā toṣayām āsa bhaktitaḥ

O most excellent ones, formerly this greatly blessed queen, without a son, her husband having died, pleased Vishnu through her devotion.

Verse 62 (vishnu.1.15.62)

आराधितस् तया विष्णुः प्राह प्रत्यक्षतां गतः । वरं वृणीष्वेति शुभां सा च प्राहात्मवाञ्छितम्

ārādhitas tayā viṣṇuḥ prāha pratyakṣatāṁ gataḥ varaṁ vṛṇīṣveti śubhāṁ sā ca prāhātmavāñchitam

Worshipped by her, Vishnu, becoming manifest before her, said, 'Choose your boon,' and that gracious woman told him her heart's own desire.

Verse 63 (vishnu.1.15.63)

भगवन् बालवैधव्याद् वृथाजन्माहम् ईदृशी । मन्दभाग्या समुद्भूता विफला च जगत्पते

bhagavan bālavaidhavyād vṛthājanmāham īdṛśī mandabhāgyā samudbhūtā viphalā ca jagatpate

'O blessed lord, through widowhood in my very childhood I have been born to such a fruitless life, of ill fortune and futile, O lord of the world.'

Verse 64 (vishnu.1.15.64)

भवन्तु पतयः श्लाघ्या मम जन्मनि जन्मनि । त्वत्प्रसादात् तथा पुत्रः प्रजापतिसमोऽस्तु मे

bhavantu patayaḥ ślāghyā mama janmani janmani tvatprasādāt tathā putraḥ prajāpatisamo 'stu me

'May I have praiseworthy husbands, birth after birth; and by your grace, may I have a son equal to a Prajapati.'

Verse 65 (vishnu.1.15.65)

रूपसंपत्समायुक्ता सर्वस्य प्रियदर्शना । अयोनिजा च जायेयं त्वत्प्रसादाद् अधोक्षज

rūpasaṁpatsamāyuktā sarvasya priyadarśanā ayonijā ca jāyeyaṁ tvatprasādād adhokṣaja

'Endowed with beauty and excellence, pleasing to all who behold me, and born not from a womb — may I be born thus, O Adhokshaja, by your grace.'

Verse 66 (vishnu.1.15.66)

श्रीसोम उवाच । तयैवम् उक्तो देवेशो हृषीकेश उवाच ताम् । प्रणामनम्राम् उत्थाप्य वरदः परमेश्वरः

śrīsoma uvāca tayaivam ukto deveśo hṛṣīkeśa uvāca tām praṇāmanamrām utthāpya varadaḥ parameśvaraḥ

Shri Soma said: Thus addressed, the god of gods, Hrishikesha, the supreme lord and giver of boons, raised her up as she bowed low, and said this.

Verse 67 (vishnu.1.15.67)

देव उवाच । भविष्यन्ति महावीर्या एकस्मिन्न् एव जन्मनि । प्रख्यातोदारकर्माणो भवत्याः पतयो दश

deva uvāca bhaviṣyanti mahāvīryā ekasminn eva janmani prakhyātodārakarmāṇo bhavatyāḥ patayo daśa

The god said: 'In one and the same birth you shall have ten husbands, of great might, renowned for noble deeds.'

Verse 68 (vishnu.1.15.68)

पुत्रं च सुमहात्मानम् अतिवीर्यपराक्रमम् । प्रजापतिगुणैर् युक्तं त्वम् अवाप्स्यसि शोभने

putraṁ ca sumahātmānam ativīryaparākramam prajāpatiguṇair yuktaṁ tvam avāpsyasi śobhane

'And a son of the greatest soul, of surpassing prowess, endowed with the qualities of a Prajapati — such, O gracious one, you shall obtain.'

Verse 69 (vishnu.1.15.69)

वंशानां तस्य कर्तृत्वं जगत्य् अस्मिन् भविष्यति । त्रैलोक्यम् अखिलं सूतिस् तस्य चापूरयिष्यति

vaṁśānāṁ tasya kartṛtvaṁ jagaty asmin bhaviṣyati trailokyam akhilaṁ sūtis tasya cāpūrayiṣyati

'The founding of lineages in this world shall be his doing; his progeny shall fill the entire triple world.'

Verse 70 (vishnu.1.15.70)

त्वं चाप्य् अयोनिजा साध्वी रूपौदार्यगुणान्विता । मनःप्रीतिकरी नॄणां मत्प्रसादाद् भविष्यसि

tvaṁ cāpy ayonijā sādhvī rūpaudāryaguṇānvitā manaḥprītikarī nṝṇāṁ matprasādād bhaviṣyasi

'And you too, virtuous one, not born of a womb, endowed with beauty, nobility, and every virtue, shall become pleasing to the minds of men, by my grace.'

Verse 71 (vishnu.1.15.71)

इत्य् उक्त्वान्तर्दधे देवस् तां विशालविलोचनाम् । सा चेयं मारिषा जाता युष्मत्पत्नी नृपात्मजाः

ity uktvāntardadhe devas tāṁ viśālavilocanām sā ceyaṁ māriṣā jātā yuṣmatpatnī nṛpātmajāḥ

Having said this, the god vanished from before that wide-eyed woman; and this same Marisha has now become, O princes, your wife.

Verse 72 (vishnu.1.15.72)

श्रीपराशर उवाच । ततः सोमस्य वचनाज् जगृहुस् ते प्रचेतसः । संहृत्य कोपं वृक्षेभ्यः पत्नीधर्मेण मारिषाम्

śrīparāśara uvāca tataḥ somasya vacanāj jagṛhus te pracetasaḥ saṁhṛtya kopaṁ vṛkṣebhyaḥ patnīdharmeṇa māriṣām

Shri Parashara said: Then, at Soma's word, the Pracetas, having withdrawn their wrath toward the trees, took Marisha as their wife according to the law of marriage.

