The Rite of Worshipping the Five Principles

Verse 1 (garuda.1.32.1)

।।महेश्वर उवाच । पञ्चतत्त्वार्चनं ब्रूहि शंखचक्रगदाधर ! । येन विज्ञानमात्रेण नरो याति परं पदम्

maheśvara uvāca pañcatattvārcanaṁ brūhi śaṁkhacakragadādhara ! yena vijñānamātreṇa naro yāti paraṁ padam

Maheshvara said: O bearer of the conch, discus, and mace, declare the worship of the five principles, by mere knowledge of which a man attains the supreme state.

Verse 2 (garuda.1.32.2)

।।हरिरुवाच । पञ्चतत्त्वार्चनं वक्ष्ये तव शङ्कर सुव्रत । मङ्गल्यं मङ्गलं दिव्यं रहस्यं कामदं परम्

hariruvāca pañcatattvārcanaṁ vakṣye tava śaṅkara suvrata maṅgalyaṁ maṅgalaṁ divyaṁ rahasyaṁ kāmadaṁ param

Hari said: O Shankara, O one of good vows, I shall declare to you the worship of the five principles — auspicious, bringer of good fortune, divine, secret, and supremely fulfilling of desire.

Verse 3 (garuda.1.32.3)

तच्छृणुष्व महादेव पवित्रं कलिनाशनम् । एक एवाव्ययः शांतः परमात्मा सनातनः

tacchṛṇuṣva mahādeva pavitraṁ kalināśanam eka evāvyayaḥ śāṁtaḥ paramātmā sanātanaḥ

O great God, hear that which is sacred and destroys the sins of the Kali age. There is but one imperishable, tranquil, eternal Supreme Self,

Verse 4 (garuda.1.32.4)

वासुदेवो ध्रुवः शुद्धः सर्वव्यापी निरञ्जनः । स एव मायाया देव पञ्चधा संस्थितो हरिः

vāsudevo dhruvaḥ śuddhaḥ sarvavyāpī nirañjanaḥ sa eva māyāyā deva pañcadhā saṁsthito hariḥ

Vasudeva, unwavering, pure, all-pervading, taintless. That same Hari, O God, through maya, abides in five forms.

Verse 5 (garuda.1.32.5)

लोकानुग्रहकृद्विष्णुः सर्वदुष्टविनाशनः । वासुदेवस्वरूपेण तथा सङ्कर्षणेन च

lokānugrahakṛdviṣṇuḥ sarvaduṣṭavināśanaḥ vāsudevasvarūpeṇa tathā saṅkarṣaṇena ca

Vishnu, who bestows grace upon the worlds and destroys all the wicked — in the form of Vasudeva, and likewise in the form of Sankarshana,

Verse 6 (garuda.1.32.6)

तथा प्रद्युम्नरूपेणानिरुद्धाख्येन च स्थितः । नारायणस्वरूपेण पञ्चधा ह्यद्वयः स्थितः

tathā pradyumnarūpeṇāniruddhākhyena ca sthitaḥ nārāyaṇasvarūpeṇa pañcadhā hyadvayaḥ sthitaḥ

and likewise abiding in the form of Pradyumna and in the form called Aniruddha, and in the form of Narayana — thus, though non-dual, he abides in five forms.

Verse 7 (garuda.1.32.7)

एतेषां वाचकान्मंत्रानेताञ्छृणु वृषध्वज ! । ॐ अं वासुदेवाय नमः । ॐ आं संकर्षणाय नमः । ॐ अं प्रद्युम्नाय नमः । ॐ अनिरुद्धाय नमः । ॐ ॐ नारायणाय नमः

eteṣāṁ vācakānmaṁtrānetāñchṛṇu vṛṣadhvaja ! oṁ aṁ vāsudevāya namaḥ oṁ āṁ saṁkarṣaṇāya namaḥ oṁ aṁ pradyumnāya namaḥ oṁ aniruddhāya namaḥ oṁ oṁ nārāyaṇāya namaḥ

O bearer of the bull-banner, hear these mantras that express these five forms — "Om aṁ, salutation to Vasudeva. Om āṁ, salutation to Sankarshana. Om aṁ, salutation to Pradyumna. Om, salutation to Aniruddha. Om Om, salutation to Narayana."

