Glory of Pushkara

Verse 1 (padma.1.21.1)

पुलस्त्य उवाच। आसीत्पुरा बृहत्कल्पे धर्ममूर्तिर्जनाधिपः। सुहृच्छक्रस्य निहता येन दैत्यास्सहस्रशः।

pulastya uvāca āsītpurā bṛhatkalpe dharmamūrtirjanādhipaḥ suhṛcchakrasya nihatā yena daityāssahasraśaḥ

Pulastya said: Long ago, in a certain great kalpa, there was a king named Dharmamurti, a friend of Indra, by whom thousands of daityas were slain.

Verse 2 (padma.1.21.2)

सोमसूर्यादयो यस्य तेजसा विगतप्रभाः। भवंति शतशो येन दानवाश्च पराजिताः।

somasūryādayo yasya tejasā vigataprabhāḥ bhavaṁti śataśo yena dānavāśca parājitāḥ

By whose splendor the Moon, the Sun, and other bright beings lost their radiance, and by whom hundreds of danavas were defeated.

Verse 3 (padma.1.21.3)

यथेच्छरूपधारी च मानुषोप्यपराजितः। तस्य भानुमती भार्या सती त्रैलोक्यसुंदरी।

yatheccharūpadhārī ca mānuṣopyaparājitaḥ tasya bhānumatī bhāryā satī trailokyasuṁdarī

Able to take any form at will, he remained unconquered though born a man. His wife was Bhanumati, a virtuous woman and the loveliest in the three worlds.

Verse 4 (padma.1.21.4)

लक्ष्मीसदृशरूपेण निर्जितामरसुंदरी। राज्ञस्तस्याग्रमहिषी प्राणेभ्योपि गरीयसी।

lakṣmīsadṛśarūpeṇa nirjitāmarasuṁdarī rājñastasyāgramahiṣī prāṇebhyopi garīyasī

Equal to Lakshmi in beauty, surpassing even the loveliest of the immortals, she was that king's chief queen, dearer to him than his own life.

Verse 5 (padma.1.21.5)

दशनारीसहस्राणां मध्ये श्रीरिव राजते। नृपकोटिसहस्रेण न कदाचित्समुच्यते।

daśanārīsahasrāṇāṁ madhye śrīriva rājate nṛpakoṭisahasreṇa na kadācitsamucyate

Amid ten thousand women she shone like Shri herself — one whose worth could never be equalled even against ten million kings.

Verse 6 (padma.1.21.6)

कदाचिदास्थानगतः पप्रच्छ स्वपुरोहितम्। विस्मयेनावृतो नत्वा वसिष्ठमृषिसत्तमम्।

kadācidāsthānagataḥ papraccha svapurohitam vismayenāvṛto natvā vasiṣṭhamṛṣisattamam

One day, seated in his court and filled with wonder, he bowed to Vasishtha, foremost of sages, and asked his family priest:

Verse 7 (padma.1.21.7)

भगवन्केन धर्मेण मम लक्ष्मीरनुत्तमा। कस्माच्च विपुलं तेजो मच्छरीरे सदोत्तमम्।

bhagavankena dharmeṇa mama lakṣmīranuttamā kasmācca vipulaṁ tejo maccharīre sadottamam

'Holy one, by what merit has this unsurpassed fortune come to me, and from what cause does this abundant, ever-excellent radiance dwell in my body?'

Verse 8 (padma.1.21.8)

वसिष्ठ उवाच। पुरा लीलावती नाम वेश्या शिवपरायणा। तया दत्तश्चतुर्दश्यां पुष्करे लवणाचलः।

vasiṣṭha uvāca purā līlāvatī nāma veśyā śivaparāyaṇā tayā dattaścaturdaśyāṁ puṣkare lavaṇācalaḥ

Vasishtha said: Long ago there was a courtesan named Lilavati, devoted to Shiva. On the fourteenth day, at Pushkara, she gave a mountain of salt,

Verse 9 (padma.1.21.9)

हेमवृक्षामरैः सार्द्धं यथावद्विधिपूर्वकं। शूद्रः सुवर्णकारश्च कर्मकृत्सोऽभवत्तदा।

hemavṛkṣāmaraiḥ sārddhaṁ yathāvadvidhipūrvakaṁ śūdraḥ suvarṇakāraśca karmakṛtso'bhavattadā

together with golden trees, duly and according to rite. The one who performed that work for her was a shudra goldsmith.

Verse 10 (padma.1.21.10)

भृत्यो लीलावतीगेहे तेन हैमा विनिर्मिताः। तरवो हेमपुष्पाश्च श्रद्धायुक्तेन पार्थिव।

bhṛtyo līlāvatīgehe tena haimā vinirmitāḥ taravo hemapuṣpāśca śraddhāyuktena pārthiva

O king, he was a servant in Lilavati's household; with faith he fashioned golden trees and golden flowers for her.

Verse 11 (padma.1.21.11)

अतिरूपेण संपन्ना घटितास्ते सुशोभनाः। धर्मकार्यमिति ज्ञात्वा न गृहीतं च वेतनम्।

atirūpeṇa saṁpannā ghaṭitāste suśobhanāḥ dharmakāryamiti jñātvā na gṛhītaṁ ca vetanam

Wrought with exquisite beauty, those trees were most splendid; and knowing this to be an act of dharma, he took no wages for it.

