Andhaka's Hosts Regain Life

Verse 1 (shiva.rudra.187.1)

सनत्कुमार उवाच । ॐ नमस्ते देवेशाय सुरासुरनमस्कृताय भूतभव्यमहादेवाय हरितपिङ्गललोचनाय बलाय बुद्धिरूपिणे वैयाघ्रवसनच्छदायारणेयाय त्रैलोक्यप्रभवे ईश्वराय हराय हरिनेत्राय युगान्तकरणायानलाय गणेशाय लोकपालाय महाभुजाय महाहस्ताय शूलिने महादंष्ट्रिणे कालाय महेश्वराय अव्ययाय कालरूपिणे नीलग्रीवाय महोदराय गणाध्यक्षाय सर्वात्मने सर्वभावनाय सर्वगाय मृत्युहन्त्रे पारियात्रसुव्रताय ब्रह्मचारिणे वेदान्तगाय तपोन्तगाय पशुपतये व्यङ्गाय शूलपाणये वृषकेतवे हरये जटिने शिखण्डिने लकुटिने महायशसे भूतेश्वराय गुहावासिने वीणापणवतालवते अमराय दर्शनीयाय बालसूर्य-निभाय श्मशानवासिने भगवते उमापतये अरिन्दमाय भगस्याक्षिपातिने पूष्णोर्दशननाशनाय क्रुरकर्तकाय पाशहस्ताय प्रलयकालाय उल्कामुखायाग्निकेतवे मुनये दीप्ताय विशाम्पतये उन्नयते जनकाय चतुर्थकाय लोकसत्तमाय वामदेवाय वाग्दाक्षिण्याय वामतो भिक्षवे भिक्षुरूपिणे जटिने स्वयं जटिलाय शक्रहस्तप्रतिस्तम्भकाय वसूनां स्तम्भकाय क्रतवे क्रतुकराय कालाय मेधाविने मधुकराय चलाय वानस्पत्याय वाजसनेति समाश्रमपूजिताय जगद्धात्रे जगत्कर्त्रे पुरुषाय शाश्वताय ध्रुवाय धर्माध्यक्षाय त्रिवर्त्मने भूतभावनाय त्रिनेत्राय बहुरूपाय सूर्यायुतसमप्रभाय देवाय सर्वतूर्यनिनादिने सर्वबाधाविमोचनाय बन्धनाय सर्वधारिणे धर्मोत्तमाय पुष्पदन्तायाविभागाय मुखाय सर्वहराय हिरण्यश्रवसे द्वारिणे भीमाय भीमपराक्रमाय ॐ नमो नमः ॥ इमं मन्त्रवरं जप्त्वा शुक्रो जठरपञ्जरात् । निष्क्रान्तो लिङ्गमार्गेण शम्भोः शुक्रमिवोत्कटम्

sanatkumāra uvāca oṁ namaste deveśāya surāsuranamaskṛtāya bhūtabhavyamahādevāya haritapiṅgalalocanāya balāya buddhirūpiṇe vaiyāghravasanacchadāyāraṇeyāya trailokyaprabhave īśvarāya harāya harinetrāya yugāntakaraṇāyānalāya gaṇeśāya lokapālāya mahābhujāya mahāhastāya śūline mahādaṁṣṭriṇe kālāya maheśvarāya avyayāya kālarūpiṇe nīlagrīvāya mahodarāya gaṇādhyakṣāya sarvātmane sarvabhāvanāya sarvagāya mṛtyuhantre pāriyātrasuvratāya brahmacāriṇe vedāntagāya tapontagāya paśupataye vyaṅgāya śūlapāṇaye vṛṣaketave haraye jaṭine śikhaṇḍine lakuṭine mahāyaśase bhūteśvarāya guhāvāsine vīṇāpaṇavatālavate amarāya darśanīyāya bālasūrya-nibhāya śmaśānavāsine bhagavate umāpataye arindamāya bhagasyākṣipātine pūṣṇordaśananāśanāya krurakartakāya pāśahastāya pralayakālāya ulkāmukhāyāgniketave munaye dīptāya viśāmpataye unnayate janakāya caturthakāya lokasattamāya vāmadevāya vāgdākṣiṇyāya vāmato bhikṣave bhikṣurūpiṇe jaṭine svayaṁ jaṭilāya śakrahastapratistambhakāya vasūnāṁ stambhakāya kratave kratukarāya kālāya medhāvine madhukarāya calāya vānaspatyāya vājasaneti samāśramapūjitāya jagaddhātre jagatkartre puruṣāya śāśvatāya dhruvāya dharmādhyakṣāya trivartmane bhūtabhāvanāya trinetrāya bahurūpāya sūryāyutasamaprabhāya devāya sarvatūryaninādine sarvabādhāvimocanāya bandhanāya sarvadhāriṇe dharmottamāya puṣpadantāyāvibhāgāya mukhāya sarvaharāya hiraṇyaśravase dvāriṇe bhīmāya bhīmaparākramāya oṁ namo namaḥ imaṁ mantravaraṁ japtvā śukro jaṭharapañjarāt niṣkrānto liṅgamārgeṇa śambhoḥ śukramivotkaṭam

