The Glory of Umapati on the Devika

Verse 1 (skanda.7.276.1)

ईश्वर उवाच। ततो गच्छेन्महादेवि ऋषितीर्थस्य सन्निधौ। कामिकं हि परं क्षेत्रं देविकानाम नामतः

īśvara uvāca| tato gacchenmahādevi ṛṣitīrthasya sannidhau| kāmikaṁ hi paraṁ kṣetraṁ devikānāma nāmataḥ

Ishvara said: Then, O great Goddess, one should go near Rishi-tirtha, where there is a supreme, desire-granting field named Devika.

Verse 2 (skanda.7.276.2)

महासिद्धिवनं तत्र ऋषिसिद्धसमावृतम्। नानाद्रुमलताकीर्णं पर्वतैरुपशोभितम्

mahāsiddhivanaṁ tatra ṛṣisiddhasamāvṛtam| nānādrumalatākīrṇaṁ parvatairupaśobhitam

There is the great Siddhivana, thronged with sages and siddhas, covered with various trees and creepers, and adorned with mountains.

Verse 3 (skanda.7.276.3)

चंपकैर्बकुलैर्दिव्यैरशोकैः स्तबकैः परैः। पुन्नागैः किंकिरातैश्च सुगन्धैर्नागकेसरैः

caṁpakairbakulairdivyairaśokaiḥ stabakaiḥ paraiḥ| punnāgaiḥ kiṁkirātaiśca sugandhairnāgakesaraiḥ

It is filled with champaka, bakula and divine ashoka trees in full-blossomed clusters, with punnaga, kimkirata, and fragrant nagakesara trees.

Verse 4 (skanda.7.276.4)

मल्लिकोत्पलपुष्पैश्च पाटलापारिजातकैः। चूतचंपकपित्थैश्च श्रीफलैः पनसैस्तथा

mallikotpalapuṣpaiśca pāṭalāpārijātakaiḥ| cūtacaṁpakapitthaiśca śrīphalaiḥ panasaistathā

It is adorned with jasmine and lotus blossoms, with patala and parijata trees, with mango, champaka and wood-apple trees, and likewise with bel and jackfruit trees.

Verse 5 (skanda.7.276.5)

खर्जूरैर्बदरैश्चान्यैर्मातुलिंगैः सदाडिमैः। जंबीरैश्चैव दिव्यैश्च नारंगैरुप शोभितम्

kharjūrairbadaraiścānyairmātuliṁgaiḥ sadāḍimaiḥ| jaṁbīraiścaiva divyaiśca nāraṁgairupa śobhitam

It is adorned too with date-palm and jujube and other trees, with citron and pomegranate, and with divine jambu and orange trees.

Verse 6 (skanda.7.276.6)

शिखिभिः कोकिलाभिश्च गीयमानं तु षट्पदैः। मृगैर्ऋक्षैर्वराहैश्च सिंहैर्व्याघ्रैस्तथा परैः

śikhibhiḥ kokilābhiśca gīyamānaṁ tu ṣaṭpadaiḥ| mṛgairṛkṣairvarāhaiśca siṁhairvyāghraistathā paraiḥ

Resounding with the songs of peacocks, cuckoos and bees, and filled with deer, bears, boars, lions, tigers and other creatures besides,

Verse 7 (skanda.7.276.7)

श्वापदैर्विविधाकारैः कन्दरै र्गह्वरैस्तथा। सुरासुरगणैः सिद्धैर्यक्षगन्धर्वपन्नगैः

śvāpadairvividhākāraiḥ kandarai rgahvaraistathā| surāsuragaṇaiḥ siddhairyakṣagandharvapannagaiḥ

with wild beasts of many forms, with caves and hidden grottoes, and crowded with hosts of gods and demons, siddhas, yakshas, gandharvas and serpents,

Verse 8 (skanda.7.276.8)

अप्सरोरगनागैश्च बहुभिस्तु समाकुलम्। केचित्स्तुवंति ईशं तु केचिन्नृत्यंति चाग्रतः

apsaroraganāgaiśca bahubhistu samākulam| kecitstuvaṁti īśaṁ tu kecinnṛtyaṁti cāgrataḥ

and thronged also with many apsaras, uragas and nagas. There some praise the Lord, while others dance before him,

Verse 9 (skanda.7.276.9)

