Vaivasvata's Account, in the Recitation of the Manvantaras

Verse 1 (shiva.uma.35.1)

सूत उवाच । विवस्वान् कश्यपाज्जज्ञे दाक्षायण्यां महाऋषेः । तस्य भार्याभवत्संज्ञा त्वाष्ट्री देवी सुरेणुका

sūta uvāca vivasvān kaśyapājjajñe dākṣāyaṇyāṁ mahāṛṣeḥ tasya bhāryābhavatsaṁjñā tvāṣṭrī devī sureṇukā

Suta said: Vivasvan was born to the great sage Kashyapa, by the daughter of Daksha. His wife was Sanjna, daughter of Tvashta, a goddess of exquisite delicacy.

Verse 2 (shiva.uma.35.2)

मुनेऽसहिष्णुना तेन तेजसा दुस्सहेन च । भर्तृरूपेण नातुष्यद्रूपयौवनशालिनी

mune'sahiṣṇunā tena tejasā dussahena ca bhartṛrūpeṇa nātuṣyadrūpayauvanaśālinī

O sage, she, endowed with beauty and youth, could not bear the unbearable, intolerable splendor of her husband's form, and was not pleased by it.

Verse 3 (shiva.uma.35.3)

आदित्यस्य हि तद्रूपमसहिष्णुः सुतेजसः । दह्यमाना तदोद्वेगमकरोद्वरवर्णिनी

ādityasya hi tadrūpamasahiṣṇuḥ sutejasaḥ dahyamānā tadodvegamakarodvaravarṇinī

Unable to endure the form of the Sun of great splendor, that fair one, being scorched, then became distressed.

Verse 4 (shiva.uma.35.4)

ऋषेऽस्यां त्रीण्यपत्यानि जनयामास भास्करः । संज्ञायां तु मनुः पूर्वं श्राद्धदेवः प्रजापतिः

ṛṣe'syāṁ trīṇyapatyāni janayāmāsa bhāskaraḥ saṁjñāyāṁ tu manuḥ pūrvaṁ śrāddhadevaḥ prajāpatiḥ

O sage, upon her Bhaskara begot three children; upon Sanjna, first, was born Manu, the Prajapati known as Shraddhadeva,

Verse 5 (shiva.uma.35.5)

यमश्च यमुना चैव यमलौ सम्बभूवतुः । एवं हि त्रीण्यपत्यानि तस्यां जातानि सूर्यतः

yamaśca yamunā caiva yamalau sambabhūvatuḥ evaṁ hi trīṇyapatyāni tasyāṁ jātāni sūryataḥ

and Yama and Yamuna, twins, were born. Thus indeed were three children born to her from the Sun.

Verse 6 (shiva.uma.35.6)

संवर्तुलं तु तद्रूपं दृष्ट्वा संज्ञा विवस्वतः । असहन्ती ततश्छायामात्मनः सासृजच्छुभाम्

saṁvartulaṁ tu tadrūpaṁ dṛṣṭvā saṁjñā vivasvataḥ asahantī tataśchāyāmātmanaḥ sāsṛjacchubhām

But seeing that fully-blazing, orb-like form of Vivasvan, and unable to bear it, Sanjna then created from herself an auspicious shadow-image, Chhaya.

Verse 7 (shiva.uma.35.7)

मायामयी तु सा संज्ञामवोचद्भक्तितः सुभे । किं करोमीह कार्यं ते कथयस्व शुचिस्मिते

māyāmayī tu sā saṁjñāmavocadbhaktitaḥ subhe kiṁ karomīha kāryaṁ te kathayasva śucismite

That illusory one, Chhaya, said to Sanjna with devotion: 'O fair one, what shall I do? Tell me your task, O one of pure smile.'

Verse 8 (shiva.uma.35.8)

संज्ञोवाच अहं यास्यामि भद्रं ते ममैव भवनं पितुः । त्वयैतद्भवने सत्यं वस्तव्यं निर्विकारतः

saṁjñovāca ahaṁ yāsyāmi bhadraṁ te mamaiva bhavanaṁ pituḥ tvayaitadbhavane satyaṁ vastavyaṁ nirvikārataḥ

Sanjna said: 'I shall go to my own father's home, blessings on you. You must truly dwell in this house without any change of behavior, exactly as I would.'