Sanatkumara said: "Om — salutation to you, Lord of the gods, worshipped by both gods and demons, the great god of past and future; to the tawny-golden-eyed one, to Strength itself, to the embodiment of intellect, clad in tiger-skin, to the fire-born; to the source of the three worlds, to the Lord, to Hara, of tawny eyes, ender of ages, fire itself; to the lord of the ganas, protector of worlds, mighty-armed, great-handed, trident-bearer, great-tusked; to Time, the great lord, the imperishable, the form of Time, blue-throated, great-bellied; to the chief of the ganas, the soul of all, creator of all, all-pervading, slayer of death, keeper of the Pariyatra vow; to the celibate, who has reached the end of the Vedanta and the end of austerity, lord of creatures, formless, trident-handed; to the one whose banner is the bull, to Hari, matted-haired, crested, staff-bearing, greatly renowned, lord of beings; to the cave-dweller, accompanied by vina, drum, and cymbals, immortal, beautiful to behold; radiant as the rising sun, dweller in the cremation-ground, blessed lord, husband of Uma, subduer of foes; to the one who struck out Bhaga's eye, who broke Pushan's teeth, doer of fierce deeds, noose in hand; the very time of dissolution, meteor-mouthed, fire-bannered, the sage, the blazing one, lord of the people, the uplifter; the progenitor, the fourth, best of worlds, Vamadeva, skilled in speech, mendicant from the left; the beggar, in mendicant's form, matted-haired, self-existent and matted, who stayed the very hand of Indra; who stayed the Vasus, the sacrifice, the performer of sacrifice, Time, the wise one, the honey-maker, the restless; lord of forest trees, worshipped equally in every hermitage, sustainer of the world, creator of the world; the Purusha, the eternal, the fixed one, overseer of dharma, of the threefold path, who brings beings into being; three-eyed, of many forms, radiant as ten thousand suns, the god resounding with every instrument; liberator from every affliction, the binder, sustainer of all, the highest dharma; Pushpadanta, the undivided, the face of all, taker of all, golden-eared, the gatekeeper; the terrible, of terrible valor — Om, salutation again and again." Having chanted this excellent mantra, Shukra emerged from the cage of the belly by the path of the linga, fierce as Shambhu's own seed.

Verse 2 (shiva.rudra.187.2)

गौर्या गृहीतः पुत्रार्थं विश्वेशेन ततः कृतः । अजरश्चामरः श्रीमान्द्वितीय इव शङ्करः

gauryā gṛhītaḥ putrārthaṁ viśveśena tataḥ kṛtaḥ ajaraścāmaraḥ śrīmāndvitīya iva śaṅkaraḥ

Then Gauri took him up as a son, and the Lord of the universe made him ageless and immortal, glorious — like a second Shankara.

Verse 3 (shiva.rudra.187.3)

त्रिभिर्वर्षसहस्रैस्तु समतीतैर्महीतले । महेश्वरात्पुनर्जातः शुक्रो वेदनिधिर्मुनिः

tribhirvarṣasahasraistu samatītairmahītale maheśvarātpunarjātaḥ śukro vedanidhirmuniḥ

When three thousand years had passed upon the earth, Shukra — that sage who is a treasury of the Vedas — was born again from Maheshvara.

