The Story of Usha Begins; The Sporting of Shiva and Shivaa

Verse 1 (shiva.rudra.189.1)

व्यास उवाच । सनत्कुमार सर्वज्ञ श्राविता सुकथाद्भुता । भवतानुग्रहात्प्रीत्या शम्भ्वनुग्रहनिर्भरा

vyāsa uvāca sanatkumāra sarvajña śrāvitā sukathādbhutā bhavatānugrahātprītyā śambhvanugrahanirbharā

Vyasa said: O all-knowing Sanatkumara, by your grace and with love you have made me hear this wondrous, excellent tale, brimming with the grace of Shambhu.

Verse 2 (shiva.rudra.189.2)

इदानीं श्रोतुमिच्छामि चरितं शशिमौलिनः । गाणपत्यं ददौ प्रीत्या यथा बाणासुराय वै

idānīṁ śrotumicchāmi caritaṁ śaśimaulinaḥ gāṇapatyaṁ dadau prītyā yathā bāṇāsurāya vai

Now I wish to hear the deed of the moon-crested one — how, out of love, he granted the rank of a Ganapati to Banasura.

Verse 3 (shiva.rudra.189.3)

सनत्कुमार उवाच । शृणु व्यासादरात्तां वै कथां शम्भोः परात्मनः । गाणपत्यं यथा प्रीत्या ददौ बाणासुराय हि

sanatkumāra uvāca śṛṇu vyāsādarāttāṁ vai kathāṁ śambhoḥ parātmanaḥ gāṇapatyaṁ yathā prītyā dadau bāṇāsurāya hi

Sanatkumara said: Listen with reverence, O Vyasa, to that story of Shambhu, the Supreme Self — how, out of love, he granted the rank of Ganapati to Banasura.

Verse 4 (shiva.rudra.189.4)

अत्रैव सुचरित्रं च शङ्करस्य महाप्रभोः । कृष्णेन समरोप्यत्र शम्भोर्बाणानुगृह्णतः

atraiva sucaritraṁ ca śaṅkarasya mahāprabhoḥ kṛṣṇena samaropyatra śambhorbāṇānugṛhṇataḥ

Here too lies the noble deed of Shankara, the great Lord — the battle with Krishna that took place here, while Shambhu was showing his grace to Bana.

Verse 5 (shiva.rudra.189.5)

अत्रानुरूपं शृणु मे शिवलीलान्वितं परम् । इतिहासं महापुण्यं मनः श्रोत्रसुखावहम्

atrānurūpaṁ śṛṇu me śivalīlānvitaṁ param itihāsaṁ mahāpuṇyaṁ manaḥ śrotrasukhāvaham

Hear from me this fitting and supreme legend, filled with the play of Shiva — a most meritorious history, delightful to both mind and ear.

Verse 6 (shiva.rudra.189.6)

ब्रह्मपुत्रो मरीचिर्यो मुनिरासीन्महामतिः । मानसः सर्वपुत्रेषु ज्येष्ठः श्रेष्ठः प्रजापतिः

brahmaputro marīciryo munirāsīnmahāmatiḥ mānasaḥ sarvaputreṣu jyeṣṭhaḥ śreṣṭhaḥ prajāpatiḥ

Marichi, the mind-born son of Brahma, was a sage of great wisdom, the eldest and foremost among all his mind-born brothers — a Prajapati.

Verse 7 (shiva.rudra.189.7)

तस्य पुत्रो महात्मासीत्कश्यपो मुनिसत्तमः । सृष्टिप्रवृद्धकोऽत्यन्तं पितुर्भक्तो विधेरपि

tasya putro mahātmāsītkaśyapo munisattamaḥ sṛṣṭipravṛddhako'tyantaṁ piturbhakto vidherapi

His son was the great-souled Kashyapa, best among sages, exceedingly prolific in creation, and devoted alike to his father and to Brahma.

