The Pushkara Creation and the Tarakamaya War

Verse 1 (padma.1.40.1)

पुलस्त्य उवाच। अथ योगवतां श्रेष्ठमसृजद्भूरिवर्चसम्। स्रष्टारं सर्वलोकानां ब्रह्माणं सर्वतोमुखम्।

pulastya uvāca atha yogavatāṁ śreṣṭhamasṛjadbhūrivarcasam sraṣṭāraṁ sarvalokānāṁ brahmāṇaṁ sarvatomukham

Pulastya said: 'Then he created the foremost of yogins, of abundant splendor, the creator of all the worlds, Brahma, facing every direction.'

Verse 2 (padma.1.40.2)

तस्मिन्हिरण्मये पद्मे बहुयोजनविस्तृते। सर्वतेजोगुणमये पार्थिवैर्लक्षणैर्वृते।

tasminhiraṇmaye padme bahuyojanavistṛte sarvatejoguṇamaye pārthivairlakṣaṇairvṛte

'In that golden lotus, spread over many yojanas, composed wholly of splendor and quality, encompassed by earthly features,'

Verse 3 (padma.1.40.3)

तच्च पद्मं पुराभूतं पृथिवीरूपमुत्तमम्। नारायणसमुद्भूतं प्रवदंति महर्षयः।

tacca padmaṁ purābhūtaṁ pṛthivīrūpamuttamam nārāyaṇasamudbhūtaṁ pravadaṁti maharṣayaḥ

'the great sages declare that lotus, which came into being of old, to be the supreme form of the earth, arisen from Narayana.'

Verse 4 (padma.1.40.4)

यत्पद्मं सा रसादेवी पृथिवी परिकथ्यते। ये पद्मकेसरा मुख्यास्तान्दिव्यान्पर्वतान्विदुः।

yatpadmaṁ sā rasādevī pṛthivī parikathyate ye padmakesarā mukhyāstāndivyānparvatānviduḥ

'That lotus is said to be the goddess Earth, of essence; and the chief filaments of the lotus, they know to be the divine mountains --'

Verse 5 (padma.1.40.5)

हिमवंतं च नीलं च मेरुं निषधमेव च। कैलासं शृंगवंतं च तथाद्रिं गंधमादनम्।

himavaṁtaṁ ca nīlaṁ ca meruṁ niṣadhameva ca kailāsaṁ śṛṁgavaṁtaṁ ca tathādriṁ gaṁdhamādanam

'Himavan, Nila, Meru, and Nishadha, Kailasa, Shringavan, and likewise the mountain Gandhamadana,'

Verse 6 (padma.1.40.6)

पुण्यं त्रिशिखरं चैव कांतं मंदरमेव च। उदारं पिंजरं चैव विंध्यमस्तं च पर्वतम्।

puṇyaṁ triśikharaṁ caiva kāṁtaṁ maṁdarameva ca udāraṁ piṁjaraṁ caiva viṁdhyamastaṁ ca parvatam

'sacred Trishikhara, and lovely Mandara, noble Pinjara, and the Vindhya and Asta mountains.'

Verse 7 (padma.1.40.7)

एत एव गणानां च सिद्धानां च महात्मनाम्। आश्रयाः पुण्यशीलानां सर्वकामफलप्रदाः।

eta eva gaṇānāṁ ca siddhānāṁ ca mahātmanām āśrayāḥ puṇyaśīlānāṁ sarvakāmaphalapradāḥ

'These very mountains are the refuge of the divine hosts, the siddhas, and great souls of virtuous conduct, granting the fruit of every desire.'

Verse 8 (padma.1.40.8)

एतेषामंतरे द्वीपो जंबूद्वीप इति स्मृतः। जंबुद्वीपस्य संस्थानं याज्ञीया यत्र च क्रियाः।

eteṣāmaṁtare dvīpo jaṁbūdvīpa iti smṛtaḥ jaṁbudvīpasya saṁsthānaṁ yājñīyā yatra ca kriyāḥ

'Between these lies the continent remembered as Jambudvipa; its structure, and the sacrificial rites performed within it --'

Verse 9 (padma.1.40.9)

तेभ्यो यद्द्रवते तोयं दिव्यामृतरसोपमम्। दिव्यतीर्थशताधाराः सरस्यः सर्वतः स्मृताः।

tebhyo yaddravate toyaṁ divyāmṛtarasopamam divyatīrthaśatādhārāḥ sarasyaḥ sarvataḥ smṛtāḥ

'the water that flows from those mountains, resembling the essence of divine nectar -- these are remembered everywhere as lakes with hundreds of streams forming sacred fords.'

Verse 10 (padma.1.40.10)

यान्येतानीहपद्मस्य केसराणि समंततः। असंख्येयाः पृथिव्यां ते विविधाश्चैव पर्वताः।

yānyetānīhapadmasya kesarāṇi samaṁtataḥ asaṁkhyeyāḥ pṛthivyāṁ te vividhāścaiva parvatāḥ

'These filaments of the lotus here, all around -- these are the countless and various mountains on earth.'

Verse 11 (padma.1.40.11)

यानि पर्णानि पद्मस्य भूरिपूर्वाणि पार्थिव। ते दुर्गमाः शैलचिता म्लेच्छदेशाः प्रकीर्तिताः।

yāni parṇāni padmasya bhūripūrvāṇi pārthiva te durgamāḥ śailacitā mlecchadeśāḥ prakīrtitāḥ

'The petals of the lotus, most numerous, O king -- these are declared to be the inaccessible lands of the Mlecchas, heaped with rocky hills.'

Verse 12 (padma.1.40.12)

यान्यधोभागपत्राणि ता निवासास्तु भागशः। दैत्यानामसुराणां च पन्नगानां च पार्थिव।

yānyadhobhāgapatrāṇi tā nivāsāstu bhāgaśaḥ daityānāmasurāṇāṁ ca pannagānāṁ ca pārthiva

'The petals that lie in the lower part -- these, section by section, O king, are the dwellings of the Daityas, Asuras, and serpents.'

Verse 13 (padma.1.40.13)

तेषां मध्येंतरं यत्तु तद्रसातलसंज्ञितम्। महापातककर्माणो मज्जंते यत्र मानवाः।

teṣāṁ madhyeṁtaraṁ yattu tadrasātalasaṁjñitam mahāpātakakarmāṇo majjaṁte yatra mānavāḥ

'The space between those is called Rasatala, in which men of the gravest sins sink down.'

Verse 14 (padma.1.40.14)

चतुर्दिशासु संख्याताश्चत्वारः सलिलाकराः। एवं नारायणस्यार्थे मही पुष्कर संभवा।

caturdiśāsu saṁkhyātāścatvāraḥ salilākarāḥ evaṁ nārāyaṇasyārthe mahī puṣkara saṁbhavā

'In the four directions are counted four oceans. Thus, for Narayana's sake, the earth arose at Pushkara.'

Verse 15 (padma.1.40.15)

प्रादुर्भावोप्ययं तस्मान्नाम्ना पुष्करसंज्ञितः। एतस्मात्कारणाद्यज्ञे पुराणैः परमर्षिभिः।

prādurbhāvopyayaṁ tasmānnāmnā puṣkarasaṁjñitaḥ etasmātkāraṇādyajñe purāṇaiḥ paramarṣibhiḥ

'This manifestation therefore is called by the name Pushkara. For this reason, in sacrifice, by the ancient supreme sages,'

Verse 16 (padma.1.40.16)

यज्ञियैर्वेददृष्टांतैर्यज्ञैर्यूपचितिः कृता। एवं भगवता तेन विश्वव्याप्यधराचिता।

yajñiyairvedadṛṣṭāṁtairyajñairyūpacitiḥ kṛtā evaṁ bhagavatā tena viśvavyāpyadharācitā

'sacrificial pillars were erected, according to the sacrificial precedents seen in the Veda, through sacrifices. Thus, by that Lord, pervading the universe, the earth was arranged.'

Verse 17 (padma.1.40.17)

पर्वतानां नदीनां च रचना चैव निर्मिता। विश्वस्य यश्चाप्रतिमप्रभावः प्रभाकरा भो वरुणोमितद्युतिः।

parvatānāṁ nadīnāṁ ca racanā caiva nirmitā viśvasya yaścāpratimaprabhāvaḥ prabhākarā bho varuṇomitadyutiḥ

'The arrangement of the mountains and rivers was made. He, whose power over the universe is beyond compare, made the sun and Varuna, of measureless splendor.'

Verse 18 (padma.1.40.18)

शनैः स्वयंभूर्व्यसृजत्सुषुप्तं जगन्मयः पद्मनिधिं महार्णवे। विघ्नस्तपसि संभूतो मधुर्नाम महासुरः।

śanaiḥ svayaṁbhūrvyasṛjatsuṣuptaṁ jaganmayaḥ padmanidhiṁ mahārṇave vighnastapasi saṁbhūto madhurnāma mahāsuraḥ

'Slowly the Self-Existent, while himself asleep, brought forth, whose form is the universe, the lotus-treasure in the great ocean. An obstacle then arose in that austerity -- the great demon named Madhu was born,'

Verse 19 (padma.1.40.19)

तेनैव च सहोद्भूतो ह्यसुरो नाम कैटभः। तौ रजस्तमसोर्भूतौ संभूतौ तामसौ गणौ।

tenaiva ca sahodbhūto hyasuro nāma kaiṭabhaḥ tau rajastamasorbhūtau saṁbhūtau tāmasau gaṇau

'and along with him was born the demon named Kaitabha. Those two, born of rajas and tamas, arose as two beings of dark nature,'

Verse 20 (padma.1.40.20)

एकार्णवं जगत्सर्वं क्षोभयेतां महाबलौ। दिव्यरक्तांबरधरौ श्वेतदीप्तोग्रदंष्ट्रिणौ।

ekārṇavaṁ jagatsarvaṁ kṣobhayetāṁ mahābalau divyaraktāṁbaradharau śvetadīptogradaṁṣṭriṇau

'and, of great strength, they agitated the entire world, now become a single ocean -- clad in celestial red garments, with white, blazing, fierce fangs,'

Verse 21 (padma.1.40.21)

किरीटमकुटोदग्रौ केयूरवलयोज्ज्वलौ। महाविवृतताम्राक्षौ पीनोरस्कौ महाभुजौ।

kirīṭamakuṭodagrau keyūravalayojjvalau mahāvivṛtatāmrākṣau pīnoraskau mahābhujau

'towering with crowns and diadems, resplendent with armlets and bracelets, their eyes wide and coppery, broad-chested, mighty-armed,'

Verse 22 (padma.1.40.22)

महागिरेः संहननौ जंगमाविव पर्वतौ। नवमेघप्रतीकाशावादित्यप्रतिमाननौ।

mahāgireḥ saṁhananau jaṁgamāviva parvatau navameghapratīkāśāvādityapratimānanau

'with frames like great mountains, as if two moving mountains, resembling fresh rain-clouds, their faces like the sun,'

Verse 23 (padma.1.40.23)

विपुलाभोगकेयूर कराभ्यामतिभीषणौ। पादसंचारविन्यासैर्विक्षिपंताविवार्णवम्।

vipulābhogakeyūra karābhyāmatibhīṣaṇau pādasaṁcāravinyāsairvikṣipaṁtāvivārṇavam

'most terrible with their arms adorned by broad, coiling armlets, hurling up the very ocean, as it seemed, with the movements of their feet,'

Verse 24 (padma.1.40.24)

कंपयंतौ हरिमिव शयानं मधुसूदनम्। तौ तत्र विचरंतौ तु पुष्करे विश्वतोमुखौ।

kaṁpayaṁtau harimiva śayānaṁ madhusūdanam tau tatra vicaraṁtau tu puṣkare viśvatomukhau

'seeming to shake even Hari, Madhusudana, as he lay asleep. Those two, wandering there at Pushkara, facing every direction,'

Verse 25 (padma.1.40.25)

योगिनां श्रेष्ठमत्यंतं दीप्तं ददृशतुस्तदा। नारायणसमाज्ञातं सृजंतमखिलाः प्रजाः।

yogināṁ śreṣṭhamatyaṁtaṁ dīptaṁ dadṛśatustadā nārāyaṇasamājñātaṁ sṛjaṁtamakhilāḥ prajāḥ

'then saw the foremost of yogins, exceedingly radiant, appointed by Narayana, creating all the various creatures --'

Verse 26 (padma.1.40.26)

दैवतानि च विश्वानि मानसांश्च सुतानृषीन्। ततस्तावूचतुस्तत्र ब्रह्माणमसुरोत्तमौ।

daivatāni ca viśvāni mānasāṁśca sutānṛṣīn tatastāvūcatustatra brahmāṇamasurottamau

'all the gods, and the mind-born sages, his sons. Then those two foremost of Asuras spoke there to Brahma:'

Verse 27 (padma.1.40.27)

दुष्टौ युयुत्सू संक्रुद्धौ क्रोधव्याकुलितेक्षणौ। कस्त्वं पुष्करमध्यस्थः सितोष्णीषश्चतुर्भुजः।

duṣṭau yuyutsū saṁkruddhau krodhavyākulitekṣaṇau kastvaṁ puṣkaramadhyasthaḥ sitoṣṇīṣaścaturbhujaḥ

those two evil ones, eager for battle, enraged, their eyes wild with anger, said: 'Who are you, seated in the midst of Pushkara, white-turbaned, four-armed?'

