Lord Mahadeva's Arrival on the Battlefield

Verse 1 (padma.6.12.1)

नारद उवाच ।दैत्यसैन्यं हतं दृष्ट्वा गणैर्नंदिपुरोगमैः । क्रुद्धाः शुंभादयो दैत्याः समाजग्मुर्गणान्प्रति

nārada uvāca daityasainyaṁ hataṁ dṛṣṭvā gaṇairnaṁdipurogamaiḥ kruddhāḥ śuṁbhādayo daityāḥ samājagmurgaṇānprati

Narada said: Seeing their demon army slain by the attendants led by Nandi, the enraged demons Shumbha and the others advanced against them.

Verse 2 (padma.6.12.2)

ततः शुंभो महादैत्यो नंदिनं प्रत्ययुध्यत । महाकालं निशुंभोऽथ कालो लोकेश्वरं रणे

tataḥ śuṁbho mahādaityo naṁdinaṁ pratyayudhyata mahākālaṁ niśuṁbho'tha kālo lokeśvaraṁ raṇe

Then the great demon Shumbha fought against Nandin; Nishumbha against Mahakala; and Kala against Lokeshvara in that battle.

Verse 3 (padma.6.12.3)

पुष्पदंतं शैलरोमा माल्यवंतं महाबलः । कोलाहलो रणे राजन्प्राप्तो मायाबलेन च

puṣpadaṁtaṁ śailaromā mālyavaṁtaṁ mahābalaḥ kolāhalo raṇe rājanprāpto māyābalena ca

Pushpadanta clashed with Shailaroma; O king, the mighty Kolahala, through the power of illusion, came to fight Malyavan.

Verse 4 (padma.6.12.4)

चंडं भयानको नाम राहुः स्कंदमधावत । कूष्मांडं सर्परोमा च घर्घरो मदनं तथा

caṁḍaṁ bhayānako nāma rāhuḥ skaṁdamadhāvata kūṣmāṁḍaṁ sarparomā ca ghargharo madanaṁ tathā

Chanda faced Bhayanaka; Rahu rushed at Skanda; Kushmanda against Sarparoma, Ghargara against Madana likewise —

Verse 5 (padma.6.12.5)

शुभं केतुमुखो हंतुं ययौ जंभो विनायकम् । हासं पातालकेतुश्च भृंगीशं रोमकंटकः

śubhaṁ ketumukho haṁtuṁ yayau jaṁbho vināyakam hāsaṁ pātālaketuśca bhṛṁgīśaṁ romakaṁṭakaḥ

Ketumukha went to slay Shubha; Jambha faced Vinayaka; Hasa faced Patalaketu; Romakantaka went to fight Bhringisha.

Verse 6 (padma.6.12.6)

युयुधुः कोटिशो रुद्रगणा दैत्याः परस्परम् । पश्यतोरुभयोस्तत्र स्वामिनोरिति ते युधि

yuyudhuḥ koṭiśo rudragaṇā daityāḥ parasparam paśyatorubhayostatra svāminoriti te yudhi

Millions of Rudra's attendants and demons fought one another in that battle, while both their masters looked on.

Verse 7 (padma.6.12.7)

दृढप्रहारिणो जघ्नुर्गणा दैत्याः शरैरथ । नंदी मुमोच तान्बाणान्महासारो यथा नगे

dṛḍhaprahāriṇo jaghnurgaṇā daityāḥ śarairatha naṁdī mumoca tānbāṇānmahāsāro yathā nage

The firm-striking attendants struck the demons with arrows; Nandi loosed his shafts like a great torrent upon a mountain.

Verse 8 (padma.6.12.8)

ततः संपूरयामास मुखं शुंभस्य पत्रिभिः । यथा पर्णचयैर्वातो मंदरस्येव कंदरम्

tataḥ saṁpūrayāmāsa mukhaṁ śuṁbhasya patribhiḥ yathā parṇacayairvāto maṁdarasyeva kaṁdaram

Then he filled Shumbha's face with feathered arrows, as the wind fills a mountain-cave with heaps of leaves.

