Trijata's Dream

Shloka 1 (sundara.27.1)

इत्युक्ताः सीतया घोरं राक्षस्यः क्रोधमूर्च्छिताः । काश्चिज्जग्मुस्तदाख्यातुं रावणस्य दुरात्मनः ॥ 27.1 ॥

ityuktāḥ sītayā ghoraṃ rākṣasyaḥ krodhamūrcchitāḥ | kāścijjagmustadākhyātuṃ rāvaṇasya durātmanaḥ || 27.1 ||

Addressed thus terribly by Sita, the ogresses swooned with rage; some of them went to report this to the evil-minded Ravana.

Shloka 2 (sundara.27.2)

ततः सीतामुपागम्य राक्षस्यो भीमदर्शनाः । पुनः परुषमेकार्थमनर्थार्थमथाब्रुवन् ॥ 27.2 ॥

tataḥ sītāmupāgamya rākṣasyo bhīmadarśanāḥ | punaḥ paruṣamekārthamanarthārthamathābruvan || 27.2 ||

Then the fearsome-looking ogresses came near Sita again and spoke harsh words, all to one evil purpose.

Shloka 3 (sundara.27.3)

अद्येदानीं तवानार्ये सीते पापविनिश्चये । राक्षस्यो भक्षयिष्यन्ति मांसमेतद् यथासुखम् ॥ 27.3 ॥

adyedānīṃ tavānārye sīte pāpaviniścaye | rākṣasyo bhakṣayiṣyanti māṃsametad yathāsukham || 27.3 ||

"This very moment, O ignoble Sita, O one of sinful resolve, the ogresses shall devour this flesh of yours at their pleasure."

Shloka 4 (sundara.27.4)

सीतां ताभिरनार्याभिर्दृष्ट्वा संतर्जितां तदा । राक्षसी त्रिजटा वृद्धा प्रबुद्धा वाक्यमब्रवीत् ॥ 27.4 ॥

sītāṃ tābhiranāryābhirdṛṣṭvā saṃtarjitāṃ tadā | rākṣasī trijaṭā vṛddhā prabuddhā vākyamabravīt || 27.4 ||

Then, seeing Sita thus threatened by those ignoble ones, the aged ogress Trijata, who had just awoken, spoke these words.

Shloka 5 (sundara.27.5)

आत्मानं खादतानार्या न सीतां भक्षयिष्यथ । जनकस्य सुतामिष्टां स्नुषां दशरथस्य च ॥ 27.5 ॥

ātmānaṃ khādatānāryā na sītāṃ bhakṣayiṣyatha | janakasya sutāmiṣṭāṃ snuṣāṃ daśarathasya ca || 27.5 ||

"O ignoble ones, devour your own selves - you shall not eat Sita, the beloved daughter of Janaka and dear daughter-in-law of Dasaratha."

Shloka 6 (sundara.27.6)

स्वप्नो ह्यद्य मया दृष्टो दारुणो रोमहर्षणः । राक्षसानामभावाय भर्तुरस्या भवाय च ॥ 27.6 ॥

svapno hyadya mayā dṛṣṭo dāruṇo romaharṣaṇaḥ | rākṣasānāmabhāvāya bharturasyā bhavāya ca || 27.6 ||

"For I have just now seen a dreadful, hair-raising dream - one foretelling the destruction of the demons and the triumph of her husband."

Shloka 7 (sundara.27.7)

एवमुक्तास्त्रिजटया राक्षस्यः क्रोधमूर्च्छिताः । सर्वा एवाब्रुवन् भीतास्त्रिजटां तामिदं वचः ॥ 27.7 ॥

evamuktāstrijaṭayā rākṣasyaḥ krodhamūrcchitāḥ | sarvā evābruvan bhītāstrijaṭāṃ tāmidaṃ vacaḥ || 27.7 ||

Thus addressed by Trijata, the ogresses, who had swooned with rage, all now grew afraid and said this to Trijata.