Verse 28 (padma.1.40.28)

आवामगणयन्मोहादास्से त्वं विगतस्पृहः। एह्यागच्छावयोर्युद्धं देहि त्वं कमलोद्भव।

āvāmagaṇayanmohādāsse tvaṁ vigataspṛhaḥ ehyāgacchāvayoryuddhaṁ dehi tvaṁ kamalodbhava

'Deludedly disregarding us, you sit here indifferent. Come, come and fight with us, O lotus-born one!'

Verse 29 (padma.1.40.29)

आवाभ्यां परमेशाभ्यामशक्तः स्थातुमर्णवे। तत्र कश्च भवेत्तुभ्यं येन चात्र नियोजितः।

āvābhyāṁ parameśābhyāmaśaktaḥ sthātumarṇave tatra kaśca bhavettubhyaṁ yena cātra niyojitaḥ

'Before us two supreme lords, no one is able to remain here in the ocean. Who, then, do you belong to, by whom have you been appointed here?'

Verse 30 (padma.1.40.30)

कः स्रष्टा कश्च ते गोप्ता केन नाम्नाभिधीयते। ब्रह्मोवाच। ईश्वरः प्रोच्यते लोके विष्णुश्चानंतशक्तिधृत्।

kaḥ sraṣṭā kaśca te goptā kena nāmnābhidhīyate brahmovāca īśvaraḥ procyate loke viṣṇuścānaṁtaśaktidhṛt

'Who created you, and who is your protector, and by what name are you called?' Brahma said: 'He who is called Ishvara in the world, Vishnu, bearer of infinite power,'

Verse 31 (padma.1.40.31)

तत्सकाशात्तु जातं मां स्रष्टारमवगच्छतम्। मधुकैटभा ऊचतुः। नावयोः परमं लोके किंचिदस्ति महामुने।

tatsakāśāttu jātaṁ māṁ sraṣṭāramavagacchatam madhukaiṭabhā ūcatuḥ nāvayoḥ paramaṁ loke kiṁcidasti mahāmune

'from him, know me to have been born as the creator.' Madhu and Kaitabha said: 'For us two, there is nothing supreme in this world, O great sage --'

Verse 32 (padma.1.40.32)

आवाभ्यां च्छाद्यते विश्वं तमसा रजसा च वै। रजस्तमोमयावावामृषीणामतिलंघिनौ।

āvābhyāṁ cchādyate viśvaṁ tamasā rajasā ca vai rajastamomayāvāvāmṛṣīṇāmatilaṁghinau

'by us the universe is veiled, with tamas and rajas indeed. We two, made of rajas and tamas, transgress even the sages --'

Verse 33 (padma.1.40.33)

धर्म शीलं च्छादयन्तौ नाशकौ सर्वदेहिनाम्। आवाभ्यां युज्यते लोको दुस्तराभ्यां युगे युगे।

dharma śīlaṁ cchādayantau nāśakau sarvadehinām āvābhyāṁ yujyate loko dustarābhyāṁ yuge yuge

'veiling dharma and virtue, destroyers of all embodied beings. By us two, hard to overcome, the world is joined, age after age.'

Verse 34 (padma.1.40.34)

आवामर्थश्च कामश्च यज्ञस्सर्वपरिग्रहः। सुखं यत्र मदो यत्र यत्र श्रीः कीर्तिरेव च।

āvāmarthaśca kāmaśca yajñassarvaparigrahaḥ sukhaṁ yatra mado yatra yatra śrīḥ kīrtireva ca

'We two are wealth and desire, sacrifice, and every kind of acquisition. Wherever there is pleasure, wherever there is intoxication, wherever there is glory and fame --'

Verse 35 (padma.1.40.35)

येषां यत्कांक्षितं किंचित्तत्तदावां विचिंतय। ब्रह्मोवाच। आवाभ्यां संहतौ दृष्ट्वा युवां पूर्वं पराजितौ।

yeṣāṁ yatkāṁkṣitaṁ kiṁcittattadāvāṁ viciṁtaya brahmovāca āvābhyāṁ saṁhatau dṛṣṭvā yuvāṁ pūrvaṁ parājitau

'whatever is desired by anyone, that is us -- reflect on that.' Brahma said: 'Having seen you two together, and formerly defeated,'

Verse 36 (padma.1.40.36)

तं समाधाय गुणिनं सत्वं चास्मि समाश्रितः। यः परो योगयुक्तात्मा योक्षरः सत्वमेव च।

taṁ samādhāya guṇinaṁ satvaṁ cāsmi samāśritaḥ yaḥ paro yogayuktātmā yokṣaraḥ satvameva ca

'I have taken refuge in that possessor of the qualities, in goodness itself. He who is supreme, whose self is joined in yoga, who is imperishable, and who is goodness itself,'

Verse 37 (padma.1.40.37)

रजसस्तमसश्चैव यः स्रष्टा विश्वसंभवः। ततो भूतानि जायंते सात्विकानीतराणि च।

rajasastamasaścaiva yaḥ sraṣṭā viśvasaṁbhavaḥ tato bhūtāni jāyaṁte sātvikānītarāṇi ca

'and who is the creator of rajas and tamas, the source of the universe -- from him beings are born, those of sattva and other kinds as well.'

Verse 38 (padma.1.40.38)

स एव युवयोर्नाशं वासुदेवः करिष्यति। स्वपन्नेव ततो देवो बहुयोजनविस्तृतौ।

sa eva yuvayornāśaṁ vāsudevaḥ kariṣyati svapanneva tato devo bahuyojanavistṛtau

'That very Vasudeva shall bring about your destruction.' Then, while still asleep, that god, extended over many yojanas --

Verse 39 (padma.1.40.39)

बाहू नारायणो ब्रह्म कृतवानात्ममायया। कृष्यमाणौ ततस्तस्य बाहुभ्यां बाहुशालिनौ।

bāhū nārāyaṇo brahma kṛtavānātmamāyayā kṛṣyamāṇau tatastasya bāhubhyāṁ bāhuśālinau

Narayana, the Brahman, formed his two arms through his own maya. Then those two, mighty-armed, being drawn by his arms,

Verse 40 (padma.1.40.40)

चेरतुस्तौ विगलितौ शकुनाविव पीवरौ। ततस्तावाहतुर्गत्वा वासुदेवं सनातनम्।

ceratustau vigalitau śakunāviva pīvarau tatastāvāhaturgatvā vāsudevaṁ sanātanam

moved about, exhausted, like two great birds. Then those two went and addressed the eternal Vasudeva:

Verse 41 (padma.1.40.41)

पद्मनाभं हृषीकेशं प्रणिपत्य नतावुभौ। जानीवस्त्वां विश्वयोनिं त्वामेकं पुरुषोत्तमम्।

padmanābhaṁ hṛṣīkeśaṁ praṇipatya natāvubhau jānīvastvāṁ viśvayoniṁ tvāmekaṁ puruṣottamam

bowing to lotus-naveled Hrishikesha, both of them bent low: 'We know you, the womb of the universe, you, the one Purushottama,'

Verse 42 (padma.1.40.42)

आवयोश्चैव हेतुं त्वां जानन्तौ बुद्धिकारणम्। अमोघदर्शनं सत्यं यतस्त्वां विद्व(?)शाश्वतम्।

āvayoścaiva hetuṁ tvāṁ jānantau buddhikāraṇam amoghadarśanaṁ satyaṁ yatastvāṁ vidva(?)śāśvatam

'knowing you to be the cause of us both, the source of our understanding; knowing that your sight is never fruitless and true, since you are known as the eternal one,'

Verse 43 (padma.1.40.43)

ततस्त्वामभितो देव कांक्षावः प्रसमीक्षितुम्। अमोघदर्शनोसि त्वं नमस्ते समितिंजय।

tatastvāmabhito deva kāṁkṣāvaḥ prasamīkṣitum amoghadarśanosi tvaṁ namaste samitiṁjaya

'therefore, O god, we two desire to behold you fully on every side. You, whose sight is never fruitless -- salutation to you, O conqueror in battle.'

Verse 44 (padma.1.40.44)

श्रीभगवानुवाच। किमर्थं मामनुब्रूथ युवामसुरसत्तमौ। गतायुष्कौ युवां भूयस्त्वहो जीवितुमिच्छथः।

śrībhagavānuvāca kimarthaṁ māmanubrūtha yuvāmasurasattamau gatāyuṣkau yuvāṁ bhūyastvaho jīvitumicchathaḥ

The blessed Lord said: 'Why do you two, foremost of Asuras, address me thus? Your lifespans are exhausted -- and yet, alas, do you still wish to live longer?'

Verse 45 (padma.1.40.45)

मधुकैटभा ऊचतुः। यस्मिन्न कश्चिन्मृतवान्देव तस्मिन्वधं प्रभो। इच्छावः पुत्रतां चैव भवतः सुमहातपः।

madhukaiṭabhā ūcatuḥ yasminna kaścinmṛtavāndeva tasminvadhaṁ prabho icchāvaḥ putratāṁ caiva bhavataḥ sumahātapaḥ

Madhu and Kaitabha said: 'In that place where no one has ever died, O god, we wish for our death, O lord -- and, O one of great austerity, we wish also to become your sons.'

Verse 46 (padma.1.40.46)

श्रीभगवानुवाच। युवयोर्बाढमेतत्स्याद्भविष्ये कलिसंभवे। भविष्यथो न संदेहः सत्यमेतद्ब्रवीमि वाम्।

śrībhagavānuvāca yuvayorbāḍhametatsyādbhaviṣye kalisaṁbhave bhaviṣyatho na saṁdehaḥ satyametadbravīmi vām

The blessed Lord said: 'Let it certainly be so for you two, in the future, in the coming Kali age; you shall be born there -- there is no doubt; I speak this truth to you both.'

Verse 47 (padma.1.40.47)

वरं प्रदायाथ महासुराभ्यां सनातनो विश्वधरः सुरोत्तमः। रजस्तमोजौ तु तदांजनोपमौ ममर्द तावूरुतलेऽमरप्रभुः।

varaṁ pradāyātha mahāsurābhyāṁ sanātano viśvadharaḥ surottamaḥ rajastamojau tu tadāṁjanopamau mamarda tāvūrutale'maraprabhuḥ

Having thus granted the boon to the two great Asuras, the eternal one, the sustainer of the universe, foremost of gods, that lord of the immortals then crushed those two, born of rajas and tamas, dark as collyrium, beneath his very thighs.

Verse 48 (padma.1.40.48)

स्थित्वा तस्मिंस्तु कमले ब्रह्मा ब्रह्मविदांवरः। ऊर्ध्वबाहुर्महातेजास्तपोघोरं समाश्रितः।

sthitvā tasmiṁstu kamale brahmā brahmavidāṁvaraḥ ūrdhvabāhurmahātejāstapoghoraṁ samāśritaḥ

Standing then upon that lotus, Brahma, foremost of the knowers of Brahman, of great splendor, his arms upraised, took up terrible austerity.