Verse 73 (vishnu.1.15.73)

दशभ्यस् तु प्रचेतोभ्यो मारिषायां प्रजापतिः । जज्ञे दक्षो महाभागो यः पूर्वं ब्रह्मणोऽभवत्

daśabhyas tu pracetobhyo māriṣāyāṁ prajāpatiḥ jajñe dakṣo mahābhāgo yaḥ pūrvaṁ brahmaṇo 'bhavat

Upon Marisha, from those ten Pracetas, was born the greatly blessed Prajapati Daksha, who had earlier been born of Brahma.

Verse 74 (vishnu.1.15.74)

स तु दक्षो महाभागः सृष्ट्यर्थं सुमहामते । पुत्रान् उत्पादयाम् आस प्रजासृष्ट्यर्थम् आत्मनः

sa tu dakṣo mahābhāgaḥ sṛṣṭyarthaṁ sumahāmate putrān utpādayām āsa prajāsṛṣṭyartham ātmanaḥ

O great-minded one, for the purpose of creation, that greatly blessed Daksha begot his own sons, for the sake of creating offspring.

Verse 75 (vishnu.1.15.75)

अचरांश् च चरांश् चैव द्विपदोऽथ चतुष्पदः । आदेशं ब्रह्मणः कुर्वन् सृष्ट्यर्थं समवस्थितः

acarāṁś ca carāṁś caiva dvipado 'tha catuṣpadaḥ ādeśaṁ brahmaṇaḥ kurvan sṛṣṭyarthaṁ samavasthitaḥ

Carrying out Brahma's command, established for the purpose of creation, he created beings unmoving and moving, two-footed and four-footed.

Verse 76 (vishnu.1.15.76)

स सृष्ट्वा मनसा दक्षः पञ्चाशद् असृजत् स्त्रियः । ददौ स दश धर्माय कश्यपाय त्रयोदश । कालस्य नयने युक्ताः सप्तविंशतिम् इन्दवे

sa sṛṣṭvā manasā dakṣaḥ pañcāśad asṛjat striyaḥ dadau sa daśa dharmāya kaśyapāya trayodaśa kālasya nayane yuktāḥ saptaviṁśatim indave

Daksha, having created by his mind, brought forth fifty daughters; of these he gave ten to Dharma, thirteen to Kashyapa, and twenty-seven, joined to the reckoning of time, to the moon.

Verse 77 (vishnu.1.15.77)

तासु देवास् तथा दैत्या नागा गावस् तथा खगाः । गन्धर्वाप्सरसश् चैव दानवाद्याश् च जज्ञिरे

tāsu devās tathā daityā nāgā gāvas tathā khagāḥ gandharvāpsarasaś caiva dānavādyāś ca jajñire

From them were born the gods and likewise the Daityas, the serpents, cows and birds, the Gandharvas and Apsaras, and the Danavas and others.

Verse 78 (vishnu.1.15.78)

ततः प्रभृति मैत्रेय प्रजा मैथुनसंभवाः । संकल्पाद् दर्शनात् स्पर्शात् पूर्वेषाम् अभवन् प्रजाः । तपोविशैषैर् इद्धानां तदात्यन्ततपस्विनाम्

tataḥ prabhṛti maitreya prajā maithunasaṁbhavāḥ saṁkalpād darśanāt sparśāt pūrveṣām abhavan prajāḥ tapoviśaiṣair iddhānāṁ tadātyantatapasvinām

O Maitreya, from that time on, offspring came into being through union between the sexes; before then, the offspring of those greatly ascetic forebears, kindled by the excellence of their austerity, came about through mere will, through sight, or through touch.

Verse 79 (vishnu.1.15.79)

श्रीमैत्रेय उवाच । अङ्गुष्ठाद् दक्षिणाद् दक्षः पूर्वं जातः श्रुतो मया । कथं प्राचेतसो भूयः स संभूतो महामुने

śrīmaitreya uvāca aṅguṣṭhād dakṣiṇād dakṣaḥ pūrvaṁ jātaḥ śruto mayā kathaṁ prācetaso bhūyaḥ sa saṁbhūto mahāmune

Shri Maitreya said: I have heard that Daksha was first born from Brahma's right thumb — how, O great sage, was he born again as the son of the Pracetas?

Verse 80 (vishnu.1.15.80)

एष मे संशयो ब्रह्मन् सुमहान् हृदि वर्तते । यद् दौहित्रश् च सोमस्य पुनः श्वशुरतां गतः

eṣa me saṁśayo brahman sumahān hṛdi vartate yad dauhitraś ca somasya punaḥ śvaśuratāṁ gataḥ

O brahmin, this very great doubt abides in my heart — that he who was Soma's grandson through a daughter should then again become his father-in-law.

Verse 81 (vishnu.1.15.81)

श्रीपराशर उवाच । उत्पत्तिश् च निरोधश् च नित्यो भूतेषु सत्तम । ऋषयोऽत्र न मुह्यन्ति ये चान्ये दिव्यचक्षुषः

śrīparāśara uvāca utpattiś ca nirodhaś ca nityo bhūteṣu sattama ṛṣayo 'tra na muhyanti ye cānye divyacakṣuṣaḥ

Shri Parashara said: O most excellent one, origination and cessation are ever-recurring among beings; sages are not confused by this, nor are others of divine sight.

Verse 82 (vishnu.1.15.82)

युगे युगे भवन्त्य् एते दक्षाद्या मुनिसत्तम । पुनश् चैव निरुद्ध्यन्ते विद्वांस् तत्र न मुह्यति

yuge yuge bhavanty ete dakṣādyā munisattama punaś caiva niruddhyante vidvāṁs tatra na muhyati

O foremost of sages, in every age such beings as Daksha come into existence and are again withdrawn; the wise man is not confused by this.

Verse 83 (vishnu.1.15.83)

कानिष्ठ्यं ज्यैष्ठ्यम् अप्य् एषां पूर्वं नाभूद् द्विजोत्तम । तप एव गरीयोऽभूत् प्रभावश् चैव कारणम्

kāniṣṭhyaṁ jyaiṣṭhyam apy eṣāṁ pūrvaṁ nābhūd dvijottama tapa eva garīyo 'bhūt prabhāvaś caiva kāraṇam

O best of the twice-born, neither juniority nor seniority truly existed among them before; austerity alone, and inherent power, were the deciding cause.