Verse 8 (shiva.rudra.189.8)

तस्य त्रयोदशमिता दक्षकन्याः सुशीलिकाः । कश्यपस्य मुनेर्व्यास पत्न्यश्चासन्पतिव्रताः

tasya trayodaśamitā dakṣakanyāḥ suśīlikāḥ kaśyapasya munervyāsa patnyaścāsanpativratāḥ

O Vyasa, the sage Kashyapa had thirteen wives, all daughters of Daksha, of excellent character and devoted to their husband.

Verse 9 (shiva.rudra.189.9)

तत्र ज्येष्ठा दितिश्चासीद्दैत्यास्तत्तनयाः स्मृताः । अन्यासां च सुता जाता देवाद्याः सचराचराः

tatra jyeṣṭhā ditiścāsīddaityāstattanayāḥ smṛtāḥ anyāsāṁ ca sutā jātā devādyāḥ sacarācarāḥ

Among them, Diti was the eldest, and her sons are remembered as the daityas; from the others were born the gods and the rest, every moving and unmoving being.

Verse 10 (shiva.rudra.189.10)

ज्येष्ठायाः प्रथमौ पुत्रौ दितेश्चास्तां महाबलौ । हिरण्यकशिपुर्ज्येष्ठो हिरण्याक्षोऽनुजस्ततः

jyeṣṭhāyāḥ prathamau putrau diteścāstāṁ mahābalau hiraṇyakaśipurjyeṣṭho hiraṇyākṣo'nujastataḥ

Diti's first two sons were both mighty: Hiranyakashipu the elder, and Hiranyaksha the younger.

Verse 11 (shiva.rudra.189.11)

हिरण्यकशिपोः पुत्राश्चत्वारो दैत्यसत्तमाः । ह्रादानुह्रादसंह्रादप्रह्रादश्चेत्यनुक्रमात्

hiraṇyakaśipoḥ putrāścatvāro daityasattamāḥ hrādānuhrādasaṁhrādaprahrādaścetyanukramāt

Hiranyakashipu had four sons, foremost among daityas: Hlada, Anuhlada, Samhlada, and Prahlada, in that order.

Verse 12 (shiva.rudra.189.12)

प्रह्रादस्तत्र हि महान्विष्णुभक्तो जितेन्द्रियः । यं नाशितुं न शक्तास्तेऽभवन्दैत्याश्च केऽपि ह

prahrādastatra hi mahānviṣṇubhakto jitendriyaḥ yaṁ nāśituṁ na śaktāste'bhavandaityāśca ke'pi ha

Among them, Prahlada was the great one, a devotee of Vishnu, master of his senses — and no daitya at all had the power to destroy him.

Verse 13 (shiva.rudra.189.13)

विरोचनः सुतस्तस्य महादातृवरोऽभवत् । शक्राय स्वशिरो योऽदाद्याचमानाय विप्रतः

virocanaḥ sutastasya mahādātṛvaro'bhavat śakrāya svaśiro yo'dādyācamānāya viprataḥ

His son was Virochana, who became foremost among great givers — he who, when Shakra came begging in the guise of a brahmin, gave him his very own head.

Verse 14 (shiva.rudra.189.14)

तस्य पुत्रो बलिश्चासीन्महादानी शिवप्रियः । येन वामनरूपाय हरयेऽदायि मेदिनी

tasya putro baliścāsīnmahādānī śivapriyaḥ yena vāmanarūpāya haraye'dāyi medinī

His son was Bali, a great giver of gifts, dear to Shiva — by whom the earth was given away to Hari in the form of Vamana.

Verse 15 (shiva.rudra.189.15)

तस्यौरसः सुतो बाणः शिवभक्तो बभूव ह । मान्यो वदान्यो धीमांश्च सत्यसन्धः सहस्रदः

tasyaurasaḥ suto bāṇaḥ śivabhakto babhūva ha mānyo vadānyo dhīmāṁśca satyasandhaḥ sahasradaḥ

His own son was Bana, who became a devotee of Shiva — honorable, eloquent, wise, true to his word, and a giver of a thousand gifts.

