Revata's Journey to Brahmaloka for Revati's Marriage

Verse 1 (devibhagavatam.7.7.1)

व्यास उवाच । दत्ते ग्रहे तु राजेन्द्र वासवः कुपितौ भृशम् । प्रोवाच च्यवनं तत्र दर्शयन्बलमात्मनः

vyāsa uvāca datte grahe tu rājendra vāsavaḥ kupitau bhṛśam provāca cyavanaṁ tatra darśayanbalamātmanaḥ

Vyasa said: O lord of kings, when the Soma-cup had been given, Indra, greatly enraged, spoke to Chyavana there, displaying his own might.

Verse 2 (devibhagavatam.7.7.2)

मा ब्रह्मबन्धो मर्यादामिमां त्वं कर्त्तुमर्हसि । वधिष्यामि द्विषन्तं त्वां विश्वरूपमिवाऽपरम्

mā brahmabandho maryādāmimāṁ tvaṁ karttumarhasi vadhiṣyāmi dviṣantaṁ tvāṁ viśvarūpamivā'param

"Do not, O unworthy Brahmin, dare to breach this established order; I shall slay you, my enemy, as I slew another Vishvarupa."

Verse 3 (devibhagavatam.7.7.3)

च्यवन उवाच । मावमंस्था महात्मानौ रूपद्रविणवर्चसा । यौ चक्रतुर्मां मघवन् वृन्दारकमिवापरम्

cyavana uvāca māvamaṁsthā mahātmānau rūpadraviṇavarcasā yau cakraturmāṁ maghavan vṛndārakamivāparam

Chyavana said: "Do not disparage those two great souls, endowed with such beauty, wealth, and splendor, O Indra — those who made me like another god."

Verse 4 (devibhagavatam.7.7.4)

ऋते त्वां विबुधाश्चान्ये कथं वाददते ग्रहम् । अश्विनावपि देवेन्द्र देवौ विद्धि परन्तपौ

ṛte tvāṁ vibudhāścānye kathaṁ vādadate graham aśvināvapi devendra devau viddhi parantapau

"Why, apart from you, do the other gods say nothing against the taking of the Soma-cup? Know, O Indra, that the two Ashvins too are gods, scorchers of their foes."

Verse 5 (devibhagavatam.7.7.5)

इन्द्र उवाच । भिषजौ नार्हतः कामं ग्रहं यज्ञे कथञ्चन । यदि दित्ससि मन्दात्मन् शिरश्छेत्स्यामि साम्प्रतम्

indra uvāca bhiṣajau nārhataḥ kāmaṁ grahaṁ yajñe kathañcana yadi ditsasi mandātman śiraśchetsyāmi sāmpratam

Indra said: "Those two physicians are by no means entitled to the Soma-cup at this sacrifice, under any circumstance. If you persist in giving it, O foolish one, I shall now sever your head."

Verse 6 (devibhagavatam.7.7.6)

व्यास उवाच । अनादृत्य तु तद्वाक्यं वासवस्य च भार्गवः । ग्रहं तु ग्राहयामास भर्त्सयन्निव तं भृशम्

vyāsa uvāca anādṛtya tu tadvākyaṁ vāsavasya ca bhārgavaḥ grahaṁ tu grāhayāmāsa bhartsayanniva taṁ bhṛśam

Vyasa said: Disregarding Indra's words, the descendant of Bhrigu had the Soma-cup taken up regardless, as if severely rebuking him.

Verse 7 (devibhagavatam.7.7.7)

सोमपात्रं यदा ताभ्यां गृहीतं तु पिपासया । समीक्ष्य बलभिद्देव इदं वचनमब्रवीत्

somapātraṁ yadā tābhyāṁ gṛhītaṁ tu pipāsayā samīkṣya balabhiddeva idaṁ vacanamabravīt

When the Soma-cup was taken up by the two of them, eager with thirst, the god who split Bala, seeing this, spoke these words:

Verse 8 (devibhagavatam.7.7.8)

आभ्यमर्थाय सोमं त्वं ग्राहयिष्यसि चेत्स्वयम् । वज्रं तु प्रहरिष्यामि विश्वरूपमिवापरम्

ābhyamarthāya somaṁ tvaṁ grāhayiṣyasi cetsvayam vajraṁ tu prahariṣyāmi viśvarūpamivāparam

"If you yourself cause the Soma to be given for the sake of these two, I shall strike you with my thunderbolt, as I struck that other Vishvarupa."

