The Battle at Shonitapura

Verse 1 (vishnu.5.33.1)

पराशर उवाच । बाणोऽपि प्रणिपत्याग्रे मैत्रेयाह त्रिलोचनम् । देव बाहुसहस्रेण निर्विण्णोऽहं विनाहवम्

parāśara uvāca bāṇo'pi praṇipatyāgre maitreyāha trilocanam deva bāhusahasreṇa nirviṇṇo'haṁ vināhavam

Parashara said: O Maitreya, Bana too bowed before the three-eyed Shiva and said: 'O god, I am wearied, having a thousand arms yet no battle to use them in.'

Verse 2 (vishnu.5.33.2)

कच्चिन् ममैषां बाहूनां साफल्यजनको रणः । भविष्यति विना युद्धं भाराय मम किं भुजैः

kaccin mamaiṣāṁ bāhūnāṁ sāphalyajanako raṇaḥ bhaviṣyati vinā yuddhaṁ bhārāya mama kiṁ bhujaiḥ

'Will there ever be a battle to make these arms of mine worthwhile? Without war, what are these arms to me but a burden?'

Verse 3 (vishnu.5.33.3)

शंकर उवाच । मयूरध्वजभङ्गस्ते यदा बाण भविष्यति । पिशिताशिजनानन्दं प्राप्स्यसे त्वं तदा रणम्

śaṁkara uvāca mayūradhvajabhaṅgaste yadā bāṇa bhaviṣyati piśitāśijanānandaṁ prāpsyase tvaṁ tadā raṇam

Shankara said: 'When your peacock banner breaks, O Bana, then you shall have a battle so fierce it will gladden the flesh-eating spirits.'

Verse 4 (vishnu.5.33.4)

पराशर उवाच । ततः प्रणम्य मुदितः शम्भुम् अभ्यागतो गृहम् । भग्नं च ध्वजम् आलोक्य हृष्टो हर्षान्तरं ययौ

parāśara uvāca tataḥ praṇamya muditaḥ śambhum abhyāgato gṛham bhagnaṁ ca dhvajam ālokya hṛṣṭo harṣāntaraṁ yayau

Parashara said: Then, bowing to Shambhu, he returned home rejoicing; and seeing his banner broken, he was filled with still greater joy.

Verse 5 (vishnu.5.33.5)

एतस्मिन्न् एव काले तु योगविद्याबलेन तम् । अनिरुद्धम् अथानिन्ये चित्रलेखा वराप्सराः

etasminn eva kāle tu yogavidyābalena tam aniruddham athāninye citralekhā varāpsarāḥ

At this very moment, by the power of her yogic art, Chitralekha, lovely as a chief apsaras, brought Aniruddha there.

Verse 6 (vishnu.5.33.6)

कन्यान्तःपुरमध्ये तं रममाणं सहोषया । विज्ञाय रक्षिणो गत्वा शशंसुर्दैत्यभूपतेः

kanyāntaḥpuramadhye taṁ ramamāṇaṁ sahoṣayā vijñāya rakṣiṇo gatvā śaśaṁsurdaityabhūpateḥ

When the guards learned that he was there in the maidens' inner apartments, enjoying himself with Usha, they went and reported it to the daitya king.

Verse 7 (vishnu.5.33.7)

व्यादिष्टं किंकराणां तु सैन्यं तेन महात्मना । जघान परिघं लोहम् आदाय परवीरहा

vyādiṣṭaṁ kiṁkarāṇāṁ tu sainyaṁ tena mahātmanā jaghāna parighaṁ loham ādāya paravīrahā

Taking up an iron club, that great-souled slayer of enemy heroes struck down the army of servants that had been sent against him.

Verse 8 (vishnu.5.33.8)

हतेषु तेषु बाणोऽपि रथस्थस्तद्वधोद्यतः । युध्यमानो यथाशक्ति यदा वीर्येण निर्जितः

hateṣu teṣu bāṇo'pi rathasthastadvadhodyataḥ yudhyamāno yathāśakti yadā vīryeṇa nirjitaḥ

When they had been slain, Bana too, mounted on his chariot, intent on his death, fought as best he could — but when he was overpowered by valor alone,

Verse 9 (vishnu.5.33.9)

मायया युयुधे तेन स तदा मन्त्रिचोदितः । ततस्तं पन्नगास्त्रेण बबन्ध यदुनन्दनम्

māyayā yuyudhe tena sa tadā mantricoditaḥ tatastaṁ pannagāstreṇa babandha yadunandanam

— then, urged on by his minister, he resorted to sorcery, and bound that delight of the Yadus with a serpent-noose weapon.