Verse 4 (shiva.rudra.187.4)

ददर्श शूले संशुष्कं ध्यायन्तं परमेश्वरम् । अन्धकं धैर्यसम्पन्नं दानवेशं तपस्विनम्

dadarśa śūle saṁśuṣkaṁ dhyāyantaṁ parameśvaram andhakaṁ dhairyasampannaṁ dānaveśaṁ tapasvinam

He saw Andhaka, lord of the danavas, withered upon the trident yet meditating on the Supreme Lord — steadfast and ascetic.

Verse 5 (shiva.rudra.187.5)

महादेवं विरूपाक्षं चन्द्रार्द्धकृतशेखरम् । अमृतं शाश्वतं स्थाणुं नीलकण्ठं पिनाकिनम्

mahādevaṁ virūpākṣaṁ candrārddhakṛtaśekharam amṛtaṁ śāśvataṁ sthāṇuṁ nīlakaṇṭhaṁ pinākinam

[He meditated on] Mahadeva, the strange-eyed one, crowned with the half-moon — the immortal, the eternal, the unmoving pillar, blue-throated, wielder of the Pinaka.

Verse 6 (shiva.rudra.187.6)

वृषभाक्षं महाज्ञेयं पुरुषं सर्वकामदम् । कामारिं कामदहनं कामरूपं कपर्दिनम्

vṛṣabhākṣaṁ mahājñeyaṁ puruṣaṁ sarvakāmadam kāmāriṁ kāmadahanaṁ kāmarūpaṁ kapardinam

The bull-eyed one, the great object of knowledge, the Purusha who grants every desire — foe of Kama, burner of Kama, of Kama's own form, matted-haired.

Verse 7 (shiva.rudra.187.7)

विरूपं गिरिशं भीमं स्रग्विणं रक्तवाससम् । योगिनं कालदहनं त्रिपुरघ्नं कपालिनम्

virūpaṁ giriśaṁ bhīmaṁ sragviṇaṁ raktavāsasam yoginaṁ kāladahanaṁ tripuraghnaṁ kapālinam

Of strange form, lord of the mountain, terrible, garlanded, clad in red — the yogin, burner of Death, destroyer of Tripura, skull-bearer.

Verse 8 (shiva.rudra.187.8)

गूढव्रतं गुप्तमन्त्रं गम्भीरं भावगोचरम् । अणिमादिगुणाधारं त्रिलोकैश्वर्यदायकम्

gūḍhavrataṁ guptamantraṁ gambhīraṁ bhāvagocaram aṇimādiguṇādhāraṁ trilokaiśvaryadāyakam

Of hidden vows, secret mantra, profound, known only through devotion — the ground of the powers beginning with animā, bestower of lordship over the three worlds.

Verse 9 (shiva.rudra.187.9)

वीरं वीरहणं घोरं विरूपं मांसलं पटुम् । महामांसादमुन्मत्तं भैरवं वै महेश्वरम्

vīraṁ vīrahaṇaṁ ghoraṁ virūpaṁ māṁsalaṁ paṭum mahāmāṁsādamunmattaṁ bhairavaṁ vai maheśvaram

The hero, slayer of heroes, terrible, strange of form, fleshy, keen — the great flesh-eater, the frenzied Bhairava, Maheshvara himself.

Verse 10 (shiva.rudra.187.10)

त्रैलोक्यद्रावणं लुब्धं लुब्धकं यज्ञसूदनम् । कृत्तिकानां सुतैर्युक्तमुन्मत्तं कृत्तिवाससम्

trailokyadrāvaṇaṁ lubdhaṁ lubdhakaṁ yajñasūdanam kṛttikānāṁ sutairyuktamunmattaṁ kṛttivāsasam

He who makes the three worlds tremble, the greedy one, the hunter, destroyer of sacrifice — attended by the son of the Krittikas, the frenzied one, clad in an elephant's hide.