Verse 12 (padma.1.21.12)

उज्ज्वालिताश्च ते पत्न्या सुवर्णमयपादपाः। लीलावतीगृहे चापि परिचर्या च पार्थिव।

ujjvālitāśca te patnyā suvarṇamayapādapāḥ līlāvatīgṛhe cāpi paricaryā ca pārthiva

His wife polished those golden trees bright, and, O king, she too rendered service in Lilavati's house.

Verse 13 (padma.1.21.13)

कृता ताभ्यामशाठ्येन द्विजशुश्रूषणादिका। सा च लीलावती वेश्या कालेन महतानघ।

kṛtā tābhyāmaśāṭhyena dvijaśuśrūṣaṇādikā sā ca līlāvatī veśyā kālena mahatānagha

O sinless one, both of them, without deceit, performed service to brahmins and the like. And that courtesan Lilavati, after a long time,

Verse 14 (padma.1.21.14)

सर्वपापविनिर्मुक्ता जगाम शिवमंदिरम्। योऽसौ सुवर्णकारश्च दरिद्रोप्यतिसत्त्ववान्।

sarvapāpavinirmuktā jagāma śivamaṁdiram yo'sau suvarṇakāraśca daridropyatisattvavān

freed from all sin, attained Shiva's abode. As for that goldsmith — poor, yet of noble and steadfast character —

Verse 15 (padma.1.21.15)

न मूल्यमादाद्वेश्यातः स भवानिह सांप्रतम्। सप्तद्वीपपतिर्जातः सूर्यायुतसमप्रभः।

na mūlyamādādveśyātaḥ sa bhavāniha sāṁpratam saptadvīpapatirjātaḥ sūryāyutasamaprabhaḥ

since he took no payment from the courtesan, he is now, in this life, you yourself — born lord of the seven continents, radiant as ten thousand suns.

Verse 16 (padma.1.21.16)

यया सुवर्णकारस्य तरवो हेमनिर्मिताः। सम्यगुज्ज्वलिताः पत्न्या सेयं भानुमती तव।

yayā suvarṇakārasya taravo hemanirmitāḥ samyagujjvalitāḥ patnyā seyaṁ bhānumatī tava

And she who brightly polished the goldsmith's golden trees — that same wife — is now your Bhanumati.

Verse 17 (padma.1.21.17)

तस्मान्नृलोकेष्वपराजितस्त्वमारोग्यसौभाग्ययुता च लक्ष्मीः। तस्मात्त्वमप्यत्र विधानपूर्वं धान्याचलादीन्नृपते कुरुष्व।

tasmānnṛlokeṣvaparājitastvamārogyasaubhāgyayutā ca lakṣmīḥ tasmāttvamapyatra vidhānapūrvaṁ dhānyācalādīnnṛpate kuruṣva

Therefore you are unconquered among men, and your fortune is joined with health and good fortune. So you too, O king, should now duly perform the gift of the grain-mountain and the rest, according to rite.

Verse 18 (padma.1.21.18)

पुलस्त्य उवाच। तथेति संपूज्य सुधर्ममूर्तिर्वचो वसिष्ठस्य ददौ च सर्वान्। धान्याचलादीन्विधिनास्मरारेर्लोकं गतोसौ सुरपूज्यमानः।

pulastya uvāca tatheti saṁpūjya sudharmamūrtirvaco vasiṣṭhasya dadau ca sarvān dhānyācalādīnvidhināsmarārerlokaṁ gatosau surapūjyamānaḥ

Pulastya said: 'So be it,' said the king; and the virtuous Dharmamurti, honoring Vasishtha's word, duly gave all the grain-mountains and the rest; and, honored by the gods, he attained the world of Shiva, the Enemy of Kama.

Verse 19 (padma.1.21.19)

पश्येद्यदीमानुपनीयमानान्स्पृशेन्मनुष्यैरिह दीयमानान्। शृणोति भक्त्याथ मतिं ददाति विकल्मषः सोपि दिवं प्रयाति।

paśyedyadīmānupanīyamānānspṛśenmanuṣyairiha dīyamānān śṛṇoti bhaktyātha matiṁ dadāti vikalmaṣaḥ sopi divaṁ prayāti

One who merely sees these mountain-gifts being brought forth, or touches them as men give them, or hears of them with devotion, or urges another to give — he too, freed from sin, goes to heaven.

Verse 20 (padma.1.21.20)

दुःस्वप्नप्रशममुपैति पठ्यमानैः शैलेंद्रैर्भवभयभेदनैर्मनुष्यः। यः कुर्यात्किमु नृपपुंगवेह सम्यक्शांतात्मा सकलगिरींद्रसंप्रदानम्।

duḥsvapnapraśamamupaiti paṭhyamānaiḥ śaileṁdrairbhavabhayabhedanairmanuṣyaḥ yaḥ kuryātkimu nṛpapuṁgaveha samyakśāṁtātmā sakalagirīṁdrasaṁpradānam

By merely reciting these lordly mountains, which shatter the fear of worldly existence, a man is freed from bad dreams — how much more, O bull among kings, one of tranquil soul who himself duly performs the entire gift of all these mountains!

