The Glory of Bhutalaya, Ghateshvara, and Vaidyanatha

Verse 1 (padma.6.165.1)

महादेव उवाच। भूतालयं ततो गच्छेत्तीर्थं पापहरं पदम् । भूतालयो वटो यत्र यत्र प्राची तु चंदना

mahādeva uvāca bhūtālayaṃ tato gacchettīrthaṃ pāpaharaṃ padam bhūtālayo vaṭo yatra yatra prācī tu caṃdanā

Mahadeva said: One should then go to Bhutalaya, a tirtha and place that removes sin, where the Bhutalaya banyan tree stands, and where the Chandana river flows eastward.

Verse 2 (padma.6.165.2)

भूतालये नरः स्नात्वा कृष्णाष्टम्यामुपोषितः । यस्तु कृष्णतिलान्दद्यान्न स प्रेतोऽभिजायते

bhūtālaye naraḥ snātvā kṛṣṇāṣṭamyāmupoṣitaḥ yastu kṛṣṇatilāndadyānna sa preto'bhijāyate

A man who bathes at Bhutalaya, fasting on the dark eighth lunar day, and who gives black sesame seeds, is not born as a ghost.

Verse 3 (padma.6.165.3)

पितॄनुद्दिश्य यो दद्यादुदकुंभं तिलैः सह । पूर्वजान्प्रेतभावात्स मोचयेन्नात्र संशयः

pitṝnuddiśya yo dadyādudakuṃbhaṃ tilaiḥ saha pūrvajānpretabhāvātsa mocayennātra saṃśayaḥ

Whoever offers a pot of water together with sesame, dedicated to the ancestors, releases his forefathers from the state of ghosthood -- there is no doubt of this.

Verse 4 (padma.6.165.4)

यस्य नाम्ना नरः स्नाति प्रेतत्वात्स विमुच्यते । चतुर्दश्यामथाष्टम्यां प्रभाते विमलोदके

yasya nāmnā naraḥ snāti pretatvātsa vimucyate caturdaśyāmathāṣṭamyāṃ prabhāte vimalodake

Whoever bathes in the name of an ancestor, that ancestor is freed from the state of a ghost -- on the fourteenth or the eighth day, at dawn, in the pure water,

Verse 5 (padma.6.165.5)

तीर्थे भूतालये स्नात्वा दृष्ट्वा भूतालयं वटम् । भूतेश्वरप्रसादेन भूतेभ्यो न लभेद्भयम्

tīrthe bhūtālaye snātvā dṛṣṭvā bhūtālayaṃ vaṭam bhūteśvaraprasādena bhūtebhyo na labhedbhayam

at the tirtha of Bhutalaya. Having bathed and beheld the Bhutalaya banyan tree, through the grace of Bhuteshvara one no longer has fear from spirits.

Verse 6 (padma.6.165.6)

इति श्रीभूतेश्वरतीर्थम् । अतस्तीर्थात्परं तीर्थं घटेश्वरमिति स्मृतम् । यत्र स्नात्वा तु तं दृष्ट्वा मुक्तिभागी भवेद्ध्रुवम्

iti śrībhūteśvaratīrtham atastīrthātparaṃ tīrthaṃ ghaṭeśvaramiti smṛtam yatra snātvā tu taṃ dṛṣṭvā muktibhāgī bhaveddhruvam

Thus the tirtha of Shri Bhuteshvara. Beyond this tirtha is another, called Ghateshvara; bathing there and beholding him, one certainly becomes a partaker of liberation.

Verse 7 (padma.6.165.7)

यत्र साभ्रमती तीर्थं घटो वै परमो महान् । दृष्ट्वा चैव महादेवं मुच्यते नात्र संशयः

yatra sābhramatī tīrthaṃ ghaṭo vai paramo mahān dṛṣṭvā caiva mahādevaṃ mucyate nātra saṃśayaḥ

There the Sabarmati forms a tirtha, and there is a supremely great water-pot. Having beheld the great god there, one is released -- there is no doubt of this.

Verse 8 (padma.6.165.8)

तत्र गत्वा विशेषेण प्लक्षपूजां करोति यः । मनसाभीप्सितान्कामाँल्लभते मानवो भुवि

tatra gatvā viśeṣeṇa plakṣapūjāṃ karoti yaḥ manasābhīpsitānkāmā~llabhate mānavo bhuvi

Whoever goes there and especially performs worship of the plaksha, the sacred fig tree, obtains upon this earth whatever desires are cherished in his mind.

Verse 9 (padma.6.165.9)

इति घटेश्वरतीर्थम् । ततो गच्छेन्नरो भक्त्या वैद्यनाथेति विश्रुतम् । तत्र स्नात्वा नरस्तीर्थे शिवपूजनतत्परः

iti ghaṭeśvaratīrtham tato gacchennaro bhaktyā vaidyanātheti viśrutam tatra snātvā narastīrthe śivapūjanatatparaḥ

Thus the tirtha of Ghateshvara. Thereafter a man should go with devotion to the tirtha renowned as Vaidyanatha; bathing there, and intent upon the worship of Shiva,

Verse 10 (padma.6.165.10)

पितॄन्संतर्प्य विधिना सर्वयज्ञफलं लभेत् । विजयो देवसंभूतः सर्वपापक्षयंकरः । यं दृष्ट्वा विविधान्कामान्प्राप्नुयुस्ते नराः सदा

pitṝnsaṃtarpya vidhinā sarvayajñaphalaṃ labhet vijayo devasaṃbhūtaḥ sarvapāpakṣayaṃkaraḥ yaṃ dṛṣṭvā vividhānkāmānprāpnuyuste narāḥ sadā

and having duly offered libations to the ancestors, he obtains the fruit of every sacrifice. Vijaya, born of the gods, is the destroyer of all sin; beholding him, men ever obtain their manifold desires.