Shloka 8 (sundara.27.8)

कथयस्व त्वया दृष्टः स्वप्नोऽयं कीदृशो निशि । तासां श्रुत्वा तु वचनं राक्षसीनां मुखोद्गतम् ॥ 27.8 ॥

kathayasva tvayā dṛṣṭaḥ svapno'yaṃ kīdṛśo niśi | tāsāṃ śrutvā tu vacanaṃ rākṣasīnāṃ mukhodgatam || 27.8 ||

"Tell us of what kind was this dream you saw in the night." Hearing these words come from the mouths of those ogresses,

Shloka 9 (sundara.27.9)

उवाच वचनं काले त्रिजटा स्वप्नसंश्रितम् । गजदन्तमयीं दिव्यां शिबिकामन्तरिक्षगाम् ॥ 27.9 ॥

uvāca vacanaṃ kāle trijaṭā svapnasaṃśritam | gajadantamayīṃ divyāṃ śibikāmantarikṣagām || 27.9 ||

Trijata then spoke of the dream: "A divine palanquin made of ivory, moving through the sky,

Shloka 10 (sundara.27.10)

युक्तां वाजिसहस्रेण स्वयमास्थाय राघवः । शुक्लमाल्याम्बरधरो लक्ष्मणेन समागतः ॥ 27.10 ॥

yuktāṃ vājisahasreṇa svayamāsthāya rāghavaḥ | śuklamālyāmbaradharo lakṣmaṇena samāgataḥ || 27.10 ||

yoked to a thousand horses - Raghava himself, clad in white garlands and garments, mounted upon it and arrived there together with Lakshmana."

Shloka 11 (sundara.27.11)

स्वप्ने चाद्य मया दृष्टा सीता शुक्लाम्बरावृता । सागरेण परिक्षिप्तं श्वेतपर्वतमास्थिता ॥ 27.11 ॥

svapne cādya mayā dṛṣṭā sītā śuklāmbarāvṛtā | sāgareṇa parikṣiptaṃ śvetaparvatamāsthitā || 27.11 ||

"And in that same dream I saw Sita, clad in white garments, seated upon a white mountain girded by the ocean."

Shloka 12 (sundara.27.12)

रामेण संगता सीता भास्करेण प्रभा यथा । राघवश्च पुनर्दृष्टश्चतुर्दन्तं महागजम् ॥ 27.12 ॥

rāmeṇa saṃgatā sītā bhāskareṇa prabhā yathā | rāghavaśca punardṛṣṭaścaturdantaṃ mahāgajam || 27.12 ||

"Sita was united with Rama as light is united with the sun. And I saw Raghava again, mounted upon a great four-tusked elephant,

Shloka 13 (sundara.27.13)

आरूढः शैलसंकाशं चकास सहलक्ष्मणः । ततस्तु सूर्यसंकाशौ दीप्यमानौ स्वतेजसा ॥ 27.13 ॥

ārūḍhaḥ śailasaṃkāśaṃ cakāsa sahalakṣmaṇaḥ | tatastu sūryasaṃkāśau dīpyamānau svatejasā || 27.13 ||

resembling a mountain, and shining brightly, with Lakshmana beside him. Then those two, radiant with their own splendor like the sun,

Shloka 14 (sundara.27.14)

शुक्लमाल्याम्बरधरौ जानकीं पर्युपस्थितौ । ततस्तस्य नगस्याग्रे ह्याकाशस्थस्य दन्तिनः ॥ 27.14 ॥

śuklamālyāmbaradharau jānakīṃ paryupasthitau | tatastasya nagasyāgre hyākāśasthasya dantinaḥ || 27.14 ||

clad in white garlands and garments, came near Janaki. Then, upon the head of that elephant standing in the sky,

Shloka 15 (sundara.27.15)

भर्त्रा परिगृहीतस्य जानकी स्कन्धमाश्रिता । भर्तुरङ्कात् समुत्पत्य ततः कमललोचना ॥ 27.15 ॥

bhartrā parigṛhītasya jānakī skandhamāśritā | bharturaṅkāt samutpatya tataḥ kamalalocanā || 27.15 ||

held fast by her husband, Janaki rested upon its shoulder. Then, the lotus-eyed one, rising up from her husband's lap,

Shloka 16 (sundara.27.16)

चन्द्रसूर्यौ मया दृष्टा पाणिभ्यां परिमार्जती । ततस्ताभ्यां कुमाराभ्यामास्थितः स गजोत्तमः । सीतया च विशालाक्ष्या लङ्काया उपरि स्थितः ॥ 27.16 ॥

candrasūryau mayā dṛṣṭā pāṇibhyāṃ parimārjatī | tatastābhyāṃ kumārābhyāmāsthitaḥ sa gajottamaḥ | sītayā ca viśālākṣyā laṅkāyā upari sthitaḥ || 27.16 ||

I saw her touching the moon and sun with her hands. Then that finest of elephants, mounted by those two princes and by the wide-eyed Sita, stood above Lanka.

