Jaya Ekadashi of Magha Shukla

Verse 1 (padma.6.43.1)

युधिष्ठिर उवाच- साधु कृष्ण त्वया प्रोक्तमादिदेवो भवान्प्रभो । स्वेदजा अंडजाश्चैव उद्भिज्जाश्च जरायुजाः

yudhiṣṭhira uvāca- sādhu kṛṣṇa tvayā proktamādidevo bhavānprabho svedajā aṁḍajāścaiva udbhijjāśca jarāyujāḥ

Yudhishthira said: Well spoken, O Krishna; you yourself are the primal Lord - of beings born from sweat, from eggs, from the earth, and from the womb -

Verse 2 (padma.6.43.2)

तेषां कर्त्ता विकर्त्ता त्वं पालकः क्षयकारकः । माघस्य कृष्णपक्षे तु षट्तिला कथिता त्वया

teṣāṁ karttā vikarttā tvaṁ pālakaḥ kṣayakārakaḥ māghasya kṛṣṇapakṣe tu ṣaṭtilā kathitā tvayā

of all these you are the creator, the un-creator, the protector, and the destroyer. You have told me of Shattila Ekadashi in the dark fortnight of Magha.

Verse 3 (padma.6.43.3)

शुक्ले च का भवेद्देव कथयस्व प्रसादतः । किं नाम को विधिस्तस्याः को देवस्तत्र पूज्यते

śukle ca kā bhaveddeva kathayasva prasādataḥ kiṁ nāma ko vidhistasyāḥ ko devastatra pūjyate

O Lord, which Ekadashi falls in the bright fortnight? Kindly tell me. What is its name, what is its rite, and which deity is worshipped there?

Verse 4 (padma.6.43.4)

श्रीकृष्ण उवाच- कथयिष्यामि राजेंद्र शुक्ले माघस्य या भवेत् । जया नामेति विख्याता सर्वपापहरा परा

śrīkṛṣṇa uvāca- kathayiṣyāmi rājeṁdra śukle māghasya yā bhavet jayā nāmeti vikhyātā sarvapāpaharā parā

Sri Krishna said: O lord of kings, I shall now speak of the Ekadashi in the bright fortnight of Magha. It is renowned by the name Jaya - the supreme Ekadashi that removes every sin.

Verse 5 (padma.6.43.5)

पवित्रा पापहंत्री च कामदा मोक्षदा नृणाम् । ब्रह्महत्यापहंत्री च पिशाचत्वविनाशिनी

pavitrā pāpahaṁtrī ca kāmadā mokṣadā nṛṇām brahmahatyāpahaṁtrī ca piśācatvavināśinī

It is pure, it destroys sin, and it grants both desire and liberation to men. It removes even the sin of killing a brahmin, and it destroys the state of being a ghoul (pishacha).

Verse 6 (padma.6.43.6)

नैव तस्या व्रते चीर्णे प्रेतत्वं जायते नृणाम् । नातः परतरा काचित्पापघ्नी मोक्षदायिनी

naiva tasyā vrate cīrṇe pretatvaṁ jāyate nṛṇām nātaḥ paratarā kācitpāpaghnī mokṣadāyinī

By observing this vow, men never come to the state of a wandering ghost (preta). None other surpasses it in destroying sin and granting liberation.

Verse 7 (padma.6.43.7)

एतस्मात्कारणाद्राजन्कर्त्तव्या सा प्रयत्नतः । श्रूयतां राजशार्दूल कथा पौराणिकी शुभा

etasmātkāraṇādrājankarttavyā sā prayatnataḥ śrūyatāṁ rājaśārdūla kathā paurāṇikī śubhā

For this very reason, O king, it must be observed with careful effort. O tiger among kings, now listen to this auspicious Puranic tale.

Verse 8 (padma.6.43.8)

पंकजे च पुराणेऽस्या महिमा कथितो मया । एकदा नाकलोके वै इंद्रो राज्यं चकार ह

paṁkaje ca purāṇe'syā mahimā kathito mayā ekadā nākaloke vai iṁdro rājyaṁ cakāra ha

I have told this glory in the Padma Purana itself. Once, in the heavenly world, Indra was ruling as king.

Verse 9 (padma.6.43.9)

देवास्तत्र सुखेनैव निवसंति मनोरमे । पीयूषपाननिरता अप्सरोगणसेविताः

devāstatra sukhenaiva nivasaṁti manorame pīyūṣapānaniratā apsarogaṇasevitāḥ

There the gods dwelt happily in that delightful realm, absorbed in drinking nectar, and attended by throngs of apsaras.