Verse 21 (padma.1.21.21)

भीष्म उवाच। किमभीष्टवियोगशोकसंधानलमुद्धर्तुमुपोषणं व्रतं वा। विभवध्रुवकारिभूतलेस्मिन्भवभीतेरपि सूदनं च पुंसः।

bhīṣma uvāca kimabhīṣṭaviyogaśokasaṁdhānalamuddhartumupoṣaṇaṁ vrataṁ vā vibhavadhruvakāribhūtalesminbhavabhīterapi sūdanaṁ ca puṁsaḥ

Bhishma said: Is there some vow or fast able to lift the grief of separation from what one loves, to secure lasting prosperity on this earth, and to destroy, for a man, even the fear of worldly existence?

Verse 22 (padma.1.21.22)

पुलस्त्य उवाच। परिपृष्टमिदं जगत्प्रियं ते विबुधानामपि दुर्लभं महत्त्वात्। तव भक्तिमतस्तथापि वक्ष्ये व्रतमिंद्रासुरमानवेषु गुह्यम्।

pulastya uvāca paripṛṣṭamidaṁ jagatpriyaṁ te vibudhānāmapi durlabhaṁ mahattvāt tava bhaktimatastathāpi vakṣye vratamiṁdrāsuramānaveṣu guhyam

Pulastya said: This question is dear to the whole world, and by its very greatness hard to obtain even for the gods. Yet since you are devoted, I shall tell you that vow which is kept secret among gods, asuras, and men.

Verse 23 (padma.1.21.23)

पुण्यमाश्वयुजे मासि विशोकद्वादशीव्रतम्। दशम्यां लघुभुग्विद्वान्प्रारभेत यमेन तु।

puṇyamāśvayuje māsi viśokadvādaśīvratam daśamyāṁ laghubhugvidvānprārabheta yamena tu

In the month of Ashvina there is the sacred vow of Vishoka-dvadashi. On the tenth day the wise man, eating lightly, should begin it with self-restraint.

Verse 24 (padma.1.21.24)

उदङ्मुखः प्राङ्मुखो वा दंतधावनपूर्वकम्। एकादश्यां निराहारः सम्यगभ्यर्च्य केशवम्।

udaṅmukhaḥ prāṅmukho vā daṁtadhāvanapūrvakam ekādaśyāṁ nirāhāraḥ samyagabhyarcya keśavam

Facing north or east, having first cleaned his teeth, on the eleventh day he should fast, duly worshipping Keshava,

Verse 25 (padma.1.21.25)

श्रियं चाभ्यर्च्य विधिवद्भोक्ष्येऽहं चापरेहनि। एवं नियमकृत्सुप्त्वा प्रातरुत्थाय मानवः।

śriyaṁ cābhyarcya vidhivadbhokṣye'haṁ cāparehani evaṁ niyamakṛtsuptvā prātarutthāya mānavaḥ

and duly worship Shri as well, resolving, 'I shall eat on the following day.' Having thus kept the observance and slept, the man should rise in the morning.

Verse 26 (padma.1.21.26)

स्नानं सर्वौषधैः कुर्यात्पंचगव्यजलेन तु। शुभ्रमाल्यांबरधरःपूजयेच्छ्रीशमुत्पलैः।

snānaṁ sarvauṣadhaiḥ kuryātpaṁcagavyajalena tu śubhramālyāṁbaradharaḥpūjayecchrīśamutpalaiḥ

He should bathe with all healing herbs and with panchagavya-water; then, wearing white garlands and garments, he should worship the Lord of Shri with blue lotuses.

Verse 27 (padma.1.21.27)

विशोकाय नमः पादौ जंघे च वरदाय वै। श्रीशाय जानुनी तद्वदूरू च जलशायिने।

viśokāya namaḥ pādau jaṁghe ca varadāya vai śrīśāya jānunī tadvadūrū ca jalaśāyine

'Salutation to Vishoka' at the feet, 'to Varada' at the shins, 'to Shrisha' likewise at the knees, and 'to Jalashayin' at the thighs.

Verse 28 (padma.1.21.28)

कंदर्पाय नमो गुह्यं माधवाय नमः कटिं। दामोदरायेत्युदरं पार्श्वे च विपुलायवै।

kaṁdarpāya namo guhyaṁ mādhavāya namaḥ kaṭiṁ dāmodarāyetyudaraṁ pārśve ca vipulāyavai

'Salutation to Kandarpa' at the private parts, 'to Madhava' at the hips, 'to Damodara' at the belly, and 'to Vipula' at the two sides.

Verse 29 (padma.1.21.29)

नाभिं च पद्मनाभाय हृदयं मन्मथाय वै। श्रीधराय विभोर्वक्षः करौ मधुभिदे नमः।

nābhiṁ ca padmanābhāya hṛdayaṁ manmathāya vai śrīdharāya vibhorvakṣaḥ karau madhubhide namaḥ

The navel to Padmanabha, the heart to Manmatha, the Lord's chest to Shridhara, and 'salutation to Madhubhid' at the hands.