Shloka 17 (sundara.27.17)

पाण्डुरर्षभयुक्तेन रथेनाष्टयुजा स्वयम् । इहोपयातः काकुत्स्थः सीतया सह भार्यया ॥ 27.17 ॥

pāṇḍurarṣabhayuktena rathenāṣṭayujā svayam | ihopayātaḥ kākutsthaḥ sītayā saha bhāryayā || 27.17 ||

"Then Kakutstha himself, in a chariot yoked with eight white bulls, came here together with his wife Sita."

Shloka 18 (sundara.27.18)

शुक्लमाल्याम्बरधरो लक्ष्मणेन सहागतः । ततोऽन्यत्र मया दृष्टो रामः सत्यपराक्रमः ॥ 27.18 ॥

śuklamālyāmbaradharo lakṣmaṇena sahāgataḥ | tato'nyatra mayā dṛṣṭo rāmaḥ satyaparākramaḥ || 27.18 ||

"Clad in white garlands and garments, he came together with Lakshmana. Then, elsewhere, I saw Rama of true valor,

Shloka 19 (sundara.27.19)

लक्ष्मणेन सह भ्रात्रा सीतया सह वीर्यवान् । आरुह्य पुष्पकं दिव्यं विमानं सूर्यसंनिभम् ॥ 27.19 ॥

lakṣmaṇena saha bhrātrā sītayā saha vīryavān | āruhya puṣpakaṃ divyaṃ vimānaṃ sūryasaṃnibham || 27.19 ||

the valorous one, together with his brother Lakshmana and with Sita, mounted upon the divine Pushpaka aerial car, resplendent as the sun,

Shloka 20 (sundara.27.20)

उत्तरां दिशमालोच्य प्रस्थितः पुरुषोत्तमः । एवं स्वप्ने मया दृष्टो रामो विष्णुपराक्रमः ॥ 27.20 ॥

uttarāṃ diśamālocya prasthitaḥ puruṣottamaḥ | evaṃ svapne mayā dṛṣṭo rāmo viṣṇuparākramaḥ || 27.20 ||

gazing toward the northern direction and setting forth, that most excellent of men. Thus, in the dream, I saw Rama, mighty as Vishnu,

Shloka 21 (sundara.27.21)

लक्ष्मणेन सह भ्रात्रा सीतया सह भार्यया । न हि रामो महातेजाः शक्यो जेतुं सुरासुरैः ॥ 27.21 ॥

lakṣmaṇena saha bhrātrā sītayā saha bhāryayā | na hi rāmo mahātejāḥ śakyo jetuṃ surāsuraiḥ || 27.21 ||

together with his brother Lakshmana and his wife Sita. Indeed, that greatly radiant Rama cannot be conquered by gods or demons,

Shloka 22 (sundara.27.22)

राक्षसैर्वापि चान्यैर्वा स्वर्गः पापजनैरिव । रावणश्च मया दृष्टो मुण्डस्तैलसमुक्षितः ॥ 27.22 ॥

rākṣasairvāpi cānyairvā svargaḥ pāpajanairiva | rāvaṇaśca mayā dṛṣṭo muṇḍastailasamukṣitaḥ || 27.22 ||

nor by demons, nor by any others - just as heaven cannot be won by sinners. And I saw Ravana, his head shaven, drenched in oil,

Shloka 23 (sundara.27.23)

रक्तवासाः पिबन्मत्तः करवीरकृतस्रजः । विमानात् पुष्पकादद्य रावणः पतितः क्षितौ ॥ 27.23 ॥

raktavāsāḥ pibanmattaḥ karavīrakṛtasrajaḥ | vimānāt puṣpakādadya rāvaṇaḥ patitaḥ kṣitau || 27.23 ||

"clad in red garments, drunk from drinking, garlanded with oleander flowers - this very day Ravana fell down to the earth from the Pushpaka aerial car."

