The Yoga of Meditation

Verse 1 (garuda.1.14.1)

।।हरिरुवाच । अथ योगं प्रवक्ष्यामि भुक्तिमुक्तिकरं परम् । ध्यायिभिः प्रोच्यते ध्येयो ध्यानेन हरिरीश्वरः

hariruvāca atha yogaṁ pravakṣyāmi bhuktimuktikaraṁ param dhyāyibhiḥ procyate dhyeyo dhyānena harirīśvaraḥ

Hari said: Now I shall declare that yoga, supreme, which grants both enjoyment and liberation. By meditators, Hari the Lord is declared, through meditation, to be the one worthy of meditation.

Verse 2 (garuda.1.14.2)

तच्छृणुष्व महेशान सर्वपापविनाशनम् । विष्णुः सर्वेश्वरोऽनन्तः षड्भिर्भूपरिवर्जितः

tacchṛṇuṣva maheśāna sarvapāpavināśanam viṣṇuḥ sarveśvaro'nantaḥ ṣaḍbhirbhūparivarjitaḥ

O great Lord, hear that which destroys all sin. Vishnu is the Lord of all, infinite, free of the six transformations of being, and free of gross materiality.

Verse 3 (garuda.1.14.3)

वासुदेवो जगन्नाथो ब्रह्मात्मास्म्यहमेव हि । देहिदेहस्थितो नित्यः सर्वदेहविवर्जितः

vāsudevo jagannātho brahmātmāsmyahameva hi dehidehasthito nityaḥ sarvadehavivarjitaḥ

Vasudeva, Lord of the universe, the self that is Brahman — I myself am he. Ever abiding within the body of the embodied, he is yet free of all bodily form.

Verse 4 (garuda.1.14.4)

देहधर्म्मविहीनश्च क्षराक्षरविवर्जितः । षड्विधेषु स्थितो द्रष्टा श्रोता घ्राता ह्यतीन्द्रियः

dehadharmmavihīnaśca kṣarākṣaravivarjitaḥ ṣaḍvidheṣu sthito draṣṭā śrotā ghrātā hyatīndriyaḥ

He is devoid of the properties of the body, and free of both the perishable and the imperishable. Though present in the six senses as the seer, hearer, and smeller, he is beyond the senses.

Verse 5 (garuda.1.14.5)

तद्धर्म्मरहितः स्रष्टा नामगोत्रविवर्जितः । मन्ता मनः स्थितो देवो मनसा परिवर्जितः

taddharmmarahitaḥ sraṣṭā nāmagotravivarjitaḥ mantā manaḥ sthito devo manasā parivarjitaḥ

He is the creator, free of the properties of the senses, without name or lineage. He is the God who thinks, abiding in the mind, yet he is free of mind.

Verse 6 (garuda.1.14.6)

मनोधर्म्मविहीनश्च विज्ञानं ज्ञानमेव च । बोद्धा बुद्धिस्थितः साक्षी सर्वज्ञो बुद्धिवर्जितः

manodharmmavihīnaśca vijñānaṁ jñānameva ca boddhā buddhisthitaḥ sākṣī sarvajño buddhivarjitaḥ

He is devoid of the properties of the mind, and is himself both discernment and knowledge. Abiding in the intellect as the knower, the witness, the all-knowing one, he is yet free of intellect.

Verse 7 (garuda.1.14.7)

बुद्धिधर्म्मविहीनश्च सर्वः सर्वगतो मनः । सर्वप्राणिविनिर्मुक्तः प्राणधर्म्मविवर्जितः

buddhidharmmavihīnaśca sarvaḥ sarvagato manaḥ sarvaprāṇivinirmuktaḥ prāṇadharmmavivarjitaḥ

He is devoid of the properties of the intellect, all-encompassing, all-pervading mind itself. Though free of all creatures, he is their very life-breath, yet free of the properties of breath.

Verse 8 (garuda.1.14.8)

प्राणप्राणो महाशान्तो भयेन परिवर्जितः । अहंकारादिहीनश्च तद्धर्म्मपरिवर्जितः

prāṇaprāṇo mahāśānto bhayena parivarjitaḥ ahaṁkārādihīnaśca taddharmmaparivarjitaḥ

He is the breath of breath, of great tranquility, utterly free of fear. He is devoid of egoism and the rest, and free of their properties too.

Verse 9 (garuda.1.14.9)

तत्साक्षी तन्नियन्ता च परमानन्दरूपकः । जाग्रत्स्वप्नसुषुप्तिस्थस्तत्साक्षी तद्विवर्जितः

tatsākṣī tanniyantā ca paramānandarūpakaḥ jāgratsvapnasuṣuptisthastatsākṣī tadvivarjitaḥ

He is their witness and their controller, the very form of supreme bliss. Present in waking, dream, and deep sleep as their witness, he is yet free of them.

Verse 10 (garuda.1.14.10)

तुरीयः परमो धाता दृग्रूपो गुणवर्जितः । मुक्तो बुद्धोऽजरो व्यापी सत्य आत्मास्म्यहं शिवः

turīyaḥ paramo dhātā dṛgrūpo guṇavarjitaḥ mukto buddho'jaro vyāpī satya ātmāsmyahaṁ śivaḥ

He is the fourth state, beyond the three, the supreme ordainer, the very form of seeing, free of all qualities. Liberated, awakened, unaging, all-pervading, the true Self — I myself am that auspicious one.

Verse 11 (garuda.1.14.11)

एवं ये मानवा विज्ञा ध्यायन्तीशं परं पदम् । प्राप्नुयुस्ते च तद्रूपं नात्र कार्य्या विचारणा

evaṁ ye mānavā vijñā dhyāyantīśaṁ paraṁ padam prāpnuyuste ca tadrūpaṁ nātra kāryyā vicāraṇā

Thus, those wise men who meditate upon the Lord attain the supreme state and his very form — of this there should be no doubt.

Verse 12 (garuda.1.14.12)

इति ध्यानं समाख्यातं तव शङ्कर सुव्रत । पठेद्य एतत्सततं विष्णुलोकं स गच्छति

iti dhyānaṁ samākhyātaṁ tava śaṅkara suvrata paṭhedya etatsatataṁ viṣṇulokaṁ sa gacchati

O Shankara, O one of good vows, thus has this meditation been declared to you. Whoever recites this constantly goes to the world of Vishnu.