The Description of the Rites for Renunciants from Death up to the Tenth Day

Verse 1 (shiva.kailasa.21.1)

वामदेव उवाच । ये मुक्ता यतयस्तेषां दाहकर्म न विद्यते । मृते शरीरे खननं तद्देहस्य श्रुतं मया

vāmadeva uvāca | ye muktā yatayasteṣāṁ dāhakarma na vidyate | mṛte śarīre khananaṁ taddehasya śrutaṁ mayā

Vamadeva said: "For those renunciants who are liberated, there is no rite of cremation; when the body dies, I have heard that it is buried."

Verse 2 (shiva.kailasa.21.2)

तत्कर्माचक्ष्व सुप्रीत्या कार्तिकेय गुरो मम । त्वत्तोऽन्यो न हि संवक्ता त्रिषु लोकेषु विद्यते

tatkarmācakṣva suprītyā kārtikeya guro mama | tvatto'nyo na hi saṁvaktā triṣu lokeṣu vidyate

"Kindly explain that rite to me, O Kartikeya, my guru; for there exists no other teacher of it in the three worlds besides you."

Verse 3 (shiva.kailasa.21.3)

पूर्णाहम्भावमाश्रित्य ये मुक्ता देहपञ्जरात् । ये तूपासनमार्गेण देहमुक्ताः परं गताः

pūrṇāhambhāvamāśritya ye muktā dehapañjarāt | ye tūpāsanamārgeṇa dehamuktāḥ paraṁ gatāḥ

"Tell me of those who, having taken refuge in the realization of the fullness of 'I,' are freed from the cage of the body, and also those who, freed from the body by the path of worship, have gone to the Supreme —"

Verse 4 (shiva.kailasa.21.4)

तेषां गतिविशेषं च भगवन् शङ्करात्मज । वक्तुमर्हसि सुप्रीत्या मां विचार्य स्वशिष्यतः

teṣāṁ gativiśeṣaṁ ca bhagavan śaṅkarātmaja | vaktumarhasi suprītyā māṁ vicārya svaśiṣyataḥ

"— O Lord, son of Shankara, you should kindly tell me their particular destinies, considering me your own disciple."

Verse 5 (shiva.kailasa.21.5)

सूत उवाच । मुनिविज्ञप्तिमाकर्ण्य शक्तिपुत्रः सुरारिहा । प्राहात्यन्तरहस्यं तद् भृगुणा श्रुतमीश्वरात्

sūta uvāca | munivijñaptimākarṇya śaktiputraḥ surārihā | prāhātyantarahasyaṁ tad bhṛguṇā śrutamīśvarāt

Suta said: Having heard the sage's request, the son of Shakti, slayer of the gods' enemies, spoke that most secret teaching which Bhrigu had once heard from the Lord.

Verse 6 (shiva.kailasa.21.6)

सुब्रह्मण्य उवाच । इदमेव मुने गुह्यं भृगवे शिवयोगिने । उक्तं भगवता साक्षात्सर्वज्ञेन पिनाकिना

subrahmaṇya uvāca | idameva mune guhyaṁ bhṛgave śivayogine | uktaṁ bhagavatā sākṣātsarvajñena pinākinā

Subrahmanya said: "O sage, this very secret was spoken directly by the all-knowing Lord who bears the Pinaka bow, to Bhrigu the Shiva-yogin."

Verse 7 (shiva.kailasa.21.7)

वक्ष्ये तदद्य ते ब्रह्मन्न देयं यस्य कस्यचित् । देयं शिष्याय शान्ताय शिवभक्तियुताय वै

vakṣye tadadya te brahmanna deyaṁ yasya kasyacit | deyaṁ śiṣyāya śāntāya śivabhaktiyutāya vai

"I shall now tell it to you, O brahmin; it is not to be given to just anyone — it is to be given only to a disciple who is peaceful and devoted to Shiva."

Verse 8 (shiva.kailasa.21.8)

समाधिस्थो यतिः कश्चिच्छिवभावेन देहमुक् । अस्ति चेत्स महाधीरः परिपूर्णः शिवो भवेत्

samādhistho yatiḥ kaścicchivabhāvena dehamuk | asti cetsa mahādhīraḥ paripūrṇaḥ śivo bhavet

"If there is a renunciant who, established in samadhi, leaves the body in the state of Shiva-consciousness, that greatly steadfast one becomes perfectly full, Shiva himself."

