Astrology: The Physiognomy of Men and Women

Verse 1 (garuda.1.65.1)

॥हरिरुवाच ॥ समुद्रोक्तं प्रवक्ष्यामि नरस्त्रीलक्षणं शुभम् ॥ येन विज्ञातमात्रेण अतीतानागताप्रमा

.hariruvāca . samudroktaṁ pravakṣyāmi narastrīlakṣaṇaṁ śubham . yena vijñātamātreṇa atītānāgatāpramā

Hari said: I shall declare the auspicious characteristics of men and women as told in the science of physiognomy (samudrika), by knowing which alone one gains understanding of the past and future.

Verse 2 (garuda.1.65.2)

अस्वेदिनौ मृदुतलौ कमलोदरसन्निभौ ॥ श्लेष्टाङ्गुली ताम्रनखौ पादावुष्णौ शिरोज्झितौ

asvedinau mṛdutalau kamalodarasannibhau . śleṣṭāṅgulī tāmranakhau pādāvuṣṇau śirojjhitau

Feet that do not sweat, with soft soles resembling the inside of a lotus, with joined toes, copper-colored nails, warm, and free of visible veins,

Verse 3 (garuda.1.65.3)

कूर्मोन्नतौ गूढगुल्फौ सुपार्ष्णो नृपतेः स्मृतौ ॥ शू(स) र्पाकारौ विरूक्षौ च वक्रौ पादौ शिरालकौ

kūrmonnatau gūḍhagulphau supārṣṇo nṛpateḥ smṛtau . śū(sa) rpākārau virūkṣau ca vakrau pādau śirālakau

arched like a tortoise, with hidden ankles and a fine heel — such feet are remembered as belonging to a king. Winnowing-fan shaped, rough, crooked feet marked with veins,

Verse 4 (garuda.1.65.4)

संशुष्कौ पाण्डुरनखौ निः स्वस्य विरलाङ्गुली ॥ मार्गायोत्कंटकौ पादौ कषायसदृशौ तथा

saṁśuṣkau pāṇḍuranakhau niḥ svasya viralāṅgulī . mārgāyotkaṁṭakau pādau kaṣāyasadṛśau tathā

dried up, with pale nails, and widely spaced toes, belong to a poor man. Feet with thorn-like protrusions, and of a dull grayish hue,

Verse 5 (garuda.1.65.5)

विच्छित्तिदौ च वंशस्य ब्रह्मन्घौ शङ्कु (पक्र) सन्निभौ ॥ अगम्यागमने प्रीतौ जङ्घा विरलरोमिका

vicchittidau ca vaṁśasya brahmanghau śaṅku (pakra) sannibhau . agamyāgamane prītau jaṅghā viralaromikā

bring ruin to the lineage; peg-like feet belong to one inclined toward forbidden unions. Thighs with sparse hair,

Verse 6 (garuda.1.65.6)

मृदुरोमा समा जङ्घा तथा करिकरप्रभा ॥ ऊरवो जानवस्तुल्या नृपस्योपचिताः स्मृताः

mṛduromā samā jaṅghā tathā karikaraprabhā . ūravo jānavastulyā nṛpasyopacitāḥ smṛtāḥ

with soft hair, even, radiant like an elephant's trunk; thighs as thick as the knees are held to belong to a king.

Verse 7 (garuda.1.65.7)

निः स्वस्य सृगालजङ्घा रौमैकैकं चकूपके ॥ नृपाणां श्रोत्रियाणां च द्वे द्वे श्रिये च धीमताम्

niḥ svasya sṛgālajaṅghā raumaikaikaṁ cakūpake . nṛpāṇāṁ śrotriyāṇāṁ ca dve dve śriye ca dhīmatām

A poor man's thigh is jackal-like; one hair per pore belongs to kings and Veda-knowers; two hairs per pore belongs to the fortunate wise.

Verse 8 (garuda.1.65.8)

त्र्याद्यैर्निः स्वा मानवाः स्युर्दुः स्वभाजश्च निन्दिताः ॥ केशाश्च वै कुञ्चिताश्च प्रवासे म्रियते नरः

tryādyairniḥ svā mānavāḥ syurduḥ svabhājaśca ninditāḥ . keśāśca vai kuñcitāśca pravāse mriyate naraḥ

With three or more hairs per pore, men are poor and afflicted with disgraceful misfortune. A man with curly hair dies while traveling.

Verse 9 (garuda.1.65.9)

निर्मांसजानुः सौभाग्यमल्पैर्निम्नै रतिः स्त्रियाः ॥ विकटैश्च दरिद्राः स्युः समांसै राज्यमेव च

nirmāṁsajānuḥ saubhāgyamalpairnimnai ratiḥ striyāḥ . vikaṭaiśca daridrāḥ syuḥ samāṁsai rājyameva ca

Fleshless knees bring good fortune; small, sunken breasts arouse passion in a woman. Those with prominent features are poor; those with fleshy features attain sovereignty itself.

Verse 10 (garuda.1.65.10)

महद्भिरायुराख्यातं ह्यल्पलिङ्गो धनी नरः ॥ अपत्यरहितश्चैव स्थूललिङ्गो घनोज्झितः

mahadbhirāyurākhyātaṁ hyalpaliṅgo dhanī naraḥ . apatyarahitaścaiva sthūlaliṅgo ghanojjhitaḥ

Large knees indicate long life; a man with a small phallus is wealthy,

Verse 11 (garuda.1.65.11)

मेढ्र वामनते चैव सुतार्थरहितो भवेत् ॥ वक्रेऽन्यथा पुत्रवान्त्स्याद्दारिद्र्यं विनतेत्वधः

meḍhra vāmanate caiva sutārtharahito bhavet . vakre'nyathā putravāntsyāddāridryaṁ vinatetvadhaḥ

but devoid of offspring; and one with a large phallus is devoid of wealth. If the phallus is stunted, he is devoid of sons and wealth; if naturally curved, he is blessed with a son; if bent downward, poverty results.

Verse 12 (garuda.1.65.12)

अल्पे त्वतनयो लिङ्गेशिरालेऽथ सुखी नरः ॥ स्थूलग्रन्थियुते लिङ्गे भवेत्पुत्रादिसंयुतः

alpe tvatanayo liṅgeśirāle'tha sukhī naraḥ . sthūlagranthiyute liṅge bhavetputrādisaṁyutaḥ

With a small phallus, he is childless; with a veined one, the man is happy. With a phallus having thick knots, he becomes blessed with sons and the like.

Verse 13 (garuda.1.65.13)

कोशगूढे दीर्घैर्भुग्नैश्च धनवर्जितः ॥ बलवान्युद्धशीलश्च लघुशेक्तः स एव च

kośagūḍhe dīrghairbhugnaiśca dhanavarjitaḥ . balavānyuddhaśīlaśca laghuśektaḥ sa eva ca

With a hidden glans, and with long, curved ones, one is devoid of wealth; strong, fond of battle, and also quick in union.

Verse 14 (garuda.1.65.14)

दुर्बलस्त्वेकवृषणो विषमाभ्याञ्चलः स्त्रियाम् ॥ समाभ्यां क्षितिपः प्रोक्तः प्रलम्बेन शताब्दवान्

durbalastvekavṛṣaṇo viṣamābhyāñcalaḥ striyām . samābhyāṁ kṣitipaḥ proktaḥ pralambena śatābdavān

One with a single testicle is weak; with uneven testicles, one is fickle toward women. With equal testicles, one is declared a king; with pendulous testicles, one lives a hundred years.

Verse 15 (garuda.1.65.15)

उद्वृं (द्ध) ताभ्यां च बह्वायू रूक्षैर्मणिभिरीश्वरः ॥ पाण्डरैर्मणिभिर्निः स्वा मलिनैः सुखभागिनः

udvṛṁ (ddha) tābhyāṁ ca bahvāyū rūkṣairmaṇibhirīśvaraḥ . pāṇḍarairmaṇibhirniḥ svā malinaiḥ sukhabhāginaḥ

With raised testicles, long life; with rough nails, lordship; with pale nails, poverty; even with dull, tarnished nails, one is fortunate.