Verse 9 (devibhagavatam.7.7.9)

वासवेनैवमुक्तस्तु भार्गवश्चातिगर्वितः । जग्राह विधिवत्सोममश्विभ्यामतिमन्युमान्

vāsavenaivamuktastu bhārgavaścātigarvitaḥ jagrāha vidhivatsomamaśvibhyāmatimanyumān

Thus addressed by Indra, the descendant of Bhrigu, exceedingly proud and filled with great anger, duly took up the Soma for the two Ashvins.

Verse 10 (devibhagavatam.7.7.10)

इन्द्रोऽपि प्राक्षिपत्कोपाद्वज्रमस्मै स्वमायुधम् । पश्यतां सर्वदेवानां सूर्यकोटिसमप्रभम्

indro'pi prākṣipatkopādvajramasmai svamāyudham paśyatāṁ sarvadevānāṁ sūryakoṭisamaprabham

Indra too, in his fury, hurled his own weapon, the thunderbolt, radiant as a myriad suns, at him, before the eyes of all the gods.

Verse 11 (devibhagavatam.7.7.11)

प्रेरितं चाशनिं प्रेक्ष्य च्यवनस्तपसा ततः । स्तम्भयामास वज्रं स शक्रस्यामिततेजसः

preritaṁ cāśaniṁ prekṣya cyavanastapasā tataḥ stambhayāmāsa vajraṁ sa śakrasyāmitatejasaḥ

Seeing the thunderbolt hurled at him, Chyavana then, by his austerity, paralyzed that weapon of Indra, whose splendor was boundless.

Verse 12 (devibhagavatam.7.7.12)

कृत्यया स महाबाहुरिन्द्रं हन्तुमिहोद्यतः । जुहावाग्नौ श्रुतं हव्यं मन्त्रेण मुनिसत्तमः

kṛtyayā sa mahābāhurindraṁ hantumihodyataḥ juhāvāgnau śrutaṁ havyaṁ mantreṇa munisattamaḥ

That mighty-armed one, that best of sages, then set himself, by a sorcerous power, to slay Indra; he offered into the fire the prescribed oblation with mantra.

Verse 13 (devibhagavatam.7.7.13)

तत्र कृत्या समुत्पन्ना च्यवनस्य तपोबलात् । प्रबलः पुरुषः क्रूरो बृहत्कायो महासुरः

tatra kṛtyā samutpannā cyavanasya tapobalāt prabalaḥ puruṣaḥ krūro bṛhatkāyo mahāsuraḥ

Then, by the power of Chyavana's austerity, a sorcerous being arose there — a mighty, cruel being, a great demon of vast body —

Verse 14 (devibhagavatam.7.7.14)

मदो नाम महाघोरो भयदः प्राणिनामिह । शरीरे पर्वताकारस्तीक्ष्णदंष्ट्रो मयानकः

mado nāma mahāghoro bhayadaḥ prāṇināmiha śarīre parvatākārastīkṣṇadaṁṣṭro mayānakaḥ

— named Mada, exceedingly terrible, striking fear into all living beings, his body mountainous in size, with sharp fangs, wild and dreadful.

Verse 15 (devibhagavatam.7.7.15)

चतस्रश्चायता दंष्ट्रा योजनानां शतं शतम् । इतरे त्वस्य दशना बभूवुर्दशयोजनाः

catasraścāyatā daṁṣṭrā yojanānāṁ śataṁ śatam itare tvasya daśanā babhūvurdaśayojanāḥ

His four fangs were each extended a hundred yojanas in length; his other teeth were each ten yojanas long.

Verse 16 (devibhagavatam.7.7.16)

बाहू पर्वतसङ्काशावायतौ क्रूरदर्शनौ । जिह्वा तु भीषणा क्रूरा लेलिहाना नभस्तलम्

bāhū parvatasaṅkāśāvāyatau krūradarśanau jihvā tu bhīṣaṇā krūrā lelihānā nabhastalam

His two arms, mountain-like and long, were fearsome to behold; his tongue was terrible and fierce, licking at the very vault of the sky.

Verse 17 (devibhagavatam.7.7.17)

ग्रीवा तु गिरिशृङ्गाभा कठिना भीषणा भृशम् । नखा व्याघ्रनखप्रख्याः केशाश्चातीवभीषणाः

grīvā tu giriśṛṅgābhā kaṭhinā bhīṣaṇā bhṛśam nakhā vyāghranakhaprakhyāḥ keśāścātīvabhīṣaṇāḥ

His neck resembled a mountain peak, hard and exceedingly fearsome; his nails were like a tiger's claws, and his hair was utterly terrifying.

