The War Between the Gods and Jalandhara

Verse 1 (shiva.rudra.153.1)

सनत्कुमार उवाच । एकदा वारिधिसुतो वृन्दापतिरुदारधीः । सभार्यः संस्थितो वीरोऽसुरैः सर्वैः समन्वितः

sanatkumāra uvāca ekadā vāridhisuto vṛndāpatirudāradhīḥ sabhāryaḥ saṁsthito vīro'suraiḥ sarvaiḥ samanvitaḥ

Sanatkumara said: "Once, the ocean's son, Vrinda's husband, that noble-minded hero, was seated together with his wife, surrounded by all the asuras —"

Verse 2 (shiva.rudra.153.2)

तत्राजगाम सुप्रीतः सुवर्चास्त्वथ भार्गवः । तेजः पुञ्जो मूर्त इव भासयन्सकला दिशः

tatrājagāma suprītaḥ suvarcāstvatha bhārgavaḥ tejaḥ puñjo mūrta iva bhāsayansakalā diśaḥ

— there arrived, well pleased, the radiant descendant of Bhrigu [Shukra], as though an embodied mass of light, illuminating every quarter.

Verse 3 (shiva.rudra.153.3)

तं दृष्ट्वा गुरुमायान्तमसुरास्तेऽखिला द्रुतम् । प्रणेमुः प्रीतमनसः सिन्धुपुत्रोऽपि सादरम्

taṁ dṛṣṭvā gurumāyāntamasurāste'khilā drutam praṇemuḥ prītamanasaḥ sindhuputro'pi sādaram

Seeing their guru arrive, all those asuras bowed at once, their hearts glad; the son of the ocean too bowed with reverence.

Verse 4 (shiva.rudra.153.4)

दत्त्वाशीर्वचनं तेभ्यो भार्गवस्तेजसां निधिः । निषसादासने रम्ये सन्तस्थुस्तेऽपि पूर्ववत्

dattvāśīrvacanaṁ tebhyo bhārgavastejasāṁ nidhiḥ niṣasādāsane ramye santasthuste'pi pūrvavat

Bhargava, that treasury of splendor, gave them his blessing and sat upon a lovely seat; and they too remained seated, just as before.

Verse 5 (shiva.rudra.153.5)

अथ सिन्ध्वात्मजो वीरो दृष्ट्वा प्रीत्या निजां सभाम् । जलन्धरः प्रसन्नोऽभूदनष्टवरशासनः

atha sindhvātmajo vīro dṛṣṭvā prītyā nijāṁ sabhām jalandharaḥ prasanno'bhūdanaṣṭavaraśāsanaḥ

Then the heroic son of the ocean, Jalandhara — whose command none had ever defied — beheld his own assembly with delight and was glad.

Verse 6 (shiva.rudra.153.6)

तत्स्थितं छिन्नशिरसं दृष्ट्वा राहुं स दैत्यराट् । पप्रच्छ भार्गवं शीघ्रमिदं सागरनन्दनः

tatsthitaṁ chinnaśirasaṁ dṛṣṭvā rāhuṁ sa daityarāṭ papraccha bhārgavaṁ śīghramidaṁ sāgaranandanaḥ

Seeing Rahu seated there with his severed head, that lord of daityas, son of the ocean, quickly put this question to Bhargava.

Verse 7 (shiva.rudra.153.7)

जलन्धर उवाच । केनेदं विहितं राहोः शिरश्च्छेदनकं प्रभो । तद्ब्रूहि निखिलं वृत्तं यथावत्तत्त्वतो गुरो

jalandhara uvāca kenedaṁ vihitaṁ rāhoḥ śiraścchedanakaṁ prabho tadbrūhi nikhilaṁ vṛttaṁ yathāvattattvato guro

Jalandhara said: "O Lord, who was it that severed Rahu's head thus? Tell me, O guru, the whole matter, truly, exactly as it happened."

Verse 8 (shiva.rudra.153.8)

सनत्कुमार उवाच । इत्याकर्ण्य वचस्तस्य सिन्धुपुत्रस्य भार्गवः । स्मृत्वा शिवपदाम्भोजं प्रत्युवाच यथार्थवत्

sanatkumāra uvāca ityākarṇya vacastasya sindhuputrasya bhārgavaḥ smṛtvā śivapadāmbhojaṁ pratyuvāca yathārthavat

Sanatkumara said: "Hearing these words of the ocean's son, Bhargava, calling Shiva's lotus feet to mind, gave a true reply."