Verse 16 (garuda.1.65.16)

सशब्दनिः शब्दमूत्राः स्युदंरिद्राश्च मानवाः ॥ एकद्वित्रिचतुः पञ्चषड्भिर्धाराभिरेव च

saśabdaniḥ śabdamūtrāḥ syudaṁridrāśca mānavāḥ . ekadvitricatuḥ pañcaṣaḍbhirdhārābhireva ca

With urine that flows with sound, and also without sound, men indicate poverty. By one, two, three, four, five, or six streams,

Verse 17 (garuda.1.65.17)

दक्षिणावर्त्तचलितमूत्रा भिश्च नृपाः स्मृताः ॥ विकीर्णमूत्रा निः स्वाश्च प्रधानसुखदायिकाः

dakṣiṇāvarttacalitamūtrā bhiśca nṛpāḥ smṛtāḥ . vikīrṇamūtrā niḥ svāśca pradhānasukhadāyikāḥ

and with urine swirling rightward, kings are indicated. Scattered urine indicates poverty; certain other patterns bestow the highest happiness.

Verse 18 (garuda.1.65.18)

एकधाराश्च वनिताः स्निग्धैर्मणिभिरुन्नतैः ॥ समैः स्त्रीरत्नधनिनो मध्ये निम्नैश्च कन्यकाः

ekadhārāśca vanitāḥ snigdhairmaṇibhirunnataiḥ . samaiḥ strīratnadhanino madhye nimnaiśca kanyakāḥ

Women with a single stream; with glossy, raised nails, and with even ones, a man becomes wealthy in jewel-like women; with nails sunken in the middle, he gains daughters.

Verse 19 (garuda.1.65.19)

शुष्कैर्निश्वा विशुष्कैश्च दुर्भगाः परिकीर्त्तिताः ॥ पुष्पगन्धे नृपाः शुक्रे मधुगन्धे धनं बहुः

śuṣkairniśvā viśuṣkaiśca durbhagāḥ parikīrttitāḥ . puṣpagandhe nṛpāḥ śukre madhugandhe dhanaṁ bahuḥ

With dry and excessively dry nails, misfortune is declared. With flower-scented semen, kingship; with honey-scented semen, abundant wealth,

Verse 20 (garuda.1.65.20)

पुत्राः शुक्रे मत्स्यगन्धे तनुशुक्रे च कन्यकाः ॥ महाभोगी मांसगन्धे यज्वा स्यान्मदगन्धिनि

putrāḥ śukre matsyagandhe tanuśukre ca kanyakāḥ . mahābhogī māṁsagandhe yajvā syānmadagandhini

with fish-scented semen, sons; with scanty semen, daughters. With meat-scented semen, great enjoyment; with wine-scented semen, one becomes a performer of sacrifices.

Verse 21 (garuda.1.65.21)

दरिद्रः क्षारगन्धे च दीर्घायुः शीघ्रमैथुनी ॥ अशीघ्रमैथुन्यल्पायुः स्थूलस्फिक् स्याद्धनोज्झितः

daridraḥ kṣāragandhe ca dīrghāyuḥ śīghramaithunī . aśīghramaithunyalpāyuḥ sthūlasphik syāddhanojjhitaḥ

With alkaline-scented semen, poverty; one quick in union has long life, one slow in union has short life. One with large buttocks is devoid of wealth;

Verse 22 (garuda.1.65.22)

मांसलस्फिक् सुखी स्याच्च सिंहस्फिक् भूपतिः स्मृतः ॥ भवेत्सिंहकटी राजा निः स्वः कपिकटिर्नरः

māṁsalasphik sukhī syācca siṁhasphik bhūpatiḥ smṛtaḥ . bhavetsiṁhakaṭī rājā niḥ svaḥ kapikaṭirnaraḥ

one with fleshy buttocks is happy; one with lion-like buttocks is remembered as a king. One with a lion's waist becomes a king; a man with a monkey's waist becomes poor.

Verse 23 (garuda.1.65.23)

सर्पोदरा दरिद्राः स्युः पिठरैश्च घटैः समैः ॥ धनिनो विपुलैः पार्श्वैर्निः स्वा रक्तैश्च निम्नगैः

sarpodarā daridrāḥ syuḥ piṭharaiśca ghaṭaiḥ samaiḥ . dhanino vipulaiḥ pārśvairniḥ svā raktaiśca nimnagaiḥ

Serpent-bellied ones are poor; with a level, pot-like belly, one is wealthy. With broad sides, wealth; with reddish, sunken sides, poverty.

Verse 24 (garuda.1.65.24)

समकक्षाश्च भोगाढ्या निम्नकक्षा धनोज्झिताः ॥ नृपाश्चोन्नतकक्षाः स्युर्जिह्ना विषमकक्षकाः

samakakṣāśca bhogāḍhyā nimnakakṣā dhanojjhitāḥ . nṛpāśconnatakakṣāḥ syurjihnā viṣamakakṣakāḥ

With even armpits, richness in enjoyment; with sunken armpits, poverty. Kings have raised armpits; the crooked have uneven armpits.

Verse 25 (garuda.1.65.25)

मत्स्योदरा बहुधना नाभिभिः सुखिनः स्मृताः ॥ विस्तीर्णाभिर्बहुलाभिर्निम्नाभिः क्लेशभागिनः

matsyodarā bahudhanā nābhibhiḥ sukhinaḥ smṛtāḥ . vistīrṇābhirbahulābhirnimnābhiḥ kleśabhāginaḥ

Fish-bellied people have much wealth; certain navels are held to bring happiness. A broad, large, sunken navel brings hardship.

Verse 26 (garuda.1.65.26)

बलिमध्यगता नाभिः शूलबाधां करोति हि ॥ वामावर्त्तश्च साध्यं वै मेधां दक्षिणतस्तथा

balimadhyagatā nābhiḥ śūlabādhāṁ karoti hi . vāmāvarttaśca sādhyaṁ vai medhāṁ dakṣiṇatastathā

A navel situated amid folds causes colic pain. A left-spiraling navel makes undertakings achievable; a right-spiraling one grants intelligence.

Verse 27 (garuda.1.65.27)

पार्श्वायता चिरायुर्दा तूपविष्टा धनेश्वरम् ॥ अधो गवाढ्यं कुर्य्याच्च नृपत्वं पद्मकर्णिका

pārśvāyatā cirāyurdā tūpaviṣṭā dhaneśvaram . adho gavāḍhyaṁ kuryyācca nṛpatvaṁ padmakarṇikā

A navel extending to the side grants long life; one set deep grants lordship of wealth. A low-set navel brings abundance of cattle; one shaped like a lotus-pericarp brings kingship.

Verse 28 (garuda.1.65.28)

एकबलिः शतायुः स्याच्छ्रीभोगी द्विवलिः स्मृतः ॥ त्रिवलिः क्ष्माप आचार्य्य ऋजुभिर्वालिभिः सुखी

ekabaliḥ śatāyuḥ syācchrībhogī dvivaliḥ smṛtaḥ . trivaliḥ kṣmāpa ācāryya ṛjubhirvālibhiḥ sukhī

With one fold, a hundred years of life; with two folds, wealth and enjoyment; with three folds, kingship or teacher-hood; with straight folds, happiness.

Verse 29 (garuda.1.65.29)

अगम्यागामी जिह्मबलिर्भूपाः पार्श्वैश्च मांसलैः ॥ मृदुभिः सुसमैश्चैव दक्षिणावर्त्तरोमभिः

agamyāgāmī jihmabalirbhūpāḥ pārśvaiśca māṁsalaiḥ . mṛdubhiḥ susamaiścaiva dakṣiṇāvarttaromabhiḥ

One with crooked folds is inclined toward forbidden unions. Kings have fleshy sides, soft and even, with hair spiraling rightward,

Verse 30 (garuda.1.65.30)

विपरीतैः परप्रेष्या निर्द्रव्याः सुखवर्जिताः ॥ अनुद्धतैश्चूचुकैश्च भवन्ति सुभगा नराः

viparītaiḥ parapreṣyā nirdravyāḥ sukhavarjitāḥ . anuddhataiścūcukaiśca bhavanti subhagā narāḥ

and with the reverse, a man becomes another's servant, devoid of wealth and happiness. Men with nipples not too prominent are fortunate.