Verse 30 (padma.1.21.30)

वैकुण्ठाय नमः कंठमास्यं पद्ममुखायवै। नासामशोकनिधये वासुदेवाय चाक्षिणी।

vaikuṇṭhāya namaḥ kaṁṭhamāsyaṁ padmamukhāyavai nāsāmaśokanidhaye vāsudevāya cākṣiṇī

The throat to Vaikuntha, the face to Padmamukha, the nose to Ashokanidhi, and the eyes to Vasudeva.

Verse 31 (padma.1.21.31)

ललाटं वामनायेति हरये च पुनर्भ्रुवौ। अलकं माधवायेति किरीटं विश्वरूपिणे।

lalāṭaṁ vāmanāyeti haraye ca punarbhruvau alakaṁ mādhavāyeti kirīṭaṁ viśvarūpiṇe

The forehead to Vamana, and again the eyebrows to Hari, the curled locks to Madhava, and the crown to the All-formed One.

Verse 32 (padma.1.21.32)

नमः सर्वात्मने तद्वच्छिर इत्यभिपूजयेत्। एवं संपूज्य गोविंदं धूपमाल्यानुलेपनैः।

namaḥ sarvātmane tadvacchira ityabhipūjayet evaṁ saṁpūjya goviṁdaṁ dhūpamālyānulepanaiḥ

And likewise, 'salutation to the Self of all' at the head — thus should each limb be worshipped. Having thus worshipped Govinda with incense, garlands, and unguents,

Verse 33 (padma.1.21.33)

ततस्तु मंडलं कृत्वा स्थंडिलं कारयेन्मृदा। चतुरश्रं समंताच्च रत्निमात्रमुदक्प्लवम्।

tatastu maṁḍalaṁ kṛtvā sthaṁḍilaṁ kārayenmṛdā caturaśraṁ samaṁtācca ratnimātramudakplavam

he should then draw a mandala and fashion a clay altar (sthandila) — square on every side, a cubit in size, with a slope so water drains northward.

Verse 34 (padma.1.21.34)

श्लक्ष्णं हृद्यं च परितो वप्रत्रयसमावृतम्। त्रिरंगुलोच्छ्रितावप्रास्तद्विस्तारो द्विरंगुलः।

ślakṣṇaṁ hṛdyaṁ ca parito vapratrayasamāvṛtam triraṁgulocchritāvaprāstadvistāro dviraṁgulaḥ

It should be smooth and pleasing, bordered on every side by three raised ridges; the ridges three finger-widths high and two finger-widths broad.

Verse 35 (padma.1.21.35)

स्थंडिलस्योपरिष्टात्तु भित्तिरष्टांगुला भवेत्। नदी वालुकया सूर्ये लक्ष्म्याः प्रतिकृतिं न्यसेत्।

sthaṁḍilasyopariṣṭāttu bhittiraṣṭāṁgulā bhavet nadī vālukayā sūrye lakṣmyāḥ pratikṛtiṁ nyaset

Above the altar there should be a rim of eight finger-widths. With river sand, one should fashion an image of the Sun together with Lakshmi.

Verse 36 (padma.1.21.36)

स्थंडिले सूर्यमध्यस्थ लक्ष्मीमभ्यर्चयेद्बुधः। नमो देव्यै नमः शांत्यै नमो लक्ष्म्यै नमः श्रिये।

sthaṁḍile sūryamadhyastha lakṣmīmabhyarcayedbudhaḥ namo devyai namaḥ śāṁtyai namo lakṣmyai namaḥ śriye

On the altar, the wise man should worship Lakshmi seated in the midst of the Sun: 'Salutation to the Goddess, salutation to Shanti, salutation to Lakshmi, salutation to Shri,

Verse 37 (padma.1.21.37)

नमस्तुष्ट्यै नमः पुष्ट्यै सृष्ट्यै दृष्ट्यै नमो नमः। विशोका दुःखनाशा यविशोका वरदास्तु ते।

namastuṣṭyai namaḥ puṣṭyai sṛṣṭyai dṛṣṭyai namo namaḥ viśokā duḥkhanāśā yaviśokā varadāstu te

salutation to Tushti, salutation to Pushti, salutation again and again to Srishti and Drishti.' 'O sorrow-destroying Vishoka, grief's destroyer, may you the sorrowless one grant boons,

Verse 38 (padma.1.21.38)

विशोका मेस्तु संपत्त्यै विशोका सर्वसिद्धये। ततः शुभ्रांबरैः सूर्यं वेष्ट्य संपूजयेत्फलैः।

viśokā mestu saṁpattyai viśokā sarvasiddhaye tataḥ śubhrāṁbaraiḥ sūryaṁ veṣṭya saṁpūjayetphalaiḥ

may the Sorrowless One be for my prosperity, the Sorrowless One for all success.' Then, having wrapped the Sun in white garments, he should worship it with fruits,

Verse 39 (padma.1.21.39)

भक्ष्यैर्नानाविधैस्तद्वत्सुवर्णकमलेन च। राजतीषु च पात्रीषु न्यसेद्दर्भोदकं बुधः।

bhakṣyairnānāvidhaistadvatsuvarṇakamalena ca rājatīṣu ca pātrīṣu nyaseddarbhodakaṁ budhaḥ

with various kinds of food, and likewise with a golden lotus; and the wise man should set kusha-water in silver vessels.