Verse 9 (shiva.kailasa.21.9)

अधैर्यचित्तो यः कश्चित्समाधिं न च विन्दति । तदुपायं प्रवक्ष्यामि सावधानतया शृणु

adhairyacitto yaḥ kaścitsamādhiṁ na ca vindati | tadupāyaṁ pravakṣyāmi sāvadhānatayā śṛṇu

"But whoever, being unsteady of mind, does not attain samadhi — for him I shall declare the means; listen with careful attention."

Verse 10 (shiva.kailasa.21.10)

त्रिपदार्थपरिज्ञानं वेदान्तागमवाक्यजम् । श्रुत्वा गुरोर्मुखाद्योगमभ्यसेत्स यमादिकम्

tripadārthaparijñānaṁ vedāntāgamavākyajam | śrutvā gurormukhādyogamabhyasetsa yamādikam

"Having heard from the guru's own mouth the full understanding of the meaning of the three words, born of the statements of Vedanta and the Agamas, he should practice yoga, beginning with yama and the rest."

Verse 11 (shiva.kailasa.21.11)

तत्कुर्वन्स यतिः सम्यक् शिवध्यानपरो भवेत् । नियमेन मुने नित्यं प्रणवासक्तमानसः

tatkurvansa yatiḥ samyak śivadhyānaparo bhavet | niyamena mune nityaṁ praṇavāsaktamānasaḥ

"Doing this, that renunciant becomes truly devoted to meditation on Shiva, O sage, ever disciplined, his mind fixed upon the Pranava."

Verse 12 (shiva.kailasa.21.12)

देहदौर्बल्यवशतो यद्यधैर्यधरो यतिः । अकामश्च शिवं स्मृत्वा स जीर्णां स्वां तनुं त्यजेत्

dehadaurbalyavaśato yadyadhairyadharo yatiḥ | akāmaśca śivaṁ smṛtvā sa jīrṇāṁ svāṁ tanuṁ tyajet

"If, through the weakness of the body, the renunciant grows unsteady, then, free of desire, remembering Shiva, he should relinquish his own worn-out body."

Verse 13 (shiva.kailasa.21.13)

सदाशिवानुग्रहतो नन्दिना प्रेरिता मुने । आतिवाहिकरूपिण्यो देवताः पञ्च विश्रुताः

sadāśivānugrahato nandinā preritā mune | ātivāhikarūpiṇyo devatāḥ pañca viśrutāḥ

"O sage, by the grace of Sadashiva and impelled by Nandi, five renowned deities, in the form of guides for the soul's onward journey —"

Verse 14 (shiva.kailasa.21.14)

अग्न्यहन्ताकृतिः काचिज्ज्योत्तिःपुञ्जवपुष्मती । अह्नोऽभिमानिनी काचिच्छुक्लपक्षाभिमानिनी

agnyahantākṛtiḥ kācijjyottiḥpuñjavapuṣmatī | ahno'bhimāninī kācicchuklapakṣābhimāninī

"— one in the form of Fire and Day, of a body massed with light; one presiding over Day, one presiding over the bright fortnight;"

Verse 15 (shiva.kailasa.21.15)

उत्तरायणरूपा च पञ्चानुग्रहतत्परा । धूम्रा तमस्विनी रात्रिः कृष्णपक्षाभिमानिनी

uttarāyaṇarūpā ca pañcānugrahatatparā | dhūmrā tamasvinī rātriḥ kṛṣṇapakṣābhimāninī

"— and one in the form of the sun's northward course — five, all devoted to bestowing grace; and, opposite them: smoky, dark Night, presiding over the dark fortnight;"

Verse 16 (shiva.kailasa.21.16)

दक्षिणायनरूपेति विश्रुताः पञ्च देवताः । तासां वृत्तिं शृणुष्वाद्य वामदेव महामुने

dakṣiṇāyanarūpeti viśrutāḥ pañca devatāḥ | tāsāṁ vṛttiṁ śṛṇuṣvādya vāmadeva mahāmune

"— and in the form of the sun's southward course — thus these five deities are renowned; hear now their function, O Vamadeva, great sage."