Verse 16 (shiva.rudra.189.16)

शोणिताख्ये पुरे स्थित्वा स राज्यमकरोत्पुरा । त्रैलोक्यं च बलाज्जित्वा तन्नाथानसुरेश्वरः

śoṇitākhye pure sthitvā sa rājyamakarotpurā trailokyaṁ ca balājjitvā tannāthānasureśvaraḥ

Dwelling in the city called Shonitapura, he ruled his kingdom, and, that lord of asuras, conquered the three worlds by force and became their master.

Verse 17 (shiva.rudra.189.17)

तस्य बाणासुरस्यैव शिवभक्तस्य चामराः । शङ्करस्य प्रसादेन किङ्करा इव तेऽभवन्

tasya bāṇāsurasyaiva śivabhaktasya cāmarāḥ śaṅkarasya prasādena kiṅkarā iva te'bhavan

By the grace of Shankara, the very immortals became, as it were, servants to that Banasura, the devotee of Shiva.

Verse 18 (shiva.rudra.189.18)

तस्य राज्येऽमरान्हित्वा नाभवन्दुःखिताः प्रजाः । सापत्न्याद् दुःखितास्ते हि परधर्मप्रवर्तिनः

tasya rājye'marānhitvā nābhavanduḥkhitāḥ prajāḥ sāpatnyād duḥkhitāste hi paradharmapravartinaḥ

In his kingdom, apart from the immortals, his subjects were never unhappy; only the gods were made unhappy by rivalry, though they still lived under another's rule.

Verse 19 (shiva.rudra.189.19)

सहस्रबाहुवाद्येन स कदाचिन्महासुरः । ताण्डवेन हि नृत्येनातोषयत्तं महेश्वरम्

sahasrabāhuvādyena sa kadācinmahāsuraḥ tāṇḍavena hi nṛtyenātoṣayattaṁ maheśvaram

Once, that great asura, with the playing of his thousand arms and with the tandava dance, delighted Maheshvara.

Verse 20 (shiva.rudra.189.20)

तेन नृत्येन सन्तुष्टः सुप्रसन्नो बभूव ह । ददर्श कृपया दृष्ट्या शङ्करो भक्तवत्सलः

tena nṛtyena santuṣṭaḥ suprasanno babhūva ha dadarśa kṛpayā dṛṣṭyā śaṅkaro bhaktavatsalaḥ

Pleased and greatly gratified by that dance, Shankara, ever affectionate to his devotees, looked upon him with a glance of compassion.

Verse 21 (shiva.rudra.189.21)

भगवान्सर्वलोकेशः शरण्यो भक्तकामदः । वरेण च्छन्दयामास बालेयं तं महासुरम्

bhagavānsarvalokeśaḥ śaraṇyo bhaktakāmadaḥ vareṇa cchandayāmāsa bāleyaṁ taṁ mahāsuram

The Blessed Lord, master of all worlds, refuge of all, granter of his devotees' wishes, invited that great asura, the son of Bali, to choose a boon.

Verse 22 (shiva.rudra.189.22)

सनत्कुमार उवाच । बालेयः स महादैत्यो बाणो भक्तवरः सुधीः । प्रणम्य शङ्करं भक्त्या नुनाव परमेश्वरम्

sanatkumāra uvāca bāleyaḥ sa mahādaityo bāṇo bhaktavaraḥ sudhīḥ praṇamya śaṅkaraṁ bhaktyā nunāva parameśvaram

Sanatkumara said: That great daitya, Bana, son of Bali, foremost of devotees and of keen intellect, bowed to Shankara and praised the Supreme Lord with devotion.

Verse 23 (shiva.rudra.189.23)

बाणासुर उवाच । देवदेव महादेव शरणागतवत्सल । सन्तुष्टोऽसि महेशान ममोपरि विभो यदि

bāṇāsura uvāca devadeva mahādeva śaraṇāgatavatsala santuṣṭo'si maheśāna mamopari vibho yadi

Banasura said: "O god of gods, Mahadeva, ever kind to those who seek refuge — O Maheshana, all-pervading Lord, if you are truly pleased with me,"

Verse 24 (shiva.rudra.189.24)

मद्रक्षको भव सदा मदुपस्थः पुराधिपः । सर्वथा प्रीतिकृन्मे हि ससुतः सगणः प्रभो

madrakṣako bhava sadā madupasthaḥ purādhipaḥ sarvathā prītikṛnme hi sasutaḥ sagaṇaḥ prabho

"then be my protector forever, dwelling close by me as lord of my city; O Lord, together with your son and your ganas, be my source of joy in every way."

