Yuddha Kanda · Sarga 90
The Death of Indrajit
Shloka 1 (yuddha.90.1)
स हताश्वो महातेजा भूमौ तिष्ठन् निशाचरः। इन्द्रजित् परमक्रुद्धः सम्प्रजज्वाल तेजसा ॥ 90.1 ॥
sa hatāśvo mahātejā bhūmau tiṣṭhan niśācaraḥ| indrajit paramakruddhaḥ samprajajvāla tejasā || 90.1 ||
Standing on the ground, his horses slain, that greatly splendoured demon Indrajit, filled with towering rage, blazed with fiery energy.
Shloka 2 (yuddha.90.2)
तौ धन्विनौ जिघांसन्तावन्योन्यमिषुभिर्भृशम्। विजयेनाभिनिष्क्रान्तौ वने गजवृषाविव ॥ 90.2 ॥
tau dhanvinau jighāṃsantāvanyonyamiṣubhirbhṛśam| vijayenābhiniṣkrāntau vane gajavṛṣāviva || 90.2 ||
Those two archers, bows in hand, each bent fiercely on slaying the other with arrows, were like two mighty tuskers advancing to battle in a forest for mastery.
Shloka 3 (yuddha.90.3)
निबर्हयन्तश्चान्योन्यं ते राक्षसवनौकसः। भर्तारं न जहुर्युद्धे सम्पतन्तस्ततस्ततः ॥ 90.3 ॥
nibarhayantaścānyonyaṃ te rākṣasavanaukasaḥ| bhartāraṃ na jahuryuddhe sampatantastatastataḥ || 90.3 ||
Rushing at each other from every side, those demons and forest-dwellers destroyed one another, yet none deserted his master in the battle.
Shloka 4 (yuddha.90.4)
ततस्तान् राक्षसान् सर्वान् हर्षयन् रावणात्मजः। स्तुन्वानो हर्षमाणश्च इदं वचनमब्रवीत् ॥ 90.4 ॥
tatastān rākṣasān sarvān harṣayan rāvaṇātmajaḥ| stunvāno harṣamāṇaśca idaṃ vacanamabravīt || 90.4 ||
Then Indrajit, cheering on all those demons, himself exultant and praising them, spoke these words:
Shloka 5 (yuddha.90.5)
तमसा बहुलेनेमाः संसक्ताः सर्वतो दिशः। नेह विज्ञायते स्वो वा परो वा राक्षसोत्तमाः ॥ 90.5 ॥
tamasā bahulenemāḥ saṃsaktāḥ sarvato diśaḥ| neha vijñāyate svo vā paro vā rākṣasottamāḥ || 90.5 ||
"O foremost of demons, these quarters are wrapped on every side in thick darkness; here one cannot tell friend from foe."
Shloka 6 (yuddha.90.6)
धृष्टं भवन्तो युध्यन्तु हरीणां मोहनाय वै। अहं तु रथमास्थाय आगमिष्यामि संयुगे ॥ 90.6 ॥
dhṛṣṭaṃ bhavanto yudhyantu harīṇāṃ mohanāya vai| ahaṃ tu rathamāsthāya āgamiṣyāmi saṃyuge || 90.6 ||
"You fight on boldly, so as to confound the monkeys; I, for my part, shall mount another chariot and return to this battle."
Shloka 7 (yuddha.90.7)
तथा भवन्तः कुर्वन्तु यथेमे हि वनौकसः। न युध्येयुर्महात्मानः प्रविष्टे नगरं मयि ॥ 90.7 ॥
tathā bhavantaḥ kurvantu yatheme hi vanaukasaḥ| na yudhyeyurmahātmānaḥ praviṣṭe nagaraṃ mayi || 90.7 ||
"Act in such a way that these forest-dwellers do not press the fight while I have entered the city."
Shloka 8 (yuddha.90.8)
इत्युक्त्वा रावणसुतो वञ्चयित्वा वनौकसः। प्रविवेश पुरीं लङ्कां रथहेतोरमित्रहा ॥ 90.8 ॥
ityuktvā rāvaṇasuto vañcayitvā vanaukasaḥ| praviveśa purīṃ laṅkāṃ rathahetoramitrahā || 90.8 ||
So saying, that destroyer of foes, the son of Ravana, deceiving the forest-dwellers, entered the city of Lanka to fetch another chariot.
Shloka 9 (yuddha.90.9)
स रथं भूषयित्वाथ रुचिरं हेमभूषितम्। प्रासासिशरसंयुक्तं युक्तं परमवाजिभिः ॥ 90.9 ॥
sa rathaṃ bhūṣayitvātha ruciraṃ hemabhūṣitam| prāsāsiśarasaṃyuktaṃ yuktaṃ paramavājibhiḥ || 90.9 ||
There he had a beautiful chariot got ready, decked with gold, fitted with darts, swords and arrows, and yoked with the finest horses,
Shloka 10 (yuddha.90.10)
अधिष्ठितं हयज्ञेन सूतेनाप्तोपदेशिना। आरुरोह महातेजा रावणिः समितिंजयः ॥ 90.10 ॥
adhiṣṭhitaṃ hayajñena sūtenāptopadeśinā| āruroha mahātejā rāvaṇiḥ samitiṃjayaḥ || 90.10 ||
guided by a charioteer skilled in horses and trustworthy in counsel; and that greatly splendoured Indrajit, ever victorious in battle, mounted it.
Shloka 11 (yuddha.90.11)
स राक्षसगणैर्मुख्यैर्वृतो मन्दोदरीसुतः। निर्ययौ नगराद् वीरः कृतान्तबलचोदितः ॥ 90.11 ॥
sa rākṣasagaṇairmukhyairvṛto mandodarīsutaḥ| niryayau nagarād vīraḥ kṛtāntabalacoditaḥ || 90.11 ||
That valiant son of Mandodari, surrounded by troops of eminent demons and driven on by the force of destiny, sallied forth from the city.
Shloka 12 (yuddha.90.12)
सोऽभिनिष्क्रम्य नगरादिन्द्रजित् परमौजसा। अभ्ययाज्जवनैरश्वैर्लक्ष्मणं सविभीषणम् ॥ 90.12 ॥
so'bhiniṣkramya nagarādindrajit paramaujasā| abhyayājjavanairaśvairlakṣmaṇaṃ savibhīṣaṇam || 90.12 ||
Coming out of the city with his utmost strength, Indrajit, drawn by his swift horses, advanced upon Lakshmana and Vibhishana.