Verse 17 (shiva.kailasa.21.17)

ताः पञ्च देवता जीवान् कर्मानुष्ठानतत्परान् । गृहीत्वा त्रिदिवं यान्ति तत्पुण्यवशतो मुने

tāḥ pañca devatā jīvān karmānuṣṭhānatatparān | gṛhītvā tridivaṁ yānti tatpuṇyavaśato mune

"Those five deities take up souls devoted to the performance of ritual action, and, by the power of their merit, go with them to the heavenly world."

Verse 18 (shiva.kailasa.21.18)

भुक्त्वा भोगान्यथोक्तांश्च ते तत्पुण्यक्षये पुनः । मानुषं लोकमासाद्य भजते जन्म पूर्ववत्

bhuktvā bhogānyathoktāṁśca te tatpuṇyakṣaye punaḥ | mānuṣaṁ lokamāsādya bhajate janma pūrvavat

"Having enjoyed the pleasures duly described, when their merit is exhausted, they return again to the human world and take birth as before."

Verse 19 (shiva.kailasa.21.19)

ताः पुनः पञ्चधा मार्गं विभज्यारभ्य भूतलम् । अग्न्यादिक्रमतां गृह्य सदाशिवपदं यतिः

tāḥ punaḥ pañcadhā mārgaṁ vibhajyārabhya bhūtalam | agnyādikramatāṁ gṛhya sadāśivapadaṁ yatiḥ

"Those same deities, again dividing the path fivefold, starting from the earth and taking up the sequence beginning with Fire, convey the renunciant to the abode of Sadashiva —"

Verse 20 (shiva.kailasa.21.20)

निनीय वन्द्यचरणौ देवदेवस्य पृष्ठतः । तिष्ठन्त्यनुग्रहाकाराः कर्मण्येव प्रयोजिताः

ninīya vandyacaraṇau devadevasya pṛṣṭhataḥ | tiṣṭhantyanugrahākārāḥ karmaṇyeva prayojitāḥ

"— having led him to the venerable feet, they stand behind the God of gods, taking the very form of grace, engaged in that task alone."

Verse 21 (shiva.kailasa.21.21)

समागतमभिप्रेक्ष्य देवदेवः सदाशिवः । विरक्तश्चेन्महामन्त्रतात्पर्यमुपदिश्य च

samāgatamabhiprekṣya devadevaḥ sadāśivaḥ | viraktaścenmahāmantratātparyamupadiśya ca

"Beholding the one who has thus arrived, the God of gods, Sadashiva — if he is truly dispassionate — having taught him the essential meaning of the great mantra —"

Verse 22 (shiva.kailasa.21.22)

स्वसाम्यं च वपुर्दत्ते गाणपत्येभिषिच्य च । अनुगृह्णाति सर्वेशः शङ्करः सर्वनायकः

svasāmyaṁ ca vapurdatte gāṇapatyebhiṣicya ca | anugṛhṇāti sarveśaḥ śaṅkaraḥ sarvanāyakaḥ

"— grants him a form equal to his own, and, having consecrated him with lordship over his hosts, Shankara, lord of all, leader of all, graces him —"

Verse 23 (shiva.kailasa.21.23)

मृगटङ्कत्रिशूलाग्र्यवरदानविभूषितम् । त्रिनेत्रं चन्द्रशकलं गङ्गोल्लासिजटाधरम्

mṛgaṭaṅkatriśūlāgryavaradānavibhūṣitam | trinetraṁ candraśakalaṁ gaṅgollāsijaṭādharam

"— with a form adorned with the deer, the axe, the excellent trident and the boon-granting gesture; three-eyed, bearing the crescent moon and matted locks resplendent with the Ganga —"

Verse 24 (shiva.kailasa.21.24)

अधिष्ठितविमानाग्र्यं सर्वगं सर्वकामदम् । इति शाखाविरक्तस्य रुद्रकन्यासमावृतम्

adhiṣṭhitavimānāgryaṁ sarvagaṁ sarvakāmadam | iti śākhāviraktasya rudrakanyāsamāvṛtam

"— presiding over an excellent celestial chariot, all-pervading, granter of all desires — thus does he grace the one detached from worldly branches, surrounded by Rudra-maidens —"

Verse 25 (shiva.kailasa.21.25)

नृत्यगीतमृदङ्गादिवाद्यघोषमनोहरम् । दिव्याम्बरस्रगालेपभूषणैरपि भूषितम्

nṛtyagītamṛdaṅgādivādyaghoṣamanoharam | divyāmbarasragālepabhūṣaṇairapi bhūṣitam

"— enchanting with the sound of dance, song, drums and other instruments, adorned too with divine garments, garlands, unguents and ornaments —"

