The Contest over the Ashvins' Right to Soma

Verse 1 (devibhagavatam.7.6.1)

जनमेजय उवाच । च्यवनेन कथं वैद्यौ तौ कृतौ सोमपायिनौ । वचनं च कथं सत्यं जातं तस्य महात्मनः

janamejaya uvāca cyavanena kathaṁ vaidyau tau kṛtau somapāyinau vacanaṁ ca kathaṁ satyaṁ jātaṁ tasya mahātmanaḥ

Janamejaya said: How did Chyavana make those two physicians drinkers of Soma? And how did the word of that great soul come true?

Verse 2 (devibhagavatam.7.6.2)

मानुषस्य बलं कीदृग्देवराजबलं प्रति । निषिद्धौ भिषजौ तेन कृतौ तौ सोमपायिनौ

mānuṣasya balaṁ kīdṛgdevarājabalaṁ prati niṣiddhau bhiṣajau tena kṛtau tau somapāyinau

What is the strength of a mortal against the strength of the king of the gods, that he made those two physicians, who had been forbidden, into drinkers of Soma?

Verse 3 (devibhagavatam.7.6.3)

धर्मनिष्ठ तदाश्चर्यं विस्तरेण वद प्रभो । चरितं च्यवनस्याद्य श्रोतुकामोऽस्मि सर्वथा

dharmaniṣṭha tadāścaryaṁ vistareṇa vada prabho caritaṁ cyavanasyādya śrotukāmo'smi sarvathā

O righteous one, tell me that wondrous event in full, O lord; I wish in every way to hear today of Chyavana's deed.

Verse 4 (devibhagavatam.7.6.4)

व्यास उवाच । निशामय महाराज चरितं परमाद्भुतम् । च्यवनस्य मखे तस्मिञ्छर्यातेर्भुवि भारत

vyāsa uvāca niśāmaya mahārāja caritaṁ paramādbhutam cyavanasya makhe tasmiñcharyāterbhuvi bhārata

Vyasa said: Listen, O great king, to this most wondrous deed of Chyavana at that sacrifice of Sharyati on earth, O descendant of Bharata.

Verse 5 (devibhagavatam.7.6.5)

सुकन्यां सुन्दरीं प्राप्य च्यवनः सुरसन्निभः । विजहार प्रसन्नात्मा देवकन्यामिवापरः

sukanyāṁ sundarīṁ prāpya cyavanaḥ surasannibhaḥ vijahāra prasannātmā devakanyāmivāparaḥ

Having obtained the beautiful Sukanya, Chyavana, now resembling a god, sported joyfully with her, like another god with a celestial maiden.

Verse 6 (devibhagavatam.7.6.6)

कदाचिदथ शर्यातिभार्या चिन्तातुरा भृशम् । पतिं प्राह वेपमाना वचनं रुदती प्रिया

kadācidatha śaryātibhāryā cintāturā bhṛśam patiṁ prāha vepamānā vacanaṁ rudatī priyā

Then, at a certain time, Sharyati's wife, greatly troubled with anxiety, trembling, and weeping, spoke these words to her husband.

Verse 7 (devibhagavatam.7.6.7)

राजन् पुत्री त्वया दत्ता मुनयेऽन्धाय कानने । मृता जीवति वा सा तु द्रष्टव्या सर्वथा त्वया

rājan putrī tvayā dattā munaye'ndhāya kānane mṛtā jīvati vā sā tu draṣṭavyā sarvathā tvayā

"O king, our daughter, whom you gave to a blind sage in the forest — whether she is alive or dead, you must go and see her, by all means."

Verse 8 (devibhagavatam.7.6.8)

गच्छ नाथ मुनेस्तावदाश्रमं द्रष्टुमादरात् । किं करोति सुकन्या सा प्राप्य नाथं तथाविधम्

gaccha nātha munestāvadāśramaṁ draṣṭumādarāt kiṁ karoti sukanyā sā prāpya nāthaṁ tathāvidham

"Go, my lord, to that sage's hermitage, respectfully, to see her — what is Sukanya doing, having obtained such a husband?"

