The Messenger's Dialogue

Verse 1 (shiva.rudra.157.1)

व्यास उवाच । सनत्कुमार सर्वज्ञ नारदे हि गते दिवि । दैत्यराट् किमकार्षीत्स तन्मे वद सुविस्तरात्

vyāsa uvāca sanatkumāra sarvajña nārade hi gate divi daityarāṭ kimakārṣītsa tanme vada suvistarāt

Vyasa said: "O all-knowing Sanatkumara, when Narada had gone to heaven, what did the king of daityas then do? Tell me that in full detail."

Verse 2 (shiva.rudra.157.2)

सनत्कुमार उवाच । तमामन्त्र्य गते दैत्यं नारदे दिवि दैत्यराट् । तद्रूपश्रवणादासीदनङ्गज्वरपीडितः

sanatkumāra uvāca tamāmantrya gate daityaṁ nārade divi daityarāṭ tadrūpaśravaṇādāsīdanaṅgajvarapīḍitaḥ

Sanatkumara said: "When Narada, having taken leave of the daitya, had gone to heaven, the king of daityas, from hearing of that beauty, became afflicted with the fever of desire."

Verse 3 (shiva.rudra.157.3)

अथो जलन्धरो दैत्यः कालाधीनः प्रनष्टधीः । दूतमाह्वाययामास सैंहिकेयं विमोहितः

atho jalandharo daityaḥ kālādhīnaḥ pranaṣṭadhīḥ dūtamāhvāyayāmāsa saiṁhikeyaṁ vimohitaḥ

Then the daitya Jalandhara, subject to Time, his reason lost, deluded, summoned the messenger, the son of Simhika, Rahu.

Verse 4 (shiva.rudra.157.4)

आगतं तं समालोक्य कामाक्रान्तमनाः स हि । सुसम्बोध्य समाचष्ट सिन्धुपुत्रो जलन्धरः

āgataṁ taṁ samālokya kāmākrāntamanāḥ sa hi susambodhya samācaṣṭa sindhuputro jalandharaḥ

Seeing him arrived, Jalandhara, son of the ocean, his mind overcome by desire, addressed him well and spoke.

Verse 5 (shiva.rudra.157.5)

जलन्धर उवाच । भो भो दूतवरश्रेष्ठ सर्वकार्यप्रसाधक । सैंहिकेय महाप्राज्ञ कैलासं गच्छ पर्वतम्

jalandhara uvāca bho bho dūtavaraśreṣṭha sarvakāryaprasādhaka saiṁhikeya mahāprājña kailāsaṁ gaccha parvatam

Jalandhara said: "O best and foremost of messengers, accomplisher of every task, O highly wise son of Simhika, go to Mount Kailasa."

Verse 6 (shiva.rudra.157.6)

तत्रास्ति योगी शम्भ्वाख्यस्तपस्वी च जटाधरः । भस्मभूषितसर्वाङ्गो विरक्तो विजितेन्द्रियः

tatrāsti yogī śambhvākhyastapasvī ca jaṭādharaḥ bhasmabhūṣitasarvāṅgo virakto vijitendriyaḥ

"There dwells a yogi named Shambhu, an ascetic with matted locks, his whole body adorned with ash, dispassionate, master of his senses."

Verse 7 (shiva.rudra.157.7)

तत्र गत्वेति वक्तव्यं योगिनं दूत शङ्करम् । जटाधरं विरक्तं तं निर्भयेन हृदा त्वया

tatra gatveti vaktavyaṁ yoginaṁ dūta śaṅkaram jaṭādharaṁ viraktaṁ taṁ nirbhayena hṛdā tvayā

"Going there, O messenger, this is to be said with a fearless heart to that matted-locked, dispassionate yogi, Shankara."

Verse 8 (shiva.rudra.157.8)

हे योगिंस्ते दयासिन्धो जायारत्नेन किं भवेत् । भूतप्रेतपिशाचादिसेवितेन वनौकसा

he yogiṁste dayāsindho jāyāratnena kiṁ bhavet bhūtapretapiśācādisevitena vanaukasā

"'O yogi, ocean of compassion, what use is a jewel among wives to you — a forest-dweller attended by bhutas, pretas, and pishachas?'"

Verse 9 (shiva.rudra.157.9)

मन्नाथे भुवने योगिन्नोचिता गतिरीदृशी । जायारत्नमतस्त्वं मे देहि रत्नभुजे निजम्

mannāthe bhuvane yoginnocitā gatirīdṛśī jāyāratnamatastvaṁ me dehi ratnabhuje nijam

"'O yogi, in a world where I am lord, such a state is not fitting. Therefore give to me, the true enjoyer of jewels, your own jewel among wives.'"