Verse 26 (shiva.kailasa.21.26)

दिव्यामृतघटैः पूर्णं दिव्याम्भःपरिपूरितम् । सूर्यकोटिप्रतीकाशं चन्द्रकोटिसुशीतलम्

divyāmṛtaghaṭaiḥ pūrṇaṁ divyāmbhaḥparipūritam | sūryakoṭipratīkāśaṁ candrakoṭisuśītalam

"— full of pots of divine nectar, filled with divine waters, radiant as ten million suns, and cool as ten million moons —"

Verse 27 (shiva.kailasa.21.27)

मनोवेगं सर्वगं च विमानमनुगृह्य च । भुक्तभोगस्य तस्यापि भोगकौतूहलक्षये

manovegaṁ sarvagaṁ ca vimānamanugṛhya ca | bhuktabhogasya tasyāpi bhogakautūhalakṣaye

"— having graced him with that celestial chariot, swift as the mind and going everywhere; and then, when even his curiosity for pleasures already enjoyed has waned —"

Verse 28 (shiva.kailasa.21.28)

निपात्य शक्तिं तीव्रतरां प्रकृत्या ह्यतिदुर्गमाम् । कान्तारं दग्धुकामां तां प्रलयानलसुप्रभाम्

nipātya śaktiṁ tīvratarāṁ prakṛtyā hyatidurgamām | kāntāraṁ dagdhukāmāṁ tāṁ pralayānalasuprabhām

"— casting down upon him a most intense power, by nature exceedingly hard to approach, radiant like the fire of dissolution, desiring to burn away that wilderness of remaining karma —"

Verse 29 (shiva.kailasa.21.29)

अनुगृह्य महामन्त्रतात्पर्यं परमेश्वरः । पूर्णोऽहं भावनारूपः शम्भुरस्मीति निश्चलम्

anugṛhya mahāmantratātparyaṁ parameśvaraḥ | pūrṇo'haṁ bhāvanārūpaḥ śambhurasmīti niścalam

"— and having graced him with the essential meaning of the great mantra, the Supreme Lord establishes the unshakeable realization, 'I am full, of the very nature of being itself, I am Shambhu' —"

Verse 30 (shiva.kailasa.21.30)

अनुगृह्य समाधिं च स्वदास्यस्पन्दरूपिणीः । रव्यादिकर्म्मसामर्थ्यरूपाः सिद्धीरनर्गलाः

anugṛhya samādhiṁ ca svadāsyaspandarūpiṇīḥ | ravyādikarmmasāmarthyarūpāḥ siddhīranargalāḥ

"— and, having graced him with samadhi, grants him unrestrained powers that are the very pulse of servitude to him, powers taking the form of mastery over the functions of the sun and the rest —"

Verse 31 (shiva.kailasa.21.31)

आयुःक्षये पद्मयोनेः पुनरावृत्तिवर्जिताम् । मुक्तिं च परमां तस्मै प्रयच्छति जगद्गुरुः

āyuḥkṣaye padmayoneḥ punarāvṛttivarjitām | muktiṁ ca paramāṁ tasmai prayacchati jagadguruḥ

"— and, when even the lifespan of Brahma comes to its end, the Guru of the universe grants him supreme liberation, free from any return to rebirth."

Verse 32 (shiva.kailasa.21.32)

एतदेव पदं तस्मात्सर्वैश्वर्यं समष्टिमत् । मुक्तिघण्टापथं चेति वेदान्तानां विनिश्चयः

etadeva padaṁ tasmātsarvaiśvaryaṁ samaṣṭimat | muktighaṇṭāpathaṁ ceti vedāntānāṁ viniścayaḥ

"This very state is therefore possessed of the totality of all sovereignty, and is called the direct path to liberation — this is the settled conclusion of the Vedanta."

Verse 33 (shiva.kailasa.21.33)

मुमूर्षोस्तस्य मन्दस्य यतेः सत्सम्प्रदायिनः । यतयः सानुकूलत्वात्तिष्ठेयुः परितस्तदा

mumūrṣostasya mandasya yateḥ satsampradāyinaḥ | yatayaḥ sānukūlatvāttiṣṭheyuḥ paritastadā

"When that renunciant of the true tradition, though of duller capacity, is about to die, other renunciants, out of favorable regard, should stay gathered around him."