Verse 11 (shiva.rudra.187.11)

गजकृत्तिपरीधानं क्षुब्धं भुजगभूषणम् । दत्तालम्बं च वेतालं घोरं शाकिनिपूजितम्

gajakṛttiparīdhānaṁ kṣubdhaṁ bhujagabhūṣaṇam dattālambaṁ ca vetālaṁ ghoraṁ śākinipūjitam

Clothed in an elephant-hide, agitated, adorned with serpents — giver of support to the Vetala, the terrible one, worshipped by Shakinis.

Verse 12 (shiva.rudra.187.12)

अघोरं घोरदैत्यघ्नं घोरघोषं वनस्पतिम् । भस्माङ्गं जटिलं शुद्धं भेरुण्डशतसेवितम्

aghoraṁ ghoradaityaghnaṁ ghoraghoṣaṁ vanaspatim bhasmāṅgaṁ jaṭilaṁ śuddhaṁ bheruṇḍaśatasevitam

The Aghora, slayer of terrible daityas, of terrible roar, lord of forest-trees — his body smeared in ash, matted-haired, pure, attended by hundreds of Bherunda birds.

Verse 13 (shiva.rudra.187.13)

भूतेश्वरं भूतनाथं पञ्चभूताश्रितं खगम् । क्रोधितं निष्ठुरं चण्डं चण्डीशं चण्डिकाप्रियम्

bhūteśvaraṁ bhūtanāthaṁ pañcabhūtāśritaṁ khagam krodhitaṁ niṣṭhuraṁ caṇḍaṁ caṇḍīśaṁ caṇḍikāpriyam

Lord of beings, master of the elements, resting in the five elements, sky-going — the wrathful, the harsh, the fierce, lord of Chandi, dear to Chandika.

Verse 14 (shiva.rudra.187.14)

चण्डं तुङ्गं गरुत्मन्तं नित्यमासवभोजनम् । लेलिहानं महारौद्रं मृत्युं मृत्योरगोचरम्

caṇḍaṁ tuṅgaṁ garutmantaṁ nityamāsavabhojanam lelihānaṁ mahāraudraṁ mṛtyuṁ mṛtyoragocaram

The fierce, the lofty, the winged one, ever partaking of the wine-offering — the flame-tongued, the greatly terrible, Death himself, beyond the reach of death.

Verse 15 (shiva.rudra.187.15)

मृत्योर्मृत्युं महासेनं श्मशानारण्यवासिनम् । रागं विरागं रागान्धं वीतरागशतार्चितम्

mṛtyormṛtyuṁ mahāsenaṁ śmaśānāraṇyavāsinam rāgaṁ virāgaṁ rāgāndhaṁ vītarāgaśatārcitam

The death of Death, the great general, dweller in the wilderness of the cremation-ground — passion, dispassion, blinded by passion, yet worshipped by a hundred who are free of passion.

Verse 16 (shiva.rudra.187.16)

सत्त्वं रजस्तमोधर्ममधर्मं वासवानुजम् । सत्यं त्वसत्यं सद्रूपमसद्रूपमहेतुकम्

sattvaṁ rajastamodharmamadharmaṁ vāsavānujam satyaṁ tvasatyaṁ sadrūpamasadrūpamahetukam

Sattva, rajas, tamas, dharma, and adharma, the younger brother of Vasava — truth and untruth, the form of the existent and of the non-existent, uncaused.

Verse 17 (shiva.rudra.187.17)

अर्द्धनारीश्वरं भानुं भानुकोटिशतप्रभम् । यज्ञं यज्ञपतिं रुद्रमीशानं वरदं शिवम्

arddhanārīśvaraṁ bhānuṁ bhānukoṭiśataprabham yajñaṁ yajñapatiṁ rudramīśānaṁ varadaṁ śivam

The Lord who is half woman, the sun, radiant as a hundred million suns — the sacrifice, lord of sacrifice, Rudra, Ishana, the boon-giver, Shiva.

Verse 18 (shiva.rudra.187.18)

अष्टोत्तरशतं ह्येतन्मूर्तीनां परमात्मनः । शिवस्य दानवो ध्यायन् मुक्तस्तस्मान्महाभयात्

aṣṭottaraśataṁ hyetanmūrtīnāṁ paramātmanaḥ śivasya dānavo dhyāyan muktastasmānmahābhayāt

These are the hundred and eight forms of Shiva, the Supreme Self; meditating on them, the danava was freed from that great terror.