Verse 40 (padma.1.21.40)

ततस्तु नृत्यगीतानि कारयेत्सकलां निशाम्। यामत्रये व्यतीते तु तत उत्थाय मानवः।

tatastu nṛtyagītāni kārayetsakalāṁ niśām yāmatraye vyatīte tu tata utthāya mānavaḥ

Then he should have dance and song performed through the whole night. When the three watches have passed, the man should rise —

Verse 41 (padma.1.21.41)

अभिगम्य च विप्राणां मिथुनानि च पूजयेत्। शक्तितस्त्रीणि चैकं वा वस्त्रमाल्यानुलेपनैः।

abhigamya ca viprāṇāṁ mithunāni ca pūjayet śaktitastrīṇi caikaṁ vā vastramālyānulepanaiḥ

Then he should approach brahmin couples and worship them — three, or at least one, according to his means — with garments, garlands, and unguents.

Verse 42 (padma.1.21.42)

शयनस्थानि पूज्यानि नमोस्तु जलशायिने। ततस्तु गीतवाद्येन रात्र्यां जागरणे कृते।

śayanasthāni pūjyāni namostu jalaśāyine tatastu gītavādyena rātryāṁ jāgaraṇe kṛte

Those placed in the ritual bed are to be worshipped, saying 'salutation to Jalashayin.' Then, after keeping night-vigil with song and music,

Verse 43 (padma.1.21.43)

प्रभाते च ततः स्नानं कृत्वा दांपत्यमर्चयेत्। भोजयेच्च यथाशक्ति वित्तशाठ्येन वर्जितः।

prabhāte ca tataḥ snānaṁ kṛtvā dāṁpatyamarcayet bhojayecca yathāśakti vittaśāṭhyena varjitaḥ

in the morning he should bathe, worship the couple, and, free from miserliness, feed them according to his means.

Verse 44 (padma.1.21.44)

भक्त्याश्रुत्वापुराणानितद्दिनंचातिवाहयेत्। अनेन विधिना सर्वं मासिमासि समाचरेत्।

bhaktyāśrutvāpurāṇānitaddinaṁcātivāhayet anena vidhinā sarvaṁ māsimāsi samācaret

He should pass that day hearing the Puranas with devotion. By this same rite he should observe everything, month after month.

Verse 45 (padma.1.21.45)

व्रतांते शयनं दद्याद्गुडधेनुसमन्वितं। सोपधानं सविश्रामं स्वास्तरावरणं शुभं।

vratāṁte śayanaṁ dadyādguḍadhenusamanvitaṁ sopadhānaṁ saviśrāmaṁ svāstarāvaraṇaṁ śubhaṁ

At the end of the vow he should give a bed — with pillow, cushioning, and an auspicious cover — together with a jaggery-cow.

Verse 46 (padma.1.21.46)

यथालक्ष्मीर्नरेश त्वां न परित्यज्य गच्छति। तथा सुरूपतारोग्यमशोकं चास्तु मे सदा।

yathālakṣmīrnareśa tvāṁ na parityajya gacchati tathā surūpatārogyamaśokaṁ cāstu me sadā

'Just as Lakshmi, O lord, never departs abandoning you, so may fair form, health, and freedom from sorrow ever be mine.'

Verse 47 (padma.1.21.47)

यथा देवेन रहिता न लक्ष्मीर्जायते क्वचित्। तथा विशोकता मेऽस्तु भक्तिरग्य्रा च केशवे।

yathā devena rahitā na lakṣmīrjāyate kvacit tathā viśokatā me'stu bhaktiragyrā ca keśave

'Just as Lakshmi is never found apart from the Lord, so may sorrowlessness be mine, and supreme devotion to Keshava.'

Verse 48 (padma.1.21.48)

मंत्रेणानेन शयनं गुडधेनुसमन्वितं। सूर्यश्च लक्ष्म्या सहितो दातव्यो भूतिमिच्छता।

maṁtreṇānena śayanaṁ guḍadhenusamanvitaṁ sūryaśca lakṣmyā sahito dātavyo bhūtimicchatā

With this mantra, the bed together with the jaggery-cow, and the Sun together with Lakshmi, should be given by one who desires prosperity.