Verse 34 (shiva.kailasa.21.34)

ततः सर्वे च ते तत्र प्रणवादीन्यनुक्रमात् । उपदिश्य च वाक्यानि तात्पर्यं च समाहिताः

tataḥ sarve ca te tatra praṇavādīnyanukramāt | upadiśya ca vākyāni tātparyaṁ ca samāhitāḥ

"Then all of them, gathered there, composed in mind, should teach him the Pranava and the rest in order, along with the great statements and their essential meaning —"

Verse 35 (shiva.kailasa.21.35)

वर्णयेयुः स्फुटं प्रीत्या शिवं संस्मारयन्सदा । निर्गुणं परमज्योतिः प्रणम्य विलयावधि

varṇayeyuḥ sphuṭaṁ prītyā śivaṁ saṁsmārayansadā | nirguṇaṁ paramajyotiḥ praṇamya vilayāvadhi

"— and should clearly and lovingly describe these truths, ever causing him to remember Shiva, the qualityless supreme light, bowing to him until his dissolution."

Verse 36 (shiva.kailasa.21.36)

एतेषां सममेवात्र संस्कारक्रम उच्यते । असंस्कृतशरीराणां दौर्गत्यं नैव जायते

eteṣāṁ samamevātra saṁskārakrama ucyate | asaṁskṛtaśarīrāṇāṁ daurgatyaṁ naiva jāyate

For these renunciants, the same order of the funerary sacrament is prescribed throughout; for bodies that go without the elaborate rite, no evil state results.

Verse 37 (shiva.kailasa.21.37)

संन्यस्य सर्वकर्माणि शिवाश्रयपरा यतः । देहं दूषयतस्तेषां राज्ञो राष्ट्रं च नश्यति

saṁnyasya sarvakarmāṇi śivāśrayaparā yataḥ | dehaṁ dūṣayatasteṣāṁ rājño rāṣṭraṁ ca naśyati

Since these renunciants, having renounced all action, are devoted solely to taking refuge in Shiva, the kingdom of a king who lets their bodies become defiled is destroyed.

Verse 38 (shiva.kailasa.21.38)

तद्ग्रामवासिनस्तेऽपि भवेयुर्भृशदुःखिनः । तद्दोषपरिहाराय विधानं चैवमुच्यते

tadgrāmavāsinaste'pi bhaveyurbhṛśaduḥkhinaḥ | taddoṣaparihārāya vidhānaṁ caivamucyate

The inhabitants of that village too become greatly afflicted; for the removal of that fault, the following procedure is thus prescribed.

Verse 39 (shiva.kailasa.21.39)

स तु नम इरिण्याय चेत्यारभ्य विनम्रधीः । नम आमीवत्केभ्यान्तं तत्काले प्रजपेन्मनुम्

sa tu nama iriṇyāya cetyārabhya vinamradhīḥ | nama āmīvatkebhyāntaṁ tatkāle prajapenmanum

He, humble-minded, should recite that mantra at that time, beginning "namo iriṇyāya" and ending "namo āmīvatkebhyaḥ."

Verse 40 (shiva.kailasa.21.40)

ओमित्यन्ते जपन् देवयजनं पूरयेत्ततः । ततः शान्तिर्भवेत्तस्य दोषस्य हि मुनीश्वर

omityante japan devayajanaṁ pūrayettataḥ | tataḥ śāntirbhavettasya doṣasya hi munīśvara

Reciting Om at the end, he should then complete the sacrificial ground; thereupon, O lord of sages, that fault is truly pacified.

Verse 41 (shiva.kailasa.21.41)

पुत्रादयो यथान्यायं कुर्युः संस्कारमुत्तमम् । वच्मि तत्कृपया विप्र सावधानतया शृणु

putrādayo yathānyāyaṁ kuryuḥ saṁskāramuttamam | vacmi tatkṛpayā vipra sāvadhānatayā śṛṇu

Sons and other kin should duly perform the excellent funerary rite; I shall tell it out of compassion, O brahmin — listen with careful attention.