Shloka 13 (yuddha.90.13)
ततो रथस्थमालोक्य सौमित्री रावणात्मजम्। वानराश्च महावीर्या राक्षसश्च विभीषणः ॥ 90.13 ॥
tato rathasthamālokya saumitrī rāvaṇātmajam| vānarāśca mahāvīryā rākṣasaśca vibhīṣaṇaḥ || 90.13 ||
Then, seeing the son of Ravana seated once more in a chariot, Lakshmana, the mighty monkeys, and Vibhishana the demon --
Shloka 14 (yuddha.90.14)
विस्मयं परमं जग्मुर्लाघवात् तस्य धीमतः। रावणिश्चापि संक्रुद्धो रणे वानरयूथपान् ॥ 90.14 ॥
vismayaṃ paramaṃ jagmurlāghavāt tasya dhīmataḥ| rāvaṇiścāpi saṃkruddho raṇe vānarayūthapān || 90.14 ||
were struck with the greatest wonder at the wise Indrajit's swiftness of hand. And that enraged son of Ravana, in the battle, struck down the monkey-chiefs --
Shloka 15 (yuddha.90.15)
पातयामास बाणौघैः शतशोऽथ सहस्रशः। स मण्डलीकृतधनू रावणिः समितिंजयः ॥ 90.15 ॥
pātayāmāsa bāṇaughaiḥ śataśo'tha sahasraśaḥ| sa maṇḍalīkṛtadhanū rāvaṇiḥ samitiṃjayaḥ || 90.15 ||
by the hundred, by the thousand, with volleys of arrows. Bending his bow into a circle, that ever-victorious Indrajit --
Shloka 16 (yuddha.90.16)
हरीनभ्यहनत् क्रुद्धः परं लाघवमास्थितः। ते वध्यमाना हरयो नाराचैर्भीमविक्रमाः ॥ 90.16 ॥
harīnabhyahanat kruddhaḥ paraṃ lāghavamāsthitaḥ| te vadhyamānā harayo nārācairbhīmavikramāḥ || 90.16 ||
with supreme agility, fell in fury upon the monkeys. Those monkeys of terrible prowess, thus slain by his steel arrows,
Shloka 17 (yuddha.90.17)
सौमित्रिं शरणं प्राप्ताः प्रजापतिमिव प्रजाः। ततः समरकोपेन ज्वलितो रघुनन्दनः। चिच्छेद कार्मुकं तस्य दर्शयन् पाणिलाघवम् ॥ 90.17 ॥
saumitriṃ śaraṇaṃ prāptāḥ prajāpatimiva prajāḥ| tataḥ samarakopena jvalito raghunandanaḥ| ciccheda kārmukaṃ tasya darśayan pāṇilāghavam || 90.17 ||
sought refuge in Lakshmana, as creatures take refuge in the Lord of Creation himself. Then Lakshmana, blazing with the fury of battle, showing the swiftness of his hand, sundered Indrajit's bow.
Shloka 18 (yuddha.90.18)
सोऽन्यत्कार्मुकमादाय सज्यं चक्रे त्वरन्निव। तदप्यस्य त्रिभिर्बाणैर्लक्ष्मणो निरकृन्तत ॥ 90.18 ॥
so'nyatkārmukamādāya sajyaṃ cakre tvaranniva| tadapyasya tribhirbāṇairlakṣmaṇo nirakṛntata || 90.18 ||
Hastily he seized another bow and strung it; but Lakshmana cut that one too to pieces with three arrows.
Shloka 19 (yuddha.90.19)
अथैनं छिन्नधन्वानमाशीविषविषोपमैः। विव्याधोरसि सौमित्री रावणिं पञ्चभिः शरैः ॥ 90.19 ॥
athainaṃ chinnadhanvānamāśīviṣaviṣopamaiḥ| vivyādhorasi saumitrī rāvaṇiṃ pañcabhiḥ śaraiḥ || 90.19 ||
Then, with his bow shattered, Lakshmana pierced Indrajit's chest with five arrows, deadly as the venom of serpents.
Shloka 20 (yuddha.90.20)
ते तस्य कायं निर्भिद्य महाकार्मुकनिःसृताः। निपेतुर्धरणीं बाणा रक्ता इव महोरगाः ॥ 90.20 ॥
te tasya kāyaṃ nirbhidya mahākārmukaniḥsṛtāḥ| nipeturdharaṇīṃ bāṇā raktā iva mahoragāḥ || 90.20 ||
Those arrows, shot from that mighty bow, pierced through his body and fell to the ground like great red serpents.
Shloka 21 (yuddha.90.21)
स च्छिन्नधन्वा रुधिरं वमन् वक्त्रेण रावणिः। जग्राह कार्मुकश्रेष्ठं दृढज्यं बलवत्तरम् ॥ 90.21 ॥
sa cchinnadhanvā rudhiraṃ vaman vaktreṇa rāvaṇiḥ| jagrāha kārmukaśreṣṭhaṃ dṛḍhajyaṃ balavattaram || 90.21 ||
His bow shattered, his mouth vomiting blood, Indrajit seized yet another excellent bow, firmly strung and stronger still.
Shloka 22 (yuddha.90.22)
स लक्ष्मणं समुद्दिश्य परं लाघवमास्थितः। ववर्ष शरवर्षाणि वर्षाणीव पुरंदरः ॥ 90.22 ॥
sa lakṣmaṇaṃ samuddiśya paraṃ lāghavamāsthitaḥ| vavarṣa śaravarṣāṇi varṣāṇīva puraṃdaraḥ || 90.22 ||
Aiming at Lakshmana and displaying supreme agility, he poured down showers of arrows, as Indra pours down the rain.
Shloka 23 (yuddha.90.23)
मुक्तमिन्द्रजिता तत्तु शरवर्षमरिंदमः। आवारयदसम्भ्रान्तो लक्ष्मणः सुदुरासदम् ॥ 90.23 ॥
muktamindrajitā tattu śaravarṣamariṃdamaḥ| āvārayadasambhrānto lakṣmaṇaḥ sudurāsadam || 90.23 ||
That shower of arrows, released by Indrajit and well-nigh unbearable, Lakshmana, the tamer of foes, warded off calmly, without the least perturbation.
Shloka 24 (yuddha.90.24)
संदर्शयामास तदा रावणिं रघुनन्दनः। असम्भ्रान्तो महातेजास्तदद्भुतमिवाभवत् ॥ 90.24 ॥
saṃdarśayāmāsa tadā rāvaṇiṃ raghunandanaḥ| asambhrānto mahātejāstadadbhutamivābhavat || 90.24 ||
Then Lakshmana, greatly splendoured and unperturbed, displayed his own prowess to Indrajit -- a sight that seemed truly wondrous.