Verse 9 (devibhagavatam.7.6.9)

पुत्रीदुःखेन राजर्षे दग्धास्मि सर्वथा हृदि । तामानय विशालाक्षीं तपःक्षामां मदन्तिके

putrīduḥkhena rājarṣe dagdhāsmi sarvathā hṛdi tāmānaya viśālākṣīṁ tapaḥkṣāmāṁ madantike

"O royal sage, my heart is entirely consumed by grief for my daughter; bring that wide-eyed girl, wasted by austerity, before me."

Verse 10 (devibhagavatam.7.6.10)

पश्यामि सर्वथा पुत्रीं कृशाङ्गीं वल्कलावृताम् । अन्धं पतिं समासाद्य दुःखभाजं कृशोदरीम्

paśyāmi sarvathā putrīṁ kṛśāṅgīṁ valkalāvṛtām andhaṁ patiṁ samāsādya duḥkhabhājaṁ kṛśodarīm

"I want to see my daughter with my own eyes — her body wasted, clad in bark, having obtained a blind husband, that slender-waisted one, sharing in his sorrow."

Verse 11 (devibhagavatam.7.6.11)

शर्यातिरुवाच - गच्छामोऽद्य विशालाक्षि सुकन्यां द्रष्टुमादरात् । प्रियपुत्रीं वरारोहे मुनिं तं संशितव्रतम्

śaryātiruvāca - gacchāmo'dya viśālākṣi sukanyāṁ draṣṭumādarāt priyaputrīṁ varārohe muniṁ taṁ saṁśitavratam

Sharyati said: "We shall go today, O wide-eyed one, respectfully, to see Sukanya, our dear daughter, O lovely-limbed one, and that sage of strict vows."

Verse 12 (devibhagavatam.7.6.12)

व्यास उवाच । एवमुक्त्व तु शर्यातिः कामिनीं शोकसङ्कुलाम् । जगाम रथमारुह्य त्वरितश्चाश्रमं मुनेः

vyāsa uvāca evamuktva tu śaryātiḥ kāminīṁ śokasaṅkulām jagāma rathamāruhya tvaritaścāśramaṁ muneḥ

Vyasa said: Having thus spoken to his sorrow-stricken wife, Sharyati mounted his chariot and went in haste to the hermitage of the sage.

Verse 13 (devibhagavatam.7.6.13)

गत्वाऽऽश्रमसमीपे तु तमपश्यन्महीपतिः । नवयौवनसम्पन्नं देवपुत्रोपमं मुनिम्

gatvā''śramasamīpe tu tamapaśyanmahīpatiḥ navayauvanasampannaṁ devaputropamaṁ munim

Arriving near the hermitage, the king saw the sage there — endowed with fresh youth, resembling the son of a god.

Verse 14 (devibhagavatam.7.6.14)

तं विलोक्यामराकारं विस्मयं नृपतिर्गतः । किं कृतं कुत्सितं कर्म पुत्र्या लोकविगर्हितम्

taṁ vilokyāmarākāraṁ vismayaṁ nṛpatirgataḥ kiṁ kṛtaṁ kutsitaṁ karma putryā lokavigarhitam

Beholding him, of a form like a god's, the king was struck with astonishment: "What vile act, censured by the world, has my daughter committed?"

Verse 15 (devibhagavatam.7.6.15)

निहतोऽसौ मुनिर्वृद्धस्त्वनयान्यः पतिः कृतः । कामपीडितया कामं प्रशान्तोऽप्यतिनिर्धनः

nihato'sau munirvṛddhastvanayānyaḥ patiḥ kṛtaḥ kāmapīḍitayā kāmaṁ praśānto'pyatinirdhanaḥ

"Has that old sage been done away with, and another husband taken by her, driven by lust — though he himself was calm and quite without means?"