Verse 9 (shiva.uma.35.9)

इमौ मे बालकौ साधू कन्या चेयं सुमध्यमा । पालनीयाः सुखेनैव मम चेदिच्छसि प्रियम्

imau me bālakau sādhū kanyā ceyaṁ sumadhyamā pālanīyāḥ sukhenaiva mama cedicchasi priyam

'These two good boys of mine, and this slender-waisted daughter, must be cared for happily, if you wish to please me.'

Verse 10 (shiva.uma.35.10)

छायोवाच । आकेशग्रहणाद्देवि सहिष्येऽहं सुदुष्कृतम् । नाख्यास्यामि मतं तुभ्यं गच्छ देवि यथासुखम्

chāyovāca ākeśagrahaṇāddevi sahiṣye'haṁ suduṣkṛtam nākhyāsyāmi mataṁ tubhyaṁ gaccha devi yathāsukham

Chhaya said: 'O goddess, even to the seizing of my hair, I shall endure whatever hardship is done to me; I shall not reveal this arrangement. Go, O goddess, as you please.'

Verse 11 (shiva.uma.35.11)

सूत उवाच । इत्युक्ता साऽगमद्देवी व्रीडिता सन्निधौ पितुः । पित्रा निर्भर्त्सिता तत्र नियुक्ता सा पुनः पुनः

sūta uvāca ityuktā sā'gamaddevī vrīḍitā sannidhau pituḥ pitrā nirbhartsitā tatra niyuktā sā punaḥ punaḥ

Suta said: Thus addressed, that goddess went, ashamed, into her father's presence; there she was rebuked by her father and repeatedly urged to return.

Verse 12 (shiva.uma.35.12)

अगच्छद्वडवा भूत्वाच्छाद्य रूपं ततः स्वकम् । कुरुंस्तदोत्तरान् प्राप्य नृणान्येव चचार ह

agacchadvaḍavā bhūtvācchādya rūpaṁ tataḥ svakam kuruṁstadottarān prāpya nṛṇānyeva cacāra ha

She then went, having concealed her own form, becoming a mare, and wandered indeed among men, having reached the northern Kurus.

Verse 13 (shiva.uma.35.13)

संज्ञां तां तु रविर्मत्वा छायायां सुसुतं तदा । जनयामास सावर्णिं मनुं वै सविता किल

saṁjñāṁ tāṁ tu ravirmatvā chāyāyāṁ susutaṁ tadā janayāmāsa sāvarṇiṁ manuṁ vai savitā kila

The Sun, believing that Chhaya to be Sanjna herself, then begot upon her a fine son — indeed Savita begot Manu Savarni.

Verse 14 (shiva.uma.35.14)

संज्ञानु प्रार्थिता छाया सा स्वपुत्रेऽपि नित्यशः । चकाराभ्यधिकं स्नेहं न तथा पूर्वजे सुते

saṁjñānu prārthitā chāyā sā svaputre'pi nityaśaḥ cakārābhyadhikaṁ snehaṁ na tathā pūrvaje sute

That Chhaya, though requested by Sanjna, always showed greater affection toward her own son, and not so much toward the firstborn son, Yama.

Verse 15 (shiva.uma.35.15)

मनुस्तस्याक्षमत्तं यमस्तं नैव चक्षमे । स सरोषस्तु बाल्याच्च भाविनोऽर्थस्य गौरवात्

manustasyākṣamattaṁ yamastaṁ naiva cakṣame sa saroṣastu bālyācca bhāvino'rthasya gauravāt

Manu Savarni tolerated her, but Yama did not; he, in his childishness and because of the weight of the destined event, became angry.

Verse 16 (shiva.uma.35.16)

छायां सन्तर्जयामास पदा वैवस्वतो यमः । तं शशाप ततः क्रोधाच्छाया तु कलुषीकृता

chāyāṁ santarjayāmāsa padā vaivasvato yamaḥ taṁ śaśāpa tataḥ krodhācchāyā tu kaluṣīkṛtā

Yama Vaivasvata threatened Chhaya with his foot raised in anger; Chhaya, thereby provoked and darkened with rage, then cursed him.

Verse 17 (shiva.uma.35.17)

चरणः पततामेष तवेति भृशरोषतः । यमस्ततः पितुः सर्वं प्राञ्जलिः प्रत्यवेदयत्

caraṇaḥ patatāmeṣa taveti bhṛśaroṣataḥ yamastataḥ pituḥ sarvaṁ prāñjaliḥ pratyavedayat

'Let this foot of yours fall off!' — she said in intense rage. Yama then, with joined palms, reported everything to his father.