Verse 10 (shiva.rudra.157.10)

यानि यानि सुरत्नानि त्रैलोक्ये तानि सन्ति मे । मदधीनं जगत्सर्वं विद्धि त्वं सचराचरम्

yāni yāni suratnāni trailokye tāni santi me madadhīnaṁ jagatsarvaṁ viddhi tvaṁ sacarācaram

"'Whatever fine jewels there are in the three worlds, all are mine. Know that the entire universe, moving and unmoving, is subject to me.'"

Verse 11 (shiva.rudra.157.11)

इन्द्रस्य गजरत्नं चोच्चैःश्रवोरत्नमुत्तमम् । बलाद्गृहीतं सहसा पारिजातस्तरुस्तथा

indrasya gajaratnaṁ coccaiḥśravoratnamuttamam balādgṛhītaṁ sahasā pārijātastarustathā

"'Indra's jewel among elephants, and the excellent jewel Uchchaihshravas, I have suddenly seized by force, and likewise the Parijata tree.'"

Verse 12 (shiva.rudra.157.12)

विमानं हंससंयुक्तमङ्गणे मम तिष्ठति । रत्नभूतं महादिव्यमुत्तमं वेधसोद्भुतम्

vimānaṁ haṁsasaṁyuktamaṅgaṇe mama tiṣṭhati ratnabhūtaṁ mahādivyamuttamaṁ vedhasodbhutam

"'The swan-yoked chariot, that jewel of a vehicle, greatly divine, excellent, sprung from Brahma, stands in my courtyard.'"

Verse 13 (shiva.rudra.157.13)

महापद्मादिकं दिव्यं निधिरत्नं स्वदस्य च । छत्रं मे वारुणं गेहे काञ्चनस्रावि तिष्ठति

mahāpadmādikaṁ divyaṁ nidhiratnaṁ svadasya ca chatraṁ me vāruṇaṁ gehe kāñcanasrāvi tiṣṭhati

"'The divine treasures beginning with Mahapadma, belonging to Kubera, and Varuna's gold-dripping parasol stand in my house.'"

Verse 14 (shiva.rudra.157.14)

किञ्जल्किनी महामाला सर्वदाऽम्लानपङ्कजा । मत्पितुः सा ममैवास्ति पाशश्च कपतेस्तथा

kiñjalkinī mahāmālā sarvadā'mlānapaṅkajā matpituḥ sā mamaivāsti pāśaśca kapatestathā

"'The great garland Kinjalkini, its lotuses never fading, which was my father's, is now mine alone; and likewise Varuna's noose.'"

Verse 15 (shiva.rudra.157.15)

मृत्योरुत्क्रान्तिदा शक्तिर्मया नीता बलाद्वरा । ददौ मह्यं शुचिर्दिव्ये शुचिशौचे च वाससी

mṛtyorutkrāntidā śaktirmayā nītā balādvarā dadau mahyaṁ śucirdivye śuciśauce ca vāsasī

"'Death's own excellent power that grants departure from the body I have taken by force; and the pure one gave me two divine, spotlessly pure garments.'"

Verse 16 (shiva.rudra.157.16)

एवं योगीन्द्र रत्नानि सर्वाणि विलसन्ति मे । अतस्त्वमपि मे देहि स्वस्त्रीरत्नं जटाधर

evaṁ yogīndra ratnāni sarvāṇi vilasanti me atastvamapi me dehi svastrīratnaṁ jaṭādhara

"'Thus, O lord of yogis, all these jewels shine in my possession. Therefore you too, O matted-locked one, give me your own jewel among wives.'"

Verse 17 (shiva.rudra.157.17)

सनत्कुमार उवाच । इति श्रुत्वा वचस्तस्य नन्दिना स प्रवेशितः । जगामोग्रसभां राहुर्विस्मयोद्भुतलोचनः

sanatkumāra uvāca iti śrutvā vacastasya nandinā sa praveśitaḥ jagāmograsabhāṁ rāhurvismayodbhutalocanaḥ

Sanatkumara said: "Having heard these words, and ushered in by Nandi, Rahu, his eyes wide with astonishment, went into that terrible assembly."