Verse 49 (padma.1.40.49)

प्रज्वलन्निव तेजोभिर्भाभिः स्वाभिस्तमोनुदः। बभाषे स तु धर्मात्मा सहस्रांशुरिवांशुभिः।

prajvalanniva tejobhirbhābhiḥ svābhistamonudaḥ babhāṣe sa tu dharmātmā sahasrāṁśurivāṁśubhiḥ

Blazing as if with his own splendor, dispelling darkness, that righteous soul spoke, like the thousand-rayed sun with its beams.

Verse 50 (padma.1.40.50)

अथान्यद्रूपमास्थाय प्रभुर्नरायणोव्ययः। आजगाम महातेजा योगाचार्यो महायशाः।

athānyadrūpamāsthāya prabhurnarāyaṇovyayaḥ ājagāma mahātejā yogācāryo mahāyaśāḥ

Then, taking on another form, the imperishable Lord Narayana came, of great splendor, the teacher of yoga, of great renown --

Verse 51 (padma.1.40.51)

सांख्याचार्यश्च मतिमान्कपिलो ब्रह्मणां वरः। उभावपि महात्मानौ पूजितौ तत्र तत्परौ।

sāṁkhyācāryaśca matimānkapilo brahmaṇāṁ varaḥ ubhāvapi mahātmānau pūjitau tatra tatparau

as the wise teacher of Sankhya, Kapila, foremost of Brahmins. Both these great souls, devoted to that task, were honored there.

Verse 52 (padma.1.40.52)

तौ प्राप्तावूचतुस्तत्र ब्रह्माणममितौजसम्। परावरविशेषज्ञौ पूजितौ च महर्षिभिः।

tau prāptāvūcatustatra brahmāṇamamitaujasam parāvaraviśeṣajñau pūjitau ca maharṣibhiḥ

Those two, having arrived, spoke there to Brahma of measureless splendor; knowers of the distinctions of high and low, honored by the great sages,

Verse 53 (padma.1.40.53)

ब्रह्म संपरिवेद्यं ते विशाल जगदास्थितौ। ग्रामणीस्सर्वभूतानां ब्रह्मा त्रैलोक्यपूजितः।

brahma saṁparivedyaṁ te viśāla jagadāsthitau grāmaṇīssarvabhūtānāṁ brahmā trailokyapūjitaḥ

said: 'Brahman is to be fully known by you, O vast one, established in the world' -- thus addressing Brahma, leader of all beings, worshipped by the three worlds.

Verse 54 (padma.1.40.54)

तयोस्तद्वचनं श्रुत्वा विबोध्यगतयोः परम्। त्रीनिमान्कृतवान्लोकान्यथेयं ब्रह्मणः श्रुतिः।

tayostadvacanaṁ śrutvā vibodhyagatayoḥ param trīnimānkṛtavānlokānyatheyaṁ brahmaṇaḥ śrutiḥ

Having heard their words, and being enlightened by those two, gone to the highest, he made these three worlds, as this tradition of Brahma tells.

Verse 55 (padma.1.40.55)

पुत्रं स्वसंभवं चैकं समुत्पादितवान्भुवम्। तदाग्रे चागतस्तस्य ब्रह्ममानससंभवः।

putraṁ svasaṁbhavaṁ caikaṁ samutpāditavānbhuvam tadāgre cāgatastasya brahmamānasasaṁbhavaḥ

He brought forth a single son, born of himself, for the earth; and before him then came his mind-born son, born of Brahma.

Verse 56 (padma.1.40.56)

उत्पन्नमात्रो ब्रह्माणमुक्तवान्मानसः सुतः। किं कुर्मस्तव साहाय्यं ब्रवीतु भगवानिति।

utpannamātro brahmāṇamuktavānmānasaḥ sutaḥ kiṁ kurmastava sāhāyyaṁ bravītu bhagavāniti

As soon as he was born, that mind-born son said to Brahma: 'What shall we do to help you? Let the Lord tell us.'

Verse 57 (padma.1.40.57)

ब्रह्मोवाच। यदेष कपिलो नाम ब्रह्मनारायणस्तथा। वदतो भवतस्त्वं तु तत्कुरुष्व महामते।

brahmovāca yadeṣa kapilo nāma brahmanārāyaṇastathā vadato bhavatastvaṁ tu tatkuruṣva mahāmate

Brahma said: 'Whatever this one named Kapila, and likewise Narayana-as-Brahman, tells you to do -- do that, O great-minded one.'

Verse 58 (padma.1.40.58)

ब्रह्मणा स तथोक्तस्तौ प्राह भूप समुत्थितः। शुश्रूषुरस्मि युवयोः किं करोमि कृतांजलि।

brahmaṇā sa tathoktastau prāha bhūpa samutthitaḥ śuśrūṣurasmi yuvayoḥ kiṁ karomi kṛtāṁjali

Thus told by Brahma, he, having risen up, O king, said to those two: 'I am eager to serve you both; with joined palms, tell me what I should do.'

Verse 59 (padma.1.40.59)

श्रीभवगवानुवाच। यत्सत्यमक्षरं ब्रह्म अष्टादशविधं च तत्। यत्सत्यममृतं तत्तु परं पदमनुस्मर।

śrībhavagavānuvāca yatsatyamakṣaraṁ brahma aṣṭādaśavidhaṁ ca tat yatsatyamamṛtaṁ tattu paraṁ padamanusmara

The blessed Lord said: 'That which is true, imperishable Brahman, of eighteen kinds -- that which is true and immortal -- that supreme state, keep in remembrance.'

Verse 60 (padma.1.40.60)

एतद्वचो निशम्यैवं स ययौ दिशमुत्तरां। गत्वा च तत्र स ब्रह्म अगमज्ज्ञानचक्षुषा।

etadvaco niśamyaivaṁ sa yayau diśamuttarāṁ gatvā ca tatra sa brahma agamajjñānacakṣuṣā

Having heard this word, he went thus to the northern direction; and having gone there, he attained that Brahman with the eye of knowledge.

Verse 61 (padma.1.40.61)

ततो ब्रह्मा भुवर्नाम द्वितीयमसृजत्प्रभुः। संकल्पयित्वा मनसा तमेव च महामनाः।

tato brahmā bhuvarnāma dvitīyamasṛjatprabhuḥ saṁkalpayitvā manasā tameva ca mahāmanāḥ

Then that Lord Brahma, great-minded, having resolved in his mind, created a second son, named Bhuva.

Verse 62 (padma.1.40.62)

ततः सोप्यब्रवीद्वाक्यं किं करोमि पितामह। पितामहसमा ज्ञातो ब्रह्माणं समुपस्थितः।

tataḥ sopyabravīdvākyaṁ kiṁ karomi pitāmaha pitāmahasamā jñāto brahmāṇaṁ samupasthitaḥ

Then he too, having approached Brahma, known as equal to the Grandsire himself, spoke: 'What shall I do, O Grandsire?'

Verse 63 (padma.1.40.63)

ब्राह्मणस्यामृतरसोनुभूतस्तेन वै ततः। प्राप्तः सपरमंस्थानं स तयोः पार्श्वमागतः।

brāhmaṇasyāmṛtarasonubhūtastena vai tataḥ prāptaḥ saparamaṁsthānaṁ sa tayoḥ pārśvamāgataḥ

Having experienced the essence of nectar belonging to Brahman, through that, he attained the supreme state; he came to the side of those two.

Verse 64 (padma.1.40.64)

तस्मिन्नपि गते सोथ तृतीयमसृजत्प्रभुः। मोक्षप्रवृत्तिकुशलं सुवर्नामयुतः प्रभुः।

tasminnapi gate sotha tṛtīyamasṛjatprabhuḥ mokṣapravṛttikuśalaṁ suvarnāmayutaḥ prabhuḥ

When he too had gone, that Lord then created a third, skilled in the practice of liberation, named Suvarna, that Lord --

Verse 65 (padma.1.40.65)

सोपि तंधर्ममास्थाय तयोरेवागमद्गतिं। एवं पुत्रास्त्रयोप्येते गताः शंभोर्महात्मनः।

sopi taṁdharmamāsthāya tayorevāgamadgatiṁ evaṁ putrāstrayopyete gatāḥ śaṁbhormahātmanaḥ

he too, taking up that same dharma, attained the very same destination as those two. Thus these three sons of the great-souled Shambhu (Brahma) all attained that same destination.

Verse 66 (padma.1.40.66)

तान्गृहीत्वा सुतांस्तस्य तौ गतावूर्जितां गतिं। नारायणश्च भगवान्कपिलश्च यतीश्वरः।

tāngṛhītvā sutāṁstasya tau gatāvūrjitāṁ gatiṁ nārāyaṇaśca bhagavānkapilaśca yatīśvaraḥ

Having taken those sons of his, those two -- the blessed Narayana and Kapila, lord of ascetics -- went to that mighty destination.

Verse 67 (padma.1.40.67)

यं कालं ते गता ब्रह्म ब्रह्मा तं कालमेव च। तपोघोरतरं भूयः संश्रितः परमं पदं।

yaṁ kālaṁ te gatā brahma brahmā taṁ kālameva ca tapoghorataraṁ bhūyaḥ saṁśritaḥ paramaṁ padaṁ

At the very time those sons attained Brahman, Brahma himself, at that same time, took up ever more terrible austerity, resorting to the supreme state.

Verse 68 (padma.1.40.68)

न च शक्तस्ततो ब्रह्मा प्रभुरेकस्तपश्चरन्। शरीरार्धात्ततो भार्यामुत्पादयति तच्छुभाम्।

na ca śaktastato brahmā prabhurekastapaścaran śarīrārdhāttato bhāryāmutpādayati tacchubhām

But then Brahma, that Lord, practicing austerity alone, was not able to create further; so from half of his own body he then brought forth an auspicious wife.

Verse 69 (padma.1.40.69)

आत्मनः सदृशान्पुत्रानसृजद्वै पितामहः। विश्वे प्रजानां पतयो येभ्यो लोका विनिःसृताः।

ātmanaḥ sadṛśānputrānasṛjadvai pitāmahaḥ viśve prajānāṁ patayo yebhyo lokā viniḥsṛtāḥ

The Grandsire then created sons resembling himself -- lords of creatures for the whole universe, from whom the worlds issued forth.

Verse 70 (padma.1.40.70)

विश्वेशं प्रथमं तावन्महात्मा तपसात्मजम्। सर्वत्रसंहतं पुण्यं नाम्ना धर्मं स सृष्टवान्।

viśveśaṁ prathamaṁ tāvanmahātmā tapasātmajam sarvatrasaṁhataṁ puṇyaṁ nāmnā dharmaṁ sa sṛṣṭavān

First, that great soul created, through austerity, a son called Vishvesha; he created that sacred one, gathered together everywhere, named Dharma.

Verse 71 (padma.1.40.71)

दक्षं मरीचिमत्रिं च पुलस्त्यं पुलहं कतुम्। वसिष्ठं गौतमं चैव भृगुमंगिरसं मुनिं।

dakṣaṁ marīcimatriṁ ca pulastyaṁ pulahaṁ katum vasiṣṭhaṁ gautamaṁ caiva bhṛgumaṁgirasaṁ muniṁ

Daksha, Marichi, Atri, Pulastya, Pulaha, Kratu, Vasishtha, and Gautama too, Bhrigu, and the sage Angiras --

Verse 72 (padma.1.40.72)

अत्यद्भुतास्स्वकृत्येन ज्ञेयास्ते तु महर्षयः। त्रयोदशगुणारंभा ये वंशास्तु महर्षिणां।

atyadbhutāssvakṛtyena jñeyāste tu maharṣayaḥ trayodaśaguṇāraṁbhā ye vaṁśāstu maharṣiṇāṁ

these great sages are to be known as most wondrous by their own deeds. The lineages of the great sages, which have thirteen excellent origins --

Verse 73 (padma.1.40.73)

अदितिर्दितिर्दनुः काला अनायुः सिंहिका खसा। प्राची क्रोधा च सुरसा विनता कद्रुरेव च।

aditirditirdanuḥ kālā anāyuḥ siṁhikā khasā prācī krodhā ca surasā vinatā kadrureva ca

Aditi, Diti, Danu, Kala, Anayu, Simhika, Khasa, Prachi, Krodha, Surasa, Vinata, and Kadru --

Verse 74 (padma.1.40.74)

दक्षस्यापत्यमेतद्वै कन्या द्वादश पार्थिव। नक्षत्राणि च चंद्रस्य विंशतिस्सप्त चोर्जिताः।

dakṣasyāpatyametadvai kanyā dvādaśa pārthiva nakṣatrāṇi ca caṁdrasya viṁśatissapta corjitāḥ

these are the twelve daughters, the offspring of Daksha, O king. And the twenty-seven mighty lunar mansions were also his daughters, given to the Moon.