Verse 9 (shiva.rudra.153.9)

शुक्र उवाच । जलन्धर महावीर सर्वासुरसहायक । शृणु वृत्तान्तमखिलं यथावत्कथयामि ते

śukra uvāca jalandhara mahāvīra sarvāsurasahāyaka śṛṇu vṛttāntamakhilaṁ yathāvatkathayāmi te

Shukra said: "O Jalandhara, great hero, helper of all the asuras, listen — I shall tell you the whole account, exactly as it was."

Verse 10 (shiva.rudra.153.10)

पुराऽभवद् बलिर्वीरो विरोचनसुतो बली । हिरण्यकशिपोश्चैव प्रपौत्रो धर्मवित्तम

purā'bhavad balirvīro virocanasuto balī hiraṇyakaśipoścaiva prapautro dharmavittama

O most righteous of beings, long ago there lived a hero, Bali — mighty, the son of Virochana, and great-grandson of Hiranyakashipu.

Verse 11 (shiva.rudra.153.11)

पराजिताः सुरास्तेन रमेशं शरणं ययुः । सवासवाः स्ववृत्तान्तमाचख्युः स्वार्थसाधकाः

parājitāḥ surāstena rameśaṁ śaraṇaṁ yayuḥ savāsavāḥ svavṛttāntamācakhyuḥ svārthasādhakāḥ

Defeated by him, the gods, together with Vasava [Indra], took refuge with Ramesha [Vishnu]; seeking to secure their own ends, they related to him their whole plight.

Verse 12 (shiva.rudra.153.12)

तदाज्ञयाऽसुरैः सार्द्धं चक्रुः सन्धिमथो सुराः । स्वकार्यसिद्धये तात छलकर्मविचक्षणाः

tadājñayā'suraiḥ sārddhaṁ cakruḥ sandhimatho surāḥ svakāryasiddhaye tāta chalakarmavicakṣaṇāḥ

By his command, my child, the gods, skilled in the arts of deception, then made a treaty with the asuras, so as to accomplish their own end.

Verse 13 (shiva.rudra.153.13)

अथामृतार्थे सिन्धोश्च मन्थनं चक्रुरादरात् । विष्णोः सहायिनस्ते हि सुराः सर्वेऽसुरैस्सह

athāmṛtārthe sindhośca manthanaṁ cakrurādarāt viṣṇoḥ sahāyinaste hi surāḥ sarve'suraissaha

Then, for the sake of the nectar, all the gods, aided by Vishnu, together with the asuras, respectfully undertook the churning of the ocean.

Verse 14 (shiva.rudra.153.14)

ततो रत्नोपहरणमकार्षुर्दैत्यशत्रवः । जगृहुर्यत्नतो देवाः पपुरप्यमृतं छलात्

tato ratnopaharaṇamakārṣurdaityaśatravaḥ jagṛhuryatnato devāḥ papurapyamṛtaṁ chalāt

Then the enemies of the daityas [the gods] made off with the treasures; and by careful effort, and by deceit, the gods drank the nectar as well.

Verse 15 (shiva.rudra.153.15)

ततः पराभवं चक्रुरसुराणां सहायतः । विष्णोः सुराः सशक्रास्तेऽमृतपानाद्बलान्विताः

tataḥ parābhavaṁ cakrurasurāṇāṁ sahāyataḥ viṣṇoḥ surāḥ saśakrāste'mṛtapānādbalānvitāḥ

Then the gods, together with Shakra, strengthened by the nectar they had drunk, with Vishnu's aid brought about the asuras' defeat.

Verse 16 (shiva.rudra.153.16)

शिरश्छेदं चकारासौ पिबतश्चामृतं हरिः । राहोर्देवसभायां वै पक्षपाती हरेस्सदा

śiraśchedaṁ cakārāsau pibataścāmṛtaṁ hariḥ rāhordevasabhāyāṁ vai pakṣapātī haressadā

It was Hari who severed the head of Rahu, even as he drank the nectar in the assembly of the gods — Rahu, who had disguised himself there as one of Hari's own allies.