Verse 16 (devibhagavatam.7.6.16)

दुःसहयोऽयं पुष्पधन्वा विशेषेण च यौवने । कुले कलङ्कः सुमहाननया मानवे कृतः

duḥsahayo'yaṁ puṣpadhanvā viśeṣeṇa ca yauvane kule kalaṅkaḥ sumahānanayā mānave kṛtaḥ

"Hard to withstand indeed is that flower-bowed god of love, especially in youth; a very great blemish has this human girl brought upon our family."

Verse 17 (devibhagavatam.7.6.17)

धिक्तस्य जीवितं लोके यस्य पुत्री हि कुत्सिता । सर्वपापैस्तु दुःखाय पुत्री भवति देहिनाम्

dhiktasya jīvitaṁ loke yasya putrī hi kutsitā sarvapāpaistu duḥkhāya putrī bhavati dehinām

"Shame on the life of a man in this world whose daughter is disgraced! A daughter, laden with every sin, becomes a source of sorrow for her parents."

Verse 18 (devibhagavatam.7.6.18)

मया त्वनुचितं कर्म कृतं स्वार्थस्य सिद्धये । वृद्धायान्धाय या दत्ता पुत्री सर्वात्मना किल

mayā tvanucitaṁ karma kṛtaṁ svārthasya siddhaye vṛddhāyāndhāya yā dattā putrī sarvātmanā kila

"I myself have done an improper thing, for the sake of my own purpose — giving my daughter wholly to a man who was old and blind."

Verse 19 (devibhagavatam.7.6.19)

कन्या योग्याय दातव्या पित्रा सर्वात्मना किल । तादृशं हि फलं प्राप्तं यादृशं वै कृतं मया

kanyā yogyāya dātavyā pitrā sarvātmanā kila tādṛśaṁ hi phalaṁ prāptaṁ yādṛśaṁ vai kṛtaṁ mayā

"A daughter should indeed be given by her father entirely to a suitable man; and such a fruit have I now reaped as the deed I did deserved."

Verse 20 (devibhagavatam.7.6.20)

हन्मि चेदद्य तनयां दुःशीलां पापकारिणीम् । स्त्रीहत्या दुस्तरा स्यान्मे तथा पुत्र्या विशेषतः

hanmi cedadya tanayāṁ duḥśīlāṁ pāpakāriṇīm strīhatyā dustarā syānme tathā putryā viśeṣataḥ

"If I were to slay my daughter today for her wicked conduct and sin, the sin of killing a woman would be hard to overcome for me — especially killing my own daughter."

Verse 21 (devibhagavatam.7.6.21)

मनुवंशस्तु विख्यातः सकलङ्कः कृतो मया । लोकापवादो बलवान्दुस्त्याज्या स्नेहशृङ्खला

manuvaṁśastu vikhyātaḥ sakalaṅkaḥ kṛto mayā lokāpavādo balavāndustyājyā snehaśṛṅkhalā

"The renowned line of Manu has been blemished through me; the censure of the world is powerful, yet the chain of affection is hard to abandon."

Verse 22 (devibhagavatam.7.6.22)

किं करोमीति चिन्ताब्धौ यदा मग्नः स पार्थिवः । सुकन्यया तदा दैवाद्दृष्टश्चिन्ताकुलः पिता

kiṁ karomīti cintābdhau yadā magnaḥ sa pārthivaḥ sukanyayā tadā daivāddṛṣṭaścintākulaḥ pitā

While that king was sunk in an ocean of anxiety, wondering "What shall I do?", by chance Sukanya then saw her father, troubled with worry.

Verse 23 (devibhagavatam.7.6.23)

सा दृष्ट्वा तं जगामाशु सुकन्या पितुरन्तिके । गत्वा पप्रच्छ भूपालं प्रेमपूरितमानसा

sā dṛṣṭvā taṁ jagāmāśu sukanyā piturantike gatvā papraccha bhūpālaṁ premapūritamānasā

Seeing him, Sukanya at once went to her father's side; going there, with a heart full of love, she asked the king:

Verse 24 (devibhagavatam.7.6.24)

किं विचारयसे राजंश्चिन्ताव्याकुलिताननः । उपविष्टं मुनिं वीक्ष्य युवानमम्बुजेक्षणम्

kiṁ vicārayase rājaṁścintāvyākulitānanaḥ upaviṣṭaṁ muniṁ vīkṣya yuvānamambujekṣaṇam

"What are you pondering, O king, your face so troubled with worry?" — this she said, seeing the king gazing at the seated sage, now young and lotus-eyed.