Shloka 24 (sundara.27.24)

कृष्यमाणः स्त्रिया मुण्डो दृष्टः कृष्णाम्बरः पुनः । रथेन खरयुक्तेन रक्तमाल्यानुलेपनः ॥ 27.24 ॥

kṛṣyamāṇaḥ striyā muṇḍo dṛṣṭaḥ kṛṣṇāmbaraḥ punaḥ | rathena kharayuktena raktamālyānulepanaḥ || 27.24 ||

Again I saw him, his head shaven, clad in black garments, being dragged by a woman, wearing red garlands and red unguents, in a chariot yoked with donkeys,

Shloka 25 (sundara.27.25)

पिबंस्तैलं हसन्नृत्यन् भ्रान्तचित्ताकुलेन्द्रियः । गर्दभेन ययौ शीघ्रं दक्षिणां दिशमास्थितः ॥ 27.25 ॥

pibaṃstailaṃ hasannṛtyan bhrāntacittākulendriyaḥ | gardabhena yayau śīghraṃ dakṣiṇāṃ diśamāsthitaḥ || 27.25 ||

drinking oil, laughing, dancing, his mind deranged and senses in disorder, hastening upon a donkey toward the southern direction.

Shloka 26 (sundara.27.26)

पुनरेव मया दृष्टो रावणो राक्षसेश्वरः । पतितोऽवाक्शिरा भूमौ गर्दभाद् भयमोहितः ॥ 27.26 ॥

punareva mayā dṛṣṭo rāvaṇo rākṣaseśvaraḥ | patito'vākśirā bhūmau gardabhād bhayamohitaḥ || 27.26 ||

Again I saw that lord of demons, Ravana, stupefied with fear, fallen head-down upon the ground from that donkey.

Shloka 27 (sundara.27.27)

सहसोत्थाय सम्भ्रान्तो भयार्तो मदविह्वलः । उन्मत्तरूपो दिग्वासा दुर्वाक्यं प्रलपन् बहु ॥ 27.27 ॥

sahasotthāya sambhrānto bhayārto madavihvalaḥ | unmattarūpo digvāsā durvākyaṃ pralapan bahu || 27.27 ||

Rising up suddenly, bewildered, stricken with fear, overcome by intoxication, naked and looking like a madman, babbling much foul speech,

Shloka 28 (sundara.27.28)

दुर्गन्धं दुःसहं घोरं तिमिरं नरकोपमम् । मलपङ्कं प्रविश्याशु मग्नस्तत्र स रावणः ॥ 27.28 ॥

durgandhaṃ duḥsahaṃ ghoraṃ timiraṃ narakopamam | malapaṅkaṃ praviśyāśu magnastatra sa rāvaṇaḥ || 27.28 ||

that Ravana quickly plunged into a filthy mire, foul-smelling, unbearable, dreadful and dark as hell, and sank in it.

Shloka 29 (sundara.27.29)

प्रस्थितो दक्षिणामाशां प्रविष्टोऽकर्दमं ह्रदम् । कण्ठे बद्ध्वा दशग्रीवं प्रमदा रक्तवासिनी ॥ 27.29 ॥

prasthito dakṣiṇāmāśāṃ praviṣṭo'kardamaṃ hradam | kaṇṭhe baddhvā daśagrīvaṃ pramadā raktavāsinī || 27.29 ||

Having set out toward the southern quarter, he entered a slimy pool; and a woman clad in red, having bound the ten-necked one by the throat,

Shloka 30 (sundara.27.30)

काली कर्दमलिप्तांगी दिशं याम्यां प्रकर्षति । एवं तत्र मया दृष्टः कुम्भकर्णो महाबलः ॥ 27.30 ॥

kālī kardamaliptāṃgī diśaṃ yāmyāṃ prakarṣati | evaṃ tatra mayā dṛṣṭaḥ kumbhakarṇo mahābalaḥ || 27.30 ||

black-hued, her body smeared with mud, was dragging him toward the southern direction. There too I saw mighty Kumbhakarna, in the same plight,

Shloka 31 (sundara.27.31)

रावणस्य सुताः सर्वे मुण्डास्तैलसमुक्षिताः । वराहेण दशग्रीवः शिशुमारेण चेन्द्रजित् ॥ 27.31 ॥

rāvaṇasya sutāḥ sarve muṇḍāstailasamukṣitāḥ | varāheṇa daśagrīvaḥ śiśumāreṇa cendrajit || 27.31 ||

and all of Ravana's sons, their heads shaven, drenched with oil - the ten-necked one being carried off by a boar, and Indrajit by a porpoise,