Verse 31 (garuda.1.65.31)

निर्धना विषमैर्दोर्घैः पीतोपचितकैर्नृपाः ॥ समोन्नतं च हृदयमकम्पं मांसलं पृथु

nirdhanā viṣamairdorghaiḥ pītopacitakairnṛpāḥ . samonnataṁ ca hṛdayamakampaṁ māṁsalaṁ pṛthu

With uneven and long nipples, poverty; with yellow and full ones, kingship. A level, raised, unshaking, fleshy, broad chest,

Verse 32 (garuda.1.65.32)

नृपाणामधमानां च खररोमशिरालकम् ॥ अर्थवान्समवक्षाः स्यात्पीनैर्वक्षोभिरूर्जितः

nṛpāṇāmadhamānāṁ ca khararomaśirālakam . arthavānsamavakṣāḥ syātpīnairvakṣobhirūrjitaḥ

belongs to kings; a chest with harsh hair and visible veins belongs to lowly men. One with an even chest is wealthy; one with a full chest is powerful.

Verse 33 (garuda.1.65.33)

वक्षोभिर्विषमैर्निः स्वः शस्त्रेणनिधनास्तथा ॥ विषमैर्जत्रुभिर्निः स्वा अस्थिनद्धैश्च मानवाः

vakṣobhirviṣamairniḥ svaḥ śastreṇanidhanāstathā . viṣamairjatrubhirniḥ svā asthinaddhaiśca mānavāḥ

With an uneven chest, poverty and death by weapon. With uneven collarbones, poverty; and with prominent bones there too, men become poor.

Verse 34 (garuda.1.65.34)

उन्नतैर्भोगिनो निम्नैर्निः स्वाः पीनैर्धनान्विताः ॥ निः स्वश्चिपिटकण्ठः स्याच्छिराशुष्कगलः सुखी

unnatairbhogino nimnairniḥ svāḥ pīnairdhanānvitāḥ . niḥ svaścipiṭakaṇṭhaḥ syācchirāśuṣkagalaḥ sukhī

With raised collarbones, enjoyment; with sunken ones, poverty; with full ones, wealth. A flat-throated man is poor; one with a dry-veined throat is happy.

Verse 35 (garuda.1.65.35)

शूरः स्यान्महिषग्रीवः शास्त्रात्तो मृगकण्ठकः ॥ कम्बुग्रीवश्च नृपतिर्लम्बकण्ठोऽतिभक्षकः

śūraḥ syānmahiṣagrīvaḥ śāstrātto mṛgakaṇṭhakaḥ . kambugrīvaśca nṛpatirlambakaṇṭho'tibhakṣakaḥ

One with a buffalo-like neck is a hero; one with a deer-like neck is versed in scripture. One with a conch-shaped neck is a king; one with a long neck is a great eater.

Verse 36 (garuda.1.65.36)

अरोमशा भुग्नपृष्ठं शुभंचाशुभमन्यथा ॥ कक्षाश्वत्थदला श्रेष्ठा सुगन्धिर्मृगरोमिका

aromaśā bhugnapṛṣṭhaṁ śubhaṁcāśubhamanyathā . kakṣāśvatthadalā śreṣṭhā sugandhirmṛgaromikā

A hairless, gently curved back is auspicious; otherwise inauspicious. Armpits shaped like pipal leaves, fragrant, with fine deer-like hair, are excellent.

Verse 37 (garuda.1.65.37)

अन्यथा त्वर्थहीनानां दारिद्र्यस्य च कारणम् ॥ संमासौ चैव भुग्नाल्पौ श्लिष्टौ च विपुलौ शुभौ

anyathā tvarthahīnānāṁ dāridryasya ca kāraṇam . saṁmāsau caiva bhugnālpau śliṣṭau ca vipulau śubhau

The opposite becomes the cause of loss of wealth and poverty. Fleshy, slightly curved, close-set, and broad shoulders are auspicious.

Verse 38 (garuda.1.65.38)

आजानुलम्बितौ बाहू वृत्तौ पीनौ नृपेश्वरे ॥ निः स्वानां रोमशौ ह्रस्वौ श्रेष्ठौ करिकर प्रभौ

ājānulambitau bāhū vṛttau pīnau nṛpeśvare . niḥ svānāṁ romaśau hrasvau śreṣṭhau karikara prabhau

Arms hanging down to the knees, round and full, belong to a king. The poor have hairy, short arms; excellent arms shine like an elephant's trunk.

Verse 39 (garuda.1.65.39)

हस्ताङ्गुलय एव स्युवायुद्वारयुताः शुभाः ॥ मेधाविनां च सूक्ष्माः स्युर्भृत्यानां चिपिटाः स्मृताः

hastāṅgulaya eva syuvāyudvārayutāḥ śubhāḥ . medhāvināṁ ca sūkṣmāḥ syurbhṛtyānāṁ cipiṭāḥ smṛtāḥ

Fingers with gaps allowing air to pass between them are auspicious. The intelligent have fine, slender fingers; servants are remembered as having flat fingers.

Verse 40 (garuda.1.65.40)

स्थूलाङ्गुलीभिर्निः स्वाः स्युर्नताः स्युः सुकृशैस्तदा ॥ कपितुल्यकराः निः स्वा व्याघ्रतुल्यकरैर्बलम्

sthūlāṅgulībhirniḥ svāḥ syurnatāḥ syuḥ sukṛśaistadā . kapitulyakarāḥ niḥ svā vyāghratulyakarairbalam

With thick fingers, poverty; with very thin fingers, humility. With monkey-like hands, poverty; with tiger-like hands, strength.

Verse 41 (garuda.1.65.41)

पितृवित्तविनाशश्च निम्नात्करतलान्नराः ॥ मणिबन्धैर्निगूढैश्च सुश्लिष्टैः शुभगन्धिभिः

pitṛvittavināśaśca nimnātkaratalānnarāḥ . maṇibandhairnigūḍhaiśca suśliṣṭaiḥ śubhagandhibhiḥ

With a sunken palm, a man loses his father's wealth. With hidden, well-shaped, fragrant wrists,

Verse 42 (garuda.1.65.42)

नृपा हीनाः करच्छैदैः सशब्दैर्धनवर्जिताः ॥ संवृतैश्चैव निम्नैश्च धनिनः परिकीर्त्तिताः

nṛpā hīnāḥ karacchaidaiḥ saśabdairdhanavarjitāḥ . saṁvṛtaiścaiva nimnaiśca dhaninaḥ parikīrttitāḥ

kings become deficient; with cracked, noisy hands, one is devoid of wealth. With covered and sunken wrists, wealth is declared.

Verse 43 (garuda.1.65.43)

प्रोत्तानक रदातारो विषमैर्विषमा नराः ॥ करैः करतलैश्चैव लाक्षाभैरीश्वरास्तलैः

prottānaka radātāro viṣamairviṣamā narāḥ . karaiḥ karatalaiścaiva lākṣābhairīśvarāstalaiḥ

With upturned palms, generous givers; with uneven hands, uneven-natured men. With palms the color of lac (deep red), lordship is attained.

Verse 44 (garuda.1.65.44)

परदाररताः पीतैरूक्षैर्निः स्वा नरा मताः ॥ तुषतुल्यनखाः क्लीबाः कुटिलैः स्फुटितैर्नराः

paradāraratāḥ pītairūkṣairniḥ svā narā matāḥ . tuṣatulyanakhāḥ klībāḥ kuṭilaiḥ sphuṭitairnarāḥ

With yellow, rough palms, men are considered inclined to adultery and are poor. With husk-like nails, impotence; with crooked, cracked nails, men suffer.

Verse 45 (garuda.1.65.45)

निः स्वाश्च कुनखैस्तद्वद्विवर्णैः परतर्ककाः ॥ ताम्रैर्भूपा धनाढ्याश्च अङ्गुष्ठैः सयवैस्तथा

niḥ svāśca kunakhaistadvadvivarṇaiḥ paratarkakāḥ . tāmrairbhūpā dhanāḍhyāśca aṅguṣṭhaiḥ sayavaistathā

Bad nails likewise indicate poverty; discolored ones, dependence on others. Copper-colored nails indicate kingship and wealth, and thumbs marked with barley-grain likewise.

Verse 46 (garuda.1.65.46)

अङ्गुष्ठमूलजैः पुत्री स्याद्दीर्घांगुलिपर्वकः ॥ दीर्घायुः सुभगश्चैव निर्धनो विरलाङ्गुलिः

aṅguṣṭhamūlajaiḥ putrī syāddīrghāṁguliparvakaḥ . dīrghāyuḥ subhagaścaiva nirdhano viralāṅguliḥ

With marks arising at the base of the thumb, daughters; with long finger-joints, long life and good fortune; with widely spaced fingers, poverty.

