The Greatness of Jalashayi (Chakra-tirtha)

Verse 1 (skanda.5.245.1)

श्रीमार्कण्डेय उवाच - रेवाया उत्तरे कूले वैष्णवं तीर्थमुत्तमम्। जलशायीति वै नाम विख्यातं वसुधातले

śrīmārkaṇḍeya uvāca - revāyā uttare kūle vaiṣṇavaṁ tīrthamuttamam| jalaśāyīti vai nāma vikhyātaṁ vasudhātale

Shri Markandeya said: "On the northern bank of the Reva there is an excellent Vaishnava ford, known by the name Jalashayi, the one who lies in the water, renowned upon the earth."

Verse 2 (skanda.5.245.2)

दानवानां वधं कृत्वा सुप्तस्तत्र जनार्दनः। चक्रं प्रक्षालितं तत्र देवदेवेन चक्रिणा। सुदर्शनं च निष्पापं रेवाजलसमाश्रयात्

dānavānāṁ vadhaṁ kṛtvā suptastatra janārdanaḥ| cakraṁ prakṣālitaṁ tatra devadevena cakriṇā| sudarśanaṁ ca niṣpāpaṁ revājalasamāśrayāt

Having slain the demons, Janardana lay down to sleep there; there the discus-bearing God of gods washed his discus, and Sudarshana became free of sin by resorting to the waters of the Reva.

Verse 3 (skanda.5.245.3)

युधिष्ठिर उवाच - चक्रतीर्थं समाचक्ष्व मुनिसंघैश्च वन्दितम्। विष्णोः प्रभावमतुलं रेवायाश्चैव यत्फलम्

yudhiṣṭhira uvāca - cakratīrthaṁ samācakṣva munisaṁghaiśca vanditam| viṣṇoḥ prabhāvamatulaṁ revāyāścaiva yatphalam

Yudhishthira said: "Tell me of Chakra-tirtha, honored by hosts of sages, of the matchless glory of Vishnu, and of that fruit belonging to the Reva."

Verse 4 (skanda.5.245.4)

श्रीमार्कण्डेय उवाच - साधु साधु महाप्राज्ञ विरक्तस्त्वं युधिष्ठिर। गुह्याद्गुह्यतरं तीर्थं निर्मितं चक्रिणा स्वयम्

śrīmārkaṇḍeya uvāca - sādhu sādhu mahāprājña viraktastvaṁ yudhiṣṭhira| guhyādguhyataraṁ tīrthaṁ nirmitaṁ cakriṇā svayam

Shri Markandeya said: "Well said, well said, O greatly wise Yudhishthira, truly you are detached; this ford, more secret than the secret, was made by the discus-bearer himself."

Verse 5 (skanda.5.245.5)

तत्तेऽहं सम्प्रवक्ष्यामि कथां पापप्रणाशिनीम्। आसीत्पुरा महादैत्यस्तालमेघ इति श्रुतः

tatte'haṁ sampravakṣyāmi kathāṁ pāpapraṇāśinīm| āsītpurā mahādaityastālamegha iti śrutaḥ

I shall now relate to you a tale that destroys sin: There once was, of old, a great demon known by the name Talamegha.

Verse 6 (skanda.5.245.6)

तेन देवा जिताः सर्वे हृतराज्या नराधिप। यज्ञभागान् स्वयं भुङ्क्ते अहं विष्णुर्न संशयः

tena devā jitāḥ sarve hṛtarājyā narādhipa| yajñabhāgān svayaṁ bhuṅkte ahaṁ viṣṇurna saṁśayaḥ

By him all the gods were conquered, O lord of men, and their kingdom taken away; he himself enjoyed the shares of sacrifice, declaring, "I am Vishnu, there is no doubt."

Verse 7 (skanda.5.245.7)

धनदस्य हृतं चित्तं हृतः शक्रस्य वारणः। इन्द्राणीं वाञ्छते पापो हयरत्नं रवेरपि

dhanadasya hṛtaṁ cittaṁ hṛtaḥ śakrasya vāraṇaḥ| indrāṇīṁ vāñchate pāpo hayaratnaṁ raverapi

Kubera's mind was seized, Indra's elephant was taken away; the wicked one desired Indrani, and also the Sun's jewel of a horse.

Verse 8 (skanda.5.245.8)

तालमेघभयात्पार्थ रविरुद्राः सवासवाः। यमः स्कन्दो जलेशोऽग्निर्वायुर्देवो धनेश्वरः

tālameghabhayātpārtha ravirudrāḥ savāsavāḥ| yamaḥ skando jaleśo'gnirvāyurdevo dhaneśvaraḥ

Out of fear of Talamegha, O Partha, the Sun, the Rudras together with Vasava (Indra), Yama, Skanda, the Lord of Waters, Agni, the Wind-god, and Dhaneshvara (Kubera) —

Verse 9 (skanda.5.245.9)

सवाक्पतिमहेशाश्च नष्टचित्ताः पितामहम्। गता देवा ब्रह्मलोकं तत्र दृष्ट्वा पितामहम्

savākpatimaheśāśca naṣṭacittāḥ pitāmaham| gatā devā brahmalokaṁ tatra dṛṣṭvā pitāmaham

together with Vachaspati (Brihaspati) and Mahesha, their minds shattered, went to the Grandsire; the gods went to Brahmaloka, and there, having seen the Grandsire,

Verse 10 (skanda.5.245.10)

तुष्टुवुर्विविधैः स्तोत्रैर्वागीशप्रमुखाः सुराः। गुणत्रयविभागाय पश्चाद्भेदमुपेयुषे

tuṣṭuvurvividhaiḥ stotrairvāgīśapramukhāḥ surāḥ| guṇatrayavibhāgāya paścādbhedamupeyuṣe

the gods, led by Vagisha (Brihaspati), praised him with various hymns — him who, for the sake of dividing the three gunas, had afterward taken on differentiation.

Verse 11 (skanda.5.245.11)

दृष्ट्वा देवान्निरुत्साहान् विवर्णानवनीपते। प्रसादाभिमुखो देवः प्रत्युवाच दिवौकसः

dṛṣṭvā devānnirutsāhān vivarṇānavanīpate| prasādābhimukho devaḥ pratyuvāca divaukasaḥ

Seeing the gods dejected and pale, O lord of the earth, that god, inclined to grace, replied to the dwellers of heaven.

Verse 12 (skanda.5.245.12)

ब्रह्मोवाच - स्वागतं सुरसङ्घस्य कान्तिर्नष्टा पुरातनी। हिमक्लिष्टप्रभावेण ज्योतींषीव मुखानि वः

brahmovāca - svāgataṁ surasaṅghasya kāntirnaṣṭā purātanī| himakliṣṭaprabhāveṇa jyotīṁṣīva mukhāni vaḥ

Brahma said: "Welcome, host of gods. Your ancient splendor is lost; your faces, as if by the dulling effect of frost, look like dimmed heavenly lights."

Verse 13 (skanda.5.245.13)

प्रशमादर्चिषामेतदनुद्गीर्णं सुरायुधम्। वृत्रस्य हन्तुः कुलिशं कुण्ठितश्रीव लक्ष्यते

praśamādarciṣāmetadanudgīrṇaṁ surāyudham| vṛtrasya hantuḥ kuliśaṁ kuṇṭhitaśrīva lakṣyate

Because its flames have dimmed, this weapon of the gods lies unraised; the thunderbolt of the slayer of Vritra seems to appear with blunted splendor.