Verse 84 (vishnu.1.15.84)

श्रीमैत्रेय उवाच । देवानां दानवानां च गन्धर्वोरगरक्षसाम् । उत्पत्तिं विस्तरेणेह मम ब्रह्मन् प्रकीर्तय

śrīmaitreya uvāca devānāṁ dānavānāṁ ca gandharvoragarakṣasām utpattiṁ vistareṇeha mama brahman prakīrtaya

Shri Maitreya said: O brahmin, tell me here in detail of the origin of the gods, the Danavas, the Gandharvas, the serpents, and the Rakshasas.

Verse 85 (vishnu.1.15.85)

श्रीपराशर उवाच । प्रजाः सृजेति व्यादिष्टः पूर्वं दक्षः स्वयंभुवा । यथा ससर्ज भूतानि तथा शृणु महामते

śrīparāśara uvāca prajāḥ sṛjeti vyādiṣṭaḥ pūrvaṁ dakṣaḥ svayaṁbhuvā yathā sasarja bhūtāni tathā śṛṇu mahāmate

Shri Parashara said: Formerly commanded by Svayambhu, 'Create offspring,' hear, O great-minded one, how Daksha thus created beings.

Verse 86 (vishnu.1.15.86)

मनसा त्व् एव भूतानि पूर्वं दक्षोऽसृजत् तदा । देवान् ऋषीन् सगन्धर्वान् असुरान् पन्नगांस् तथा

manasā tv eva bhūtāni pūrvaṁ dakṣo 'sṛjat tadā devān ṛṣīn sagandharvān asurān pannagāṁs tathā

Daksha at first created beings by mind alone — gods, sages, together with Gandharvas, Asuras, and serpents likewise.

Verse 87 (vishnu.1.15.87)

यदास्य सृजमानस्य न व्यवर्धन्त ताः प्रजाः । ततः संचिन्त्य बहुशः सृष्टिहेतोः प्रजापतिः

yadāsya sṛjamānasya na vyavardhanta tāḥ prajāḥ tataḥ saṁcintya bahuśaḥ sṛṣṭihetoḥ prajāpatiḥ

When, as he was thus creating, those offspring did not multiply, then the Prajapati, reflecting deeply for the sake of creation—

Verse 88 (vishnu.1.15.88)

मैथुनेनैव धर्मेण सिसृक्षुर् विविधाः प्रजाः । असिक्नीम् आवहत् कन्यां वीरणस्य प्रजापतेः । सुतां सुतपसा युक्तां महतीं लोकधारिणीम्

maithunenaiva dharmeṇa sisṛkṣur vividhāḥ prajāḥ asiknīm āvahat kanyāṁ vīraṇasya prajāpateḥ sutāṁ sutapasā yuktāṁ mahatīṁ lokadhāriṇīm

desiring to create manifold offspring through the very law of sexual union, took as wife the maiden Asikni, daughter of the Prajapati Virana, endowed with great austerity, the great sustainer of the worlds.

Verse 89 (vishnu.1.15.89)

अथ पुत्रसहस्राणि वैरिण्यां पञ्च वीर्यवान् । असिक्न्यां जनयाम् आस सर्गहेतोः प्रजापतिः

atha putrasahasrāṇi vairiṇyāṁ pañca vīryavān asiknyāṁ janayām āsa sargahetoḥ prajāpatiḥ

Then that mighty Prajapati, for the sake of creation, begot upon Vairini five thousand sons.

Verse 90 (vishnu.1.15.90)

तान् दृष्ट्वा नारदो विप्र संविवर्द्धयिषून् प्रजाः । संगम्य प्रियसंवादो देवर्षिर् इदम् अब्रवीत्

tān dṛṣṭvā nārado vipra saṁvivarddhayiṣūn prajāḥ saṁgamya priyasaṁvādo devarṣir idam abravīt

Seeing them, intent on increasing their offspring, the divine sage Narada, O brahmin, of pleasant speech, approached them and spoke this.

Verse 91 (vishnu.1.15.91)

श्रीनारद उवाच । हे हर्यश्वा महावीर्याः प्रजा यूयं करिष्यथ । ईदृशो लक्ष्यते यत्नो भवतां श्रूयताम् इदम्

śrīnārada uvāca he haryaśvā mahāvīryāḥ prajā yūyaṁ kariṣyatha īdṛśo lakṣyate yatno bhavatāṁ śrūyatām idam

Shri Narada said: 'O Haryashvas of great might! What kind of offspring will you create? Your effort appears thus — hear this.'

Verse 92 (vishnu.1.15.92)

बालिशा बत यूयं वै नास्या जानीत वै भुवः । अन्तर् ऊर्ध्वम् अधश् चैव कथं स्रक्ष्यथ वै प्रजाः

bāliśā bata yūyaṁ vai nāsyā jānīta vai bhuvaḥ antar ūrdhvam adhaś caiva kathaṁ srakṣyatha vai prajāḥ

'Foolish indeed are you, that you do not know this earth — how, then, within, above, and below shall you create offspring?'

Verse 93 (vishnu.1.15.93)

ऊर्ध्वं तिर्यग् अधश् चैव यदाप्रतिहता गतिः । तदा कस्माद् भुवो नान्तं सर्वे द्रक्ष्यथ बालिशाः

ūrdhvaṁ tiryag adhaś caiva yadāpratihatā gatiḥ tadā kasmād bhuvo nāntaṁ sarve drakṣyatha bāliśāḥ

'When your movement above, across, and below is unobstructed, then, O fools, why should you all fail to see the very end of the earth?'

Verse 94 (vishnu.1.15.94)

श्रीपराशर उवाच । ते तु तद्वचनं श्रुत्वा प्रयाताः सर्वतो दिशम् । अद्यापि न निवर्तन्ते समुद्रेभ्य इवापगाः

śrīparāśara uvāca te tu tadvacanaṁ śrutvā prayātāḥ sarvato diśam adyāpi na nivartante samudrebhya ivāpagāḥ

Shri Parashara said: Hearing this speech, they set out in every direction; to this day they have not returned, like rivers gone to the ocean.