Verse 8 (garuda.1.32.8)

पञ्च मंत्राः समाख्याता देवानां वाचकास्तव । सर्वपापहराः पुण्याः सर्वरोगविनाशनाः

pañca maṁtrāḥ samākhyātā devānāṁ vācakāstava sarvapāpaharāḥ puṇyāḥ sarvarogavināśanāḥ

These five mantras, expressing these gods, have been declared to you. They destroy every sin, are sacred, and destroy every disease.

Verse 9 (garuda.1.32.9)

अधुना संप्रवक्ष्यामि पञ्चतत्त्वार्चनं शुभम् । विधिना येन कर्त्तव्यं यैर्वा मंत्रैश्च शङ्कर !

adhunā saṁpravakṣyāmi pañcatattvārcanaṁ śubham vidhinā yena karttavyaṁ yairvā maṁtraiśca śaṅkara !

Now I shall declare that auspicious worship of the five principles — by what rite, and with what mantras, O Shankara, it should be performed.

Verse 10 (garuda.1.32.10)

आदौ स्नानं प्रकुर्वीत स्नात्वा सन्ध्यां समाचरेत् । अर्चनागारमासाद्य प्रक्षाल्याङ्घ्र्यादिकं तथा

ādau snānaṁ prakurvīta snātvā sandhyāṁ samācaret arcanāgāramāsādya prakṣālyāṅghryādikaṁ tathā

First one should bathe, and having bathed, perform the twilight rite. Having reached the place of worship, and likewise having washed the feet and the rest,

Verse 11 (garuda.1.32.11)

आचम्योपविशेत्प्राज्ञो बद्धासनमभीप्सितम् । शोषणादि ततः कुर्य्याद् अं क्षौं रमिति मंत्रकैः

ācamyopaviśetprājño baddhāsanamabhīpsitam śoṣaṇādi tataḥ kuryyād aṁ kṣauṁ ramiti maṁtrakaiḥ

having sipped water, the wise one should sit in the desired posture. Then one should perform desiccation and the rest with the mantras "aṁ kṣauṁ raṁ" and the like.

Verse 12 (garuda.1.32.12)

सामान्यं कठिनीकृत्य चाण्डमुत्पादयेत्ततः । विभिद्याण्डं ततो ह्यण्डे भावयेत्परमेश्वरम्

sāmānyaṁ kaṭhinīkṛtya cāṇḍamutpādayettataḥ vibhidyāṇḍaṁ tato hyaṇḍe bhāvayetparameśvaram

Having hardened the common body, one should then generate the egg. Having split the egg, one should contemplate the Supreme Lord within it.

Verse 13 (garuda.1.32.13)

वासुदेवं जगन्नाथं पीतकौशेयवाससम् । सहस्त्रादित्यसङ्काशं स्फुरन्मकरकुण्डलम्

vāsudevaṁ jagannāthaṁ pītakauśeyavāsasam sahastrādityasaṅkāśaṁ sphuranmakarakuṇḍalam

Vasudeva, Lord of the universe, clad in yellow silk garments, radiant as a thousand suns, wearing shining crocodile-shaped earrings —

Verse 14 (garuda.1.32.14)

आत्मनो हृदि पद्मे तु ध्यायेत्तु परमेश्वरम् । ततः सङ्कर्षणं देवमात्मानं चिन्तयेत्प्रभुम्

ātmano hṛdi padme tu dhyāyettu parameśvaram tataḥ saṅkarṣaṇaṁ devamātmānaṁ cintayetprabhum

One should meditate upon the Supreme Lord in the lotus of one's own heart. Then one should contemplate the lord Sankarshana as one's own self.

