The Birth and Marriage of Jalandhara

Verse 1 (shiva.rudra.152.1)

व्यास उवाच । सनत्कुमार सर्वज्ञ ब्रह्मपुत्र नमोऽस्तु ते । श्रुतेयमद्भुता मेऽद्य कथा शम्भोर्महात्मनः

vyāsa uvāca sanatkumāra sarvajña brahmaputra namo'stu te śruteyamadbhutā me'dya kathā śambhormahātmanaḥ

Vyasa said: "O all-knowing Sanatkumara, son of Brahma, salutation to you. Today I have heard this wondrous tale of the great-souled Shambhu."

Verse 2 (shiva.rudra.152.2)

क्षिप्ते स्वतेजसि ब्रह्मन्भालनेत्रसमुद्भवे । लवणाम्भसि किं ताताभवत्तत्र वदाशु तत्

kṣipte svatejasi brahmanbhālanetrasamudbhave lavaṇāmbhasi kiṁ tātābhavattatra vadāśu tat

"O Brahmin, when that power, born of the forehead-eye, was cast into the salt ocean — what happened there, my child? Tell me quickly."

Verse 3 (shiva.rudra.152.3)

सनत्कुमार उवाच । शृणु तात महाप्राज्ञ शिवलीलां महाद्भुताम् । यच्छ्रुत्वा श्रद्धया भक्तो योगिनां गतिमाप्नुयात्

sanatkumāra uvāca śṛṇu tāta mahāprājña śivalīlāṁ mahādbhutām yacchrutvā śraddhayā bhakto yogināṁ gatimāpnuyāt

Sanatkumara said: "Listen, my greatly wise child, to this most wondrous play of Shiva — hearing which with faith, a devotee attains the very state of the yogis."

Verse 4 (shiva.rudra.152.4)

अथो शिवस्य तत्तेजो भालनेत्रसमुद्भवम् । क्षिप्तं च लवणाम्भोधौ सद्यो बालत्वमाप ह

atho śivasya tattejo bhālanetrasamudbhavam kṣiptaṁ ca lavaṇāmbhodhau sadyo bālatvamāpa ha

Then Shiva's own power, born of his forehead-eye, once cast into the salt ocean, at once took the form of a newborn child.

Verse 5 (shiva.rudra.152.5)

तत्र वै सिन्धुगङ्गायाः सागरस्य च सङ्गमे । रुरोदोच्चैः स वै बालः सर्वलोकभयङ्करः

tatra vai sindhugaṅgāyāḥ sāgarasya ca saṅgame rurodoccaiḥ sa vai bālaḥ sarvalokabhayaṅkaraḥ

There, at the meeting of the river Sindhu-Ganga and the ocean, that child, terrifying to every world, wailed aloud.

Verse 6 (shiva.rudra.152.6)

रुदतस्तस्य शब्देन प्राकम्पद्धरणी मुहुः । स्वर्गश्च सत्यलोकश्च तत्स्वनाद् बधिरीकृतः

rudatastasya śabdena prākampaddharaṇī muhuḥ svargaśca satyalokaśca tatsvanād badhirīkṛtaḥ

At the sound of his crying, the earth trembled again and again; heaven and Satyaloka were deafened by that thunderous din.

Verse 7 (shiva.rudra.152.7)

बालस्य रोदनेनैव सर्वे लोकाश्च तत्रसुः । सर्वतो लोकपालाश्च विह्वलीकृतमानसाः

bālasya rodanenaiva sarve lokāśca tatrasuḥ sarvato lokapālāśca vihvalīkṛtamānasāḥ

By the child's crying alone, all the worlds were struck with terror, and the guardians of the quarters, on every side, were thrown into distress.

Verse 8 (shiva.rudra.152.8)

किं बहूक्तेन विप्रेन्द्र चचाल सचराचरम् । भुवनं निखिलं तात रोदनात्तच्छिशोर्विभो

kiṁ bahūktena viprendra cacāla sacarācaram bhuvanaṁ nikhilaṁ tāta rodanāttacchiśorvibho

What need of many words, O foremost of Brahmins? The whole world, moving and unmoving, shook, my child, at that infant's weeping, O mighty one.