Verse 42 (shiva.kailasa.21.42)

अभ्यर्च्य स्नाप्य शुद्धोदैरभ्यर्च्य कुसुमादिभिः । श्रीरुद्रचमकाभ्यां च रुद्रसूक्तेन च क्रमात्

abhyarcya snāpya śuddhodairabhyarcya kusumādibhiḥ | śrīrudracamakābhyāṁ ca rudrasūktena ca kramāt

Having worshipped the body, bathed it with pure water, worshipped it again with flowers and the rest, and with the Rudram, Chamakam, and the Rudra-sukta, in order —

Verse 43 (shiva.kailasa.21.43)

शङ्खं च पुरतः स्थाप्य तज्जलेनाभिषिच्य च । पुष्पं निधाय शिरसि प्रणवेन प्रमार्जयेत्

śaṅkhaṁ ca purataḥ sthāpya tajjalenābhiṣicya ca | puṣpaṁ nidhāya śirasi praṇavena pramārjayet

— having placed a conch before it and anointed it with that water, and set a flower on its head, he should wipe it clean with the Pranava.

Verse 44 (shiva.kailasa.21.44)

कौपीनादीनि सन्त्यज्य पुनरन्यानि धारयेत् । भस्मनोद्धूलयेत्तस्य सर्वाङ्गं विधिना ततः

kaupīnādīni santyajya punaranyāni dhārayet | bhasmanoddhūlayettasya sarvāṅgaṁ vidhinā tataḥ

Having removed the loincloth and the rest, he should put new ones on it; and then, by rule, besmear its whole body with ash.

Verse 45 (shiva.kailasa.21.45)

त्रिपुण्ड्रं च विधानेन तिलकं चन्दनेन च । विरच्य पुष्पैर्मालाभिरलङ्कुर्यात्कलेवरम्

tripuṇḍraṁ ca vidhānena tilakaṁ candanena ca | viracya puṣpairmālābhiralaṅkuryātkalevaram

Having applied the tripundra by rule, and the tilaka with sandal-paste, he should adorn the body with flowers and garlands.

Verse 46 (shiva.kailasa.21.46)

उरःकण्ठशिरोबाहुप्रकोष्ठश्रुतिषु क्रमात् । रुद्राक्षमालाभरणैरलङ्कुर्याच्च मन्त्रतः

uraḥkaṇṭhaśirobāhuprakoṣṭhaśrutiṣu kramāt | rudrākṣamālābharaṇairalaṅkuryācca mantrataḥ

On the chest, neck, head, upper arms, forearms, and ears, in order, he should adorn it with rudraksha-garland ornaments, with mantra.

Verse 47 (shiva.kailasa.21.47)

सुधूपितं समुत्थाप्य शिक्योपरि निधाय च । पञ्चब्रह्ममये रम्ये रथे संस्थापयेत्तनुम्

sudhūpitaṁ samutthāpya śikyopari nidhāya ca | pañcabrahmamaye ramye rathe saṁsthāpayettanum

Having well fumigated it with incense and raised it, and placed it upon a sling, he should set the body upon a beautiful bier invoking the five Brahma-mantras.

Verse 48 (shiva.kailasa.21.48)

ओमद्यैः पञ्चभिर्ब्रह्ममन्त्रैः सद्यादिभिः क्र्मात् । सुगन्धकुसुमैर्माल्यैरलङ्कुर्याद्रथं च तम्

omadyaiḥ pañcabhirbrahmamantraiḥ sadyādibhiḥ krmāt | sugandhakusumairmālyairalaṅkuryādrathaṁ ca tam

With Om first among the five Brahma-mantras beginning with Sadyojata, in order, he should also adorn that bier with fragrant flowers and garlands.

Verse 49 (shiva.kailasa.21.49)

नृत्यवाद्यैर्ब्राह्मणानां वेदघोषैश्च सर्वतः । ग्रामं प्रदक्षिणीकृत्य गच्छेत्प्रेतं तमुद्वहन्

nṛtyavādyairbrāhmaṇānāṁ vedaghoṣaiśca sarvataḥ | grāmaṁ pradakṣiṇīkṛtya gacchetpretaṁ tamudvahan

With dance and music, and the Vedic chanting of brahmins resounding on every side, they should circumambulate the village and go, bearing the departed one.