Verse 17 (shiva.rudra.153.17)

सनत्कुमार उवाच । एवं कविस्तस्य शिरश्छेदं राहोः शशंस च । अमृतार्थे समुद्रस्य मन्थनं देवकारितम्

sanatkumāra uvāca evaṁ kavistasya śiraśchedaṁ rāhoḥ śaśaṁsa ca amṛtārthe samudrasya manthanaṁ devakāritam

Sanatkumara said: "Thus Kavi [Shukra] related to him the severing of Rahu's head, and the churning of the ocean that the gods had brought about for the sake of nectar."

Verse 18 (shiva.rudra.153.18)

रत्नोपहरणं चैव दैत्यानां च पराभवम् । देवैरमृतपानं च कृतं सर्वं च विस्तरात्

ratnopaharaṇaṁ caiva daityānāṁ ca parābhavam devairamṛtapānaṁ ca kṛtaṁ sarvaṁ ca vistarāt

And the seizing of the treasures, the defeat of the daityas, and the drinking of the nectar by the gods — all of this he related in full detail.

Verse 19 (shiva.rudra.153.19)

तदाकर्ण्य महावीरोऽम्बुधिबालः प्रतापवान् । चुक्रोध क्रोधरक्ताक्षः स्वपितुर्मन्थनं तदा

tadākarṇya mahāvīro'mbudhibālaḥ pratāpavān cukrodha krodharaktākṣaḥ svapiturmanthanaṁ tadā

Hearing this, that greatly heroic, mighty son of the ocean grew furious — his eyes reddening with rage — at the churning that had been done to his own father.

Verse 20 (shiva.rudra.153.20)

अथ दूतं समाहूय घस्मराभिधमुत्तमम् । सर्वं शशंस चरितं यदाह गुरुरात्मवान्

atha dūtaṁ samāhūya ghasmarābhidhamuttamam sarvaṁ śaśaṁsa caritaṁ yadāha gururātmavān

Then, summoning his excellent messenger, named Ghasmara, he related to him the entire account his wise guru had told.

Verse 21 (shiva.rudra.153.21)

अथ तं प्रेषयामास स्वदूतं शक्रसन्निधौ । सम्मान्य बहुशः प्रीत्याऽभयं दत्त्वा विशारदम्

atha taṁ preṣayāmāsa svadūtaṁ śakrasannidhau sammānya bahuśaḥ prītyā'bhayaṁ dattvā viśāradam

Then, honoring that skilled envoy of his again and again with affection, and granting him assurance of safety, he sent him into Shakra's presence.

Verse 22 (shiva.rudra.153.22)

दूतस्त्रिविष्टपं तस्य जगामारमलं सुधीः । घस्मरोऽम्बुधिबालस्य सर्वदेवसमन्वितम्

dūtastriviṣṭapaṁ tasya jagāmāramalaṁ sudhīḥ ghasmaro'mbudhibālasya sarvadevasamanvitam

That wise messenger, Ghasmara, then journeyed on behalf of the ocean's son to that stainless, delightful Trivishtapa [heaven], filled with all the gods.

Verse 23 (shiva.rudra.153.23)

तत्र गत्वा स दूतस्तु सुधर्मां प्राप्य सत्वरम् । गर्वादखर्वमौलिर्हि देवेन्द्रं वाक्यमब्रवीत्

tatra gatvā sa dūtastu sudharmāṁ prāpya satvaram garvādakharvamaulirhi devendraṁ vākyamabravīt

Having arrived there, that messenger, quickly reaching the Sudharma hall, his head held high in pride, spoke this word to the lord of gods.

Verse 24 (shiva.rudra.153.24)

घस्मर उवाच । जलन्धरोऽब्धितनयः सर्वदैत्यजनेश्वरः । सुप्रतापी महावीरः स्वयं कविसहायवान्

ghasmara uvāca jalandharo'bdhitanayaḥ sarvadaityajaneśvaraḥ supratāpī mahāvīraḥ svayaṁ kavisahāyavān

Ghasmara said: "Jalandhara, son of the ocean, lord of all the daitya folk, of great renown, a mighty hero, himself aided by Kavi [Shukra] —"

Verse 25 (shiva.rudra.153.25)

दूतोऽहं तस्य वीरस्य घस्मराख्यो न घस्मरः । प्रेषितस्तेन वीरेण त्वत्सकाशमिहागतः

dūto'haṁ tasya vīrasya ghasmarākhyo na ghasmaraḥ preṣitastena vīreṇa tvatsakāśamihāgataḥ

"I am that hero's messenger, Ghasmara by name — no mere glutton despite my name. Sent by that hero, I have come here into your presence."