Verse 9 (shiva.rudra.152.9)

अथ ते व्याकुलाः सर्वे देवाः समुनयो द्रुतम् । पितामहं लोकगुरुं ब्रह्माणं शरणं ययुः

atha te vyākulāḥ sarve devāḥ samunayo drutam pitāmahaṁ lokaguruṁ brahmāṇaṁ śaraṇaṁ yayuḥ

Then all the gods, distraught, together with the sages, went swiftly for refuge to the Grandsire Brahma, preceptor of the worlds.

Verse 10 (shiva.rudra.152.10)

तत्र गत्वा च ते देवा मुनयश्च सवासवाः । प्रणम्य च सुसंस्तुत्य प्रोचुस्तं परमेष्ठिनम्

tatra gatvā ca te devā munayaśca savāsavāḥ praṇamya ca susaṁstutya procustaṁ parameṣṭhinam

Going there, those gods and sages, together with Vasava [Indra], bowed and duly praised him, and spoke to that one enthroned on high.

Verse 11 (shiva.rudra.152.11)

देवा ऊचुः । लोकाधीश सुराधीश भयं नः समुपस्थितम् । तन्नाशय महायोगिन् जातोऽयं ह्यद्भुतो रवः

devā ūcuḥ lokādhīśa surādhīśa bhayaṁ naḥ samupasthitam tannāśaya mahāyogin jāto'yaṁ hyadbhuto ravaḥ

The gods said: "O ruler of the worlds, ruler of the gods, a great terror has beset us. Destroy it, O great yogi — this strange, thunderous roar has arisen."

Verse 12 (shiva.rudra.152.12)

सनत्कुमार उवाच । इत्याकर्ण्य वचस्तेषां ब्रह्मा लोकपितामहः । गन्तुमैच्छत्ततस्तत्र किमेतदिति विस्मितः

sanatkumāra uvāca ityākarṇya vacasteṣāṁ brahmā lokapitāmahaḥ gantumaicchattatastatra kimetaditi vismitaḥ

Sanatkumara said: "Hearing their words, Brahma, grandsire of the worlds, astonished and wondering what this might be, resolved to go there."

Verse 13 (shiva.rudra.152.13)

ततो ब्रह्मा सुरैस्तातावतरत्सत्यलोकतः । रसां तज्ज्ञातुमिच्छन्स समुद्रमगमत्तदा

tato brahmā suraistātāvataratsatyalokataḥ rasāṁ tajjñātumicchansa samudramagamattadā

Then Brahma, my child, together with the gods, descended from Satyaloka; and, wishing to learn the truth of the matter, went then to the ocean.

Verse 14 (shiva.rudra.152.14)

यावत्तत्रागतो ब्रह्मा सर्वलोकपितामहः । तावत्समुद्रस्योत्सङ्गे तं बालं स ददर्श ह

yāvattatrāgato brahmā sarvalokapitāmahaḥ tāvatsamudrasyotsaṅge taṁ bālaṁ sa dadarśa ha

As soon as Brahma, grandsire of all the worlds, arrived there, he beheld that child cradled in the ocean's own lap.

Verse 15 (shiva.rudra.152.15)

आगतं विधिमालोक्य देवरूप्यथ सागरः । प्रणम्य शिरसा बालं तस्योत्सङ्गे न्यवेशयत्

āgataṁ vidhimālokya devarūpyatha sāgaraḥ praṇamya śirasā bālaṁ tasyotsaṅge nyaveśayat

Seeing Vidhi [Brahma] arrive, the Ocean, in his own divine form, bowed his head, and placed the child in Brahma's lap.

Verse 16 (shiva.rudra.152.16)

ततो ब्रह्माब्रवीद्वाक्यं सागरं विस्मयान्वितः । जलराशे द्रुतं ब्रूहि कस्यायं शिशुरद्भुतः

tato brahmābravīdvākyaṁ sāgaraṁ vismayānvitaḥ jalarāśe drutaṁ brūhi kasyāyaṁ śiśuradbhutaḥ

Then Brahma, filled with astonishment, spoke this word to the ocean: "O mass of waters, tell me quickly — whose is this wondrous infant?"