Verse 47 (garuda.1.65.47)

घनाङ्गुलिश्च सधनस्तिस्रो रेखाश्चयस्य वै ॥ नृपतेः करतलगा मणिबन्धात्समुत्थिताः

ghanāṅguliśca sadhanastisro rekhāścayasya vai . nṛpateḥ karatalagā maṇibandhātsamutthitāḥ

With thick fingers, wealth. He whose hand bears three lines rising from the wrist into the palm —

Verse 48 (garuda.1.65.48)

युगमीनाङ्कितनरो भवेत्सत्रप्रदो नरः ॥ वज्राकाराश्च धनिनां मत्स्यपुच्छनिभा बुधे

yugamīnāṅkitanaro bhavetsatraprado naraḥ . vajrākārāśca dhanināṁ matsyapucchanibhā budhe

becomes a king. A man marked with a pair of fish becomes one who hosts sacrificial feasts. Thunderbolt-shaped lines indicate wealth, fish-tail shaped lines indicate wisdom.

Verse 49 (garuda.1.65.49)

शङ्खातपत्रशिविकागजपद्मोपमा नृपे ॥ कुम्भाङ्कुशपताकाभा मृणालाभा निधीश्वरे

śaṅkhātapatraśivikāgajapadmopamā nṛpe . kumbhāṅkuśapatākābhā mṛṇālābhā nidhīśvare

Marks resembling a conch, umbrella, palanquin, elephant, and lotus indicate kingship. Marks resembling a pot, goad, banner, and lotus-stalk indicate a lord of treasure.

Verse 50 (garuda.1.65.50)

दामाभाश्च गवाढ्यानां स्वस्तिकाभा नृपेश्वरे ॥ चक्रासितोमरधनुः कुन्ताभा नृपतेः करे

dāmābhāśca gavāḍhyānāṁ svastikābhā nṛpeśvare . cakrāsitomaradhanuḥ kuntābhā nṛpateḥ kare

Garland-shaped marks indicate wealth in cattle; svastika-shaped marks indicate kingship. Discus, sword, javelin, bow, and spear-shaped marks in a king's hand indicate sovereignty.

Verse 51 (garuda.1.65.51)

उलूखलाभा यज्ञाढ्या वेदीभा चाग्निहोत्रिणि ॥ वापीदेवकुल्याभास्त्रिकोणाभाश्चधार्मिके

ulūkhalābhā yajñāḍhyā vedībhā cāgnihotriṇi . vāpīdevakulyābhāstrikoṇābhāścadhārmike

Mortar-shaped marks indicate richness in sacrifices; altar-shaped marks indicate one devoted to the fire-oblation. Step-well and temple-canal shaped marks, and triangle-shaped marks, indicate a righteous person.

Verse 52 (garuda.1.65.52)

अङ्गुष्ठमूलगा रेखाः पुत्राः सूक्ष्माश्च दारिकाः ॥ प्रदेशिनीगता रेखा कनिष्ठामूलगामिनी

aṅguṣṭhamūlagā rekhāḥ putrāḥ sūkṣmāśca dārikāḥ . pradeśinīgatā rekhā kaniṣṭhāmūlagāminī

Lines at the base of the thumb indicate sons; fine lines indicate daughters. A line running from the forefinger to the base of the little finger,

Verse 53 (garuda.1.65.53)

शतायुषं च कुरुते छिन्नया तरुतो भयम् ॥ निः स्वाश्च बहुरेखाः स्युनिर्द्रव्याश्चिबुकैः कृशैः

śatāyuṣaṁ ca kurute chinnayā taruto bhayam . niḥ svāśca bahurekhāḥ syunirdravyāścibukaiḥ kṛśaiḥ

grants a hundred years of life; if broken, there is fear from a tree (falling). Many lines indicate poverty; a thin chin, want of possessions.

Verse 54 (garuda.1.65.54)

मांसलैश्च धनोपेता आरक्तैरधरैर्नृपाः ॥ बिम्बोपमैश्च स्फुटितैरोष्ठैरूक्षैश्चकण्डितैः

māṁsalaiśca dhanopetā āraktairadharairnṛpāḥ . bimbopamaiśca sphuṭitairoṣṭhairūkṣaiścakaṇḍitaiḥ

A fleshy chin indicates wealth; kings have reddish lips like the bimba fruit. Cracked, rough, itchy lips bring an unfavorable result,

Verse 55 (garuda.1.65.55)

विषमैर्धनहीनाश्च दन्ताः स्निग्धा घनाः शुभाः ॥ तीक्ष्णा दन्ताः समाः श्रेष्ठा जिह्वा रक्ता समा शुभा

viṣamairdhanahīnāśca dantāḥ snigdhā ghanāḥ śubhāḥ . tīkṣṇā dantāḥ samāḥ śreṣṭhā jihvā raktā samā śubhā

and uneven lips indicate poverty. Glossy, dense teeth are auspicious; sharp, even teeth are excellent; a red, even tongue is auspicious.

Verse 56 (garuda.1.65.56)

श्लक्ष्णा दीर्घा च विज्ञेया तालुः श्वेते धनक्षये ॥ कृष्णे च परुषो वक्रं समं सौम्यं च संवृतम्

ślakṣṇā dīrghā ca vijñeyā tāluḥ śvete dhanakṣaye . kṛṣṇe ca paruṣo vakraṁ samaṁ saumyaṁ ca saṁvṛtam

It should be known as smooth and long. A white palate indicates loss of wealth; a black, harsh palate is likewise inauspicious; an even, gentle, closed mouth —

Verse 57 (garuda.1.65.57)

भूपानाममलं श्लक्ष्णं विपरीतं च दुः खिनाम् ॥ महा दुः खं दुर्भगाणां स्त्रीमुखं पुत्रमाप्नुयात्

bhūpānāmamalaṁ ślakṣṇaṁ viparītaṁ ca duḥ khinām . mahā duḥ khaṁ durbhagāṇāṁ strīmukhaṁ putramāpnuyāt

spotless and smooth, belongs to kings; the opposite, to the sorrowful. Great sorrow belongs to the unfortunate; one with a woman-like face obtains a son.

Verse 58 (garuda.1.65.58)

आढ्यानां वर्त्तुलं वक्रं निर्द्रव्याणां च दीर्घकम् ॥ भीरुवक्त्रः पापकर्मा धूर्त्तानां चतुरश्रकम्

āḍhyānāṁ varttulaṁ vakraṁ nirdravyāṇāṁ ca dīrghakam . bhīruvaktraḥ pāpakarmā dhūrttānāṁ caturaśrakam

A round face belongs to the wealthy, a long face to the poor. A fearful face belongs to one of sinful deeds, a square face to the cunning.

Verse 59 (garuda.1.65.59)

निम्नं वक्रमपुत्राणां कृपणानां च ह्रस्वकम् ॥ सम्पूर्णं भोगिनां कान्तं श्मश्रु स्निग्धं शुभं मृदु

nimnaṁ vakramaputrāṇāṁ kṛpaṇānāṁ ca hrasvakam . sampūrṇaṁ bhogināṁ kāntaṁ śmaśru snigdhaṁ śubhaṁ mṛdu

A sunken face belongs to the sonless, a short face to the miserly. A full, lovely face belongs to those rich in enjoyment. A glossy, auspicious, soft beard,

Verse 60 (garuda.1.65.60)

संहतं चास्फुटिताग्रं रक्तश्मश्रुश्च चौरकः ॥ रक्ताल्पपरुषश्मश्रुकर्णाः स्युः पापमृत्यवः

saṁhataṁ cāsphuṭitāgraṁ raktaśmaśruśca caurakaḥ . raktālpaparuṣaśmaśrukarṇāḥ syuḥ pāpamṛtyavaḥ

dense and unsplit at the ends, is auspicious; a red beard belongs to a thief. Red, sparse, harsh beard and ears indicate a sinful death.