Verse 26 (shiva.rudra.153.26)

अव्याहताज्ञः सर्वत्र जलन्धर उदग्रधीः । निर्जिताखिलदैत्यारिः स यदाह शृणुष्व तत्

avyāhatājñaḥ sarvatra jalandhara udagradhīḥ nirjitākhiladaityāriḥ sa yadāha śṛṇuṣva tat

"Jalandhara — whose command none anywhere defies, of lofty mind, conqueror of all the daityas' foes — hear what he has said."

Verse 27 (shiva.rudra.153.27)

जलन्धर उवाच । कस्मात्त्वया मम पिता मथितः सागरोऽद्रिणा । नीतानि सर्वरत्नानि पितुर्मे देवताधम

jalandhara uvāca kasmāttvayā mama pitā mathitaḥ sāgaro'driṇā nītāni sarvaratnāni piturme devatādhama

Jalandhara said: "Why, O basest of gods, did you churn my father, the ocean, with a mountain? Why did you carry off all the treasures belonging to my father?"

Verse 28 (shiva.rudra.153.28)

उचितं न कृतं तेऽद्य तानि शीघ्रं प्रयच्छ मे । ममायाहि विचार्येत्थं शरणं दैवतैः सह

ucitaṁ na kṛtaṁ te'dya tāni śīghraṁ prayaccha me mamāyāhi vicāryetthaṁ śaraṇaṁ daivataiḥ saha

"What you have done today is not right. Restore those treasures to me at once. Consider this well, and come, together with the gods, to seek refuge in me."

Verse 29 (shiva.rudra.153.29)

अन्यथा ते भयं भूरि भविष्यति सुराधम । राज्यविध्वंसनं चैव सत्यमेतद्ब्रवीम्यहम्

anyathā te bhayaṁ bhūri bhaviṣyati surādhama rājyavidhvaṁsanaṁ caiva satyametadbravīmyaham

"Otherwise, O basest of gods, great fear shall come upon you, and your kingdom itself shall be destroyed — this I speak in truth."

Verse 30 (shiva.rudra.153.30)

सनत्कुमार उवाच । इति दूतवचः श्रुत्वा विस्मितस्त्रिदशाधिपः । उवाच तं स्मरन्निन्द्रो भयरोषसमन्वितः

sanatkumāra uvāca iti dūtavacaḥ śrutvā vismitastridaśādhipaḥ uvāca taṁ smarannindro bhayaroṣasamanvitaḥ

Sanatkumara said: "Hearing this word from the messenger, the astonished lord of the thirty gods, Indra, calling past events to mind, spoke to him, filled with both fear and anger."

Verse 31 (shiva.rudra.153.31)

अद्रयो मद्भयात् त्रस्ताः स्वकुक्षिस्था यतः कृताः । अन्येऽपि मद् द्विषस्तेन रक्षिता दितिजाः पुरा

adrayo madbhayāt trastāḥ svakukṣisthā yataḥ kṛtāḥ anye'pi mad dviṣastena rakṣitā ditijāḥ purā

"It was out of fear of me that the mountains, terrified, once took refuge within his belly [the ocean's]; and other daityas too, my enemies, were sheltered by him of old."

Verse 32 (shiva.rudra.153.32)

तस्मात्तद्रत्नजातं तु मया सर्वं हृतं किल । न तिष्ठति मम द्रोही सुखं सत्यं ब्रवीम्यहम्

tasmāttadratnajātaṁ tu mayā sarvaṁ hṛtaṁ kila na tiṣṭhati mama drohī sukhaṁ satyaṁ bravīmyaham

"Therefore I indeed seized that entire hoard of jewels. No enemy of mine ever dwells in peace — this I speak in truth."

Verse 33 (shiva.rudra.153.33)

शङ्खोऽप्येवं पुरा दैत्यो मां द्विषन्सागरात्मजः । अभवन्मूढचित्तस्तु साधुसङ्गात्समुज्झितः

śaṅkho'pyevaṁ purā daityo māṁ dviṣansāgarātmajaḥ abhavanmūḍhacittastu sādhusaṅgātsamujjhitaḥ

"Even so, long ago, the daitya Shankha, son of the ocean, who bore hatred for me, being foolish of mind, was cast out from the company of the righteous."