Verse 9 (padma.6.12.9)

शुंभोऽथ कार्मुकं त्यक्त्वा रथात्तं प्रत्यधावत । उत्पाट्य च गिरिं तेन जघान हृदि नंदिनः

śuṁbho'tha kārmukaṁ tyaktvā rathāttaṁ pratyadhāvata utpāṭya ca giriṁ tena jaghāna hṛdi naṁdinaḥ

Then Shumbha, abandoning his bow, leapt down from his chariot and rushed at him; uprooting a mountain, he struck Nandin in the chest with it.

Verse 10 (padma.6.12.10)

नंदिनो हृदयं भित्त्वा चूर्णयित्वा रथं रणे । पपात भूमौ स गिरिर्वज्रं प्राप्य गिरिं यथा

naṁdino hṛdayaṁ bhittvā cūrṇayitvā rathaṁ raṇe papāta bhūmau sa girirvajraṁ prāpya giriṁ yathā

Piercing Nandin's heart and shattering his chariot in that fray, the mountain fell to the ground, like a mountain struck down by the thunderbolt.

Verse 11 (padma.6.12.11)

मूर्च्छां प्राप्य क्षणात्संज्ञां वेगवान्स पलायितः । महाकालो निशुंभेन मुद्गरेण हतो हृदि

mūrcchāṁ prāpya kṣaṇātsaṁjñāṁ vegavānsa palāyitaḥ mahākālo niśuṁbhena mudgareṇa hato hṛdi

Falling unconscious, regaining his senses in a moment, he fled swiftly. Nishumbha struck Mahakala in the chest with his mace.

Verse 12 (padma.6.12.12)

आगत्य दैत्यं गदया जघान मुकुटोपरि । तत्प्रहारमचिंत्याथ निशुंभोऽपि महाबलः

āgatya daityaṁ gadayā jaghāna mukuṭopari tatprahāramaciṁtyātha niśuṁbho'pi mahābalaḥ

Coming forward, he struck that demon with his mace upon the crown of his head; unable to bear that unimaginable blow, the mighty Nishumbha —

Verse 13 (padma.6.12.13)

तं गृहीत्वा चरणयोर्महाकालं महाबलः । भ्रामयित्वा करतलाच्चिक्षेप च ननाद च

taṁ gṛhītvā caraṇayormahākālaṁ mahābalaḥ bhrāmayitvā karatalāccikṣepa ca nanāda ca

seizing Mahakala by both his feet, that mighty one whirled him and flung him from his palm, and roared.

Verse 14 (padma.6.12.14)

स तद्वक्त्रानिलं पीत्वा ननाद रुधिरारुणः । पुष्पदंतः शैलरोम्णा चाहतो मुष्टिना मुखे

sa tadvaktrānilaṁ pītvā nanāda rudhirāruṇaḥ puṣpadaṁtaḥ śailaromṇā cāhato muṣṭinā mukhe

He, gasping the wind from his own mouth, roared, red with blood. Pushpadanta was struck in the face by a blow of Shailaroma's fist.

Verse 15 (padma.6.12.15)

गदया शैलरोमाणं हत्वा भूमौ न्यपातयत् । तं दृष्ट्वा पतितं भूमौ गिरिकेतुर्महाबलः

gadayā śailaromāṇaṁ hatvā bhūmau nyapātayat taṁ dṛṣṭvā patitaṁ bhūmau giriketurmahābalaḥ

He struck Shailaroma down with his mace, felling him to the ground. Seeing him fallen, the mighty Giriketu —

Verse 16 (padma.6.12.16)

पुष्पदंतं महाभीमं मुद्गरेण व्यपोथयत् । पुष्पंदंतोऽथ खड्गेन गिरिकेतोः शिरोऽछिनत्

puṣpadaṁtaṁ mahābhīmaṁ mudgareṇa vyapothayat puṣpaṁdaṁto'tha khaḍgena giriketoḥ śiro'chinat

struck the terrifying Pushpadanta with his mace; but Pushpadanta then severed Giriketu's head with his sword.