Shloka 32 (sundara.27.32)

उष्ट्रेण कुम्भकर्णश्च प्रयातो दक्षिणां दिशम् । एकस्तत्र मया दृष्टः श्वेतच्छत्रो विभीषणः ॥ 27.32 ॥

uṣṭreṇa kumbhakarṇaśca prayāto dakṣiṇāṃ diśam | ekastatra mayā dṛṣṭaḥ śvetacchatro vibhīṣaṇaḥ || 27.32 ||

and Kumbhakarna carried off by a camel, all setting out toward the southern direction. Among them all, only Vibhishana I saw there beneath a white parasol,

Shloka 33 (sundara.27.33)

शुक्लमाल्याम्बरधरः शुक्लगन्धानुलेपनः । शङ्खदुन्दुभिनिर्घोषैर्नृत्तगीतैरलंकृतः ॥ 27.33 ॥

śuklamālyāmbaradharaḥ śuklagandhānulepanaḥ | śaṅkhadundubhinirghoṣairnṛttagītairalaṃkṛtaḥ || 27.33 ||

clad in white garlands and garments, anointed with white sandal paste, honored with the blare of conches and kettledrums, with dance and song,

Shloka 34 (sundara.27.34)

आरुह्य शैलसंकाशं मेघस्तनितनिःस्वनम् । चतुर्दन्तं गजं दिव्यमास्ते तत्र विभीषणः ॥ 27.34 ॥

āruhya śailasaṃkāśaṃ meghastanitaniḥsvanam | caturdantaṃ gajaṃ divyamāste tatra vibhīṣaṇaḥ || 27.34 ||

mounted upon a divine four-tusked elephant, huge as a mountain, rumbling like thunder-clouds - there Vibhishana remained,

Shloka 35 (sundara.27.35)

चतुर्भिः सचिवैः सार्धं वैहायसमुपस्थितः ॥ 27.35 ॥

caturbhiḥ sacivaiḥ sārdhaṃ vaihāyasamupasthitaḥ || 27.35 ||

together with his four ministers, risen up into the sky.

Shloka 36 (sundara.27.36)

समाजश्च महान् वृत्तो गीतवादित्रनिःस्वनः । पिबतां रक्तमाल्यानां रक्षसां रक्तवाससाम् ॥ 27.36 ॥

samājaśca mahān vṛtto gītavāditraniḥsvanaḥ | pibatāṃ raktamālyānāṃ rakṣasāṃ raktavāsasām || 27.36 ||

And there took place a great gathering, resounding with song and music, of demons clad in red garments and red garlands, drinking there;

Shloka 37 (sundara.27.37)

लङ्का चेयं पुरी रम्या सवाजिरथकुञ्जरा । सागरे पतिता दृष्टा भग्नगोपुरतोरणा ॥ 27.37 ॥

laṅkā ceyaṃ purī ramyā savājirathakuñjarā | sāgare patitā dṛṣṭā bhagnagopuratoraṇā || 27.37 ||

and this lovely city of Lanka, together with its horses, chariots and elephants, I saw fallen into the ocean, its gate-towers and arches shattered.

Shloka 38 (sundara.27.38)

लङ्का दृष्टा मया स्वप्ने रावणेनाभिरक्षिता । दग्धा रामस्य दूतेन वानरेण तरस्विना ॥ 27.38 ॥

laṅkā dṛṣṭā mayā svapne rāvaṇenābhirakṣitā | dagdhā rāmasya dūtena vānareṇa tarasvinā || 27.38 ||

In my dream I saw Lanka, though guarded by Ravana, set ablaze by a swift monkey, the messenger of Rama.

