Usha's Dream

Verse 1 (vishnu.5.32.1)

पराशर उवाच । प्रद्युम्नाद्या हरेः पुत्रा रुक्मिण्याः कथितास्तव । भानुं भैमरिकं चैव सत्यभामा व्यजायत

parāśara uvāca pradyumnādyā hareḥ putrā rukmiṇyāḥ kathitāstava bhānuṁ bhaimarikaṁ caiva satyabhāmā vyajāyata

Parashara said: The sons of Hari by Rukmini, beginning with Pradyumna, have already been told to you. Satyabhama bore Bhanu and Bhaimarika.

Verse 2 (vishnu.5.32.2)

दीप्तिमन्तः प्रयक्षाद्या रोहिण्यास्तनया हरेः । बभूवुर्जाम्बवत्यां च साम्बाद्या बाहुशालिनः

dīptimantaḥ prayakṣādyā rohiṇyāstanayā hareḥ babhūvurjāmbavatyāṁ ca sāmbādyā bāhuśālinaḥ

By Rohini, Hari had sons Diptimat, Prayaksha, and others; and by Jambavati were born Samba and other mighty-armed sons.

Verse 3 (vishnu.5.32.3)

तनया भद्रविन्दाद्या नाग्नजित्यां महाबलाः । संग्रामजित्प्रधानास्तु शैब्यायाश्चाभवन् सुताः

tanayā bhadravindādyā nāgnajityāṁ mahābalāḥ saṁgrāmajitpradhānāstu śaibyāyāścābhavan sutāḥ

By Nagnajiti were born mighty sons beginning with Bhadravinda; and by Shaibya were born sons headed by Sangramajit.

Verse 4 (vishnu.5.32.4)

वृकाद्याश्च सुता माद्र्यां गात्रवत्प्रमुखान् सुतान् । अवाप लक्ष्मणा पुत्राः कालिन्द्याश्च श्रुतादयः

vṛkādyāśca sutā mādryāṁ gātravatpramukhān sutān avāpa lakṣmaṇā putrāḥ kālindyāśca śrutādayaḥ

By Madri were born sons beginning with Vrika; Lakshmana had sons headed by Gatravat; and by Kalindi were born sons beginning with Shruta.

Verse 5 (vishnu.5.32.5)

अन्यासां चैव भार्याणां समुत्पन्नानि चक्रिणः । अष्टायुतानि पुत्राणां सहस्राणां शतं तथा

anyāsāṁ caiva bhāryāṇāṁ samutpannāni cakriṇaḥ aṣṭāyutāni putrāṇāṁ sahasrāṇāṁ śataṁ tathā

And from his other wives as well, the wheel-bearer had eighty thousand sons, and a hundred thousand more besides.

Verse 6 (vishnu.5.32.6)

प्रद्युम्नः प्रथमस्तेषां सर्वेषां रुक्मिणीसुतः । प्रद्युम्नाद् अनिरुद्धोऽभूद् वज्रस्तस्माद् अजायत

pradyumnaḥ prathamasteṣāṁ sarveṣāṁ rukmiṇīsutaḥ pradyumnād aniruddho'bhūd vajrastasmād ajāyata

Of all these, Pradyumna, son of Rukmini, was the foremost; from Pradyumna came Aniruddha, and from him was born Vajra.

Verse 7 (vishnu.5.32.7)

अनिरुद्धो रणे रुद्धो बलेः पौत्रीं महाबलः । बाणस्य तनयाम् ऊषाम् उपयेमे द्विजोत्तम

aniruddho raṇe ruddho baleḥ pautrīṁ mahābalaḥ bāṇasya tanayām ūṣām upayeme dvijottama

Aniruddha, never checked in battle, mighty, O foremost of the twice-born, married Usha, the daughter of Bana and granddaughter of Bali.

Verse 8 (vishnu.5.32.8)

यत्र युद्धम् अभूद् घोरं हरिशंकरयोर्महत् । छिन्नं सहस्रं बाहूनां यत्र बाणस्य चक्रिणा

yatra yuddham abhūd ghoraṁ hariśaṁkarayormahat chinnaṁ sahasraṁ bāhūnāṁ yatra bāṇasya cakriṇā

In the course of which there occurred a terrible, great battle between Hari and Shankara, in which the wheel-bearer severed a thousand of Bana's arms.