Verse 17 (padma.6.12.17)

गृहीत्वा चर्म खड्गं च गिरिकेतोरधावत । शिरस्तं प्राह किं यासि मां त्यक्त्वा समरार्थिनम्

gṛhītvā carma khaḍgaṁ ca giriketoradhāvata śirastaṁ prāha kiṁ yāsi māṁ tyaktvā samarārthinam

Taking up shield and sword, that headless Giriketu rushed at Pushpadanta; his own severed head said to him: 'Why do you run, abandoning me, though I still long for the fight?

Verse 18 (padma.6.12.18)

शिरोहीने च कायेऽस्मिन्किं तु धावन्न लज्जसे । इत्युक्ते शिरसा तेन कबंधेन तु पादयोः

śirohīne ca kāye'sminkiṁ tu dhāvanna lajjase ityukte śirasā tena kabaṁdhena tu pādayoḥ

'With this body now headless, do you feel no shame in running?' Thus addressed, that headless trunk held the head fast in its own feet,

Verse 19 (padma.6.12.19)

विधृतः पुष्पदंतश्च कुक्षौ तीक्ष्णासिनाच्छिनत् । निश्चक्रामासुरः कुक्षेः शतशीर्षो महाबलः

vidhṛtaḥ puṣpadaṁtaśca kukṣau tīkṣṇāsinācchinat niścakrāmāsuraḥ kukṣeḥ śataśīrṣo mahābalaḥ

while Pushpadanta cut him open at the belly with his sharp sword; from that belly a mighty hundred-headed demon emerged,

Verse 20 (padma.6.12.20)

द्विशताक्षिसमायुक्तः शतद्वयभुजाकुलः । भ्रमत्तस्य शिरो राजन्कबंधोपांतमागमत्

dviśatākṣisamāyuktaḥ śatadvayabhujākulaḥ bhramattasya śiro rājankabaṁdhopāṁtamāgamat

equipped with two hundred eyes and two hundred arms; O king, his wandering head then came back near that very headless trunk.

Verse 21 (padma.6.12.21)

तच्छिरः प्राप्तमालोक्य पुष्पदंतोऽसिनाच्छिनत् । ततो भूकंपनो नाम ज्वरो दैत्यो भयावहः

tacchiraḥ prāptamālokya puṣpadaṁto'sinācchinat tato bhūkaṁpano nāma jvaro daityo bhayāvahaḥ

Seeing that head arrived, Pushpadanta cut it off too with his sword; then a terrifying fever-demon named Bhukampana —

Verse 22 (padma.6.12.22)

पुष्पंदंतस्तदा तत्र द्वाभ्यां राजन्विमर्दितः । ज्वरेण तेन च क्लिष्टो दुःसहेनातिवेगिना

puṣpaṁdaṁtastadā tatra dvābhyāṁ rājanvimarditaḥ jvareṇa tena ca kliṣṭo duḥsahenātiveginā

O king, there Pushpadanta was crushed by both of them together; tormented by that unbearable, most fierce fever,

Verse 23 (padma.6.12.23)

त्यक्त्वा शिवगणः संख्यं कंपमानो गिरिं ययौ । कोलाहलो महाधन्वी माल्यवंतं शरैस्त्रिभिः

tyaktvā śivagaṇaḥ saṁkhyaṁ kaṁpamāno giriṁ yayau kolāhalo mahādhanvī mālyavaṁtaṁ śaraistribhiḥ

Shiva's attendant, trembling, abandoned the fight and fled to the mountain. The great archer Kolahala, with three arrows,

Verse 24 (padma.6.12.24)

विव्याध स्कंधयोर्भाले माल्यवांश्च ततोऽसुरम् । बाणाहतो माल्यवता शस्त्रैर्नानाविधैः शितैः

vivyādha skaṁdhayorbhāle mālyavāṁśca tato'suram bāṇāhato mālyavatā śastrairnānāvidhaiḥ śitaiḥ

pierced Malyavan in the shoulders and forehead; wounded by those arrows, Malyavan struck that demon back with various sharp weapons.