Verse 10 (vishnu.5.33.10)

द्वारवत्यां क्व यातोऽसाव् अनिरुद्धेति जल्पताम् । यदूनाम् आचचक्षे तं बद्धं बाणेन नारदः

dvāravatyāṁ kva yāto'sāv aniruddheti jalpatām yadūnām ācacakṣe taṁ baddhaṁ bāṇena nāradaḥ

As the Yadavas in Dvaravati were asking one another, 'Where has Aniruddha gone?', Narada told them that he had been bound by Bana.

Verse 11 (vishnu.5.33.11)

तं शोणितपुरे श्रुत्वा नीतं विद्याविदग्धया । योषिता प्रत्ययं जग्मुर्यादवा नामरैरिति

taṁ śoṇitapure śrutvā nītaṁ vidyāvidagdhayā yoṣitā pratyayaṁ jagmuryādavā nāmarairiti

Hearing that a woman skilled in magical lore had carried him off to Shonitapura, the Yadavas, on the word of the immortals, came to believe it.

Verse 12 (vishnu.5.33.12)

ततो गरुडम् आरुह्य स्मृतमात्रागतं हरिः । बलप्रद्युम्नसहितो बाणस्य प्रययौ पुरम्

tato garuḍam āruhya smṛtamātrāgataṁ hariḥ balapradyumnasahito bāṇasya prayayau puram

Then, mounting Garuda, who came the instant he was called to mind, Hari, together with Bala and Pradyumna, set out for Bana's city.

Verse 13 (vishnu.5.33.13)

पुरीप्रवेशे प्रमथैर्युद्धम् आसीन् महात्मनः । ययौ बाणपुराभ्याशं नीत्वा तान् संक्षयं हरिः

purīpraveśe pramathairyuddham āsīn mahātmanaḥ yayau bāṇapurābhyāśaṁ nītvā tān saṁkṣayaṁ hariḥ

As they entered the city, a battle broke out between the great-souled Hari and the Pramathas, Shiva's hordes; having destroyed them, Hari advanced to the very outskirts of Bana's city.

Verse 14 (vishnu.5.33.14)

ततस्त्रिपादस्त्रिशिरा ज्वरो माहेश्वरो महान् । बाणरक्षार्थम् अत्यर्थं युयुधे शार्ङ्गधन्वना

tatastripādastriśirā jvaro māheśvaro mahān bāṇarakṣārtham atyarthaṁ yuyudhe śārṅgadhanvanā

Then the great three-legged, three-headed Fever belonging to Maheshvara fought fiercely against the wielder of the Sharnga bow, in defense of Bana.

Verse 15 (vishnu.5.33.15)

तद्भस्मस्पर्शसंभूततापः कृष्णाङ्गसंगमात् । अवाप बलदेवोऽपि श्रमम् आमीलितेक्षणः

tadbhasmasparśasaṁbhūtatāpaḥ kṛṣṇāṅgasaṁgamāt avāpa baladevo'pi śramam āmīlitekṣaṇaḥ

From the burning heat born of that Fever's touch of ash, spreading from contact with Krishna's own body, even Baladeva grew faint, his eyes half-closed with weariness.

Verse 16 (vishnu.5.33.16)

ततः स युद्ध्यमानस्तु सहदेवेन शार्ङ्गिणा । वैष्णवेन ज्वरेणाशु कृष्णदेहान् निराकृतः

tataḥ sa yuddhyamānastu sahadevena śārṅgiṇā vaiṣṇavena jvareṇāśu kṛṣṇadehān nirākṛtaḥ

Then that Fever, still fighting against the wielder of the Sharnga bow, was swiftly driven off from Krishna's body by the Fever of Vishnu.

Verse 17 (vishnu.5.33.17)

नारायणभुजाघातपरिपीडनविह्वलम् । तं वीक्ष्य क्षम्यताम् अस्येत्य् आह देवः पितामहः

nārāyaṇabhujāghātaparipīḍanavihvalam taṁ vīkṣya kṣamyatām asyety āha devaḥ pitāmahaḥ

Seeing him, Shiva's Fever, overwhelmed and distressed by the blows of Narayana's arm, the grandfather god Brahma said: 'Let him be forgiven.'