Verse 18 (shiva.rudra.157.18)

तत्र गत्वा शिवं साक्षाद्देवदेवं महाप्रभुम् । स्वतेजोध्वस्ततमसं भस्मलेपविराजितम्

tatra gatvā śivaṁ sākṣāddevadevaṁ mahāprabhum svatejodhvastatamasaṁ bhasmalepavirājitam

Going there, he saw Shiva directly — the god of gods, the great lord, whose own radiance had dispelled darkness, resplendent with his coating of ash.

Verse 19 (shiva.rudra.157.19)

महाराजोपचारेण विलसन्तं महाद्भुतम् । सर्वाङ्गसुन्दरं दिव्यभूषणैर्भूषितं हरम्

mahārājopacāreṇa vilasantaṁ mahādbhutam sarvāṅgasundaraṁ divyabhūṣaṇairbhūṣitaṁ haram

He saw Hara, resplendent with the ceremony due a great king, most wondrous, beautiful in every limb, adorned with divine ornaments.

Verse 20 (shiva.rudra.157.20)

प्रणनाम च तं गर्वात्तत्तेजः क्रान्तविग्रहः । निकटं गतवान् शम्भोः स दूतो राहुसंज्ञकः

praṇanāma ca taṁ garvāttattejaḥ krāntavigrahaḥ nikaṭaṁ gatavān śambhoḥ sa dūto rāhusaṁjñakaḥ

That messenger named Rahu, his body still overcome with pride, bowed to him, having come near to Shambhu.

Verse 21 (shiva.rudra.157.21)

अथो तदग्र आसीनो वक्तुकामो हि सैंहिकः । त्र्यम्बकं स तदा संज्ञाप्रेरितो वाक्यमब्रवीत्

atho tadagra āsīno vaktukāmo hi saiṁhikaḥ tryambakaṁ sa tadā saṁjñāprerito vākyamabravīt

Then, seated before him, the son of Simhika, wishing to speak, prompted by his instructions, spoke these words to the three-eyed one.

Verse 22 (shiva.rudra.157.22)

राहुरुवाच । दैत्यपन्नगसेव्यस्य त्रैलोक्याधिपतेः सदा । दूतोऽहं प्रेषितस्तेन त्वत्सकाशमिहागतः

rāhuruvāca daityapannagasevyasya trailokyādhipateḥ sadā dūto'haṁ preṣitastena tvatsakāśamihāgataḥ

Rahu said: "I am the messenger sent by him who is ever served by daityas and serpents, the lord of the three worlds; I have come here into your presence."

Verse 23 (shiva.rudra.157.23)

जलन्धरोऽब्धितनयः सर्वदैत्यजनेश्वरः । त्रैलोक्यस्येश्वरस्सोऽथाभवत्सर्वाधिनायकः

jalandharo'bdhitanayaḥ sarvadaityajaneśvaraḥ trailokyasyeśvarasso'thābhavatsarvādhināyakaḥ

"Jalandhara, son of the ocean, lord of all daitya folk — he has now become the lord of the three worlds, the supreme sovereign over all."

Verse 24 (shiva.rudra.157.24)

स दैत्यराजो बलवान्देवानामन्तकोपमः । योगिनं त्वां समुद्दिश्य स यदाह शृणुष्व तत्

sa daityarājo balavāndevānāmantakopamaḥ yoginaṁ tvāṁ samuddiśya sa yadāha śṛṇuṣva tat

"That mighty king of daityas is like Death itself to the gods; O yogi, hear what he has said, addressing you."

Verse 25 (shiva.rudra.157.25)

महादिव्यप्रभावस्य तस्य दैत्यपतेः प्रभोः । सर्वरत्नेश्वरस्य त्वमाज्ञां शृणु वृषध्वज

mahādivyaprabhāvasya tasya daityapateḥ prabhoḥ sarvaratneśvarasya tvamājñāṁ śṛṇu vṛṣadhvaja

"O bull-bannered one, hear the command of that lord of daityas, of exceedingly divine power, lord of every jewel."

Verse 26 (shiva.rudra.157.26)

श्मशानवासिनो नित्यमस्थिमालाधरस्य च । दिगम्बरस्य ते भार्या कथं हैमवती शुभा

śmaśānavāsino nityamasthimālādharasya ca digambarasya te bhāryā kathaṁ haimavatī śubhā

"'How is it that the auspicious daughter of Himavat is the wife of you — a perpetual dweller in cremation grounds, wearer of a garland of bones, clad only in the directions?'"