Verse 95 (vishnu.1.15.95)

हर्यश्वेष्व् अथ नष्टेषु दक्षः प्राचेतसः पुनः । वैरिण्याम् अथ पुत्राणां सहस्रम् असृजत् प्रभुः

haryaśveṣv atha naṣṭeṣu dakṣaḥ prācetasaḥ punaḥ vairiṇyām atha putrāṇāṁ sahasram asṛjat prabhuḥ

When the Haryashvas were thus lost, Daksha, son of the Pracetas, begot upon Vairini a thousand sons once more.

Verse 96 (vishnu.1.15.96)

विवर्धयिषवस् ते तु शबलाश्वाः प्रजाः पुनः । पूर्वोक्तं वचनं ब्रह्मन् नारदेनैव चोदिताः

vivardhayiṣavas te tu śabalāśvāḥ prajāḥ punaḥ pūrvoktaṁ vacanaṁ brahman nāradenaiva coditāḥ

Those sons, called the Shabalashvas, likewise intent on multiplying their offspring, O brahmin, were urged on by that same word once spoken by Narada.

Verse 97 (vishnu.1.15.97)

अन्योन्यम् ऊचुस् ते सर्वे सम्यग् आह महामुनिः । भ्रातॄणां पदवी चैव गन्तव्या नात्र संशयः

anyonyam ūcus te sarve samyag āha mahāmuniḥ bhrātṝṇāṁ padavī caiva gantavyā nātra saṁśayaḥ

They all said to one another, 'The great sage has spoken rightly; without doubt, we must follow the very path of our brothers.'

Verse 98 (vishnu.1.15.98)

ज्ञात्वा प्रमाणं पृथ्व्याश् च प्रजाः स्रक्ष्यामहे ततः

jñātvā pramāṇaṁ pṛthvyāś ca prajāḥ srakṣyāmahe tataḥ

'And only having learned the true measure of the earth shall we then create offspring.'

Verse 99 (vishnu.1.15.99)

तेऽपि तेनैव मार्गेण प्रयाताः सर्वतो दिशम् । अद्यापि न निवर्तन्ते समुद्रेभ्य इवापगाः

te 'pi tenaiva mārgeṇa prayātāḥ sarvato diśam adyāpi na nivartante samudrebhya ivāpagāḥ

They too, by that same path, set out in every direction; to this day they have not returned, like rivers gone to the ocean.

Verse 100 (vishnu.1.15.100)

ततः प्रभृति वै भ्राता भ्रातुर् अन्वेषणे द्विज । प्रयातो नश्यति तथा तन् न कार्यं विजानता

tataḥ prabhṛti vai bhrātā bhrātur anveṣaṇe dvija prayāto naśyati tathā tan na kāryaṁ vijānatā

O twice-born, from that time on, a brother who goes in search of a brother is lost in the same way; one who understands this should not attempt it.

Verse 101 (vishnu.1.15.101)

तांश् चापि नष्टान् विज्ञाय पुत्रान् दक्षः प्रजापतिः । क्रोधं चक्रे महाभागो नारदं स शशाप च

tāṁś cāpi naṣṭān vijñāya putrān dakṣaḥ prajāpatiḥ krodhaṁ cakre mahābhāgo nāradaṁ sa śaśāpa ca

Knowing those sons too to be lost, the greatly blessed Prajapati Daksha grew angry, and cursed Narada.

Verse 102 (vishnu.1.15.102)

सर्गकामस् ततो विद्वान् स मैत्रेय प्रजापतिः । षष्टिं दक्षोऽसृजत् कन्या वैरिण्याम् इति नः श्रुतम्

sargakāmas tato vidvān sa maitreya prajāpatiḥ ṣaṣṭiṁ dakṣo 'sṛjat kanyā vairiṇyām iti naḥ śrutam

O Maitreya, then, desiring creation once more, that wise Prajapati Daksha created sixty daughters upon Vairini, so we have heard.

Verse 103 (vishnu.1.15.103)

ददौ स दश धर्माय कश्यपाय त्रयोदश । सप्तविंशति सोमाय चतस्रोऽरिष्टनेमिने

dadau sa daśa dharmāya kaśyapāya trayodaśa saptaviṁśati somāya catasro 'riṣṭanemine

Of these he gave ten to Dharma, thirteen to Kashyapa, twenty-seven to Soma, and four to Arishtanemi.

Verse 104 (vishnu.1.15.104)

द्वे चैव बहुपुत्राय द्वे चैवाङ्गिरसे तथा । द्वे कृशाश्वाय विदुषे तासां नामानि मे शृणु

dve caiva bahuputrāya dve caivāṅgirase tathā dve kṛśāśvāya viduṣe tāsāṁ nāmāni me śṛṇu

Two he gave to Bahuputra, two likewise to Angiras, and two to the wise Krishashva — now hear their names from me.

Verse 105 (vishnu.1.15.105)

अरुन्धती वसुर् जामिर् लम्बा भानुर् मरुत्वती । संकल्पा च मुहूर्ता च साध्या विश्वा च ता दश । धर्मपत्न्यो दश त्व् एतास् तास्व् अपत्यानि मे शृणु

arundhatī vasur jāmir lambā bhānur marutvatī saṁkalpā ca muhūrtā ca sādhyā viśvā ca tā daśa dharmapatnyo daśa tv etās tāsv apatyāni me śṛṇu

Arundhati, Vasu, Jami, Lamba, Bhanu, Marutvati, Sankalpa, Muhurta, Sadhya, and Vishva — these ten were Dharma's wives; hear now their offspring from me.

Verse 106 (vishnu.1.15.106)

विश्वेदेवास् तु विश्वायाः साध्या साध्यान् व्यजायत । मरुत्वत्या मरुत्वन्तो वसोस् तु वसवः स्मृताः

viśvedevās tu viśvāyāḥ sādhyā sādhyān vyajāyata marutvatyā marutvanto vasos tu vasavaḥ smṛtāḥ

From Vishva were born the Vishvedevas, from Sadhya the Sadhyas; from Marutvati the Marutvantas, and from Vasu the Vasus, as they are called.