पुष्पैर्वृष्टिं तु मुञ्चंति मुखवाद्यानि चापरे। हसंति चापरे हृष्टा गर्जंति च तथापरे

puṣpairvṛṣṭiṁ tu muñcaṁti mukhavādyāni cāpare| hasaṁti cāpare hṛṣṭā garjaṁti ca tathāpare

some shower down flowers, others play instruments with their mouths, some laugh in delight, and others roar aloud,

Verse 10 (skanda.7.276.10)

ऊर्द्ध्वबाहवस्तथा चान्ये अन्ये ध्यायंति तद्गताः। तस्मिन्स्थानं महादेवि देविकायास्तटे शुभे

ūrddhvabāhavastathā cānye anye dhyāyaṁti tadgatāḥ| tasminsthānaṁ mahādevi devikāyāstaṭe śubhe

others stand with arms raised, while yet others, absorbed in him, sit in meditation. O great Goddess, in that place on the auspicious bank of the river Devika,

Verse 11 (skanda.7.276.11)

उमापतीश्वरो नाम तत्राहं संस्थितः सदा। युगेयुगे सदा पूर्णे कल्पे मन्वन्तरे तथा

umāpatīśvaro nāma tatrāhaṁ saṁsthitaḥ sadā| yugeyuge sadā pūrṇe kalpe manvantare tathā

I dwell there forever under the name Umapatishvara — in every yuga, in every full kalpa, and in every manvantara.

Verse 12 (skanda.7.276.12)

न त्यजामि सदा देवि देविकायास्तटं शुभम्। दुर्ल्लभं सर्वलोकेऽस्मिन्पवित्रं सुप्रियं हि मे

na tyajāmi sadā devi devikāyāstaṭaṁ śubham| durllabhaṁ sarvaloke'sminpavitraṁ supriyaṁ hi me

O Goddess, I never abandon the auspicious bank of the Devika; it is rare in all the worlds, sacred, and truly dear to me.

Verse 13 (skanda.7.276.13)

त्वया सह स्थितश्चाहं तस्मि न्स्थाने वरानने। उमया युक्तदेहत्वात्तेन ख्यातं उमापतिः

tvayā saha sthitaścāhaṁ tasmi nsthāne varānane| umayā yuktadehatvāttena khyātaṁ umāpatiḥ

O fair-faced one, I dwell in that place together with you; because my body there is united with Uma, I am known there by the name Umapati.

Verse 14 (skanda.7.276.14)

पुष्यमासे त्वमावस्यां दद्याच्छ्राद्धं समाहितः। न पश्यामि क्षयं तस्य तस्मिन्दत्तस्य पार्वति

puṣyamāse tvamāvasyāṁ dadyācchrāddhaṁ samāhitaḥ| na paśyāmi kṣayaṁ tasya tasmindattasya pārvati

Whoever, with a composed mind, offers shraddha there on the new-moon day of the month of Pushya — O Parvati, I see no diminishing of what is given there.

Verse 15 (skanda.7.276.15)

ब्रह्महत्यासहस्रं तु तस्य दर्शनतो व्रजेत्। गोभूहिरण्यवासांसि तत्र दद्याद्विचक्षणः

brahmahatyāsahasraṁ tu tasya darśanato vrajet| gobhūhiraṇyavāsāṁsi tatra dadyādvicakṣaṇaḥ

By the mere sight of him a thousand sins of brahmin-slaying depart; a wise man should give there cows, land, gold and garments.

Verse 16 (skanda.7.276.16)

स एकः परमः पुत्रो यो गत्वा तत्र सुन्दरि। ददेच्छ्राद्धं पितॄणां च तस्यांतो नैव विद्यते

sa ekaḥ paramaḥ putro yo gatvā tatra sundari| dadecchrāddhaṁ pitṝṇāṁ ca tasyāṁto naiva vidyate

O beautiful one, he alone is the supreme son who, going there, offers shraddha to the ancestors; of that merit of his there is truly no end.

Verse 17 (skanda.7.276.17)

देवैः सर्वैः समाहूता स्नानार्थं सा सरिद्वरा। देविकेति समाख्याता तेन सा पापनाशिनी

devaiḥ sarvaiḥ samāhūtā snānārthaṁ sā saridvarā| deviketi samākhyātā tena sā pāpanāśinī

That most excellent river was summoned by all the gods for the sake of bathing, and so she became known as Devika, and thus destroys sin.