Shloka 25 (yuddha.90.25)
ततस्तान् राक्षसान् सर्वांस्त्रिभिरेकैकमाहवे। अविध्यत् परमक्रुद्धः शीघ्रास्त्रं सम्प्रदर्शयन्। राक्षसेन्द्रसुतं चापि बाणौघैः समताडयत् ॥ 90.25 ॥
tatastān rākṣasān sarvāṃstribhirekaikamāhave| avidhyat paramakruddhaḥ śīghrāstraṃ sampradarśayan| rākṣasendrasutaṃ cāpi bāṇaughaiḥ samatāḍayat || 90.25 ||
Then, filled with towering rage and displaying his swiftness with weapons, Lakshmana pierced every one of those demons in the battle with three arrows each, and struck the son of the demon-king too with volleys of arrows.
Shloka 26 (yuddha.90.26)
सोऽतिविद्धो बलवता शत्रुणा शत्रुघातिना। असक्तं प्रेषयामास लक्ष्मणाय बहून् शरान् ॥ 90.26 ॥
so'tividdho balavatā śatruṇā śatrughātinā| asaktaṃ preṣayāmāsa lakṣmaṇāya bahūn śarān || 90.26 ||
Sorely wounded by that mighty, foe-slaying enemy, Indrajit loosed a ceaseless stream of arrows at Lakshmana in return.
Shloka 27 (yuddha.90.27)
तानप्राप्तान् शितैर्बाणैश्चिच्छेद परवीरहा। सारथेरस्य च रणे रथिनो रथसत्तमः ॥ 90.27 ॥
tānaprāptān śitairbāṇaiściccheda paravīrahā| sāratherasya ca raṇe rathino rathasattamaḥ || 90.27 ||
Lakshmana, the destroyer of valiant foes, cut those arrows apart with his sharp shafts before they could reach him; and, best of charioteers himself, he then struck at the head of that charioteer of Indrajit, the warrior on his chariot, in that battle --
Shloka 28 (yuddha.90.28)
शिरो जहार धर्मात्मा भल्लेनानतपर्वणा। असूतास्ते हयास्तत्र रथमूहुरविक्लवाः ॥ 90.28 ॥
śiro jahāra dharmātmā bhallenānataparvaṇā| asūtāste hayāstatra rathamūhuraviklavāḥ || 90.28 ||
with a curve-jointed Bhalla arrow, that righteous Lakshmana carried it away. Those horses, now bereft of their driver, undaunted, kept drawing the chariot on --
Shloka 29 (yuddha.90.29)
मण्डलान्यभिधावन्ति तदद्भुतमिवाभवत्। अमर्षवशमापन्नः सौमित्रिर्दृढविक्रमः ॥ 90.29 ॥
maṇḍalānyabhidhāvanti tadadbhutamivābhavat| amarṣavaśamāpannaḥ saumitrirdṛḍhavikramaḥ || 90.29 ||
running in circles -- a truly wondrous sight. Then Lakshmana of unyielding valour, overcome with indignation,
Shloka 30 (yuddha.90.30)
प्रत्यविध्यद्धयांस्तस्य शरैर्वित्रासयन् रणे। अमर्षमाणस्तत्कर्म रावणस्य सुतो रणे ॥ 90.30 ॥
pratyavidhyaddhayāṃstasya śarairvitrāsayan raṇe| amarṣamāṇastatkarma rāvaṇasya suto raṇe || 90.30 ||
pierced his horses too, terrifying them with his arrows in that battle; and Ravana's son, unable to bear that deed of his in the fight,
Shloka 31 (yuddha.90.31)
विव्याध दशभिर्बाणैः सौमित्रिं तममर्षणम्। ते तस्य वज्रप्रतिमाः शराः सर्पविषोपमाः। विलयं जग्मुरागत्य कवचं काञ्चनप्रभम् ॥ 90.31 ॥
vivyādha daśabhirbāṇaiḥ saumitriṃ tamamarṣaṇam| te tasya vajrapratimāḥ śarāḥ sarpaviṣopamāḥ| vilayaṃ jagmurāgatya kavacaṃ kāñcanaprabham || 90.31 ||
struck that indignant Lakshmana with ten arrows. But those shafts of his, though like thunderbolts and deadly as serpent-venom, on reaching Lakshmana's gold-gleaming armour, were shattered and came to nothing.
Shloka 32 (yuddha.90.32)
अभेद्यकवचं मत्वा लक्ष्मणं रावणात्मजः। ललाटे लक्ष्मणं बाणैः सुपुङ्खैस्त्रिभिरिन्द्रजित् ॥ 90.32 ॥
abhedyakavacaṃ matvā lakṣmaṇaṃ rāvaṇātmajaḥ| lalāṭe lakṣmaṇaṃ bāṇaiḥ supuṅkhaistribhirindrajit || 90.32 ||
Seeing that Lakshmana's armour could not be pierced, the son of Ravana, Indrajit, then struck Lakshmana in the forehead with three fine-feathered arrows,
Shloka 33 (yuddha.90.33)
अविध्यत् परमक्रुद्धः शीघ्रमस्त्रं प्रदर्शयन्। तैः पृषत्कैर्ललाटस्थैः शुशुभे रघुनन्दनः ॥ 90.33 ॥
avidhyat paramakruddhaḥ śīghramastraṃ pradarśayan| taiḥ pṛṣatkairlalāṭasthaiḥ śuśubhe raghunandanaḥ || 90.33 ||
filled with the utmost fury and showing his own swiftness with the missile. With those arrows planted in his forehead, Lakshmana shone all the more,
Shloka 34 (yuddha.90.34)
रणाग्रे समरश्लाघी त्रिशृङ्ग इव पर्वतः। स तथाप्यर्दितो बाणै राक्षसेन तदा मृधे ॥ 90.34 ॥
raṇāgre samaraślāghī triśṛṅga iva parvataḥ| sa tathāpyardito bāṇai rākṣasena tadā mṛdhe || 90.34 ||
delighting in that combat at the head of the battle, like a mountain with three peaks. Yet, tormented thus by that demon's arrows in the fray,
Shloka 35 (yuddha.90.35)
तमाशु प्रतिविव्याध लक्ष्मणः पञ्चभिः शरैः। विकृष्येन्द्रजितो युद्धे वदने शुभकुण्डले ॥ 90.35 ॥
tamāśu prativivyādha lakṣmaṇaḥ pañcabhiḥ śaraiḥ| vikṛṣyendrajito yuddhe vadane śubhakuṇḍale || 90.35 ||
Lakshmana quickly drew his bow and struck him back with five arrows, straight into Indrajit's face with its lovely earrings.