Verse 18 (shiva.uma.35.18)

भृशं शापभयोद्विग्नः संज्ञावाक्यैर्विचेष्टितः । मात्रा स्नेहेन सर्वेषु वर्तितव्यं सुतेषु वै

bhṛśaṁ śāpabhayodvignaḥ saṁjñāvākyairviceṣṭitaḥ mātrā snehena sarveṣu vartitavyaṁ suteṣu vai

Greatly agitated by fear of the curse, and moved by Sanjna's own words about equal care, Yama said: 'A mother should indeed behave with affection toward all her sons —'

Verse 19 (shiva.uma.35.19)

स्नेहमस्मास्वपाकृत्य कनीयांसं बिभर्ति सा । तस्मान्मयोद्यतः पादस्तद्भवान् क्षन्तुमर्हति

snehamasmāsvapākṛtya kanīyāṁsaṁ bibharti sā tasmānmayodyataḥ pādastadbhavān kṣantumarhati

'—withdrawing her affection from us, she cherishes the younger one. Therefore my foot was raised against her; you should therefore forgive me for that.'

Verse 20 (shiva.uma.35.20)

शप्तोऽहमस्मि देवेश जनन्या तपतांवर । तव प्रसादाच्चरणो न पतेन्मम गोपते

śapto'hamasmi deveśa jananyā tapatāṁvara tava prasādāccaraṇo na patenmama gopate

'O lord of gods, best of the radiant ones, I have been cursed by my mother; O protector of the world, by your grace let not my foot fall off.'

Verse 21 (shiva.uma.35.21)

सवितोवाच । असंशयं पुत्र महद्भविष्यत्यत्र कारणम् । येन त्वामाविशत्क्रोधो धर्मज्ञं सत्यवादिनम्

savitovāca asaṁśayaṁ putra mahadbhaviṣyatyatra kāraṇam yena tvāmāviśatkrodho dharmajñaṁ satyavādinam

Savita said: 'Without doubt, my son, there is some great cause behind this, by which anger overtook you, who are knower of dharma and a speaker of truth.'

Verse 22 (shiva.uma.35.22)

न शक्यते तन्मिथ्या वै कर्तुं मातृवचस्तव । कृमयो मांसमादाय गमिष्यन्ति महीतले

na śakyate tanmithyā vai kartuṁ mātṛvacastava kṛmayo māṁsamādāya gamiṣyanti mahītale

'That word of your mother cannot be made false; therefore worms shall take a piece of flesh and fall to the earth — thus shall the curse be fulfilled in part.'

Verse 23 (shiva.uma.35.23)

तद्वाक्यं भविता सत्यं त्वं च त्रातौ भविष्यसि । कुरु तात न सन्देहं मनश्चाश्वास्य स्वं प्रभो

tadvākyaṁ bhavitā satyaṁ tvaṁ ca trātau bhaviṣyasi kuru tāta na sandehaṁ manaścāśvāsya svaṁ prabho

'That word will become true, and yet you shall be preserved. Do not doubt, dear one; console your own mind.'

Verse 24 (shiva.uma.35.24)

सूत उवाच । इत्युक्त्वा तनयं सूर्यो यमसंज्ञं मुनीश्वर । आदित्यश्चाब्रवीत्तान्त्तु छायां क्रोधसमन्वितः

sūta uvāca ityuktvā tanayaṁ sūryo yamasaṁjñaṁ munīśvara ādityaścābravīttānttu chāyāṁ krodhasamanvitaḥ

Suta said: O lord of sages, having thus spoken to his son named Yama, the Sun, filled with anger, then spoke to that Chhaya.

Verse 25 (shiva.uma.35.25)

सूर्य उवाच । हे प्रिये कुमते चण्डि किं त्वयाचरितं किल । किन्तु मेऽभ्यधिकः स्नेह एतदाख्यातुमर्हसि

sūrya uvāca he priye kumate caṇḍi kiṁ tvayācaritaṁ kila kintu me'bhyadhikaḥ sneha etadākhyātumarhasi

Surya said: 'O dear one, wicked-minded, fierce woman, what indeed have you done? Yet my affection for you is still greater — you should tell me this truly.'

