Formulas for Longevity (Ayushkara Yoga)

Verse 1 (garuda.1.187.1)

श्रीगरुडमहापुराणम् १८७ हरिरुवाच । हस्तिकर्णपलाशस्य पत्राणि चूर्णयेद्धर । सर्वरोगविनिर्मुक्तं चूर्णं पलशतं शिव

śrīgaruḍamahāpurāṇam 187 hariruvāca hastikarṇapalāśasya patrāṇi cūrṇayeddhara sarvarogavinirmuktaṁ cūrṇaṁ palaśataṁ śiva

Hari said: One should powder the leaves of hastikarna-palasha, O Hara! A hundred pala of this powder frees one from all disease, O Shiva!

Verse 2 (garuda.1.187.2)

सक्षीरं भक्षीतं कुर्यात्सप्ताहेन वृषध्वज । नरं श्रुतिधरं रुद्र मृगेन्द्रगतिविक्रमम्

sakṣīraṁ bhakṣītaṁ kuryātsaptāhena vṛṣadhvaja naraṁ śrutidharaṁ rudra mṛgendragativikramam

Eaten with milk for seven days, O Vrishadhvaja, it makes a man retentive of all he hears, and endowed with the gait and might of a lion, O Rudra.

Verse 3 (garuda.1.187.3)

पद्मरागप्रतीकाशंयुक्तं दशशतायुषा । षोडशाब्दाकृतिं रुद्र सततं दुग्धभोजनात्

padmarāgapratīkāśaṁyuktaṁ daśaśatāyuṣā ṣoḍaśābdākṛtiṁ rudra satataṁ dugdhabhojanāt

Endowed with a complexion like a ruby, with a lifespan of a thousand years, O Rudra, appearing as though sixteen years old, through constant milk diet.

Verse 4 (garuda.1.187.4)

मधुसर्पिःसमायुक्तं दुग्धमायुष्करं भवेत् । तज्जग्धं मधुना सार्धं दशवर्ष सहस्रिणम्

madhusarpiḥsamāyuktaṁ dugdhamāyuṣkaraṁ bhavet tajjagdhaṁ madhunā sārdhaṁ daśavarṣa sahasriṇam

Milk combined with honey and ghee becomes life-prolonging; eaten together with honey, it makes a man live ten thousand years,

Verse 5 (garuda.1.187.5)

कुर्यान्नरं श्रुतिधरं प्रमदाजनवल्लभम् । दध्ना नित्यं भक्षितन्तु वज्रदेहकरं भवेत्

kuryānnaraṁ śrutidharaṁ pramadājanavallabham dadhnā nityaṁ bhakṣitantu vajradehakaraṁ bhavet

— it makes him retentive of all he hears, and beloved of women. Eaten daily with curd, it produces a body as hard as a diamond.

Verse 6 (garuda.1.187.6)

केशराजिसमायुक्तं नरं वर्षसहस्रिणम् । तच्च काञ्जिकसंयुक्तं नरं कुर्याच्च भक्षितम्

keśarājisamāyuktaṁ naraṁ varṣasahasriṇam tacca kāñjikasaṁyuktaṁ naraṁ kuryācca bhakṣitam

Combined with bhringaraja, it grants a man a thousand years of life; combined with fermented rice-water and eaten, it likewise brings this benefit to a man.

Verse 7 (garuda.1.187.7)

शतवर्षं दिव्यदेहं वलीपलितवर्जितम् । जग्धं त्रिफलया क्षौद्रं चक्षुष्मन्तं करोति वै

śatavarṣaṁ divyadehaṁ valīpalitavarjitam jagdhaṁ triphalayā kṣaudraṁ cakṣuṣmantaṁ karoti vai

It bestows a divine body for a hundred years, free of wrinkles and grey hair. Eaten with triphala and honey, it certainly restores eyesight.