Shloka 36 (yuddha.90.36)
लक्ष्मणेन्द्रजितौ वीरौ महाबलशरासनौ। अन्योन्यं जघ्नतुर्वीरौ विशिखैर्भीमविक्रमौ ॥ 90.36 ॥
lakṣmaṇendrajitau vīrau mahābalaśarāsanau| anyonyaṃ jaghnaturvīrau viśikhairbhīmavikramau || 90.36 ||
Lakshmana and Indrajit, those two heroes of tremendous might and mighty bows, of terrible prowess, struck at each other with their sharp shafts.
Shloka 37 (yuddha.90.37)
ततः शोणितदिग्धाङ्गौ लक्ष्मणेन्द्रजितावुभौ। रणे तौ रेजतुर्वीरौ पुष्पिताविव किंशुकौ ॥ 90.37 ॥
tataḥ śoṇitadigdhāṅgau lakṣmaṇendrajitāvubhau| raṇe tau rejaturvīrau puṣpitāviva kiṃśukau || 90.37 ||
Then, their bodies both smeared with blood, Lakshmana and Indrajit shone in that battle like two Kimshuka trees in full bloom.
Shloka 38 (yuddha.90.38)
तौ परस्परमभ्येत्य सर्वगात्रेषु धन्विनौ। घोरैर्विव्यधतुर्बाणैः कृतभावावुभौ जये ॥ 90.38 ॥
tau parasparamabhyetya sarvagātreṣu dhanvinau| ghorairvivyadhaturbāṇaiḥ kṛtabhāvāvubhau jaye || 90.38 ||
Those two bowmen, each set upon victory, closed with one another and pierced each other's every limb with dreadful arrows.
Shloka 39 (yuddha.90.39)
ततः समरकोपेन संयुतो रावणात्मजः। विभीषणं त्रिभिर्बाणैर्विव्याध वदने शुभे ॥ 90.39 ॥
tataḥ samarakopena saṃyuto rāvaṇātmajaḥ| vibhīṣaṇaṃ tribhirbāṇairvivyādha vadane śubhe || 90.39 ||
Then Indrajit, filled with the fury of battle, struck Vibhishana in his handsome face with three arrows.
Shloka 40 (yuddha.90.40)
अयोमुखैस्त्रिभिर्विद्ध्वा राक्षसेन्द्रं विभीषणम्। एकैकेनाभिविव्याध तान् सर्वान् हरियूथपान् ॥ 90.40 ॥
ayomukhaistribhirviddhvā rākṣasendraṃ vibhīṣaṇam| ekaikenābhivivyādha tān sarvān hariyūthapān || 90.40 ||
Having pierced Vibhishana, that lord of demons, with three iron-tipped arrows, Indrajit then struck each of the monkey-chiefs with a single arrow apiece.
Shloka 41 (yuddha.90.41)
तस्मै दृढतरं क्रुद्धो जघान गदया हयान्। विभीषणो महातेजा रावणेः स दुरात्मनः ॥ 90.41 ॥
tasmai dṛḍhataraṃ kruddho jaghāna gadayā hayān| vibhīṣaṇo mahātejā rāvaṇeḥ sa durātmanaḥ || 90.41 ||
Vibhishana, of great splendour, blazing with far greater fury at that assault, struck down with his mace the horses of that evil-souled Indrajit.
Shloka 42 (yuddha.90.42)
स हताश्वादवप्लुत्य रथान्निहतसारथेः। अथ शक्तिं महातेजाः पितृव्याय मुमोच ह ॥ 90.42 ॥
sa hatāśvādavaplutya rathānnihatasāratheḥ| atha śaktiṃ mahātejāḥ pitṛvyāya mumoca ha || 90.42 ||
Leaping down from his chariot, its charioteer already slain and its horses now killed, that greatly splendoured Indrajit hurled a javelin at his uncle.
Shloka 43 (yuddha.90.43)
तामापतन्तीं सम्प्रेक्ष्य सुमित्रानन्दवर्धनः। चिच्छेद निशितैर्बाणैर्दशधापातयद् भुवि ॥ 90.43 ॥
tāmāpatantīṃ samprekṣya sumitrānandavardhanaḥ| ciccheda niśitairbāṇairdaśadhāpātayad bhuvi || 90.43 ||
Seeing that javelin hurtling towards him, Lakshmana, the joy of Sumitra, cut it into ten pieces with his sharp arrows and cast it down to the ground.
Shloka 44 (yuddha.90.44)
तस्मै दृढधनुः क्रुद्धो हताश्वाय विभीषणः। वज्रस्पर्शसमान् पञ्च ससर्जोरसि मार्गणान् ॥ 90.44 ॥
tasmai dṛḍhadhanuḥ kruddho hatāśvāya vibhīṣaṇaḥ| vajrasparśasamān pañca sasarjorasi mārgaṇān || 90.44 ||
Vibhishana, that strong-bowed one, in anger drove five arrows, whose blow was like the thunderbolt's, into the chest of Indrajit, his horses now dead.
Shloka 45 (yuddha.90.45)
ते तस्य कायं भित्त्वा तु रुक्मपुङ्खा निमित्तगाः। बभूवुर्लोहितादिग्धा रक्ता इव महोरगाः ॥ 90.45 ॥
te tasya kāyaṃ bhittvā tu rukmapuṅkhā nimittagāḥ| babhūvurlohitādigdhā raktā iva mahoragāḥ || 90.45 ||
Those golden-shafted arrows, finding their mark, pierced through his body and, stained with blood, became like great red serpents.
Shloka 46 (yuddha.90.46)
स पितृव्यस्य संक्रुद्ध इन्द्रजिच्छरमाददे। उत्तमं रक्षसां मध्ये यमदत्तं महाबलः ॥ 90.46 ॥
sa pitṛvyasya saṃkruddha indrajiccharamādade| uttamaṃ rakṣasāṃ madhye yamadattaṃ mahābalaḥ || 90.46 ||
Enraged at his uncle, mighty Indrajit, there amid the demons, took up an excellent arrow that Yama had once given him.
Shloka 47 (yuddha.90.47)
तं समीक्ष्य महातेजा महेषुं तेन संहितम्। लक्ष्मणोऽप्याददे बाणमन्यद् भीमपराक्रमः ॥ 90.47 ॥
taṃ samīkṣya mahātejā maheṣuṃ tena saṃhitam| lakṣmaṇo'pyādade bāṇamanyad bhīmaparākramaḥ || 90.47 ||
Seeing that great arrow now fitted to his bow, Lakshmana too, greatly splendoured and terrible in prowess, took up another arrow --
Shloka 48 (yuddha.90.48)
कुबेरेण स्वयं स्वप्ने यद् दत्तममितात्मना। दुर्जयं दुर्विषह्यं च सेन्द्रैरपि सुरासुरैः ॥ 90.48 ॥
kubereṇa svayaṃ svapne yad dattamamitātmanā| durjayaṃ durviṣahyaṃ ca sendrairapi surāsuraiḥ || 90.48 ||
one that Kubera himself, of boundless glory, had once given him in a dream, unconquerable and unbearable even for gods and demons together with Indra.
