The Glory of Adityeshvara (Ratneshvara)

Verse 1 (skanda.7.43.1)

॥ ईश्वर उवाच ॥ ततो गच्छेद्वरारोहे लिंगं सूर्यप्रतिष्ठितम् ॥ सोमेशात्पश्चिमे भागे धनुषां सप्तके स्थितम्॥ आदित्येश्वरनामानं सर्वपातकनाशनम्

|| īśvara uvāca || tato gacchedvarārohe liṁgaṁ sūryapratiṣṭhitam || someśātpaścime bhāge dhanuṣāṁ saptake sthitam|| ādityeśvaranāmānaṁ sarvapātakanāśanam

Ishvara said: "Then, O lovely one, one should go to the linga established by the Sun, situated seven bow-lengths west of Somesha, named Adityeshvara, destroyer of all sin."

Verse 2 (skanda.7.43.2)

त्रेतायुगे महादेवि समुद्रेण महात्मना ॥ रत्नैः संपूजितं लिंगं वर्षाणामयुतं प्रिये

tretāyuge mahādevi samudreṇa mahātmanā || ratnaiḥ saṁpūjitaṁ liṁgaṁ varṣāṇāmayutaṁ priye

In the Treta age, O great goddess, this linga was worshipped with jewels by the great-souled Ocean for ten thousand years, O beloved.

Verse 3 (skanda.7.43.3)

तेन रत्नेश्वरंनाम सांप्रतं प्रथितं क्षितौ ॥ पंचामृतेन संस्नाप्य पंचरत्नैः प्रपूजयेत्

tena ratneśvaraṁnāma sāṁprataṁ prathitaṁ kṣitau || paṁcāmṛtena saṁsnāpya paṁcaratnaiḥ prapūjayet

By that, its name "Ratneshvara" became current, renowned now upon the earth. One should bathe it with the five nectars and worship it with the five gems.

Verse 4 (skanda.7.43.4)

ततो राजोपचारेण पूजयेद्विधिवन्नरः ॥ एवं कृते महादेवि मेरुदानफलं लभेत्

tato rājopacāreṇa pūjayedvidhivannaraḥ || evaṁ kṛte mahādevi merudānaphalaṁ labhet

Then a man should worship it with royal offerings, according to rule; thus done, O great goddess, one obtains the fruit of gifting Mount Meru.

Verse 5 (skanda.7.43.5)

सर्वेषां चैव यज्ञानां दानानां नात्र संशयः

sarveṣāṁ caiva yajñānāṁ dānānāṁ nātra saṁśayaḥ

And the fruit of all sacrifices and gifts also — there is no doubt about this.

Verse 6 (skanda.7.43.6)

तीर्थानां चापि सर्वेषां यच्चान्यत्सुकृतं भुवि ॥ उद्धरेत्पितृवर्गं च मातृवर्गं च मानवः

tīrthānāṁ cāpi sarveṣāṁ yaccānyatsukṛtaṁ bhuvi || uddharetpitṛvargaṁ ca mātṛvargaṁ ca mānavaḥ

The fruit of all tirthas too, and of whatever other meritorious deed exists on earth — by this a man saves his paternal and maternal lines of ancestors.

Verse 7 (skanda.7.43.7)

बाल्ये वयसि यत्पापं वार्द्धके यौवनेऽपि वा ॥ क्षालयेच्चैव तत्सर्वं दृष्ट्वा रत्नेश्वरं नरः

bālye vayasi yatpāpaṁ vārddhake yauvane'pi vā || kṣālayeccaiva tatsarvaṁ dṛṣṭvā ratneśvaraṁ naraḥ

Whatever sin was committed in childhood, in old age, or in youth — a man washes all of it away merely by beholding Ratneshvara.

Verse 8 (skanda.7.43.8)

धेनुदानं प्रशंसंति तस्मिन्स्थाने महर्षयः ॥ धेनुदस्तारयेन्नूनं दश पूर्वान्दशापरान्

dhenudānaṁ praśaṁsaṁti tasminsthāne maharṣayaḥ || dhenudastārayennūnaṁ daśa pūrvāndaśāparān

The great sages praise the gift of a cow at that place; the giver of a cow surely delivers ten generations before him and ten after him.

Verse 9 (skanda.7.43.9)

देवस्य दक्षिणे भागे यो जपेच्छतरुद्रियम् ॥ संपूज्य विधिवल्लिंगं न स भूयः प्रजायते

devasya dakṣiṇe bhāge yo japecchatarudriyam || saṁpūjya vidhivalliṁgaṁ na sa bhūyaḥ prajāyate

Whoever, in the southern part of the god, recites the Shatarudriya, having worshipped the linga according to rule, is not born again.

Verse 10 (skanda.7.43.10)

एवं संक्षेपतः प्रोक्तमादित्येशमहोदयम् ॥ श्रुत्वाऽवधार्य यत्नेन मुच्यते कर्मबंधनैः

evaṁ saṁkṣepataḥ proktamādityeśamahodayam || śrutvā'vadhārya yatnena mucyate karmabaṁdhanaiḥ

Thus has the greatness of Adityesha been told in brief; whoever hears and carefully retains it is freed from the bonds of karma.