Verse 14 (skanda.5.245.14)

किं चायमरिदुर्वारः पाणौ पाशः प्रचेतसः। मन्त्रेण हतवीर्यस्य फणिनो दैन्यमाश्रितः

kiṁ cāyamaridurvāraḥ pāṇau pāśaḥ pracetasaḥ| mantreṇa hatavīryasya phaṇino dainyamāśritaḥ

And this noose in the hand of Pracetas, unstoppable against foes — like a serpent whose power a spell has destroyed — seems to have taken on wretchedness.

Verse 15 (skanda.5.245.15)

कुबेरस्य मनःशल्यं शंसतीव पराभवम्। अपविद्धगतो वायुर्भग्नशाख इव द्रुमः

kuberasya manaḥśalyaṁ śaṁsatīva parābhavam| apaviddhagato vāyurbhagnaśākha iva drumaḥ

It seems to proclaim the thorn in Kubera's heart and his defeat; the Wind-god, cast down and astray, appears like a tree with its branches broken.

Verse 16 (skanda.5.245.16)

यमोऽपि विलिखन्भूमिं दण्डेनास्तमितत्विषा। कुरुतेऽस्मिन्नमोघोऽपि निर्वाणालातलाघवम्

yamo'pi vilikhanbhūmiṁ daṇḍenāstamitatviṣā| kurute'sminnamogho'pi nirvāṇālātalāghavam

Even Yama, his light dimmed, scratching the ground with his staff, though unfailing, shows here the lightness of an extinguished firebrand.

Verse 17 (skanda.5.245.17)

अमी च कथमादित्याः प्रतापक्षतिशीतलाः। चित्रन्यस्ता इव गताः प्रकामालोकनीयताम्

amī ca kathamādityāḥ pratāpakṣatiśītalāḥ| citranyastā iva gatāḥ prakāmālokanīyatām

And how is it that these Adityas, their fiery power cooled and diminished, have become, as it were, like figures set in a painting, fit to be gazed upon freely?

Verse 18 (skanda.5.245.18)

तद्ब्रूत वत्साः किमितः प्रार्थयध्वं समागताः। किमागमनकृत्यं वो ब्रूत निःसंशयं सुराः

tadbrūta vatsāḥ kimitaḥ prārthayadhvaṁ samāgatāḥ| kimāgamanakṛtyaṁ vo brūta niḥsaṁśayaṁ surāḥ

So tell me, children, what do you seek in coming here? Tell me without doubt, O gods, the purpose of your coming.

Verse 19 (skanda.5.245.19)

मयि सृष्टिर्हि लोकानां रक्षा युष्मास्ववस्थिता। ततो मन्दानिलोद्भूतकमलाकरशोभिना

mayi sṛṣṭirhi lokānāṁ rakṣā yuṣmāsvavasthitā| tato mandānilodbhūtakamalākaraśobhinā

For the creation of the worlds rests in me, but their protection rests in you. Then, resplendent like a lotus-bed stirred by a gentle breeze,

Verse 20 (skanda.5.245.20)

गुरुं नेत्रसहस्रेण प्रेरयामास वृत्रहा। स द्विनेत्रं हरेश्चक्षुः सहस्रनयनाधिकम्

guruṁ netrasahasreṇa prerayāmāsa vṛtrahā| sa dvinetraṁ hareścakṣuḥ sahasranayanādhikam

Vritrahan (Indra) urged Guru (Brihaspati) on with his thousand eyes; though two-eyed, he became, like the eye of Hari, more radiant even than the thousand-eyed one.

Verse 21 (skanda.5.245.21)

वाचस्पतिरुवाचेदं प्राञ्जलिर्जलजासनम्। युष्मद्वंशोद्भवस्तात तालमेघो महाबलः

vācaspatiruvācedaṁ prāñjalirjalajāsanam| yuṣmadvaṁśodbhavastāta tālamegho mahābalaḥ

Vachaspati, with joined palms, spoke thus to him seated on the lotus: "Father, the mighty Talamegha, born of your own lineage,

Verse 22 (skanda.5.245.22)

उपतापयते देवान्धूमकेतुरिवोच्छ्रितः। तेन देवगणाः सर्वे दुःखिता दानवेन च

upatāpayate devāndhūmaketurivocchritaḥ| tena devagaṇāḥ sarve duḥkhitā dānavena ca

torments the gods, risen up like a comet. By that demon all the hosts of gods have become afflicted.

Verse 23 (skanda.5.245.23)

तालमेघो दैत्यपतिः सर्वान्नो बाधते बली। तस्मात्त्वां शरणं प्राप्ताः शरणं नो विधे भव

tālamegho daityapatiḥ sarvānno bādhate balī| tasmāttvāṁ śaraṇaṁ prāptāḥ śaraṇaṁ no vidhe bhava

Talamegha, lord of the daityas, that mighty one, oppresses all of us. Therefore we have come to you for refuge; O Vidhi, be our refuge."

Verse 24 (skanda.5.245.24)

ततः प्रसन्नो भगवान् वेधास्तानब्रवीद्वचः

tataḥ prasanno bhagavān vedhāstānabravīdvacaḥ

Then the blessed Vedhas (Brahma), pleased, spoke this word to them —

Verse 25 (skanda.5.245.25)

ब्रह्मोवाच - तालमेघेन वो मध्ये बली तेन समः सुराः। विना माधवदेवेन साध्यो मे नैव दानवः

brahmovāca - tālameghena vo madhye balī tena samaḥ surāḥ| vinā mādhavadevena sādhyo me naiva dānavaḥ

Brahma said: "Among you, O gods, is there one as strong, equal to Talamegha? Without the god Madhava, this demon cannot be overcome even by me."

Verse 26 (skanda.5.245.26)

ततः सुरगणाः सर्वे विरिञ्चिप्रमुखा नृप। क्षीरोदं प्रस्थिताः सर्वे दुःखितास्तेन वैरिणा

tataḥ suragaṇāḥ sarve viriñcipramukhā nṛpa| kṣīrodaṁ prasthitāḥ sarve duḥkhitāstena vairiṇā

Then, O king, all the hosts of gods, headed by Virinchi, afflicted by that foe, all set out for the Ocean of Milk.

Verse 27 (skanda.5.245.27)

त्वरिताः प्रस्थिता देवाः केशवं द्रष्टुकाम्यया। क्षीरोदं सागरं गत्वास्तुवंस्ते जलशायिनम्

tvaritāḥ prasthitā devāḥ keśavaṁ draṣṭukāmyayā| kṣīrodaṁ sāgaraṁ gatvāstuvaṁste jalaśāyinam

Swiftly the gods set out, desiring to see Keshava; having reached the Ocean of Milk, they praised him who lies in the water.

Verse 28 (skanda.5.245.28)

देवा ऊचुः। जगदादिरनादिस्त्वं जगदन्तोऽप्यनन्तकः। जगन्मूर्तिरमूर्तिस्त्वं जय गीर्वाणपूजित

devā ūcuḥ| jagadādiranādistvaṁ jagadanto'pyanantakaḥ| jaganmūrtiramūrtistvaṁ jaya gīrvāṇapūjita

The gods said: "You are the beginning of the world, yet beginningless; you are the end of the world, yet endless. You are the form of the world, yet formless. Victory to you, worshipped by the gods!"