Verse 27 (shiva.rudra.157.27)

अहं रत्नाधिनाथोऽस्मि सा च स्त्रीरत्नसंज्ञिता । तस्मान्ममैव सा योग्या नैव भिक्षाशिनस्तव

ahaṁ ratnādhinātho'smi sā ca strīratnasaṁjñitā tasmānmamaiva sā yogyā naiva bhikṣāśinastava

"'I am the lord of jewels, and she is known as the jewel among women; therefore she is fitting for me alone, not for you, a beggar living on alms.'"

Verse 28 (shiva.rudra.157.28)

मम वश्यास्त्रयो लोका भुञ्जेऽहं मखभागकान् । यानि सन्ति त्रिलोकेऽस्मिन् रत्नानि मम सद्मनि

mama vaśyāstrayo lokā bhuñje'haṁ makhabhāgakān yāni santi triloke'smin ratnāni mama sadmani

"'The three worlds are subject to me; I enjoy the shares of sacrifices. Whatever jewels exist in these three worlds are in my house.'"

Verse 29 (shiva.rudra.157.29)

वयं रत्नभुजस्त्वं तु योगी खलु दिगम्बरः । स्वस्त्रीरत्नं देहि मह्यं राज्ञः सुखकराः प्रजाः

vayaṁ ratnabhujastvaṁ tu yogī khalu digambaraḥ svastrīratnaṁ dehi mahyaṁ rājñaḥ sukhakarāḥ prajāḥ

"'We are enjoyers of jewels, while you are merely a sky-clad yogi. Give me your own jewel among wives — subjects find happiness under a king.'"

Verse 30 (shiva.rudra.157.30)

सनत्कुमार उवाच । वदत्येवं तथा राहौ भ्रूमध्याच्छूलपाणिनः । अभवत्पुरुषो रौद्रस्तीव्राशनिसमस्वनः

sanatkumāra uvāca vadatyevaṁ tathā rāhau bhrūmadhyācchūlapāṇinaḥ abhavatpuruṣo raudrastīvrāśanisamasvanaḥ

Sanatkumara said: "As Rahu was speaking thus, from between the brows of the trident-bearer there arose a terrible being, whose sound was like the fiercest thunderbolt."

Verse 31 (shiva.rudra.157.31)

सिंहास्यप्रचलज्जिह्वः सज्ज्वालनयनो महान् । ऊर्ध्वकेशः शुष्कतनुर्नृसिंह इव चापरः

siṁhāsyapracalajjihvaḥ sajjvālanayano mahān ūrdhvakeśaḥ śuṣkatanurnṛsiṁha iva cāparaḥ

With a lion's face and a darting tongue, blazing eyes, immense, his hair standing on end, his body gaunt — like another Narasimha.

Verse 32 (shiva.rudra.157.32)

महातनुर्महाबाहुस्तालजङ्घो भयङ्करः । अभिदुद्राव वेगेन राहुं स पुरुषो द्रुतम्

mahātanurmahābāhustālajaṅgho bhayaṅkaraḥ abhidudrāva vegena rāhuṁ sa puruṣo drutam

His body immense, his arms mighty, his shins like palm trees, terrifying — that being rushed swiftly upon Rahu.

Verse 33 (shiva.rudra.157.33)

स तं खादितुमायान्तं दृष्ट्वा राहुर्भयातुरः । अधावदातिवेगेन बहिः स च दधार तम्

sa taṁ khāditumāyāntaṁ dṛṣṭvā rāhurbhayāturaḥ adhāvadātivegena bahiḥ sa ca dadhāra tam

Seeing him coming to devour him, Rahu, overcome with fear, ran outside with the greatest speed, and that being pursued him.

Verse 34 (shiva.rudra.157.34)

राहुरुवाच । देवदेव महेशान पाहि मां शरणागतम् । सुराऽसुरैस्सदा वन्द्यः परमैश्वर्यवान् प्रभुः

rāhuruvāca devadeva maheśāna pāhi māṁ śaraṇāgatam surā'suraissadā vandyaḥ paramaiśvaryavān prabhuḥ

Rahu said: "O god of gods, great lord, protect me, who have come for refuge — you who are ever worshipped by gods and asuras, the supremely powerful lord."

Verse 35 (shiva.rudra.157.35)

ब्राह्मणं मां महादेव खादितुं समुपागतः । पुरुषोऽयं तवेशान सेवकोऽतिभयङ्करः

brāhmaṇaṁ māṁ mahādeva khādituṁ samupāgataḥ puruṣo'yaṁ taveśāna sevako'tibhayaṅkaraḥ

"O Mahadeva, O Isha, this exceedingly terrifying servant of yours has come to devour me, a brahmin."