Verse 34 (shiva.rudra.153.34)

ममानुजेन हरिणा निहतः स हि पापधीः । हिंसकः साधुसङ्घस्य पापिष्ठः सागरोदरे

mamānujena hariṇā nihataḥ sa hi pāpadhīḥ hiṁsakaḥ sādhusaṅghasya pāpiṣṭhaḥ sāgarodare

"He, evil of mind, a harmer of the community of the virtuous, most sinful, was slain by my younger brother Hari, there within the belly of the ocean."

Verse 35 (shiva.rudra.153.35)

तद् गच्छ दूत शीघ्रं त्वं कथयस्वास्य तत्त्वतः । अब्धिपुत्रस्य सर्वं हि सिन्धोर्मन्थनकारणम्

tad gaccha dūta śīghraṁ tvaṁ kathayasvāsya tattvataḥ abdhiputrasya sarvaṁ hi sindhormanthanakāraṇam

"So go, messenger, at once, and tell that son of the ocean the whole true reason for the churning of the sea."

Verse 36 (shiva.rudra.153.36)

सनत्कुमार उवाच । इत्थं विसर्जितो दूतो घस्मराख्यः सुबुद्धिमान् । तदेन्द्रेणागमत्तूर्णं यत्र वीरो जलन्धरः

sanatkumāra uvāca itthaṁ visarjito dūto ghasmarākhyaḥ subuddhimān tadendreṇāgamattūrṇaṁ yatra vīro jalandharaḥ

Sanatkumara said: "Thus dismissed by Indra, that wise messenger, Ghasmara, went swiftly back to where the hero Jalandhara was."

Verse 37 (shiva.rudra.153.37)

तदिदं वचनं दैत्यराजो हि तेन धीमता । कथितो निखिलं शक्रप्रोक्तं दूतेन वै तदा

tadidaṁ vacanaṁ daityarājo hi tena dhīmatā kathito nikhilaṁ śakraproktaṁ dūtena vai tadā

Then that wise messenger related to the lord of the daityas the entire message that Shakra had spoken.

Verse 38 (shiva.rudra.153.38)

तन्निशम्य ततो दैत्यो रोषात्प्रस्फुरिताधरः । उद्योगमकरोत्तूर्णं सर्वदेवजिगीषया

tanniśamya tato daityo roṣātprasphuritādharaḥ udyogamakarottūrṇaṁ sarvadevajigīṣayā

Hearing this, the daitya, his lips trembling with rage, at once began his preparations, resolved on conquering all the gods.

Verse 39 (shiva.rudra.153.39)

तदोद्योगेऽसुरेन्द्रस्य दिग्भ्यः पातालतस्तथा । दितिजाः प्रत्यपद्यन्ते कोटिशः कोटिशस्तथा

tadodyoge'surendrasya digbhyaḥ pātālatastathā ditijāḥ pratyapadyante koṭiśaḥ koṭiśastathā

At that mustering of the lord of asuras, sons of Diti came forth in their millions upon millions, from every quarter, and from Patala as well.

Verse 40 (shiva.rudra.153.40)

अथ शुम्भनिशुम्भाद्यैर्बलाधिपतिकोटिभिः । निर्जगाम महावीरः सिन्धुपुत्रः प्रतापवान्

atha śumbhaniśumbhādyairbalādhipatikoṭibhiḥ nirjagāma mahāvīraḥ sindhuputraḥ pratāpavān

Then that great hero, the mighty son of the ocean, set out, accompanied by Shumbha, Nishumbha, and his other commanders, in their millions.

Verse 41 (shiva.rudra.153.41)

प्राप त्रिविष्टपं सद्यः सर्वसैन्यसमावृतः । दध्मौ शङ्खं जलधिजो नेदुर्वीराश्च सर्वतः

prāpa triviṣṭapaṁ sadyaḥ sarvasainyasamāvṛtaḥ dadhmau śaṅkhaṁ jaladhijo nedurvīrāśca sarvataḥ

Surrounded by his whole army, he swiftly reached Trivishtapa; the ocean-born blew his conch, and his warriors roared out from every side.

Verse 42 (shiva.rudra.153.42)

गत्वा त्रिविष्टपं दैत्यो नन्दनाधिष्ठितोऽभवत् । सर्वसैन्यं समावृत्य कुर्वाणः सिंहवद्रवम्

gatvā triviṣṭapaṁ daityo nandanādhiṣṭhito'bhavat sarvasainyaṁ samāvṛtya kurvāṇaḥ siṁhavadravam

Having reached Trivishtapa, the daitya took his stand in Nandana, surrounded by his whole army, roaring like a lion.