Verse 75 (padma.1.40.75)

मरीचेः कश्यपः पुत्रस्तपसा निर्मितः किल। तस्मै द्वादशकन्याश्च दक्षस्ताश्चान्वमन्यत।

marīceḥ kaśyapaḥ putrastapasā nirmitaḥ kila tasmai dvādaśakanyāśca dakṣastāścānvamanyata

Kashyapa, the son of Marichi, was indeed formed through austerity; to him Daksha gave those twelve daughters in marriage, and approved them for him.

Verse 76 (padma.1.40.76)

नक्षत्राणि च सोमाय तथैवं दत्तवानृषिः। रोहिण्यादीनि सर्वाणि पुण्यानि कुरुनंदन।

nakṣatrāṇi ca somāya tathaivaṁ dattavānṛṣiḥ rohiṇyādīni sarvāṇi puṇyāni kurunaṁdana

And likewise that sage gave the lunar mansions to Soma -- all of them sacred, beginning with Rohini, O joy of the Kurus.

Verse 77 (padma.1.40.77)

लक्ष्मीस्सरस्वती संध्या विश्वेशा च महायशाः। देवी सरस्वती चैव ब्रह्मणा निर्मिताः पुरा।

lakṣmīssarasvatī saṁdhyā viśveśā ca mahāyaśāḥ devī sarasvatī caiva brahmaṇā nirmitāḥ purā

Lakshmi, Sarasvati, Sandhya, and the greatly renowned Vishvesha, and the goddess Sarasvati too -- these were formed by Brahma of old.

Verse 78 (padma.1.40.78)

एताः पञ्च वरिष्ठा वै सुरश्रेष्ठाय पार्थिव। दत्ता धर्माय भद्रं ते ब्रह्मणा दृष्टकर्मणा।

etāḥ pañca variṣṭhā vai suraśreṣṭhāya pārthiva dattā dharmāya bhadraṁ te brahmaṇā dṛṣṭakarmaṇā

These five most excellent ones, O king, were given by Brahma, whose deeds are seen by all, to Dharma, foremost among the gods -- may good befall you.

Verse 79 (padma.1.40.79)

या रूपार्धवती पत्नी ब्रह्मणः कामरूपिणी। सुरभिः सहसा भूत्वा ब्रह्माणं समुपस्थिता।

yā rūpārdhavatī patnī brahmaṇaḥ kāmarūpiṇī surabhiḥ sahasā bhūtvā brahmāṇaṁ samupasthitā

She who was the wife formed from half of Brahma's own form, able to take any shape at will -- Surabhi -- suddenly appeared before Brahma.

Verse 80 (padma.1.40.80)

ततस्तामगमद्ब्रह्मा मैथुने लोकपूजितः। लोकसर्जनहेतुज्ञो गवामर्थाय सत्तम।

tatastāmagamadbrahmā maithune lokapūjitaḥ lokasarjanahetujño gavāmarthāya sattama

Then Brahma, honored by the world, knowing the purpose of creating the worlds, united with her for the sake of creating cattle, O most excellent one.

Verse 81 (padma.1.40.81)

जज्ञे चैकादशसुतान्विपुलान्धर्मसंज्ञितान्। रक्तसंध्याभ्रसंकाशान्महतस्तिग्मतेजसः।

jajñe caikādaśasutānvipulāndharmasaṁjñitān raktasaṁdhyābhrasaṁkāśānmahatastigmatejasaḥ

Eleven sons were born, mighty, called by the name Dharma, resembling the red clouds of twilight, great, of fierce splendor.

Verse 82 (padma.1.40.82)

ते रुदंतो द्रवंतश्च गतवंतः पितामहम्। रोदनाद्द्रवणाच्चैव रुद्रा एवेति ते स्मृताः।

te rudaṁto dravaṁtaśca gatavaṁtaḥ pitāmaham rodanāddravaṇāccaiva rudrā eveti te smṛtāḥ

Weeping and running, they went to the Grandsire; and from that weeping and running, they are remembered indeed as the Rudras.

Verse 83 (padma.1.40.83)

निर्हृतिश्चैव संध्यश्च तृतीयश्चाप्ययोनिजः। मृगव्याधः कपर्दी च महाविश्वेश्वरश्च यः।

nirhṛtiścaiva saṁdhyaśca tṛtīyaścāpyayonijaḥ mṛgavyādhaḥ kapardī ca mahāviśveśvaraśca yaḥ

Nirriti, and Sandhya, and a third not born from a womb; Mrigavyadha, and Kapardin, and he who is the great Vishveshvara,

Verse 84 (padma.1.40.84)

अहिर्बुध्न्यश्च भगवान्कपाली चैव पिंगलः। सेनानीश्च महातेजा रुद्राश्चैकादश स्मृताः।

ahirbudhnyaśca bhagavānkapālī caiva piṁgalaḥ senānīśca mahātejā rudrāścaikādaśa smṛtāḥ

and Ahirbudhnya, and the blessed Kapali, and Pingala, and Senani, of great splendor -- these are remembered as the eleven Rudras.

Verse 85 (padma.1.40.85)

तस्यामेव सुरभ्यां च गावो जाताः सुराश्च ये। अजश्चैव तु हंसश्च तथैव नृपसत्तम।

tasyāmeva surabhyāṁ ca gāvo jātāḥ surāśca ye ajaścaiva tu haṁsaśca tathaiva nṛpasattama

From that very Surabhi were born the cows, and also certain gods, and Aja, and likewise Hamsa, O best of kings,

Verse 86 (padma.1.40.86)

ओषध्यः प्रवरायाश्च सुरभ्यास्तास्समुत्थिताः। धर्माल्लक्ष्मीस्तथाकामं साध्यान्साध्या व्यजायत।

oṣadhyaḥ pravarāyāśca surabhyāstāssamutthitāḥ dharmāllakṣmīstathākāmaṁ sādhyānsādhyā vyajāyata

and the herbs -- all these arose from that excellent Surabhi. From Dharma, Lakshmi bore desire and the Sadhyas; and Sadhya also gave birth --

Verse 87 (padma.1.40.87)

भवं च प्रभवं चैव कृशाश्वं सुवहं तथा। अरुणं वरुणं चैव विश्वामित्र चल ध्रुवौ।

bhavaṁ ca prabhavaṁ caiva kṛśāśvaṁ suvahaṁ tathā aruṇaṁ varuṇaṁ caiva viśvāmitra cala dhruvau

to Bhava and Prabhava, and Krishashva, and Suvaha, and Aruna and Varuna, and Vishvamitra, Chala, and Dhruva,

Verse 88 (padma.1.40.88)

हविष्मंतं तनूजं च विधानाभिमतावपि। वत्सरं चैव भूतिं च सर्वासुरनिषूदनम्।

haviṣmaṁtaṁ tanūjaṁ ca vidhānābhimatāvapi vatsaraṁ caiva bhūtiṁ ca sarvāsuraniṣūdanam

and Havishmant, and Tanuja, and Vidhana and Abhimata as well, and Vatsara, and Bhuti, the destroyer of all Asuras,

Verse 89 (padma.1.40.89)

सुपर्वाणं बृहत्कांतिं साध्या लोकनमस्कृतम्। वासवानुगता देवी जनयामास वै सुरान्।

suparvāṇaṁ bṛhatkāṁtiṁ sādhyā lokanamaskṛtam vāsavānugatā devī janayāmāsa vai surān

and Suparva, and Brihatkanti -- these Sadhya bore, honored by the world. And the goddess, follower of Vasava, gave birth to gods --

Verse 90 (padma.1.40.90)

धरं वै प्रथमं देवं द्वितीयं ध्रुवमव्ययम्। विश्वावसुं तृतीयं च चतुर्थं सोममीश्वरं।

dharaṁ vai prathamaṁ devaṁ dvitīyaṁ dhruvamavyayam viśvāvasuṁ tṛtīyaṁ ca caturthaṁ somamīśvaraṁ

first, the god Dhara; second, the imperishable Dhruva; third, Vishvavasu; fourth, the lord Soma;

Verse 91 (padma.1.40.91)

ततोनुरूपमायं च यमं तस्मादनंतरम्। सप्तमं च तथा वायुमष्टमं निर्हृतिं तथा।

tatonurūpamāyaṁ ca yamaṁ tasmādanaṁtaram saptamaṁ ca tathā vāyumaṣṭamaṁ nirhṛtiṁ tathā

then Anurupa, and Aja, and thereafter Yama; and seventh, likewise, Vayu; and eighth, Nirriti likewise.

Verse 92 (padma.1.40.92)

धर्मस्यापत्यमेतद्वै सुरभ्यां तदजायत। विश्वेदेवाश्च विश्वायां धर्माज्जाता इति स्मृताः।

dharmasyāpatyametadvai surabhyāṁ tadajāyata viśvedevāśca viśvāyāṁ dharmājjātā iti smṛtāḥ

These were the offspring of Dharma, born of Surabhi. And the Vishvedevas, born of Vishva to Dharma, are remembered thus.

Verse 93 (padma.1.40.93)

दक्षश्चैव महाबाहुः पुष्करस्तम एव च। चाक्षुषश्च ततोत्रिश्च तथा भद्रमहोरगौ।

dakṣaścaiva mahābāhuḥ puṣkarastama eva ca cākṣuṣaśca tatotriśca tathā bhadramahoragau

And Daksha too, mighty-armed, and Pushkara, and Tama, and Chakshusha, and then Atri, and likewise Bhadra and Mahoraga,

Verse 94 (padma.1.40.94)

विश्वांतक वसुर्बालो निकुंभश्च महायशाः। रुरुदश्चातिसिद्धौजा भास्कर प्रमितद्युतिः।

viśvāṁtaka vasurbālo nikuṁbhaśca mahāyaśāḥ rurudaścātisiddhaujā bhāskara pramitadyutiḥ

Vishvantaka, Vasu, Bala, and the greatly renowned Nikumbha, and Ruruda, of exceeding might and accomplishment, and Bhaskara, of measured splendor.

Verse 95 (padma.1.40.95)

विश्वान्देवान्देवमाता विश्वेषां जनयत्सुतान्। मरुत्वती मरुत्वतो देवानजनयत्सुतान्।

viśvāndevāndevamātā viśveṣāṁ janayatsutān marutvatī marutvato devānajanayatsutān

The mother of the gods, Vishva, bore the Vishvedevas as sons; and Marutvati bore, of Marutvat, the Marut gods as sons --

Verse 96 (padma.1.40.96)

अग्निश्चक्षू रविर्ज्योतिः सावित्री मित्रमेव च। अमरं शरवृष्टिं च सुकर्षं च महत्तरम्।

agniścakṣū ravirjyotiḥ sāvitrī mitrameva ca amaraṁ śaravṛṣṭiṁ ca sukarṣaṁ ca mahattaram

Agni, Chakshu, Ravi, Jyoti, Savitri, and Mitra too, Amara, Sharavrishti, Sukarsha, and Mahattara,

Verse 97 (padma.1.40.97)

विराजं चैव राजं च विश्वायुं सुमतिं तथा। अश्वगं चित्ररश्मिं च तथा च निषधं नृपं।

virājaṁ caiva rājaṁ ca viśvāyuṁ sumatiṁ tathā aśvagaṁ citraraśmiṁ ca tathā ca niṣadhaṁ nṛpaṁ

and Viraja, and Raja, and Vishvayu, and Sumati likewise, and Ashvaga, and Chitrarashmi, and likewise King Nishadha,

Verse 98 (padma.1.40.98)

भूय एवं चात्मविधिं चारित्रं पादमात्रगं। बृहंतं वै बृहद्रूपं तथा चैव सनाभिगं।

bhūya evaṁ cātmavidhiṁ cāritraṁ pādamātragaṁ bṛhaṁtaṁ vai bṛhadrūpaṁ tathā caiva sanābhigaṁ

and further Atmavidhi, Charitra, Padamatraga, and Brihanta, and Brihadrupa, and likewise Sanabhiga.