Verse 25 (devibhagavatam.7.6.25)

एह्येहि पुरुषव्याघ्र प्रणमस्व पतिं मम । मा विषादं नृपश्रेष्ठ साम्प्रतं कुरु मानव

ehyehi puruṣavyāghra praṇamasva patiṁ mama mā viṣādaṁ nṛpaśreṣṭha sāmprataṁ kuru mānava

"Come, come, O tiger among men — pay homage to my husband; do not despair now, O best of kings, O noble one."

Verse 26 (devibhagavatam.7.6.26)

व्यास उवाच । इति पुत्र्या वचं श्रुत्वा शर्यातिः क्रोधपीडितः । प्रोवाच वचनं राजा पुरःस्थां तनयां ततः

vyāsa uvāca iti putryā vacaṁ śrutvā śaryātiḥ krodhapīḍitaḥ provāca vacanaṁ rājā puraḥsthāṁ tanayāṁ tataḥ

Vyasa said: Hearing his daughter's words, Sharyati, overcome with anger, then spoke these words to his daughter standing before him:

Verse 27 (devibhagavatam.7.6.27)

राजोवाच - क्व मुनिश्च्यवनः पुत्रि वृद्धोऽन्धस्तापसोत्तमः । कोऽयं युवा मदोन्मत्तः सन्देहोऽत्र महान्मम

rājovāca - kva muniścyavanaḥ putri vṛddho'ndhastāpasottamaḥ ko'yaṁ yuvā madonmattaḥ sandeho'tra mahānmama

The king said: "Where, my daughter, is the sage Chyavana, that aged, blind, foremost of ascetics? Who is this young man, intoxicated with pride? Great is my doubt in this matter."

Verse 28 (devibhagavatam.7.6.28)

मुनिः किं निहतः पापे त्वया दुष्कृतकारिणि । नूतनोऽसौ पतिः कामात्कृतः कुलविनाशिनि

muniḥ kiṁ nihataḥ pāpe tvayā duṣkṛtakāriṇi nūtano'sau patiḥ kāmātkṛtaḥ kulavināśini

"Has the sage been done away with, O sinful girl, evildoer? Has this new husband been taken up by you out of lust, O destroyer of our family?"

Verse 29 (devibhagavatam.7.6.29)

सोऽहं चिन्तातुरस्तं न पश्याम्याश्रमसंस्थितम् । किं कृतं दुष्कृतं कर्म कुलटाचरितं किल

so'haṁ cintāturastaṁ na paśyāmyāśramasaṁsthitam kiṁ kṛtaṁ duṣkṛtaṁ karma kulaṭācaritaṁ kila

"I, in my anxiety, do not see him present here in the hermitage. What wicked deed, worthy of a wanton woman, has been done?"

Verse 30 (devibhagavatam.7.6.30)

निमग्नोऽहं दुराचारे शोकाब्धौ त्वत्कृतेऽधुना । दृष्ट्वैनं पुरुषं दिव्यमदृष्ट्वा च्यवनं मुनिम्

nimagno'haṁ durācāre śokābdhau tvatkṛte'dhunā dṛṣṭvainaṁ puruṣaṁ divyamadṛṣṭvā cyavanaṁ munim

"I am now sunk in an ocean of sorrow at this misconduct of yours, seeing this divine-looking man and not seeing the sage Chyavana."