Verse 107 (vishnu.1.15.107)

भानोस् तु भानवस् तत्र मुहूर्ताया मुहूर्तजाः । लम्बायाश् चैव घोषोऽथ नागवीथी तु जामिजा

bhānos tu bhānavas tatra muhūrtāyā muhūrtajāḥ lambāyāś caiva ghoṣo 'tha nāgavīthī tu jāmijā

From Bhanu came the Bhanus, from Muhurta the sons of Muhurta; from Lamba, Ghosha, and from Jami, Nagavithi.

Verse 108 (vishnu.1.15.108)

पृथिवीविषयं सर्वम् अरुन्धत्याम् अजायत । संकल्पायास् तु सर्वात्मा जज्ञे संकल्प एव च

pṛthivīviṣayaṁ sarvam arundhatyām ajāyata saṁkalpāyās tu sarvātmā jajñe saṁkalpa eva ca

From Arundhati was born all the domain of the earth; from Sankalpa was born Sankalpa himself, the self of all.

Verse 109 (vishnu.1.15.109)

ये त्व् अनेकवसुप्राणा देवा ज्योतिःपुरोगमाः । वसवोऽष्टौ समाख्यातास् तेषां वक्ष्यामि विस्तरम्

ye tv anekavasuprāṇā devā jyotiḥpurogamāḥ vasavo 'ṣṭau samākhyātās teṣāṁ vakṣyāmi vistaram

Of the gods of many life-breaths, foremost among the luminous ones, eight are recounted by the name Vasus — I shall now tell of them in detail.

Verse 110 (vishnu.1.15.110)

आपो ध्रुवश् च सोमश् च धरश् चैवानिलोऽनलः । प्रत्यूषश् च प्रभासश् च वसवो नामभिः स्मृताः

āpo dhruvaś ca somaś ca dharaś caivānilo 'nalaḥ pratyūṣaś ca prabhāsaś ca vasavo nāmabhiḥ smṛtāḥ

Apa, Dhruva, Soma, Dhara, Anila, Anala, Pratyusha, and Prabhasa — these are the Vasus, remembered by these names.

Verse 111 (vishnu.1.15.111)

आपस्य पुत्रो वैतण्डः श्रमः श्रान्तोऽधुनिस् तथा । ध्रुवस्य पुत्रो भगवान् कालो लोकप्रकालनः

āpasya putro vaitaṇḍaḥ śramaḥ śrānto 'dhunis tathā dhruvasya putro bhagavān kālo lokaprakālanaḥ

Apa's son was Vaitandya, Shrama, Shranta, and Adhuni; Dhruva's son was the blessed Kala, who brings all the worlds to their reckoning.

Verse 112 (vishnu.1.15.112)

सोमस्य भगवान् वर्चा वर्चस्वी येन जायते

somasya bhagavān varcā varcasvī yena jāyate

Soma's son was the blessed Varcha, from whom radiance arises.

Verse 113 (vishnu.1.15.113)

धरस्य पुत्रो द्रविणो हुतहव्यवहस् तथा । मनोहरायां शिशिरः प्राणोऽथ रवणस् तथा

dharasya putro draviṇo hutahavyavahas tathā manoharāyāṁ śiśiraḥ prāṇo 'tha ravaṇas tathā

Dhara's sons were Dravina and Hutahavyavaha; upon Manohara were born Shishira, Prana, and Ravana.

Verse 114 (vishnu.1.15.114)

अनिलस्य शिवा भार्या तस्याः पुत्रः पुरोजवः । अविज्ञातगतिश् चैव द्वौ पुत्राव् अनिलस्य तु

anilasya śivā bhāryā tasyāḥ putraḥ purojavaḥ avijñātagatiś caiva dvau putrāv anilasya tu

Anila's wife was Shiva; her son was Purojava; Anila had two other sons, Avijnatagati and another.

Verse 115 (vishnu.1.15.115)

अग्निपुत्रः कुमारस् तु शरस्तम्बे व्यजायत । तस्य शाखो विशाखश् च नैगमेयश् च पृष्ठजाः

agniputraḥ kumāras tu śarastambe vyajāyata tasya śākho viśākhaś ca naigameyaś ca pṛṣṭhajāḥ

Agni's son Kumara was born in a thicket of reeds; his sons, born on his flanks, were Shakha, Vishakha, and Naigameya.

Verse 116 (vishnu.1.15.116)

अपत्यं कृत्तिकानां तु कार्त्तिकेय इति स्मृतः

apatyaṁ kṛttikānāṁ tu kārttikeya iti smṛtaḥ

As the offspring of the Krittikas, he is remembered by the name Karttikeya.

Verse 117 (vishnu.1.15.117)

प्रत्यूषस्य विदुः पुत्रं ऋषिं नाम्ना तु देवलम् । द्वौ पुत्रौ देवलस्यापि क्षमावन्तौ मनीषिणौ

pratyūṣasya viduḥ putraṁ ṛṣiṁ nāmnā tu devalam dvau putrau devalasyāpi kṣamāvantau manīṣiṇau

Pratyusha's son is known as the sage named Devala; Devala too had two forgiving, wise sons.

Verse 118 (vishnu.1.15.118)

बृहस्पतेस् तु भगिनी वरस्त्री ब्रह्मचारिणी । योगसिद्धा जगत् कृत्स्नम् असक्ता विचरत्य् उत । प्रभासस्य तु भार्या सा वसूनाम् अष्टमस्य ह

bṛhaspates tu bhaginī varastrī brahmacāriṇī yogasiddhā jagat kṛtsnam asaktā vicaraty uta prabhāsasya tu bhāryā sā vasūnām aṣṭamasya ha

Brihaspati's sister, an excellent woman, a lifelong celibate, perfected in yoga, unattached, wanders throughout the whole world; she was the wife of Prabhasa, the eighth of the Vasus.