Verse 25 (padma.6.12.25)

कोलाहलः प्रहृतवान्दर्शयन्नात्मलाघवम् । सोऽपि हेति व्यथां त्यक्त्वा माल्यवांश्च गणाग्रणीः

kolāhalaḥ prahṛtavāndarśayannātmalāghavam so'pi heti vyathāṁ tyaktvā mālyavāṁśca gaṇāgraṇīḥ

Kolahala struck him, displaying his own agility; but Malyavan too, foremost of the attendants, casting off the pain of that blow,

Verse 26 (padma.6.12.26)

गिरिं गृहीत्वा तेनाजौ कोलाहलमथाहनत् । निश्चक्राम ज्वरस्तस्माज्ज्वलनो नाम भीषणः

giriṁ gṛhītvā tenājau kolāhalamathāhanat niścakrāma jvarastasmājjvalano nāma bhīṣaṇaḥ

seized a mountain and struck Kolahala with it in that battle; from him a terrifying fever named Jvalana then emerged,

Verse 27 (padma.6.12.27)

त्रिशीर्षो नवहस्तश्च नवपादोऽतिपिंगलः । स ज्वरो मोहयामास माल्यवंतं स्वतेजसा

triśīrṣo navahastaśca navapādo'tipiṁgalaḥ sa jvaro mohayāmāsa mālyavaṁtaṁ svatejasā

three-headed, nine-armed, nine-footed, exceedingly tawny; that fever, by its own power, bewildered Malyavan.

Verse 28 (padma.6.12.28)

माल्यवान्समरं त्यक्त्वा पराक्रांतो गिरिं ययौ । चंडिर्भयानकेनाजौ पाशेन हृदये हतः

mālyavānsamaraṁ tyaktvā parākrāṁto giriṁ yayau caṁḍirbhayānakenājau pāśena hṛdaye hataḥ

Malyavan, though he had shown valor, abandoned the fight and went to the mountain. In that battle, Chandi's attendant was struck in the heart by Bhayanaka's noose,

Verse 29 (padma.6.12.29)

हयो विनिर्गतस्तस्मात्क्षिप्तः सोऽपि च सागरे । कार्त्तिकेयो रणे राहुं शितैर्बाणैः समाहनत्

hayo vinirgatastasmātkṣiptaḥ so'pi ca sāgare kārttikeyo raṇe rāhuṁ śitairbāṇaiḥ samāhanat

and from him a horse emerged, which too was cast into the ocean. Kartikeya struck Rahu in battle with sharp arrows,

Verse 30 (padma.6.12.30)

आच्छाद्य शरजालैश्च शीघ्रं शक्तिं मुमोच ह । आपतंतीं महाशक्तिं ज्वलंतीमिव तेजसा

ācchādya śarajālaiśca śīghraṁ śaktiṁ mumoca ha āpataṁtīṁ mahāśaktiṁ jvalaṁtīmiva tejasā

and, covering him with a net of arrows, swiftly loosed his spear; seeing that great spear come flying, blazing as if with its own fire —

Verse 31 (padma.6.12.31)

दृष्ट्वा राहुः खमुत्पत्य कराभ्यां जगृहे द्रुतम् । स तां शक्तिं गृहीत्वा तु विनद्योच्चैः पुनः पुनः

dṛṣṭvā rāhuḥ khamutpatya karābhyāṁ jagṛhe drutam sa tāṁ śaktiṁ gṛhītvā tu vinadyoccaiḥ punaḥ punaḥ

Rahu leapt into the sky and swiftly caught it with both hands; having caught that spear, he roared aloud again and again.

Verse 32 (padma.6.12.32)

स्वर्भानुः शिरसोनोपि तस्य शक्त्या जघान तम् । वक्षस्यभिहते शक्त्या तद्देहान्निर्गता सरित्

svarbhānuḥ śirasonopi tasya śaktyā jaghāna tam vakṣasyabhihate śaktyā taddehānnirgatā sarit

Svarbhanu struck Kartikeya with that same spear, upon his very head; and when the spear struck his chest, a river burst forth from his body.

Verse 33 (padma.6.12.33)

तया संप्लावितः पुत्रो महादेवस्य संयुगे । कथंचित्सा नदी रुद्धा समं पूरो गिरिं ययौ

tayā saṁplāvitaḥ putro mahādevasya saṁyuge kathaṁcitsā nadī ruddhā samaṁ pūro giriṁ yayau

By that, Mahadeva's son was swept along in that battle; somehow that river was checked, and its flood, contained, made its way to the mountain.

