Vibhishana's Coronation

Shloka 1 (yuddha.112.1)

ते रावणवधं दृष्ट्वा देवगन्धर्वदानवाः । जग्मुः स्वैः स्वैर्विमानैस्ते कथयन्तः शुभाः कथाः ॥ 112.1 ॥

te rāvaṇavadhaṃ dṛṣṭvā devagandharvadānavāḥ | jagmuḥ svaiḥ svairvimānaiste kathayantaḥ śubhāḥ kathāḥ || 112.1 ||

Having witnessed Ravana's destruction, the gods, gandharvas, and danavas went away, each in his own aerial chariot, recounting the auspicious tale to one another.

Shloka 2 (yuddha.112.2)

रावणस्य वधं घोरं राघवस्य पराक्रमम् । सुयुद्धं वानराणां च सुग्रीवस्य च मन्त्रितम् ॥ 112.2 ॥

rāvaṇasya vadhaṃ ghoraṃ rāghavasya parākramam | suyuddhaṃ vānarāṇāṃ ca sugrīvasya ca mantritam || 112.2 ||

They spoke of Ravana's terrible death, Raghava's valor, the splendid battle fought by the vanaras, and the counsel given by Sugriva,

Shloka 3 (yuddha.112.3)

अनुरागं च वीर्यं च सौमित्रे र्लक्ष्मणस्य च । पतिव्रतात्वं सीताया हनूमति पराक्रमम् । कथयन्तो महाभागा जग्मुर्हृष्टा यथागतम् ॥ 112.3 ॥

anurāgaṃ ca vīryaṃ ca saumitre rlakṣmaṇasya ca | pativratātvaṃ sītāyā hanūmati parākramam | kathayanto mahābhāgā jagmurhṛṣṭā yathāgatam || 112.3 ||

and of the affection and valor of Lakshmana, son of Sumitra, of Sita's devotion to her husband, and of Hanuman's might — thus conversing among themselves, those illustrious beings returned, greatly delighted, the way they had come.

Shloka 4 (yuddha.112.4)

राघवस्तु रथं दिव्यमिन्द्रदत्तं शिखिप्रभम् । अनुज्ञाप्य महाबाहुर्मातलिं प्रत्यपूजयत् ॥ 112.4 ॥

rāghavastu rathaṃ divyamindradattaṃ śikhiprabham | anujñāpya mahābāhurmātaliṃ pratyapūjayat || 112.4 ||

Then mighty-armed Raghava, taking leave of the divine chariot given by Indra, which shone like fire, respectfully honored Matali.

Shloka 5 (yuddha.112.5)

राघवेणाभ्यनुज्ञातो मातलिः शक्रसारथिः । दिव्यं तं रथमास्थाय दिवमेवोत्पपात ह ॥ 112.5 ॥

rāghaveṇābhyanujñāto mātaliḥ śakrasārathiḥ | divyaṃ taṃ rathamāsthāya divamevotpapāta ha || 112.5 ||

Given leave by Raghava, Matali, Indra's charioteer, mounted that divine chariot and rose straight up into heaven.

Shloka 6 (yuddha.112.6)

तस्मिंस्तु दिवमारूढे सरथे रथिनां वरः । राघवः परमप्रीतः सुग्रीवं परिषस्वजे ॥ 112.6 ॥

tasmiṃstu divamārūḍhe sarathe rathināṃ varaḥ | rāghavaḥ paramaprītaḥ sugrīvaṃ pariṣasvaje || 112.6 ||

When Matali had ascended to heaven with his chariot, Raghava, foremost among charioteers, filled with great joy, embraced Sugriva.

Shloka 7 (yuddha.112.7)

परिष्वज्य च सुग्रीवं लक्ष्मणेनाभिवादितः । पूज्यमानो हरिगणैराजगाम बलालयम् ॥ 112.7 ॥

pariṣvajya ca sugrīvaṃ lakṣmaṇenābhivāditaḥ | pūjyamāno harigaṇairājagāma balālayam || 112.7 ||

Having embraced Sugriva, greeted by Lakshmana, and honored by the ranks of vanaras, he came to the army's encampment.

Shloka 8 (yuddha.112.8)

अथोवाच स काकुत्स्थः समीपपरिवर्तिनम् । सौमित्रिं सत्त्वसम्पन्नं लक्ष्मणं शुभलक्षणम् ॥ 112.8 ॥

athovāca sa kākutsthaḥ samīpaparivartinam | saumitriṃ sattvasampannaṃ lakṣmaṇaṃ śubhalakṣaṇam || 112.8 ||

Then Kakutstha spoke to Lakshmana, son of Sumitra, who stood nearby, endowed with strength and marked by every auspicious sign.