Verse 61 (garuda.1.65.61)

निर्मांसैश्चिपिटैर्भोगाः कृपणा ह्रस्वकर्णकाः ॥ शङ्कुकर्णाश्च राजानो रोमकर्णा गतायुषः

nirmāṁsaiścipiṭairbhogāḥ kṛpaṇā hrasvakarṇakāḥ . śaṅkukarṇāśca rājāno romakarṇā gatāyuṣaḥ

Fleshless, flat ears indicate enjoyment or misfortune; the miserly have short ears. Peg-shaped ears belong to kings; hairy ears indicate a short remaining life.

Verse 62 (garuda.1.65.62)

बृहत्कर्णाश्च धनिनोराजानः परिकीर्त्तिताः ॥ कर्णैः स्निग्धावनद्धैश्च व्यालम्बैर्मांसलैर्नृपाः

bṛhatkarṇāśca dhaninorājānaḥ parikīrttitāḥ . karṇaiḥ snigdhāvanaddhaiśca vyālambairmāṁsalairnṛpāḥ

Large-eared people are declared to be wealthy kings. With glossy, close-set, hanging, fleshy ears, kingship is attained.

Verse 63 (garuda.1.65.63)

भोगी वै निम्नगण्डः स्यान्मत्री सम्पूर्णगण्डकः ॥ शुकनासः सुखी स्याच्च शुष्कनासोऽतिजीवनः

bhogī vai nimnagaṇḍaḥ syānmatrī sampūrṇagaṇḍakaḥ . śukanāsaḥ sukhī syācca śuṣkanāso'tijīvanaḥ

One with sunken cheeks attains sensual pleasure; one with full cheeks becomes a minister. A parrot-like nose brings happiness; a dry nose, an exceedingly long life.

Verse 64 (garuda.1.65.64)

छिन्नाग्रकूपनासः स्यादगम्यागमने रतः ॥ दीर्घनासे च सौभाग्यं चौरश्चाकुञ्चितेन्द्रियः

chinnāgrakūpanāsaḥ syādagamyāgamane rataḥ . dīrghanāse ca saubhāgyaṁ cauraścākuñcitendriyaḥ

A nose with a broken, hollow tip indicates inclination toward forbidden unions. A long nose brings good fortune; contracted nasal features indicate a thief.

Verse 65 (garuda.1.65.65)

मृत्युश्चिपिटनासे स्याद्धीनो भाग्यवतां भवेत् ॥ स्वल्पच्छिद्रौ सुपुटौ च अवक्रौ च नृपेश्वरे

mṛtyuścipiṭanāse syāddhīno bhāgyavatāṁ bhavet . svalpacchidrau supuṭau ca avakrau ca nṛpeśvare

A flat nose indicates death, or being the least fortunate among the fortunate. Small nostrils, well-formed and straight, belong to a king.

Verse 66 (garuda.1.65.66)

क्रूरे दक्षिणवक्रा स्याद्वलिनां च क्षुतं सकृत् ॥ स्याद्विनिष्पिण्डितं ह्रादि सानुनादं च जीवकृत्

krūre dakṣiṇavakrā syādvalināṁ ca kṣutaṁ sakṛt . syādviniṣpiṇḍitaṁ hrādi sānunādaṁ ca jīvakṛt

A nose curving to the right belongs to a cruel man. A single, well-formed, resounding sneeze is life-giving.

Verse 67 (garuda.1.65.67)

वक्रान्तैः पद्मपत्राभैर्लोचनैः सुखभागिनः ॥ मार्जारलोचनैः पाप्मा दुरात्मा मधुपिङ्गलैः

vakrāntaiḥ padmapatrābhairlocanaiḥ sukhabhāginaḥ . mārjāralocanaiḥ pāpmā durātmā madhupiṅgalaiḥ

Eyes curved at the corners, resembling lotus petals, bring happiness. Cat-like eyes indicate sinfulness; honey-tawny eyes indicate a wicked soul.

Verse 68 (garuda.1.65.68)

क्रूराः केकरनेत्राश्च हरिताक्षाः सकल्मषाः ॥ जिह्यैश्च लोचनैः शूराः सेनान्यो गजलोचनाः

krūrāḥ kekaranetrāśca haritākṣāḥ sakalmaṣāḥ . jihyaiśca locanaiḥ śūrāḥ senānyo gajalocanāḥ

Squinting eyes indicate cruelty; greenish eyes indicate faultiness. Crooked eyes indicate heroism; elephant-like eyes indicate the office of a commander.

Verse 69 (garuda.1.65.69)

गम्भीराक्षा ईश्वराः स्युर्मन्त्रिणः स्थूलचक्षुषः ॥ नीलोत्प लाक्षा विद्वांसः सौभाग्यं श्यामचक्षुषाम्

gambhīrākṣā īśvarāḥ syurmantriṇaḥ sthūlacakṣuṣaḥ . nīlotpa lākṣā vidvāṁsaḥ saubhāgyaṁ śyāmacakṣuṣām

Deep-set eyes indicate lordship; large eyes indicate ministership. Blue-lotus-like eyes indicate scholarship; dark eyes indicate good fortune.

Verse 70 (garuda.1.65.70)

स्यात्कृष्णतारकाक्षाणामक्ष्णामुत्पाटनं किल ॥ मण्डलाक्षाश्च पापाः स्युर्निः स्वाः स्युर्दोनलोचनाः

syātkṛṣṇatārakākṣāṇāmakṣṇāmutpāṭanaṁ kila . maṇḍalākṣāśca pāpāḥ syurniḥ svāḥ syurdonalocanāḥ

Black-pupiled eyes carry the risk of loss of sight. Round eyes indicate sinfulness; sunken eyes indicate poverty.

Verse 71 (garuda.1.65.71)

दृक् स्निग्धा विपुला भोगे अल्पायुरधिकोन्नता ॥ विशालोन्नताः सुखिनी दरिद्रा विषमभ्रुवः

dṛk snigdhā vipulā bhoge alpāyuradhikonnatā . viśālonnatāḥ sukhinī daridrā viṣamabhruvaḥ

A glossy, wide gaze brings enjoyment; an excessively protruding one brings short life. Broad, raised eyebrows bring happiness; uneven eyebrows bring poverty.

Verse 72 (garuda.1.65.72)

घनदीर्घासुसक्तभ्रूर्बालेन्दून्नतसुभ्रुवः ॥ आढ्यो निः स्वश्च खण्डभ्रृर्मध्ये च विनतभ्रुवः

ghanadīrghāsusaktabhrūrbālendūnnatasubhruvaḥ . āḍhyo niḥ svaśca khaṇḍabhrṛrmadhye ca vinatabhruvaḥ

Dense, long, joined eyebrows, and beautiful ones raised like the crescent moon, bring wealth. One with broken eyebrows, or ones bent in the middle, is poor.

Verse 73 (garuda.1.65.73)

स्त्रीषु गम्यासु सक्ताः स्युः सुतार्थे परिवर्जिताः ॥ उन्नतैर्विपुलैः शङ्खैर्ललाटैर्विषमैस्तथा

strīṣu gamyāsu saktāḥ syuḥ sutārthe parivarjitāḥ . unnatairvipulaiḥ śaṅkhairlalāṭairviṣamaistathā

Such men become attached to easily available women and are deprived of sons and wealth. With raised, broad temples and an uneven forehead,

Verse 74 (garuda.1.65.74)

निर्धना धनवन्तश्च अर्द्धेन्दुसदृशैर्नराः ॥ आचार्य्याः शुक्तिविशालैः शिरालैः पापकारिणः

nirdhanā dhanavantaśca arddhendusadṛśairnarāḥ . ācāryyāḥ śuktiviśālaiḥ śirālaiḥ pāpakāriṇaḥ

poverty results; wealthy men have temples resembling the half-moon. Teachers have broad, oyster-shell-like temples; visibly veined temples indicate one given to sinful deeds.

Verse 75 (garuda.1.65.75)

उन्नताभिः शिराभिश्च स्वस्तिकाभिर्धनेश्वराः ॥ निम्नैर्ललाटैर्बन्धार्हाः क्रूरकर्मरतास्तथा

unnatābhiḥ śirābhiśca svastikābhirdhaneśvarāḥ . nimnairlalāṭairbandhārhāḥ krūrakarmaratāstathā

Veins raised in a svastika-shape indicate lordship of wealth. A sunken forehead indicates one deserving imprisonment, given to cruel deeds.