Verse 31 (devibhagavatam.7.6.31)

विहस्य तमुवाचाशु सा श्रुत्वा वचनं पितुः । गृहीत्वाऽऽनीय पितरं भर्तुरन्तिकमादरात्

vihasya tamuvācāśu sā śrutvā vacanaṁ pituḥ gṛhītvā''nīya pitaraṁ bharturantikamādarāt

Hearing her father's words, she laughed and at once spoke to him; taking her father by the hand, she led him respectfully into the presence of her husband —

Verse 32 (devibhagavatam.7.6.32)

च्यवनोऽसौ मुनिस्तात जामाता ते न संशयः । अश्विभ्यामीदृशः कान्तः कृतः कमललोचनः

cyavano'sau munistāta jāmātā te na saṁśayaḥ aśvibhyāmīdṛśaḥ kāntaḥ kṛtaḥ kamalalocanaḥ

"This is Chyavana the sage, father, your son-in-law, without doubt. By the two Ashvins was my beloved, the lotus-eyed one, made thus."

Verse 33 (devibhagavatam.7.6.33)

यदृच्छयात्र सम्प्राप्तौ नासत्यावाश्रमे मम । ताभ्यां करुणया नूनं च्यवनस्तादृशः कृतः

yadṛcchayātra samprāptau nāsatyāvāśrame mama tābhyāṁ karuṇayā nūnaṁ cyavanastādṛśaḥ kṛtaḥ

"By chance the two Nasatyas came here to my hermitage; by their compassion, surely, Chyavana was made thus."

Verse 34 (devibhagavatam.7.6.34)

नाहं तव सुता तात तथा स्यां पापकारिणी । यथा त्वं मन्यसे राजन् विमूढो रूपसंशये

nāhaṁ tava sutā tāta tathā syāṁ pāpakāriṇī yathā tvaṁ manyase rājan vimūḍho rūpasaṁśaye

"I, your daughter, father, am not such a sinner as you think me to be, O king, bewildered by doubt over his form."

Verse 35 (devibhagavatam.7.6.35)

प्रणम त्वं मुनिं राजन् भार्गवं च्यवनं पितः । आपृच्छ कारणं सर्वं कथियिष्यति विस्तरम्

praṇama tvaṁ muniṁ rājan bhārgavaṁ cyavanaṁ pitaḥ āpṛccha kāraṇaṁ sarvaṁ kathiyiṣyati vistaram

"Bow to the sage, O king, to Chyavana the descendant of Bhrigu, father; ask him the whole reason — he will tell you the story in full."

Verse 36 (devibhagavatam.7.6.36)

इति श्रुत्वा वचं पुत्र्या शर्यातिस्त्वरितस्तदा । प्रणनाम मुनिं तत्र गत्वा पप्रच्छ सादरम्

iti śrutvā vacaṁ putryā śaryātistvaritastadā praṇanāma muniṁ tatra gatvā papraccha sādaram

Hearing his daughter's words, Sharyati quickly bowed to the sage there, and, going to him, questioned him respectfully:

Verse 37 (devibhagavatam.7.6.37)

राजोवाच - कथयस्व स्ववृत्तान्तं भार्गवाशु यथोचितम् । नयने च कथं प्राप्ते क्व गता ते जरा पुनः

rājovāca - kathayasva svavṛttāntaṁ bhārgavāśu yathocitam nayane ca kathaṁ prāpte kva gatā te jarā punaḥ

The king said: "Tell me your story, O descendant of Bhrigu, quickly, just as it happened. How did you regain your eyesight, and where has your old age gone?"

Verse 38 (devibhagavatam.7.6.38)

संशयोऽयं महान्मेऽस्ति रूपं दृष्ट्वातिसुन्दरम् । वद विस्तरतो ब्रह्मन् श्रुत्वाहं सुखमाप्नुयाम्

saṁśayo'yaṁ mahānme'sti rūpaṁ dṛṣṭvātisundaram vada vistarato brahman śrutvāhaṁ sukhamāpnuyām

"Great is my doubt, seeing this exceedingly beautiful form. Tell me in full, O Brahmin, that hearing it, I may find peace."