Shloka 39 (sundara.27.39)

पीत्वा तैलं प्रमत्ताश्च प्रहसन्त्यो महास्वनाः । लङ्कायां भस्मरूक्षायां सर्वा राक्षसयोषितः ॥ 27.39 ॥

pītvā tailaṃ pramattāśca prahasantyo mahāsvanāḥ | laṅkāyāṃ bhasmarūkṣāyāṃ sarvā rākṣasayoṣitaḥ || 27.39 ||

In that Lanka now grey with ashes, all the demon-women, having drunk oil and grown intoxicated, were laughing aloud with great noise,

Shloka 40 (sundara.27.40)

कुम्भकर्णादयश्चेमे सर्वे राक्षसपुंगवाः । रक्तं निवसनं गृह्य प्रविष्टा गोमयह्रदम् ॥ 27.40 ॥

kumbhakarṇādayaśceme sarve rākṣasapuṃgavāḥ | raktaṃ nivasanaṃ gṛhya praviṣṭā gomayahradam || 27.40 ||

and all these foremost demons headed by Kumbhakarna, taking up red garments, entered a pool of cow-dung.

Shloka 41 (sundara.27.41)

अपगच्छत पश्यध्वं सीतामाप्नोति राघवः । घातयेत् परमामर्षी युष्मान् सार्धं हि राक्षसैः ॥ 27.41 ॥

apagacchata paśyadhvaṃ sītāmāpnoti rāghavaḥ | ghātayet paramāmarṣī yuṣmān sārdhaṃ hi rākṣasaiḥ || 27.41 ||

'Go away! Behold, Raghava is about to win back Sita! In great fury he will slay you all, together with the other demons.'

Shloka 42 (sundara.27.42)

प्रियां बहुमतां भार्यां वनवासमनुव्रताम् । भर्त्सितां तर्जितां वापि नानुमंस्यति राघवः ॥ 27.42 ॥

priyāṃ bahumatāṃ bhāryāṃ vanavāsamanuvratām | bhartsitāṃ tarjitāṃ vāpi nānumaṃsyati rāghavaḥ || 27.42 ||

'Raghava will never forgive the threatening or the tormenting of his dear and highly cherished wife, who followed him faithfully into the forest.'

Shloka 43 (sundara.27.43)

तदलं क्रूरवाक्यैश्च सान्त्वमेवाभिधीयताम् । अभियाचाम वैदेहीमेतद्धि मम रोचते ॥ 27.43 ॥

tadalaṃ krūravākyaiśca sāntvamevābhidhīyatām | abhiyācāma vaidehīmetaddhi mama rocate || 27.43 ||

'So enough of these cruel words - let only gentle words be spoken. Let us instead entreat Vaidehi - this is what pleases me.'

Shloka 44 (sundara.27.44)

यस्या ह्येवंविधः स्वप्नो दुःखितायाः प्रदृश्यते । सा दुःखैर्बहुभिर्मुक्ता प्रियं प्राप्नोत्यनुत्तमम् ॥ 27.44 ॥

yasyā hyevaṃvidhaḥ svapno duḥkhitāyāḥ pradṛśyate | sā duḥkhairbahubhirmuktā priyaṃ prāpnotyanuttamam || 27.44 ||

'For any sorrowing woman who sees such a dream as this, she is soon released from her many sorrows and attains supreme joy.'

Shloka 45 (sundara.27.45)

भर्त्सितामपि याचध्वं राक्षस्यः किं विवक्षया । राघवाद्धि भयं घोरं राक्षसानामुपस्थितम् ॥ 27.45 ॥

bhartsitāmapi yācadhvaṃ rākṣasyaḥ kiṃ vivakṣayā | rāghavāddhi bhayaṃ ghoraṃ rākṣasānāmupasthitam || 27.45 ||

'O ogresses, entreat her even after having threatened her - what use is further talk? A dreadful fear from Raghava now hangs over all the demons.'

Shloka 46 (sundara.27.46)

प्रणिपातप्रसन्ना हि मैथिली जनकात्मजा । अलमेषा परित्रातुं राक्षस्यो महतो भयात् ॥ 27.46 ॥

praṇipātaprasannā hi maithilī janakātmajā | alameṣā paritrātuṃ rākṣasyo mahato bhayāt || 27.46 ||

'For Maithili, the daughter of Janaka, is easily won over by humble submission - she alone is able to save you, O ogresses, from this great peril.'

Shloka 47 (sundara.27.47)

अपि चास्या विशालाक्ष्या न किंचिदुपलक्षये । विरूपमपि चांगेषु सुसूक्ष्ममपि लक्षणम् ॥ 27.47 ॥

api cāsyā viśālākṣyā na kiṃcidupalakṣaye | virūpamapi cāṃgeṣu susūkṣmamapi lakṣaṇam || 27.47 ||

'Moreover, in this wide-eyed lady I can perceive not even the slightest inauspicious mark upon her limbs, however subtle.'