Verse 26 (shiva.uma.35.26)

सूत उवाच । सा रवेर्वचनं श्रुत्वा यथातथ्यं न्यवेदयत् । निर्दग्धा कामरविणा सान्त्वयामास वै तदा

sūta uvāca sā ravervacanaṁ śrutvā yathātathyaṁ nyavedayat nirdagdhā kāmaraviṇā sāntvayāmāsa vai tadā

Suta said: She, hearing the Sun's words, told him truly what had happened; troubled by that revelation, the Sun then consoled her.

Verse 27 (shiva.uma.35.27)

तस्यास्तद् वचनं श्रुत्वा सूर्याऽगात्तवष्टुरन्तिकम् पप्रच्छ तं क्व संज्ञेति त्वष्टा सूर्यमथाब्रवीत्

tasyāstad vacanaṁ śrutvā sūryā'gāttavaṣṭurantikam papraccha taṁ kva saṁjñeti tvaṣṭā sūryamathābravīt

Having heard her words, the Sun went to the presence of Tvashta and asked him, 'Where is Sanjna?' Tvashta then said to the Sun:

Verse 28 (shiva.uma.35.28)

त्वष्टोवाच । तवातितेजसा दग्धा इदं रूपं न शोभते । असहन्ती च तत्संज्ञा वने वसति शाद्वले

tvaṣṭovāca tavātitejasā dagdhā idaṁ rūpaṁ na śobhate asahantī ca tatsaṁjñā vane vasati śādvale

Tvashta said: 'Burned by your excessive splendor, this form of yours does not shine, is unbearable; and Sanjna, unable to endure it, dwells in a grassy forest.'

Verse 29 (shiva.uma.35.29)

श्लाघ्या योगबलोपेता योगमासाद्य गोपते । अनुकूलस्तु देवेश सन्दिश्यात्ममयं मतम्

ślāghyā yogabalopetā yogamāsādya gopate anukūlastu deveśa sandiśyātmamayaṁ matam

'She is praiseworthy, endowed with the power of yoga, having attained yoga, O protector; O lord of gods, being favorable, tell me your own view.'

Verse 30 (shiva.uma.35.30)

रूपं निवर्तयाम्यद्य तव कान्तं करोम्यहम् । सूत उवाच । तच्छ्रुत्वापगतः क्रोधो मार्तण्डस्य विवस्वतः

rūpaṁ nivartayāmyadya tava kāntaṁ karomyaham sūta uvāca tacchrutvāpagataḥ krodho mārtaṇḍasya vivasvataḥ

'I shall today curtail your form; I shall make it pleasing.' Suta said: Hearing this, the anger of Martanda Vivasvan departed.

Verse 31 (shiva.uma.35.31)

भ्रमिमारोप्य तत्तेजः शातयामास वै मुनिः । ततो विभ्राजितं रूपं तेजसा संवृतेन च

bhramimāropya tattejaḥ śātayāmāsa vai muniḥ tato vibhrājitaṁ rūpaṁ tejasā saṁvṛtena ca

Placing that splendor upon a lathe, the sage Tvashta pared it down; then his form, radiant, its brilliance now contained—

Verse 32 (shiva.uma.35.32)

कृतं कान्ततरं रूपं त्वष्ट्रा तच्छुशुभे तदा । ततोऽधियोगमास्थाय स्वां भार्यां हि ददर्श ह

kṛtaṁ kāntataraṁ rūpaṁ tvaṣṭrā tacchuśubhe tadā tato'dhiyogamāsthāya svāṁ bhāryāṁ hi dadarśa ha

— became more beautiful, made so by Tvashta, and it shone forth then. Thereafter, resorting to yoga, he beheld his own wife.

Verse 33 (shiva.uma.35.33)

अधृष्यां सर्वभूतानां तेजसा नियमेन च । सोऽश्वरूपं समास्थाय गत्वा तां मैथुनेच्छया

adhṛṣyāṁ sarvabhūtānāṁ tejasā niyamena ca so'śvarūpaṁ samāsthāya gatvā tāṁ maithunecchayā

She was unassailable by all beings, through her splendor and her vow; he, the Sun, assuming the form of a horse, went to her with desire for union.

Verse 34 (shiva.uma.35.34)

मैथुनाय विचेष्टन्तीं परपुंसोऽभिशङ्कया । मुखतो नासिकायां तु शुक्रं तद्व्यदधान्मुने

maithunāya viceṣṭantīṁ parapuṁso'bhiśaṅkayā mukhato nāsikāyāṁ tu śukraṁ tadvyadadhānmune

As she resisted union, suspecting him to be another male, he, O sage, deposited that seed through her mouth into her nostrils.