Verse 15 (garuda.1.32.15)

प्रद्युम्नमनिरुद्धं च श्रीमन्नारायणं ततः । इंद्रादींश्च सुरांस्तस्माद्देवदेवात्समुत्थितान्

pradyumnamaniruddhaṁ ca śrīmannārāyaṇaṁ tataḥ iṁdrādīṁśca surāṁstasmāddevadevātsamutthitān

Then, Pradyumna, Aniruddha, and the glorious Narayana, and Indra and the other gods, arisen from that God of gods,

Verse 16 (garuda.1.32.16)

चिन्तयेच्च ततो न्यासं कुर्य्या द्वै कारयोर्द्वयोः । व्यापकं मूलमंत्रेण चाङ्गन्यासं ततः परम्

cintayecca tato nyāsaṁ kuryyā dvai kārayordvayoḥ vyāpakaṁ mūlamaṁtreṇa cāṅganyāsaṁ tataḥ param

one should contemplate. Then, upon both hands, one should perform the pervasive placement with the root-mantra, and thereafter the limb-placement.

Verse 17 (garuda.1.32.17)

अङ्गमन्त्रैर्महादेव ! तान्मंत्राञ्श्रृणु सुव्रत ! । ॐ आं हृदयाय नमः । ॐ ईं शिरसे नमः । ॐ ऊं शिखायै नमः । ॐ ऐं कवचाय नमः । ॐ औं नेत्रत्रयाय नमः । ॐ अः अस्त्राय फट्

aṅgamantrairmahādeva ! tānmaṁtrāñśrṛṇu suvrata ! oṁ āṁ hṛdayāya namaḥ oṁ īṁ śirase namaḥ oṁ ūṁ śikhāyai namaḥ oṁ aiṁ kavacāya namaḥ oṁ auṁ netratrayāya namaḥ oṁ aḥ astrāya phaṭ

O great God, with the limb-mantras one should perform the placement — O one of good vows, hear those mantras: "Om āṁ, to the heart, salutation. Om īṁ, to the head, salutation. Om ūṁ, to the crest, salutation. Om aiṁ, to the armor, salutation. Om auṁ, to the three eyes, salutation. Om aḥ, to the weapon, phat."

Verse 18 (garuda.1.32.18)

ॐ समस्तपरिवारायाच्युताय नमः । ॐ धात्रे नमः । ॐ विधात्रे नमः । ॐ आधारशक्तयै नमः । ॐ कूर्माय नमः । ॐ अनंताय नमः । ॐ पृथिव्यैनमः । ॐ धर्माय नमः । ॐ धर्माय नमः । ॐ ज्ञानाय नमः । ॐ वैराग्याय नमः । ॐ ऐश्वर्य्याय नमः । ॐ अज्ञानाय नमः । ॐ अनैश्वर्य्याय नमः । ॐ अं अर्कमण्डलाय नमः । ॐ सों सोममण्डलाय नमः । ॐ वं वह्निमण्डलाय नमः । ॐ वं वासुदेवाय परब्रह्मणे शिवाय तेजोरूपाय व्यापिने सर्वदेवाधिदेवाय नमः । ॐ पाञ्चजन्याय नमः । ॐ सुदर्शनाय नमः । ॐ गदायै नमः । ॐ पद्माय नमः । ॐ श्रियै नमः । ॐ ह्रियै नमः । ॐ पुष्ट्यै नमः । ॐ गीत्यै नमः । ॐ शक्त्यै नमः । ॐ प्रीत्यै नमः । ॐ इन्द्राय नमः । ॐ अग्नये नमः । ॐ यमाय नमः । ॐ निर्ऋतये नमः । ॐ वरुणाय नमः । ॐ वायवे नमः । ॐ सोमाय नमः । ॐ ईशानाय नमः । ॐ अनन्ताय नमः । ॐ ब्रह्मणे नमः । ॐ विष्वक्सेनाय नमः