Verse 49 (padma.1.21.49)

उत्पलं करवीरं वाप्यम्लानं चैव कुंकुमं। केतकं सिंधुवारं च मल्लिकागंधपाटला।

utpalaṁ karavīraṁ vāpyamlānaṁ caiva kuṁkumaṁ ketakaṁ siṁdhuvāraṁ ca mallikāgaṁdhapāṭalā

Blue lotus, oleander, unwithered saffron-flower, ketaki, five-leaved chaste-tree flower, jasmine, and fragrant patala —

Verse 50 (padma.1.21.50)

कदंबं कुब्जकं जाती शस्तान्येतानि सर्वदा। भीष्म उवाच। गुडधेनुविधानं च समाचक्ष्व मुनीश्वर।

kadaṁbaṁ kubjakaṁ jātī śastānyetāni sarvadā bhīṣma uvāca guḍadhenuvidhānaṁ ca samācakṣva munīśvara

kadamba, kubjaka, and jati flowers — these are always recommended. Bhishma said: 'Now tell me, O lord of sages, the procedure of the jaggery-cow —

Verse 51 (padma.1.21.51)

किं रूपा केन मंत्रेण दातव्या तदिहोच्यतां। पुलस्त्य उवाच। गुडधेनुविधानस्य यद्रूपमिह यत्फलम्।

kiṁ rūpā kena maṁtreṇa dātavyā tadihocyatāṁ pulastya uvāca guḍadhenuvidhānasya yadrūpamiha yatphalam

of what form, and with what mantra, is it to be given.' Pulastya said: 'The form of the jaggery-cow rite, and its fruit —

Verse 52 (padma.1.21.52)

तदिदानीं प्रवक्ष्यामि सर्वपापविनाशनम्। कृष्णाजिनं चतुर्हस्तं प्राग्ग्रीवं विन्यसेद्भुवि।

tadidānīṁ pravakṣyāmi sarvapāpavināśanam kṛṣṇājinaṁ caturhastaṁ prāggrīvaṁ vinyasedbhuvi

that I shall now declare, the destroyer of all sin. One should spread a black antelope-skin, four cubits long, with its neck to the east,

Verse 53 (padma.1.21.53)

गोमयेनानुलिप्तायां दर्भानास्तीर्य सर्वतः। लघ्वेणकाजिनं तद्वत्वत्सं च परिकल्पयेत्।

gomayenānuliptāyāṁ darbhānāstīrya sarvataḥ laghveṇakājinaṁ tadvatvatsaṁ ca parikalpayet

on ground smeared with cow-dung, having strewn kusha grass all around; and likewise fashion the calf from a small antelope-skin.

Verse 54 (padma.1.21.54)

प्राङ्मुखीं कल्पयेद्धेनुं मृदा वा गां सवत्सकां। उत्तमा गुडधेनुः स्यात्सदा भारचतुष्टयं।

prāṅmukhīṁ kalpayeddhenuṁ mṛdā vā gāṁ savatsakāṁ uttamā guḍadhenuḥ syātsadā bhāracatuṣṭayaṁ

One should fashion the cow, facing east, together with its calf, either from skin or clay. The best jaggery-cow should always be of four bharas' measure.

Verse 55 (padma.1.21.55)

वत्सं भारेण कुर्वीत भाराभ्यां मध्यमा स्मृता। अर्द्धभारेण वत्सस्स्यात्कनिष्ठा भारकेण तु।

vatsaṁ bhāreṇa kurvīta bhārābhyāṁ madhyamā smṛtā arddhabhāreṇa vatsassyātkaniṣṭhā bhārakeṇa tu

The calf should be made with one bhara; the two-bhara gift is remembered as the middling grade; with half a bhara for the calf it becomes the lowest grade, and with a small bharaka —

Verse 56 (padma.1.21.56)

चतुर्थांशे नवत्सः स्याद्गृहवित्तानुसारतः। धेनुवत्सौ कृतौ चोभौ सितसूक्ष्मांबरावृतौ।

caturthāṁśe navatsaḥ syādgṛhavittānusārataḥ dhenuvatsau kṛtau cobhau sitasūkṣmāṁbarāvṛtau

at a quarter-bhara there is no calf, according to one's household means. Having made both cow and calf, cover them with fine white cloth,

Verse 57 (padma.1.21.57)

शुक्तिकर्णाविक्षुपादौ शुचिमुक्ताफलेक्षणौ। सितसूत्रसिराजालौ सितकंबलकंबलौ।

śuktikarṇāvikṣupādau śucimuktāphalekṣaṇau sitasūtrasirājālau sitakaṁbalakaṁbalau

with ears of mother-of-pearl, legs of sugarcane, pure pearl-eyes, a network of white thread for veins, and a white blanket-covering.

Verse 58 (padma.1.21.58)

ताम्रगंडकपृष्ठौ द्वौ सितचामरलोमकौ। विद्रुमभ्रूयुगावेतौ नवनीतस्तनान्वितौ।

tāmragaṁḍakapṛṣṭhau dvau sitacāmaralomakau vidrumabhrūyugāvetau navanītastanānvitau

Let the two have cheeks and back of copper, hair of white chowrie-tail; a pair of coral eyebrows, and udders of fresh butter.

Verse 59 (padma.1.21.59)

काञ्चनाक्षियुगोपेताविन्द्रनीलकनीनिकौ। क्षौमपुच्छौ कांस्यदोहौ शुभ्रातिकमनीयकौ।

kāñcanākṣiyugopetāvindranīlakanīnikau kṣaumapucchau kāṁsyadohau śubhrātikamanīyakau

Let them have a pair of golden eyes with sapphire pupils, tails of silk, a bronze milking-pail, and be exceedingly fair and lovely.