Verse 25 (shiva.rudra.189.25)

सनत्कुमार उवाच । बलिपुत्रः स वै बाणो मोहितः शिवमायया । मुक्तिप्रदं महेशानं दुराराध्यमपि ध्रुवम्

sanatkumāra uvāca baliputraḥ sa vai bāṇo mohitaḥ śivamāyayā muktipradaṁ maheśānaṁ durārādhyamapi dhruvam

Sanatkumara said: That Bana, son of Bali, deluded by Shiva's own maya, asked this of Maheshana — the giver of liberation, though certainly hard to propitiate.

Verse 26 (shiva.rudra.189.26)

स भक्तवत्सलः शम्भुर्दत्त्वा तस्मै वरांश्च तान् । तत्रोवास तथा प्रीत्या सगणः ससुतः प्रभुः

sa bhaktavatsalaḥ śambhurdattvā tasmai varāṁśca tān tatrovāsa tathā prītyā sagaṇaḥ sasutaḥ prabhuḥ

Shambhu, ever kind to his devotees, granted him those boons, and the Lord dwelt there with love, together with his ganas and his son.

Verse 27 (shiva.rudra.189.27)

स कदाचिद् बाणपुरे चक्रे देवासुरैः सह । नदीतीरे हरः क्रीडां रम्ये शोणितकाह्वये

sa kadācid bāṇapure cakre devāsuraiḥ saha nadītīre haraḥ krīḍāṁ ramye śoṇitakāhvaye

Once, Hara sported together with gods and asuras on the bank of the lovely river called Shonitaka, in the city of Bana.

Verse 28 (shiva.rudra.189.28)

ननृतुर्जहसुश्चापि गन्धर्वाप्सरसस्तथा । जेपुः प्रणेमुर्मुनय आनर्चुस्तुष्टुवुश्च तम्

nanṛturjahasuścāpi gandharvāpsarasastathā jepuḥ praṇemurmunaya ānarcustuṣṭuvuśca tam

The gandharvas and apsarases danced and laughed; the sages murmured their japa, bowed, worshipped, and sang his praise.

Verse 29 (shiva.rudra.189.29)

ववल्गुः प्रथमाःसर्वे ऋषयो जुहुवुस्तथा । आययुः सिद्धसङ्घाश्च ददृशुः शाङ्करीं रतिम्

vavalguḥ prathamāḥsarve ṛṣayo juhuvustathā āyayuḥ siddhasaṅghāśca dadṛśuḥ śāṅkarīṁ ratim

All the foremost ones leapt about, and the sages offered oblations; the hosts of siddhas came as well and beheld Shankara's delight.

Verse 30 (shiva.rudra.189.30)

कुतार्किका विनेशुश्च म्लेच्छाश्च परिपन्थिनः । मातरोऽभिमुखास्तस्थुर्विनेशुश्च बिभीषिकाः

kutārkikā vineśuśca mlecchāśca paripanthinaḥ mātaro'bhimukhāstasthurvineśuśca bibhīṣikāḥ

Bad logicians perished, along with the hostile mlecchas; the Mother-goddesses stood facing him in homage, and every terror was destroyed.

Verse 31 (shiva.rudra.189.31)

रुद्रसद्भावभक्तानां भवदोषाश्च निःसृताः । तस्मिन्दृष्टे प्रजाः सर्वाः सुप्रीतिं परमां ययुः

rudrasadbhāvabhaktānāṁ bhavadoṣāśca niḥsṛtāḥ tasmindṛṣṭe prajāḥ sarvāḥ suprītiṁ paramāṁ yayuḥ

The faults of worldly existence departed from the sincere devotees of Rudra; and all creatures, upon seeing him, attained the highest joy.