Verse 99 (padma.1.40.99)

मरुत्वती प्रजा जज्ञे ज्येष्ठां तं मरुतांगणं। अदितिः कश्यपाज्जज्ञे आदित्यान्द्वादशैव हि।

marutvatī prajā jajñe jyeṣṭhāṁ taṁ marutāṁgaṇaṁ aditiḥ kaśyapājjajñe ādityāndvādaśaiva hi

Marutvati bore this progeny, the eldest company of the Maruts. And Aditi, by Kashyapa, bore the twelve Adityas indeed --

Verse 100 (padma.1.40.100)

इंद्रो विष्णुर्भगस्त्वष्टा वरुणोंशोर्यमारविः। पूषा मित्रश्च वरदो धाता पर्जन्य एव हि।

iṁdro viṣṇurbhagastvaṣṭā varuṇoṁśoryamāraviḥ pūṣā mitraśca varado dhātā parjanya eva hi

Indra, Vishnu, Bhaga, Tvashta, Varuna, Amsha, Yama, Ravi, Pusha, Mitra, the boon-giving Dhatri, and Parjanya indeed.

Verse 101 (padma.1.40.101)

इत्येते द्वादशादित्या वरिष्टास्त्रिदिवौकसां। आदित्यस्य सरस्वत्यां जज्ञाते द्वौ सुतौ वरौ।

ityete dvādaśādityā variṣṭāstridivaukasāṁ ādityasya sarasvatyāṁ jajñāte dvau sutau varau

These are the twelve Adityas, foremost among the dwellers of heaven. To Aditya, by Sarasvati, two excellent sons were born,

Verse 102 (padma.1.40.102)

तपःश्रेष्ठौ गुणश्रेष्ठौ त्रिदिवस्यातिसंमतौ। दनुस्तु दानवान्जज्ञे दितिर्दैत्यान्व्यजायत।

tapaḥśreṣṭhau guṇaśreṣṭhau tridivasyātisaṁmatau danustu dānavānjajñe ditirdaityānvyajāyata

foremost in austerity, foremost in virtue, held in the highest regard by heaven. Danu bore the Danavas, and Diti gave birth to the Daityas.

Verse 103 (padma.1.40.103)

काला तु कालकेयांस्तानसुरान्राक्षसांस्तथा। अनायुषायास्तनया व्याधयश्च महाबलाः।

kālā tu kālakeyāṁstānasurānrākṣasāṁstathā anāyuṣāyāstanayā vyādhayaśca mahābalāḥ

Kala bore those Asuras called the Kalakeyas, and likewise Rakshasas; and the sons of Anayusha were diseases, of great strength.

Verse 104 (padma.1.40.104)

सिंहिका ग्रहमाता च गंधर्वजननी मुनिः। प्राची त्वप्सरसां माता पुण्यानां भारतेतरा।

siṁhikā grahamātā ca gaṁdharvajananī muniḥ prācī tvapsarasāṁ mātā puṇyānāṁ bhāratetarā

Simhika was the mother of the seizers; Muni was the mother of the Gandharvas; Prachi was the mother of the sacred Apsarases, other than the purely Bharata ones.

Verse 105 (padma.1.40.105)

क्रोधा साः सर्वभूतानि पिशाचा सा च पार्थिव। जज्ञे यक्षगणांश्चैव राक्षसांश्च विशांपते।

krodhā sāḥ sarvabhūtāni piśācā sā ca pārthiva jajñe yakṣagaṇāṁścaiva rākṣasāṁśca viśāṁpate

Krodha bore all manner of Pishachas, O king; and Khasa gave birth to the hosts of Yakshas and Rakshasas, O ruler of men.

Verse 106 (padma.1.40.106)

चतुष्पदानि सत्वानि एता गाश्चैव सौरभी। पुराणपुरुषश्चैव मायां विष्णुर्हरिः प्रभुः।

catuṣpadāni satvāni etā gāścaiva saurabhī purāṇapuruṣaścaiva māyāṁ viṣṇurhariḥ prabhuḥ

These four-footed creatures, and cows, came from Surabhi's line. And the ancient Person, Vishnu, Hari, the Lord, through his own maya --

Verse 107 (padma.1.40.107)

कथितस्तेनुपूर्वेण संस्तुतश्च महर्षिभिः। यश्चेदमग्र्यं शृणुयात्पुराणं सदा नरः पर्वसु चेत्पठेत।

kathitastenupūrveṇa saṁstutaśca maharṣibhiḥ yaścedamagryaṁ śṛṇuyātpurāṇaṁ sadā naraḥ parvasu cetpaṭheta

all this has been told in due order, and praised by the great sages. And whoever, a man, always hears this foremost Purana, or recites it on the sacred days,

Verse 108 (padma.1.40.108)

अवाप्य लोकं स हि वीतरागः परत्र च स्वर्गफलानि भुंक्ते। चक्षुषा मनसा वाचा कर्मणा च चतुर्विधम्।

avāpya lokaṁ sa hi vītarāgaḥ paratra ca svargaphalāni bhuṁkte cakṣuṣā manasā vācā karmaṇā ca caturvidham

he indeed, freed from passion, attains that world and enjoys the fruits of heaven in the world beyond -- whatever fourfold sin he has committed by eye, mind, speech, and deed,

Verse 109 (padma.1.40.109)

प्रसादयति यः कृष्णं तस्य कृष्णः प्रसीदति। राज्यं च लभते राजा निर्धनश्चोत्तमं धनम्।

prasādayati yaḥ kṛṣṇaṁ tasya kṛṣṇaḥ prasīdati rājyaṁ ca labhate rājā nirdhanaścottamaṁ dhanam

is dissolved. Whoever propitiates Krishna, Krishna is pleased with him; a king obtains his kingdom, and the poor man supreme wealth,

Verse 110 (padma.1.40.110)

क्षीणायुर्लभते चायुः पुत्रकामोथ संततिम्। यज्ञार्थिनस्तथा कामांस्तपांसि विविधानि च।

kṣīṇāyurlabhate cāyuḥ putrakāmotha saṁtatim yajñārthinastathā kāmāṁstapāṁsi vividhāni ca

one of failing life obtains long life, one desiring a son obtains progeny; those desiring sacrifices obtain their desires, and manifold austerities bear fruit,

Verse 111 (padma.1.40.111)

यं यं कामयते कामं तं तं लोकेश्वराल्लभेत्। सर्वं विहाय य इमं पठेद्वै पौष्करं हरेः।

yaṁ yaṁ kāmayate kāmaṁ taṁ taṁ lokeśvarāllabhet sarvaṁ vihāya ya imaṁ paṭhedvai pauṣkaraṁ hareḥ

whatever desire one desires, that one obtains from the Lord of the worlds. Whoever, forsaking all else, recites this Pushkara account of Hari,

Verse 112 (padma.1.40.112)

प्रादुर्भावं नरश्रेष्ठ न तस्य ह्यशुभं भवेत्। एष पौष्करकोनाम प्रादुर्भावो महात्मनः।

prādurbhāvaṁ naraśreṣṭha na tasya hyaśubhaṁ bhavet eṣa pauṣkarakonāma prādurbhāvo mahātmanaḥ

this manifestation, O best of men -- for him nothing inauspicious shall occur. This is the manifestation of the great soul, called the Pushkara manifestation,

Verse 113 (padma.1.40.113)

कीर्तितस्तु महाराज व्यासश्रुतिनिदर्शनात्। विष्णुत्वं शृणु मे विष्णोर्हरित्वं च कृतेयुगे।

kīrtitastu mahārāja vyāsaśrutinidarśanāt viṣṇutvaṁ śṛṇu me viṣṇorharitvaṁ ca kṛteyuge

declared, O great king, according to the tradition heard from Vyasa. Now hear from me of Vishnu's nature as Vishnu, and his nature as Hari in the Krita Yuga,

Verse 114 (padma.1.40.114)

वैकुंठत्वं च देवेषु कृष्णत्वं मानुषेषु च। ईश्वरस्य हितस्यैषा कर्मणां गहना गतिः।

vaikuṁṭhatvaṁ ca deveṣu kṛṣṇatvaṁ mānuṣeṣu ca īśvarasya hitasyaiṣā karmaṇāṁ gahanā gatiḥ

and his nature as Vaikuntha among the gods, and as Krishna among men. This is the profound course of the deeds of that benevolent Lord.

Verse 115 (padma.1.40.115)

सांप्रतं भूतभव्यं च शृणु राजन्यथातथं। अव्यक्तो व्यक्तलिंगस्थो य एष भगवान्प्रभुः।

sāṁprataṁ bhūtabhavyaṁ ca śṛṇu rājanyathātathaṁ avyakto vyaktaliṁgastho ya eṣa bhagavānprabhuḥ

Hear now, O king, truly as it is, of the present, the past, and the future. This blessed Lord, unmanifest, though abiding with manifest characteristics --

Verse 116 (padma.1.40.116)

नारायणो ह्यनंतात्मा प्रभवाप्यय एव च। एष नारायणो भूत्वा हरिरासीत्सनातनः।

nārāyaṇo hyanaṁtātmā prabhavāpyaya eva ca eṣa nārāyaṇo bhūtvā harirāsītsanātanaḥ

Narayana, whose self is infinite, is indeed the origin and the dissolution of all. This same Narayana, having become so, was the eternal Hari.

Verse 117 (padma.1.40.117)

ब्रह्मा वायुश्च सोमश्च धर्मः शक्रो बृहस्पतिः। अदितेरपि पुत्रत्वमेत्यजः कुरुनंदन।

brahmā vāyuśca somaśca dharmaḥ śakro bṛhaspatiḥ aditerapi putratvametyajaḥ kurunaṁdana

Brahma, and Vayu, and Soma, and Dharma, Shakra, and Brihaspati -- in this way the unborn one attains even sonship to Aditi, O joy of the Kurus.

Verse 118 (padma.1.40.118)

एष विष्णुरिति ख्यात इन्द्रस्यावरजो विभुः। प्रसादनं तस्यविभोरदित्याः पुत्रकारणम्।

eṣa viṣṇuriti khyāta indrasyāvarajo vibhuḥ prasādanaṁ tasyavibhoradityāḥ putrakāraṇam

This very one, known as Vishnu, the mighty one, younger brother of Indra -- the propitiation of that mighty one was the cause of Aditi's motherhood.

Verse 119 (padma.1.40.119)

वधार्थं सुरशत्रूणां दैत्यदानवरक्षसाम्। ससर्जाथ सुरान्कल्पे ब्रह्माणं च प्रजापतीन्।

vadhārthaṁ suraśatrūṇāṁ daityadānavarakṣasām sasarjātha surānkalpe brahmāṇaṁ ca prajāpatīn

For the sake of slaying the enemies of the gods -- the Daityas, Danavas, and Rakshasas -- he then created, in that kalpa, the gods, and Brahma, and the Prajapatis.

Verse 120 (padma.1.40.120)

असृजन्मानसांस्तत्र ब्रह्मवंशाननुत्तमान्। तेभ्योभवन्महात्मभ्यः परंब्रह्म सनातनम्।

asṛjanmānasāṁstatra brahmavaṁśānanuttamān tebhyobhavanmahātmabhyaḥ paraṁbrahma sanātanam

He created there mind-born, supreme lineages of Brahma; from those great souls came the eternal Supreme Brahman.

Verse 121 (padma.1.40.121)

एतदाश्चर्यभूतस्य विष्णोः कर्मानुकीर्तितं। कीर्त्तनीयस्य लोकेषु कीर्त्यमानं निबोध मे।

etadāścaryabhūtasya viṣṇoḥ karmānukīrtitaṁ kīrttanīyasya lokeṣu kīrtyamānaṁ nibodha me

This wondrous deed of Vishnu has now been related; now understand from me the further deed, worthy of being glorified in the worlds, which is being glorified.