Verse 29 (skanda.5.245.29)

जय क्षीरोदशयन जय लक्ष्म्या सदा वृत। जय दानवनाशाय जय देवकिनन्दन

jaya kṣīrodaśayana jaya lakṣmyā sadā vṛta| jaya dānavanāśāya jaya devakinandana

"Victory to you who lie upon the Ocean of Milk! Victory to you who are ever accompanied by Lakshmi! Victory to you, destroyer of demons! Victory to you, son of Devaki!"

Verse 30 (skanda.5.245.30)

जय शङ्खगदापाणे जय चक्रधर प्रभो। इति देवस्तुतिं श्रुत्वा प्रबुद्धो जलशाय्यथ

jaya śaṅkhagadāpāṇe jaya cakradhara prabho| iti devastutiṁ śrutvā prabuddho jalaśāyyatha

"Victory to you, holder of conch and mace! Victory to you, O Lord, bearer of the discus!" Hearing this praise of the gods, He who lies in the water awoke.

Verse 31 (skanda.5.245.31)

उवाच मधुरां वाणीं मेघगम्भीरनिस्वनाम्। किमर्थं बोधितो ब्रह्मन् समर्थैर्वः सुरासुरैः

uvāca madhurāṁ vāṇīṁ meghagambhīranisvanām| kimarthaṁ bodhito brahman samarthairvaḥ surāsuraiḥ

He spoke in a sweet voice, resonant and deep as thunder: "For what reason have I been awakened, O Brahman, by you capable gods?"

Verse 32 (skanda.5.245.32)

ब्रह्मोवाच - तालमेघभयात्कृष्ण सम्प्राप्तास्तव मन्दिरम्। न वध्यः कस्यचित्पापस्तालमेघो जनार्दन

brahmovāca - tālameghabhayātkṛṣṇa samprāptāstava mandiram| na vadhyaḥ kasyacitpāpastālamegho janārdana

Brahma said: "Out of fear of Talamegha, O Krishna, we have come to your abode. This sinful Talamegha cannot be slain by anyone, O Janardana."

Verse 33 (skanda.5.245.33)

त्वमेव जहि तं दुष्टं मृत्युं यास्यति नान्यथा

tvameva jahi taṁ duṣṭaṁ mṛtyuṁ yāsyati nānyathā

"You alone can slay that wicked one; he will meet death in no other way."

Verse 34 (skanda.5.245.34)

श्रीकृष्ण उवाच - स्वस्थानं गम्यतां देवाः स्वकीयां लभत प्रजाम्। दुष्टात्मानं हनिष्यामि तालमेघं महाबलम्

śrīkṛṣṇa uvāca - svasthānaṁ gamyatāṁ devāḥ svakīyāṁ labhata prajām| duṣṭātmānaṁ haniṣyāmi tālameghaṁ mahābalam

Shri Krishna said: "Return, O gods, to your own abodes, and regain your own subjects; I shall slay the wicked, mighty Talamegha."

Verse 35 (skanda.5.245.35)

स्थानं ब्रुवन्तु मे देवा वसेद्यत्र स दानवः

sthānaṁ bruvantu me devā vasedyatra sa dānavaḥ

"Let the gods tell me the place where that demon dwells."

Verse 36 (skanda.5.245.36)

देवा ऊचुः। हिमाचलगुहायां स वसते दानवेश्वरः। चतुर्विंशतिसाहस्रैः कन्याभिः परिवारितः

devā ūcuḥ| himācalaguhāyāṁ sa vasate dānaveśvaraḥ| caturviṁśatisāhasraiḥ kanyābhiḥ parivāritaḥ

The gods said: "That lord of demons dwells in a cave of the Himalaya, surrounded by twenty-four thousand maidens."

Verse 37 (skanda.5.245.37)

तुरङ्गैः स्यन्दनैः कृष्ण संख्या तस्य न विद्यते। नटा नानाविधास्तत्र असंख्यातगुणा हरे

turaṅgaiḥ syandanaiḥ kṛṣṇa saṁkhyā tasya na vidyate| naṭā nānāvidhāstatra asaṁkhyātaguṇā hare

"O Krishna, his horses and chariots are beyond counting; there are dancers of many kinds, O Hari, innumerable in their variety."

Verse 38 (skanda.5.245.38)

द्विरदाः पर्वताकारा हयाश्च द्विरदोपमाः। महाबलो वसेत्तत्र गीर्वाणभयदायकः

dviradāḥ parvatākārā hayāśca dviradopamāḥ| mahābalo vasettatra gīrvāṇabhayadāyakaḥ

"His elephants are mountain-like in size, and his horses are like elephants; that mighty terror of the gods dwells there."

Verse 39 (skanda.5.245.39)

श्रुत्वा देवो वचस्तेषां देवानामातुरात्मनाम्। अचिन्तयद्गरुत्मन्तं शत्रुसङ्घविनाशनम्

śrutvā devo vacasteṣāṁ devānāmāturātmanām| acintayadgarutmantaṁ śatrusaṅghavināśanam

Having heard the words of those distressed gods, the Lord thought of Garutman, destroyer of hosts of enemies.

Verse 40 (skanda.5.245.40)

चक्रं करेण संगृह्य गदाचक्रधरः प्रभुः। शार्ङ्गं च मुशलं सीरं करैर्गृह्य जनार्दनः

cakraṁ kareṇa saṁgṛhya gadācakradharaḥ prabhuḥ| śārṅgaṁ ca muśalaṁ sīraṁ karairgṛhya janārdanaḥ

Taking the discus in hand, the mace-and-discus-bearing Lord, and taking also the bow Sharnga, the club, and the plow, Janardana —

Verse 41 (skanda.5.245.41)

आरूढः पक्षिराजेन्द्रं वधार्थं दानवस्य च। दानवस्य पुरे पेतुरुत्पाता घोररूपिणः

ārūḍhaḥ pakṣirājendraṁ vadhārthaṁ dānavasya ca| dānavasya pure peturutpātā ghorarūpiṇaḥ

mounted the king of birds to slay the demon. In the demon's city, omens of terrible aspect fell.

Verse 42 (skanda.5.245.42)

गोमायुर्गृध्रमध्ये तु कपोतैः सममाविशत्। विना वातेन तस्यैव ध्वजदण्डः पपात ह

gomāyurgṛdhramadhye tu kapotaiḥ samamāviśat| vinā vātena tasyaiva dhvajadaṇḍaḥ papāta ha

A jackal entered among the vultures together with pigeons; without any wind, his very flagstaff fell down.

Verse 43 (skanda.5.245.43)

सर्पसूषकयोर्युद्धं तथा केसरिनागयोः। उन्मार्गाः सरितस्तत्रावहन्रक्तविमिश्रिताः। अकालतरुपुष्पाणि दृश्यन्ते स्म समन्ततः

sarpasūṣakayoryuddhaṁ tathā kesarināgayoḥ| unmārgāḥ saritastatrāvahanraktavimiśritāḥ| akālatarupuṣpāṇi dṛśyante sma samantataḥ

There was a fight between serpent and mongoose, and likewise between lion and elephant; rivers ran off their courses, mixed with blood; trees blossomed out of season, seen on every side.

