The Restoration of Ugrasena and the Guru-Dakshina

Verse 1 (vishnu.5.21.1)

तौ समुत्पन्नविज्ञानौ भगवत्कर्म्मदर्शनात्। देवकीवसुदेवौ तु दृष्ट्वा मायां पुनर्हरिः। मोहाय यदुचक्रस्य विततान स वैष्णवीम

tau samutpannavijñānau bhagavatkarmmadarśanāt devakīvasudevau tu dṛṣṭvā māyāṁ punarhariḥ mohāya yaducakrasya vitatāna sa vaiṣṇavīma

Devaki and Vasudeva had, through witnessing these deeds of the Blessed Lord, attained true understanding; yet Hari, once more, spread forth his Vaishnavi maya, so as to bewilder the Yadu race.

Verse 2 (vishnu.5.21.2)

उवाच चाम्ब भोस्तात चिरादुत्कण्ठितेन मे। भवन्तौ कंसभीतेन दृष्टौ सङ्कर्षणेन च

uvāca cāmba bhostāta cirādutkaṇṭhitena me bhavantau kaṁsabhītena dṛṣṭau saṅkarṣaṇena ca

He said: 'O mother! O father! It is only now, after this long time of yearning, that you two have at last been seen by Sankarshana and myself — fearful as we were of Kamsa.'

Verse 3 (vishnu.5.21.3)

कुर्व्वतां याति यः कालो मातापित्रोरपूजनम्। तत्खण्डमायुषो व्यर्थमसाधूनां हि जायते

kurvvatāṁ yāti yaḥ kālo mātāpitrorapūjanam tatkhaṇḍamāyuṣo vyarthamasādhūnāṁ hi jāyate

'Whatever time passes without honoring one's father and mother becomes a wasted portion of one's very lifespan — a fate that befalls only the wicked.'

Verse 4 (vishnu.5.21.4)

गुरुदेवद्विजातीनां मातापित्रोश्च पूजनम्। कुर्व्वतां सफलं जन्म देहिनां तात जायते

gurudevadvijātīnāṁ mātāpitrośca pūjanam kurvvatāṁ saphalaṁ janma dehināṁ tāta jāyate

'Only for those beings who honor their teachers, the gods, the twice-born, and their own father and mother, does their very birth become fruitful, O father.'

Verse 5 (vishnu.5.21.5)

तत् क्षन्तव्यमिदं सर्वमतिक्रमकृतं पितः। कंसप्रतापवीर्य्याभ्यामावयोः परवश्ययोः

tat kṣantavyamidaṁ sarvamatikramakṛtaṁ pitaḥ kaṁsapratāpavīryyābhyāmāvayoḥ paravaśyayoḥ

'O father, whatever transgression the two of us committed, held as we were under the sway of Kamsa's might and power, all of it must now be forgiven.'

Verse 6 (vishnu.5.21.6)

इत्युक्त्वाथ प्रणम्योभौ यदुवृद्धाननुक्रमात्। यथावदभिपूज्याथ चक्रतुः पौरमाननम्

ityuktvātha praṇamyobhau yaduvṛddhānanukramāt yathāvadabhipūjyātha cakratuḥ pauramānanam

Having said this, and bowing in due order to the elders of the Yadu clan, and honoring them as was fitting, they then paid honor to the citizens as well.

Verse 7 (vishnu.5.21.7)

कंसपत्न्यस्ततः कंसं परिवार्य्यहतं भुवि। विलेपुर्मातरश्चास्य दुःखशोकपरिप्लुताः

kaṁsapatnyastataḥ kaṁsaṁ parivāryyahataṁ bhuvi vilepurmātaraścāsya duḥkhaśokapariplutāḥ

Then Kamsa's wives, gathering round him where he lay slain upon the ground, wept there, drowned in grief and sorrow, together with his mothers.