Verse 36 (shiva.rudra.157.36)

एतस्माद्रक्ष देवेश शरणागतवत्सलः । न खादेत यथायं मां नमस्तेऽस्तु मुहुर्मुहुः

etasmādrakṣa deveśa śaraṇāgatavatsalaḥ na khādeta yathāyaṁ māṁ namaste'stu muhurmuhuḥ

"O lord of gods, protector of those who take refuge, save me from him, so that he may not devour me — salutations to you, again and again."

Verse 37 (shiva.rudra.157.37)

सनत्कुमार उवाच । महादेवो वचः श्रुत्वा ब्राह्मणस्य तदा मुने । अब्रवीत्स्वगणं तं वै दीनानाथप्रियः प्रभुः

sanatkumāra uvāca mahādevo vacaḥ śrutvā brāhmaṇasya tadā mune abravītsvagaṇaṁ taṁ vai dīnānāthapriyaḥ prabhuḥ

Sanatkumara said: "O sage, Mahadeva, hearing the brahmin's words, that lord who loves the wretched and the helpless spoke to his own gana."

Verse 38 (shiva.rudra.157.38)

महादेव उवाच । प्रभुं च ब्राह्मणं दूतं राह्वाख्यं शरणागतम् । शरण्या रक्षणीया हि न दण्ड्या गणसत्तम

mahādeva uvāca prabhuṁ ca brāhmaṇaṁ dūtaṁ rāhvākhyaṁ śaraṇāgatam śaraṇyā rakṣaṇīyā hi na daṇḍyā gaṇasattama

Mahadeva said: "O best of ganas, this brahmin messenger named Rahu, though himself a lord, has come for refuge; those who take refuge are to be protected, not punished."

Verse 39 (shiva.rudra.157.39)

सनत्कुमार उवाच । इत्युक्तौ गिरिजेशेन सगणः करुणात्मना । राहुं तत्याज सहसा ब्राह्मणेति श्रुताक्षरः

sanatkumāra uvāca ityuktau girijeśena sagaṇaḥ karuṇātmanā rāhuṁ tatyāja sahasā brāhmaṇeti śrutākṣaraḥ

Sanatkumara said: "Thus addressed by the compassionate lord of Girija, that gana, upon hearing the word 'brahmin,' at once let Rahu go."

Verse 40 (shiva.rudra.157.40)

राहुं त्यक्त्वाम्बरे सोऽथ पुरुषो दीनया गिरा । शिवोपकण्ठमागत्य महादेवं व्यजिज्ञपत्

rāhuṁ tyaktvāmbare so'tha puruṣo dīnayā girā śivopakaṇṭhamāgatya mahādevaṁ vyajijñapat

Having let Rahu go into the sky, that being then came near to Shiva and, in a plaintive voice, petitioned Mahadeva.

Verse 41 (shiva.rudra.157.41)

पुरुष उवाच । देवदेव महादेव करुणाकर शङ्कर । त्याजितं मम भक्ष्यं ते शरणागतवत्सल

puruṣa uvāca devadeva mahādeva karuṇākara śaṅkara tyājitaṁ mama bhakṣyaṁ te śaraṇāgatavatsala

That being said: "O god of gods, Mahadeva, wellspring of compassion, Shankara — O lover of those who take refuge, you have made me let go of my food."

Verse 42 (shiva.rudra.157.42)

क्षुधा मां बाधते स्वामिन्क्षुत्क्षामश्चास्मि सर्वथा । किं भक्ष्यं मम देवेश तदाज्ञापय मां प्रभो

kṣudhā māṁ bādhate svāminkṣutkṣāmaścāsmi sarvathā kiṁ bhakṣyaṁ mama deveśa tadājñāpaya māṁ prabho

"Hunger torments me, my Lord; I am utterly emaciated with hunger. O lord of gods, tell me what I am to eat — command me, O master."

Verse 43 (shiva.rudra.157.43)

सनत्कुमार उवाच । इत्याकर्ण्य वचस्तस्य पुरुषस्य महाप्रभुः । प्रत्युवाचाद्भुतोतिः स कौतुकी स्वहितङ्करः

sanatkumāra uvāca ityākarṇya vacastasya puruṣasya mahāprabhuḥ pratyuvācādbhutotiḥ sa kautukī svahitaṅkaraḥ

Sanatkumara said: "Hearing these words of that being, the great lord, whose ways are wondrous and playful, ever working for the good of his own, replied."