Verse 18 (devibhagavatam.7.7.18)

शरीरं कज्जलाभं च तस्य चास्यं भयानकम् । नेत्रे दावानलप्रख्ये भीषणेऽतिभयानके

śarīraṁ kajjalābhaṁ ca tasya cāsyaṁ bhayānakam netre dāvānalaprakhye bhīṣaṇe'tibhayānake

His body was black as lampblack, and his face was frightful; his two eyes resembled a forest conflagration, fearsome and utterly terrible.

Verse 19 (devibhagavatam.7.7.19)

हनुरेका स्थिता तस्य भूमावेका दिवं गता । एवंविधः समुत्पन्नो मदो नाम बृहत्तनुः

hanurekā sthitā tasya bhūmāvekā divaṁ gatā evaṁvidhaḥ samutpanno mado nāma bṛhattanuḥ

One of his jaws rested upon the earth, the other reached to heaven. Such was the being that arose, named Mada, of enormous body.

Verse 20 (devibhagavatam.7.7.20)

तं विलोक्य सुराः सर्वे भयमाजग्मुरंहसा । इन्द्रोऽपि भयसन्त्रस्तो युद्धाय न मनो दधे

taṁ vilokya surāḥ sarve bhayamājagmuraṁhasā indro'pi bhayasantrasto yuddhāya na mano dadhe

Beholding him, all the gods were seized with fear at once; even Indra, terrified, had no mind left for battle.

Verse 21 (devibhagavatam.7.7.21)

दैत्योऽपि वदने कामं वज्रमादाय संस्थितः । व्याप्तं नभो घोरदृष्टिर्ग्रसन्निव जगत्त्रयम्

daityo'pi vadane kāmaṁ vajramādāya saṁsthitaḥ vyāptaṁ nabho ghoradṛṣṭirgrasanniva jagattrayam

That demon, holding Indra's thunderbolt in his very mouth at will, stood there, his terrible gaze filling the sky, as if devouring the three worlds.

Verse 22 (devibhagavatam.7.7.22)

स भक्ष्ययिष्यन्सङ्क्रुद्धः शतक्रतुमुपाद्रवत् । चक्रुशुश्च सुराः सर्वे हा हताः स्मेति संस्थिताः

sa bhakṣyayiṣyansaṅkruddhaḥ śatakratumupādravat cakruśuśca surāḥ sarve hā hatāḥ smeti saṁsthitāḥ

Enraged, intent on devouring him, he rushed upon Indra of a hundred sacrifices; and all the gods cried out, "Alas! We are slain!" and stood helpless.

Verse 23 (devibhagavatam.7.7.23)

इन्द्रः स्तम्भितबाहुस्तु मुमुक्षुर्वज्रमन्तिकात् । न शशाक पविं तस्मिन्प्रहर्तुं पाकशासनः

indraḥ stambhitabāhustu mumukṣurvajramantikāt na śaśāka paviṁ tasminprahartuṁ pākaśāsanaḥ

Indra, his arm paralyzed, though wishing to hurl his thunderbolt from nearby, was unable, that chastiser of Paka, to strike him with the weapon.

Verse 24 (devibhagavatam.7.7.24)

वज्रहस्तः सुरेशानस्तं वीक्ष्य कालसन्निभम् । सस्मार मनसा तत्र गुरुं समयकोविदम्

vajrahastaḥ sureśānastaṁ vīkṣya kālasannibham sasmāra manasā tatra guruṁ samayakovidam

The lord of the gods, thunderbolt in hand, seeing him resembling Death itself, called to mind there his preceptor, versed in the proper resolution of such matters.

Verse 25 (devibhagavatam.7.7.25)

स्मरणादाजगामाशु बृहस्पतिरुदारधीः । गुरुस्तत्समयं दृष्ट्वा विपत्तिसदृशं महत्

smaraṇādājagāmāśu bṛhaspatirudāradhīḥ gurustatsamayaṁ dṛṣṭvā vipattisadṛśaṁ mahat

At the mere thought of him, the noble-minded Brihaspati came at once; that preceptor, seeing the occasion so fraught with great calamity —

Verse 26 (devibhagavatam.7.7.26)

विचार्य मनसा कृत्यं तमुवाच शचीपतिम् । दुःसाध्योऽयं महामन्त्रैस्त्वयं वज्रेण वासव

vicārya manasā kṛtyaṁ tamuvāca śacīpatim duḥsādhyo'yaṁ mahāmantraistvayaṁ vajreṇa vāsava

— having reflected in his mind on what should be done, said to Indra: "He cannot be overcome by great mantras or by your thunderbolt, O Indra."