Verse 8 (vishnu.5.21.8)

बहुप्रकारमत्यर्थं पश्चात्तापातुरो हरिः। ताः समाश्वासयामास स्वयमस्राविलेक्षणः

bahuprakāramatyarthaṁ paścāttāpāturo hariḥ tāḥ samāśvāsayāmāsa svayamasrāvilekṣaṇaḥ

Hari himself, his heart deeply moved with compassion in many ways, his own eyes clouded with tears, consoled them all.

Verse 9 (vishnu.5.21.9)

उग्रसेनं ततो बन्धान्मुमोच मधुसूदनः। अभ्यषिञ्चत् तथैवैनं निजराज्ये हतात्मजम्

ugrasenaṁ tato bandhānmumoca madhusūdanaḥ abhyaṣiñcat tathaivainaṁ nijarājye hatātmajam

Then Madhusudana released Ugrasena from his bonds, and, though Ugrasena had lost his own son, anointed him once more to his own kingdom.

Verse 10 (vishnu.5.21.10)

राज्याभिषिक्तः कृष्णेन यदुसिंहः सुतस्य सः। चकार प्रेतकार्य्याणि ये चान्ये तत्र घातिताः

rājyābhiṣiktaḥ kṛṣṇena yadusiṁhaḥ sutasya saḥ cakāra pretakāryyāṇi ye cānye tatra ghātitāḥ

Anointed to the kingdom by Krishna, that lion among the Yadus performed the funeral rites for his son, and for the others who had been slain there as well.

Verse 11 (vishnu.5.21.11)

कृतोर्ध्वदैहिकं चैनं सिंहासनगतं हरिः। उवाचाज्ञापय विभो यत् कार्यमविशङ्कितः

kṛtordhvadaihikaṁ cainaṁ siṁhāsanagataṁ hariḥ uvācājñāpaya vibho yat kāryamaviśaṅkitaḥ

Having had his funeral rites duly performed, Hari, fearlessly, said to him as he sat upon the throne: 'O lord, command whatever task is to be done.'

Verse 12 (vishnu.5.21.12)

ययातिशापाद वंशोऽयमराज्यार्होऽपि साम्प्रतम्। मयि भृत्ये स्थिते देवानाज्ञापयतु किं नुपैः

yayātiśāpāda vaṁśo'yamarājyārho'pi sāmpratam mayi bhṛtye sthite devānājñāpayatu kiṁ nupaiḥ

'Because of Yayati's curse, this lineage of ours is not, even now, fit to rule; consider me your servant, and command what the gods themselves would command — what need have we of mere kings?'

Verse 13 (vishnu.5.21.13)

इत्युक्त्वा सोऽस्मरद्वायुमाजगाम स तत्क्षणात्। उवाच चैनं भगवान् केशवः कार्यमानुषः

ityuktvā so'smaradvāyumājagāma sa tatkṣaṇāt uvāca cainaṁ bhagavān keśavaḥ kāryamānuṣaḥ

Having said this, he called Vayu to mind, and Vayu came there that very instant; and the Blessed Keshava, in his human form, said to him —

Verse 14 (vishnu.5.21.14)

गच्छेन्द्रं ब्रूहि वायो त्वमलं गर्वेण वासव। दीयतामुग्रसेनाय सुधर्मा भवता सभा

gacchendraṁ brūhi vāyo tvamalaṁ garveṇa vāsava dīyatāmugrasenāya sudharmā bhavatā sabhā

'Go, O Vayu, to Indra, and say: O Vasava, enough now of your pride — let the assembly hall Sudharma be given over to Ugrasena.'

Verse 15 (vishnu.5.21.15)

कृष्णो ब्रवीति राजार्हमेतद्रत्नमनुत्तमम्। सुधर्माख्या सभा युक्तमस्यां यदुभिरासितुम्

kṛṣṇo bravīti rājārhametadratnamanuttamam sudharmākhyā sabhā yuktamasyāṁ yadubhirāsitum

'Krishna says: this incomparable jewel is fit for a king alone; it is proper that the Yadavas should sit in this assembly called Sudharma.'