oṁ samastaparivārāyācyutāya namaḥ oṁ dhātre namaḥ oṁ vidhātre namaḥ oṁ ādhāraśaktayai namaḥ oṁ kūrmāya namaḥ oṁ anaṁtāya namaḥ oṁ pṛthivyainamaḥ oṁ dharmāya namaḥ oṁ dharmāya namaḥ oṁ jñānāya namaḥ oṁ vairāgyāya namaḥ oṁ aiśvaryyāya namaḥ oṁ ajñānāya namaḥ oṁ anaiśvaryyāya namaḥ oṁ aṁ arkamaṇḍalāya namaḥ oṁ soṁ somamaṇḍalāya namaḥ oṁ vaṁ vahnimaṇḍalāya namaḥ oṁ vaṁ vāsudevāya parabrahmaṇe śivāya tejorūpāya vyāpine sarvadevādhidevāya namaḥ oṁ pāñcajanyāya namaḥ oṁ sudarśanāya namaḥ oṁ gadāyai namaḥ oṁ padmāya namaḥ oṁ śriyai namaḥ oṁ hriyai namaḥ oṁ puṣṭyai namaḥ oṁ gītyai namaḥ oṁ śaktyai namaḥ oṁ prītyai namaḥ oṁ indrāya namaḥ oṁ agnaye namaḥ oṁ yamāya namaḥ oṁ nirṛtaye namaḥ oṁ varuṇāya namaḥ oṁ vāyave namaḥ oṁ somāya namaḥ oṁ īśānāya namaḥ oṁ anantāya namaḥ oṁ brahmaṇe namaḥ oṁ viṣvaksenāya namaḥ

"Om, salutation to Achyuta together with his entire retinue. Om, to Dhata. Om, to Vidhata. Om, to the supporting power. Om, to the Tortoise. Om, to Ananta. Om, to the Earth. Om, to Dharma. Om, to Knowledge. Om, to Dispassion. Om, to Lordship. Om, to Ignorance. Om, to Powerlessness. Om aṁ, to the disc of the Sun. Om soṁ, to the disc of the Moon. Om vaṁ, to the disc of fire. Om vaṁ, salutation to Vasudeva, the Supreme Brahman, Shiva, the form of radiance, all-pervading, God of every god. Om, to Panchajanya. Om, to Sudarshana. Om, to the mace. Om, to the lotus. Om, to Shri. Om, to Hri. Om, to Pushti. Om, to Giti. Om, to Shakti. Om, to Priti. Om, to Indra. Om, to Agni. Om, to Yama. Om, to Nirriti. Om, to Varuna. Om, to Vayu. Om, to Soma. Om, to Ishana. Om, to Ananta. Om, to Brahma. Om, to Vishvaksena."

Verse 19 (garuda.1.32.19)

एते मन्त्राः समाख्यातास्तव रुद्र समासतः । पूजा चैव प्रकर्त्तव्या मण्डले स्वस्तिकादिके

ete mantrāḥ samākhyātāstava rudra samāsataḥ pūjā caiva prakarttavyā maṇḍale svastikādike

O Rudra, these mantras have been declared to you in brief. Worship should be performed in the mandala marked with the swastika and the rest.