Verse 122 (padma.1.40.122)

वृत्ते वृत्रवधे भीष्म वर्तमाने कृतेयुगे। आसीत्त्रैलोक्यविख्यातः संग्रामस्तारकामयः।

vṛtte vṛtravadhe bhīṣma vartamāne kṛteyuge āsīttrailokyavikhyātaḥ saṁgrāmastārakāmayaḥ

When the slaying of Vritra had occurred, O Bhishma, in the Krita Yuga then prevailing, there took place a battle famed throughout the three worlds, over Taraka.

Verse 123 (padma.1.40.123)

यत्र ते दानवा घोराः सर्वे संग्रामदुर्जयाः। घ्नंति देवासुरान्सर्वान्सयक्षोरगराक्षसान्।

yatra te dānavā ghorāḥ sarve saṁgrāmadurjayāḥ ghnaṁti devāsurānsarvānsayakṣoragarākṣasān

In which those terrible Danavas, all unconquerable in battle, were slaying all the gods and Asuras, together with the Yakshas, serpents, and Rakshasas.

Verse 124 (padma.1.40.124)

ते वध्यमाना विमुखाश्छिन्नप्रहरणा रणे। त्रातारं मनसा जग्मुर्देवं नारायणं प्रभुम्।

te vadhyamānā vimukhāśchinnapraharaṇā raṇe trātāraṁ manasā jagmurdevaṁ nārāyaṇaṁ prabhum

Being slain, turned back, their weapons shattered in battle, they went in their minds to their protector, the Lord Narayana.

Verse 125 (padma.1.40.125)

एतस्मिन्नंतरे मेघा निर्वाणांगारवर्चसः। सार्कचंद्रग्रहगणं च्छादयंतो नभस्तलम्।

etasminnaṁtare meghā nirvāṇāṁgāravarcasaḥ sārkacaṁdragrahagaṇaṁ cchādayaṁto nabhastalam

Meanwhile, clouds, of the hue of extinguished embers, veiling the surface of the sky, together with the sun, moon, and planets,

Verse 126 (padma.1.40.126)

चंडविद्युद्गणोपेता घोरनिर्ह्रादकारिणः। अन्योन्यवेगाभिहताः प्रववुः सप्तमारुताः।

caṁḍavidyudgaṇopetā ghoranirhrādakāriṇaḥ anyonyavegābhihatāḥ pravavuḥ saptamārutāḥ

accompanied by fierce lightning, causing terrible roars -- the seven winds blew, striking against one another with force.

Verse 127 (padma.1.40.127)

दीप्ततोयाः सनिर्घातैः सह वज्रानलानिलैः। रवैस्सुघोरैरुत्पातैर्दह्यमानमिवाम्बरम्।

dīptatoyāḥ sanirghātaiḥ saha vajrānalānilaiḥ ravaissughorairutpātairdahyamānamivāmbaram

Blazing waters, with thunderclaps, together with lightning-fires and winds, with most terrible roars and portents -- the sky seemed as if burning.

Verse 128 (padma.1.40.128)

पेतुरुल्कासहस्राणि निपेतुः खचराण्यपि। दैवानि च विमानानि प्रपतंत्युत्पतंति च।

peturulkāsahasrāṇi nipetuḥ khacarāṇyapi daivāni ca vimānāni prapataṁtyutpataṁti ca

Thousands of meteors fell, and sky-going creatures fell too; and the divine aerial cars fell down and shot up again.

Verse 129 (padma.1.40.129)

चतुर्युगांतसमये लोकानां यद्भयं भवेत्। अरूपवति रूपाणि तस्मिन्नुत्पातलक्षणे।

caturyugāṁtasamaye lokānāṁ yadbhayaṁ bhavet arūpavati rūpāṇi tasminnutpātalakṣaṇe

Whatever fear the worlds feel at the end of the four ages -- such were the forms that appeared, without inherent form, in that display of portents.

Verse 130 (padma.1.40.130)

तस्माद्दुष्प्रथितं सर्वं न प्राज्ञायत किंचन। तिमिरौघपरिक्षिप्ता न रेजुश्च दिशो दश।

tasmādduṣprathitaṁ sarvaṁ na prājñāyata kiṁcana timiraughaparikṣiptā na rejuśca diśo daśa

From that, everything became so obscured that nothing at all could be discerned; enveloped in a flood of darkness, the ten directions no longer shone.

Verse 131 (padma.1.40.131)

विवेश रूपिणी काली कालमेघावगुंठिता। द्यौर्नभात्यभिभूतार्का घोरेण तमसा वृता।

viveśa rūpiṇī kālī kālameghāvaguṁṭhitā dyaurnabhātyabhibhūtārkā ghoreṇa tamasā vṛtā

Personified Night entered, veiled in dark storm-clouds; the sky no longer shone, its sun overwhelmed, covered by terrible darkness.

Verse 132 (padma.1.40.132)

तां घनौघां सतिमिरां दोर्भ्यामाछिद्य स प्रभुः। वपुः स्वं दर्शयामास दिव्यं कृष्णवपुर्हरिः।

tāṁ ghanaughāṁ satimirāṁ dorbhyāmāchidya sa prabhuḥ vapuḥ svaṁ darśayāmāsa divyaṁ kṛṣṇavapurhariḥ

That Lord, tearing apart with his two arms that mass of dense, dark clouds, showed forth his own divine, dark-bodied form, Hari.

Verse 133 (padma.1.40.133)

बलाहकांजननिभं बलाहकतनूरुहम्। तेजसा वपुषा चैव कृष्णं कृष्णमिवाचलम्।

balāhakāṁjananibhaṁ balāhakatanūruham tejasā vapuṣā caiva kṛṣṇaṁ kṛṣṇamivācalam

Dark as a rain-cloud or as collyrium, with hair like a rain-cloud upon his body, dark in splendor and in form as well, like a dark mountain,

Verse 134 (padma.1.40.134)

दीप्तपीतांबरधरं तप्तकांचनभूषणम्। धूम्रांधकारवपुषं युगांताग्निमिवोत्थितम्।

dīptapītāṁbaradharaṁ taptakāṁcanabhūṣaṇam dhūmrāṁdhakāravapuṣaṁ yugāṁtāgnimivotthitam

wearing radiant yellow garments, adorned with ornaments of molten gold, his body in places dusky as darkness, as if the fire at the end of an age had risen up,

Verse 135 (padma.1.40.135)

वृत्तद्विगुणपीनां संकिरीटाच्छन्नमूर्धजम्। बभौ चामीकरप्रख्यैरायुधैरुपशोभितम्।

vṛttadviguṇapīnāṁ saṁkirīṭācchannamūrdhajam babhau cāmīkaraprakhyairāyudhairupaśobhitam

his rounded, doubled, full shoulders, his hair covered by a crown -- he shone, adorned with weapons resembling gold.

Verse 136 (padma.1.40.136)

चंद्रार्ककिरणोद्योतं गिरिकूटमिवोच्छ्रितम्। नंदकानंदितकरं कौस्तुभोद्भासितोरसम्।

caṁdrārkakiraṇodyotaṁ girikūṭamivocchritam naṁdakānaṁditakaraṁ kaustubhodbhāsitorasam

Radiant with the light of moon and sun's rays, towering like a mountain peak, his hand delighted by the sword Nandaka, his chest illumined by the Kaustubha jewel,

Verse 137 (padma.1.40.137)

शक्तिचित्रफलोदग्रं शंखचक्रगदाधरम्। विष्णुशैलं क्षमाशीलं श्रीवत्सं शार्ङ्गपाणिनम्।

śakticitraphalodagraṁ śaṁkhacakragadādharam viṣṇuśailaṁ kṣamāśīlaṁ śrīvatsaṁ śārṅgapāṇinam

towering with his spear of wondrous blade, bearing the conch, discus, and mace -- Vishnu, mountain-like, of patient temperament, marked with the Shrivatsa, the Sharnga bow in hand,

Verse 138 (padma.1.40.138)

त्रिदशोदारफलदं स्वर्गस्त्रीचारुवल्लभम्। सर्वलोकमनःकांतं सर्वसत्वमनोहरम्।

tridaśodāraphaladaṁ svargastrīcāruvallabham sarvalokamanaḥkāṁtaṁ sarvasatvamanoharam

granting generous fruit to the gods, beloved of the lovely women of heaven, dear to the minds of all worlds, enchanting to all beings.

Verse 139 (padma.1.40.139)

मायाविशालविटपं तोयदौघसमप्रभम्। विद्याहंकारमानाढ्य महाभूतप्ररोहणम्।

māyāviśālaviṭapaṁ toyadaughasamaprabham vidyāhaṁkāramānāḍhya mahābhūtaprarohaṇam

Like a vast tree of maya, its branches spreading wide, of splendor equal to a mass of rain-clouds, rich with knowledge and ego as its measure, the great elements sprouting from it as shoots,

Verse 140 (padma.1.40.140)

विशेषपत्रैर्निचितं ग्रहनक्षत्रपुष्पितम्। दैत्यलोकमहास्कंधं मर्त्यलोकप्रकाशितम्।

viśeṣapatrairnicitaṁ grahanakṣatrapuṣpitam daityalokamahāskaṁdhaṁ martyalokaprakāśitam

dense with the leaves of the sense-objects, flowering with planets and stars, its great trunk the world of the Daityas, illumined by the world of mortals,

Verse 141 (padma.1.40.141)

सागराकारनिर्ह्रादं रसातलगलाश्रयम्। नागेंद्रपाशैर्विततं पक्षिजंतुसमन्वितम्।

sāgarākāranirhrādaṁ rasātalagalāśrayam nāgeṁdrapāśairvitataṁ pakṣijaṁtusamanvitam

roaring with the sound of the ocean, its base resting in Rasatala, spread wide with the coils of the great serpents, filled with birds and creatures,

Verse 142 (padma.1.40.142)

शीलानाहार्यगंधाढ्यं सर्वलोकमहाद्रुमम्। अव्यक्तानंदसलिलं व्यक्ताहंकारफेनिलम्।

śīlānāhāryagaṁdhāḍhyaṁ sarvalokamahādrumam avyaktānaṁdasalilaṁ vyaktāhaṁkāraphenilam

rich with the natural, unborrowed fragrance -- this great tree of all the worlds, its waters the bliss of the unmanifest, its foam the manifest ego,

Verse 143 (padma.1.40.143)

महाभूतकरौघौघं ग्रहनक्षत्रबुद्बुदम्। विमानवाहनैर्व्याप्तं तोयदाडम्बराकुलम्।

mahābhūtakaraughaughaṁ grahanakṣatrabudbudam vimānavāhanairvyāptaṁ toyadāḍambarākulam

its floods the streams of the great elements, its bubbles the planets and stars, pervaded by divine cars and mounts, tumultuous with the pomp of rain-clouds,

Verse 144 (padma.1.40.144)

जंतुमत्स्यगणाकीर्णं शैलशंखकुलैर्युतम्। त्रैगुण्यविषयावर्तं सर्वलोकतिमिंगिलम्।

jaṁtumatsyagaṇākīrṇaṁ śailaśaṁkhakulairyutam traiguṇyaviṣayāvartaṁ sarvalokatimiṁgilam

teeming with hosts of creatures and fish, joined with troops of mountain-like conches, its whirlpools the objects of the three gunas -- the great swallower of every world,

Verse 145 (padma.1.40.145)

वीरवृक्षलतागुल्मं भुजगोत्सृष्टशैवलम्। द्वादशार्कमहाद्वीपं रुद्रैकादशपत्तनम्।

vīravṛkṣalatāgulmaṁ bhujagotsṛṣṭaśaivalam dvādaśārkamahādvīpaṁ rudraikādaśapattanam

its trees, creepers, and shrubs the heroes, its moss cast off by serpents, its great continents the twelve suns, its cities the eleven Rudras,

Verse 146 (padma.1.40.146)

वस्वष्टपर्वतोपेतं त्रैलोक्यांभो महोदधिम्। संध्यासंध्योर्मिसलिलमापूर्णानिलशोभितम्।

vasvaṣṭaparvatopetaṁ trailokyāṁbho mahodadhim saṁdhyāsaṁdhyormisalilamāpūrṇānilaśobhitam

its eight mountains the Vasus -- this great ocean, the waters of the three worlds, its waves the twilights, its currents filled and adorned by the winds,

Verse 147 (padma.1.40.147)