Verse 43 (shiva.rudra.153.43)

पुरमावृत्य तिष्ठत्तद् दृष्ट्वा सैन्यबलं महत् । निर्ययुस्त्वमरावत्या देवा युद्धाय दंशिताः

puramāvṛtya tiṣṭhattad dṛṣṭvā sainyabalaṁ mahat niryayustvamarāvatyā devā yuddhāya daṁśitāḥ

Seeing him encircle the city, stationed there with his vast army, the gods, armored for war, marched forth from Amaravati.

Verse 44 (shiva.rudra.153.44)

ततः समभवद्युद्धं देवदानवसेनयोः । मुसलैः परिघैर्बाणैर्गदापरशुशक्तिभिः

tataḥ samabhavadyuddhaṁ devadānavasenayoḥ musalaiḥ parighairbāṇairgadāparaśuśaktibhiḥ

Then battle broke out between the armies of gods and danavas — fought with clubs, iron bars, arrows, maces, axes, and spears.

Verse 45 (shiva.rudra.153.45)

तेऽन्योऽन्यं समधावेतां जघ्नतुश्च परस्परम् । क्षणेनाभवतां सेने रुधिरौघपरिप्लुते

te'nyo'nyaṁ samadhāvetāṁ jaghnatuśca parasparam kṣaṇenābhavatāṁ sene rudhiraughapariplute

They rushed upon one another and struck each other down; in but a moment, both armies were awash in torrents of blood.

Verse 46 (shiva.rudra.153.46)

पतितैः पात्यमानैश्च गजाश्वरथपत्तिभिः । व्यराजत रणे भूमिः सन्ध्याभ्रपटलैरिव

patitaiḥ pātyamānaiśca gajāśvarathapattibhiḥ vyarājata raṇe bhūmiḥ sandhyābhrapaṭalairiva

With elephants, horses, chariots, and foot soldiers, fallen and still falling, the battlefield glowed like a bank of clouds at evening twilight.

Verse 47 (shiva.rudra.153.47)

तत्र युद्धे मृतान्दैत्यान्भार्गवस्तानजीवयत् । विद्ययामृतजीविन्या मन्त्रितैस्तोयबिन्दुभिः

tatra yuddhe mṛtāndaityānbhārgavastānajīvayat vidyayāmṛtajīvinyā mantritaistoyabindubhiḥ

There in that battle, Bhargava revived the slain daityas by his Mrita-sanjivani knowledge, sprinkling upon them drops of water charged with mantra.

Verse 48 (shiva.rudra.153.48)

देवानपि तथा युद्धे तत्राजीवयदङ्गिराः । दिव्यौषधैः समानीय द्रोणाद्रेः स पुनः पुनः

devānapi tathā yuddhe tatrājīvayadaṅgirāḥ divyauṣadhaiḥ samānīya droṇādreḥ sa punaḥ punaḥ

Just so, in that battle, Angiras [Brihaspati] revived the gods likewise, bringing divine herbs from Mount Drona again and again.

Verse 49 (shiva.rudra.153.49)

दृष्टवान्स तथा युद्धे पुनरेव समुत्थितान् । जलन्धरः क्रोधवशो भार्गवं वाक्यमब्रवीत्

dṛṣṭavānsa tathā yuddhe punareva samutthitān jalandharaḥ krodhavaśo bhārgavaṁ vākyamabravīt

Seeing them rise up again and again in the battle, Jalandhara, overcome with rage, spoke these words to Bhargava.

Verse 50 (shiva.rudra.153.50)

जलन्धर उवाच । मया देवा हता युद्धे उत्तिष्ठन्ति कथं पुनः । त्वत्तः सञ्जीविनी विद्या नैवान्यत्रेति वै श्रुता

jalandhara uvāca mayā devā hatā yuddhe uttiṣṭhanti kathaṁ punaḥ tvattaḥ sañjīvinī vidyā naivānyatreti vai śrutā

Jalandhara said: "The gods I have slain in battle — how do they rise up again? I have heard that the Sanjivani knowledge exists nowhere except with you."