Verse 10 (padma.6.43.10)

नंदनं तु वनं तत्र पारिजातोपसेवितम् । रमयंति रमंतेऽत्र अप्सरोभिर्दिवौकसः

naṁdanaṁ tu vanaṁ tatra pārijātopasevitam ramayaṁti ramaṁte'tra apsarobhirdivaukasaḥ

There stood the Nandana grove, graced by the parijata tree; there the dwellers of heaven took delight and sported with the apsaras.

Verse 11 (padma.6.43.11)

एकदा रममाणोऽसौ देवेंद्रः स्वेच्छया नृप । नर्त्तयामास वै हर्षात्पंचाशत्कोटिनायकः

ekadā ramamāṇo'sau deveṁdraḥ svecchayā nṛpa narttayāmāsa vai harṣātpaṁcāśatkoṭināyakaḥ

Once, O king, as he wandered there at his pleasure, the lord of Indra, ruler of fifty crore hosts, joyfully arranged for dance to be performed.

Verse 12 (padma.6.43.12)

गंधर्वास्तत्र गायंति गंधर्वः पुष्पदंतकः । चित्रसेनस्तु तत्रैव चित्रसेनसुता तथा

gaṁdharvāstatra gāyaṁti gaṁdharvaḥ puṣpadaṁtakaḥ citrasenastu tatraiva citrasenasutā tathā

There the gandharvas sang - the gandharva Pushpadantaka, and Chitrasena too was there, along with Chitrasena's daughter.

Verse 13 (padma.6.43.13)

मालिनीति च नाम्ना तु चित्रसेनस्य योषिता । मालिन्यास्तु समुत्पन्ना पुष्पदंती च नामतः

mālinīti ca nāmnā tu citrasenasya yoṣitā mālinyāstu samutpannā puṣpadaṁtī ca nāmataḥ

Chitrasena's wife was named Malini; the daughter born of Malini was known by the name Pushpadanti.

Verse 14 (padma.6.43.14)

पुष्पदंतस्य पुत्रोऽसौ माल्यवान्नाम नामतः । पुष्पदंत्याश्च रूपेण माल्यवानतिमोहितः

puṣpadaṁtasya putro'sau mālyavānnāma nāmataḥ puṣpadaṁtyāśca rūpeṇa mālyavānatimohitaḥ

Pushpadanta's son was known by the name Malyavan; Malyavan became utterly enchanted by Pushpadanti's beauty.

Verse 15 (padma.6.43.15)

तया ह्येवं कटाक्षैश्च माल्यवांश्च वशीकृतः । लावण्यं रूपसंपन्नं तस्या रूपं निशामय

tayā hyevaṁ kaṭākṣaiśca mālyavāṁśca vaśīkṛtaḥ lāvaṇyaṁ rūpasaṁpannaṁ tasyā rūpaṁ niśāmaya

By her sidelong glances Malyavan was drawn wholly under her sway; behold her beauty, filled with grace and loveliness -

Verse 16 (padma.6.43.16)

बाहू तस्याश्च कामेन कंठपाशौ कृताविव । कर्णायते तु नयने रक्तांते घूर्णिते तथा

bāhū tasyāśca kāmena kaṁṭhapāśau kṛtāviva karṇāyate tu nayane raktāṁte ghūrṇite tathā

Kama seemed to have fashioned her two arms into a noose about the neck; her eyes reached to her ears and rolled with reddened corners.

Verse 17 (padma.6.43.17)

कर्णौ तु शोभनौ तस्याः कुण्डलाभ्यां नृपोत्तम । कंबुग्रीवायुता सैव दिव्याभरणभूषिता

karṇau tu śobhanau tasyāḥ kuṇḍalābhyāṁ nṛpottama kaṁbugrīvāyutā saiva divyābharaṇabhūṣitā

O best of kings, her ears were adorned with beautiful earrings; her neck was shaped like a conch, and she was decked with celestial ornaments.

Verse 18 (padma.6.43.18)

पीनोन्नतौ कुचौ तस्यास्तौ हेमकलशाविव । मध्यं क्षामं च चार्वंग्या मुष्टिग्राह्यमनुत्तमम्

pīnonnatau kucau tasyāstau hemakalaśāviva madhyaṁ kṣāmaṁ ca cārvaṁgyā muṣṭigrāhyamanuttamam

Her two breasts were full and raised, like golden pitchers; that lovely woman's waist was slender, graspable within a single fist.