Verse 44 (shiva.rudra.157.44)

महेश्वर उवाच । बुभुक्षा यदि तेऽतीव क्षुधा त्वां बाधते यदि । सम्भक्षयात्मनश्शीघ्रं मांसं त्वं हस्तपादयोः

maheśvara uvāca bubhukṣā yadi te'tīva kṣudhā tvāṁ bādhate yadi sambhakṣayātmanaśśīghraṁ māṁsaṁ tvaṁ hastapādayoḥ

Maheshvara said: "If your hunger is so very great, if hunger so torments you, then swiftly eat the flesh of your own hands and feet."

Verse 45 (shiva.rudra.157.45)

सनत्कुमार उवाच । स शिवेनैवमाज्ञप्तश्चखाद पुरुषः स्वकम् । हस्तपादोद्भवं मांसं शिरः शेषोऽभवद्यथा

sanatkumāra uvāca sa śivenaivamājñaptaścakhāda puruṣaḥ svakam hastapādodbhavaṁ māṁsaṁ śiraḥ śeṣo'bhavadyathā

Sanatkumara said: "Thus commanded by Shiva, that being ate his own flesh from his hands and feet, until only his head remained."

Verse 46 (shiva.rudra.157.46)

दृष्ट्वा शिरोऽवशेषं तु सुप्रसन्नःसदाशिवः । पुरुषं भीमकर्माणं तमुवाच सविस्मयः

dṛṣṭvā śiro'vaśeṣaṁ tu suprasannaḥsadāśivaḥ puruṣaṁ bhīmakarmāṇaṁ tamuvāca savismayaḥ

Seeing only the head remaining, Sadashiva, well pleased, spoke with astonishment to that being of terrible deed.

Verse 47 (shiva.rudra.157.47)

शिव उवाच । हे महागण धन्यस्त्वं मदाज्ञाप्रतिपालकः । सन्तुष्टश्चास्मि तेऽतीव कर्मणानेन सत्तम

śiva uvāca he mahāgaṇa dhanyastvaṁ madājñāpratipālakaḥ santuṣṭaścāsmi te'tīva karmaṇānena sattama

Shiva said: "O great gana, blessed are you, upholder of my command; O excellent one, I am exceedingly pleased with this deed of yours."

Verse 48 (shiva.rudra.157.48)

त्वं कीर्तिमुखसंज्ञो हि भव मद्द्वारकः सदा । महागणो महावीरः सर्वदुष्टभयङ्करः

tvaṁ kīrtimukhasaṁjño hi bhava maddvārakaḥ sadā mahāgaṇo mahāvīraḥ sarvaduṣṭabhayaṅkaraḥ

"Be named Kirtimukha, 'Face of Glory,' and remain forever the guardian of my door — a great gana, a great hero, a terror to all the wicked."

Verse 49 (shiva.rudra.157.49)

मत्प्रियस्त्वं मदर्चायां सदा पूज्यो हि मज्जनैः । त्वदर्चां ये न कुर्वन्ति नैव ते मत्प्रियङ्कराः

matpriyastvaṁ madarcāyāṁ sadā pūjyo hi majjanaiḥ tvadarcāṁ ye na kurvanti naiva te matpriyaṅkarāḥ

"You are dear to me, and you shall ever be worshipped by my devotees in my own worship; those who do not worship you are not truly dear to me."

Verse 50 (shiva.rudra.157.50)

सनत्कुमार उवाच । इति शम्भोर्वरं प्राप्य पुरुषः प्रजहर्ष सः । तदाप्रभृति देवेशद्वारे कीर्तिमुखः स्थितः

sanatkumāra uvāca iti śambhorvaraṁ prāpya puruṣaḥ prajaharṣa saḥ tadāprabhṛti deveśadvāre kīrtimukhaḥ sthitaḥ

Sanatkumara said: "Having obtained this boon from Shambhu, that being greatly rejoiced; from that time on, Kirtimukha has stood at the door of the Lord of gods."

Verse 51 (shiva.rudra.157.51)

पूजनीयो विशेषेण स गणश्शिवपूजने । नार्चयन्तीह ये पूर्वं तेषामर्चा वृथा भवेत्

pūjanīyo viśeṣeṇa sa gaṇaśśivapūjane nārcayantīha ye pūrvaṁ teṣāmarcā vṛthā bhavet

That gana is to be especially worshipped in the worship of Shiva; the worship of those who do not first honor him becomes fruitless.