Verse 35 (shiva.uma.35.35)

देवौ ततः प्रजायेतामश्विनौ भिषजां वरौ । नासत्यौ तौ च दस्रौ च स्मृतौ द्वावश्विनावपि

devau tataḥ prajāyetāmaśvinau bhiṣajāṁ varau nāsatyau tau ca dasrau ca smṛtau dvāvaśvināvapi

Then were born the two gods, the Ashvins, best of physicians; those two are remembered as Nasatya and Dasra, and also as the two Ashvins.

Verse 36 (shiva.uma.35.36)

तां तु कान्तेन रूपेण दर्शयामास भास्करः । आत्मानं सा तु तं दृष्ट्वा प्रहृष्टा पतिमादरात्

tāṁ tu kāntena rūpeṇa darśayāmāsa bhāskaraḥ ātmānaṁ sā tu taṁ dṛṣṭvā prahṛṣṭā patimādarāt

Bhaskara then showed himself to her in his now-beautiful form; she, seeing him, was overjoyed, and reverently embraced her husband.

Verse 37 (shiva.uma.35.37)

पत्या तेन गृहं प्रागात्स्वं सती मुदितानना । मुमुदातेऽथ तौ प्रीत्या दम्पती पूर्वतोधिकम्

patyā tena gṛhaṁ prāgātsvaṁ satī muditānanā mumudāte'tha tau prītyā dampatī pūrvatodhikam

With that husband, the virtuous one, her face joyful, went to her own home; then that couple rejoiced together with love, more than before.

Verse 38 (shiva.uma.35.38)

यमस्तु कर्मणा तेन भृशं पीडितमानसः । धर्मेण रञ्जयामास धर्मराज इमा प्रजाः

yamastu karmaṇā tena bhṛśaṁ pīḍitamānasaḥ dharmeṇa rañjayāmāsa dharmarāja imā prajāḥ

But Yama, his mind greatly pained by that deed, as Dharmaraja, thereafter pleased his subjects through righteousness.

Verse 39 (shiva.uma.35.39)

लेभे स कर्मणा तेन धर्मराजो महाद्युतिः । पितॄणामाधिपत्यं च लोकपालत्वमेव च

lebhe sa karmaṇā tena dharmarājo mahādyutiḥ pitṝṇāmādhipatyaṁ ca lokapālatvameva ca

By that deed of righteous rule, that Dharmaraja, of great splendor, obtained sovereignty over the Pitrs and the status of a guardian of the world.

Verse 40 (shiva.uma.35.40)

मनुः प्रजापतिस्त्वासीत्सावर्णिः स तपोधनः । भाव्यः स कर्मणा तेन मनोः सावर्णिकेऽन्तरे

manuḥ prajāpatistvāsītsāvarṇiḥ sa tapodhanaḥ bhāvyaḥ sa karmaṇā tena manoḥ sāvarṇike'ntare

Manu Savarni became a Prajapati, rich in austerity; through that deed, he is destined to become Manu in the manvantara called Savarnika.

Verse 41 (shiva.uma.35.41)

मेरुपृष्ठे तपो घोरमद्यापि चरते प्रभुः । यवीयसी तयोर्या तु यमी कन्या यशस्विनी

merupṛṣṭhe tapo ghoramadyāpi carate prabhuḥ yavīyasī tayoryā tu yamī kanyā yaśasvinī

Even now, that lord practices fierce austerity upon the ridge of Meru. And the younger of the two, the illustrious daughter Yami,

Verse 42 (shiva.uma.35.42)

अभवत्सा सरिच्छ्रेष्ठा यमुना लोकपा वनी । मनुरित्युच्यते लोके सावर्णिरिति चोच्यते

abhavatsā saricchreṣṭhā yamunā lokapā vanī manurityucyate loke sāvarṇiriti cocyate

she became the foremost of rivers, Yamuna, protectress of the world, dwelling in the forest. Her brother is called Manu in the world, and also called Savarni.

Verse 43 (shiva.uma.35.43)

य इदं जन्म देवानां शृणुयाद्धारयेत्तु वा । आपदं प्राप्य मुच्येत प्राप्नुयात्सुमहद्यशः

ya idaṁ janma devānāṁ śaṛṇuyāddhārayettu vā āpadaṁ prāpya mucyeta prāpnuyātsumahadyaśaḥ

Whoever hears, or holds in memory, this account of the birth of the gods, having encountered misfortune, is released from it, and attains very great fame.