Verse 19 (padma.6.43.19)

नितंबौ विस्तृतौ चास्या विस्तीर्णा जघनस्थली । चरणौ शोभमानौ च रक्तोत्पलसमद्युती

nitaṁbau vistṛtau cāsyā vistīrṇā jaghanasthalī caraṇau śobhamānau ca raktotpalasamadyutī

Her hips were broad and her thighs full and spread; her feet were beautiful, glowing like red lotuses.

Verse 20 (padma.6.43.20)

ईदृश्या पुष्पवत्या स माल्यवानतिमोहितः । शक्रस्य परितोषाय नृत्यार्थं तौ समागतौ

īdṛśyā puṣpavatyā sa mālyavānatimohitaḥ śakrasya paritoṣāya nṛtyārthaṁ tau samāgatau

Malyavan became utterly enchanted by such a Pushpadanti. Both of them had come there to dance for Indra's delight.

Verse 21 (padma.6.43.21)

गायमानौ तु तौ तत्र अप्सरोगणसेवितौ । मदनाभिपरीतांगौ पुष्पदंती च माल्यवान्

gāyamānau tu tau tatra apsarogaṇasevitau madanābhiparītāṁgau puṣpadaṁtī ca mālyavān

There, attended by throngs of apsaras, the two of them began to sing; Pushpadanti and Malyavan, their limbs pervaded by desire,

Verse 22 (padma.6.43.22)

परस्परानुरागेण व्यामोहवशमागतौ । न शुद्धगानं गायेतां चित्तभ्रमसमन्वितौ

parasparānurāgeṇa vyāmohavaśamāgatau na śuddhagānaṁ gāyetāṁ cittabhramasamanvitau

fell under the sway of mutual infatuation; with their minds distracted, they could not sing the song purely.

Verse 23 (padma.6.43.23)

बद्धदृष्टी तथान्योन्यं कामबाणवशं गतौ । ज्ञात्वा लेखर्षभस्तत्र संगतं मानसं तयोः

baddhadṛṣṭī tathānyonyaṁ kāmabāṇavaśaṁ gatau jñātvā lekharṣabhastatra saṁgataṁ mānasaṁ tayoḥ

With their gazes locked upon each other, both fell under the sway of Kama's arrow. Then, perceiving the state of their minds thus joined, the foremost scribe [there present],

Verse 24 (padma.6.43.24)

तालक्रियामानलोपात्तथा गीतविसर्जनात् । चिंतयित्वा तु मघवा ह्यवमानं तथात्मनः

tālakriyāmānalopāttathā gītavisarjanāt ciṁtayitvā tu maghavā hyavamānaṁ tathātmanaḥ

seeing the failure of the rhythm and the scattering of the song, Indra, reflecting on this as an affront to himself,

Verse 25 (padma.6.43.25)

कुपितश्च तयोरर्थे शापं दास्यन्निदं जगौ । धिग्धिग्वां पतितौ मूढावाज्ञाभंग कृतौ मम

kupitaśca tayorarthe śāpaṁ dāsyannidaṁ jagau dhigdhigvāṁ patitau mūḍhāvājñābhaṁga kṛtau mama

grew angry with them both and, about to curse them, spoke thus: 'Shame, shame upon you two fools, who have fallen by breaking my command.'

Verse 26 (padma.6.43.26)

युवां पिशाचौ भवतां दंपतीभावधारिणौ । मर्त्यलोकमनुप्राप्तौ भुंजानौ कर्मणः फलम्

yuvāṁ piśācau bhavatāṁ daṁpatībhāvadhāriṇau martyalokamanuprāptau bhuṁjānau karmaṇaḥ phalam

'You two shall become pishachas [ghouls], bound in the state of husband and wife; you shall go to the mortal world and suffer the fruit of your deed.'

Verse 27 (padma.6.43.27)

एवं मघवता शप्तावुभौ दुःखितमानसौ । हिमवंतं गिरिं प्राप्ताविंद्रशापाद्विमोहितौ

evaṁ maghavatā śaptāvubhau duḥkhitamānasau himavaṁtaṁ giriṁ prāptāviṁdraśāpādvimohitau

Thus cursed by Indra, the two of them, sorrowful at heart and dazed by Indra's curse, arrived at the Himalaya mountain.