Verse 18 (vishnu.5.33.18)

ततश्च क्षान्तम् एवेति प्रोक्त्वा तं वैष्णवं ज्वरम् । आत्मन्य् एव लयं निन्ये भगवान् मधुसूदनः

tataśca kṣāntam eveti proktvā taṁ vaiṣṇavaṁ jvaram ātmany eva layaṁ ninye bhagavān madhusūdanaḥ

Then, saying 'He is indeed forgiven,' the Blessed Madhusudana withdrew that Fever of Vishnu back into himself.

Verse 19 (vishnu.5.33.19)

मम त्वया समं युद्धं ये स्मरिष्यन्ति मानवाः । विज्वरास्ते भविष्यन्तीत्य् उक्त्वा चैनं ययौ ज्वरः

mama tvayā samaṁ yuddhaṁ ye smariṣyanti mānavāḥ vijvarāste bhaviṣyantīty uktvā cainaṁ yayau jvaraḥ

'Whatever men shall remember this battle of mine with you shall be free from fever' — so saying, that Fever departed from him.

Verse 20 (vishnu.5.33.20)

ततोऽग्नीन् भगवान् पञ्च जित्वा नीत्वा तथा क्षयम् । दानवानां बलं विष्णुश्चूर्णयाम् आस लीलया

tato'gnīn bhagavān pañca jitvā nītvā tathā kṣayam dānavānāṁ balaṁ viṣṇuścūrṇayām āsa līlayā

Then the Blessed Vishnu, having conquered and destroyed the five fires, crushed the army of the danavas as if in mere sport.

Verse 21 (vishnu.5.33.21)

ततः समस्तसैन्येन दैतेयानां बलेः सुतः । युयुधे शंकरश्चैव कार्तिकेयश्च शौरिणा

tataḥ samastasainyena daiteyānāṁ baleḥ sutaḥ yuyudhe śaṁkaraścaiva kārtikeyaśca śauriṇā

Then Bali's son, with the entire army of the daityas, and Shankara himself, and Kartikeya too, fought against Shauri.

Verse 22 (vishnu.5.33.22)

हरिशंकरयोर्युद्धम् अतीवासीत् सुदारुणम् । चुक्षुभुः सकला लोकाः यत्रास्त्रांशुप्रतापिताः

hariśaṁkarayoryuddham atīvāsīt sudāruṇam cukṣubhuḥ sakalā lokāḥ yatrāstrāṁśupratāpitāḥ

The battle between Hari and Shankara was exceedingly terrible; all the worlds were thrown into turmoil, scorched by the very rays of their weapons.

Verse 23 (vishnu.5.33.23)

प्रलयोऽयम् अशेषस्य जगतो नूनम् आगतः । मेनिरे त्रिदशा यत्र वर्तमाने महाहवे

pralayo'yam aśeṣasya jagato nūnam āgataḥ menire tridaśā yatra vartamāne mahāhave

'This must surely be the dissolution of the whole world, come at last!' — so the thirty gods thought, as that great battle went on.

Verse 24 (vishnu.5.33.24)

जृम्भणास्त्रेण गोविन्दो जृम्भयाम् आस शंकरम् । ततः प्रणेशुर्दैतेयाः प्रमथाश्च समन्ततः

jṛmbhaṇāstreṇa govindo jṛmbhayām āsa śaṁkaram tataḥ praṇeśurdaiteyāḥ pramathāśca samantataḥ

Govinda, with the Weapon of Yawning, overcame Shankar with a drowsy stupor; then the daityas and Shiva's hordes fled away on every side.

Verse 25 (vishnu.5.33.25)

जृम्भाभिभूतस्तु हरो रथोपस्थ उपाविशत् । न शशाक तदा योद्धुं कृष्णेनाक्लिष्टकर्मणा

jṛmbhābhibhūtastu haro rathopastha upāviśat na śaśāka tadā yoddhuṁ kṛṣṇenākliṣṭakarmaṇā

Overcome by that spell of drowsiness, Hara sank down onto his chariot-seat; he was no longer able to fight against Krishna, whose deeds are never thwarted.