Verse 60 (padma.1.21.60)

सुवर्णशृंगाभरणौ राजताढ्य खुरौ च तौ। नानाफलसमायुक्तौ घ्राणगंधकरंडकौ।

suvarṇaśṛṁgābharaṇau rājatāḍhya khurau ca tau nānāphalasamāyuktau ghrāṇagaṁdhakaraṁḍakau

Adorn them with golden horns and silver-rich hooves, furnish them with various fruits, and a fragrance-casket at the nostrils.

Verse 61 (padma.1.21.61)

इत्येवं रचयित्वा तु धूपदीपैस्तथार्चयेत्। या लक्ष्मीस्सर्वभूतानां या च देवेष्ववस्थिता।

ityevaṁ racayitvā tu dhūpadīpaistathārcayet yā lakṣmīssarvabhūtānāṁ yā ca deveṣvavasthitā

Having thus fashioned it, one should worship it with incense and lamps: 'That Lakshmi who dwells in all beings and among the gods —

Verse 62 (padma.1.21.62)

धेनुरूपेण सा देवी मम पापं व्यपोहतु। विष्णोर्वक्षसि या लक्ष्मीः स्वाहा या च विभावसौ।

dhenurūpeṇa sā devī mama pāpaṁ vyapohatu viṣṇorvakṣasi yā lakṣmīḥ svāhā yā ca vibhāvasau

may that Goddess, in the form of this cow, drive away my sin. She who is Lakshmi upon Vishnu's breast, who is Svaha in Fire,

Verse 63 (padma.1.21.63)

चंद्रार्कशक्रशक्तिर्या सा धेनुर्वरदास्तु मे। स्वधा त्वं पितृमुख्यानां स्वाहा यज्ञभुजां यतः।

caṁdrārkaśakraśaktiryā sā dhenurvaradāstu me svadhā tvaṁ pitṛmukhyānāṁ svāhā yajñabhujāṁ yataḥ

who is the power of Moon, Sun, and Indra — may that cow grant me boons. You are Svadha to the ancestors, Svaha to the partakers of sacrifice,

Verse 64 (padma.1.21.64)

सर्वपापहरा धेनुस्तस्माद्भूतिं प्रयच्छ मे। एवमामंत्र्य तां धेनुं ब्राह्मणाय निवेदयेत्।

sarvapāpaharā dhenustasmādbhūtiṁ prayaccha me evamāmaṁtrya tāṁ dhenuṁ brāhmaṇāya nivedayet

O cow that removes all sin — therefore grant me prosperity.' Having thus invoked the cow, one should present it to a brahmin.

Verse 65 (padma.1.21.65)

विधानमेतद्धेनूनां सर्वासामपि पठ्यते। यास्तु पापविनाशिन्यः पठ्यंते दश धेनवः।

vidhānametaddhenūnāṁ sarvāsāmapi paṭhyate yāstu pāpavināśinyaḥ paṭhyaṁte daśa dhenavaḥ

This procedure is recited as common to all such cows. Now, the ten sin-destroying cows that are enumerated —

Verse 66 (padma.1.21.66)

तासां स्वरूपं वक्ष्यामि नामानि च नराधिप। प्रथमा गुडधेनुः स्याद्घृतधेनुरथापरा।

tāsāṁ svarūpaṁ vakṣyāmi nāmāni ca narādhipa prathamā guḍadhenuḥ syādghṛtadhenurathāparā

O lord of men, I shall tell their form and names. The first is the jaggery-cow, the second is the ghee-cow,

Verse 67 (padma.1.21.67)

तिलधेनुस्तृतीया च चतुर्थी जलनामिका। क्षीरधेनुः पंचमी च मधुधेनुस्तथापरा।

tiladhenustṛtīyā ca caturthī jalanāmikā kṣīradhenuḥ paṁcamī ca madhudhenustathāparā

the third is the sesame-cow, the fourth is named the water-cow; the fifth is the milk-cow, and next the honey-cow;

Verse 68 (padma.1.21.68)

सप्तमी शर्कराधेनुरष्टमी दधिकल्पिता। रसधेनुश्च नवमी दशमी स्यात्स्वरूपतः।

saptamī śarkarādhenuraṣṭamī dadhikalpitā rasadhenuśca navamī daśamī syātsvarūpataḥ

the seventh is the sugar-cow, the eighth is fashioned of curd; the ninth is the juice-cow, and the tenth is by its very nature the gold-cow.

Verse 69 (padma.1.21.69)

कुंभास्स्यू रसधेनूनामितरासां स्वराशयः। सुवर्णधेनुं चाप्यत्र केचिदिच्छंति मानवाः।

kuṁbhāssyū rasadhenūnāmitarāsāṁ svarāśayaḥ suvarṇadhenuṁ cāpyatra kecidicchaṁti mānavāḥ

For the juice-cows, jars serve as the form; for the rest, their own heaped material. Some men here also wish for a golden cow,

Verse 70 (padma.1.21.70)

नवनीतेन तैलैश्च तथान्येपि महर्षयः। एतदेवविधानं स्यात्त एवोपस्करास्स्मृताः।

navanītena tailaiśca tathānyepi maharṣayaḥ etadevavidhānaṁ syātta evopaskarāssmṛtāḥ

and other great sages wish for cows of fresh butter and of oil. This same procedure applies to these too; these same are the prescribed materials.