Verse 28 (padma.6.43.28)

उभौ पिशाचतां प्राप्तौ दारुणं दुःखमेव च । संतप्तमानसौ तत्र हिमकृच्छ्रगतावुभौ

ubhau piśācatāṁ prāptau dāruṇaṁ duḥkhameva ca saṁtaptamānasau tatra himakṛcchragatāvubhau

Both of them attained the state of pishachas and fell into terrible suffering; with tormented minds, they endured the harsh affliction of the snow.

Verse 29 (padma.6.43.29)

गंधर्वत्वमप्सरस्त्वं न जानीतो विमौहितौ । पीड्यमानौ निदाघेन देहपातकजेन च

gaṁdharvatvamapsarastvaṁ na jānīto vimauhitau pīḍyamānau nidāghena dehapātakajena ca

Bewildered, the two no longer knew themselves as gandharva and apsara; afflicted by the burning heat born of their fallen bodies,

Verse 30 (padma.6.43.30)

न निशायां सुखं शांतिं लभेते कर्मपीडितौ । परस्परं वादमानौ चेरतुर्गिरिगह्वरे

na niśāyāṁ sukhaṁ śāṁtiṁ labhete karmapīḍitau parasparaṁ vādamānau ceraturgirigahvare

tormented by their own deed, they found neither joy nor peace even by night; quarreling with one another, they wandered through the mountain caves.

Verse 31 (padma.6.43.31)

पीड्यमानौ तु शीतेन तुषारप्रभवेन तौ । दंतघर्षं प्रकुर्वाणौ रोमांचितवपुर्द्धरौ

pīḍyamānau tu śītena tuṣāraprabhavena tau daṁtagharṣaṁ prakurvāṇau romāṁcitavapurddharau

Afflicted by the cold born of the frost, the two chattered their teeth and bore bodies covered with gooseflesh.

Verse 32 (padma.6.43.32)

ऊचे पिशाचः स तदा तां पत्नीं स्वां पिशाचिकाम् । किमनल्पकृतं पापं दारुणं रोमहर्षणम्

ūce piśācaḥ sa tadā tāṁ patnīṁ svāṁ piśācikām kimanalpakṛtaṁ pāpaṁ dāruṇaṁ romaharṣaṇam

Then that pishacha spoke to his wife, that pishachi: 'What great and terrible sin, one to make the hair stand on end, have I committed,

Verse 33 (padma.6.43.33)

येन प्राप्तं पिशाचत्वं स्वेन दुष्कृतकर्मणा । नरकं दारुणं मत्वा पिशाचत्वं च दुःखदम्

yena prāptaṁ piśācatvaṁ svena duṣkṛtakarmaṇā narakaṁ dāruṇaṁ matvā piśācatvaṁ ca duḥkhadam

that by my own evil deed I have obtained this state of a pishacha? Even hell is thought terrible, but this pishacha-state brings still greater suffering.

Verse 34 (padma.6.43.34)

तस्मात्सर्वप्रयत्नेन पातकं न समाचरेत् । इति चिंतापरौ तत्र तावास्तां दुःखकर्षितौ

tasmātsarvaprayatnena pātakaṁ na samācaret iti ciṁtāparau tatra tāvāstāṁ duḥkhakarṣitau

Therefore a man should by every effort avoid committing sin.' Thus, lost in such thought, the two remained there, worn down by suffering.

Verse 35 (padma.6.43.35)

दैवयोगात्तयोः प्राप्ता माघस्यैकादशी तिथिः । जयानामेति विख्याता तिथीनामुत्तमा तिथिः

daivayogāttayoḥ prāptā māghasyaikādaśī tithiḥ jayānāmeti vikhyātā tithīnāmuttamā tithiḥ

By divine chance, the Ekadashi tithi of Magha came upon them - the one known by the name Jaya, the most excellent of all tithis.

Verse 36 (padma.6.43.36)

तस्मिन्दिने तु संप्राप्ते तावाहारविवर्जितौ । आसाते तत्र नृपते जलपानविवर्जितौ

tasmindine tu saṁprāpte tāvāhāravivarjitau āsāte tatra nṛpate jalapānavivarjitau

When that day arrived, the two of them remained without food; O king, they sat there without even taking water.