Verse 26 (vishnu.5.33.26)

गरुडक्षतवाहश्च प्रद्युम्नास्त्रनिपीडितः । कृष्णहुंकारनिर्धूतशक्तिश्चापययौ गुहः

garuḍakṣatavāhaśca pradyumnāstranipīḍitaḥ kṛṣṇahuṁkāranirdhūtaśaktiścāpayayau guhaḥ

And Guha, Kartikeya, his mount wounded by Garuda, tormented by Pradyumna's weapons, his power shattered by the mere roar of Krishna, fled from the battlefield.

Verse 27 (vishnu.5.33.27)

जृम्भिते शंकरे नष्टे दैत्यसैन्ये गुहे जिते । नीते प्रमथसैन्ये च संक्षयं शार्ङ्गधन्वना

jṛmbhite śaṁkare naṣṭe daityasainye guhe jite nīte pramathasainye ca saṁkṣayaṁ śārṅgadhanvanā

With Shankara overcome by drowsiness, the daitya army destroyed, Guha defeated, and the Pramatha army brought to ruin by the wielder of the Sharnga bow —

Verse 28 (vishnu.5.33.28)

नन्दीशसंगृहीताश्वम् अधिरूढो महारथम् । बाणस्तत्राययौ योद्धुं कृष्णकार्ष्णिबलैः सह

nandīśasaṁgṛhītāśvam adhirūḍho mahāratham bāṇastatrāyayau yoddhuṁ kṛṣṇakārṣṇibalaiḥ saha

— Bana, mounted on a great chariot whose horses Nandin had gathered for him, came forth there to fight against the forces of Krishna, Pradyumna, and Bala.

Verse 29 (vishnu.5.33.29)

बलभद्रो महावीर्यो बाणसैन्यम् अनेकधा । विव्याध बाणैः प्रभ्रश्य धर्मतश्चापलायत

balabhadro mahāvīryo bāṇasainyam anekadhā vivyādha bāṇaiḥ prabhraśya dharmataścāpalāyata

The mighty Balabhadra pierced Bana's army with his arrows in many places; routed, it fled the field in disarray.

Verse 30 (vishnu.5.33.30)

आकृष्य लाङ्गलाग्रेण मुसलेनावपोथितम् । बलं बलेन ददृशे बाणो बाणैश्च चक्रिणा

ākṛṣya lāṅgalāgreṇa musalenāvapothitam balaṁ balena dadṛśe bāṇo bāṇaiśca cakriṇā

Bana saw his own army being dragged in by the point of Bala's plow and crushed beneath his pestle-mace, and struck as well by the discus-bearer's arrows.

Verse 31 (vishnu.5.33.31)

ततः कृष्णस्य बाणेन युद्धम् आसीत् समन्ततः

tataḥ kṛṣṇasya bāṇena yuddham āsīt samantataḥ

Then a battle broke out on every side between Krishna and Bana.

Verse 32 (vishnu.5.33.32)

परस्परम् इषून् दीप्तान् कायत्राणविभेदकान् । कृष्णश्चिच्छेद बाणैस्तान् बाणेन प्रहितान् शरान् । बिभेद केशवं बाणो बाणं विव्याध चक्रभृत्

parasparam iṣūn dīptān kāyatrāṇavibhedakān kṛṣṇaściccheda bāṇaistān bāṇena prahitān śarān bibheda keśavaṁ bāṇo bāṇaṁ vivyādha cakrabhṛt

Each rained blazing, armor-piercing arrows upon the other; Krishna cut down with his own shafts those arrows Bana had loosed; Bana pierced Keshava, and the discus-bearer pierced Bana in turn.

Verse 33 (vishnu.5.33.33)

मुमुचाते तथास्त्राणि बाणकृष्णौ जिगीषया । परस्परं क्षतिपरौ परमामर्षिणौ द्विज

mumucāte tathāstrāṇi bāṇakṛṣṇau jigīṣayā parasparaṁ kṣatiparau paramāmarṣiṇau dvija

Both intent on victory, O twice-born, both bent on wounding each other, both filled with utmost fury, Bana and Krishna loosed their weapons at one another.

Verse 34 (vishnu.5.33.34)

छिद्यमानेष्व् अशेषेषु शरेष्व् अस्त्रे च सीदति । प्राचुर्येण हरिर्बाणं हन्तुं चक्रे ततो मनः

chidyamāneṣv aśeṣeṣu śareṣv astre ca sīdati prācuryeṇa harirbāṇaṁ hantuṁ cakre tato manaḥ

When all their arrows had been cut down and Bana's weapons began to fail from sheer exhaustion, Hari then resolved in his mind to slay him.