Shloka 49 (yuddha.90.49)
तयोस्तु धनुषी श्रेष्ठे बाहुभिः परिघोपमैः। विकृष्यमाणे बलवत् क्रौञ्चाविव चुकूजतुः ॥ 90.49 ॥
tayostu dhanuṣī śreṣṭhe bāhubhiḥ parighopamaiḥ| vikṛṣyamāṇe balavat krauñcāviva cukūjatuḥ || 90.49 ||
Drawn with great force by their bar-like arms, the excellent bows of both of them cried out like a pair of curlew birds.
Shloka 50 (yuddha.90.50)
ताभ्यां तु धनुषि श्रेष्ठे संहितौ सायकोत्तमौ। विकृष्यमाणौ वीराभ्यां भृशं जज्वलतुः श्रिया ॥ 90.50 ॥
tābhyāṃ tu dhanuṣi śreṣṭhe saṃhitau sāyakottamau| vikṛṣyamāṇau vīrābhyāṃ bhṛśaṃ jajvalatuḥ śriyā || 90.50 ||
Those two excellent arrows, fitted to their excellent bows and drawn back by those two heroes, blazed forth exceedingly with splendour.
Shloka 51 (yuddha.90.51)
तौ भासयन्तावाकाशं धनुर्भ्यां विशिखौ च्युतौ। मुखेन मुखमाहत्य संनिपेततुरोजसा ॥ 90.51 ॥
tau bhāsayantāvākāśaṃ dhanurbhyāṃ viśikhau cyutau| mukhena mukhamāhatya saṃnipetaturojasā || 90.51 ||
Those two shafts, loosed from the bows, lighting up the sky, met head-on with tremendous force and collided in mid-air.
Shloka 52 (yuddha.90.52)
संनिपातस्तयोश्चासीच्छरयोर्घोररूपयोः। सधूमविस्फुलिङ्गश्च तज्जोऽग्निर्दारुणोऽभवत् ॥ 90.52 ॥
saṃnipātastayoścāsīccharayorghorarūpayoḥ| sadhūmavisphuliṅgaśca tajjo'gnirdāruṇo'bhavat || 90.52 ||
The clash of those two terrible arrows produced a fearsome fire, filled with smoke and sparks.
Shloka 53 (yuddha.90.53)
तौ महाग्रहसंकाशावन्योन्यं संनिपत्य च। संग्रामे शतधा यातौ मेदिन्यां चैव पेततुः ॥ 90.53 ॥
tau mahāgrahasaṃkāśāvanyonyaṃ saṃnipatya ca| saṃgrāme śatadhā yātau medinyāṃ caiva petatuḥ || 90.53 ||
Colliding with each other like two great planets, in that battle they shattered into a hundred pieces and fell to the earth.
Shloka 54 (yuddha.90.54)
शरौ प्रतिहतौ दृष्ट्वा तावुभौ रणमूर्धनि। व्रीडितौ जातरोषौ च लक्ष्मणेन्द्रजितौ तदा ॥ 90.54 ॥
śarau pratihatau dṛṣṭvā tāvubhau raṇamūrdhani| vrīḍitau jātaroṣau ca lakṣmaṇendrajitau tadā || 90.54 ||
Seeing their arrows thus checked there at the height of battle, Lakshmana and Indrajit, both of them, felt ashamed and grew still more enraged.
Shloka 55 (yuddha.90.55)
सुसंरब्धस्तु सौमित्रिरस्त्रं वारुणमाददे। रौद्रं महेन्द्रजिद् युद्धेऽप्यसृजद् युधि निष्ठितः ॥ 90.55 ॥
susaṃrabdhastu saumitrirastraṃ vāruṇamādade| raudraṃ mahendrajid yuddhe'pyasṛjad yudhi niṣṭhitaḥ || 90.55 ||
Lakshmana, greatly agitated, then took up the Varuna missile; and mighty Indrajit, unwavering in that battle, discharged the Rudra missile against him.
Shloka 56 (yuddha.90.56)
तेन तद्विहितं शस्त्रं वारुणं परमाद्भुतम्। ततः क्रुद्धो महातेजा इन्द्रजित् समितिंजयः। आग्नेयं संदधे दीप्तं स लोकं संक्षिपन्निव ॥ 90.56 ॥
tena tadvihitaṃ śastraṃ vāruṇaṃ paramādbhutam| tataḥ kruddho mahātejā indrajit samitiṃjayaḥ| āgneyaṃ saṃdadhe dīptaṃ sa lokaṃ saṃkṣipanniva || 90.56 ||
By it, that wondrous Varuna weapon was struck down. Then Indrajit, greatly splendoured, ever-victorious and now enraged, as though he would consume the very world, took up the blazing Agneya missile.
Shloka 57 (yuddha.90.57)
सौरेणास्त्रेण तद् वीरो लक्ष्मणः पर्यवारयत्। अस्त्रं निवारितं दृष्ट्वा रावणिः क्रोधमूर्च्छितः ॥ 90.57 ॥
saureṇāstreṇa tad vīro lakṣmaṇaḥ paryavārayat| astraṃ nivāritaṃ dṛṣṭvā rāvaṇiḥ krodhamūrcchitaḥ || 90.57 ||
That valiant Lakshmana warded it off with the Saura, the sun-missile. Seeing his weapon thus repelled, Indrajit was overcome with rage,
Shloka 58 (yuddha.90.58)
आददे निशितं बाणमासुरं शत्रुदारणम्। तस्माच्चापाद् विनिष्पेतुर्भास्वराः कूटमुद्गराः ॥ 90.58 ॥
ādade niśitaṃ bāṇamāsuraṃ śatrudāraṇam| tasmāccāpād viniṣpeturbhāsvarāḥ kūṭamudagarāḥ || 90.58 ||
and took up a sharp, demonic arrow that could rend an enemy apart. From that bow there burst forth gleaming hidden hammers,
Shloka 59 (yuddha.90.59)
शूलानि च भुशुण्ड्यश्च गदाः खड्गाः परश्वधाः। तद् दृष्ट्वा लक्ष्मणः संख्ये घोरमस्त्रमथासुरम् ॥ 90.59 ॥
śūlāni ca bhuśuṇḍyaśca gadāḥ khaḍgāḥ paraśvadhāḥ| tad dṛṣṭvā lakṣmaṇaḥ saṃkhye ghoramastramathāsuram || 90.59 ||
tridents, fire-weapons, maces, swords and axes rushed forth. Seeing that terrible demonic weapon in the battle,
Shloka 60 (yuddha.90.60)
अवार्यं सर्वभूतानां सर्वशस्त्रविदारणम्। माहेश्वरेण द्युतिमांस्तदस्त्रं प्रत्यवारयत् ॥ 90.60 ॥
avāryaṃ sarvabhūtānāṃ sarvaśastravidāraṇam| māheśvareṇa dyutimāṃstadastraṃ pratyavārayat || 90.60 ||
irresistible to all beings and capable of tearing apart every weapon, radiant Lakshmana warded off that weapon with the Maheshvara missile.