Verse 37 (padma.6.43.37)

न कृतो जीवघातश्च न पत्रफलभक्षणम् । अश्वत्थस्य समीपे तौ सर्वदा दुःखसंयुतौ

na kṛto jīvaghātaśca na patraphalabhakṣaṇam aśvatthasya samīpe tau sarvadā duḥkhasaṁyutau

They neither harmed any living creature nor ate any leaf or fruit; near an ashvattha (peepal) tree the two remained, ever sunk in suffering.

Verse 38 (padma.6.43.38)

रविरस्तंगतो राजंस्तथैव स्थितयोस्तयोः । प्राप्ता चैव निशा घोरा दारुणा प्राणहारिणी

ravirastaṁgato rājaṁstathaiva sthitayostayoḥ prāptā caiva niśā ghorā dāruṇā prāṇahāriṇī

O king, as the sun set while the two remained in that very state, that dreadful, terrible, life-threatening night arrived.

Verse 39 (padma.6.43.39)

वेपमानौ ततस्तौ तु ततः सुषुपतः क्षितौ । परस्परेण संलग्नौ गात्रयोर्भुजयोरपि

vepamānau tatastau tu tataḥ suṣupataḥ kṣitau paraspareṇa saṁlagnau gātrayorbhujayorapi

Then, trembling, the two of them lay down upon the ground, their limbs and arms clasped about one another.

Verse 40 (padma.6.43.40)

न निद्रा न रतं तत्र न तौ सौख्यमविंदताम् । एवं तौ राजशार्दूल शापेनेंद्रस्य पीडितौ

na nidrā na rataṁ tatra na tau saukhyamaviṁdatām evaṁ tau rājaśārdūla śāpeneṁdrasya pīḍitau

There came neither sleep, nor union, nor any comfort of any kind. O tiger among kings, thus the two of them remained afflicted by Indra's curse.

Verse 41 (padma.6.43.41)

इत्थं तयोर्दुःखितयोर्निर्जगाम निशीथिनी । मार्तंड उदयं प्राप्तो द्वादशी दिवसागमे

itthaṁ tayorduḥkhitayornirjagāma niśīthinī mārtaṁḍa udayaṁ prāpto dvādaśī divasāgame

Thus, sorrowing, that night passed for the two of them; the sun rose and the day of Dvadashi arrived.

Verse 42 (padma.6.43.42)

मया तु राजशार्दूल तयोर्मुक्तिर्धृता हृदि । जयायाः सुव्रतं चीर्णं रात्रौ जागरणं कृतम्

mayā tu rājaśārdūla tayormuktirdhṛtā hṛdi jayāyāḥ suvrataṁ cīrṇaṁ rātrau jāgaraṇaṁ kṛtam

O tiger among kings, it was I who held their liberation in my own heart; the excellent vow of Jaya had been observed by them, and the night-vigil too had been kept.

Verse 43 (padma.6.43.43)

तस्माद्व्रतप्रभावाच्च यथाजातं तथा शृणु । द्वादशीदिवसे प्राप्ते तथा चीर्णे जया व्रते

tasmādvrataprabhāvācca yathājātaṁ tathā śṛṇu dvādaśīdivase prāpte tathā cīrṇe jayā vrate

Hear now what came of the power of that very vow. When the day of Dvadashi arrived, the vow of Jaya having thus been completed,

Verse 44 (padma.6.43.44)

विष्णोः प्रभावान्नृपते पिशाचत्वं तयोर्गतम् । पुष्पदंती माल्यवतौ पूर्वरूपौ बभूवतुः

viṣṇoḥ prabhāvānnṛpate piśācatvaṁ tayorgatam puṣpadaṁtī mālyavatau pūrvarūpau babhūvatuḥ

O king, by the power of Vishnu the state of pishacha departed from them both; Pushpadanti and Malyavan returned to their former forms.

Verse 45 (padma.6.43.45)

पुरातनस्नेहयुतौ पूर्वालंकारधारिणौ । विमानमधिरूढौ तौ गतौ नाके मनोरमे

purātanasnehayutau pūrvālaṁkāradhāriṇau vimānamadhirūḍhau tau gatau nāke manorame

Filled once more with their old love, and adorned again with their former ornaments, the two mounted a celestial chariot and went to that delightful heaven.