Verse 44 (skanda.5.245.44)

ततः प्राप्तो जगन्नाथो हिमवन्तं नगेश्वरम्। पाञ्चजन्यश्वसहसा पूरितः पुरसन्निधौ

tataḥ prāpto jagannātho himavantaṁ nageśvaram| pāñcajanyaśvasahasā pūritaḥ purasannidhau

Then the Lord of the universe reached Himavan, king of mountains; near the city, all at once the air was filled with the blast of the conch Panchajanya.

Verse 45 (skanda.5.245.45)

तेन शब्देन महता ह्यारूढो दानवेश्वरः। उवाच च तदा वाक्यं तालमेघो महाबलः

tena śabdena mahatā hyārūḍho dānaveśvaraḥ| uvāca ca tadā vākyaṁ tālamegho mahābalaḥ

By that great sound the lord of demons mounted up, and then mighty Talamegha spoke these words —

Verse 46 (skanda.5.245.46)

तालमेघ उवाच - कोऽयं मृत्युवशं प्राप्तो ह्यज्ञात्वा मम विक्रमम्। धुन्धुमाराज्ञया ह्याशु स्वसैन्यपरिवारितः

tālamegha uvāca - ko'yaṁ mṛtyuvaśaṁ prāpto hyajñātvā mama vikramam| dhundhumārājñayā hyāśu svasainyaparivāritaḥ

Talamegha said: "Who is this that has come under the sway of death, not knowing my valor? O Dhundhumara, at my command, swiftly, surrounded by your own army,

Verse 47 (skanda.5.245.47)

बलादानय तं बद्ध्वा ममाग्रे बहुशालिनम्

balādānaya taṁ baddhvā mamāgre bahuśālinam

forcibly bind that greatly resourceful one and bring him before me."

Verse 48 (skanda.5.245.48)

धुन्धुमार उवाच - आनयामि न सन्देहः सुरो यक्षोऽथ किन्नरः। स्यन्दनौघैः समायुक्तो गजवाजिभटैः सह

dhundhumāra uvāca - ānayāmi na sandehaḥ suro yakṣo'tha kinnaraḥ| syandanaughaiḥ samāyukto gajavājibhaṭaiḥ saha

Dhundhumara said: "I shall bring him, no doubt, be he a god, a yaksha, or a kinnara — equipped with hosts of chariots, together with elephants, horses, and foot-soldiers."

Verse 49 (skanda.5.245.49)

हृष्टस्ततो जगद्योनिः सुपर्णस्थो महाबलः। गृह्यतां गृह्यतामेष इत्युक्तास्तेन किंकराः

hṛṣṭastato jagadyoniḥ suparṇastho mahābalaḥ| gṛhyatāṁ gṛhyatāmeṣa ityuktāstena kiṁkarāḥ

Then the mighty Source of the universe, seated on Suparna, rejoiced. "Seize him, seize him!" — thus his servants were commanded by him.

Verse 50 (skanda.5.245.50)

चतुर्दिक्षु प्रधावन्त इतश्चेतश्च सर्वतः। सुपर्णेनाग्निरूपेण दग्धास्ते शलभा यथा

caturdikṣu pradhāvanta itaścetaśca sarvataḥ| suparṇenāgnirūpeṇa dagdhāste śalabhā yathā

They rushed in the four directions, hither and thither, everywhere; but they were burnt by Suparna, who had taken the form of fire, like moths in a flame.

Verse 51 (skanda.5.245.51)

धुन्धुमारोऽपि कृष्णेन शरघातेन ताडितः। हतो वक्षःस्थले पापो मृतावस्थो रथोपरि

dhundhumāro'pi kṛṣṇena śaraghātena tāḍitaḥ| hato vakṣaḥsthale pāpo mṛtāvastho rathopari

Dhundhumara too was struck by Krishna with a blow of an arrow; the sinful one, struck in the chest, lay dead upon his chariot.

Verse 52 (skanda.5.245.52)

हाहाकारं ततः सर्वे दानवाश्चक्रुरातुराः। तालमेघस्ततः क्रुद्धो रथारूढो विनिर्गतः। ददृशे केशवं पार्थ शङ्खचक्रगदाधरम्

hāhākāraṁ tataḥ sarve dānavāścakrurāturāḥ| tālameghastataḥ kruddho rathārūḍho vinirgataḥ| dadṛśe keśavaṁ pārtha śaṅkhacakragadādharam

Then all the demons, distressed, raised a cry of lamentation. Talamegha, enraged, mounted his chariot and came forth; O Partha, he saw Keshava, bearer of conch, discus, and mace.

Verse 53 (skanda.5.245.53)

तालमेघ उवाच - अन्ये ते दानवाः कृष्ण ये हताः समरे त्वया। हिरण्यकशिपुप्रख्यानपुमांसो हि तेऽच्युत

tālamegha uvāca - anye te dānavāḥ kṛṣṇa ye hatāḥ samare tvayā| hiraṇyakaśipuprakhyānapumāṁso hi te'cyuta

Talamegha said: "Different, O Krishna, were those demons whom you slew in battle — mere men of the fame of Hiranyakashipu, O Achyuta."

Verse 54 (skanda.5.245.54)

इत्युक्त्वा दानवः पार्थ वर्षयामास सायकैः। दानवस्य शरान्मुक्तान् छेदयामास केशवः

ityuktvā dānavaḥ pārtha varṣayāmāsa sāyakaiḥ| dānavasya śarānmuktān chedayāmāsa keśavaḥ

Having said this, O Partha, the demon rained down arrows; Keshava cut down the arrows the demon released.

Verse 55 (skanda.5.245.55)

गरुत्मानवधीत्सैन्यमवध्यं यत्सुरासुरैः। कृष्णेन द्विगुणास्तस्य प्रेषिताः स्वशिलीमुखाः

garutmānavadhītsainyamavadhyaṁ yatsurāsuraiḥ| kṛṣṇena dviguṇāstasya preṣitāḥ svaśilīmukhāḥ

Garutman slew the army that was unslayable even by gods and demons; by Krishna, twice as many of his own sharp shafts were sent.

Verse 56 (skanda.5.245.56)

द्विगुणं द्विगुणीकृत्य प्रेषयामास दानवः। तानप्यष्टगुणैः कृष्णश्छादयामास सायकैः

dviguṇaṁ dviguṇīkṛtya preṣayāmāsa dānavaḥ| tānapyaṣṭaguṇaiḥ kṛṣṇaśchādayāmāsa sāyakaiḥ

The demon doubled that double again and sent them; those too Krishna covered over with eightfold arrows.

Verse 57 (skanda.5.245.57)

ततः क्रुद्धेन दैत्येन ह्याग्नेयं बाणमुत्तमम्

tataḥ kruddhena daityena hyāgneyaṁ bāṇamuttamam

Then the enraged daitya released the excellent Agneya, the fire weapon.

Verse 58 (skanda.5.245.58)

वारुणं प्रेषयामास त्वाग्नेयं शमितं ततः। वारुणेनैव वायव्यं तालमेघो व्यसर्जयत्

vāruṇaṁ preṣayāmāsa tvāgneyaṁ śamitaṁ tataḥ| vāruṇenaiva vāyavyaṁ tālamegho vyasarjayat

Krishna sent the Varuna weapon, by which the Agneya weapon was quenched; then, against the Varuna, Talamegha released the Vayavya, the wind weapon.