Verse 119 (vishnu.1.15.119)

विश्वकर्मा महाभागस् तस्यां जज्ञे प्रजापतिः । कर्ता शिल्पसहस्राणां त्रिदशानां च वार्द्धकिः

viśvakarmā mahābhāgas tasyāṁ jajñe prajāpatiḥ kartā śilpasahasrāṇāṁ tridaśānāṁ ca vārddhakiḥ

Upon her was born the greatly blessed Prajapati Vishvakarma, the doer of a thousand crafts, the carpenter of the gods.

Verse 120 (vishnu.1.15.120)

भूषणानां च सर्वेषां कर्ता शिल्पवतां वरः । यः सर्वेषां विमानानि देवतानां चकार ह । मनुष्याश् चोपजीवन्ति यस्य शिल्पं महात्मनः

bhūṣaṇānāṁ ca sarveṣāṁ kartā śilpavatāṁ varaḥ yaḥ sarveṣāṁ vimānāni devatānāṁ cakāra ha manuṣyāś copajīvanti yasya śilpaṁ mahātmanaḥ

He is the maker of all ornaments, foremost of craftsmen, who fashioned the celestial cars of all the gods, and by whose craft mankind too sustains its livelihood.

Verse 121 (vishnu.1.15.121)

अजैकपाद् अहिर्बुध्न्यस् त्वष्टा रुद्रश् च बुद्धिमान् । त्वष्टुश् चाप्य् आत्मजः पुत्रो विश्वरूपो महातपाः

ajaikapād ahirbudhnyas tvaṣṭā rudraś ca buddhimān tvaṣṭuś cāpy ātmajaḥ putro viśvarūpo mahātapāḥ

Ajaikapad, Ahirbudhnya, Tvashtri, and the wise Rudra; and Tvashtri's own son was Vishvarupa, of great austerity.

Verse 122 (vishnu.1.15.122)

हरश् च बहुरूपश् च त्र्यम्बकश् चापराजितः । वृषाकपिश् च शंभुश् च कपर्दी रैवतस् तथा

haraś ca bahurūpaś ca tryambakaś cāparājitaḥ vṛṣākapiś ca śaṁbhuś ca kapardī raivatas tathā

Hara, Bahurupa, Tryambaka, Aparajita, Vrishakapi, Shambhu, Kapardin, and Raivata,

Verse 123 (vishnu.1.15.123)

मृगव्याधश् च शर्वश् च कपाली च महामुने । एकादशैते कथिता रुद्रास् त्रिभुवनेश्वराः

mṛgavyādhaś ca śarvaś ca kapālī ca mahāmune ekādaśaite kathitā rudrās tribhuvaneśvarāḥ

Mrigavyadha, Sharva, and Kapali, O great sage — these eleven are declared the Rudras, lords of the three worlds.

Verse 124 (vishnu.1.15.124)

शतं त्व् एवं समाम्नातं रुद्राणाम् अमितौजसाम्

śataṁ tv evaṁ samāmnātaṁ rudrāṇām amitaujasām

Thus the Rudras, of measureless splendor, are recorded as a hundred in number.

Verse 125 (vishnu.1.15.125)

अदितिर् दितिर् दनुश् चैव अरिष्टा सुरसा स्वसा । सुरभिर् विनता चैव ताम्रा क्रोधवशा इरा । कद्रुर् मुनिश् च धर्मज्ञ तदपत्यानि मे शृणु

aditir ditir danuś caiva ariṣṭā surasā svasā surabhir vinatā caiva tāmrā krodhavaśā irā kadrur muniś ca dharmajña tadapatyāni me śṛṇu

Aditi, Diti, Danu, Arishta, Surasa, Svasa, Surabhi, Vinata, Tamra, Krodhavasha, Ira, Kadru, and Muni — O knower of dharma, hear now their offspring from me.

Verse 126 (vishnu.1.15.126)

पूर्वमन्वन्तरे श्रेष्ठा द्वादशासन् सुरोत्तमाः । तुषिता नाम तेऽन्योन्यम् ऊचुर् वैवस्वतेऽन्तरे

pūrvamanvantare śreṣṭhā dvādaśāsan surottamāḥ tuṣitā nāma te 'nyonyam ūcur vaivasvate 'ntare

In the former Manvantara there were twelve foremost gods, called the Tushitas; as the Manvantara of Vaivasvata approached, they said this to one another.

Verse 127 (vishnu.1.15.127)

उपस्थितेऽतियशसश् चाक्षुषस्यान्तरे मनोः । समवायीकृताः सर्वे समागम्य परस्परम्

upasthite 'tiyaśasaś cākṣuṣasyāntare manoḥ samavāyīkṛtāḥ sarve samāgamya parasparam

As the greatly renowned Manvantara of Chakshusha Manu drew near, they all gathered together, one with another.

Verse 128 (vishnu.1.15.128)

आगच्छत द्रुतं देवा अदितिं संप्रविश्य वै । मन्वन्तरे प्रसूयामस् तन् नः श्रेयो भवेद् इति

āgacchata drutaṁ devā aditiṁ saṁpraviśya vai manvantare prasūyāmas tan naḥ śreyo bhaved iti

'Come quickly, O gods; let us enter into Aditi and be born in this Manvantara — that shall be for our good.'

Verse 129 (vishnu.1.15.129)

एवम् उक्त्वा तु ते सर्वे चाक्षुषस्यान्तरे मनोः । मारीचात् कश्यपाज् जातास् तेऽदित्या दक्षकन्यया

evam uktvā tu te sarve cākṣuṣasyāntare manoḥ mārīcāt kaśyapāj jātās te 'dityā dakṣakanyayā

Having said this, in the Manvantara of Chakshusha Manu, they were born of Marichi's son Kashyapa, upon Aditi, daughter of Daksha.

Verse 130 (vishnu.1.15.130)

तत्र विष्णुश् च शक्रश् च जज्ञाते पुनर् एव हि । अर्यमा चैव धाता च त्वष्टा पूषा तथैव च

tatra viṣṇuś ca śakraś ca jajñāte punar eva hi aryamā caiva dhātā ca tvaṣṭā pūṣā tathaiva ca

There Vishnu and Shakra were born once more, and Aryaman, Dhatri, Tvashtri, and Pushan too;

Verse 131 (vishnu.1.15.131)

विवस्वान् सविता चैव मित्रो वरुण एव च । अंशो भगश् चातितेजा आदित्या द्वादश स्मृताः

vivasvān savitā caiva mitro varuṇa eva ca aṁśo bhagaś cātitejā ādityā dvādaśa smṛtāḥ

Vivasvat, Savitri, Mitra and Varuna, Amsha and Bhaga of surpassing splendor — these twelve are declared the Adityas.