Verse 20 (garuda.1.32.20)

ॐ पद्माय नमः । अङ्गन्यासं च कृत्वा तु मुद्राः सर्वाः प्रदर्शयत् । आत्मानं वासुदेवं च ध्यात्वा चैव परेश्वरम्

oṁ padmāya namaḥ aṅganyāsaṁ ca kṛtvā tu mudrāḥ sarvāḥ pradarśayat ātmānaṁ vāsudevaṁ ca dhyātvā caiva pareśvaram

"Om, salutation to the lotus." Having performed the limb-placement, one should display all the mudras. Having meditated upon one's own self as Vasudeva, the Supreme Lord,

Verse 21 (garuda.1.32.21)

आसनं पूजयेत्पश्चादावाह्य विधिवन्नरः । द्वारे धातुर्विधातुश्च पूजा कार्य्या वृषध्वज

āsanaṁ pūjayetpaścādāvāhya vidhivannaraḥ dvāre dhāturvidhātuśca pūjā kāryyā vṛṣadhvaja

a man should then invoke him and duly worship the seat. O bearer of the bull-banner, at the doorway, Dhata and Vidhata should be worshipped.

Verse 22 (garuda.1.32.22)

गरुडं पूजयेदग्रे वासुदेवस्य शङ्कर । शङ्खादिपद्मपर्य्यन्तं मध्यदेशे प्रपूजयेत्

garuḍaṁ pūjayedagre vāsudevasya śaṅkara śaṅkhādipadmaparyyantaṁ madhyadeśe prapūjayet

O Shankara, one should worship Garuda before Vasudeva. From the conch up to the lotus, one should duly worship in the middle region.

Verse 23 (garuda.1.32.23)

धर्मं ज्ञानं च वैराग्यमैश्वर्यं पूर्वदेशतः । आग्नेयादिष्वर्चयेद्वै अधर्मादिचतुष्टयम्

dharmaṁ jñānaṁ ca vairāgyamaiśvaryaṁ pūrvadeśataḥ āgneyādiṣvarcayedvai adharmādicatuṣṭayam

Dharma, Knowledge, Dispassion, and Lordship, from the east; in the south-east and the other quarters, one should worship the four beginning with non-dharma.

Verse 24 (garuda.1.32.24)

मण्डलत्रयमध्ये तु कीर्त्तिता ह्यसनस्थितिः । पूर्वादिपद्मपत्रेषु पूज्याः संकर्षणादयः

maṇḍalatrayamadhye tu kīrttitā hyasanasthitiḥ pūrvādipadmapatreṣu pūjyāḥ saṁkarṣaṇādayaḥ

In the midst of the three mandalas, the seat's position has been declared. In the petals of the lotus, east and the rest, Sankarshana and the others are to be worshipped.

Verse 25 (garuda.1.32.25)

कर्णिकायां वासुदेवं पूजयेत्परमेश्वरम् । पाञ्चजन्यादयः पूज्याः ऐशान्यादिषु संस्थिताः

karṇikāyāṁ vāsudevaṁ pūjayetparameśvaram pāñcajanyādayaḥ pūjyāḥ aiśānyādiṣu saṁsthitāḥ

In the pericarp, one should worship the Supreme Lord Vasudeva. Panchajanya and the rest are to be worshipped, situated in the north-east and the other corners.

Verse 26 (garuda.1.32.26)

शक्तयश्चैव पूर्वादौ देवदेवस्य शङ्कर । इन्द्रादयो लोकपालाः पूज्याः पूर्वादिषु स्थिताः

śaktayaścaiva pūrvādau devadevasya śaṅkara indrādayo lokapālāḥ pūjyāḥ pūrvādiṣu sthitāḥ

O Shankara, the powers of the God of gods are worshipped in the east and the other quarters. Indra and the other guardians of the quarters, situated in the east and the rest, are to be worshipped.

Verse 27 (garuda.1.32.27)

अधो नाग तदूर्द्ध्वन्तु ब्रह्माणं पूजयेत्सुधीः । इति स्थानक्रमो ज्ञेयो मण्डले शङ्कर त्वया

adho nāga tadūrddhvantu brahmāṇaṁ pūjayetsudhīḥ iti sthānakramo jñeyo maṇḍale śaṅkara tvayā

Below, the serpent Shesha; and above him, the wise should worship Brahma. O Shankara, thus should you know the order of placement in the mandala.