दैत्ययक्षगणग्रामं रक्षोगणझषाकुलम्। पितामहमहावीर्यं स्वर्गस्त्रीरत्नसंकुलम्।

daityayakṣagaṇagrāmaṁ rakṣogaṇajhaṣākulam pitāmahamahāvīryaṁ svargastrīratnasaṁkulam

its villages the hosts of Daityas and Yakshas, teeming with fish that are the hordes of Rakshasas, its great power the Grandsire, thronged with the jewel-women of heaven,

Verse 148 (padma.1.40.148)

श्री कीर्ति कांतिलक्ष्मीभिर्नदीभिश्च समाकुलम्। कालयोगमहावर्षप्रलयोत्पत्तिवेगितम्।

śrī kīrti kāṁtilakṣmībhirnadībhiśca samākulam kālayogamahāvarṣapralayotpattivegitam

teeming with the rivers that are Shri, Kirti, Kanti, and Lakshmi, driven by the great rains of time's working, of dissolution and of creation,

Verse 149 (padma.1.40.149)

सत्संयोगमहापारं नारायणमहार्णवम्। देवातिदेवं वरदं भक्तानां भक्तवत्सलम्।

satsaṁyogamahāpāraṁ nārāyaṇamahārṇavam devātidevaṁ varadaṁ bhaktānāṁ bhaktavatsalam

its far shore the great union with the virtuous -- this great ocean that is Narayana, the god beyond the gods, the boon-giver, most affectionate to his devotees,

Verse 150 (padma.1.40.150)

अनुग्रहकरं देवं प्रशांतिकरणं शुभम्। हर्यश्वरथसंयुक्त सुपर्णध्वजशोभिते।

anugrahakaraṁ devaṁ praśāṁtikaraṇaṁ śubham haryaśvarathasaṁyukta suparṇadhvajaśobhite

the god who grants grace, the auspicious bringer of peace -- upon a chariot yoked with tawny steeds, adorned with the banner of Garuda,

Verse 151 (padma.1.40.151)

चंद्रार्कचक्ररचित उदाराक्षवृतांतरे। अनंतरश्मिसंयुक्ते दुर्दर्शे मेरुकूबरे।

caṁdrārkacakraracita udārākṣavṛtāṁtare anaṁtaraśmisaṁyukte durdarśe merukūbare

fashioned with wheels of moon and sun, its interior encircled by splendid axles, joined with endless rays, its pole hard to behold, like Mount Meru,

Verse 152 (padma.1.40.152)

तारकाचित्रकुसुमे ग्रहनक्षत्रबंधुरे। भयेष्वभयदे व्योम्नि देवदैत्यापराजिते।

tārakācitrakusume grahanakṣatrabaṁdhure bhayeṣvabhayade vyomni devadaityāparājite

wondrous with the flowers of the stars, graceful with planets and constellations, giving fearlessness amid fears, in the sky unconquered by gods or Daityas --

Verse 153 (padma.1.40.153)

हर्यश्वरथसंयुक्तमुक्ताशोभासमन्वितम्। ददृशुस्ते स्थितं देवं दिव्यलोकमये रथे।

haryaśvarathasaṁyuktamuktāśobhāsamanvitam dadṛśuste sthitaṁ devaṁ divyalokamaye rathe

upon that chariot yoked with tawny steeds, adorned with the beauty of pearls, they beheld that god, seated in his chariot made of the divine worlds.

Verse 154 (padma.1.40.154)

ते कृतांजलयः सर्वे देवा इंद्रपुरोगमाः। जयशब्दं पुरस्कृत्य शरण्यं शरणं गताः।

te kṛtāṁjalayaḥ sarve devā iṁdrapurogamāḥ jayaśabdaṁ puraskṛtya śaraṇyaṁ śaraṇaṁ gatāḥ

All those gods, with Indra at their head, with joined palms, uttering cries of 'Victory!', went for refuge to that giver of refuge.

Verse 155 (padma.1.40.155)

एतेषां च गिरः श्रुत्वा स विष्णुर्देवदैवतः। मनश्चक्रे विनाशाय दानवानां महामृधे।

eteṣāṁ ca giraḥ śrutvā sa viṣṇurdevadaivataḥ manaścakre vināśāya dānavānāṁ mahāmṛdhe

Hearing their words, that Vishnu, the deity of the gods, set his mind on the destruction of the Danavas in that great battle.

Verse 156 (padma.1.40.156)

आकाशे तु स्थितो विष्णुरुत्तमं वपुराश्रितः। उवाच देवताः सर्वाः सप्रतिज्ञमिदं वचः।

ākāśe tu sthito viṣṇuruttamaṁ vapurāśritaḥ uvāca devatāḥ sarvāḥ sapratijñamidaṁ vacaḥ

Standing in the sky, having assumed that supreme form, Vishnu spoke to all the gods this solemn promise:

Verse 157 (padma.1.40.157)

शांतिं व्रजत भद्रं वो मा भैष्ट मरुतांगणाः। जिता मे दानवाः सर्वे त्रैलोक्यं परिगृह्यताम्।

śāṁtiṁ vrajata bhadraṁ vo mā bhaiṣṭa marutāṁgaṇāḥ jitā me dānavāḥ sarve trailokyaṁ parigṛhyatām

'Go in peace, may good befall you; do not fear, O host of Maruts. All the Danavas are, by me, already conquered; let the three worlds be taken back by you.'

Verse 158 (padma.1.40.158)

ततोस्य सत्यसंधस्य विष्णोर्वाक्येन तोषिताः। देवाः प्रीतिं पराजग्मुः प्राश्यामृतमिवोत्तमम्।

tatosya satyasaṁdhasya viṣṇorvākyena toṣitāḥ devāḥ prītiṁ parājagmuḥ prāśyāmṛtamivottamam

Then, by the words of that Vishnu, true to his promise, the gods, satisfied, attained the highest joy, as though they had tasted the finest nectar.

Verse 159 (padma.1.40.159)

ततस्तमश्च संहृत्य विनेशुश्च बलाहकाः। प्रववुश्च शिवा वाताः प्रसन्नाश्च दिशो दश।

tatastamaśca saṁhṛtya vineśuśca balāhakāḥ pravavuśca śivā vātāḥ prasannāśca diśo daśa

Then, the darkness having been withdrawn, the storm-clouds vanished, auspicious winds blew, and the ten directions grew clear.

Verse 160 (padma.1.40.160)

शुद्धप्रायाणि ज्योतींषि सोमं चक्रुः प्रदक्षिणम्। न विग्रहं ग्रहाश्चक्रुः प्रसन्नाश्चापि सिंधवः।

śuddhaprāyāṇi jyotīṁṣi somaṁ cakruḥ pradakṣiṇam na vigrahaṁ grahāścakruḥ prasannāścāpi siṁdhavaḥ

The heavenly bodies, now nearly all pure, circumambulated the Moon; the planets caused no ill conjunction, and the oceans too grew calm.

Verse 161 (padma.1.40.161)

विरजा अभवन्मार्गा लोकाः स्वर्गादयस्त्रयः। यथार्थमूहुस्सरितश्चुक्षुभे न तथार्णवः।

virajā abhavanmārgā lokāḥ svargādayastrayaḥ yathārthamūhussaritaścukṣubhe na tathārṇavaḥ

The paths became free of dust, and the three worlds beginning with heaven were at peace; the rivers flowed according to their proper course, and the ocean was no longer agitated.

Verse 162 (padma.1.40.162)

आसन्छुभानीन्द्रियाणि नराणामंतरात्मसु। महर्षयो वीतशोका वेदानुच्चैरधीयत।

āsanchubhānīndriyāṇi narāṇāmaṁtarātmasu maharṣayo vītaśokā vedānuccairadhīyata

The senses of men became auspicious within their inmost selves; the great sages, freed from grief, recited the Vedas aloud.

Verse 163 (padma.1.40.163)

यज्ञेषु च हविः पाकं शिवमाप च पावकः। प्रवृत्तधर्मसंवृत्ता लोका मुदितमानसाः।

yajñeṣu ca haviḥ pākaṁ śivamāpa ca pāvakaḥ pravṛttadharmasaṁvṛttā lokā muditamānasāḥ

In the sacrifices, the oblation attained auspicious ripening, and the sacrificial fire grew calm; the worlds, restored to the practice of dharma, were glad of mind.

Verse 164 (padma.1.40.164)

विष्णोः सत्यप्रतिज्ञस्य श्रुत्वारिनिधना गिरः। ततो भयं विष्णुमुखाच्छ्रुत्वा दैतेयदानवाः।

viṣṇoḥ satyapratijñasya śrutvārinidhanā giraḥ tato bhayaṁ viṣṇumukhācchrutvā daiteyadānavāḥ

Having heard the words of Vishnu, true to his vow, that spoke of the destruction of the enemy -- then, hearing that word of fear from Vishnu's very mouth, the Daityas and Danavas,

Verse 165 (padma.1.40.165)

उद्योगं विपुलं चक्रुर्युद्धाय विजयाय च। मयस्तु कांचनमयं त्रिनल्वांतरमव्ययम्।

udyogaṁ vipulaṁ cakruryuddhāya vijayāya ca mayastu kāṁcanamayaṁ trinalvāṁtaramavyayam

made vast preparations for battle and for victory. And Maya then fashioned a golden, imperishable chariot, measuring three nalvas across,

Verse 166 (padma.1.40.166)

चतुश्चक्रं सुविपुलं सुकल्पितमहायुधम्। किंकिणीजालनिर्घोषं द्वीपिचर्मपरिष्कृतम्।

catuścakraṁ suvipulaṁ sukalpitamahāyudham kiṁkiṇījālanirghoṣaṁ dvīpicarmapariṣkṛtam

four-wheeled, most vast, furnished with great weapons well-fashioned, resounding with a net of little bells, adorned with panther-hide,

Verse 167 (padma.1.40.167)

रुचिरं रश्मिजालैश्च हैमजालैश्च शोभितम्। ईहामृगगणाकीर्णं पक्षिसंघविराजितम्।

ruciraṁ raśmijālaiśca haimajālaiśca śobhitam īhāmṛgagaṇākīrṇaṁ pakṣisaṁghavirājitam

beautiful, adorned with nets of light-rays and nets of gold, teeming with figures of wild beasts, resplendent with flocks of birds,

Verse 168 (padma.1.40.168)

दिव्यास्त्रशस्त्ररुचिरं पयोधरनिनादितम्। स्वक्षं रथवरोदारं सूपस्थं गगनोपमम्।

divyāstraśastraruciraṁ payodharanināditam svakṣaṁ rathavarodāraṁ sūpasthaṁ gaganopamam

beautiful with divine weapons and arms, resounding like thunder-clouds, with fine axles, that excellent and noble chariot, with a fine seat, like the very sky,

Verse 169 (padma.1.40.169)

गदापरिघसंपूर्णं मूर्तिमंतमिवार्णवम्। हेमकेयूरवलयं चंद्रमंडलकूबरम्।

gadāparighasaṁpūrṇaṁ mūrtimaṁtamivārṇavam hemakeyūravalayaṁ caṁdramaṁḍalakūbaram

filled with maces and iron bars, like the ocean given form, with armlets and bracelets of gold, its pole shaped like the orb of the moon,

Verse 170 (padma.1.40.170)

सपताकध्वजोपेतं सादित्यमिव मंदरम्। गजेंद्राभोगवपुषं क्वचित्केसरवर्चसम्।

sapatākadhvajopetaṁ sādityamiva maṁdaram gajeṁdrābhogavapuṣaṁ kvacitkesaravarcasam

furnished with banners and flags, like Mount Mandara together with the sun, its form as vast as a lordly elephant, in places gleaming like a lion's mane,

Verse 171 (padma.1.40.171)

युक्तमृक्षसहस्रेण सुधारांबुदनादितम्। दीप्तमाकाशगं दिव्यं रथं पररथारुजम्।

yuktamṛkṣasahasreṇa sudhārāṁbudanāditam dīptamākāśagaṁ divyaṁ rathaṁ pararathārujam

yoked with a thousand bears, resounding like clouds pouring nectar-rain, blazing, sky-going, divine, a chariot that could shatter enemy chariots --

Verse 172 (padma.1.40.172)