Verse 9 (vishnu.5.32.9)

मैत्रेय उवाच । कथं युद्धम् अभूद् ब्रह्मन्न् उषार्थे हरकृष्णयोः । कथं क्षयं च बाणस्य बाहूनां कृतवान् हरिः

maitreya uvāca kathaṁ yuddham abhūd brahmann uṣārthe harakṛṣṇayoḥ kathaṁ kṣayaṁ ca bāṇasya bāhūnāṁ kṛtavān hariḥ

Maitreya said: 'O Brahmin, how did the battle between Hara and Krishna come about over Usha? And how did Hari bring about the destruction of Bana's arms?'

Verse 10 (vishnu.5.32.10)

एतत् सर्वं महाभाग ममाख्यातुं त्वम् अर्हसि । महत् कौतूहलं जातं कथां श्रोतुम् इमां हरेः

etat sarvaṁ mahābhāga mamākhyātuṁ tvam arhasi mahat kautūhalaṁ jātaṁ kathāṁ śrotum imāṁ hareḥ

'You should tell me all of this, O most fortunate one; a great curiosity has arisen in me to hear this tale of Hari.'

Verse 11 (vishnu.5.32.11)

पराशर उवाच । उषा बाणसुता विप्र पार्वतीं सह शम्भुना । क्रीडन्तीम् उपलक्ष्योच्चैः स्पृहां चक्रे तदाश्रयाम्

parāśara uvāca uṣā bāṇasutā vipra pārvatīṁ saha śambhunā krīḍantīm upalakṣyoccaiḥ spṛhāṁ cakre tadāśrayām

Parashara said: O Brahmin, Usha, Bana's daughter, seeing Parvati at play together with Shambhu, was seized with an intense longing for that same union.

Verse 12 (vishnu.5.32.12)

ततः सकलचित्तज्ञा गौरी ताम् आह भामिनीम् । अलम् अत्यर्थतापेन भर्त्रा त्वम् अपि रंस्यसे

tataḥ sakalacittajñā gaurī tām āha bhāminīm alam atyarthatāpena bhartrā tvam api raṁsyase

Then Gauri, who knows every heart, said to the lovely woman: 'Enough of such distress — you too shall have your delight with a husband.'

Verse 13 (vishnu.5.32.13)

इत्युक्ते सा तदा चक्रे कदेति मतिम् आत्मनः । को वा भर्ता ममेत्य् एनां पुनरप्य् आह पार्वती

ityukte sā tadā cakre kadeti matim ātmanaḥ ko vā bhartā mamety enāṁ punarapy āha pārvatī

Hearing this, the thought arose in her mind: 'When?' — 'Or who will be my husband?' — and Parvati spoke to her again:

Verse 14 (vishnu.5.32.14)

वैशाखशुक्लद्वादश्यां स्वप्ने योऽभिभवं तव । करिष्यति स ते भर्ता राजपुत्रि भविष्यति

vaiśākhaśukladvādaśyāṁ svapne yo'bhibhavaṁ tava kariṣyati sa te bhartā rājaputri bhaviṣyati

'O princess, whoever comes to you in a dream on the twelfth day of the bright fortnight of Vaishakha and unites with you — he shall become your husband.'

Verse 15 (vishnu.5.32.15)

पराशर उवाच । तस्यां तिथौ पुमान् स्वप्ने यथा देव्या उदीरितम् । तथैवाभिभवं चक्रे रागं चक्रे च तत्र सा

parāśara uvāca tasyāṁ tithau pumān svapne yathā devyā udīritam tathaivābhibhavaṁ cakre rāgaṁ cakre ca tatra sā

Parashara said: On that very day, exactly as the goddess had foretold, a man came to her in a dream and united with her, and she fell deeply in love with him.

Verse 16 (vishnu.5.32.16)

ततः प्रबुद्धा पुरुषम् अपश्यन्ती समुत्सुका । क्व गतोऽसीति निर्लज्जा मैत्रेयोक्तवती सखीम्

tataḥ prabuddhā puruṣam apaśyantī samutsukā kva gato'sīti nirlajjā maitreyoktavatī sakhīm

Then, O Maitreya, waking and not finding the man, filled with longing and past all shame, she cried out, as if to her friend, 'Where have you gone?'