Verse 28 (garuda.1.32.28)

आवाह्य मण्डले देवं कृत्वा न्यासं तु तस्य च । मुद्रां प्रदर्श्य पाद्यदीन्दद्यान्मूलेन शङ्कर

āvāhya maṇḍale devaṁ kṛtvā nyāsaṁ tu tasya ca mudrāṁ pradarśya pādyadīndadyānmūlena śaṅkara

Having invoked the God into the mandala and performed the placement upon him, and having displayed the mudra, O Shankara, one should offer the padya and the rest with the root-mantra.

Verse 29 (garuda.1.32.29)

स्नानं वस्त्रं तथाचामं गन्धं पुष्पं च धूपकम् । दीपं नैवेद्यमाचामं नमस्कारं प्रदक्षिणम् । कुर्य्याच्छङ्कर मूलेन जपं चापि समर्पयेत्

snānaṁ vastraṁ tathācāmaṁ gandhaṁ puṣpaṁ ca dhūpakam dīpaṁ naivedyamācāmaṁ namaskāraṁ pradakṣiṇam kuryyācchaṅkara mūlena japaṁ cāpi samarpayet

Bathing, clothing, sipping-water, sandal-paste, flowers, incense, lamp, food-offering, sipping-water, salutation, and circumambulation — O Shankara, one should perform all these with the root-mantra, and offer the recitation as well.

Verse 30 (garuda.1.32.30)

इदं स्तोत्रं जपेत्पश्चाद्वासुदेवमनुस्मरन् । ॐ नमो वासुदेवाय नमः सकर्षणाय च

idaṁ stotraṁ japetpaścādvāsudevamanusmaran oṁ namo vāsudevāya namaḥ sakarṣaṇāya ca

Then, calling Vasudeva to mind, one should recite this hymn — "Om, salutation to Vasudeva; salutation to Sankarshana."

Verse 31 (garuda.1.32.31)

प्रद्युम्नायादिदेवायानिरुद्धाय नमोनमः । नमो नारायणायैव नरायणां पतये नमः

pradyumnāyādidevāyāniruddhāya namonamaḥ namo nārāyaṇāyaiva narāyaṇāṁ pataye namaḥ

"Salutation again and again to Pradyumna, the primal God, and to Aniruddha. Salutation to Narayana; salutation to the Lord of men."

Verse 32 (garuda.1.32.32)

नरपूज्याय कीर्त्याय स्तुत्याय वरदाय च । अनादिनिधनायैव पुराणाय नमोनमः

narapūjyāya kīrtyāya stutyāya varadāya ca anādinidhanāyaiva purāṇāya namonamaḥ

"To the one worthy of men's worship, of glory, of praise, the giver of boons. To the one without beginning or end, the ancient one, salutation again and again."

Verse 33 (garuda.1.32.33)

सृष्टिसंहारकर्त्रे च ब्रह्मणः पतये नमः । मनो वै वेदवेद्याय शङ्खचक्रधराय च

sṛṣṭisaṁhārakartre ca brahmaṇaḥ pataye namaḥ mano vai vedavedyāya śaṅkhacakradharāya ca

"To the maker of creation and dissolution, the Lord of Brahma, salutation. To the one knowable through the mind and the Vedas, the bearer of conch and discus."

Verse 34 (garuda.1.32.34)

कलिकल्मषहर्त्रे च सुरेशाय नमोनमः । संसारवृक्षच्छेत्रे च मायाभेत्रे नमोनमः

kalikalmaṣahartre ca sureśāya namonamaḥ saṁsāravṛkṣacchetre ca māyābhetre namonamaḥ

"To the remover of the sins of the Kali age, the Lord of the gods, salutation again and again. To the feller of the tree of worldly existence, the piercer of maya, salutation again and again."