Verse 34 (padma.6.12.34)

श्रुत्वार्णवजो ज्वरतः कटककदंबस्य कर्कशं विरुतम् । सुस्वरवचनविदग्धं तमपि च कोकिलापतिं न सस्मार

śrutvārṇavajo jvarataḥ kaṭakakadaṁbasya karkaśaṁ virutam susvaravacanavidagdhaṁ tamapi ca kokilāpatiṁ na sasmāra

The ocean-born one, feverish, hearing the harsh cries of the massed army, though himself skilled in sweet speech, no longer remembered that gentle, cuckoo-like tone.

Verse 35 (padma.6.12.35)

शरैः किरंतं दहनमसिना बर्बरोऽवधीत् । कूष्मांडो निहतो मूर्ध्नि सर्परोम्णाथ मुष्टिना

śaraiḥ kiraṁtaṁ dahanamasinā barbaro'vadhīt kūṣmāṁḍo nihato mūrdhni sarparomṇātha muṣṭinā

Barbara slew Dahana with his sword as he scattered his arrows; Kushmanda was struck on the head, and Sarparoma with a fist.

Verse 36 (padma.6.12.36)

पातालकेतुना हासो मुद्गरेण समाहतः । तस्य देहाद्विनिष्क्रम्य हस्ती मुद्गरमाभुनक्

pātālaketunā hāso mudgareṇa samāhataḥ tasya dehādviniṣkramya hastī mudgaramābhunak

Hasa was struck by Patalaketu with a mace; from his body an elephant emerged and shattered that mace,

Verse 37 (padma.6.12.37)

शुंडायां मुष्टिघातेन हतः पातालकेतुना । आयुधैर्जर्जरं चक्रे भृंगीशं रोमकंटकः

śuṁḍāyāṁ muṣṭighātena hataḥ pātālaketunā āyudhairjarjaraṁ cakre bhṛṁgīśaṁ romakaṁṭakaḥ

striking Patalaketu's fist with a blow of its trunk. Romakantaka battered Bhringisha to pieces with weapons.

Verse 38 (padma.6.12.38)

भृंगीशोऽपि रणाद्भीतस्त्वरन्नेव गिरिं ययौ । सहसा धूम्रवर्णश्च शुभ्रः केतुमुखेऽपतत्

bhṛṁgīśo'pi raṇādbhītastvaranneva giriṁ yayau sahasā dhūmravarṇaśca śubhraḥ ketumukhe'patat

Bhringisha too, terrified by the battle, hastily fled to the mountain. Suddenly, smoke-colored and pale, he fell before Ketumukha.

Verse 39 (padma.6.12.39)

गणं गिलितवान्दैत्यो महाकायो महाननः । हाहाकारो महानासीद्गिलिते केतुना रणे

gaṇaṁ gilitavāndaityo mahākāyo mahānanaḥ hāhākāro mahānāsīdgilite ketunā raṇe

That huge-bodied, huge-mouthed demon swallowed the attendant whole; and when he was swallowed by Ketu in that battle, a great cry of woe arose.

Verse 40 (padma.6.12.40)

जृंभस्य निशितैर्बाणैश्छिन्नांगोऽथ विनायकः । शुंडादंडं परशुना तस्य चिच्छेद दंतिनः

jṛṁbhasya niśitairbāṇaiśchinnāṁgo'tha vināyakaḥ śuṁḍādaṁḍaṁ paraśunā tasya ciccheda daṁtinaḥ

Then Vinayaka, his limbs cut by Jrimbha's sharp arrows, severed with his axe the very trunk of that demon's elephant-form.

Verse 41 (padma.6.12.41)

जृंभासुरो जघानाथ शक्त्या लंबोदरोदरम् । मूषकोऽपि शरैर्भिन्नः प्रविवेश गुहामुखम्

jṛṁbhāsuro jaghānātha śaktyā laṁbodarodaram mūṣako'pi śarairbhinnaḥ praviveśa guhāmukham

Then the demon Jrimbha struck Lambodara's belly with his spear; and the mouse too, pierced by arrows, fled into the mouth of a cave.