Shloka 48 (sundara.27.48)

छायावैगुण्यमात्रं तु शङ्के दुःखमुपस्थितम् । अदुःखार्हामिमां देवीं वैहायसमुपस्थिताम् ॥ 27.48 ॥

chāyāvaiguṇyamātraṃ tu śaṅke duḥkhamupasthitam | aduḥkhārhāmimāṃ devīṃ vaihāyasamupasthitām || 27.48 ||

'Only a slight dulling of her complexion do I notice, which I believe is due to the grief that has come upon this princess, who deserves no sorrow at all - and who in my dream stood raised into the sky.'

Shloka 49 (sundara.27.49)

अर्थसिद्धिं तु वैदेह्याः पश्याम्यहमुपस्थिताम् । राक्षसेन्द्रविनाशं च विजयं राघवस्य च ॥ 27.49 ॥

arthasiddhiṃ tu vaidehyāḥ paśyāmyahamupasthitām | rākṣasendravināśaṃ ca vijayaṃ rāghavasya ca || 27.49 ||

'I see the fulfilment of Vaidehi's purpose now close at hand, and likewise the destruction of the demon-king and the victory of Raghava.'

Shloka 50 (sundara.27.50)

निमित्तभूतमेतत् तु श्रोतुमस्या महत् प्रियम् । दृश्यते च स्फुरच्चक्षुः पद्मपत्रमिवायतम् ॥ 27.50 ॥

nimittabhūtametat tu śrotumasyā mahat priyam | dṛśyate ca sphuraccakṣuḥ padmapatramivāyatam || 27.50 ||

'This is itself an omen foretelling great joy for her, soon to be heard - and see, her long eye, like a lotus petal, is now visibly throbbing.'

Shloka 51 (sundara.27.51)

ईषद्धि हृषितो वास्या दक्षिणाया ह्यदक्षिणः । अकस्मादेव वैदेह्या बाहुरेकः प्रकम्पते ॥ 27.51 ॥

īṣaddhi hṛṣito vāsyā dakṣiṇāyā hyadakṣiṇaḥ | akasmādeva vaidehyā bāhurekaḥ prakampate || 27.51 ||

'And though she stands facing right, her left arm alone, all unbidden, has suddenly begun trembling with slight exhilaration.'

Shloka 52 (sundara.27.52)

करेणुहस्तप्रतिमः सव्यश्चोरुरनुत्तमः । वेपन् कथयतीवास्या राघवं पुरतः स्थितम् ॥ 27.52 ॥

kareṇuhastapratimaḥ savyaścoruranuttamaḥ | vepan kathayatīvāsyā rāghavaṃ purataḥ sthitam || 27.52 ||

'And her incomparable left thigh, resembling an elephant's trunk, trembles as though telling us that Raghava himself now stands before her.'

Shloka 53 (sundara.27.53)

पक्षी च शाखानिलयं प्रविष्टः पुनः पुनश्चोत्तमसान्त्ववादी । सुस्वागतां वाचमुदीरयाणः पुनः पुनश्चोदयतीव हृष्टः ॥ 27.53 ॥

pakṣī ca śākhānilayaṃ praviṣṭaḥ punaḥ punaścottamasāntvavādī | susvāgatāṃ vācamudīrayāṇaḥ punaḥ punaścodayatīva hṛṣṭaḥ || 27.53 ||

'And even a bird, entering its nest upon the branch, again and again speaks words of comfort and warm welcome, joyfully urging her on, as it were, again and again.'

Shloka 54 (sundara.27.54)

ततः सा ह्रीमती बाला भर्तुर्विजयहर्षिता । अवोचद् यदि तत् तथ्यं भवेयं शरणं हि वः ॥ 27.54 ॥

tataḥ sā hrīmatī bālā bharturvijayaharṣitā | avocad yadi tat tathyaṃ bhaveyaṃ śaraṇaṃ hi vaḥ || 27.54 ||

Then that modest young Sita, gladdened at the thought of her husband's coming victory, said: "If that be true, then I shall indeed be your refuge."