Verse 16 (vishnu.5.21.16)

इत्युक्तः पवनो गत्वा सर्व्वमाह शचीपतिम्। ददौ सोऽपि सुधर्म्माख्यां सभां वायोः पुरन्दरः

ityuktaḥ pavano gatvā sarvvamāha śacīpatim dadau so'pi sudharmmākhyāṁ sabhāṁ vāyoḥ purandaraḥ

Thus addressed, the wind-god went and told everything to the husband of Shachi; and Purandara too, in turn, gave the assembly hall called Sudharma over to Vayu.

Verse 17 (vishnu.5.21.17)

वायुना चाहृतां दिव्यां सभां ते यदुपुङ्गवाः। बुभुजुः सर्व्वरत्नाढ्यां गोविन्दभुजसंश्रयात्

vāyunā cāhṛtāṁ divyāṁ sabhāṁ te yadupuṅgavāḥ bubhujuḥ sarvvaratnāḍhyāṁ govindabhujasaṁśrayāt

That divine assembly hall, brought there by Vayu, rich with every kind of jewel, those foremost of the Yadus enjoyed thereafter, under the shelter of Govinda's own arms.

Verse 18 (vishnu.5.21.18)

विदिताखिलविज्ञानौ सर्व्वज्ञानमयावपि। शिष्याचार्य्यक्रमं वीरौ ख्यापयन्तौ यदूत्तमौ

viditākhilavijñānau sarvvajñānamayāvapi śiṣyācāryyakramaṁ vīrau khyāpayantau yadūttamau

Though they already possessed every knowledge, and were themselves the very substance of all wisdom, those two heroic best of the Yadus, in order to demonstrate to the world the proper order of student and teacher, went to a guru.

Verse 19 (vishnu.5.21.19)

ततः सान्दीपनिं काश्यमवन्तीपुरवासिनम्। अस्त्रार्थं जग्मतुर्वीरौ बलदेवजनार्दनौ

tataḥ sāndīpaniṁ kāśyamavantīpuravāsinam astrārthaṁ jagmaturvīrau baladevajanārdanau

Then those two heroes, Baladeva and Janardana, went to Sandipani, son of Kashya, who dwelt in the city of Avanti, in order to obtain the science of weapons.

Verse 20 (vishnu.5.21.20)

तस्य शिष्यत्वमभ्येत्य गुरुवृत्तिपरौ हि तौ। दर्शयाञ्चक्रतुर्वीरावाचारमखिले जने

tasya śiṣyatvamabhyetya guruvṛttiparau hi tau darśayāñcakraturvīrāvācāramakhile jane

Accepting discipleship under him, and devoting themselves to the service of their guru, those two heroes demonstrated before all people the proper conduct of a student.

Verse 21 (vishnu.5.21.21)

सरहस्यं धनुर्वेदं ससंग्रहमधीयताम्। अहोरात्रैश्चतुःषष्ट्या तदद्भुतमभूद्द्विज

sarahasyaṁ dhanurvedaṁ sasaṁgrahamadhīyatām ahorātraiścatuḥṣaṣṭyā tadadbhutamabhūddvija

O brahmin, they mastered the entire science of archery, together with its secret lore and its condensed formulations, in just sixty-four days and nights — a thing of true wonder.

Verse 22 (vishnu.5.21.22)

सान्दीपनिरसम्भाव्यं तयोः कर्मातिमानुषम्। विचिन्त्य तौ तदा मेने प्राप्तौ चन्द्रदिवाकरौ

sāndīpanirasambhāvyaṁ tayoḥ karmātimānuṣam vicintya tau tadā mene prāptau candradivākarau

Sandipani, considering their superhuman feat scarcely credible, reflected upon it, and came to think that the very Moon and Sun themselves had come to him as pupils.

Verse 23 (vishnu.5.21.23)

अस्त्रग्राममशेषञ्च प्रोक्तमात्रमवाप्य तौ। ऊचतुर्व्रियतां या ते दातव्या गुरुदक्षिणा

astragrāmamaśeṣañca proktamātramavāpya tau ūcaturvriyatāṁ yā te dātavyā gurudakṣiṇā

Having obtained the entire array of weapons merely upon a single telling, the two of them said: 'Ask now whatever guru's fee is to be given.'