Verse 51 (shiva.rudra.153.51)

सनत्कुमार उवाच । इत्याकर्ण्य वचस्तस्य सिन्धुपुत्रस्य भार्गवः । प्रत्युवाच प्रसन्नात्मा गुरुः शुक्रो जलन्धरम्

sanatkumāra uvāca ityākarṇya vacastasya sindhuputrasya bhārgavaḥ pratyuvāca prasannātmā guruḥ śukro jalandharam

Sanatkumara said: "Hearing these words of the ocean's son, the guru Shukra, his heart glad, replied to Jalandhara."

Verse 52 (shiva.rudra.153.52)

शुक्र उवाच । दिव्यौषधीः समानीय द्रोणाद्रेरङ्गिराः सुरान् । जीवयत्येष वै तात सत्यं जानीहि मे वचः

śukra uvāca divyauṣadhīḥ samānīya droṇādreraṅgirāḥ surān jīvayatyeṣa vai tāta satyaṁ jānīhi me vacaḥ

Shukra said: "My child, it is this Angiras who revives the gods by bringing divine herbs from Mount Drona; know my word to be true."

Verse 53 (shiva.rudra.153.53)

जयमिच्छसि चेत्तात शृणु मे वचनं शुभम् । ततः सोऽरं भुजाभ्यां त्वं द्रोणमब्धावुपाहर

jayamicchasi cettāta śṛṇu me vacanaṁ śubham tataḥ so'raṁ bhujābhyāṁ tvaṁ droṇamabdhāvupāhara

"If you desire victory, my child, hear this auspicious counsel of mine: go yourself, and with your own two arms, cast Mount Drona into the sea."

Verse 54 (shiva.rudra.153.54)

सनत्कुमार उवाच । इत्युक्तः स तु दैत्येन्द्रो गुरुणा भार्गवेण ह । द्रुतं जगाम यत्रासावास्ते चैवाद्रिराट् च सः

sanatkumāra uvāca ityuktaḥ sa tu daityendro guruṇā bhārgaveṇa ha drutaṁ jagāma yatrāsāvāste caivādrirāṭ ca saḥ

Sanatkumara said: "Thus instructed by his guru Bhargava, that lord of daityas went swiftly to where that king of mountains stood."

Verse 55 (shiva.rudra.153.55)

भुजाभ्यां तरसा दैत्यो नीत्वा द्रोणं च तं तदा । प्राक्षिपत्सागरे तूर्णं चित्रं न हरतेजसि

bhujābhyāṁ tarasā daityo nītvā droṇaṁ ca taṁ tadā prākṣipatsāgare tūrṇaṁ citraṁ na haratejasi

That daitya, with his own two arms, swiftly seized that mountain Drona and at once flung it into the ocean — no great wonder, given the power he bore from Hari's own might.

Verse 56 (shiva.rudra.153.56)

पुनरायान्महावीरस्सिन्धुपुत्रो महाहवम् । जघानास्त्रैश्च विविधैः सुरान्कृत्वा बलं महत्

punarāyānmahāvīrassindhuputro mahāhavam jaghānāstraiśca vividhaiḥ surānkṛtvā balaṁ mahat

That great hero, the ocean's son, returning again to the mighty battle, and gathering his full strength, struck down the gods with manifold weapons.

Verse 57 (shiva.rudra.153.57)

अथ देवान्हतान्दृष्ट्वा द्रोणाद्रिमगमद् गुरुः । तावत्तत्र गिरीद्रं तं न ददर्श सुरार्चितः

atha devānhatāndṛṣṭvā droṇādrimagamad guruḥ tāvattatra girīdraṁ taṁ na dadarśa surārcitaḥ

Then, seeing the gods slain, the guru [Brihaspati] went to Mount Drona; but there, that one honored by the gods, could not find the mountain-king at all.

Verse 58 (shiva.rudra.153.58)

ज्ञात्वा दैत्यहृतं द्रोणं धिषणो भयविह्वलः । आगत्य देवान्प्रोवाच जीवो व्याकुलमानसः

jñātvā daityahṛtaṁ droṇaṁ dhiṣaṇo bhayavihvalaḥ āgatya devānprovāca jīvo vyākulamānasaḥ

Learning that Drona had been carried off by the daitya, Dhishana [Brihaspati], seized by fear, came to the gods and, his mind in distress, spoke to them.