Shloka 61 (yuddha.90.61)
तयोः समभवद् युद्धमद्भुतं रोमहर्षणम्। गगनस्थानि भूतानि लक्ष्मणं पर्यवारयन् ॥ 90.61 ॥
tayoḥ samabhavad yuddhamadbhutaṃ romaharṣaṇam| gaganasthāni bhūtāni lakṣmaṇaṃ paryavārayan || 90.61 ||
Between the two of them there arose a marvellous battle, one that made the hair stand on end; and the beings dwelling in the sky gathered around Lakshmana.
Shloka 62 (yuddha.90.62)
भैरवाभिरुते भीमे युद्धे वानररक्षसाम्। भूतैर्बहुभिराकाशं विस्मितैरावृतं बभौ ॥ 90.62 ॥
bhairavābhirute bhīme yuddhe vānararakṣasām| bhūtairbahubhirākāśaṃ vismitairāvṛtaṃ babhau || 90.62 ||
In that terrible battle between the monkeys and demons, resounding with fearsome cries, the sky, thronged with countless astonished beings, shone bright.
Shloka 63 (yuddha.90.63)
ऋषयः पितरो देवा गन्धर्वगरुडोरगाः। शतक्रतुं पुरस्कृत्य ररक्षुर्लक्ष्मणं रणे ॥ 90.63 ॥
ṛṣayaḥ pitaro devā gandharvagaruḍoragāḥ| śatakratuṃ puraskṛtya rarakṣurlakṣmaṇaṃ raṇe || 90.63 ||
The sages, the ancestral spirits, the gods, the Gandharvas, Garudas and serpent-folk, with Indra of the hundred sacrifices at their head, all protected Lakshmana in that battle.
Shloka 64 (yuddha.90.64)
अथान्यं मार्गणश्रेष्ठं संदधे राघवानुजः। हुताशनसमस्पर्शं रावणात्मजदारणम् ॥ 90.64 ॥
athānyaṃ mārgaṇaśreṣṭhaṃ saṃdadhe rāghavānujaḥ| hutāśanasamasparśaṃ rāvaṇātmajadāraṇam || 90.64 ||
Then Rama's younger brother fitted to his bow another excellent shaft, its touch like fire itself, capable of rending Ravana's son asunder,
Shloka 65 (yuddha.90.65)
सुपत्रमनुवृत्ताङ्गं सुपर्वाणं सुसंस्थितम्। सुवर्णविकृतं वीरः शरीरान्तकरं शरम् ॥ 90.65 ॥
supatramanuvṛttāṅgaṃ suparvāṇaṃ susaṃsthitam| suvarṇavikṛtaṃ vīraḥ śarīrāntakaraṃ śaram || 90.65 ||
finely feathered, of smooth and rounded shape, well-jointed and perfectly wrought, adorned with gold, that heroic Lakshmana fitted the shaft that could end a body's life --
Shloka 66 (yuddha.90.66)
दुरावारं दुर्विषहं राक्षसानां भयावहम्। आशीविषविषप्रख्यं देवसंघैः समर्चितम् ॥ 90.66 ॥
durāvāraṃ durviṣahaṃ rākṣasānāṃ bhayāvaham| āśīviṣaviṣaprakhyaṃ devasaṃghaiḥ samarcitam || 90.66 ||
hard to ward off, hard to withstand, a terror to demons, deadly as a venomous serpent's poison, and honoured by the hosts of gods --
Shloka 67 (yuddha.90.67)
येन शक्रो महातेजा दानवानजयत् प्रभुः। पुरा देवासुरे युद्धे वीर्यवान् हरिवाहनः ॥ 90.67 ॥
yena śakro mahātejā dānavānajayat prabhuḥ| purā devāsure yuddhe vīryavān harivāhanaḥ || 90.67 ||
the very arrow by which mighty Indra, lord of the green-horsed chariot, valiant and greatly splendoured, had once conquered the Danavas in the war between gods and demons.
Shloka 68 (yuddha.90.68)
अथैन्द्रमस्त्रं सौमित्रिः संयुगेष्वपराजितम्। शरश्रेष्ठं धनुश्रेष्ठे विकर्षन्निदमब्रवीत् ॥ 90.68 ॥
athaindramastraṃ saumitriḥ saṃyugeṣvaparājitam| śaraśreṣṭhaṃ dhanuśreṣṭhe vikarṣannidamabravīt || 90.68 ||
Then Lakshmana, fitting to his excellent bow that excellent shaft, the Aindra missile never defeated in battle, and drawing it back, spoke these words:
Shloka 69 (yuddha.90.69)
लक्ष्मीवाँल्लक्ष्मणो वाक्यमर्थसाधकमात्मनः। धर्मात्मा सत्यसंधश्च रामो दाशरथिर्यदि। पौरुषे चाप्रतिद्वन्द्वस्तदैनं जहि रावणिम् ॥ 90.69 ॥
lakṣmīvā~llakṣmaṇo vākyamarthasādhakamātmanaḥ| dharmātmā satyasaṃdhaśca rāmo dāśarathiryadi| pauruṣe cāpratidvandvastadainaṃ jahi rāvaṇim || 90.69 ||
"If Rama, son of Dasharatha, is righteous of soul, true to his vows, and unrivalled in valour, then, O arrow, slay this Indrajit."
Shloka 70 (yuddha.90.70)
इत्युक्त्वा बाणमाकर्णं विकृष्य तमजिह्मगम्। लक्ष्मणः समरे वीरः ससर्जेन्द्रजितं प्रति। ऐन्द्रास्त्रेण समायुज्य लक्ष्मणः परवीरहा ॥ 90.70 ॥
ityuktvā bāṇamākarṇaṃ vikṛṣya tamajihmagam| lakṣmaṇaḥ samare vīraḥ sasarjendrajitaṃ prati| aindrāstreṇa samāyujya lakṣmaṇaḥ paravīrahā || 90.70 ||
So saying, and drawing that unerring arrow back to his ear, valiant Lakshmana loosed it at Indrajit in that battle; and, charging it with the Aindra missile, Lakshmana, the destroyer of valiant foes --
Shloka 71 (yuddha.90.71)
तच्छिरः सशिरस्त्राणं श्रीमज्ज्वलितकुण्डलम्। प्रमथ्येन्द्रजितः कायात् पातयामास भूतले ॥ 90.71 ॥
tacchiraḥ saśirastrāṇaṃ śrīmajjvalitakuṇḍalam| pramathyendrajitaḥ kāyāt pātayāmāsa bhūtale || 90.71 ||
severed that glorious head of Indrajit, adorned with its head-guard and blazing earrings, from his body, and cast it down upon the ground.