Verse 27 (devibhagavatam.7.7.27)

असुरो मदसंज्ञस्तु यज्ञकुण्डात्समुत्थितः । तपोबलमृषेः सम्यक् च्यवनस्य महाबलः

asuro madasaṁjñastu yajñakuṇḍātsamutthitaḥ tapobalamṛṣeḥ samyak cyavanasya mahābalaḥ

"This demon, named Mada, has arisen from the sacrificial fire-pit; he is truly the mighty power of the sage Chyavana's austerity, immensely strong."

Verse 28 (devibhagavatam.7.7.28)

अनिवार्यो ह्ययं शत्रुस्त्वया देवैस्तथा मया । शरणं याहि देवेश च्यवनस्य महात्मनः

anivāryo hyayaṁ śatrustvayā devaistathā mayā śaraṇaṁ yāhi deveśa cyavanasya mahātmanaḥ

"This foe cannot be repelled by you, by the gods, or even by me. Go, O lord of the gods, take refuge with the great-souled Chyavana."

Verse 29 (devibhagavatam.7.7.29)

स निवारयिता नूनं कृत्यामात्मकृतां किल । न निवारयितुं शक्ताः शक्तिभक्तरुषं क्वचित्

sa nivārayitā nūnaṁ kṛtyāmātmakṛtāṁ kila na nivārayituṁ śaktāḥ śaktibhaktaruṣaṁ kvacit

"He alone can surely restrain this sorcerous being he himself has created; none can ever restrain the wrath of one who possesses such spiritual power."

Verse 30 (devibhagavatam.7.7.30)

व्यास उवाच । इत्युक्तो गुरुणा शक्रस्तदागच्छन्मुनिं प्रति । प्रणम्य शिरसा नम्रः तमुवाच भयान्वितः

vyāsa uvāca ityukto guruṇā śakrastadāgacchanmuniṁ prati praṇamya śirasā namraḥ tamuvāca bhayānvitaḥ

Vyasa said: Thus told by his preceptor, Indra then went to the sage; bowing his head low, filled with fear, he spoke to him:

Verse 31 (devibhagavatam.7.7.31)

क्षमस्व मुनिशार्दूल शमयासुरमुद्यतम् । प्रसन्नो भव सर्वज्ञ वचनं ते करोम्यहम्

kṣamasva muniśārdūla śamayāsuramudyatam prasanno bhava sarvajña vacanaṁ te karomyaham

"Forgive me, O tiger among sages; pacify this demon you have raised up. Be gracious, O all-knowing one — I shall now do as you say."

Verse 32 (devibhagavatam.7.7.32)

सोमार्हावश्विनावेतावद्यप्रभृति भार्गव । भविष्यतः सत्यमेतद्वचो विप्र प्रसीद मे

somārhāvaśvināvetāvadyaprabhṛti bhārgava bhaviṣyataḥ satyametadvaco vipra prasīda me

"From this day forth, O descendant of Bhrigu, these two Ashvins shall be entitled to the Soma; this is my true word, O Brahmin — be gracious to me."

Verse 33 (devibhagavatam.7.7.33)

मिथ्या ते नोद्यमो ह्येष भवत्येव तपोधन । जाने त्वमपि धर्मज्ञ मिथ्या नैव करिष्यसि

mithyā te nodyamo hyeṣa bhavatyeva tapodhana jāne tvamapi dharmajña mithyā naiva kariṣyasi

"This effort of yours has not gone in vain, O treasury of austerity; and I know you too, O knower of dharma, will never make it go in vain."

Verse 34 (devibhagavatam.7.7.34)

सोमपावश्विनावेतौ त्वत्कृतौ च सदैवे हि । भविष्यतश्च शर्यातेः कीर्तिस्तु विपुला भवेत्

somapāvaśvināvetau tvatkṛtau ca sadaive hi bhaviṣyataśca śaryāteḥ kīrtistu vipulā bhavet

"These two Ashvins shall now, having been made so by you, be Soma-drinkers henceforth among the gods; and Sharyati's fame shall become vast."