Verse 76 (garuda.1.65.76)

संवृतैश्च ललाटैश्च कृपणा उन्नतैर्नृपाः ॥ अनश्रु स्निग्धरुदितमदीनं शुभदं नृणाम्

saṁvṛtaiśca lalāṭaiśca kṛpaṇā unnatairnṛpāḥ . anaśru snigdharuditamadīnaṁ śubhadaṁ nṛṇām

A covered forehead indicates miserliness; a raised one, kingship. Weeping without tears, glossy, and free of wretchedness, is an auspicious sign for men.

Verse 77 (garuda.1.65.77)

प्रचुराश्रुदीनं रूक्षं च रुदितं च सुखावहम् ॥ अकम्पं हसितं श्रेष्ठं मीलिताक्षमघावहम्

pracurāśrudīnaṁ rūkṣaṁ ca ruditaṁ ca sukhāvaham . akampaṁ hasitaṁ śreṣṭhaṁ mīlitākṣamaghāvaham

Weeping that is copious-teared, wretched, and harsh is also said, in the source, to be auspicious [this appears contradictory as transmitted]. Laughter without trembling is excellent; laughter with closed eyes brings misfortune.

Verse 78 (garuda.1.65.78)

असकृद्धसितं दुष्टं सोन्मादस्य ह्यनेकधा ॥ ललाटोपसृतास्तिस्त्रो रेखाः स्युः शतवर्षिणाम्

asakṛddhasitaṁ duṣṭaṁ sonmādasya hyanekadhā . lalāṭopasṛtāstistro rekhāḥ syuḥ śatavarṣiṇām

Frequent laughter is an evil sign, indicating manifold forms of madness. Three lines reaching the forehead belong to those who live a hundred years.

Verse 79 (garuda.1.65.79)

नृपत्वं स्याच्चतसृभिरायुः पञ्चनवत्यथ ॥ अरेखेणायुर्नवतिर्विच्छिन्नाभिश्च पुंश्चलाः

nṛpatvaṁ syāccatasṛbhirāyuḥ pañcanavatyatha . arekheṇāyurnavatirvicchinnābhiśca puṁścalāḥ

With four lines, kingship; with three, ninety-five years of life. Without lines, ninety years of life; with broken lines, a woman becomes unchaste.

Verse 80 (garuda.1.65.80)

केशान्तोपगताभिश्च अशीत्यायुर्नरो भवेत् ॥ पञ्चभिः सप्तभिः षड्भिः पञ्चाशद्वहुभिस्तथा

keśāntopagatābhiśca aśītyāyurnaro bhavet . pañcabhiḥ saptabhiḥ ṣaḍbhiḥ pañcāśadvahubhistathā

With lines reaching to the hairline, a man lives eighty years. With five, seven, or six lines, fifty years; with many lines, likewise less,

Verse 81 (garuda.1.65.81)

चत्वारिंशच्च वक्राभिस्त्रिंशद्भ्रूलग्नगामिभिः ॥ विंशतिर्वामवक्रा भिरायुः क्षुद्राभिरल्पकम्

catvāriṁśacca vakrābhistriṁśadbhrūlagnagāmibhiḥ . viṁśatirvāmavakrā bhirāyuḥ kṣudrābhiralpakam

with crooked lines, forty years; with lines reaching the eyebrows, thirty years. With lines curving to the left, twenty years of life; with tiny lines, very little life.

Verse 82 (garuda.1.65.82)

छत्राकारैः शिरोभिस्तु नृपा निम्नशिरा धनी ॥ चिपिटैश्च पितुर्मृत्युर्गवाद्याः परिमण्डलैः

chatrākāraiḥ śirobhistu nṛpā nimnaśirā dhanī . cipiṭaiśca piturmṛtyurgavādyāḥ parimaṇḍalaiḥ

An umbrella-shaped head indicates kingship; a sunken head indicates wealth. A flat head indicates the father's death; a round head indicates abundance of cattle and the like.

Verse 83 (garuda.1.65.83)

घटमूर्द्धा पापरुचिर्धनाद्यैः परिवर्जितः ॥ कृष्णैराकुञ्चितैः केशैः स्निग्धैरेकैकसम्भवैः

ghaṭamūrddhā pāparucirdhanādyaiḥ parivarjitaḥ . kṛṣṇairākuñcitaiḥ keśaiḥ snigdhairekaikasambhavaiḥ

A pot-shaped head indicates sinful inclinations, devoid of wealth and the like. Black, curly, glossy hair growing one strand per pore,

Verse 84 (garuda.1.65.84)

अभिन्नाग्रैश्च मृदुभिर्न चातिबहुभिर्नृपाः ॥ बहुमूलैश्च विषमैः स्थूलाग्रैः कपिलैस्तथआ

abhinnāgraiśca mṛdubhirna cātibahubhirnṛpāḥ . bahumūlaiśca viṣamaiḥ sthūlāgraiḥ kapilaistathaā

with unsplit ends, soft, and not too abundant — such hair indicates kingship. Hair with many roots, uneven, thick-tipped, and tawny in color likewise,

Verse 85 (garuda.1.65.85)

निः स्वाश्चैवातिकुचिलैर्घनैरसित (धिक) मूर्द्धजैः ॥ यद्यद्गात्रं महारूक्षं शिरालं मांसवर्जितम्

niḥ svāścaivātikucilairghanairasita (dhika) mūrddhajaiḥ . yadyadgātraṁ mahārūkṣaṁ śirālaṁ māṁsavarjitam

indicates poverty, and so does excessively curly, dense, black hair. Whatever limb is exceedingly rough, veined, and devoid of flesh,

Verse 86 (garuda.1.65.86)

तत्तत्स्या दशुभं सर्वं ततोऽन्यथा ॥ विपुलस्त्रिषु गम्भीरो दीर्घः सूक्ष्मश्च पञ्चसु

tattatsyā daśubhaṁ sarvaṁ tato'nyathā . vipulastriṣu gambhīro dīrghaḥ sūkṣmaśca pañcasu

all such is inauspicious; the opposite is auspicious. Broad in three places, deep, long, and fine in five places,

Verse 87 (garuda.1.65.87)

षडुन्नतश्चतुर्ह्रस्वो रक्तः सप्तसमो नृपः ॥ नाभिः स्वरश्च ससत्त्वं च त्रयं गम्भीरमीरितम्

ṣaḍunnataścaturhrasvo raktaḥ saptasamo nṛpaḥ . nābhiḥ svaraśca sasattvaṁ ca trayaṁ gambhīramīritam

raised in six, short in four, red, even in seven — such a body belongs to a king. The navel, the voice, and inner vigor — these three are declared to be deep.

Verse 88 (garuda.1.65.88)

पुंसः स्यादतिविस्तीर्णं ललाटं वदनं ह्युरः ॥ चक्षुः कक्षा नासिका च षट् स्यु र्नृपकृकाटिकाः

puṁsaḥ syādativistīrṇaṁ lalāṭaṁ vadanaṁ hyuraḥ . cakṣuḥ kakṣā nāsikā ca ṣaṭ syu rnṛpakṛkāṭikāḥ

A man's forehead, face, and chest should be very broad. The eyes, armpits, and nose — these six should be broad in a king, along with the nape of the neck.

Verse 89 (garuda.1.65.89)

उन्नतानि च ह्रस्वनि जङ्घा ग्रीवा च लिङ्गकम् ॥ पृष्ठं चत्वारि रक्तानि करताल्वधरा नखाः

unnatāni ca hrasvani jaṅghā grīvā ca liṅgakam . pṛṣṭhaṁ catvāri raktāni karatālvadharā nakhāḥ

The calves, neck, and phallus should be raised and short. The back; and four things should be red: the palms, palate, lower lip, and nails.

Verse 90 (garuda.1.65.90)

नेत्रान्तपादजिह्वौष्ठाः पञ्च सूक्ष्माणि सन्ति वै ॥ दशनांगुलिपर्वाणि नखकेशत्वचः शुभाः

netrāntapādajihvauṣṭhāḥ pañca sūkṣmāṇi santi vai . daśanāṁguliparvāṇi nakhakeśatvacaḥ śubhāḥ

The corners of the eyes, soles, tongue, and lips — these should be fine and delicate. The teeth, finger-joints, nails, hair, and skin should be auspicious.