Verse 39 (devibhagavatam.7.6.39)

च्यवन उवाच । नासत्यावत्र सम्प्राप्तौ देवानां भिषजावुभौ । उपकारः कृतस्ताभ्यां कृपया नृपसत्तम

cyavana uvāca nāsatyāvatra samprāptau devānāṁ bhiṣajāvubhau upakāraḥ kṛtastābhyāṁ kṛpayā nṛpasattama

Chyavana said: "The two Nasatyas, the physicians of the gods, came here; out of compassion, O best of kings, they did me this favor."

Verse 40 (devibhagavatam.7.6.40)

मया ताभ्यां वरो दत्त उपकारस्य हेतवे । करिष्यामि मखे राज्ञो भवन्तौ सोमपायिनौ

mayā tābhyāṁ varo datta upakārasya hetave kariṣyāmi makhe rājño bhavantau somapāyinau

"I in turn granted them a boon, in return for their favor: that at the king's sacrifice I would make them drinkers of Soma."

Verse 41 (devibhagavatam.7.6.41)

एवं मया वयः प्राप्तं लोचने विमले तथा । स्वस्थो भव महाराज संविशस्वासने शुभे

evaṁ mayā vayaḥ prāptaṁ locane vimale tathā svastho bhava mahārāja saṁviśasvāsane śubhe

"Thus have I regained my youth, and my two eyes made clear as well. Be at ease, O great king; seat yourself upon this auspicious seat."

Verse 42 (devibhagavatam.7.6.42)

इत्युक्तः स तु विप्रेण सभार्यः पृथिवीपतिः । सुखोपविष्टः कल्याणीः कथाश्चक्रे महात्मना

ityuktaḥ sa tu vipreṇa sabhāryaḥ pṛthivīpatiḥ sukhopaviṣṭaḥ kalyāṇīḥ kathāścakre mahātmanā

Thus addressed by the Brahmin, the lord of the earth, together with his wife, sat comfortably and exchanged auspicious conversation with that great soul.

Verse 43 (devibhagavatam.7.6.43)

अथैनं भार्गवं प्राह राजानं परिसान्त्वयन् । याजयिष्यामि राजंस्त्वां सम्भारानुपकल्पय

athainaṁ bhārgavaṁ prāha rājānaṁ parisāntvayan yājayiṣyāmi rājaṁstvāṁ sambhārānupakalpaya

Then, comforting the king, that descendant of Bhrigu said to him: "I shall perform the sacrifice for you, O king — prepare the necessary materials."

Verse 44 (devibhagavatam.7.6.44)

मया प्रतिश्रुतं ताभ्यां कर्तव्यौ सोमपौ युवाम् । तत्कर्तव्यं नृपश्रेष्ठ तव यज्ञेऽतिविस्तरे

mayā pratiśrutaṁ tābhyāṁ kartavyau somapau yuvām tatkartavyaṁ nṛpaśreṣṭha tava yajñe'tivistare

"I have promised those two that I would make them Soma-drinkers; this must be accomplished, O best of kings, at your great sacrifice."

Verse 45 (devibhagavatam.7.6.45)

इन्द्रं निवारयिष्यामि क्रुद्धं तेजोबलेन वै । पाययिष्यामि राजेन्द्र सोमं सोममखे तव

indraṁ nivārayiṣyāmi kruddhaṁ tejobalena vai pāyayiṣyāmi rājendra somaṁ somamakhe tava

"I shall restrain Indra, should he grow angry, by the power of my spiritual might; and I shall make them drink the Soma, O lord of kings, at your Soma-sacrifice."

Verse 46 (devibhagavatam.7.6.46)

ततः परमसन्तुष्टः शर्यातिः पृथिवीपतिः । च्यवनस्य महाराज तद्वाक्यं प्रत्यपूजयत्

tataḥ paramasantuṣṭaḥ śaryātiḥ pṛthivīpatiḥ cyavanasya mahārāja tadvākyaṁ pratyapūjayat

Then Sharyati, lord of the earth, greatly pleased, honored those words of Chyavana, O great king.