Verse 17 (shiva.rudra.152.17)

सनत्कुमार उवाच । ब्रह्मणो वाक्यमाकर्ण्य मुदितः सागरस्तदा । प्रत्युवाच प्रजेशं स नत्वा स्तुत्वा कृताञ्जलिः

sanatkumāra uvāca brahmaṇo vākyamākarṇya muditaḥ sāgarastadā pratyuvāca prajeśaṁ sa natvā stutvā kṛtāñjaliḥ

Sanatkumara said: "Hearing Brahma's words, the ocean, delighted, bowing and offering praise, hands folded, replied to the Lord of creatures."

Verse 18 (shiva.rudra.152.18)

समुद्र उवाच । भो भो ब्रह्मन्मया प्राप्तो बालकोऽयमजानता । प्रभवं सिन्धुगङ्गायामकस्मात्सर्वलोकप

samudra uvāca bho bho brahmanmayā prāpto bālako'yamajānatā prabhavaṁ sindhugaṅgāyāmakasmātsarvalokapa

The Ocean said: "O Brahmin, O Brahmin, O protector of all the worlds! I found this child, quite suddenly, in the Sindhu-Ganga — of his origin I know nothing."

Verse 19 (shiva.rudra.152.19)

जातकर्मादिसंस्कारान्कुरुष्वास्य जगद्गुरो । जातकोक्तफलं सर्वं विधातर्वक्तुमर्हसि

jātakarmādisaṁskārānkuruṣvāsya jagadguro jātakoktaphalaṁ sarvaṁ vidhātarvaktumarhasi

"O preceptor of the world, perform for him the birth-rites and the other sacraments. O Vidhata, you alone should declare the full destiny told by his horoscope."

Verse 20 (shiva.rudra.152.20)

सनत्कुमार उवाच । एवं वदति पाथोधौ स बालः सागरात्मजः । ब्रह्माणमग्रहीत्कण्ठे विधुन्वन्तं मुहुर्मुहुः

sanatkumāra uvāca evaṁ vadati pāthodhau sa bālaḥ sāgarātmajaḥ brahmāṇamagrahītkaṇṭhe vidhunvantaṁ muhurmuhuḥ

Sanatkumara said: "Even as the Ocean spoke thus, that child, the ocean's own son, seized Brahma by the throat, shaking him again and again."

Verse 21 (shiva.rudra.152.21)

विधूननं च तस्यैवं सर्वलोककृतो विधेः । पीडितस्य च कालेय नेत्राभ्यामगमज्जलम्

vidhūnanaṁ ca tasyaivaṁ sarvalokakṛto vidheḥ pīḍitasya ca kāleya netrābhyāmagamajjalam

O son of Kali [Vyasa], from this violent shaking, Vidhi, the maker of all the worlds, was so distressed that water flowed forth from both his eyes.

Verse 22 (shiva.rudra.152.22)

कराभ्यामब्धिजातस्य तत्सुतस्य महौजसः । कथञ्चिन्मुक्तकण्ठस्तु ब्रह्मा प्रोवाच सादरम्

karābhyāmabdhijātasya tatsutasya mahaujasaḥ kathañcinmuktakaṇṭhastu brahmā provāca sādaram

Somehow freeing his throat from the hands of that greatly powerful son of the ocean, Brahma then spoke with due regard.

Verse 23 (shiva.rudra.152.23)

ब्रह्मोवाच । शृणु सागर वक्ष्यामि तवास्य तनयस्य हि । जातकोक्तफलं सर्वं समाधानरतः खलु

brahmovāca śṛṇu sāgara vakṣyāmi tavāsya tanayasya hi jātakoktaphalaṁ sarvaṁ samādhānarataḥ khalu

Brahma said: "Listen, O Ocean; steadying myself, I shall tell you all the fruits foretold by this son of yours' horoscope."

Verse 24 (shiva.rudra.152.24)

नेत्राभ्यां विधृतं यस्मादनेनैव जलं मम । तस्माज्जलन्धरेतीह ख्यातो नाम्ना भवत्वसौ

netrābhyāṁ vidhṛtaṁ yasmādanenaiva jalaṁ mama tasmājjalandharetīha khyāto nāmnā bhavatvasau

"Since it was he who drew water from my very eyes, let him henceforth become known by the name Jalandhara."