Verse 35 (garuda.1.32.35)

बहुरूपाय तीर्थाय त्रिगुणायागुणाय च । ब्रह्मविष्णवीशरूपय मोक्षदाय नमोनमः

bahurūpāya tīrthāya triguṇāyāguṇāya ca brahmaviṣṇavīśarūpaya mokṣadāya namonamaḥ

"To the one of many forms, the sacred ford itself, possessed of the three qualities yet beyond qualities. To the one whose form is Brahma, Vishnu, and Ishvara, the giver of liberation, salutation again and again."

Verse 36 (garuda.1.32.36)

मोक्षद्वाराय धर्माय निर्माणाय नमोनमः । सर्वकामप्रदायैव परब्रह्मस्वरूपिणे

mokṣadvārāya dharmāya nirmāṇāya namonamaḥ sarvakāmapradāyaiva parabrahmasvarūpiṇe

"To the gateway of liberation, to dharma, to the maker, salutation again and again. To the one who grants every desire, the very form of the Supreme Brahman."

Verse 37 (garuda.1.32.37)

संसारसागरे घोरे निमग्नं मां समुद्धर । त्वदन्यो नास्ति देवेश नास्ति त्राता जगत्प्रभो

saṁsārasāgare ghore nimagnaṁ māṁ samuddhara tvadanyo nāsti deveśa nāsti trātā jagatprabho

"Raise me up, submerged in the terrible ocean of worldly existence. There is none other than you, O Lord of gods; there is no other protector, O Lord of the universe."

Verse 38 (garuda.1.32.38)

त्वामेव सर्वगं विष्णुं गतोऽहं शरणं गतः । ज्ञानदीपप्रदानेन तमोमुक्तं प्रकाशय

tvāmeva sarvagaṁ viṣṇuṁ gato'haṁ śaraṇaṁ gataḥ jñānadīpapradānena tamomuktaṁ prakāśaya

"You alone are the all-pervading Vishnu; I have come to you for refuge. By granting the lamp of knowledge, free me from darkness and illuminate me."

Verse 39 (garuda.1.32.39)

एवं स्तुवीत देवेशं सर्वक्लेशविनाशनम् । अन्यैश्चवैदिकेः स्तोत्रैः स्तुत्वा वै नीललोहित

evaṁ stuvīta deveśaṁ sarvakleśavināśanam anyaiścavaidikeḥ stotraiḥ stutvā vai nīlalohita

Thus one should praise the Lord of gods, the destroyer of every affliction. O blue-and-red one, having also praised him with other Vedic hymns,

Verse 40 (garuda.1.32.40)

पञ्चतत्त्वसमायुक्तं ध्यायोद्विष्णुं नरो हृदि । विसर्जयत्तता देवमिति पूजा प्रकीर्तिता

pañcatattvasamāyuktaṁ dhyāyodviṣṇuṁ naro hṛdi visarjayattatā devamiti pūjā prakīrtitā

a man should meditate in his heart upon Vishnu, joined with the five principles. Then one should take leave of the deity — thus has this worship been declared.

Verse 41 (garuda.1.32.41)

सर्वकामप्रदा श्रेष्ठा वासुदेवस्य शङ्कर । एतत्पूजनमात्रेण कृतकृत्यो भवेन्नरः

sarvakāmapradā śreṣṭhā vāsudevasya śaṅkara etatpūjanamātreṇa kṛtakṛtyo bhavennaraḥ

O Shankara, this is the most excellent worship of Vasudeva, granting every desire. By this worship alone, a man becomes fulfilled.

Verse 42 (garuda.1.32.42)

इदं च यः पठेद्रुद्र पञ्चतत्त्वार्चनं नरः । श्रृणुयाच्छ्रवायेद्वापि विष्णुलोकं स गच्छति

idaṁ ca yaḥ paṭhedrudra pañcatattvārcanaṁ naraḥ śrṛṇuyācchravāyedvāpi viṣṇulokaṁ sa gacchati

O Rudra, whatever man reads this worship of the five principles, hears it, or causes it to be heard, goes to the world of Vishnu.