Verse 47 (devibhagavatam.7.6.47)

सम्मान्य च्यवनं राजा जगाम नगरं प्रति । सभार्यश्चातिसन्तुष्टः कुर्वन्वार्तां मुनेः किल

sammānya cyavanaṁ rājā jagāma nagaraṁ prati sabhāryaścātisantuṣṭaḥ kurvanvārtāṁ muneḥ kila

Having honored Chyavana, the king, together with his wife, greatly satisfied, went toward his city, discussing the news of the sage along the way.

Verse 48 (devibhagavatam.7.6.48)

प्रशस्तेहनि यज्ञीये सर्वकामसमृद्धिमान् । कारयामास शर्यातिर्यज्ञायतनमुत्तमम्

praśastehani yajñīye sarvakāmasamṛddhimān kārayāmāsa śaryātiryajñāyatanamuttamam

On an auspicious day suited for the sacrifice, Sharyati, abounding in every resource, had an excellent sacrificial ground constructed.

Verse 49 (devibhagavatam.7.6.49)

समानीय मुनीन्पूज्यान्वसिष्ठप्रमुखानसौ । भार्गवो याजयामास च्यवनः पृथिवीपतिम्

samānīya munīnpūjyānvasiṣṭhapramukhānasau bhārgavo yājayāmāsa cyavanaḥ pṛthivīpatim

Bringing together venerable sages headed by Vasishtha, Chyavana, the descendant of Bhrigu, performed the sacrifice for the lord of the earth.

Verse 50 (devibhagavatam.7.6.50)

वितते तु तथा यज्ञे देवाः सर्वे सवासवाः । आजग्मुश्चाश्विनौ तत्र सोमार्थमुपजग्मतुः

vitate tu tathā yajñe devāḥ sarve savāsavāḥ ājagmuścāśvinau tatra somārthamupajagmatuḥ

When the sacrifice was fully underway, all the gods, together with Indra, arrived; and the two Ashvins also came there, seeking the Soma.

Verse 51 (devibhagavatam.7.6.51)

इन्द्रस्तु शङ्कितस्तत्र वीक्ष्य तावश्विनावुभौ । पप्रच्छ च सुरान्सर्वान्किमेतौ समुपागतौ

indrastu śaṅkitastatra vīkṣya tāvaśvināvubhau papraccha ca surānsarvānkimetau samupāgatau

Indra, seeing those two Ashvins there, grew suspicious, and asked all the gods: "Why have these two come here?"

Verse 52 (devibhagavatam.7.6.52)

चिकित्सकौ न सोमार्हौ केनानीताविहेति च । नाब्रुवन्नमरास्तत्र राज्ञस्तु वितते मखे

cikitsakau na somārhau kenānītāviheti ca nābruvannamarāstatra rājñastu vitate makhe

"Being mere physicians, they are not entitled to Soma — who has brought them here?" The immortals there gave him no answer, at the king's ongoing sacrifice.

Verse 53 (devibhagavatam.7.6.53)

अगृह्णाच्च्यवनः सोममश्विनोर्देवयोस्तदा । शक्रस्तं वारयामास मा गृहाणैतयोर्ग्रहम्

agṛhṇāccyavanaḥ somamaśvinordevayostadā śakrastaṁ vārayāmāsa mā gṛhāṇaitayorgraham

Then Chyavana took up the Soma-cup for the two gods, the Ashvins; Indra tried to stop him: "Do not take up the Soma-cup for these two."

Verse 54 (devibhagavatam.7.6.54)

तमाह च्यवनस्तत्र कथमेतौ रवेः सुतौ । न ग्रहार्हौ च नासत्यौ ब्रूहि सत्यं शचीपते

tamāha cyavanastatra kathametau raveḥ sutau na grahārhau ca nāsatyau brūhi satyaṁ śacīpate

Chyavana said to him there: "How is it that these two, the sons of the Sun, the two Nasatyas, are not fit to receive the Soma-cup? Tell me the truth, O lord of Shachi."