Verse 59 (skanda.5.245.59)

सार्पं चैव हृषीकेशो वायव्यस्य प्रशान्तये। नारसिंहं नृसिंहोऽपि प्रेषयामास पाण्डव

sārpaṁ caiva hṛṣīkeśo vāyavyasya praśāntaye| nārasiṁhaṁ nṛsiṁho'pi preṣayāmāsa pāṇḍava

Hrishikesha sent the Sarpa, the serpent weapon, to still the Vayavya; and, O Pandava, Krishna then sent the Narasimha weapon.

Verse 60 (skanda.5.245.60)

नारसिंहं ततो दृष्ट्वा तालमेघो महाबलः। उत्तीर्य स्यन्दनाच्छीघ्रं गृहीत्वा खड्गचर्मणी

nārasiṁhaṁ tato dṛṣṭvā tālamegho mahābalaḥ| uttīrya syandanācchīghraṁ gṛhītvā khaḍgacarmaṇī

Seeing the Narasimha weapon, mighty Talamegha quickly leapt down from his chariot, seizing sword and shield —

Verse 61 (skanda.5.245.61)

कृष्ण त्वां प्रेषयिष्यामि यममार्गं सुदारुणम्। इत्युक्त्वा दानवः पार्थ आगतः केशवं प्रति

kṛṣṇa tvāṁ preṣayiṣyāmi yamamārgaṁ sudāruṇam| ityuktvā dānavaḥ pārtha āgataḥ keśavaṁ prati

"O Krishna, I shall send you upon the most terrible path of Yama" — saying this, O Partha, the demon advanced toward Keshava.

Verse 62 (skanda.5.245.62)

खड्गेनाताडयद्दैत्यो गदापाणिं जनार्दनम्। मण्डलाग्रं ततो गृह्य केशवो हृष्टमानसः

khaḍgenātāḍayaddaityo gadāpāṇiṁ janārdanam| maṇḍalāgraṁ tato gṛhya keśavo hṛṣṭamānasaḥ

The daitya struck Janardana, the mace-bearer, with his sword. Then Keshava, seizing the rim of his shield, glad at heart —

Verse 63 (skanda.5.245.63)

जघनोरःस्थले पार्थ तालमेघं महाहवे। जनार्दनस्तदा दैत्यं दैत्यो हरिमहन्मृधे

jaghanoraḥsthale pārtha tālameghaṁ mahāhave| janārdanastadā daityaṁ daityo harimahanmṛdhe

struck Talamegha on hip and chest in that great battle, O Partha; thus Janardana struck the daitya, and the daitya struck Hari, in that combat.

Verse 64 (skanda.5.245.64)

जनार्दनस्ततः क्रुद्धस्तालमेघाय भारत। अमोघं चक्रमादाय मुक्तं तस्य च मूर्धनि

janārdanastataḥ kruddhastālameghāya bhārata| amoghaṁ cakramādāya muktaṁ tasya ca mūrdhani

Then, O Bharata, Janardana, enraged, took up his unfailing discus and released it upon Talamegha's head.

Verse 65 (skanda.5.245.65)

निपपात शिरस्तस्य पर्वताश्च चकम्पिरे। समुद्राः क्षुभिताः पार्थ नद्य उन्मार्गगामिनीः

nipapāta śirastasya parvatāśca cakampire| samudrāḥ kṣubhitāḥ pārtha nadya unmārgagāminīḥ

His head fell; the mountains trembled; the oceans were agitated, O Partha, and the rivers ran off their courses.

Verse 66 (skanda.5.245.66)

पुष्पवृष्टिं ततो देवा मुमुचुः केशवोपरि। अवध्यः सुरसङ्घानां सूदितः केशव त्वया

puṣpavṛṣṭiṁ tato devā mumucuḥ keśavopari| avadhyaḥ surasaṅghānāṁ sūditaḥ keśava tvayā

Then the gods showered flowers upon Keshava: "He who was unslayable by the hosts of gods has been slain by you, O Keshava."

Verse 67 (skanda.5.245.67)

स्वस्थाश्चैव ततो देवास्तालमेघे निपातिते। जनार्दनोऽपि कौन्तेय नर्मदातटमाश्रितः

svasthāścaiva tato devāstālameghe nipātite| janārdano'pi kaunteya narmadātaṭamāśritaḥ

With Talamegha fallen, the gods became at ease; and Janardana too, O son of Kunti, took his abode on the bank of the Narmada.

Verse 68 (skanda.5.245.68)

क्षीरोदां नर्मदां मत्वा अनन्तभुजगोपरि। लक्ष्म्या समन्वितः कृष्णो निलीनश्चोत्तरे तटे

kṣīrodāṁ narmadāṁ matvā anantabhujagopari| lakṣmyā samanvitaḥ kṛṣṇo nilīnaścottare taṭe

Regarding the Narmada as the Ocean of Milk, Krishna, together with Lakshmi, lay hidden upon Ananta the serpent, on the northern bank.

Verse 69 (skanda.5.245.69)

चक्रं विभीषणं मर्त्ये ज्वालामालासमन्वितम्। पतितं नर्मदातोये जलशायिसमीपतः

cakraṁ vibhīṣaṇaṁ martye jvālāmālāsamanvitam| patitaṁ narmadātoye jalaśāyisamīpataḥ

The discus, terrifying to mortals, garlanded with flames, fell into the waters of the Narmada near Jalashayi.

Verse 70 (skanda.5.245.70)

निर्धूतकल्मषं जातं नर्मदातोययोगतः। तालमेघवधोत्पन्नं यत्पापं नृपनन्दन

nirdhūtakalmaṣaṁ jātaṁ narmadātoyayogataḥ| tālameghavadhotpannaṁ yatpāpaṁ nṛpanandana

Through contact with the waters of the Narmada it became cleansed of impurity — O prince, whatever sin had arisen from the slaying of Talamegha.

Verse 71 (skanda.5.245.71)

तत्स्रवं क्षालितं सद्यो नर्मदांभसि भारत। तदाप्रभृति लोकेऽस्मिञ्जलशायी महीपते

tatsravaṁ kṣālitaṁ sadyo narmadāṁbhasi bhārata| tadāprabhṛti loke'smiñjalaśāyī mahīpate

That taint, O Bharata, was instantly washed away in the waters of the Narmada; from that time on, O lord of the earth, this place in the world is known as Jalashayi.

Verse 72 (skanda.5.245.72)

चक्रतीर्थं वदन्त्यन्ये केचित्कालाघनाशनम्। विख्यातं भारते वर्षे नर्मदायां महीपते

cakratīrthaṁ vadantyanye kecitkālāghanāśanam| vikhyātaṁ bhārate varṣe narmadāyāṁ mahīpate

Some others call it Chakra-tirtha, destroyer of the sin of the age; renowned in the land of Bharata, on the Narmada, O lord of the earth.