Verse 25 (shiva.rudra.152.25)

अधुनैवैष तरुणः सर्वशास्त्रार्थपारगः । महापराक्रमो धीरो योद्धा च रणदुर्मदः

adhunaivaiṣa taruṇaḥ sarvaśāstrārthapāragaḥ mahāparākramo dhīro yoddhā ca raṇadurmadaḥ

"Even now this youth shall become one versed in the meaning of all the shastras — mighty in valor, resolute, a warrior fierce and unyielding in battle."

Verse 26 (shiva.rudra.152.26)

भविष्यति च गम्भीरः त्वं यथा समरे गुहः । सर्वजेता च सङ्ग्रामे सर्वसम्पद्विराजितः

bhaviṣyati ca gambhīraḥ tvaṁ yathā samare guhaḥ sarvajetā ca saṅgrāme sarvasampadvirājitaḥ

"He shall be as grave and deep in battle as Guha [Kartikeya] himself — conqueror of all in war, resplendent with every fortune."

Verse 27 (shiva.rudra.152.27)

दैत्यानामधिपो बालः सर्वेषां च भविष्यति । विष्णोरपि भवेज्जेता न कुतश्चित्पराभवः

daityānāmadhipo bālaḥ sarveṣāṁ ca bhaviṣyati viṣṇorapi bhavejjetā na kutaścitparābhavaḥ

"This child shall become lord of all the daityas; he shall even prove victor over Vishnu — his defeat shall come from no quarter at all."

Verse 28 (shiva.rudra.152.28)

अवध्यः सर्वभूतानां विना रुद्रं भविष्यति । यत एष समुद्भूतस्तत्रेदानीं गमिष्यति

avadhyaḥ sarvabhūtānāṁ vinā rudraṁ bhaviṣyati yata eṣa samudbhūtastatredānīṁ gamiṣyati

"He shall be unslayable by every being save Rudra, from whom he sprang; and now he shall go to that very source from which he arose."

Verse 29 (shiva.rudra.152.29)

पतिव्रतास्य भविता पत्नी सौभाग्यवर्द्धिनी । सर्वाङ्गसुन्दरी रम्या प्रियवाक्छीलसागरा

pativratāsya bhavitā patnī saubhāgyavarddhinī sarvāṅgasundarī ramyā priyavākchīlasāgarā

"His wife shall be devoted to her husband, a bringer of good fortune, lovely in every limb, delightful, sweet-spoken, an ocean of virtue."

Verse 30 (shiva.rudra.152.30)

सनत्कुमार उवाच । इत्युक्त्वा शुक्रमाहूय राज्ये तं चाभ्यषेचयत् । आमन्त्र्य सरितां नाथं ब्रह्मान्तर्द्धानमन्वगात्

sanatkumāra uvāca ityuktvā śukramāhūya rājye taṁ cābhyaṣecayat āmantrya saritāṁ nāthaṁ brahmāntarddhānamanvagāt

Sanatkumara said: "Having spoken thus, Brahma summoned Shukra and had him consecrate the child to kingship; then, taking leave of the lord of the rivers, Brahma vanished from sight."

Verse 31 (shiva.rudra.152.31)

अथ तद्दर्शनोत्फुल्लनयनः सागरस्तदा । तमात्मजं समादाय स्वगेहमगमन्मुदा

atha taddarśanotphullanayanaḥ sāgarastadā tamātmajaṁ samādāya svagehamagamanmudā

Then the ocean, his eyes bright with joy at this sight, took his son and went joyfully to his own home.

Verse 32 (shiva.rudra.152.32)

अपोषयन्महोपायैः स्वबालं मुदितात्मकः । सर्वाङ्गसुन्दरं रम्यं महाद्भुतसुतेजसम्

apoṣayanmahopāyaiḥ svabālaṁ muditātmakaḥ sarvāṅgasundaraṁ ramyaṁ mahādbhutasutejasam

Gladdened at heart, he nurtured with every care that child of his own — beautiful in every limb, lovely, of wondrous and mighty radiance.