Verse 35 (devibhagavatam.7.7.35)

मया यद्धि कृतं कर्म सर्वथा मुनिसत्तम । परीक्षार्थं तु विज्ञेयं तव वीर्यप्रकाशनम्

mayā yaddhi kṛtaṁ karma sarvathā munisattama parīkṣārthaṁ tu vijñeyaṁ tava vīryaprakāśanam

"Whatever action I have taken, O best of sages, know that it was entirely done as a test, so that your might might be revealed."

Verse 36 (devibhagavatam.7.7.36)

प्रसादं कुरु मे ब्रह्मन् मदं संहर चोत्थितम् । कल्याणं सर्वदेवानां तथा भूयो विधीयताम्

prasādaṁ kuru me brahman madaṁ saṁhara cotthitam kalyāṇaṁ sarvadevānāṁ tathā bhūyo vidhīyatām

"Show me your grace, O Brahmin; withdraw this Mada you have raised up, and let good fortune once more be granted to all the gods."

Verse 37 (devibhagavatam.7.7.37)

एवमुक्तस्तु शक्रेण च्यवनः परमार्थवित् । सञ्जहार तपः कोपं समुत्पन्नं विरोधजम्

evamuktastu śakreṇa cyavanaḥ paramārthavit sañjahāra tapaḥ kopaṁ samutpannaṁ virodhajam

Thus addressed by Indra, Chyavana, the knower of highest truth, withdrew the wrath of his austerity that had arisen out of that conflict.

Verse 38 (devibhagavatam.7.7.38)

देवमाश्वास्य संविग्नं भार्गवस्तु मदं ततः । व्यभजत्स्त्रीषु पानेषु द्यूतेषु मृगयासु च

devamāśvāsya saṁvignaṁ bhārgavastu madaṁ tataḥ vyabhajatstrīṣu pāneṣu dyūteṣu mṛgayāsu ca

Having comforted the troubled god, that descendant of Bhrigu then divided Mada, distributing him among women, drink, gambling, and hunting.

Verse 39 (devibhagavatam.7.7.39)

मदं विभज्य देवेन्द्रमाश्वास्य चकितं भिया । संस्थाप्य च सुरान्सर्वान्मखं तस्य न्यवर्तयत्

madaṁ vibhajya devendramāśvāsya cakitaṁ bhiyā saṁsthāpya ca surānsarvānmakhaṁ tasya nyavartayat

Having divided Mada, and comforted Indra, shaken with fear, and having settled all the gods again in their places, he brought the king's sacrifice to its due conclusion.

Verse 40 (devibhagavatam.7.7.40)

ततस्तु संस्कृतं सोमं वासवाय महात्मने । अश्विभ्यां सर्वधर्मात्मा पाययामास भार्गवः

tatastu saṁskṛtaṁ somaṁ vāsavāya mahātmane aśvibhyāṁ sarvadharmātmā pāyayāmāsa bhārgavaḥ

Then that wholly righteous descendant of Bhrigu had the consecrated Soma given to drink both to the great-souled Indra and to the two Ashvins.

Verse 41 (devibhagavatam.7.7.41)

एवं तौ च्यवनेनार्यावश्विनौ रविपुत्रकौ । विहितौ सोमपौ राजन् सर्वथा तपसो बलात्

evaṁ tau cyavanenāryāvaśvinau raviputrakau vihitau somapau rājan sarvathā tapaso balāt

Thus, O king, were those two noble sons of the Sun, the two Ashvins, made Soma-drinkers by Chyavana, entirely through the power of his austerity.

Verse 42 (devibhagavatam.7.7.42)

सरस्तदपि विख्यातं जातं यूपविमण्डितम् । आश्रमस्तु मुनेः सम्यक् पृथिव्यां विश्रुतोऽभवत्

sarastadapi vikhyātaṁ jātaṁ yūpavimaṇḍitam āśramastu muneḥ samyak pṛthivyāṁ viśruto'bhavat

That lake too became renowned, adorned with the sacrificial post; and the sage's hermitage became widely famed throughout the earth.

Verse 43 (devibhagavatam.7.7.43)

शर्यातिरपि सन्तुष्टो ह्यभवत्तेन कर्मणा । यज्ञं समाप्य नगरे जगाम सचिवैर्वृतः

śaryātirapi santuṣṭo hyabhavattena karmaṇā yajñaṁ samāpya nagare jagāma sacivairvṛtaḥ

Sharyati too was greatly pleased by that deed; having completed the sacrifice, he returned to his city, surrounded by his ministers.