Shloka 72 (yuddha.90.72)
तद् राक्षसतनूजस्य भिन्नस्कन्धं शिरो महत्। तपनीयनिभं भूमौ ददृशे रुधिरोक्षितम् ॥ 90.72 ॥
tad rākṣasatanūjasya bhinnaskandhaṃ śiro mahat| tapanīyanibhaṃ bhūmau dadṛśe rudhirokṣitam || 90.72 ||
That great head of the demon's son, sundered from its shoulders, stained with blood, was seen lying on the ground, gleaming like gold.
Shloka 73 (yuddha.90.73)
हतः स निपपाताथ धरण्यां रावणात्मजः। कवची सशिरस्त्राणो विप्रविद्धशरासनः ॥ 90.73 ॥
hataḥ sa nipapātātha dharaṇyāṃ rāvaṇātmajaḥ| kavacī saśirastrāṇo vipraviddhaśarāsanaḥ || 90.73 ||
Slain, the son of Ravana then fell to the earth, still in his armour and head-guard, his bow flung far away.
Shloka 74 (yuddha.90.74)
चुक्रुशुस्ते ततः सर्वे वानराः सविभीषणाः। हृष्यन्ते निहते तस्मिन् देवा वृत्रवधे यथा ॥ 90.74 ॥
cukruśuste tataḥ sarve vānarāḥ savibhīṣaṇāḥ| hṛṣyante nihate tasmin devā vṛtravadhe yathā || 90.74 ||
Then all the monkeys, together with Vibhishana, cried out in joy at his death, exulting as the gods once exulted at the slaying of Vritra.
Shloka 75 (yuddha.90.75)
अथान्तरिक्षे देवानामृषीणां च महात्मनाम्। जज्ञेऽथ जयसंनादो गन्धर्वाप्सरसामपि ॥ 90.75 ॥
athāntarikṣe devānāmṛṣīṇāṃ ca mahātmanām| jajñe'tha jayasaṃnādo gandharvāpsarasāmapi || 90.75 ||
Then, in the sky, a triumphant shout arose from the gods and the great-souled sages, and from the Gandharvas and Apsaras too.
Shloka 76 (yuddha.90.76)
पतितं समभिज्ञाय राक्षसी सा महाचमूः। वध्यमाना दिशो भेजे हरिभिर्जितकाशिभिः ॥ 90.76 ॥
patitaṃ samabhijñāya rākṣasī sā mahācamūḥ| vadhyamānā diśo bheje haribhirjitakāśibhiḥ || 90.76 ||
Realizing that he had fallen, that great army of demons, cut down by the triumphant monkeys, fled in every direction.
Shloka 77 (yuddha.90.77)
वानरैर्वध्यमानास्ते शस्त्राण्युत्सृज्य राक्षसाः। लङ्कामभिमुखाः सस्रुर्भ्रष्टसंज्ञाः प्रधाविताः ॥ 90.77 ॥
vānarairvadhyamānāste śastrāṇyutsṛjya rākṣasāḥ| laṅkāmabhimukhāḥ sasrurbhraṣṭasaṃjñāḥ pradhāvitāḥ || 90.77 ||
Struck down by the monkeys, those demons, casting away their weapons, senseless and running headlong, streamed towards Lanka.
Shloka 78 (yuddha.90.78)
दुद्रुवुर्बहुधा भीता राक्षसाः शतशो दिशः। त्यक्त्वा प्रहरणान् सर्वे पट्टिशासिपरश्वधान् ॥ 90.78 ॥
dudruvurbahudhā bhītā rākṣasāḥ śataśo diśaḥ| tyaktvā praharaṇān sarve paṭṭiśāsiparaśvadhān || 90.78 ||
Frightened, those demons, by the hundred, fled in every direction, all of them abandoning their weapons -- spears, swords and axes.
Shloka 79 (yuddha.90.79)
केचिल्लङ्कां परित्रस्ताः प्रविष्टा वानरार्दिताः। समुद्रे पतिताः केचित् केचित् पर्वतमाश्रिताः ॥ 90.79 ॥
kecillaṅkāṃ paritrastāḥ praviṣṭā vānarārditāḥ| samudre patitāḥ kecit kecit parvatamāśritāḥ || 90.79 ||
Some, terrified and harried by the monkeys, fled into Lanka; some fell into the sea; some took refuge in the mountains.
Shloka 80 (yuddha.90.80)
हतमिन्द्रजितं दृष्ट्वा शयानं च रणक्षितौ। राक्षसानां सहस्रेषु न कश्चित् प्रत्यदृश्यत ॥ 90.80 ॥
hatamindrajitaṃ dṛṣṭvā śayānaṃ ca raṇakṣitau| rākṣasānāṃ sahasreṣu na kaścit pratyadṛśyata || 90.80 ||
Seeing Indrajit slain, lying upon the field of battle, not one among the thousands of demons was to be seen anywhere.
Shloka 81 (yuddha.90.81)
यथास्तं गत आदित्ये नावतिष्ठन्ति रश्मयः। तथा तस्मिन् निपतिते राक्षसास्ते गता दिशः ॥ 90.81 ॥
yathāstaṃ gata āditye nāvatiṣṭhanti raśmayaḥ| tathā tasmin nipatite rākṣasāste gatā diśaḥ || 90.81 ||
As the sun's rays vanish when the sun itself has set, so too, once he had fallen, those demons scattered to every quarter.
Shloka 82 (yuddha.90.82)
शान्तरश्मिरिवादित्यो निर्वाण इव पावकः। बभूव स महाबाहुर्व्यपास्तगतजीवितः ॥ 90.82 ॥
śāntaraśmirivādityo nirvāṇa iva pāvakaḥ| babhūva sa mahābāhurvyapāstagatajīvitaḥ || 90.82 ||
That mighty-armed one, his life now cast away, lay like the sun with its rays grown still, like fire that has gone out.