Verse 17 (vishnu.5.32.17)

बाणस्य मन्त्री कुम्भाण्डः चित्रलेखा च तत्सुता । तस्याः सख्य् अभवत् सा च प्राह कोऽयं त्वयोच्यते

bāṇasya mantrī kumbhāṇḍaḥ citralekhā ca tatsutā tasyāḥ sakhy abhavat sā ca prāha ko'yaṁ tvayocyate

Bana's minister was Kumbhanda, and his daughter Chitralekha was Usha's friend; she said: 'Who is this you speak of?'

Verse 18 (vishnu.5.32.18)

यदा लज्जाकुला नास्यै कथयाम् आस सा सखी । तदा विश्वासम् आनीय सर्वम् एवाभ्यवादयत्

yadā lajjākulā nāsyai kathayām āsa sā sakhī tadā viśvāsam ānīya sarvam evābhyavādayat

When, overcome with shame, she at first told her friend nothing, then, once her trust was won, she related the whole matter.

Verse 19 (vishnu.5.32.19)

विदितार्थां तु ताम् आह पुनरूषा यथोदितम् । देव्या तथैव तत्प्राप्तौ योऽभ्युपायः कुरुष्व तम्

viditārthāṁ tu tām āha punarūṣā yathoditam devyā tathaiva tatprāptau yo'bhyupāyaḥ kuruṣva tam

Once she understood the matter, Usha said to her again, recalling the goddess's own words: 'Devise, then, whatever means you can to help me attain him.'

Verse 20 (vishnu.5.32.20)

पराशर उवाच । ततः पटे सुरान् दैत्यान् गन्धर्वांश्च प्रधानतः । मनुष्यांश्चाभिलिख्यास्यै चित्रलेखा व्यदर्शयत्

parāśara uvāca tataḥ paṭe surān daityān gandharvāṁśca pradhānataḥ manuṣyāṁścābhilikhyāsyai citralekhā vyadarśayat

Parashara said: Then Chitralekha drew, on a canvas, the chief gods, daityas, gandharvas, and men, and showed them to her.

Verse 21 (vishnu.5.32.21)

अपास्य सा तु गन्धर्वांस्तथोरगसुरासुरान् । मनुष्येषु ददौ दृष्टिं तेष्व् अप्य् अन्धकवृष्णिषु

apāsya sā tu gandharvāṁstathoragasurāsurān manuṣyeṣu dadau dṛṣṭiṁ teṣv apy andhakavṛṣṇiṣu

Passing over the gandharvas, and likewise the nagas, gods, and asuras, she turned her gaze to the men, and among them, to the Andhakas and Vrishnis.

Verse 22 (vishnu.5.32.22)

कृष्णरामौ विलोक्यासीत् सुभ्रूर्लज्जाजडेव सा । प्रद्युम्नदर्शने व्रीडादृष्टिं निन्येऽन्यतो द्विज

kṛṣṇarāmau vilokyāsīt subhrūrlajjājaḍeva sā pradyumnadarśane vrīḍādṛṣṭiṁ ninye'nyato dvija

Seeing Krishna and Rama, O twice-born, the fair-browed girl seemed frozen with shame; and at the sight of Pradyumna too, shame turned her gaze away.

Verse 23 (vishnu.5.32.23)

दृष्टमात्रे ततः कान्ते प्रद्युम्नतनये द्विज । दृष्ट्वात्यर्थविलासिन्या लज्जा क्वापि निराकृता

dṛṣṭamātre tataḥ kānte pradyumnatanaye dvija dṛṣṭvātyarthavilāsinyā lajjā kvāpi nirākṛtā

But the very moment she saw her beloved, Pradyumna's own son, O twice-born, all her shame, playful and passionate as she was, vanished away entirely.

Verse 24 (vishnu.5.32.24)

सोऽयं सोऽयम् इतीत्य् उक्ते तया सा योगगामिनी । ययौ द्वारवतीम् ऊषां समाश्वास्य ततः सखीम्

so'yaṁ so'yam itīty ukte tayā sā yogagāminī yayau dvāravatīm ūṣāṁ samāśvāsya tataḥ sakhīm

'This is he — this is he!' When she said this, her friend, who could travel by mystic power, then, having comforted Usha, set off for Dvaravati.