Verse 8 (garuda.1.187.8)

अन्धः पश्येत्तु चूर्णस्य साज्यस्यैव तु भक्षणात् । महिषीक्षीरसंयुक्तस्तल्लेपः कृष्णकेशकृत्

andhaḥ paśyettu cūrṇasya sājyasyaiva tu bhakṣaṇāt mahiṣīkṣīrasaṁyuktastallepaḥ kṛṣṇakeśakṛt

A blind person sees again merely by eating this powder combined with ghee. Combined with buffalo's milk, applying this as a paste turns the hair black.

Verse 9 (garuda.1.187.9)

खल्वाटस्य च वै केशा भवन्ति वृषभध्वज । तैलयुक्तेन चूर्णेन वलीपलितनाशनम्

khalvāṭasya ca vai keśā bhavanti vṛṣabhadhvaja tailayuktena cūrṇena valīpalitanāśanam

Even a bald man's hair grows again, O Vrishabhadhvaja. Powder combined with oil destroys wrinkles and grey hair.

Verse 10 (garuda.1.187.10)

तदुद्वर्तनमात्रेण सर्वरागः प्रमुच्यते । सच्छागक्षीरचूर्णेन दृष्टिः स्यान्मासतोऽञ्जनात्

tadudvartanamātreṇa sarvarāgaḥ pramucyate sacchāgakṣīracūrṇena dṛṣṭiḥ syānmāsato'ñjanāt

By this application alone, every kind of discoloration is removed. With powder combined with goat's milk, used as a collyrium for a month, eyesight is restored.

Verse 11 (garuda.1.187.11)

पलाशस्य च बीजानि श्रावणे वितुषाणि च । गृहीत्वा नवनीतेन तेषां चूर्णं च भक्षयेत्

palāśasya ca bījāni śrāvaṇe vituṣāṇi ca gṛhītvā navanītena teṣāṁ cūrṇaṁ ca bhakṣayet

One should gather the husked seeds of palasha in the month of Shravana, and, combining them with fresh butter, eat the powder made from these.

Verse 12 (garuda.1.187.12)

कर्षार्धमेकं सेवेत नत्वा नित्यं हरिं प्रभुम् । पुराणषष्टिधान्यस्य पथ्यमम्बु पिबन्हर । जीवेद्वर्षसहस्राणि वलीपलितवर्जितः

karṣārdhamekaṁ seveta natvā nityaṁ hariṁ prabhum purāṇaṣaṣṭidhānyasya pathyamambu pibanhara jīvedvarṣasahasrāṇi valīpalitavarjitaḥ

One should take half a karsha daily, having bowed to Lord Hari; drinking wholesome water while eating sixty-year-old grain, O Hara — one lives a thousand years, free of wrinkles and grey hair.

Verse 13 (garuda.1.187.13)

भृङ्गराजस्य वै मूलं पुष्यर्क्षे तु समाहृतम् । विधाय तस्य चूर्णं वै ससौवीरञ्च भक्षयेतं

bhṛṅgarājasya vai mūlaṁ puṣyarkṣe tu samāhṛtam vidhāya tasya cūrṇaṁ vai sasauvīrañca bhakṣayetaṁ

The root of bhringaraja, gathered under the Pushya asterism, should be made into powder and eaten combined with fermented rice-water.

Verse 14 (garuda.1.187.14)

मासमात्रप्रयोगेण वलीपलितवर्जितः । शतानि पञ्च जीवेच्च नरो नागबलो भवेत् । भवेच्छ्रुतिधरो रुद्र पुष्यर्क्षे चैव भक्षणात्

māsamātraprayogeṇa valīpalitavarjitaḥ śatāni pañca jīvecca naro nāgabalo bhavet bhavecchrutidharo rudra puṣyarkṣe caiva bhakṣaṇāt

By this regimen for just one month, a man becomes free of wrinkles and grey hair, lives five hundred years, and becomes as strong as an elephant; and, O Rudra, by eating it under the Pushya asterism, he also becomes retentive of all he hears.