Verse 59 (shiva.rudra.153.59)

गुरुरुवाच । पलायध्वं सुराः सर्वे द्रोणो नास्ति गिरिर्महान् । ध्रुवं ध्वस्तश्च दैत्येन पाथोधितनयेन हि

gururuvāca palāyadhvaṁ surāḥ sarve droṇo nāsti girirmahān dhruvaṁ dhvastaśca daityena pāthodhitanayena hi

The guru said: "Flee, all you gods! The great mountain Drona is no more — it has surely been destroyed by that daitya, the ocean's own son."

Verse 60 (shiva.rudra.153.60)

जलन्धरो महादैत्यो नायं जेतुं क्षमो यतः । रुद्रांशसम्भवो ह्येष सर्वामरविमर्दनः

jalandharo mahādaityo nāyaṁ jetuṁ kṣamo yataḥ rudrāṁśasambhavo hyeṣa sarvāmaravimardanaḥ

"This great daitya Jalandhara cannot be conquered, for he sprang from a portion of Rudra himself, and he is the crusher of every immortal."

Verse 61 (shiva.rudra.153.61)

मया ज्ञातः प्रभावोऽस्य यथोत्पन्नः स्वयं सुराः । शिवापमानकृच्छक्रचेष्टितं स्मरताखिलम्

mayā jñātaḥ prabhāvo'sya yathotpannaḥ svayaṁ surāḥ śivāpamānakṛcchakraceṣṭitaṁ smaratākhilam

"I know his power, O gods, and how he himself came to be born; recall, all of you, that whole affair of Shakra's which brought about the insult to Shiva."

Verse 62 (shiva.rudra.153.62)

सनत्कुमार उवाच । श्रुत्वा तद्वचनं देवाःसुराचार्यप्रकीर्तितम् । जयाशां त्यक्तवन्तस्ते भयविह्वलितास्तथा

sanatkumāra uvāca śrutvā tadvacanaṁ devāḥsurācāryaprakīrtitam jayāśāṁ tyaktavantaste bhayavihvalitāstathā

Sanatkumara said: "Hearing this word proclaimed by their own preceptor, the gods abandoned all hope of victory, and were overcome with fear."

Verse 63 (shiva.rudra.153.63)

दैत्यराजेन तेनातिहन्यमानाः समन्ततः । धैर्यं त्यक्त्वाऽपलायन्त दिशो दश सवासवाः

daityarājena tenātihanyamānāḥ samantataḥ dhairyaṁ tyaktvā'palāyanta diśo daśa savāsavāḥ

Struck down on every side by that lord of daityas, they, together with Vasava, abandoned all courage and fled in every direction.

Verse 64 (shiva.rudra.153.64)

देवान्विद्रावितान्दृष्ट्वा दैत्यः सागरनन्दनः । शङ्खभेरीजयरवैः प्रविवेशामरावतीम्

devānvidrāvitāndṛṣṭvā daityaḥ sāgaranandanaḥ śaṅkhabherījayaravaiḥ praviveśāmarāvatīm

Seeing the gods routed, the daitya, son of the ocean, entered Amaravati amid the blare of conches, the beat of drums, and shouts of victory.

Verse 65 (shiva.rudra.153.65)

प्रविष्टे नगरीं दैत्ये देवाः शक्रपुरोगमाः । सुवर्णाद्रिगुहां प्राप्ता न्यवसन्दैत्यतापिताः

praviṣṭe nagarīṁ daitye devāḥ śakrapurogamāḥ suvarṇādriguhāṁ prāptā nyavasandaityatāpitāḥ

When the daitya had entered the city, the gods, with Shakra at their head, tormented by him, made their way to the caves of the golden mountain [Meru] and dwelt there.

Verse 66 (shiva.rudra.153.66)

तदैव सर्वेष्वसुरोऽधिकारे- ष्विन्द्रादिकानां विनिवेश्य सम्यक् । शुम्भादिकान्दैत्यवरान् पृथक्पृथक् स्वयं सुवर्णाद्रिगुहां व्यगान्मुने

tadaiva sarveṣvasuro'dhikāre- ṣvindrādikānāṁ viniveśya samyak śumbhādikāndaityavarān pṛthakpṛthak svayaṁ suvarṇādriguhāṁ vyagānmune

O sage, that very asura then duly installed Shumbha and the other foremost daityas, each in his own right, over all the offices once held by Indra and the rest, and himself set out toward the cave of the golden mountain.