Verse 35 (vishnu.5.33.35)

ततोऽर्कशतसंघाततेजसः सदृशद्युतिः । जग्राह दैत्यचक्रारिर्हरिश्चक्रं सुदर्शनम्

tato'rkaśatasaṁghātatejasaḥ sadṛśadyutiḥ jagrāha daityacakrārirhariścakraṁ sudarśanam

Then Hari, foe of the daitya hosts, radiant as the combined light of a hundred suns, took up his discus Sudarshana.

Verse 36 (vishnu.5.33.36)

मुञ्चतो बाणनाशाय तच्चक्रं मधुविद्विषः । नग्ना दैतेयविद्याभूत् कोटवी पुरतो हरेः

muñcato bāṇanāśāya taccakraṁ madhuvidviṣaḥ nagnā daiteyavidyābhūt koṭavī purato hareḥ

As the foe of Madhu released that discus for Bana's destruction, the naked sorcery-demoness Kotavi appeared before Hari.

Verse 37 (vishnu.5.33.37)

ताम् अग्रतो हरिर्दृष्ट्वा मीलिताक्षः सुदर्शनम् । मुमोच बाणम् उद्दिश्य छेत्तुं बाहुवनं रिपोः

tām agrato harirdṛṣṭvā mīlitākṣaḥ sudarśanam mumoca bāṇam uddiśya chettuṁ bāhuvanaṁ ripoḥ

Seeing her before him, Hari closed his eyes and loosed Sudarshana, aimed at Bana, to cut down the very forest of his enemy's arms.

Verse 38 (vishnu.5.33.38)

क्रमेण तत् तु बाहूनां बाणस्याच्युतचोदितम् । छेदं चक्रेऽसुरापास्तशस्त्रौघक्षपणादृतम्

krameṇa tat tu bāhūnāṁ bāṇasyācyutacoditam chedaṁ cakre'surāpāstaśastraughakṣapaṇādṛtam

Driven on by Achyuta, that discus cut down Bana's arms one after another, in the course also destroying the mass of weapons the asura had hurled.

Verse 39 (vishnu.5.33.39)

छिन्ने बाहुवने तत् तु करस्थं मधुसूदनः । मुमुक्षुर्बाणनाशाय विज्ञातस्त्रिपुरद्विषा

chinne bāhuvane tat tu karasthaṁ madhusūdanaḥ mumukṣurbāṇanāśāya vijñātastripuradviṣā

When that forest of arms had been shorn away, Madhusudana, discus once more in hand and bent now on Bana's final destruction, was recognized in this intent by the foe of Tripura.

Verse 40 (vishnu.5.33.40)

स उपेत्याह गोविन्दं सामपूर्वम् उमापतिः । विलोक्य बाणं दोर्दण्डच्छेदासृक्स्राववर्षिणम्

sa upetyāha govindaṁ sāmapūrvam umāpatiḥ vilokya bāṇaṁ dordaṇḍacchedāsṛksrāvavarṣiṇam

Seeing Bana raining blood from the stumps of his severed arms, Uma's husband approached Govinda and spoke to him first with words of conciliation:

Verse 41 (vishnu.5.33.41)

शंकर उवाच । कृष्ण कृष्ण जगन्नाथ जाने त्वां पुरुषोत्तमम् । परेशं परमात्मानम् अनादिनिधनं परम्

śaṁkara uvāca kṛṣṇa kṛṣṇa jagannātha jāne tvāṁ puruṣottamam pareśaṁ paramātmānam anādinidhanaṁ param

Shankara said: 'Krishna, Krishna, Lord of the world! I know you to be Purushottama, the Supreme Lord, the Supreme Self, without beginning or end, the Highest of all.'

Verse 42 (vishnu.5.33.42)

देवतिर्यङ्मनुष्येषु शरीरग्रहणात्मिका । लीलेयं सर्वभूतस्य तव चेष्टोपलक्षणा

devatiryaṅmanuṣyeṣu śarīragrahaṇātmikā līleyaṁ sarvabhūtasya tava ceṣṭopalakṣaṇā

'This assuming of bodily forms among gods, animals, and men is your play — merely the outward mark of your activity as the very self within all beings.'