Verse 73 (skanda.5.245.73)

तत्तीर्थस्य प्रभावोऽयं श्रूयतामवनीपते। यथाऽनन्तो हि नागानां देवानां च जनार्दनः

tattīrthasya prabhāvo'yaṁ śrūyatāmavanīpate| yathā'nanto hi nāgānāṁ devānāṁ ca janārdanaḥ

Hear now, O lord of the earth, this glory of that ford: just as Ananta is greatest among serpents, and Janardana among gods,

Verse 74 (skanda.5.245.74)

मासानां मार्गशीर्षोऽस्ति नदीनां नर्मदा यथा। मासि मार्गशिरे पार्थ ह्येकादश्यां सितेऽहनि

māsānāṁ mārgaśīrṣo'sti nadīnāṁ narmadā yathā| māsi mārgaśire pārtha hyekādaśyāṁ site'hani

just as Margashirsha is greatest of months, and the Narmada of rivers — so too, O Partha, in the month of Margashirsha, on the eleventh day of the bright fortnight,

Verse 75 (skanda.5.245.75)

गत्वा यो मनुजो भक्त्या कामक्रोधविवर्जितः। वैष्णवीं भावनां कृत्वा जलेशं तु व्रजेत वै

gatvā yo manujo bhaktyā kāmakrodhavivarjitaḥ| vaiṣṇavīṁ bhāvanāṁ kṛtvā jaleśaṁ tu vrajeta vai

whatever man, going there with devotion, free from desire and anger, having cultivated a Vaishnava disposition, approaches the Lord of the Waters,

Verse 76 (skanda.5.245.76)

एकभुक्तं च नक्तं च तथैवायाचितं नृप। उपवासं तथा दानं ब्राह्मणानां च भोजनम्

ekabhuktaṁ ca naktaṁ ca tathaivāyācitaṁ nṛpa| upavāsaṁ tathā dānaṁ brāhmaṇānāṁ ca bhojanam

and observes the eka-bhukta vow, the nakta vow, and the ayachita vow, O king, as well as fasting, gift-giving, and the feeding of brahmins —

Verse 77 (skanda.5.245.77)

करोति च कुरुश्रेष्ठ न स याति यमालयम्। यमलोकभयाद्भीता ये लोकाः पाण्डुनन्दन

karoti ca kuruśreṣṭha na sa yāti yamālayam| yamalokabhayādbhītā ye lokāḥ pāṇḍunandana

does not go, O best of the Kurus, to the abode of Yama. O son of Pandu, those beings who are afraid, in dread of Yama's realm,

Verse 78 (skanda.5.245.78)

ते पश्यन्तु श्रियः कान्तं नागपर्यङ्कशायिनम्। गोपीजनसमावृत्तं योगनिद्रां समाश्रितम्। विश्वरूपं जगन्नाथं संसारभयनाशनम्

te paśyantu śriyaḥ kāntaṁ nāgaparyaṅkaśāyinam| gopījanasamāvṛttaṁ yoganidrāṁ samāśritam| viśvarūpaṁ jagannāthaṁ saṁsārabhayanāśanam

let them behold the Beloved of Shri, reclining on his serpent couch, surrounded by the gopis, given over to yogic slumber — the universal form, Lord of the world, destroyer of the fear of worldly existence.

Verse 79 (skanda.5.245.79)

स्नापयेत्परया भक्त्या क्षौद्रक्षीरेण सर्पिषा। खण्डेन तोयमिश्रेण जगद्योनिं जनार्दनम्

snāpayetparayā bhaktyā kṣaudrakṣīreṇa sarpiṣā| khaṇḍena toyamiśreṇa jagadyoniṁ janārdanam

One should bathe Janardana, the source of the world, with supreme devotion, in honey, milk, ghee, and sugar mixed with water.

Verse 80 (skanda.5.245.80)

स्नाप्यमानं च पश्यन्ति ये लोका गतमत्सराः। ते यान्ति परमं लोकं सुरासुरनमस्कृतम्

snāpyamānaṁ ca paśyanti ye lokā gatamatsarāḥ| te yānti paramaṁ lokaṁ surāsuranamaskṛtam

Those free of envy who behold him being bathed go to the supreme world, worshipped by gods and demons.

Verse 81 (skanda.5.245.81)

घृतेन बोधयेद्दीपमथवा तैलपूरितम्। रात्रौ जागरणं कृत्वा दैवस्याग्रे विमत्सराः

ghṛtena bodhayeddīpamathavā tailapūritam| rātrau jāgaraṇaṁ kṛtvā daivasyāgre vimatsarāḥ

One should light a lamp with ghee, or one filled with oil, and, free of envy, keep vigil at night before the deity.

Verse 82 (skanda.5.245.82)

ये कथां वैष्णवीं भक्त्या शृण्वन्ति च नृपोत्तम। ब्रह्महत्यादिपापानि नश्यन्ते नात्र संशयः

ye kathāṁ vaiṣṇavīṁ bhaktyā śṛṇvanti ca nṛpottama| brahmahatyādipāpāni naśyante nātra saṁśayaḥ

O best of kings, those who with devotion listen to this Vaishnava tale — their sins, beginning with the killing of a brahmin, are destroyed; of this there is no doubt.

Verse 83 (skanda.5.245.83)

प्रदक्षिणन्ति ये मर्त्या जलशायिजगद्गुरुम्। प्रदक्षिणीकृता तैस्तु सप्तद्वीपा वसुंधरा

pradakṣiṇanti ye martyā jalaśāyijagadgurum| pradakṣiṇīkṛtā taistu saptadvīpā vasuṁdharā

Those mortals who circumambulate Jalashayi, the guru of the universe — by them the seven-continented earth itself is circumambulated.

Verse 84 (skanda.5.245.84)

ततः प्रभाते विमले पितॄन् संतर्पयेज्जलैः। श्राद्धं च ब्राह्मणैस्तत्र योग्यैः पाण्डव मानवाः

tataḥ prabhāte vimale pitṝn saṁtarpayejjalaiḥ| śrāddhaṁ ca brāhmaṇaistatra yogyaiḥ pāṇḍava mānavāḥ

Then, in the clear morning, one should offer libations of water to the ancestors; and, O Pandava, men should there perform the shraddha with worthy brahmins —

Verse 85 (skanda.5.245.85)

स्वदारनिरतैः शान्तैः परदारविवर्जकैः। वेदाभ्यसनशीलैश्च स्वकर्मनिरतैः शुभैः

svadāranirataiḥ śāntaiḥ paradāravivarjakaiḥ| vedābhyasanaśīlaiśca svakarmanirataiḥ śubhaiḥ

brahmins devoted to their own wives, peaceful, who shun other men's wives, given to the study of the Vedas, and devoted to their own duties, of auspicious conduct —

Verse 86 (skanda.5.245.86)

नित्यं यजनशीलैश्च त्रिसन्ध्यापरिपालकैः। श्रद्धया कारयेच्छ्राद्धं यदीच्छेच्छ्रेय आत्मनः

nityaṁ yajanaśīlaiśca trisandhyāparipālakaiḥ| śraddhayā kārayecchrāddhaṁ yadīcchecchreya ātmanaḥ

ever engaged in sacrifice and keeping the three daily junctures — one should perform the shraddha with faith, if one desires one's own welfare.

Verse 87 (skanda.5.245.87)

ते धन्या मानुषे लोके वन्द्या हि भुवि मानवाः। ये वसन्ति सदाकालं पादपद्माश्रया हरेः

te dhanyā mānuṣe loke vandyā hi bhuvi mānavāḥ| ye vasanti sadākālaṁ pādapadmāśrayā hareḥ

Blessed indeed are they in the world of men, and worthy of veneration on earth, those who ever dwell taking refuge at the lotus feet of Hari,

Verse 88 (skanda.5.245.88)

जलशायं प्रपश्यन्ति प्रत्यक्षं सुरनायकम्। पक्षोपवासं पाराकं व्रतं चान्द्रायणं शुभम्

jalaśāyaṁ prapaśyanti pratyakṣaṁ suranāyakam| pakṣopavāsaṁ pārākaṁ vrataṁ cāndrāyaṇaṁ śubham

who behold directly Jalashayi, the leader of the gods. The fortnight-fast, the Paraka vow, the auspicious Chandrayana vow —

Verse 89 (skanda.5.245.89)

मासोपवासमुग्रं च षष्ठान्नं पञ्चमं व्रतम्। तत्र तीर्थे तु यः कुर्यात्सोऽक्षयां गतिमाप्नुयात्

māsopavāsamugraṁ ca ṣaṣṭhānnaṁ pañcamaṁ vratam| tatra tīrthe tu yaḥ kuryātso'kṣayāṁ gatimāpnuyāt

the severe month-long fast, and the fifth vow of eating only every sixth meal — whoever performs these at that ford attains the imperishable state.