Verse 44 (devibhagavatam.7.7.44)

राज्यं चकार धर्मज्ञो मनुपुत्रः प्रतापवान् । आनर्तस्तस्य पुत्रोऽभूदानर्ताद्रेवतोऽभवत्

rājyaṁ cakāra dharmajño manuputraḥ pratāpavān ānartastasya putro'bhūdānartādrevato'bhavat

That righteous and mighty son of Manu ruled his kingdom; his son was Anarta, and from Anarta came Revata.

Verse 45 (devibhagavatam.7.7.45)

सोऽन्तःसमुद्रे नगरीं विनिर्माय कुशस्थलीम् । आस्थितोऽभुङ्क्त विषयानानर्तादीनरिन्दमः

so'ntaḥsamudre nagarīṁ vinirmāya kuśasthalīm āsthito'bhuṅkta viṣayānānartādīnarindamaḥ

He, that queller of foes, built a city named Kushasthali within the ocean, and, settled there, enjoyed the domains beginning with Anarta.

Verse 46 (devibhagavatam.7.7.46)

तस्य पुत्रशतं जज्ञे ककुद्मिज्येष्ठमुत्तमम् । पुत्री च रेवती नाम्ना सुन्दरी शुभलक्षणा

tasya putraśataṁ jajñe kakudmijyeṣṭhamuttamam putrī ca revatī nāmnā sundarī śubhalakṣaṇā

A hundred sons were born to him, of whom the eldest and best was Kakudmi; and he had a daughter named Revati, beautiful and of auspicious marks.

Verse 47 (devibhagavatam.7.7.47)

वरयोग्या यदा जाता तदा राजा च रेवतः । चिन्तयामास राजेन्द्रो राजपुत्रान्कुलोद्भवान्

varayogyā yadā jātā tadā rājā ca revataḥ cintayāmāsa rājendro rājaputrānkulodbhavān

When she came of age fit for marriage, then King Revata, that lord of kings, began to consider princes of good family as suitors.

Verse 48 (devibhagavatam.7.7.48)

रैवतं नाम च गिरिमाश्रितः पृथिवीपतिः । चकार राज्यं बलवानानर्तेषु नराधिपः

raivataṁ nāma ca girimāśritaḥ pṛthivīpatiḥ cakāra rājyaṁ balavānānarteṣu narādhipaḥ

Established upon the mountain named Raivata, that mighty lord of the earth ruled his kingdom over the Anarta domains.

Verse 49 (devibhagavatam.7.7.49)

विचिन्त्य मनसा राजा कस्मै देया मया सुता । गत्वा पृच्छामि ब्रह्माणं सर्वज्ञं सुरपूजितम्

vicintya manasā rājā kasmai deyā mayā sutā gatvā pṛcchāmi brahmāṇaṁ sarvajñaṁ surapūjitam

The king reflected in his mind: "To whom should I give my daughter? Let me go and ask Brahma, the all-knowing one, honored by the gods."

Verse 50 (devibhagavatam.7.7.50)

इति सञ्चिन्त्य भूपालः सुतामादाय रेवतीम् । ब्रह्मलोकं जगामाशु प्रष्टुकामः पितामहम्

iti sañcintya bhūpālaḥ sutāmādāya revatīm brahmalokaṁ jagāmāśu praṣṭukāmaḥ pitāmaham

Thinking thus, the king, taking his daughter Revati with him, went at once to Brahmaloka, wishing to consult the grandsire Brahma.

Verse 51 (devibhagavatam.7.7.51)

यत्र देवाश्च यज्ञाश्च छन्दांसि पर्वतास्तथा । अब्धयः सिद्धगन्धर्वाः दिव्यरूपधराः स्थिताः

yatra devāśca yajñāśca chandāṁsi parvatāstathā abdhayaḥ siddhagandharvāḥ divyarūpadharāḥ sthitāḥ

There, where gods and sacrifices, the Vedic meters, mountains, and oceans, and Siddhas and Gandharvas of divine form, all abide,

Verse 52 (devibhagavatam.7.7.52)

ऋषयः सिद्धगन्धर्वाः पन्नगाश्चारणास्तथा । तस्थुः प्राञ्जलयः सर्वे स्तुवन्तश्च पुरातनाः

ṛṣayaḥ siddhagandharvāḥ pannagāścāraṇāstathā tasthuḥ prāñjalayaḥ sarve stuvantaśca purātanāḥ

— where sages, Siddhas, Gandharvas, serpents, and Charanas, all those ancient beings, stood with folded hands, singing praises —