Shloka 9 (yuddha.112.9)

विभीषणमिमं सौम्य लङ्कायामभिषेचय । अनुरक्तं च भक्तं च तथा पूर्वोपकारिणम् ॥ 112.9 ॥

vibhīṣaṇamimaṃ saumya laṅkāyāmabhiṣecaya | anuraktaṃ ca bhaktaṃ ca tathā pūrvopakāriṇam || 112.9 ||

"Gentle one, consecrate this Vibhishana as king in Lanka — one devoted and loyal to us, who has already rendered us great service."

Shloka 10 (yuddha.112.10)

एष मे परमः कामो यदिमं रावणानुजम् । लङ्कायां सौम्य पश्येयमभिषिक्तं विभीषणम् ॥ 112.10 ॥

eṣa me paramaḥ kāmo yadimaṃ rāvaṇānujam | laṅkāyāṃ saumya paśyeyamabhiṣiktaṃ vibhīṣaṇam || 112.10 ||

"This is my dearest wish, gentle one — that I should see this Vibhishana, Ravana's brother, consecrated in Lanka."

Shloka 11 (yuddha.112.11)

एवमुक्तस्तु सौमित्री राघवेण महात्मना । तथेत्युक्त्वा सुसंहृष्टः सौवर्णं घटमाददे ॥ 112.11 ॥

evamuktastu saumitrī rāghaveṇa mahātmanā | tathetyuktvā susaṃhṛṣṭaḥ sauvarṇaṃ ghaṭamādade || 112.11 ||

Thus addressed by the great-souled Raghava, Lakshmana said, "So be it," and joyfully took up a golden pitcher.

Shloka 12 (yuddha.112.12)

तं घटं वानरेन्द्राणां हस्ते दत्त्वा मनोजवान् । व्यादिदेश महासत्त्वान् समुद्रसलिलं तदा ॥ 112.12 ॥

taṃ ghaṭaṃ vānarendrāṇāṃ haste dattvā manojavān | vyādideśa mahāsattvān samudrasalilaṃ tadā || 112.12 ||

Placing that pitcher in the hands of the vanara chiefs, that mighty one then commanded those thought-swift, powerful vanaras to bring seawater.

Shloka 13 (yuddha.112.13)

अतिशीघ्रं ततो गत्वा वानरास्ते मनोजवाः । आगतास्तु जलं गृह्य समुद्राद् वानरोत्तमाः ॥ 112.13 ॥

atiśīghraṃ tato gatvā vānarāste manojavāḥ | āgatāstu jalaṃ gṛhya samudrād vānarottamāḥ || 112.13 ||

Then those thought-swift, foremost vanaras went most swiftly and returned, having brought water from the sea.

Shloka 14 (yuddha.112.14)

ततस्त्वेकं घटं गृह्य संस्थाप्य परमासने ॥ 112.14 ॥

tatastvekaṃ ghaṭaṃ gṛhya saṃsthāpya paramāsane || 112.14 ||

Then, taking one pitcher and seating Vibhishana upon the royal throne,

Shloka 15 (yuddha.112.15)

घटेन तेन सौमित्रिरभ्यषिञ्चद् विभीषणम् । लङ्कायां रक्षसां मध्ये राजानं रामशासनात् । विधिना मन्त्रदृष्टेन सुहृद्गणसमावृतम् ॥ 112.15 ॥

ghaṭena tena saumitrirabhyaṣiñcad vibhīṣaṇam | laṅkāyāṃ rakṣasāṃ madhye rājānaṃ rāmaśāsanāt | vidhinā mantradṛṣṭena suhṛdgaṇasamāvṛtam || 112.15 ||

Lakshmana, surrounded by his circle of friends, sprinkled Vibhishana with water from that pitcher there amid the rakshasas, in accordance with the mantra-prescribed rite, making him king of Lanka at Rama's command.

Shloka 16 (yuddha.112.16)

अभ्यषिञ्चस्तदा सर्वे राक्षसा वानरास्तथा । प्रहर्षमतुलं गत्वा तुष्टुवू राममेव ह ॥ 112.16 ॥

abhyaṣiñcastadā sarve rākṣasā vānarāstathā | praharṣamatulaṃ gatvā tuṣṭuvū rāmameva ha || 112.16 ||

Then all the rakshasas and the vanaras alike consecrated him, and filled with boundless joy, they extolled Rama himself.

Shloka 17 (yuddha.112.17)

तस्यामात्या जहृषिरे भक्ता ये चास्य राक्षसाः । दृष्ट्वाभिषिक्तं लङ्कायां राक्षसेन्द्रं विभीषणम् ॥ 112.17 ॥

tasyāmātyā jahṛṣire bhaktā ye cāsya rākṣasāḥ | dṛṣṭvābhiṣiktaṃ laṅkāyāṃ rākṣasendraṃ vibhīṣaṇam || 112.17 ||

His counsellors, and those rakshasas devoted to him, rejoiced to see Vibhishana, lord of the rakshasas, consecrated on the throne of Lanka.