Verse 55 (devibhagavatam.7.6.55)

न सङ्करौ समुत्पन्नौ धर्मपत्नीसुतौ रवेः । केन दोषेण देवेन्द्र नार्हौ सोमं भिषग्वरौ

na saṅkarau samutpannau dharmapatnīsutau raveḥ kena doṣeṇa devendra nārhau somaṁ bhiṣagvarau

"They are not born of a mixed union — they are the sons of the Sun by his lawful wife. By what fault, O Indra, king of the gods, are these two foremost physicians unworthy of the Soma?"

Verse 56 (devibhagavatam.7.6.56)

निर्णयोऽत्र मखे शक्र कर्तव्यः सर्वदैवतैः । ग्राहयिष्यामहं सोमं कृतौ तौ सोमपौ मया

nirṇayo'tra makhe śakra kartavyaḥ sarvadaivataiḥ grāhayiṣyāmahaṁ somaṁ kṛtau tau somapau mayā

"Let a judgment be rendered here at this sacrifice, O Indra, by all the gods together; but I shall make them drink the Soma — I have already made them Soma-drinkers."

Verse 57 (devibhagavatam.7.6.57)

प्रेरितोऽसौ मया राजा मखाय मघवन्किल । एतदर्थं करिष्यामि सत्यं मे वचनं विभो

prerito'sau mayā rājā makhāya maghavankila etadarthaṁ kariṣyāmi satyaṁ me vacanaṁ vibho

"It was I, O Indra, who prompted this king to undertake this sacrifice for this very purpose; I shall accomplish it, and my word shall prove true, O mighty one."

Verse 58 (devibhagavatam.7.6.58)

आभ्यामुपकृतः शक्र तथा दत्तं नवं वयः । तस्मात्प्रत्युपकारस्तु कर्तव्यः सर्वथा मया

ābhyāmupakṛtaḥ śakra tathā dattaṁ navaṁ vayaḥ tasmātpratyupakārastu kartavyaḥ sarvathā mayā

"I was helped by these two, O Indra, and given new youth by them; therefore this return favor must by all means be rendered by me."

Verse 59 (devibhagavatam.7.6.59)

इन्द्र उवाच । चिकित्सकौ कृतावेतौ नासत्यौ निन्दितौ सुरैः । उभावेतौ न सोमार्हौ मा गृहाणैतयोर्ग्रहम्

indra uvāca cikitsakau kṛtāvetau nāsatyau ninditau suraiḥ ubhāvetau na somārhau mā gṛhāṇaitayorgraham

Indra said: "These two Nasatyas have been made mere physicians, and are censured by the gods; both are unworthy of the Soma — do not take up the cup on their behalf."

Verse 60 (devibhagavatam.7.6.60)

च्यवन उवाच । अहल्याजार संयच्छ कोपं चाद्य निरर्थकम् । वृत्रघ्न किं हि नासत्यौ न सोमार्हौ सुरात्मजौ

cyavana uvāca ahalyājāra saṁyaccha kopaṁ cādya nirarthakam vṛtraghna kiṁ hi nāsatyau na somārhau surātmajau

Chyavana said: "O paramour of Ahalya, restrain today this pointless anger, O slayer of Vritra! Why indeed should the two Nasatyas, sons of a god, be unworthy of the Soma?"

Verse 61 (devibhagavatam.7.6.61)

एवं विवादे समुपस्थिते च न कोऽपि वाचं तमुवाच भूप । ग्रहं तयोर्भार्गवतिग्मतेजाः सङ्ग्राहयामास तपोबलेन

evaṁ vivāde samupasthite ca na ko'pi vācaṁ tamuvāca bhūpa grahaṁ tayorbhārgavatigmatejāḥ saṅgrāhayāmāsa tapobalena

When this dispute had thus arisen, no one, O king, spoke a word in answer to him; and the fiery-radiant descendant of Bhrigu, by the power of his austerity, caused the Soma-cup to be taken up for the two of them.