Verse 132 (vishnu.1.15.132)

चाक्षुषस्यान्तरे पूर्वम् आसन् ये तुषिताः सुराः । वैवस्वतेऽन्तरे ते वै आदित्या द्वादश स्मृताः

cākṣuṣasyāntare pūrvam āsan ye tuṣitāḥ surāḥ vaivasvate 'ntare te vai ādityā dvādaśa smṛtāḥ

Those who were the Tushita gods in the former Chakshusha Manvantara became, in the Manvantara of Vaivasvata, these twelve Adityas.

Verse 133 (vishnu.1.15.133)

सप्तविंशति याः प्रोक्ताः सोमपत्न्योऽथ सुव्रताः । तासाम् अपत्यान्य् अभवन् दीप्तान्य् अमिततेजसाम्

saptaviṁśati yāḥ proktāḥ somapatnyo 'tha suvratāḥ tāsām apatyāny abhavan dīptāny amitatejasām

Of the twenty-seven wives of Soma, spoken of before, virtuous ones, offspring were born, blazing with measureless splendor.

Verse 134 (vishnu.1.15.134)

अरिष्टनेमिपत्नीनाम् अपत्यानीह षोडश

ariṣṭanemipatnīnām apatyānīha ṣoḍaśa

Of the wives of Arishtanemi, there were sixteen offspring here.

Verse 135 (vishnu.1.15.135)

बहुपुत्रस्य विदुषश् चतस्रो विद्युतः स्मृताः

bahuputrasya viduṣaś catasro vidyutaḥ smṛtāḥ

Of the wise Bahuputra, four are remembered as the Vidyuts (Lightnings).

Verse 136 (vishnu.1.15.136)

प्रत्यङ्गिरसजाः श्रेष्ठा ऋचो ब्रह्मर्षिसत्कृताः

pratyaṅgirasajāḥ śreṣṭhā ṛco brahmarṣisatkṛtāḥ

Born of Pratyangiras were excellent Rig verses, honored by the Brahmarshis.

Verse 137 (vishnu.1.15.137)

कृशाश्वस्य तु देवर्षेर् देवप्रहरणाः सुताः

kṛśāśvasya tu devarṣer devapraharaṇāḥ sutāḥ

Of Krishashva the divine sage, his sons were the divine weapons (Devaharanas).

Verse 138 (vishnu.1.15.138)

एते युगसहस्रान्ते जायन्ते पुनर् एव हि । सर्वे देवगणास् तात त्रयस् त्रिंशत् तु छन्दजाः । तेषाम् अपीह सततं निरोधोत्पत्तिर् उच्यते

ete yugasahasrānte jāyante punar eva hi sarve devagaṇās tāta trayas triṁśat tu chandajāḥ teṣām apīha satataṁ nirodhotpattir ucyate

These, dear one, are born again at the end of a thousand ages; all these hosts of gods, born of the metres, thirty-three in number — of them too the ceaseless cycle of origination and cessation is spoken here.

Verse 139 (vishnu.1.15.139)

यथा सूर्यस्य मैत्रेय उदयास्तमनाव् इह । एवं देवनिकायास् ते संभवन्ति युगे युगे

yathā sūryasya maitreya udayāstamanāv iha evaṁ devanikāyās te saṁbhavanti yuge yuge

O Maitreya, just as the sun here rises and sets, so too do these hosts of gods come into being in age after age.

Verse 140 (vishnu.1.15.140)

दित्या पुत्रद्वयं जज्ञे कश्यपाद् इति नः श्रुतम् । हिरण्यकशिपुश् चैव हिरण्याक्षश् च दुर्जयः

dityā putradvayaṁ jajñe kaśyapād iti naḥ śrutam hiraṇyakaśipuś caiva hiraṇyākṣaś ca durjayaḥ

Diti bore two sons to Kashyapa, so we have heard — Hiranyakashipu, and Hiranyaksha, hard to conquer.

Verse 141 (vishnu.1.15.141)

सिंहिका चाभवत् कन्या विप्रचित्तेः परिग्रहः

siṁhikā cābhavat kanyā vipracitteḥ parigrahaḥ

And a daughter, Simhika, was born, who became the wife of Vipracitti.

Verse 142 (vishnu.1.15.142)

हिरण्यकशिपोः पुत्राश् चत्वारः प्रथितौजसः । अनुह्लादश् च ह्लादश् च प्रह्लादश् चैव धर्मवान् । संह्लादश् च महावीर्या दैत्यवंशविवर्धनाः

hiraṇyakaśipoḥ putrāś catvāraḥ prathitaujasaḥ anuhlādaś ca hlādaś ca prahlādaś caiva dharmavān saṁhlādaś ca mahāvīryā daityavaṁśavivardhanāḥ

Hiranyakashipu had four sons, of renowned might — Anuhlada, Hlada, the righteous Prahlada, and Samhlada of great valor, increasers of the Daitya lineage.

Verse 143 (vishnu.1.15.143)

तेषां मध्ये महाभागः सर्वत्र समदृग् वशी । प्रह्लादः परमां भक्तिं य उवाह जनार्दने

teṣāṁ madhye mahābhāgaḥ sarvatra samadṛg vaśī prahlādaḥ paramāṁ bhaktiṁ ya uvāha janārdane

Among them, that greatly blessed, ever-impartial, self-controlled Prahlada bore the highest devotion to Janardana.

Verse 144 (vishnu.1.15.144)

दैत्येन्द्रदीपितो वह्निः सर्वाङ्गोपचितो द्विज । न ददाह च यं पूर्वं वासुदेवे हृदि स्थिते

daityendradīpito vahniḥ sarvāṅgopacito dvija na dadāha ca yaṁ pūrvaṁ vāsudeve hṛdi sthite

O twice-born, the fire kindled by the lord of the Daityas and heaped up around his whole body could not burn him, since Vasudeva was fixed within his heart.