Verse 42 (padma.6.12.42)

विनायकः प्रहारार्त्तो विललापाकुलो रणे । हा मातस्तात हा भ्रातर्हा मूषक मम प्रिय

vināyakaḥ prahārārtto vilalāpākulo raṇe hā mātastāta hā bhrātarhā mūṣaka mama priya

Vinayaka, afflicted by the blow, wailed in confusion on the battlefield: 'Alas, mother! Father! Alas, my brother! Alas, my beloved mouse!

Verse 43 (padma.6.12.43)

गणेशक्रंदितं श्रुत्वा भगवत्या तया तदा । समेत्य कूटादन्यस्मात्पार्वत्योक्तः शिवस्तदा

gaṇeśakraṁditaṁ śrutvā bhagavatyā tayā tadā sametya kūṭādanyasmātpārvatyoktaḥ śivastadā

Hearing Ganesha's cry, the divine Goddess Parvati, coming there from another part of the mountain, then said to Shiva —

Verse 44 (padma.6.12.44)

हेरंबो वध्यते दैत्यैः स्कंदोऽपि विनिपातितः । शिव किं क्रीडसे शैले रक्ष पुत्रौ गणानपि

heraṁbo vadhyate daityaiḥ skaṁdo'pi vinipātitaḥ śiva kiṁ krīḍase śaile rakṣa putrau gaṇānapi

'Heramba is being slain by the demons, and Skanda too has been struck down. O Shiva, you play here upon the mountain — protect your sons and your attendants too.

Verse 45 (padma.6.12.45)

सदा शूलादिशस्त्राणां धृतानामद्य वै क्षणः । अथ गौर्या वचः श्रुत्वा वीरभद्रं शिवोऽब्रवीत्

sadā śūlādiśastrāṇāṁ dhṛtānāmadya vai kṣaṇaḥ atha gauryā vacaḥ śrutvā vīrabhadraṁ śivo'bravīt

'Now is truly the moment for the trident and other weapons you ever bear.' Hearing Gauri's words, Shiva said to Virabhadra —

Verse 46 (padma.6.12.46)

वृषः सज्जीयतां शीघ्रमित्युक्ते स तदाकरोत् । बबंध मुकुटं तस्य शृंगयोर्भास्करप्रभम्

vṛṣaḥ sajjīyatāṁ śīghramityukte sa tadākarot babaṁdha mukuṭaṁ tasya śṛṁgayorbhāskaraprabham

'Ready the bull at once.' Thus told, he did so straightaway; he bound upon its two horns a crown radiant as the sun,

Verse 47 (padma.6.12.47)

कंठे घंटाशतं बद्ध्वा कर्णयोर्दर्पणौ धृतौ । स्कंधे च किंकिणीजालं चरणे नूपुरं महत्

kaṁṭhe ghaṁṭāśataṁ baddhvā karṇayordarpaṇau dhṛtau skaṁdhe ca kiṁkiṇījālaṁ caraṇe nūpuraṁ mahat

tied a hundred bells about its neck, fastened mirrors to both its ears, a net of little bells on its shoulder, and great anklets on its feet,

Verse 48 (padma.6.12.48)

पुच्छे चामरसाहस्रं तस्य पाशाष्टकं मुखे । कल्याणी च तदा देवी शर्वपार्श्वे व्यस्थिता

pucche cāmarasāhasraṁ tasya pāśāṣṭakaṁ mukhe kalyāṇī ca tadā devī śarvapārśve vyasthitā

a thousand chowries on its tail, and eight nooses at its mouth; then the auspicious Goddess herself came and stood beside Sharva.

Verse 49 (padma.6.12.49)

पाशाष्टकेन संयुक्ता तत्र खड्गधरांबिका । न्यस्तानि सर्वशस्त्राणि स वृषः सज्जितो बभौ

pāśāṣṭakena saṁyuktā tatra khaḍgadharāṁbikā nyastāni sarvaśastrāṇi sa vṛṣaḥ sajjito babhau

Ambika, sword in hand, joined with those eight nooses, was there too; every weapon was set in place — thus that adorned bull shone forth.