Verse 91 (garuda.1.65.91)

दीर्घाः स्तनान्तरं बाहुदन्तलोचननासिकाः ॥ नराणां लक्षणं प्रोक्तं वदामि स्त्रीषु लक्षणम्

dīrghāḥ stanāntaraṁ bāhudantalocananāsikāḥ . narāṇāṁ lakṣaṇaṁ proktaṁ vadāmi strīṣu lakṣaṇam

The space between the breasts, and the arms, teeth, eyes, and nose should be long. The characteristics of men have been declared; now I shall tell the characteristics of women.

Verse 92 (garuda.1.65.92)

राज्ञ्याः स्निग्धौ समौ पादौ तलौ ताम्रौ नखौ तथा ॥ श्लिष्टांगुली चोन्नताग्रौ तां पाप्य नृपतिर्भवेत्

rājñyāḥ snigdhau samau pādau talau tāmrau nakhau tathā . śliṣṭāṁgulī connatāgrau tāṁ pāpya nṛpatirbhavet

A queen's feet are glossy and even, with copper-hued soles and nails; with joined toes and raised tips — obtaining such a woman, a man becomes a king.

Verse 93 (garuda.1.65.93)

निगूढगुल्फोपचितौ पद्मकान्तितलौ शुभौ ॥ अस्वेदिनौ मृदुतलौ मत्स्यांकुशघ्वजाञ्चितौ

nigūḍhagulphopacitau padmakāntitalau śubhau . asvedinau mṛdutalau matsyāṁkuśaghvajāñcitau

Feet with hidden, filled-out ankles, having the luster of a lotus, are auspicious; sweat-free, soft-soled, marked with a fish, goad, and banner,

Verse 94 (garuda.1.65.94)

वज्राब्जहलचिह्नौ च दास्याः पादौ ततोऽन्यथा ॥ जङ्घे च रोमरहिते सुवृत्ते विशिरे शुभे

vajrābjahalacihnau ca dāsyāḥ pādau tato'nyathā . jaṅghe ca romarahite suvṛtte viśire śubhe

and marked with a thunderbolt, lotus, and plow — otherwise, such feet belong to a servant-woman. Hairless, well-rounded, veinless calves are auspicious;

Verse 95 (garuda.1.65.95)

अनुल्बणं सन्धिदेशं समं जानुद्वयं शुभम् ॥ ऊरू करिकराकारावरोमौ च समौ शुभौ

anulbaṇaṁ sandhideśaṁ samaṁ jānudvayaṁ śubham . ūrū karikarākārāvaromau ca samau śubhau

an unswollen joint-region and two even knees are auspicious. Thighs shaped like an elephant's trunk, hairless and even, are auspicious.

Verse 96 (garuda.1.65.96)

अश्वत्थपत्रसदृशं विपुलं गुह्यमुत्तमम् ॥ श्रोणीललाटकं स्त्रीणामूरु कूर्मोन्नतं शुभम्

aśvatthapatrasadṛśaṁ vipulaṁ guhyamuttamam . śroṇīlalāṭakaṁ strīṇāmūru kūrmonnataṁ śubham

A full, excellent private part shaped like a pipal leaf; a woman's hip region and thigh arched like a tortoise are auspicious.

Verse 97 (garuda.1.65.97)

गूढो मणिश्च शुभदो नितम्बश्च गुरुः शुभः ॥ विस्तीर्णमांसोपचिता गम्भीरा विपुला शुभा

gūḍho maṇiśca śubhado nitambaśca guruḥ śubhaḥ . vistīrṇamāṁsopacitā gambhīrā vipulā śubhā

A hidden 'jewel' is auspicious; heavy hips are auspicious. A broad, fleshy, deep navel is auspicious;

Verse 98 (garuda.1.65.98)

नाभिः प्रदक्षिणावर्त्ता मध्यं त्रिबलिशोभितम् ॥ अरोमशौ स्तनौ पीनौ घनावविषमौ शुभौ

nābhiḥ pradakṣiṇāvarttā madhyaṁ tribaliśobhitam . aromaśau stanau pīnau ghanāvaviṣamau śubhau

a navel spiraling clockwise, and a waist adorned with three folds, are auspicious. Hairless, full, dense, even breasts are auspicious.

Verse 99 (garuda.1.65.99)

कठिनौ रोमशा शस्ता मृदुग्रीवा च कम्बुभा ॥ आरक्तावधरौ श्रेष्ठौ मांसलं वर्त्तुलं मुखम्

kaṭhinau romaśā śastā mṛdugrīvā ca kambubhā . āraktāvadharau śreṣṭhau māṁsalaṁ varttulaṁ mukham

Firm, hairless breasts are praised; a soft, conch-shaped neck is auspicious. Reddish lips are excellent; a fleshy, round face,

Verse 100 (garuda.1.65.100)

कुन्दपुष्पसमा दन्ता भाषितं कोकिलासमम् ॥ दाक्षिण्ययुक्तमशठं हंसशब्दसुखावहम्

kundapuṣpasamā dantā bhāṣitaṁ kokilāsamam . dākṣiṇyayuktamaśaṭhaṁ haṁsaśabdasukhāvaham

teeth like jasmine flowers, speech like a cuckoo's, endowed with grace, guileless, with a swan-like voice bringing happiness,

Verse 101 (garuda.1.65.101)

नासा समा समपुटा स्त्रीणां तु रुचिरा शुभा ॥ नीलोत्पलनिभं चक्षुर्नासालग्नं न लम्बकम्

nāsā samā samapuṭā strīṇāṁ tu rucirā śubhā . nīlotpalanibhaṁ cakṣurnāsālagnaṁ na lambakam

an even nose with even nostrils is charming and auspicious for women. Eyes like blue lotuses, set close to the nose, not drooping,

Verse 102 (garuda.1.65.102)

न पृथू बालेन्दुनिभे भ्रुवौ चाथ ललाटकम् ॥ शुभमर्द्धेन्दुसंस्थानमतुङ्गं स्यादलोमशम्

na pṛthū bālendunibhe bhruvau cātha lalāṭakam . śubhamarddhendusaṁsthānamatuṅgaṁ syādalomaśam

not too wide, eyebrows resembling the crescent moon, and a forehead shaped like a half-moon, not too high, and hairless — these are auspicious.

Verse 103 (garuda.1.65.103)

सुमांसलं कर्णयुग्मं समं मृदु समाहितम् ॥ स्निग्धा नीलाश्च मृदवो मूर्द्धजाः कुञ्चिताः कचाः

sumāṁsalaṁ karṇayugmaṁ samaṁ mṛdu samāhitam . snigdhā nīlāśca mṛdavo mūrddhajāḥ kuñcitāḥ kacāḥ

A well-fleshed, even, soft, well-composed pair of ears. Glossy, dark, soft, curly hair,

Verse 104 (garuda.1.65.104)

स्त्रीणां समं शिरः श्रेष्ठं पादे पाणितलेऽथ वा ॥ वाजिकुञ्जरश्रीवृक्षयूपेषुयवतोमरैः

strīṇāṁ samaṁ śiraḥ śreṣṭhaṁ pāde pāṇitale'tha vā . vājikuñjaraśrīvṛkṣayūpeṣuyavatomaraiḥ

an even head is excellent for women. On the foot or palm, marks of a horse, elephant, Shri-tree, sacrificial post, arrow, barley-grain, javelin,

Verse 105 (garuda.1.65.105)

ध्वजचामरमालाभिः शैलकुण्डलवेदिभिः ॥ शङ्खातपत्रपद्मैश्च मत्स्यस्वस्तिकसद्रथैः

dhvajacāmaramālābhiḥ śailakuṇḍalavedibhiḥ . śaṅkhātapatrapadmaiśca matsyasvastikasadrathaiḥ

banner, fly-whisk, garland, mountain, earring, altar, conch, umbrella, lotus, fish, svastika, and a fine chariot —

Verse 106 (garuda.1.65.106)

लक्षणैरङ्कुशाद्यैश्च स्त्रियः स्यू राजवल्लभाः ॥ निगूढमणिबन्धौ च पद्मगर्भोपमौ करौ

lakṣaṇairaṅkuśādyaiśca striyaḥ syū rājavallabhāḥ . nigūḍhamaṇibandhau ca padmagarbhopamau karau

with these marks, beginning with a goad, women become beloved of kings. Hidden wrists, and hands like the interior of a lotus,

Verse 107 (garuda.1.65.107)