Verse 32 (shiva.rudra.189.32)

ववल्गुर्मुनयः सिद्धाः स्त्रीणां दृष्ट्वा विचेष्टितम् । पुपुषुश्चापि ऋतवः स्वप्रभावं तु तत्र च

vavalgurmunayaḥ siddhāḥ strīṇāṁ dṛṣṭvā viceṣṭitam pupuṣuścāpi ṛtavaḥ svaprabhāvaṁ tu tatra ca

The sages and siddhas grew stirred, seeing the movements of the women there; and even the seasons displayed their own full power at that place.

Verse 33 (shiva.rudra.189.33)

ववुर्वाताश्च मृदवः पुष्पके सरधूसराः । चुकूजुः पक्षिसङ्घाश्च शाखिनां मधुलम्पटाः

vavurvātāśca mṛdavaḥ puṣpake saradhūsarāḥ cukūjuḥ pakṣisaṅghāśca śākhināṁ madhulampaṭāḥ

Soft breezes blew there, grey with pollen from the flowers; and flocks of birds, greedy for the honey of the trees, warbled sweetly.

Verse 34 (shiva.rudra.189.34)

पुष्पभारावनद्धानां रारट्येरंश्च कोकिलाः । मधुरं कामजननं वनेषूपवनेषु च

puṣpabhārāvanaddhānāṁ rāraṭyeraṁśca kokilāḥ madhuraṁ kāmajananaṁ vaneṣūpavaneṣu ca

Cuckoos, perched among branches heavy with blossom, cried out sweetly in the forests and groves, stirring desire.

Verse 35 (shiva.rudra.189.35)

ततः क्रीडाविहारे तु मत्तो बालेन्दुशेखरः । अनिर्जितेन कामेन दृष्टः प्रोवाच नन्दिनम्

tataḥ krīḍāvihāre tu matto bālenduśekharaḥ anirjitena kāmena dṛṣṭaḥ provāca nandinam

Then, intoxicated in the midst of that sport, the crescent-moon-crested Lord, overtaken by unconquered desire, spoke to Nandin.

Verse 36 (shiva.rudra.189.36)

चन्द्रशेखर उवाच । वामामानय गौरीं त्वं कैलासात्कृतमण्डनाम् । शीघ्रमस्माद्वनाद्गत्वा ह्युक्त्वाऽकृष्णामिहानय

candraśekhara uvāca vāmāmānaya gaurīṁ tvaṁ kailāsātkṛtamaṇḍanām śīghramasmādvanādgatvā hyuktvā'kṛṣṇāmihānaya

Chandrashekhara said: "Go quickly from this forest to Kailasa and bring here the lovely Gauri, already adorned — go, tell her, and bring the fair one here."

Verse 37 (shiva.rudra.189.37)

सनत्कुमार उवाच । स तथेति प्रतिज्ञाय गत्वा तत्राह पार्वतीम् । सुप्रणम्य रहोदूतः शङ्करस्य कृताञ्जलिः

sanatkumāra uvāca sa tatheti pratijñāya gatvā tatrāha pārvatīm supraṇamya rahodūtaḥ śaṅkarasya kṛtāñjaliḥ

Sanatkumara said: Having agreed, saying "so be it," he went there and spoke to Parvati — Shankara's secret messenger, bowing low, hands joined.

Verse 38 (shiva.rudra.189.38)

नन्दीश्वर उवाच । द्रष्टुमिच्छति देवि त्वां देवदेवो महेश्वरः । स्ववल्लभां रूपकृतां मयोक्तं तन्निदेशतः

nandīśvara uvāca draṣṭumicchati devi tvāṁ devadevo maheśvaraḥ svavallabhāṁ rūpakṛtāṁ mayoktaṁ tannideśataḥ

Nandishvara said: "O Devi, the god of gods, Maheshvara, wishes to see you, his beloved, adorned — I speak this at his own command."