Verse 46 (padma.6.43.46)

देवेंद्रस्याग्रतो गत्वा प्रणामं चक्रतुर्मुदा । तथाविधौ तु तौ दृष्ट्वा मघवा विस्मितोऽब्रवीत्

deveṁdrasyāgrato gatvā praṇāmaṁ cakraturmudā tathāvidhau tu tau dṛṣṭvā maghavā vismito'bravīt

They went before Devendra and joyfully offered their salutations. Beholding them in that state, Indra, astonished, said -

Verse 47 (padma.6.43.47)

इंद्र उवाच- वद तं केन पुण्येन पिशाचत्वं हि वां गतौ । मम शापं च संप्राप्तौ केन देवेन मोचितौ

iṁdra uvāca- vada taṁ kena puṇyena piśācatvaṁ hi vāṁ gatau mama śāpaṁ ca saṁprāptau kena devena mocitau

Indra said: Tell me, by what merit have you both been freed from the state of pishachas? Having incurred my curse, by which god were you released?

Verse 48 (padma.6.43.48)

माल्यवानुवाच- वासुदेवप्रसादेन जयायास्तु व्रतेन च । पिशाचत्वं गतं स्वामिंस्तव भक्तिप्रभावतः

mālyavānuvāca- vāsudevaprasādena jayāyāstu vratena ca piśācatvaṁ gataṁ svāmiṁstava bhaktiprabhāvataḥ

Malyavan said: O lord, by the grace of Vasudeva and the power of the Jaya vow, and by the power of devotion to you as well, our state as pishachas has been removed.

Verse 49 (padma.6.43.49)

इति श्रुत्वा तु मघवा प्रत्युवाच पुनस्तथा । पवित्रौ पावनौ जातौ वंदनीयौ ममापि च

iti śrutvā tu maghavā pratyuvāca punastathā pavitrau pāvanau jātau vaṁdanīyau mamāpi ca

Hearing this, Indra replied once more: 'You two have now become pure and holy, and are worthy of reverence even to me.'

Verse 50 (padma.6.43.50)

हरिवासरकर्तारौ विष्णुभक्तिपरायणौ । हरिवासरसँल्लीना ये च कृष्णपरायणाः

harivāsarakartārau viṣṇubhaktiparāyaṇau harivāsarasam̐llīnā ye ca kṛṣṇaparāyaṇāḥ

'You are both observers of Hari's day [Ekadashi] and devoted to Vishnu-bhakti. Whoever remains absorbed in Hari's day and devoted to Krishna,

Verse 51 (padma.6.43.51)

अस्माकमपि मर्त्यास्ते पूज्याश्चैव न संशयः । विहरस्व यथासौख्यं पुष्पदंत्या सुरालये

asmākamapi martyāste pūjyāścaiva na saṁśayaḥ viharasva yathāsaukhyaṁ puṣpadaṁtyā surālaye

such mortals too are worthy of our worship, without doubt. Now go and dwell happily with Pushpadanti in the abode of the gods.'

Verse 52 (padma.6.43.52)

कृष्ण उवाच- एतस्मात्कारणाद्राजन्कर्त्तव्यो हरिवासरः । जया तु राजशार्दूल ब्रह्महत्यापहारिणी

kṛṣṇa uvāca- etasmātkāraṇādrājankarttavyo harivāsaraḥ jayā tu rājaśārdūla brahmahatyāpahāriṇī

Krishna said: For this very reason, O king, Hari's day should be observed. O tiger among kings, Jaya Ekadashi removes sin even up to the killing of a brahmin.

Verse 53 (padma.6.43.53)

सर्वदानानि तेनैव सर्वयज्ञा अशेषतः । दत्तानि कारिताश्चैव जयायास्तु व्रतं कृतम्

sarvadānāni tenaiva sarvayajñā aśeṣataḥ dattāni kāritāścaiva jayāyāstu vrataṁ kṛtam

By observing it alone, all gifts and all sacrifices are reckoned as having been given and performed in full - such is the fruit gained merely by observing the vow of Jaya.

Verse 54 (padma.6.43.54)

कल्पकोटिर्भवेत्तावद्वैकुंठे मोदते ध्रुवम् । पठनाच्छ्रवणाद्राजन्नग्निष्टोमफलं लभेत्

kalpakoṭirbhavettāvadvaikuṁṭhe modate dhruvam paṭhanācchravaṇādrājannagniṣṭomaphalaṁ labhet

For that many crore kalpas that man surely rejoices in Vaikuntha. Even by merely reading or hearing it, O king, one attains the fruit of the Agnishtoma sacrifice.