Verse 33 (shiva.rudra.152.33)

अथाम्बुधिः समाहूय कालनेमिं महासुरम् । वृन्दाभिधां सुतां तस्य तद्भार्यार्थमयाचत

athāmbudhiḥ samāhūya kālanemiṁ mahāsuram vṛndābhidhāṁ sutāṁ tasya tadbhāryārthamayācata

Then the ocean, summoning the great asura Kalanemi, asked for the hand of his daughter, named Vrinda, to be Jalandhara's wife.

Verse 34 (shiva.rudra.152.34)

कालनेम्यसुरो वीरोऽसुराणां प्रवरः सुधीः । साधु मेनेम्बुधेर्याच्ञां स्वकर्मनिपुणो मुने

kālanemyasuro vīro'surāṇāṁ pravaraḥ sudhīḥ sādhu menembudheryācñāṁ svakarmanipuṇo mune

O sage, Kalanemi, the heroic asura, foremost and wise among the asuras, skilled in his own duty, deemed the ocean's request a worthy one.

Verse 35 (shiva.rudra.152.35)

जलन्धराय वीराय सागरप्रभवाय च । ददौ ब्रह्मविधानेन स्वसुतां प्राणवल्लभाम्

jalandharāya vīrāya sāgaraprabhavāya ca dadau brahmavidhānena svasutāṁ prāṇavallabhām

According to Vedic rite, he gave his own daughter, dear to him as life itself, to the heroic Jalandhara, born of the ocean.

Verse 36 (shiva.rudra.152.36)

तदोत्सवो महानासीद्विवाहे च तयोस्तदा । सुखं प्रापुर्नदा नद्योऽसुराश्चैवाखिला मुने

tadotsavo mahānāsīdvivāhe ca tayostadā sukhaṁ prāpurnadā nadyo'surāścaivākhilā mune

O sage, at that wedding of theirs there was great festivity; the rivers, both male and female, and all the asuras were filled with joy.

Verse 37 (shiva.rudra.152.37)

समुद्रोऽति सुखं प्राप सुतं दृष्ट्वा हि सस्त्रियम् । दानं ददौ द्विजातिभ्योऽप्यन्येभ्यश्च यथाविधि

samudro'ti sukhaṁ prāpa sutaṁ dṛṣṭvā hi sastriyam dānaṁ dadau dvijātibhyo'pyanyebhyaśca yathāvidhi

The ocean rejoiced greatly, seeing his son now with his wife; he distributed gifts to the twice-born and to others besides, according to due rite.

Verse 38 (shiva.rudra.152.38)

ये देवैर्निर्जिताः पूर्वं दैत्याः पातालसंस्थिताः । ते हि भूमण्डलं याता निर्भयाः तमुपाश्रिताः

ye devairnirjitāḥ pūrvaṁ daityāḥ pātālasaṁsthitāḥ te hi bhūmaṇḍalaṁ yātā nirbhayāḥ tamupāśritāḥ

Those daityas who had earlier been conquered by the gods, and dwelt in Patala, now came up to the surface of the earth, fearless, and took refuge in him.

Verse 39 (shiva.rudra.152.39)

ते कालनेमिप्रमुखास्ततोऽसुराः तस्मै सुतां सिन्धुसुताय दत्त्वा । बभूवुरत्यन्तमुदान्विता हि तमाश्रिता देवविनिर्जयाय

te kālanemipramukhāstato'surāḥ tasmai sutāṁ sindhusutāya dattvā babhūvuratyantamudānvitā hi tamāśritā devavinirjayāya

Those asuras, Kalanemi foremost among them, having given their daughter to that son of the ocean, became exceedingly joyful, and, taking refuge in him, set their sights on conquering the gods.

Verse 40 (shiva.rudra.152.40)

स चापि वीरोऽम्बुधिबालकोऽसौ जलन्धराख्योऽसुरवीरवीरः । सम्प्राप्य भार्यामतिसुन्दरीं वशी चकार राज्यं हि कविप्रभावात्

sa cāpi vīro'mbudhibālako'sau jalandharākhyo'suravīravīraḥ samprāpya bhāryāmatisundarīṁ vaśī cakāra rājyaṁ hi kaviprabhāvāt

And that heroic son of the ocean, Jalandhara, a hero even among the heroes of the asuras, self-mastered, having won his most beautiful wife, ruled his kingdom by the power of Kavi [Shukra].