Verse 90 (skanda.5.245.90)

श्रीमार्कण्डेय उवाच - अतः परं प्रवक्ष्यामि तिलधेनोश्च यत्फलम्। यथा यस्मिन्यदा देया दाने तस्याः शुभं फलम्

śrīmārkaṇḍeya uvāca - ataḥ paraṁ pravakṣyāmi tiladhenośca yatphalam| yathā yasminyadā deyā dāne tasyāḥ śubhaṁ phalam

Shri Markandeya said: "Beyond this, I shall now declare the fruit of the sesame-cow gift — how, to whom, and when it should be given, and the auspicious fruit of that gift."

Verse 91 (skanda.5.245.91)

एतत्कथान्तरं पुण्यमृषेर्द्वैपायनात्पुरा। श्रुतं हि नैमिषे पुण्ये नारदाद्यैरनेकधा

etatkathāntaraṁ puṇyamṛṣerdvaipāyanātpurā| śrutaṁ hi naimiṣe puṇye nāradādyairanekadhā

This sacred sub-tale was formerly heard, many times over, from the sage Dvaipayana, in the holy Naimisha forest, by Narada and others.

Verse 92 (skanda.5.245.92)

इदं परममायुष्यं मङ्गल्यं कीर्तिवर्धनम्। विप्राणां श्रावयन्विद्वान्फलानन्त्यंसमश्नुते

idaṁ paramamāyuṣyaṁ maṅgalyaṁ kīrtivardhanam| viprāṇāṁ śrāvayanvidvānphalānantyaṁsamaśnute

This is supremely life-giving, auspicious, and increases fame. The wise man who recites it to brahmins obtains endless fruit.

Verse 93 (skanda.5.245.93)

बहुभ्यो न प्रदेयानि गौर्गृहं शयनं स्त्रियः। विभक्तदक्षिणा ह्येता दातारं नाप्नुवन्ति च

bahubhyo na pradeyāni gaurgṛhaṁ śayanaṁ striyaḥ| vibhaktadakṣiṇā hyetā dātāraṁ nāpnuvanti ca

A cow, a house, a bed, a wife — these should not be given jointly to many; given as a divided gift, these do not reach their giver in full merit.

Verse 94 (skanda.5.245.94)

एकमेतत्प्रदातव्यं न बहूनां युधिष्ठिर। सा च विक्रयमापन्ना दहत्यासप्तमं कुलम्

ekametatpradātavyaṁ na bahūnāṁ yudhiṣṭhira| sā ca vikrayamāpannā dahatyāsaptamaṁ kulam

This should be given to one alone, O Yudhishthira, not to many. And if it falls into a state of being sold, it burns the giver's family down to the seventh generation.

Verse 95 (skanda.5.245.95)

यथालाभा तु सर्वेषां चतुर्द्रोणा तु गौः स्मृता। द्रोणस्य वत्सकः कार्यो बहूनां वापि कामतः

yathālābhā tu sarveṣāṁ caturdroṇā tu gauḥ smṛtā| droṇasya vatsakaḥ kāryo bahūnāṁ vāpi kāmataḥ

According to what each can afford: the tila-cow is reckoned as four dronas of sesame; a calf should be made of one drona, or, for those of lesser means, proportionally as desired.

Verse 96 (skanda.5.245.96)

यस्मिन्देशे तु यन्मानं विषये वा विचारितम्। तेन मानेन तां कुर्वन्नक्षयं फलमश्नुते

yasmindeśe tu yanmānaṁ viṣaye vā vicāritam| tena mānena tāṁ kurvannakṣayaṁ phalamaśnute

In whatever land or region a particular measure is customary, making the gift by that measure, one obtains imperishable fruit.

Verse 97 (skanda.5.245.97)

सुखपूर्वं शुचौ भूमौ पुष्पधूपाक्षतैस्तथा। कर्णाभ्यां रत्ने दातव्ये दीपौ नेत्रद्वये तथा

sukhapūrvaṁ śucau bhūmau puṣpadhūpākṣataistathā| karṇābhyāṁ ratne dātavye dīpau netradvaye tathā

With ease, upon pure ground, with flowers, incense, and unbroken rice — for the two ears jewels should be given, and for the pair of eyes, two lamps.

Verse 98 (skanda.5.245.98)

श्रीखण्डमुरसि स्थाप्यं ताभ्यां चैव तु काञ्चनम्। ऊर्ध्वे मधु घृतं देयं कुर्यात्सर्षपरोमकम्

śrīkhaṇḍamurasi sthāpyaṁ tābhyāṁ caiva tu kāñcanam| ūrdhve madhu ghṛtaṁ deyaṁ kuryātsarṣaparomakam

Sandal-paste should be placed on the chest, and gold together with those ears and eyes; above, honey and ghee should be given, and mustard-seed used to form the hair.

Verse 99 (skanda.5.245.99)

कम्बले कम्बलं दद्याच्छ्रोण्यां मधु घृतं तथा। यवसं पायसं दद्याद्घृतं क्षौद्रसमन्वितम्

kambale kambalaṁ dadyācchroṇyāṁ madhu ghṛtaṁ tathā| yavasaṁ pāyasaṁ dadyādghṛtaṁ kṣaudrasamanvitam

On the blanket a woolen blanket should be given; on the haunches, honey and ghee likewise; fodder and rice-pudding should be given, and ghee combined with honey.

Verse 100 (skanda.5.245.100)

स्वर्णशृङ्गी रूप्यशिफारुक्मलाङ्गूलसंयुता। रत्नपृष्ठी तु दातव्या कांस्यपात्रावदोहिनी

svarṇaśṛṅgī rūpyaśiphārukmalāṅgūlasaṁyutā| ratnapṛṣṭhī tu dātavyā kāṁsyapātrāvadohinī

With golden horns, silver hooves, a golden tail, and a jeweled back, it should be given, fashioned to be milked into a bronze vessel.

Verse 101 (skanda.5.245.101)

यत्स्याद्बाल्यकृतं पापं यद्वा कृतमजानता। वाचा कृतं कर्मकृतं मनसा यद्विचिन्तितम्

yatsyādbālyakṛtaṁ pāpaṁ yadvā kṛtamajānatā| vācā kṛtaṁ karmakṛtaṁ manasā yadvicintitam

Whatever sin was committed in childhood, or committed unknowingly, whatever done by speech, done by deed, or merely thought in the mind —

Verse 102 (skanda.5.245.102)

जले निष्ठीवितं चैव मुशलं वापि लङ्घितम्। वृषलीगमनं चैव गुरुदारनिषेवणम्

jale niṣṭhīvitaṁ caiva muśalaṁ vāpi laṅghitam| vṛṣalīgamanaṁ caiva gurudāraniṣevaṇam

spitting into water, or stepping over a pestle, going to a low-caste woman, or approaching the wife of one's guru —

Verse 103 (skanda.5.245.103)

कन्याया गमनं चैव सुवर्णस्तेयमेव च। सुरापानं तथा चान्यत्तिलधेनुः पुनाति हि

kanyāyā gamanaṁ caiva suvarṇasteyameva ca| surāpānaṁ tathā cānyattiladhenuḥ punāti hi

violating a maiden, the theft of gold, and drinking liquor, and other such sins — the sesame-cow indeed purifies all of these.