Verse 43 (vishnu.5.33.43)

तत् प्रसीदाभयं दत्तं बाणस्यास्य मया प्रभो । तत् त्वया नानृतं कार्यं यन् मया व्याहृतं वचः

tat prasīdābhayaṁ dattaṁ bāṇasyāsya mayā prabho tat tvayā nānṛtaṁ kāryaṁ yan mayā vyāhṛtaṁ vacaḥ

'Therefore be gracious, O Lord: I have granted this Bana fearlessness; let not that word of mine be rendered false by you.'

Verse 44 (vishnu.5.33.44)

अस्मत्संश्रयवृद्धोऽयं नापराध्यस्तवाव्यय । मया दत्तवरो दैत्यस्ततस्त्वां क्षमयाम्य् अहम्

asmatsaṁśrayavṛddho'yaṁ nāparādhyastavāvyaya mayā dattavaro daityastatastvāṁ kṣamayāmy aham

'Raised up under our protection, this daitya has done you no wrong, O imperishable one; I have granted him a boon — and so I entreat your forgiveness on his behalf.'

Verse 45 (vishnu.5.33.45)

पराशर उवाच । इत्य् उक्तः प्राह गोविन्दः शूलपाणिम् उमापतिम् । प्रसन्नवदनो भूत्वा गतामर्षोऽसुरं प्रति

parāśara uvāca ity uktaḥ prāha govindaḥ śūlapāṇim umāpatim prasannavadano bhūtvā gatāmarṣo'suraṁ prati

Parashara said: Thus addressed, Govinda, his face now gracious and his anger toward the asura spent, said to the trident-bearing husband of Uma:

Verse 46 (vishnu.5.33.46)

भगवान् उवाच । युष्मद्दत्तवरो बाणो जीवताम् एष शंकर । त्वद्वाक्यगौरवाद् एतन् मया चक्रं निवर्तितम्

bhagavān uvāca yuṣmaddattavaro bāṇo jīvatām eṣa śaṁkara tvadvākyagauravād etan mayā cakraṁ nivartitam

The Blessed Lord said: 'Let this Bana, to whom you granted a boon, live on, Shankara; out of regard for your word, I have withdrawn my discus.'

Verse 47 (vishnu.5.33.47)

त्वया यद् अभयं दत्तं तद् दत्तम् अखिलं मया । मत्तोऽविभिन्नम् आत्मानं द्रष्टुम् अर्हसि शंकर

tvayā yad abhayaṁ dattaṁ tad dattam akhilaṁ mayā matto'vibhinnam ātmānaṁ draṣṭum arhasi śaṁkara

'Whatever fearlessness you have granted has been granted wholly by me as well; you should see yourself, Shankara, as not different from me.'

Verse 48 (vishnu.5.33.48)

योऽहं स त्वं जगच्चेदं सदेवासुरमानुषम् । अविद्यामोहितात्मानः पुरुषा भिन्नदर्शिनः

yo'haṁ sa tvaṁ jagaccedaṁ sadevāsuramānuṣam avidyāmohitātmānaḥ puruṣā bhinnadarśinaḥ

'Who I am, you are; and so too is this entire world, with its gods, its asuras, and its men. It is only those whose minds are deluded by ignorance who see us as separate.'

Verse 49 (vishnu.5.33.49)

पराशर उवाच । इत्य् उक्त्वा प्रययौ कृष्णः प्राद्युम्निर्यत्र तिष्ठति । तद्बन्धफणिनो नेशुर्गरुडानिलशोषिताः

parāśara uvāca ity uktvā prayayau kṛṣṇaḥ prādyumniryatra tiṣṭhati tadbandhaphaṇino neśurgaruḍānilaśoṣitāḥ

Parashara said: Having said this, Krishna went to where Pradyumna's son was held; the serpents that had bound him withered away and vanished in the wind of Garuda's wings.

Verse 50 (vishnu.5.33.50)

ततोऽनिरुद्धम् आरोप्य सपत्नीकं गरुत्मति । आजग्मुर्द्वारकां रामकार्ष्णिदामोदराः पुरीम्

tato'niruddham āropya sapatnīkaṁ garutmati ājagmurdvārakāṁ rāmakārṣṇidāmodarāḥ purīm

Then, setting Aniruddha, together with his wife, upon Garuda, Rama, Karshni, and Damodara returned to the city of Dvaraka.