Verse 50 (shiva.kailasa.21.50)

ततस्ते यतिनः सर्वे तथा प्राच्यामथापि वा । उदीच्यां पुण्यदेशे तु पुण्यवृक्षसमीपतः

tataste yatinaḥ sarve tathā prācyāmathāpi vā | udīcyāṁ puṇyadeśe tu puṇyavṛkṣasamīpataḥ

Then all those renunciants should proceed, whether to the east or to the north, to a sacred spot near a sacred tree —

Verse 51 (shiva.kailasa.21.51)

खनित्वा देवयजनं दण्डमात्रप्रमाणतः । प्रणवव्याहृतिभ्यां च प्रोक्ष्य चास्तीर्य च क्रमात्

khanitvā devayajanaṁ daṇḍamātrapramāṇataḥ | praṇavavyāhṛtibhyāṁ ca prokṣya cāstīrya ca kramāt

— having dug the sacrificial pit, of a size measuring one staff's-length, and sprinkled it with the Pranava and the Vyahritis, they should spread it in order —

Verse 52 (shiva.kailasa.21.52)

शमीपत्रैश्च कुसुमैरुत्तराग्रं तदूर्ध्वतः । आस्तीर्य दर्भांस्तत्पीठं चैलाजिनकुशोत्तरम्

śamīpatraiśca kusumairuttarāgraṁ tadūrdhvataḥ | āstīrya darbhāṁstatpīṭhaṁ cailājinakuśottaram

— with shami leaves and flowers, tips to the north, and above that, having spread kusha grass, that seat is covered with cloth, deerskin, and kusha grass.

Verse 53 (shiva.kailasa.21.53)

प्रणवेन ब्रह्मभिश्च पञ्चगव्येन तां तनुम् । प्रोक्ष्याभिषिच्य रौद्रेण सूक्तेन प्रणवेन च

praṇavena brahmabhiśca pañcagavyena tāṁ tanum | prokṣyābhiṣicya raudreṇa sūktena praṇavena ca

With the Pranava and the Brahma-mantras, and with the five products of the cow, they should sprinkle that body, and anoint it with the Rudra hymn and the Pranava —

Verse 54 (shiva.kailasa.21.54)

शङ्खतोयेनाभिषिच्य मूर्ध्नि पुष्पं विनिःक्षिपेत् । तद्गतस्यानुकूलोऽसौ शिवस्मरणतत्परः

śaṅkhatoyenābhiṣicya mūrdhni puṣpaṁ viniḥkṣipet | tadgatasyānukūlo'sau śivasmaraṇatatparaḥ

— having anointed it with conch-water, they place a flower on its head; the officiant, favorably disposed toward the departed and intent on remembrance of Shiva —

Verse 55 (shiva.kailasa.21.55)

ओमित्यथ समुद्धृत्य स्वस्तिवाचनपूर्वकम् । गर्ते योगासने स्थाप्य प्राङ्मुखं स्याद्यथा तथा

omityatha samuddhṛtya svastivācanapūrvakam | garte yogāsane sthāpya prāṅmukhaṁ syādyathā tathā

— then, uttering Om, having lifted it, preceded by the recitation of blessings, sets it in the pit in the yogic posture, so that it faces east.

Verse 56 (shiva.kailasa.21.56)

गन्धपुष्पैरलङ्कृत्वा धूपगुग्गुलुना ततः । विष्णो हव्यमिति प्रोच्य रक्षस्वेति वदन् ददेत्

gandhapuṣpairalaṅkṛtvā dhūpaguggulunā tataḥ | viṣṇo havyamiti procya rakṣasveti vadan dadet

Having adorned it with sandal-paste and flowers, and then with incense of guggulu, saying "O Vishnu, this is the offering," and "protect," he should present it.

Verse 57 (shiva.kailasa.21.57)

दण्डं दक्षिणहस्ते तु वामे दद्यात्कमण्डलुम् । प्रजापते न त्वदेतान्यन्योमन्त्रेण सोदकम्

daṇḍaṁ dakṣiṇahaste tu vāme dadyātkamaṇḍalum | prajāpate na tvadetānyanyomantreṇa sodakam

He should place the staff in the right hand and the water-pot in the left, with the mantra "Prajapate, none other than you..." together with water.

Verse 58 (shiva.kailasa.21.58)

ब्रह्मजज्ञानं प्रथममिति मन्त्रेण मस्तके । स्पृशञ्जप्त्वा रुद्रसूक्तं भ्रुवोर्मध्ये स्पृशञ्जपेत्

brahmajajñānaṁ prathamamiti mantreṇa mastake | spṛśañjaptvā rudrasūktaṁ bhruvormadhye spṛśañjapet

Touching the head with the mantra "Brahman, the first-born," and having recited the Rudra hymn, he should touch between the eyebrows and recite further.