न निम्नं नोन्नतं स्त्रीणां भवेत्करतलं शुभम् ॥ रेखान्वितं त्वविधवां कुर्य्यात्संभोगिनीं स्त्रियम् ॥ रेखा या मणिबन्धोत्था गता मध्याङ्गुलिं करे

na nimnaṁ nonnataṁ strīṇāṁ bhavetkaratalaṁ śubham . rekhānvitaṁ tvavidhavāṁ kuryyātsaṁbhoginīṁ striyam . rekhā yā maṇibandhotthā gatā madhyāṅguliṁ kare

a woman's palm should be neither sunken nor raised — this is auspicious. A palm endowed with lines makes a woman one who will never be widowed and rich in enjoyment. The line rising from the wrist and reaching to the middle finger in the hand,

Verse 108 (garuda.1.65.108)

गता पाणितले या च योर्द्ध्वपादतले स्थिता ॥ स्त्रीणां पुंसां तथा सा स्याद्राज्याय च सुखाय च

gatā pāṇitale yā ca yorddhvapādatale sthitā . strīṇāṁ puṁsāṁ tathā sā syādrājyāya ca sukhāya ca

that which reaches the palm, and that which is situated on the upper part of the sole of the foot — for both women and men, that line indicates kingship and happiness.

Verse 109 (garuda.1.65.109)

कनिष्ठिकामूलभवा रेखा कुर्य्याच्छतायुषम् ॥ प्रदेशिनीमध्यमाभ्यामन्तरालगता सती

kaniṣṭhikāmūlabhavā rekhā kuryyācchatāyuṣam . pradeśinīmadhyamābhyāmantarālagatā satī

A line arising at the base of the little finger grants a hundred years of life. One situated between the forefinger and middle finger, being complete,

Verse 110 (garuda.1.65.110)

ऊना ऊनायुषं कुर्य्याद्रेखाश्चांगुष्ठमूलगाः ॥ बृहत्यः पुत्रास्तन्व्यस्तु प्रमदाः परिकीर्त्तिताः

ūnā ūnāyuṣaṁ kuryyādrekhāścāṁguṣṭhamūlagāḥ . bṛhatyaḥ putrāstanvyastu pramadāḥ parikīrttitāḥ

if incomplete, gives a shortened lifespan. Lines at the base of the thumb — broad ones indicate sons, and fine ones indicate daughters.

Verse 111 (garuda.1.65.111)

स्वल्पायुषो बहु (लघु) च्छिन्ना दीर्घाछिन्ना महायुषम् ॥ शुभं तु लक्षणं स्त्रीणां प्रोक्तं त्वशुभमन्यथा

svalpāyuṣo bahu (laghu) cchinnā dīrghāchinnā mahāyuṣam . śubhaṁ tu lakṣaṇaṁ strīṇāṁ proktaṁ tvaśubhamanyathā

Very short, much-broken lines indicate a short life; long, unbroken lines indicate a long life. Thus the auspicious characteristics of women have been declared; the opposite is inauspicious.

Verse 112 (garuda.1.65.112)

कनिष्ठिकानामिका वा यस्या न स्पृशते महीम् ॥ अङ्गुष्ठं वा गतातीत्य तर्जनी कुलटा च सा

kaniṣṭhikānāmikā vā yasyā na spṛśate mahīm . aṅguṣṭhaṁ vā gatātītya tarjanī kulaṭā ca sā

She whose little finger or ring finger does not touch the ground, or whose forefinger extends beyond the thumb — she is unchaste.

Verse 113 (garuda.1.65.113)

ऊर्द्ध्वं द्वाभ्यां पिण्डिकाभ्यां जङ्घे चातिशिरालके ॥ रोमशेचातिमांसे च कुम्भाकारं तथोदरम्

ūrddhvaṁ dvābhyāṁ piṇḍikābhyāṁ jaṅghe cātiśirālake . romaśecātimāṁse ca kumbhākāraṁ tathodaram

Calves raised by prominent calf-muscles and excessively veined, hairy and excessively fleshy thighs, and a pot-shaped belly,

Verse 114 (garuda.1.65.114)

वामावर्त्तं निम्नमल्पं दुः खितानां च गुह्यकम् ॥ ग्रीवया ह्रस्वया निः स्वा दीर्घया च कुलक्षयः

vāmāvarttaṁ nimnamalpaṁ duḥ khitānāṁ ca guhyakam . grīvayā hrasvayā niḥ svā dīrghayā ca kulakṣayaḥ

and a left-spiraling, sunken, small private part — these all belong to unfortunate women. A short neck indicates poverty; a long neck indicates the ruin of the family.

Verse 115 (garuda.1.65.115)

पृथुलया प्रचण्डाश्च स्त्रियः स्युर्नात्र संशयः ॥ केकरे पिङ्गले नेत्रे श्यामे लोलेक्षणा सती

pṛthulayā pracaṇḍāśca striyaḥ syurnātra saṁśayaḥ . kekare piṅgale netre śyāme lolekṣaṇā satī

With a broad neck, women become fierce by nature — there is no doubt of it. A woman with squinting, tawny eyes, or with dark, restless eyes,

Verse 116 (garuda.1.65.116)

स्मिते कूपे गण्डयोश्च सा ध्रुवं व्यभिचारिणी ॥ प्रलम्बिनी ललाटे तु देवरं हन्ति चाङ्गना

smite kūpe gaṇḍayośca sā dhruvaṁ vyabhicāriṇī . pralambinī lalāṭe tu devaraṁ hanti cāṅganā

who has dimples in her cheeks when smiling, is certainly unfaithful. A woman with a protruding forehead brings harm to her husband's younger brother;

Verse 117 (garuda.1.65.117)

उदरे श्वशुरं हन्ति पतिं हन्ति स्फिचोर्द्वयोः ॥ या तु रोमोत्तरौष्ठी स्यान्न शुभा भर्त्तुरेव हि

udare śvaśuraṁ hanti patiṁ hanti sphicordvayoḥ . yā tu romottarauṣṭhī syānna śubhā bharttureva hi

certain features of the belly bring harm to her father-in-law, and certain features of the buttocks bring harm to her husband. She whose upper lip has hair is not auspicious for her husband.

Verse 118 (garuda.1.65.118)

स्तनौ सरोमावशुभौ कर्णौ च विषमौ तथा ॥ कराला विषमा दन्ताः क्लेशाय च भवन्ति ते

stanau saromāvaśubhau karṇau ca viṣamau tathā . karālā viṣamā dantāḥ kleśāya ca bhavanti te

Hairy breasts are inauspicious, and so are uneven ears. Fearsome, uneven teeth also become a cause of hardship.

Verse 119 (garuda.1.65.119)

चौर्य्याय कृष्णमांसाश्च दीर्घा भुर्त्तुश्च मृत्यवे ॥ क्रव्यादरूपैर्हस्तैश्च वृककाकादिसन्निभैः

cauryyāya kṛṣṇamāṁsāśca dīrghā bhurttuśca mṛtyave . kravyādarūpairhastaiśca vṛkakākādisannibhaiḥ

Black, fleshy teeth indicate an inclination toward theft; long teeth indicate the husband's death. With hands resembling carrion-eating creatures such as a wolf or crow,

Verse 120 (garuda.1.65.120)

शिरालैर्विषमैः शुष्कैर्वित्तहीना भवन्ति हि ॥ समुन्नतोत्तरौष्ठी या कलहे रूक्षभाषिणी

śirālairviṣamaiḥ śuṣkairvittahīnā bhavanti hi . samunnatottarauṣṭhī yā kalahe rūkṣabhāṣiṇī

veined, uneven, and rough — women with such hands become devoid of wealth. She whose upper lip is evenly raised, and who speaks harshly in quarrels —

Verse 121 (garuda.1.65.121)

स्त्रीषु दोषा विरूपासु पत्राकारो गुणास्ततः ॥ नरस्त्रीलक्षणं प्रोक्तं वक्ष्ये तज्ज्ञानदायकम्

strīṣu doṣā virūpāsu patrākāro guṇāstataḥ . narastrīlakṣaṇaṁ proktaṁ vakṣye tajjñānadāyakam

these are the faults of ill-formed women; leaf-shaped marks, by contrast, are virtues. Thus the characteristics of men and women have been declared; I shall now tell that which bestows further knowledge.