Verse 50 (padma.6.12.50)

पार्वत्या भूषितः सोऽथ निजया घंटमालया । कृतं च तिलकं देव्या प्रोक्तः सत्कृतिपूर्वकम्

pārvatyā bhūṣitaḥ so'tha nijayā ghaṁṭamālayā kṛtaṁ ca tilakaṁ devyā proktaḥ satkṛtipūrvakam

Then Parvati adorned him further with her own garland of bells, and the Goddess, marking him with a tilaka, said with due honor —

Verse 51 (padma.6.12.51)

हरस्त्वया न मोक्तव्यो वृषेन्द्र रणसंकटे । आगंतव्यमरीन्जित्वा शंभुना सह संगरे

harastvayā na moktavyo vṛṣendra raṇasaṁkaṭe āgaṁtavyamarīnjitvā śaṁbhunā saha saṁgare

'O lord of bulls, you must not abandon Hara amid the danger of battle; you must return from the fight only after the enemies are conquered, together with Shambhu.'

Verse 52 (padma.6.12.52)

इति श्रुत्वा वचो देव्या हरो वृषमथारुहत् । धृत्वायुधसहस्रं तु निजालंकारभूषितः । रणं गच्छामि तां प्राह पार्वतीं प्रति सादरम्

iti śrutvā vaco devyā haro vṛṣamathāruhat dhṛtvāyudhasahasraṁ tu nijālaṁkārabhūṣitaḥ raṇaṁ gacchāmi tāṁ prāha pārvatīṁ prati sādaram

Hearing the Goddess's words, Hara mounted the bull; bearing a thousand weapons, adorned with his own ornaments, he said respectfully to Parvati: 'I go to the battlefield.'

Verse 53 (padma.6.12.53)

ईश्वर उवाच ।त्वं तिष्ठसि स्वरूपाणि एकाकिन्यपि सस्पृहा । भामिनी दुरभिप्राया दानवा हि समागताः

īśvara uvāca tvaṁ tiṣṭhasi svarūpāṇi ekākinyapi saspṛhā bhāminī durabhiprāyā dānavā hi samāgatāḥ

Ishvara said: 'You remain here yourself — alone, yet watchful. O lovely one, the demons who have come here bear evil intent.

Verse 54 (padma.6.12.54)

तस्मात्त्वयात्मनैवात्मा रक्षणीयो वरानने । इत्युक्त्वा वृषभारूढो ययौ रुद्रो रणांगणम्

tasmāttvayātmanaivātmā rakṣaṇīyo varānane ityuktvā vṛṣabhārūḍho yayau rudro raṇāṁgaṇam

'Therefore, O fair-faced one, you yourself must guard yourself.' Having said this, Rudra, mounted upon his bull, went to the battlefield,

Verse 55 (padma.6.12.55)

त्रिंशन्महाब्जसाहस्रैः प्रमथानां वृतः शिवः । वीरभद्रो रथेनाशु सिंहयुक्तेन सत्वरः

triṁśanmahābjasāhasraiḥ pramathānāṁ vṛtaḥ śivaḥ vīrabhadro rathenāśu siṁhayuktena satvaraḥ

surrounded by thirty thousand mighty Pramatha-attendants; Virabhadra, swiftly, upon a chariot yoked with lions,

Verse 56 (padma.6.12.56)

वामपार्श्वं महेशस्य शूरो रक्षति पार्थिव । मणिभद्रो ऽश्वयुक्तेन रथेन परवीरहा

vāmapārśvaṁ maheśasya śūro rakṣati pārthiva maṇibhadro 'śvayuktena rathena paravīrahā

protected, O king, the left flank of that hero Mahesha; and Manibhadra, upon a horse-yoked chariot, slayer of enemy heroes —

Verse 57 (padma.6.12.57)

दक्षिणं धूर्जटेः पार्श्वं संरक्षति धनुर्द्धरः । तुंगादुत्तीर्य शैलेंद्राद्रणं प्राप्तो गणैः सह

dakṣiṇaṁ dhūrjaṭeḥ pārśvaṁ saṁrakṣati dhanurddharaḥ tuṁgāduttīrya śaileṁdrādraṇaṁ prāpto gaṇaiḥ saha

guarded, bow in hand, the right flank of Dhurjati; descending from that lofty king of mountains, they reached the battlefield together with the attendants.