Shloka 18 (yuddha.112.18)

राघवः परमां प्रीतिं जगाम सहलक्ष्मणः । स तद् राज्यं महत् प्राप्य रामदत्तं विभीषणः ॥ 112.18 ॥

rāghavaḥ paramāṃ prītiṃ jagāma sahalakṣmaṇaḥ | sa tad rājyaṃ mahat prāpya rāmadattaṃ vibhīṣaṇaḥ || 112.18 ||

Raghava, together with Lakshmana, was filled with the greatest delight; and Vibhishana too, having obtained that great kingdom bestowed on him by Rama, was equally overjoyed.

Shloka 19 (yuddha.112.19)

प्रकृतीः सान्त्ययित्वा च ततो राममुपागमत् ॥ 112.19 ॥

prakṛtīḥ sāntyayitvā ca tato rāmamupāgamat || 112.19 ||

After consoling his people, Vibhishana then came into Rama's presence.

Shloka 20 (yuddha.112.20)

दध्यक्षतान् मोदकांश्च लाजाः सुमनसस्तथा । आजह्रुरथ संहृष्टाः पौरास्तस्मै निशाचराः ॥ 112.20 ॥

dadhyakṣatān modakāṃśca lājāḥ sumanasastathā | ājahruratha saṃhṛṣṭāḥ paurāstasmai niśācarāḥ || 112.20 ||

And the rakshasas dwelling in the city, greatly delighted, brought to him curds, unbroken rice-grains, sweets, parched grain, and flowers as offerings.

Shloka 21 (yuddha.112.21)

स तान् गृहीत्वा दुर्धर्षो राघवाय न्यवेदयत् । मङ्गल्यं मङ्गलं सर्वं लक्ष्मणाय च वीर्यवान् ॥ 112.21 ॥

sa tān gṛhītvā durdharṣo rāghavāya nyavedayat | maṅgalyaṃ maṅgalaṃ sarvaṃ lakṣmaṇāya ca vīryavān || 112.21 ||

Accepting them, the unconquerable, valiant Vibhishana joyfully offered all those auspicious things to Rama and to Lakshmana.

Shloka 22 (yuddha.112.22)

कृतकार्यं समृद्धार्थं दृष्ट्वा रामो विभीषणम् । प्रतिजग्राह तत् सर्वं तस्यैव प्रतिकाम्यया ॥ 112.22 ॥

kṛtakāryaṃ samṛddhārthaṃ dṛṣṭvā rāmo vibhīṣaṇam | pratijagrāha tat sarvaṃ tasyaiva pratikāmyayā || 112.22 ||

Seeing Vibhishana, his purpose accomplished and his fortune restored, Rama accepted all those offerings, solely to gratify him.

Shloka 23 (yuddha.112.23)

ततह् शैलोपमं वीरं प्राञ्जलिं प्रणतं स्थितम् । उवाचेदं वचो रामो हनूमन्तं प्लवङ्गमम् ॥ 112.23 ॥

tatah śailopamaṃ vīraṃ prāñjaliṃ praṇataṃ sthitam | uvācedaṃ vaco rāmo hanūmantaṃ plavaṅgamam || 112.23 ||

Then Rama spoke these words to the valiant vanara Hanuman, who stood mountain-like before him, humbly bowed with palms joined in reverence.

Shloka 24 (yuddha.112.24)

अनुज्ञाप्य महाराजमिमं सौम्य विभीषणम् । प्रविश्य नगरीं लङ्कां कौशलं ब्रूहि मैथिलीम् ॥ 112.24 ॥

anujñāpya mahārājamimaṃ saumya vibhīṣaṇam | praviśya nagarīṃ laṅkāṃ kauśalaṃ brūhi maithilīm || 112.24 ||

"Gentle one, take leave of this great king Vibhishana, enter the city of Lanka, and tell Maithili of our well-being."

Shloka 25 (yuddha.112.25)

वैदेह्यै मां कुशलिनं सुग्रीवं च सलक्ष्मणम् । आचक्ष्व वदतां श्रेष्ठ रावणं च हतं रणे ॥ 112.25 ॥

vaidehyai māṃ kuśalinaṃ sugrīvaṃ ca salakṣmaṇam | ācakṣva vadatāṃ śreṣṭha rāvaṇaṃ ca hataṃ raṇe || 112.25 ||

"Tell Vaidehi, best of speakers, that I am well, together with Lakshmana and Sugriva, and that Ravana has been slain in battle."

Shloka 26 (yuddha.112.26)

प्रियमेतदुदाहृत्य वैदेह्यास्त्वं हरीश्वर । प्रतिगृह्य च संदेशमुपावर्तितुमर्हसि ॥ 112.26 ॥

priyametadudāhṛtya vaidehyāstvaṃ harīśvara | pratigṛhya ca saṃdeśamupāvartitumarhasi || 112.26 ||

"Having delivered this welcome news to Vaidehi, lord of the vanaras, you should return, bearing back her message."