Verse 59 (shiva.kailasa.21.59)

मानोमहान्तमित्यादि चतुर्भिर्मस्तकं ततः । नालिकेरेण निर्भिद्यादवटं पूरयेत्ततः

mānomahāntamityādi caturbhirmastakaṁ tataḥ | nālikereṇa nirbhidyādavaṭaṁ pūrayettataḥ

Then, with the four verses beginning "mā no mahāntam," he should touch the head; then break it open with a coconut, and thereafter fill the pit.

Verse 60 (shiva.kailasa.21.60)

पञ्चभिर्ब्रह्मभिः स्पृष्ट्वा जपेत् स्थलमनन्यधीः । यो देवानामुपक्रम्य यः परः स महेश्वरः

pañcabhirbrahmabhiḥ spṛṣṭvā japet sthalamananyadhīḥ | yo devānāmupakramya yaḥ paraḥ sa maheśvaraḥ

Having touched it with the five Brahma-mantras, with undivided mind he should recite over the site: "he who, among the gods... he who is supreme, he is Maheshvara."

Verse 61 (shiva.kailasa.21.61)

इति जप्त्वा महादेवं साम्बं संसारभेषजम् । सर्वज्ञमपराधीनं सर्वानुग्रहकारकम्

iti japtvā mahādevaṁ sāmbaṁ saṁsārabheṣajam | sarvajñamaparādhīnaṁ sarvānugrahakārakam

Having recited thus, invoking Mahadeva together with Amba, the medicine for samsara, all-knowing, subject to none, the bestower of grace upon all —

Verse 62 (shiva.kailasa.21.62)

एकारत्निसमुत्सेधमरत्निद्वयविस्तृतम् । मृदा पीठं प्रकल्प्याथ गोमयेनोपलेपयेत्

ekāratnisamutsedhamaratnidvayavistṛtam | mṛdā pīṭhaṁ prakalpyātha gomayenopalepayet

— he should fashion a platform of clay, one cubit in height and two cubits in width, and then plaster it with cow-dung.

Verse 63 (shiva.kailasa.21.63)

चतुरस्रं च तन्मध्ये गन्धाक्षतसमन्वितेः । सुगन्धकुसुमैर्बिल्वैस्तुलस्या च समर्चयेत्

caturasraṁ ca tanmadhye gandhākṣatasamanviteḥ | sugandhakusumairbilvaistulasyā ca samarcayet

In the middle of that, having made a square, he should worship it well with sandal-paste and unbroken rice, together with fragrant flowers, bilva leaves, and tulasi.

Verse 64 (shiva.kailasa.21.64)

प्रणवेन ततो दद्याद् धूपदीपौ पयो हविः । दत्त्वा प्रदक्षिणीकृत्य नमस्कुर्याच्च पञ्चधा

praṇavena tato dadyād dhūpadīpau payo haviḥ | dattvā pradakṣiṇīkṛtya namaskuryācca pañcadhā

With the Pranava he should then offer incense, lamp, milk, and oblation; having offered these, he should circumambulate and bow in five ways.

Verse 65 (shiva.kailasa.21.65)

प्रणवं द्वादशावृत्त्वा सञ्जप्य प्रणमेत्ततः । दिग्विदिक्क्रमतो दद्याद् ब्रह्मार्घ्यं प्रणवेन च

praṇavaṁ dvādaśāvṛttvā sañjapya praṇamettataḥ | digvidikkramato dadyād brahmārghyaṁ praṇavena ca

Having recited the Pranava twelve times, he should bow; and, in the order of the directions and intermediate directions, offer the Brahma-arghya with the Pranava.

Verse 66 (shiva.kailasa.21.66)

एवं दशाहपर्यन्तं विधिस्ते समुदाहृतः । यतीनां मुनिवर्याथैकादशाहविधिं शृणु

evaṁ daśāhaparyantaṁ vidhiste samudāhṛtaḥ | yatīnāṁ munivaryāthaikādaśāhavidhiṁ śṛṇu

Thus has the rite up to the tenth day been declared to you; now, O best of sages, hear the rite of the eleventh day for renunciants.