अध्यतिष्ठद्रणाकांक्षी मेरुं दीप्तमिवांशुमान्। तारस्तु क्रोशविस्तारमायामे च तथाविधम्।

adhyatiṣṭhadraṇākāṁkṣī meruṁ dīptamivāṁśumān tārastu krośavistāramāyāme ca tathāvidham

upon this, eager for battle, he mounted, like the radiant sun upon blazing Meru. Now Tara's chariot had a breadth of a krosha, and likewise in length,

Verse 173 (padma.1.40.173)

शैलकूबरसंकाशं नीलांजनचयोपमम्। काललोहस्य रत्नानां समूहाबद्धकूबरम्।

śailakūbarasaṁkāśaṁ nīlāṁjanacayopamam kālalohasya ratnānāṁ samūhābaddhakūbaram

its pole resembling a mountain, like a mass of dark collyrium, its pole bound together with masses of black iron and gems,

Verse 174 (padma.1.40.174)

तिमिरोद्गारकिरणं गर्जंतमिव तोयदम्। लोहजालेन महता सगवाक्षेण दंशितम्।

timirodgārakiraṇaṁ garjaṁtamiva toyadam lohajālena mahatā sagavākṣeṇa daṁśitam

casting forth rays of darkness, roaring as if a rain-cloud, armored with a great iron net furnished with lattice-windows,

Verse 175 (padma.1.40.175)

आयसैः परिघैः पूर्णं क्षेपणीयैश्च मुद्गरैः। प्रासैः पाशैश्च विततैरसंयुक्तैश्च कण्टकैः।

āyasaiḥ parighaiḥ pūrṇaṁ kṣepaṇīyaiśca mudgaraiḥ prāsaiḥ pāśaiśca vitatairasaṁyuktaiśca kaṇṭakaiḥ

filled with iron bars, and with clubs to be hurled, with spears, and with nooses spread wide, and with unattached spikes,

Verse 176 (padma.1.40.176)

शोभितं त्रासनीयैश्च तोमरैः सपरश्वधैः। उद्यतं द्विषतां हेतोर्द्वितीयमिव मंदरम्।

śobhitaṁ trāsanīyaiśca tomaraiḥ saparaśvadhaiḥ udyataṁ dviṣatāṁ hetordvitīyamiva maṁdaram

adorned with fearsome lances and axes, raised up for the sake of destroying his foes, like a second Mount Mandara --

Verse 177 (padma.1.40.177)

युक्तं खरसहस्रेण सोऽध्यारोहद्रथोत्तमम्। विरोचनस्तु संक्रुद्धो गदापाणिरवस्थितः।

yuktaṁ kharasahasreṇa so'dhyārohadrathottamam virocanastu saṁkruddho gadāpāṇiravasthitaḥ

yoked with a thousand donkeys, upon that excellent chariot he mounted. And Virochana, greatly enraged, mace in hand, took his stand

Verse 178 (padma.1.40.178)

प्रमुखे तस्य सैन्यस्य दीप्तशृंग इवाचलः। युक्तं हयसहस्रेण हयग्रीवस्तु दानवः।

pramukhe tasya sainyasya dīptaśṛṁga ivācalaḥ yuktaṁ hayasahasreṇa hayagrīvastu dānavaḥ

at the head of that army, like a mountain with blazing peaks. And the Danava Hayagriva, yoked with a thousand horses,

Verse 179 (padma.1.40.179)

व्यूहितं दानवव्यूहं परिचक्राम वीर्यवान्। विप्रचित्तिसुतः श्वेतः श्वेतकुंडलभूषणः।

vyūhitaṁ dānavavyūhaṁ paricakrāma vīryavān vipracittisutaḥ śvetaḥ śvetakuṁḍalabhūṣaṇaḥ

went around the arrayed formation of the Danavas. Shveta, son of Vipracitti, adorned with white earrings,

Verse 180 (padma.1.40.180)

स्यंदनं वाहयामास परानीकस्य मर्दनः। व्यायतं किष्कुसाहस्रं धनुर्विस्फारयन्महत्।

syaṁdanaṁ vāhayāmāsa parānīkasya mardanaḥ vyāyataṁ kiṣkusāhasraṁ dhanurvisphārayanmahat

that crusher of the enemy host, drove his chariot, stringing his great bow, stretching a thousand cubits,

Verse 181 (padma.1.40.181)

स चाहवमुखे तस्थौ सप्ररोह इवाचलः। खरस्तु विष्किरिन्क्रोधान्नेत्राभ्यां रोपजं जलम्।

sa cāhavamukhe tasthau sapraroha ivācalaḥ kharastu viṣkirinkrodhānnetrābhyāṁ ropajaṁ jalam

and he stood at the forefront of the battle, like a mountain covered with new growth. And Khara, scattering from his eyes, in fury, tears of anger like water,

Verse 182 (padma.1.40.182)

स्फुरद्दंतौष्ठनयनः संग्रामं सोभ्यकांक्षत। त्वष्टा त्वष्टादशहयं यानमास्थाय दानवः।

sphuraddaṁtauṣṭhanayanaḥ saṁgrāmaṁ sobhyakāṁkṣata tvaṣṭā tvaṣṭādaśahayaṁ yānamāsthāya dānavaḥ

his teeth, lips, and eyes quivering, desired the battle. And the Danava Tvashta, mounted upon a chariot with eighteen horses,

Verse 183 (padma.1.40.183)

दिव्यव्यूहप्रतीकाशा युद्धायाभिमुखः स्थितः। अरिष्टो बलिपुत्रश्च वरिष्ठो दुर्धरायुधः।

divyavyūhapratīkāśā yuddhāyābhimukhaḥ sthitaḥ ariṣṭo baliputraśca variṣṭho durdharāyudhaḥ

resembling a divine battle-formation, stood facing the battle. And Arishta, son of Bali, most eminent, of irresistible weapons,

Verse 184 (padma.1.40.184)

युद्धायाभिमुखस्तस्थौ धराधरविकंपनः। किशोरस्त्वतिसंहर्षात्किशोर इव चोदितः।

yuddhāyābhimukhastasthau dharādharavikaṁpanaḥ kiśorastvatisaṁharṣātkiśora iva coditaḥ

stood facing the battle, one who could shake the very mountains. And Kishora, in his great eagerness, urged on like a young colt,

Verse 185 (padma.1.40.185)

अभवद्दैत्यमध्ये स ग्रहमध्ये यथा रविः। लंबस्तु नवमेघाभः प्रलंबांबरभूषणः।

abhavaddaityamadhye sa grahamadhye yathā raviḥ laṁbastu navameghābhaḥ pralaṁbāṁbarabhūṣaṇaḥ

stood in the midst of the Daityas as the sun stands amid the planets. And Lamba, dark as a fresh rain-cloud, adorned with flowing garments,

Verse 186 (padma.1.40.186)

दैत्यव्यूहगतो भाति सनीहार इवांशुमान्। वसुंधराभस्तदनु दशनौष्ठेक्षणायुधः।

daityavyūhagato bhāti sanīhāra ivāṁśumān vasuṁdharābhastadanu daśanauṣṭhekṣaṇāyudhaḥ

shone in the midst of the Daitya array, like the sun veiled in mist. And after him, Vasundharabha, whose very teeth, lips, and eyes were weapons,

Verse 187 (padma.1.40.187)

हसंस्तिष्ठति दैत्यानाम्मध्ये क्रूर महाग्रहः। अन्ये हयगतास्तत्र मत्तेभेंद्रगताः परे।

hasaṁstiṣṭhati daityānāmmadhye krūra mahāgrahaḥ anye hayagatāstatra mattebheṁdragatāḥ pare

stood laughing amid the Daityas, a cruel and mighty seizer. Others there rode on horses, and others still upon lordly rutting elephants;

Verse 188 (padma.1.40.188)

सिंहव्याघ्रगताश्चान्ये वराहर्क्षेषु चापरे। केचित्खरोष्ट्रयातारः केचित्तोयदवाहनाः।

siṁhavyāghragatāścānye varāharkṣeṣu cāpare kecitkharoṣṭrayātāraḥ kecittoyadavāhanāḥ

others rode upon lions and tigers, and others still upon boars and bears; some traveled upon donkeys and camels, some had cloud-like mounts,

Verse 189 (padma.1.40.189)

पत्तयश्चापरे दैत्या भीषणा विकृताननाः। एकपादास्त्वपादाश्च ननृतुर्युद्धकांक्षिणः।

pattayaścāpare daityā bhīṣaṇā vikṛtānanāḥ ekapādāstvapādāśca nanṛturyuddhakāṁkṣiṇaḥ

and other Daityas, terrible, of misshapen faces, went on foot; and those with a single leg, and those with no legs at all, danced about, eager for battle.

Verse 190 (padma.1.40.190)

आस्फोटयंतो बहवः स्वनंतश्च तथापरे। दृप्तशार्दूलनिर्घोषा नेदुर्दानवपुङ्गवाः।

āsphoṭayaṁto bahavaḥ svanaṁtaśca tathāpare dṛptaśārdūlanirghoṣā nedurdānavapuṅgavāḥ

Many, slapping their arms, and others roaring, the foremost of the Danavas bellowed with sounds like proud tigers.

Verse 191 (padma.1.40.191)

ते गदापरिघैर्घोरैः शिलामुद्गरपाणयः। बाहुभिः परिघाकारैस्तर्जयंति स्म देवताः।

te gadāparighairghoraiḥ śilāmudgarapāṇayaḥ bāhubhiḥ parighākāraistarjayaṁti sma devatāḥ

With terrible maces and iron bars, with rocks and clubs in hand, and with arms shaped like iron bars, they menaced the gods.

Verse 192 (padma.1.40.192)

प्रासैः खड्गैश्च पाशैश्च तोमरांकुशपट्टिशैः। चिक्रीडुस्ते शतघ्नीभिः शतधारैश्च मुद्गरैः।

prāsaiḥ khaḍgaiśca pāśaiśca tomarāṁkuśapaṭṭiśaiḥ cikrīḍuste śataghnībhiḥ śatadhāraiśca mudgaraiḥ

With spears and swords and nooses, with lances, goads, and pattisha-blades, they made sport with cannon-like weapons and hundred-edged clubs.

Verse 193 (padma.1.40.193)

खड्गशैलैश्च शैलैश्च परिघैश्चोद्यतायुधैः। युक्तं बलाहकगणैः सर्वतः संवृतं नभः।

khaḍgaśailaiśca śailaiśca parighaiścodyatāyudhaiḥ yuktaṁ balāhakagaṇaiḥ sarvataḥ saṁvṛtaṁ nabhaḥ

With sword-mountains, and with mountains, and with iron bars and raised weapons -- the sky, filled with masses of storm-clouds, was covered on every side.

Verse 194 (padma.1.40.194)

एवं तद्दानवं सैन्यं सर्वसत्वमदोत्कटम्। देवताभिमुखं तस्थौ मेघानीकमिवोदितम्।

evaṁ taddānavaṁ sainyaṁ sarvasatvamadotkaṭam devatābhimukhaṁ tasthau meghānīkamivoditam

Thus that army of Danavas, fierce with the pride of every creature, stood facing the gods, like a risen host of storm-clouds.

Verse 195 (padma.1.40.195)

रेजे च तद्दैत्यसहस्रगाढं वाय्वग्निशैलांबुदतोयकल्पम्। बलं बलौघाकुलमभ्युदीर्णं युयुत्सयोन्मत्तमिवा बभासे।

reje ca taddaityasahasragāḍhaṁ vāyvagniśailāṁbudatoyakalpam balaṁ balaughākulamabhyudīrṇaṁ yuyutsayonmattamivā babhāse

That army, dense with thousands of Daityas, resembling wind, fire, mountains, clouds, and water, that mighty host, swollen with its own multitude, risen up, shone as if maddened with the desire to fight.

Verse 196 (padma.1.40.196)

श्रुतस्ते दैत्यसैन्यस्य विस्तारः कुरुनंदन। सुराणामपि सैन्यस्य विस्तरं वैष्णवं शृणु।

śrutaste daityasainyasya vistāraḥ kurunaṁdana surāṇāmapi sainyasya vistaraṁ vaiṣṇavaṁ śṛṇu

'You have now heard, O joy of the Kurus, the full extent of the army of the Daityas; now hear from me the extent of the army of the gods, that of Vishnu.'