The Glory of Arghyeshvara

Verse 1 (skanda.7.66.1)

ईश्वर उवाच। ततो गच्छेन्महालिंगमर्घ्येश्वरमिति श्रुतम्। उत्तरे तु विशालाक्ष्या नातिदूरे व्यवस्थितम्

īśvara uvāca| tato gacchenmahāliṅgamarghyeśvaramiti śrutam| uttare tu viśālākṣyā nātidūre vyavasthitam

Ishvara said: Then one should go to the great linga known as Arghyeshvara, situated not far to the north of Vishalakshi.

Verse 2 (skanda.7.66.2)

लिंगं महाप्रभावं हि सुरगन्धर्वपूजितम्। यदा देवी समायाता वडवानलधारिणी

liṅgaṁ mahāprabhāvaṁ hi suragaṁdharvapūjitam| yadā devī samāyātā vaḍavānaladhāriṇī

That linga, of great power, is worshipped by gods and Gandharvas. When the Goddess, bearing the submarine fire, came there,

Verse 3 (skanda.7.66.3)

प्रभासक्षेत्रमासाद्य दृष्ट्वा तत्र महोदधिम्। अर्घ्यं दत्तवती तत्र विधिना तन्महोदधेः

prabhāsakṣetramāsādya dṛṣṭvā tatra mahodadhim| arghyaṁ dattavatī tatra vidhinā tanmahodadheḥ

having reached the Prabhasa field and beheld the great ocean there, she duly offered arghya to that great ocean.

Verse 4 (skanda.7.66.4)

प्रतिष्ठाप्य महल्लिंगं संपूज्य विधिना ततः। प्रविवेशाथ देवेशि स्नानार्थं च महोदधौ

pratiṣṭhāpya mahalliṅgaṁ saṁpūjya vidhinā tataḥ| praviveśātha deveśi snānārthaṁ ca mahodadhau

Then, having established the great linga and duly worshipped it, O Goddess of gods, she entered the great ocean to bathe.

Verse 5 (skanda.7.66.5)

यस्मादर्घ्यं पुरा दत्त्वा पश्चादीशः प्रतिष्ठितः। तेनार्घ्येशेति विख्यातं लिंगं पापप्रणाशनम्

yasmādarghyaṁ purā dattvā paścādīśaḥ pratiṣṭhitaḥ| tenārghyeśeti vikhyātaṁ liṅgaṁ pāpapraṇāśanam

Since arghya was offered first, and the Lord was established afterward, that sin-destroying linga became renowned by the name Arghyesha.

Verse 6 (skanda.7.66.6)

पंचामृतेन संस्नाप्य विधिना यस्तमर्चयेत्। सप्तजन्मानि देवेशि स विद्यामधिगच्छति। सम्यक्छास्त्रप्रवक्ता च सर्वसंदेहवित्तमः

paṁcāmṛtena saṁsnāpya vidhinā yastamarcayet| saptajanmāni deveśi sa vidyāmadhigacchati| samyakchāstrapravaktā ca sarvasaṁdehavittamaḥ

Whoever bathes it with the five nectars and worships it according to rite, O Goddess of gods, attains learning for seven births, becoming an accomplished expounder of scripture and the foremost resolver of all doubts.