Verse 19 (shiva.rudra.187.19)

दिव्येनामृतवर्षेण सोऽभिषिक्तः कपर्द्दिना । तुष्टेन मोचितं तस्माच्छूलाग्रादवरोपितः

divyenāmṛtavarṣeṇa so'bhiṣiktaḥ kaparddinā tuṣṭena mocitaṁ tasmācchūlāgrādavaropitaḥ

The matted-haired one, pleased, anointed him with a divine shower of nectar, and freed him, bringing him down from the point of the trident.

Verse 20 (shiva.rudra.187.20)

उक्तश्चाथ महादैत्यो महेशानेन सोऽन्धकः । असुरः सान्त्वपूर्वं यत्कृतं सर्वं महात्मना

uktaścātha mahādaityo maheśānena so'ndhakaḥ asuraḥ sāntvapūrvaṁ yatkṛtaṁ sarvaṁ mahātmanā

Then that great daitya, the asura Andhaka, was told by the great-souled Maheshana, with words of comfort, all that had happened.

Verse 21 (shiva.rudra.187.21)

ईश्वर उवाच । भो भो दैत्येन्द्र तुष्टोऽस्मि यमेन नियमेन च । शौर्येण तव धैर्येण वरं वरय सुव्रत

īśvara uvāca bho bho daityendra tuṣṭo'smi yamena niyamena ca śauryeṇa tava dhairyeṇa varaṁ varaya suvrata

Ishvara said: "O lord of the daityas, I am pleased with your discipline and your observances, with your valor and your fortitude. O one of good vows, ask for a boon."

Verse 22 (shiva.rudra.187.22)

आराधितस्त्वया नित्यं सर्वनिर्धूतकल्मषः । वरदोऽहं वरार्हस्त्वं महादैत्येन्द्रसत्तम

ārādhitastvayā nityaṁ sarvanirdhūtakalmaṣaḥ varado'haṁ varārhastvaṁ mahādaityendrasattama

"You have worshipped me constantly, and every stain of yours is washed away. I am the giver of boons, and you, best of the great lords of the daityas, are worthy of one."

Verse 23 (shiva.rudra.187.23)

प्राणसन्धारणादस्ति यच्च पुण्यफलं तव । त्रिभिर्वर्षसहस्रैस्तु तेनास्तु तव निर्वृतिः

prāṇasandhāraṇādasti yacca puṇyaphalaṁ tava tribhirvarṣasahasraistu tenāstu tava nirvṛtiḥ

"Whatever merit is yours from sustaining your breath through these three thousand years — by that, may peace be yours."

Verse 24 (shiva.rudra.187.24)

सनत्कुमार उवाच । एतच्छ्रुत्वान्धकः प्राह वेपमानः कृताञ्जलिः । भूमौ जानुद्वयं कृत्वा भगवन्तमुमापतिम्

sanatkumāra uvāca etacchrutvāndhakaḥ prāha vepamānaḥ kṛtāñjaliḥ bhūmau jānudvayaṁ kṛtvā bhagavantamumāpatim

Sanatkumara said: Hearing this, Andhaka, trembling, hands joined, both knees set upon the ground, spoke to the Blessed Lord, husband of Uma.

Verse 25 (shiva.rudra.187.25)

अन्धक उवाच । भगवन्यन्मयोक्तोऽसि दीनो हीनः परात्परः । हर्षगद्गदया वाचा मया पूर्वं रणाजिरे

andhaka uvāca bhagavanyanmayokto'si dīno hīnaḥ parātparaḥ harṣagadgadayā vācā mayā pūrvaṁ raṇājire

Andhaka said: "O Lord, O supreme beyond the supreme — what I once called you on the battlefield, wretched and lowly, I spoke with a voice choked by [misplaced] joy."

Verse 26 (shiva.rudra.187.26)

यद्यत्कृतं विमूढत्वात्कर्म लोकेषु गर्हितम् । अजानता त्वां तत्सर्वं प्रभो मनसि मा कृथाः

yadyatkṛtaṁ vimūḍhatvātkarma lokeṣu garhitam ajānatā tvāṁ tatsarvaṁ prabho manasi mā kṛthāḥ

"Whatever deed, condemned in the world, I did out of delusion, not knowing you — O Lord, hold none of it in your mind."