Verse 39 (shiva.rudra.189.39)

सनत्कुमार उवाच । ततस्तद्वचनाद्गौरी मण्डनं कर्तुमादरात् । उद्यताभून्मुनिश्रेष्ठ पतिव्रतपरायणा

sanatkumāra uvāca tatastadvacanādgaurī maṇḍanaṁ kartumādarāt udyatābhūnmuniśreṣṭha pativrataparāyaṇā

Sanatkumara said: Then, O best of sages, at those words Gauri, devoted wholly to her husband, made ready with reverence to adorn herself.

Verse 40 (shiva.rudra.189.40)

आगच्छामि प्रभुं गच्छ वद तं त्वं ममाज्ञया । आजगाम ततो नन्दी रुद्रासन्नं मनोगतिः

āgacchāmi prabhuṁ gaccha vada taṁ tvaṁ mamājñayā ājagāma tato nandī rudrāsannaṁ manogatiḥ

"I am coming — go and tell the Lord this at my command." Then Nandi, swift as thought, returned to where Rudra was.

Verse 41 (shiva.rudra.189.41)

पुनराह ततो रुद्रो नन्दिनं परविभ्रमः । पुनर्गच्छ ततस्तात क्षिप्रमानय पार्वतीम्

punarāha tato rudro nandinaṁ paravibhramaḥ punargaccha tatastāta kṣipramānaya pārvatīm

Then Rudra, his mind lost in another surge of longing, spoke again to Nandin: "Go again, dear one, and bring Parvati quickly."

Verse 42 (shiva.rudra.189.42)

बाढमुक्त्वा स तां गत्वा गौरीमाह सुलोचनाम् । द्रष्टुमिच्छति ते भर्ता कृतवेषां मनोरमाम्

bāḍhamuktvā sa tāṁ gatvā gaurīmāha sulocanām draṣṭumicchati te bhartā kṛtaveṣāṁ manoramām

Saying "very well," he went again and spoke to the fair-eyed Gauri: "Your husband wishes to see you, lovely one, once you are dressed."

Verse 43 (shiva.rudra.189.43)

शङ्करो बहुधा देवि विहर्तुं सम्प्रतीक्षते । एवं पतौ सुकामार्ते गम्यतां गिरिनन्दिनि

śaṅkaro bahudhā devi vihartuṁ sampratīkṣate evaṁ patau sukāmārte gamyatāṁ girinandini

"O Devi, Shankara waits eagerly to sport with you in many ways; your husband being thus overcome by desire, go to him, O daughter of the mountain."

Verse 44 (shiva.rudra.189.44)

अप्सरोभिःसमग्राभिरन्योन्यमभिमन्त्रितम् । लब्धभावो यथा सद्यः पार्वत्या दर्शनोत्सुकः

apsarobhiḥsamagrābhiranyonyamabhimantritam labdhabhāvo yathā sadyaḥ pārvatyā darśanotsukaḥ

Meanwhile all the apsarases whispered to one another, since Shiva, eager for the sight of Parvati, had suddenly fallen into this amorous mood.

Verse 45 (shiva.rudra.189.45)

अयं पिनाकी कामारिः वृणुयाद्यां नितम्बिनीम् । सर्वासां दिव्यनारीणां राज्ञी भवति वै ध्रुवम्

ayaṁ pinākī kāmāriḥ vṛṇuyādyāṁ nitambinīm sarvāsāṁ divyanārīṇāṁ rājñī bhavati vai dhruvam

"Whichever woman this wielder of the Pinaka, the foe of Kama, should choose — she will surely become queen over all the celestial women."

Verse 46 (shiva.rudra.189.46)

वीक्षणं गौरि रूपेण क्रीडयेन्मन्मथैर्गणैः । कामोऽयं हन्ति कामारिमूचुरन्योऽन्यमादृताः

vīkṣaṇaṁ gauri rūpeṇa krīḍayenmanmathairgaṇaiḥ kāmo'yaṁ hanti kāmārimūcuranyo'nyamādṛtāḥ

"Fair one, one should play upon him with form and glance, aided by the troops of Manmatha — this very desire might overpower even the foe of Kama" — thus they spoke, each honoring the other.