Verse 24 (vishnu.5.21.24)

सोऽप्यतीन्द्रियमालोक्य तयोः कर्म्म महामतिः। अयाचत मृतं पुत्रं प्रभासे लवणार्णावे

so'pyatīndriyamālokya tayoḥ karmma mahāmatiḥ ayācata mṛtaṁ putraṁ prabhāse lavaṇārṇāve

Beholding this superhuman feat of theirs, the wise Sandipani asked for nothing but his own son, who had died in the salt ocean at Prabhasa.

Verse 25 (vishnu.5.21.25)

गृहीतास्त्रौ ततस्तौ तु सार्घ्यहस्तो महोदधिः। उवाच न मया पुत्रो हतः सान्दीपनेरिति

gṛhītāstrau tatastau tu sārghyahasto mahodadhiḥ uvāca na mayā putro hataḥ sāndīpaneriti

Now armed with their weapons, the two of them went there; and the great ocean, offering-water in hand, said: 'I have not slain Sandipani's son.'

Verse 26 (vishnu.5.21.26)

दैत्यः पञ्चजनो नाम शङ्खरूपः स बालकम्। जग्राह सोऽस्ति सलिले ममैवासुरसूदन

daityaḥ pañcajano nāma śaṅkharūpaḥ sa bālakam jagrāha so'sti salile mamaivāsurasūdana

'A demon named Panchajana, who takes the form of a conch, seized that boy; O slayer of asuras, he dwells here within my very waters.'

Verse 27 (vishnu.5.21.27)

इत्युक्तोऽन्तर्जलं गत्वा हत्वा पञ्चजनं खलम्। कृष्णो जग्राह तस्यास्थिप्रभवं शङ्खमुत्तमम्

ityukto'ntarjalaṁ gatvā hatvā pañcajanaṁ khalam kṛṣṇo jagrāha tasyāsthiprabhavaṁ śaṅkhamuttamam

Hearing this, Krishna went down into the water, slew that wicked Panchajana, and took up that finest of conches, formed from his very bones.

Verse 28 (vishnu.5.21.28)

यस्य नादेन दैत्यानां बलहानिरजायत। देवानां ववृधे तेजो यात्यधर्मश्च संक्षयम्

yasya nādena daityānāṁ balahānirajāyata devānāṁ vavṛdhe tejo yātyadharmaśca saṁkṣayam

that conch by whose very sound the strength of demons wanes, the splendor of the gods grows, and unrighteousness itself is brought to ruin —

Verse 29 (vishnu.5.21.29)

तं पाञ्चजन्यमापूर्य्य गत्वा यमपुरीं हरिः। बलदेवश्च बलवान् जित्वा वैवस्वतं यमम्

taṁ pāñcajanyamāpūryya gatvā yamapurīṁ hariḥ baladevaśca balavān jitvā vaivasvataṁ yamam

Sounding that Panchajanya conch, Hari, together with the mighty Baladeva, went to the city of Yama and conquered even Vaivasvata Yama himself.

Verse 30 (vishnu.5.21.30)

तं बालं यातनासंस्थं यथापूर्वशरीरिणम्। पित्रे प्रदत्तवान् कृष्णो बलश्च बलिनां वरः

taṁ bālaṁ yātanāsaṁsthaṁ yathāpūrvaśarīriṇam pitre pradattavān kṛṣṇo balaśca balināṁ varaḥ

Krishna and Bala, foremost among the mighty, brought that boy — still enduring his torment there, yet with his body just as it had been before — and gave him back to his father.

Verse 31 (vishnu.5.21.31)

मथुरां च पुनः प्राप्तावुग्रसेनेन पालिताम्। प्रहृष्टपुरुषस्त्रीकावुभौ रामजनार्दनौ

mathurāṁ ca punaḥ prāptāvugrasenena pālitām prahṛṣṭapuruṣastrīkāvubhau rāmajanārdanau

To that city of Mathura, now guarded by Ugrasena, filled with joyful men and women, Rama and Janardana both returned once more.