Shloka 83 (yuddha.90.83)
प्रशान्तपीडाबहुलो विनष्टारिः प्रहर्षवान्। बभूव लोकः पतिते राक्षसेन्द्रसुते तदा ॥ 90.83 ॥
praśāntapīḍābahulo vinaṣṭāriḥ praharṣavān| babhūva lokaḥ patite rākṣasendrasute tadā || 90.83 ||
When that son of the demon-king had fallen, the whole world, its many afflictions now stilled and its enemy destroyed, was filled with rejoicing.
Shloka 84 (yuddha.90.84)
हर्षं च शक्रो भगवान् सह सर्वैर्महर्षिभिः। जगाम निहते तस्मिन् राक्षसे पापकर्मणि ॥ 90.84 ॥
harṣaṃ ca śakro bhagavān saha sarvairmaharṣibhiḥ| jagāma nihate tasmin rākṣase pāpakarmaṇi || 90.84 ||
And when that demon of sinful deeds was slain, the blessed Indra, together with all the great sages, was filled with joy.
Shloka 85 (yuddha.90.85)
आकाशे चापि देवानां शुश्रुवे दुन्दुभिस्वनः। नृत्यद्भिरप्सरोभिश्च गन्धर्वैश्च महात्मभिः ॥ 90.85 ॥
ākāśe cāpi devānāṃ śuśruve dundubhisvanaḥ| nṛtyadbhirapsarobhiśca gandharvaiśca mahātmabhiḥ || 90.85 ||
In the sky too was heard the sound of the gods' kettle-drums, amid dancing Apsaras and the great-souled Gandharvas.
Shloka 86 (yuddha.90.86)
ववर्षुः पुष्पवर्षाणि तदद्भुतमिवाभवत्। प्रशशाम हते तस्मिन् राक्षसे क्रूरकर्मणि ॥ 90.86 ॥
vavarṣuḥ puṣpavarṣāṇi tadadbhutamivābhavat| praśaśāma hate tasmin rākṣase krūrakarmaṇi || 90.86 ||
Showers of flowers rained down -- a truly wondrous sight; and with that cruel-deeded demon slain, all turmoil was stilled.
Shloka 87 (yuddha.90.87)
शुद्धा आपो नभश्चैव जहृषुर्देवदानवाः। आजग्मुः पतिते तस्मिन् सर्वलोकभयावहे ॥ 90.87 ॥
śuddhā āpo nabhaścaiva jahṛṣurdevadānavāḥ| ājagmuḥ patite tasmin sarvalokabhayāvahe || 90.87 ||
The waters and the very sky grew clear; the gods and demons rejoiced and gathered there, now that he who had terrorized all the worlds had fallen.
Shloka 88 (yuddha.90.88)
ऊचुश्च सहितास्तुष्टा देवगन्धर्वदानवाः। विज्वराः शान्तकलुषा ब्राह्मणा विचरन्त्विति ॥ 90.88 ॥
ūcuśca sahitāstuṣṭā devagandharvadānavāḥ| vijvarāḥ śāntakaluṣā brāhmaṇā vicarantviti || 90.88 ||
The gods, Gandharvas and demons, all together and well pleased, declared: "Now let the Brahmins walk about freely, their fever gone, their troubles stilled."
Shloka 89 (yuddha.90.89)
ततोऽभ्यनन्दन् संहृष्टाः समरे हरियूथपाः। तमप्रतिबलं दृष्ट्वा हतं नैर्ऋतपुङ्गवम् ॥ 90.89 ॥
tato'bhyanandan saṃhṛṣṭāḥ samare hariyūthapāḥ| tamapratibalaṃ dṛṣṭvā hataṃ nairṛtapuṅgavam || 90.89 ||
Then the monkey-chiefs, overjoyed, seeing that unrivalled bull among demons slain, applauded Lakshmana in that battle.
Shloka 90 (yuddha.90.90)
विभीषणो हनूमांश्च जाम्बवांश्चर्क्षयूथपः। विजयेनाभिनन्दन्तस्तुष्टुवुश्चापि लक्ष्मणम् ॥ 90.90 ॥
vibhīṣaṇo hanūmāṃśca jāmbavāṃścarkṣayūthapaḥ| vijayenābhinandantastuṣṭuvuścāpi lakṣmaṇam || 90.90 ||
Vibhishana, Hanuman, and Jambavan the lord of bears, rejoicing in that victory, praised and honoured Lakshmana.
Shloka 91 (yuddha.90.91)
क्ष्वेडन्तश्च प्लवन्तश्च गर्जन्तश्च प्लवंगमाः। लब्धलक्षा रघुसुतं परिवार्योपतस्थिरे ॥ 90.91 ॥
kṣveḍantaśca plavantaśca garjantaśca plavaṃgamāḥ| labdhalakṣā raghusutaṃ parivāryopatasthire || 90.91 ||
Shouting, leaping and roaring, the monkeys, their purpose now achieved, gathered around and stood encircling Rama's brother.
Shloka 92 (yuddha.90.92)
लाङ्गूलानि प्रविध्यन्तः स्फोटयन्तश्च वानराः। लक्ष्मणो जयतीत्येव वाक्यं विश्रावयंस्तदा ॥ 90.92 ॥
lāṅgūlāni pravidhyantaḥ sphoṭayantaśca vānarāḥ| lakṣmaṇo jayatītyeva vākyaṃ viśrāvayaṃstadā || 90.92 ||
Whirling and cracking their tails, the monkeys then rang out the cry, "Victory to Lakshmana!"
Shloka 93 (yuddha.90.93)
अन्योन्यं च समाश्लिष्य हरयो हृष्टमानसाः। चक्रुरुच्चावचगुणा राघवाश्रयसत्कथाः ॥ 90.93 ॥
anyonyaṃ ca samāśliṣya harayo hṛṣṭamānasāḥ| cakruruccāvacaguṇā rāghavāśrayasatkathāḥ || 90.93 ||
Embracing one another, their hearts full of joy, the monkeys spoke of many kinds, praising the virtues and the deeds of Lakshmana.
Shloka 94 (yuddha.90.94)
तदसुकरमथाभिवीक्ष्य हृष्टाः प्रियसुहृदो युधि लक्ष्मणस्य कर्म। परममुपलभन्मनःप्रहर्षं विनिहतमिन्द्ररिपुं निशम्य देवाः ॥ 90.94 ॥
tadasukaramathābhivīkṣya hṛṣṭāḥ priyasuhṛdo yudhi lakṣmaṇasya karma| paramamupalabhanmanaḥpraharṣaṃ vinihatamindraripuṃ niśamya devāḥ || 90.94 ||
Then the gods, beholding that arduous feat of Lakshmana, their beloved friend, in battle, and hearing that the enemy of Indra had been slain, were filled with the deepest joy of heart.