Verse 104 (skanda.5.245.104)

अहोरात्रोपवासेन विधिवत्तां विसर्जयेत्। या सा यमपुरे घोरे नदी वैतरणी स्मृता

ahorātropavāsena vidhivattāṁ visarjayet| yā sā yamapure ghore nadī vaitaraṇī smṛtā

Having fasted a day and a night, one should give it away according to rule; that river remembered as the terrible Vaitarani in Yama's dreadful realm,

Verse 105 (skanda.5.245.105)

वालुकायोऽश्मस्थला च पच्यते यत्र दुष्कृती। अवीचिर्नरको यत्र यत्र यामलपर्वतौ

vālukāyo'śmasthalā ca pacyate yatra duṣkṛtī| avīcirnarako yatra yatra yāmalaparvatau

and the sand-hell and the stone-region, where the evildoer is cooked; the Avichi hell, and the twin mountains of Yama —

Verse 106 (skanda.5.245.106)

यत्र लोहमुखाः काका यत्र श्वानो भयंकराः। असिपत्त्रवनं चैव यत्र सा कूटशाल्मली

yatra lohamukhāḥ kākā yatra śvāno bhayaṁkarāḥ| asipattravanaṁ caiva yatra sā kūṭaśālmalī

where there are iron-beaked crows, where there are terrifying dogs, the forest of sword-leaves, and that deceptive silk-cotton tree —

Verse 107 (skanda.5.245.107)

तान्सुखेन व्यतिक्रम्य धर्मराजालयं व्रजेत्। धर्मराजस्तु तं दृष्ट्वा सूनृतं वक्ति भारत

tānsukhena vyatikramya dharmarājālayaṁ vrajet| dharmarājastu taṁ dṛṣṭvā sūnṛtaṁ vakti bhārata

having passed beyond all these with ease, one goes to the abode of Dharmaraja; and Dharmaraja, O Bharata, seeing him, speaks kindly, truthful words —

Verse 108 (skanda.5.245.108)

विमानमुत्तमं योग्यं मणिरत्नविभूषितम्। अत्रारुह्य नरश्रेष्ठ प्रयाहि परमां गतिम्

vimānamuttamaṁ yogyaṁ maṇiratnavibhūṣitam| atrāruhya naraśreṣṭha prayāhi paramāṁ gatim

"Here is an excellent, fitting celestial chariot, adorned with jewels and gems; mount it, O best of men, and go to the supreme destination."

Verse 109 (skanda.5.245.109)

मा च चाटु भटे देहि मैव देहि पुरोहिते। मा च काणे विरूपे च न्यूनाङ्गे न च देवले

mā ca cāṭu bhaṭe dehi maiva dehi purohite| mā ca kāṇe virūpe ca nyūnāṅge na ca devale

As for the gift: do not give it to a flatterer or a soldier, do not give it to a family priest, nor to a one-eyed man, a deformed man, one with a defective limb, nor to a temple-priest,

Verse 110 (skanda.5.245.110)

अवेदविदुषे नैव ब्राह्मणे सर्वविक्रये। मित्रघ्ने च कृतघ्ने च मन्त्रहीने तथैव च

avedaviduṣe naiva brāhmaṇe sarvavikraye| mitraghne ca kṛtaghne ca mantrahīne tathaiva ca

nor to a brahmin ignorant of the Veda, nor one who sells everything, nor to a betrayer of friends, nor an ingrate, nor to one devoid of sacred formulae —

Verse 111 (skanda.5.245.111)

वेदान्तगाय दातव्या श्रोत्रियाय कुटुम्बिने। वेदान्तगसुते देया श्रोत्रिये गृहपालके

vedāntagāya dātavyā śrotriyāya kuṭumbine| vedāntagasute deyā śrotriye gṛhapālake

it should be given to one versed in Vedanta, to a Shrotriya householder; it should be given to the son of a knower of Vedanta, to a Shrotriya who keeps his household —

Verse 112 (skanda.5.245.112)

सर्वाङ्गरुचिरे विप्रे सद्वृत्ते च प्रियंवदे। पूर्णिमायां तु माघस्य कार्त्तिक्यामथ भारत

sarvāṅgarucire vipre sadvṛtte ca priyaṁvade| pūrṇimāyāṁ tu māghasya kārttikyāmatha bhārata

to a brahmin handsome in every limb, of good conduct, and sweet-spoken. O Bharata, on the full moon of Magha, or of Kartika,

Verse 113 (skanda.5.245.113)

वैशाख्यां मार्गशीर्ष्यां वाषाढ्यां चैत्र्यामथापि वा। अयने विषुवे चैव व्यतीपाते च सर्वदा

vaiśākhyāṁ mārgaśīrṣyāṁ vāṣāḍhyāṁ caitryāmathāpi vā| ayane viṣuve caiva vyatīpāte ca sarvadā

or of Vaishakha, Margashirsha, Ashadha, or Chaitra also; at the solstice, at the equinox, and always at the conjunction called Vyatipata,

Verse 114 (skanda.5.245.114)

षडशीतिमुखे पुण्ये छायायां कुंजरस्य वा। एष ते कथितः कल्पस्तिलधेनोर्मयानघ

ṣaḍaśītimukhe puṇye chāyāyāṁ kuṁjarasya vā| eṣa te kathitaḥ kalpastiladhenormayānagha

at the sacred beginning of Shadashiti, or in the shadow of the elephant — this, O sinless one, is the procedure of the sesame-cow I have declared to you.

Verse 115 (skanda.5.245.115)

व्रजन्ति वैष्णवं लोकं दत्त्वा पादं यमोपरि। प्राणत्यागात्परं लोकं वैष्णवं नात्र संशयः। भित्त्वाशु भास्करं यान्ति नात्र कार्या विचारणा

vrajanti vaiṣṇavaṁ lokaṁ dattvā pādaṁ yamopari| prāṇatyāgātparaṁ lokaṁ vaiṣṇavaṁ nātra saṁśayaḥ| bhittvāśu bhāskaraṁ yānti nātra kāryā vicāraṇā

Setting their foot upon Yama, they go to the Vaishnava world; and by giving up the breath of life there, they go to the supreme Vaishnava world — of this there is no doubt; swiftly they pass, piercing through the solar orb — of this there is no need for deliberation.

Verse 116 (skanda.5.245.116)

एतत्ते सर्वमाख्यातं चक्रतीर्थफलं नृप। यच्छ्रुत्वा मानवो भक्त्या सर्वपापैः प्रमुच्यते

etatte sarvamākhyātaṁ cakratīrthaphalaṁ nṛpa| yacchrutvā mānavo bhaktyā sarvapāpaiḥ pramucyate

This, O king, is the entire fruit of Chakra-tirtha that has been declared to you; hearing it with devotion, a man is freed from all sins.