Verse 47 (shiva.rudra.189.47)

स्प्रष्टुं शक्नोति या काचिदृते दाक्षायणीं स्त्रियम् । सा गच्छेत्तत्र निःशङ्कं मोहयेत्पार्वतीपतिम्

spraṣṭuṁ śaknoti yā kācidṛte dākṣāyaṇīṁ striyam sā gacchettatra niḥśaṅkaṁ mohayetpārvatīpatim

"Whichever woman, apart from the daughter of Daksha herself, is able to touch him — let her go there without hesitation and bewitch the husband of Parvati."

Verse 48 (shiva.rudra.189.48)

कूष्माण्डतनया तत्र शङ्करं स्प्रष्टुमुत्सहे । अहं गौरीसुरूपेण चित्रलेखा वचोऽब्रवीत्

kūṣmāṇḍatanayā tatra śaṅkaraṁ spraṣṭumutsahe ahaṁ gaurīsurūpeṇa citralekhā vaco'bravīt

"I, the daughter of Kushmanda, am eager to touch Shankara there, in the beautiful form of Gauri herself" — so spoke Chitralekha.

Verse 49 (shiva.rudra.189.49)

चित्रलेखोवाच । यदधान्मोहिनीरूपं केशवो मोहनेच्छया । पुरा तद्वैष्णवं योगमाश्रित्य परमार्थतः

citralekhovāca yadadhānmohinīrūpaṁ keśavo mohanecchayā purā tadvaiṣṇavaṁ yogamāśritya paramārthataḥ

Chitralekha said: "That Mohini-form which Keshava once assumed, out of the wish to bewitch, resorting truly to that Vaishnava yoga —"

Verse 50 (shiva.rudra.189.50)

उर्वश्याश्च ततो दृष्ट्वा रूपस्य परिवर्तनम् । कालीरूपं घृताची तु विश्वाची चाण्डिकं वपुः

urvaśyāśca tato dṛṣṭvā rūpasya parivartanam kālīrūpaṁ ghṛtācī tu viśvācī cāṇḍikaṁ vapuḥ

"— seeing that transformation of form, Urvashi too changed her own; Ghritachi took the form of Kali, and Vishvachi the body of Chandika,"

Verse 51 (shiva.rudra.189.51)

सावित्रिरूपं रम्भा च गायत्रं मेनका तथा । सहजन्या जयारूपं वैजयं पुञ्जिकस्थली

sāvitrirūpaṁ rambhā ca gāyatraṁ menakā tathā sahajanyā jayārūpaṁ vaijayaṁ puñjikasthalī

"Rambha took the form of Savitri, and Menaka likewise the form of Gayatri; Sahajanya the form of Jaya, and Punjikasthali the form of Vaijayanti,"

Verse 52 (shiva.rudra.189.52)

मातॄणामप्यनुक्तानामनुक्ताश्चाप्सरोवराः । यत्नाद्रूपाणि ताश्चक्रुः स्वविद्यासंयुता अनु

mātṝṇāmapyanuktānāmanuktāścāpsarovarāḥ yatnādrūpāṇi tāścakruḥ svavidyāsaṁyutā anu

"— even the unnamed Mother-goddesses, and the unnamed foremost of the apsarases, all fashioned their forms with effort, each aided by her own magical knowledge."

Verse 53 (shiva.rudra.189.53)

ततस्तासां तु रूपाणि दृष्ट्वा कुम्भाण्डनन्दिनी । वैष्णवादात्मयोगाच्च विज्ञातार्था व्यडम्बयत्

tatastāsāṁ tu rūpāṇi dṛṣṭvā kumbhāṇḍanandinī vaiṣṇavādātmayogācca vijñātārthā vyaḍambayat

Then, seeing all their forms, the daughter of Kumbhanda, who knew the truth through her own Vaishnava yoga, mocked them as inferior.

Verse 54 (shiva.rudra.189.54)

ऊषा बाणासुरसुता दिव्ययोगविशारदा । चकार रूपं पार्वत्या दिव्यमत्यद्भुतं शुभम्

ūṣā bāṇāsurasutā divyayogaviśāradā cakāra rūpaṁ pārvatyā divyamatyadbhutaṁ śubham

Usha, the daughter of Banasura, skilled in divine yoga, then fashioned a divine, most wondrous and auspicious form — that of Parvati herself.