Verse 145 (vishnu.1.15.145)

महार्णवान्तःसलिले स्थितस्य चलतो मही । चचाल सकला यस्य पाशबद्धस्य धीमतः

mahārṇavāntaḥsalile sthitasya calato mahī cacāla sakalā yasya pāśabaddhasya dhīmataḥ

When, bound with ropes, he was cast into the waters within the great ocean, though he, that wise one, remained unmoving, the whole earth shook.

Verse 146 (vishnu.1.15.146)

न भिन्नं विविधैः शस्त्रैर् यस्य दैत्येन्द्रपातितैः । शरीरम् अद्रिकठिनं सर्वत्राच्युतचेतसः

na bhinnaṁ vividhaiḥ śastrair yasya daityendrapātitaiḥ śarīram adrikaṭhinaṁ sarvatrācyutacetasaḥ

By the various weapons hurled at him by the lord of the Daityas, his body, hard as a mountain, was not pierced, so utterly was his mind fixed on the Undying One everywhere.

Verse 147 (vishnu.1.15.147)

विषानलोज्ज्वलमुखा यस्य दैत्यप्रचोदिताः । नान्ताय सर्पपतयो बभूवुर् उरुतेजसः

viṣānalojjvalamukhā yasya daityapracoditāḥ nāntāya sarpapatayo babhūvur urutejasaḥ

The serpent-kings, of great splendor, their mouths blazing with poison and fire, sent by the Daityas, could not bring him to his end.

Verse 148 (vishnu.1.15.148)

शैलैर् आक्रान्तदेहोऽपि यः स्मरन् पुरुषोत्तमम् । तत्याज नात्मनः प्राणान् विष्णुस्मरणदंशितः

śailair ākrāntadeho 'pi yaḥ smaran puruṣottamam tatyāja nātmanaḥ prāṇān viṣṇusmaraṇadaṁśitaḥ

Even when his body was crushed beneath mountains, remembering the Supreme Person, armored by his remembrance of Vishnu, he did not give up his own life.

Verse 149 (vishnu.1.15.149)

पतन्तम् उच्चाद् अवनिर् यम् उपेत्य महामतिम् । दधार दैत्यपतिना क्षिप्तं स्वर्गनिवासिना

patantam uccād avanir yam upetya mahāmatim dadhāra daityapatinā kṣiptaṁ svarganivāsinā

When cast down from a great height by the lord of the Daityas, a dweller of heaven, the earth itself came forth and bore up that man of great wisdom.

Verse 150 (vishnu.1.15.150)

यस्य संशोषको वायुर् देहे दैत्येन्द्रयोजितः । अवाप संक्षयं सद्यश् चित्तस्थे मधुसूदने

yasya saṁśoṣako vāyur dehe daityendrayojitaḥ avāpa saṁkṣayaṁ sadyaś cittasthe madhusūdane

The wind, capable of drying up his body, directed upon him by the lord of the Daityas, perished at once, since Madhusudana was fixed in his mind.

Verse 151 (vishnu.1.15.151)

विषाणभङ्गम् उन्मत्ता मदहानिं च दिग्गजाः । यस्य वक्षःस्थले प्राप्ता दैत्येन्द्रपरिणामिताः

viṣāṇabhaṅgam unmattā madahāniṁ ca diggajāḥ yasya vakṣaḥsthale prāptā daityendrapariṇāmitāḥ

The tuskers of the quarters, maddened, their tusks broken, sent by the lord of the Daityas against his breast, gained nothing there.

Verse 152 (vishnu.1.15.152)

यस्य चोत्पादिता कृत्या दैत्यराजपुरोहितैः । बभूव नान्ताय पुरा गोविन्दासक्तचेतसः

yasya cotpāditā kṛtyā daityarājapurohitaiḥ babhūva nāntāya purā govindāsaktacetasaḥ

And the sorceress conjured up by the Daitya king's priests, of old, could not bring him to his end, since his mind was wholly absorbed in Govinda.

Verse 153 (vishnu.1.15.153)

शम्बरस्य च मायानां सहस्रम् अतिमायिनः । यस्मिन् प्रयुक्तं चक्रेण कृष्णस्य वितथीकृतम्

śambarasya ca māyānāṁ sahasram atimāyinaḥ yasmin prayuktaṁ cakreṇa kṛṣṇasya vitathīkṛtam

And the thousand illusions of Shambara, that master of illusion beyond measure, when set against him, were rendered vain by Krishna's discus.

Verse 154 (vishnu.1.15.154)

दैत्येन्द्रसूदोपहृतं यश् च हालाहलं विषम् । जरयाम् आस मतिमान् अविकारम् अमत्सरी

daityendrasūdopahṛtaṁ yaś ca hālāhalaṁ viṣam jarayām āsa matimān avikāram amatsarī

And the deadly Halahala poison, brought by the lord of the Daityas' cook, that wise, unshaken, ungrudging one digested without harm.

Verse 155 (vishnu.1.15.155)

समचेता जगत्य् अस्मिन् यः सर्वेष्व् एव जन्तुषु । यथात्मनि तथान्यत्र परं मैत्रगुणान्वितः

samacetā jagaty asmin yaḥ sarveṣv eva jantuṣu yathātmani tathānyatra paraṁ maitraguṇānvitaḥ

Equanimous of mind toward all creatures in this world, regarding others as himself, supremely endowed with the quality of friendliness,

Verse 156 (vishnu.1.15.156)

धर्मात्मा सत्यशौचादिगुणानाम् आकरः परः । उपमानम् अशेषाणां साधूनां यः सदाभवत्

dharmātmā satyaśaucādiguṇānām ākaraḥ paraḥ upamānam aśeṣāṇāṁ sādhūnāṁ yaḥ sadābhavat

righteous of soul, the supreme mine of the virtues of truth and purity and the rest, who ever remained the very standard by which the virtuous were measured.