Verse 27 (shiva.rudra.187.27)

पार्वत्यामपि दुष्टं यत्कामदोषात्कृतं मया । क्षम्यतां मे महादेव कृपणो दुःखितो भृशम्

pārvatyāmapi duṣṭaṁ yatkāmadoṣātkṛtaṁ mayā kṣamyatāṁ me mahādeva kṛpaṇo duḥkhito bhṛśam

"Whatever wickedness I did toward Parvati out of the fault of desire — O Mahadeva, forgive it; I am wretched and greatly afflicted."

Verse 28 (shiva.rudra.187.28)

दुःखितस्य दया कार्या कृपणस्य विशेषतः । दीनस्य भक्तियुक्तस्य भवता नित्यमेव हि

duḥkhitasya dayā kāryā kṛpaṇasya viśeṣataḥ dīnasya bhaktiyuktasya bhavatā nityameva hi

"Compassion is owed to the afflicted, especially to the wretched; upon the humble one full of devotion, you show it ever."

Verse 29 (shiva.rudra.187.29)

सोऽहं दीनो भक्तियुक्त आगतः शरणं तव । रक्षा मयि विधातव्या रचितोऽयं मयाञ्जलिः

so'haṁ dīno bhaktiyukta āgataḥ śaraṇaṁ tava rakṣā mayi vidhātavyā racito'yaṁ mayāñjaliḥ

"I, that same wretched and devoted one, have come to your refuge. Let protection be granted me — this plea I make with folded hands."

Verse 30 (shiva.rudra.187.30)

इयं देवी जगन्माता परितुष्टा ममोपरि । क्रोधं विहाय सकलं प्रसन्ना मां निरीक्षताम्

iyaṁ devī jaganmātā parituṣṭā mamopari krodhaṁ vihāya sakalaṁ prasannā māṁ nirīkṣatām

"May this Devi, Mother of the world, be fully satisfied with me; abandoning all anger, may she look upon me with grace."

Verse 31 (shiva.rudra.187.31)

क्वास्याः क्रोधः क्व कृपणो दैत्योऽहं चन्द्रशेखर । तत्सोढा नाहमर्द्धेन्दुचूड शम्भो महेश्वर

kvāsyāḥ krodhaḥ kva kṛpaṇo daityo'haṁ candraśekhara tatsoḍhā nāhamarddhenducūḍa śambho maheśvara

"Where is her anger, and where am I, a wretched daitya, O Chandrashekhara? I could not bear it, O crescent-crested Shambhu, Maheshvara."

Verse 32 (shiva.rudra.187.32)

क्व भवान्परमोदारः क्व चाहं विवशीकृतः । कामक्रोधादिभिर्दोषैर्जरसा मृत्युना तथा

kva bhavānparamodāraḥ kva cāhaṁ vivaśīkṛtaḥ kāmakrodhādibhirdoṣairjarasā mṛtyunā tathā

"Where are you, supremely generous, and where am I, made helpless by the faults of desire and anger, and by old age and death?"

Verse 33 (shiva.rudra.187.33)

अयं ते वीरकः पुत्रो युद्धशौण्डो महाबलः । कृपणं मां समालक्ष्य मा मन्युवशमन्वगाः

ayaṁ te vīrakaḥ putro yuddhaśauṇḍo mahābalaḥ kṛpaṇaṁ māṁ samālakṣya mā manyuvaśamanvagāḥ

"This mighty, battle-proud son of yours, Viraka — seeing me so wretched, may he not fall to the sway of anger."

Verse 34 (shiva.rudra.187.34)

तुषारहारशीतांशुशङ्खकुन्देन्दुवर्णभाक् । पश्येयं पार्वतीं नित्यं मातरं गुरुगौरवात्

tuṣārahāraśītāṁśuśaṅkhakundenduvarṇabhāk paśyeyaṁ pārvatīṁ nityaṁ mātaraṁ gurugauravāt

"May I forever behold Parvati, my mother — of complexion like frost, a pearl-necklace, the cool moon, a conch, a jasmine — with the reverence due a guru."