Verse 55 (shiva.rudra.189.55)

महारक्ताब्जसङ्काशं चरणं चोत्तमप्रभम् । दिव्यलक्षणसंयुक्तं मनोऽभीष्टार्थदायकम्

mahāraktābjasaṅkāśaṁ caraṇaṁ cottamaprabham divyalakṣaṇasaṁyuktaṁ mano'bhīṣṭārthadāyakam

Her feet were like great red lotuses, of surpassing radiance, marked with divine signs, granting the fulfillment of the heart's desire.

Verse 56 (shiva.rudra.189.56)

तस्या रमणसङ्कल्पं विज्ञाय गिरिजा ततः । उवाच सर्वविज्ञाना सर्वान्तर्यामिनी शिवा

tasyā ramaṇasaṅkalpaṁ vijñāya girijā tataḥ uvāca sarvavijñānā sarvāntaryāminī śivā

Perceiving Usha's intent to share in that sport, Girija — all-knowing, the indweller of all — then spoke.

Verse 57 (shiva.rudra.189.57)

गिरिजोवाच । यतो मम स्वरूपं वै धृतमूषे सखि त्वया । सकामत्वेन समये सम्प्राप्ते सति मानिनि

girijovāca yato mama svarūpaṁ vai dhṛtamūṣe sakhi tvayā sakāmatvena samaye samprāpte sati mānini

Girija said: "Since you, Usha my friend, out of desire have taken on my very own form, O proud one — when the occasion comes,"

Verse 58 (shiva.rudra.189.58)

अस्मिंस्तु कार्तिके मासि ऋतुधर्मास्तु माधवे । द्वादश्यां शुक्लपक्षे तु यस्तु घोरे निशागमे

asmiṁstu kārtike māsi ṛtudharmāstu mādhave dvādaśyāṁ śuklapakṣe tu yastu ghore niśāgame

"— in this very month of Kartika, by the season's own rite, on the twelfth day of the bright fortnight, at the coming of the fearsome night —"

Verse 59 (shiva.rudra.189.59)

कृतोपवासां त्वां भोक्ता सुप्तामन्तःपुरे नरः । स ते भर्त्ता कृतो देवैस्तेन सार्द्धं रमिष्यसि

kṛtopavāsāṁ tvāṁ bhoktā suptāmantaḥpure naraḥ sa te bharttā kṛto devaistena sārddhaṁ ramiṣyasi

"— a man will enjoy you, fasting and asleep within your inner chamber; he shall be made your husband by the gods, and with him you shall find your delight."

Verse 60 (shiva.rudra.189.60)

आबाल्याद्विष्णुभक्तासि यतोऽनिशमतन्द्रिता । एवमस्त्विति सा प्राह मनसा लज्जितानना

ābālyādviṣṇubhaktāsi yato'niśamatandritā evamastviti sā prāha manasā lajjitānanā

"Since from childhood you have been a tireless, unwavering devotee of Vishnu — this shall be your reward." "So be it," said Usha, her face bashful, her heart glad.

Verse 61 (shiva.rudra.189.61)

अथ सा पार्वती देवी कृतकौतुकमण्डना । रुद्रसन्निधिमागत्य चिक्रीडे तेन शम्भुना

atha sā pārvatī devī kṛtakautukamaṇḍanā rudrasannidhimāgatya cikrīḍe tena śambhunā

Then the goddess Parvati, adorned for the festive sport, came into the presence of Rudra and sported with that Shambhu.

Verse 62 (shiva.rudra.189.62)

ततो रतान्ते भगवान् रुद्रश्चादर्शनं ययौ । सदारः सगणश्चापि सहितो दैवतैर्मुने

tato ratānte bhagavān rudraścādarśanaṁ yayau sadāraḥ sagaṇaścāpi sahito daivatairmune

Then, O sage, at the end of their union, the Blessed Lord Rudra, together with his consort, his ganas, and the gods, passed from sight.