Verse 71 (padma.1.21.71)

मंत्रावाहनसंयुक्ताः सदा पर्वणि पर्वणि। यथा श्राद्धं प्रदातव्या भुक्तिमुक्तिफलप्रदाः।

maṁtrāvāhanasaṁyuktāḥ sadā parvaṇi parvaṇi yathā śrāddhaṁ pradātavyā bhuktimuktiphalapradāḥ

Joined with mantra and invocation, they should always be given on each sacred day — as in a shraddha — bestowing the fruit of both enjoyment and liberation.

Verse 72 (padma.1.21.72)

गुडधेनुप्रसंगेन सर्वास्तव मयोदिताः। अशेषयज्ञफलदाः सर्वपापहराः शुभाः।

guḍadhenuprasaṁgena sarvāstava mayoditāḥ aśeṣayajñaphaladāḥ sarvapāpaharāḥ śubhāḥ

On the occasion of the jaggery-cow, all these have been told to you by me — bestowing the fruit of every sacrifice, auspicious, and removing all sin.

Verse 73 (padma.1.21.73)

व्रतानामुत्तमं यस्माद्विशोकद्वादशीव्रतम्। तदंगत्वेन चैवात्र गुडधेनुः प्रशस्यते।

vratānāmuttamaṁ yasmādviśokadvādaśīvratam tadaṁgatvena caivātra guḍadhenuḥ praśasyate

Since the Vishoka-dvadashi vow is the best among vows, the jaggery-cow is praised here as a part of it.

Verse 74 (padma.1.21.74)

अयने विषुवे पुण्ये व्यतीपाते तथा पुनः। गुडधेन्वादयो देया उपरागादिपर्वसु।

ayane viṣuve puṇye vyatīpāte tathā punaḥ guḍadhenvādayo deyā uparāgādiparvasu

At the solstice, at the sacred equinox, at Vyatipata, and at eclipses and other sacred occasions too, the jaggery-cow and the rest should be given.

Verse 75 (padma.1.21.75)

विशोकद्वादशी चैषा सर्वपापहरा शुभा। यामुपोष्य नरो याति तद्विष्णोः परमं पदम्।

viśokadvādaśī caiṣā sarvapāpaharā śubhā yāmupoṣya naro yāti tadviṣṇoḥ paramaṁ padam

This Vishoka-dvadashi, auspicious and removing all sin — having observed it as a fast, a man attains the supreme abode of Vishnu.

Verse 76 (padma.1.21.76)

इहलोके स सौभाग्यमायुरारोग्यमेव च। वैष्णवं पुरमाप्नोति मरणे स्मरणं हरेः।

ihaloke sa saubhāgyamāyurārogyameva ca vaiṣṇavaṁ puramāpnoti maraṇe smaraṇaṁ hareḥ

In this world he obtains good fortune, long life, and health; he attains Vishnu's abode, and at death, remembrance of Hari.

Verse 77 (padma.1.21.77)

नवार्बुदसहस्राणि दश चाष्टौ च धर्मवित्। न शोकदुःखदौर्गत्यं तस्य संजायते नृप।

navārbudasahasrāṇi daśa cāṣṭau ca dharmavit na śokaduḥkhadaurgatyaṁ tasya saṁjāyate nṛpa

For nine hundred billion years, and eighteen more besides, O knower of dharma, no grief, sorrow, or misfortune befalls him, O king.

Verse 78 (padma.1.21.78)

नारी वा कुरुते या तु विशोकद्वादशीमिमां। नृत्यगीतपरा नित्यं सापि तत्फलमाप्नुयात्।

nārī vā kurute yā tu viśokadvādaśīmimāṁ nṛtyagītaparā nityaṁ sāpi tatphalamāpnuyāt

And a woman too, who performs this Vishoka-dvadashi, ever devoted to dance and song, obtains that same fruit.

Verse 79 (padma.1.21.79)

यस्मादग्रे हरेर्नृत्यमनन्तं गीतवादनम्। इति पठति य इत्थं यः शृणोतीह सम्यक्। मधुमुरनरकारेरर्चनं वाथ पश्येत्।

yasmādagre harernṛtyamanantaṁ gītavādanam iti paṭhati ya itthaṁ yaḥ śṛṇotīha samyak madhumuranarakārerarcanaṁ vātha paśyet

For before Hari there is endless dance, song, and music. One who thus recites this, or who duly hears it, or who witnesses the worship of the Slayer of Madhu, Mura, and Naraka,

Verse 80 (padma.1.21.80)

मतिमपि च जनानां यो ददातीन्द्रलोके। स वसति विबुधौघैः पूज्यते कल्पमेकम्। भीष्म उवाच। भगवन्श्रोतुमिच्छामि दानमाहात्म्यमुत्तमम्।

matimapi ca janānāṁ yo dadātīndraloke sa vasati vibudhaughaiḥ pūjyate kalpamekam bhīṣma uvāca bhagavanśrotumicchāmi dānamāhātmyamuttamam

or who inspires this resolve in others — he dwells in Indra's world, honored by hosts of gods, for one whole kalpa. Bhishma said: 'Holy one, I now wish to hear the supreme glory of gift-giving —