Verse 35 (shiva.rudra.187.35)

नित्यं भवद्भ्यां भक्तस्तु निर्वैरो दैवतैः सह । निवसेयं गणैः सार्द्धं शान्तात्मा योगचिन्तकः

nityaṁ bhavadbhyāṁ bhaktastu nirvairo daivataiḥ saha nivaseyaṁ gaṇaiḥ sārddhaṁ śāntātmā yogacintakaḥ

"May I, ever devoted to you both, free of enmity with the gods, dwell together with the ganas, my soul at peace, absorbed in the thought of yoga."

Verse 36 (shiva.rudra.187.36)

मा स्मरेयं पुनर्जातं विरुद्धं दानवोद्भवम् । त्वत्कृपातो महेशान देह्येतद्वरमुत्तमम्

mā smareyaṁ punarjātaṁ viruddhaṁ dānavodbhavam tvatkṛpāto maheśāna dehyetadvaramuttamam

"May I never again call to mind my hostile birth as a danava. O Maheshana, by your grace, grant me this supreme boon."

Verse 37 (shiva.rudra.187.37)

सनत्कुमार उवाच । एतावदुक्त्वा वचनं दैत्येन्द्रो मौनमास्थितः । ध्यायंस्त्रिलोचनं देवं पार्वतीं प्रेक्ष्य मातरम्

sanatkumāra uvāca etāvaduktvā vacanaṁ daityendro maunamāsthitaḥ dhyāyaṁstrilocanaṁ devaṁ pārvatīṁ prekṣya mātaram

Sanatkumara said: Having spoken thus far, the lord of the daityas fell silent, meditating on the three-eyed god, gazing upon Parvati as his mother.

Verse 38 (shiva.rudra.187.38)

ततो दृष्टस्तु रुद्रेण प्रसन्नेनैव चक्षुषा । स्मृतवान्पूर्ववृत्तान्तमात्मनो जन्म चाद्भुतम्

tato dṛṣṭastu rudreṇa prasannenaiva cakṣuṣā smṛtavānpūrvavṛttāntamātmano janma cādbhutam

Then, beheld by Rudra with a gracious glance, he remembered his own former history and his wondrous birth.

Verse 39 (shiva.rudra.187.39)

तस्मिन्स्मृते च वृत्तान्ते ततः पूर्णमनोरथः । प्रणम्य मातापितरौ कृतकृत्योऽभवत्ततः

tasminsmṛte ca vṛttānte tataḥ pūrṇamanorathaḥ praṇamya mātāpitarau kṛtakṛtyo'bhavattataḥ

With that history remembered, his desire now fulfilled, he bowed to his mother and father and so became one whose purpose was accomplished.

Verse 40 (shiva.rudra.187.40)

पार्वत्या मूर्ध्न्युपाघ्रातः शङ्करेण च धीमता । तथाऽभिलषितं लेभे तुष्टाद् बालेन्दुशेखरात्

pārvatyā mūrdhnyupāghrātaḥ śaṅkareṇa ca dhīmatā tathā'bhilaṣitaṁ lebhe tuṣṭād bālenduśekharāt

Kissed upon the head by Parvati, and by the wise Shankara, he thus obtained his heart's desire from the pleased crescent-moon-crested Lord.

Verse 41 (shiva.rudra.187.41)

एतद्वः सर्वमाख्यातमन्धकस्य पुरातनम् । गाणपत्यं महादेवप्रसादात्परसौख्यदम्

etadvaḥ sarvamākhyātamandhakasya purātanam gāṇapatyaṁ mahādevaprasādātparasaukhyadam

All this ancient account of Andhaka has now been told to you — how, by the grace of Mahadeva, he attained the supreme-bliss-giving rank of a Ganapati.

Verse 42 (shiva.rudra.187.42)

मृत्युञ्जयश्च कथितो मन्त्रो मृत्युविनाशनः । पठितव्यः प्रयत्नेन सर्वकामफलप्रदः

mṛtyuñjayaśca kathito mantro mṛtyuvināśanaḥ paṭhitavyaḥ prayatnena sarvakāmaphalapradaḥ

And the Mrityunjaya mantra has been told, the destroyer of death — it should be recited with diligence, for it grants the fruit of every desire.