Verse 58 (padma.6.12.58)

दृष्ट्वा जगर्जुस्ते दैत्या महेशानं वृषस्थितम् । ततो महान्निनादोऽभूद्दैत्यप्रमथसेनयोः

dṛṣṭvā jagarjuste daityā maheśānaṁ vṛṣasthitam tato mahānninādo'bhūddaityapramathasenayoḥ

Seeing Mahesha thus mounted on his bull, those demons roared; then a great uproar arose between the demon and Pramatha armies.

Verse 59 (padma.6.12.59)

तयोरभून्मिथो राजन्संप्रमर्दोऽथ दारुणः । ततो नंदी महाकालः कालस्कंदौ महाबलः

tayorabhūnmitho rājansaṁpramardo'tha dāruṇaḥ tato naṁdī mahākālaḥ kālaskaṁdau mahābalaḥ

O king, a terrible mutual clash then broke out between them; then Nandi, Mahakala, Kala, and mighty Skanda,

Verse 60 (padma.6.12.60)

माल्यवान्पुष्पदंतश्च वृषली स्वर्णदंतिकः । चंडीशो मदनश्चंडः कूष्मांडो गुप्तलोमकः

mālyavānpuṣpadaṁtaśca vṛṣalī svarṇadaṁtikaḥ caṁḍīśo madanaścaṁḍaḥ kūṣmāṁḍo guptalomakaḥ

Malyavan, Pushpadanta, Vrishali, Svarnadantika, Chandisha, Madana, Chanda, Kushmanda, Guptalomaka —

Verse 61 (padma.6.12.61)

ये ये पूर्वं रणे भग्नाः प्राप्तास्ते रणसंकटम् । शिवस्य पुरतो दैत्या युयुधुस्ते महाबलाः

ye ye pūrvaṁ raṇe bhagnāḥ prāptāste raṇasaṁkaṭam śivasya purato daityā yuyudhuste mahābalāḥ

all who had earlier been routed in battle now returned to that dangerous fray; and before Shiva, those mighty demons fought on.

Verse 62 (padma.6.12.62)

गणदानवयोधानां संग्रामोऽभूद्भयावहः । ततो गणानां विद्राव्य सैन्यं ते च महाबलाः

gaṇadānavayodhānāṁ saṁgrāmo'bhūdbhayāvahaḥ tato gaṇānāṁ vidrāvya sainyaṁ te ca mahābalāḥ

A terrifying battle broke out between the attendants and the demon-warriors; then, having routed the attendants' army, those mighty ones —

Verse 63 (padma.6.12.63)

रणे संवेष्टयामासुः शरौघैः सर्वतः शिवम् । शूलैः कुंतैर्गदाभिश्च मुद्गरैः परिघैरपि

raṇe saṁveṣṭayāmāsuḥ śaraughaiḥ sarvataḥ śivam śūlaiḥ kuṁtairgadābhiśca mudgaraiḥ parighairapi

surrounded Shiva on every side in that battle with a hail of arrows, and with tridents, spears, maces, clubs, and iron bars —

Verse 64 (padma.6.12.64)

इंद्रियाणि यथात्मानं विषयैः पंचपंचभिः । जघानाथ रणे दैत्याञ्छंभुर्बाणैः सुदारुणैः । यथाशु माघः पापानि हंति स्नानेन तत्क्षणात्

iṁdriyāṇi yathātmānaṁ viṣayaiḥ paṁcapaṁcabhiḥ jaghānātha raṇe daityāñchaṁbhurbāṇaiḥ sudāruṇaiḥ yathāśu māghaḥ pāpāni haṁti snānena tatkṣaṇāt

as the senses beset the soul with their five times five objects. Then Shambhu struck down the demons in battle with his most terrible arrows — as swiftly as the month of Magha destroys sins through a single bath, in that very instant.